辣殺 - 手工麻辣醬 Videos

🤫 喂喂喂～見係Friend先話你知，記住唔好同人講呀！#聽到呢句開場白你知要點做啦 . 話說「顛」已經靜靜雞上返架喇，仲喺網頁有得賣添，不過好似話賣晒就唔會再返貨！#手頭上得返唔多 #堅賣晒就收皮 #呢支嘢將會變絕版 . 相信大家都有好多疑問點解唔再出？咁咪以後都無得食？仲想食咁點算？我唯一可以答你嘅就係 #麻辣油一般都唔會點變壞 #存放得好可以擺好耐 #你知點做嘅 . 仲有咩問題嘅請一律問返我哋個反智又落後嘅正苦！如果問開幫我問埋幾時禁撚埋火麻仁！唔該！ https://killthats.shoplineapp.com/products/cbd-chilli-oil

與五萬無緣的GA油…
慘！ 無爛…. 無五萬…. #與五萬無緣的GA油

419漁夫帽
Thank you for waiting It’s finally「420」 唔講大家未必知，一年之前辣殺出咗一頂「419」嘅漁夫帽。當時純粹係想出同「420」有關嘅嘢自肥下，連包裝張卡紙都做到可以摺成一個roll tray，希望對得住420呢個牌頭，而唔係求其出樣鳩嘢。 由於一路都無大肆宣傳⋯⋯所以其實網站有得賣大家都可能唔知😂 估都估唔L到 ！一年後！全因為中國香港政府，「420」呢個日子喺香港居然係另一番景象。 所以辣殺決定今日出個post提提大家。聽日就係420，係狂歡之日，係普及教育之日，更加係約定之日。 420唔係乜嘢放寬自由嘅日子，記住自由唔應該係要靠人哋放俾你㗎，ok? p.s.有性趣嘅朋友歡迎上網站認領滄海遺珠級嘅「419」漁夫帽 p.s.2一路都做緊特價係咪唔講都無人知？ 傳送門： https://killthats.shoplineapp.com/categories/%E8%87%AA%E5%AE%B6%E8%A8%AD%E8%A8%88%E5%91%A8%E9%82%8A%E5%95%86%E5%93%81%E5%91%80%E5%96%82%EF%BC%81

《聲音導航》麻辣冰花韭菜豬肉餃教學
《聲音導航》 麻辣冰花餃子又教學嚟喇喂～ 無錯～又係我喇！今次教大家整呢個易到不得了嘅麻辣冰花韭菜豬肉餃。過程十分簡單！首先熱鑊落餃，排靚啲餃，冚蓋計時，熄火開蓋，反轉隻碟再反轉隻鑊，然後就食得喇！你睇～幾簡單！我整到你都一定整到！ 不過有幾個重點一定要提提大家！ 一定一定要‼️用平底鑊‼️ 一定一定要‼️冚蓋‼️ 一定一定要‼️確保啲餃夠熟‼️ 中火慢煎🔥 電池爐大約12-14分鐘 明火爐大約7-8分鐘 #又係我把聲喇 #自己聽返都好尷尬 #今次係有啲嘈 #無計邊有錄音室得條靜啲嘅街 #今次時間有啲趕講嘢有啲快 #成功整到就影張靚相嚟睇吓啦

「🔥 OMG FESTIVAL 🔥」 🎤我要知你對我有意思～快啲話我知你用緊嘅辣醬係乜嘢牌子～ 🎤天水圍GANG GANG ～ 🎤明星生活真係好撚煩～ 今次呢個HIP HOP SHOW將為大家帶來OG 24Herbs 同新一代本土rappers帶黎唔同時代，唔同風格嘅表演，今次齋睇個陣容就知道場面墟冚，失哂控！ KillThatS 到時都會帶埋我地自家製嘅新品，仲會有個型仔影相打卡位等緊大家，希望大家到時開到場前過黎搵我地啦💛入到場就玩得開開心心啦🔥🔥 **仲有少量門票可以搵我地買喎 #六大富豪呀喂 #OG24Herbs #新一代各有千秋 #KillthatSiscoming #咩都玩下咁囉 —————————————— #辣殺 #渣Ga #Ga油 #麻辣 #麻辣醬 #辣油 #辣醬 #KillthatS #本土 #手工製 #自家製 #hkig #hkfoodie #hkiger #hkblogger #igfood #黃 #好味 #香港 #土炮 #香港黃店 #撐黃 #市集 #香港市集 #黃店經濟圈

《香港製造需要⋯》Ep2 - 「團結」. 納雜
《香港製造需要···》 香港製造需要 —— 團結 當「一班擁有相同理念、有心嘅香港人，能夠匯聚喺香港呢個地方生存、生活」絕對係一件唔容易嘅事， 正因唔容易，大家有無諗過我哋更加需要珍惜同團結？ 我哋認為「團結」係一種你同我都會有嘅原始精神，係一種為咗做好一件事而去盡力付出嘅精神。 或者叫初心？ 或者係傳說中嘅獅子山精神？ 我地認為全部都係。 「大埔生態圈」 以本地有機菜為例，納雜罕有地提供一個平台俾本地農夫、婦女、居民去凝聚、團聚，慢慢地形成一個自給自足嘅生態圈，互相支持、互相相信、互相付出，發揮團結精神，而令呢一切變得有可能。 「香港製造，係世界第一嘅。」 我哋同樣相信「香港製造，世界第一」。無論香港嘅產業、藝術、文化，定係人性都好，無可置疑，我哋都可以喺呢個世界到展現最TOP嘅一面。 所以大家都需要相信「香港製造」 因為⋯ 「香港人」都係香港製造。 呢八個字並唔係一個口號， 係一種信念！ 只要相信呢份初心，喺自己嘅領域繼續努力，係一定會有匯聚嘅一日，到時就可以見到「團結」嘅成果。 身為香港人嘅我哋想同大家久違地講一聲， 香港人，加油！

《香港製造需要⋯》Ep1 「堅持」- Kent 叁拾士多
《香港製造需要⋯》 香港製造需要 —— 堅持 回顧過去幾十年，上一代任憑香港工業流失，不論人才、技術、廠房都爭相搬到中國，最初可能只係基於一個原因— 「錢」。無可否認，呢個係兩三代香港人嘅共業。但隨住呢幾年本土意識抬頭，到今時今日香港人會去選擇購買香港製造嘅出品，必然係出於對呢個地方嘅熱愛。 🔥「 香港製造背後背負左好多意義」 呢句說話聽落好簡單，但辣殺認為當中包含咗香港人點樣去詮釋香港嘅文化價值，從產品中呈現出香港嘅精神，去為我哋呢個族群賦予新嘅態度。 講得出一句「嘩呢樣嘢真係『好香港』喎」，感覺就好似你見到一碗拉麵，你會話「嘩，好日本呀」一樣，呢種就係以出品說話，去承載一個地方嘅文化精髓。 同樣為香港製造而努力嘅人更要謹慎去做好產品同品牌，提高品質。成功或者真係會有捷徑，但踏實去做好產品同品牌先係當前最需要嘅原素。 呢件事絕對唔係單靠一兩個有心人就可以成事，而係所有參與者（包括消費者）都要有呢股追求極致嘅工匠精神，一步一步重新雕琢、塑造「香港製造」同「香港品牌」，呢份堅持自然不脛而走。 🔥「如果你唔堅持嘅話，就唔可以成事，就會消失」 善忘，三分鐘熱度，係人性嘅表現； 堅持到底，係自我嘅信念。 曾經嘅香港人覺得香港製造淡出係理所當然；今日嘅香港人既然覺醒，只要齊心堅守信念、唔拘泥於既有嘅形式同框架，我哋相信「香港製造」仍然可以喺呢個世界佔一個舉足輕重嘅地位。 辣殺藉此再次致敬一直堅持香港製造嘅有心人，見到大有一腔熱血之餘，仲要思考「香港生產」點樣賺到錢，如何將產品做得「好香港」，實在不容易。 加油！堅持！

「RELAZ X 正經嘢食 X 辣殺」
「你唔係外賣仔！你係邊個！」 茄牛飯幾錢呀？喂唔係呀！ 你都唔係外賣仔就死開啦阻住哂🦥 睇真啲件衫好似係正經嘢食 Jing King Ye Sik嚟喎？ 不嬲都多花臣嘅佢哋有啲新搞作比大家？ relaz同辣殺兩個玩味濃嘅品牌同時出現，到底三者會擦出乜嘢火花？ 不日上映，敬請期待！

「八號風球🌪埋黎聽下書」 趁住今日唔洗返工呢，不如同大家上返一課，介紹返我地新產品想玩嘅概念🌞 CBD 係歐美國家被視為改善身心靈整體健康的營養品，而呢種化合物本來已經廣泛應用係日常生活當中。之所以話係好嘢，是因為CBD與人體的自我調節系統相互起到作用。 CBD可以調節到人體總體平衡狀態，令你嘅感官敏銳然後身體可以保持最Fit， 咁辣油同CBD有咩花火，明白未? 利申返先係每個人體質都唔同，CBD 係短期同長期內都會以唔同的方式影響每個人。 Taste 🌶 in Good Condition. Just KillThatS. Here we go. #睇到呢到既你有冇小小好奇 #有就搵我啦 #概念創新搵人讚下我地 #搵啲野寫啊可以啊 #搵啲野食啊辣殺啊 #襟埋入條Link啊都可以啊 ——————————————— #辣殺 #渣Ga #Ga油 #麻辣 #麻辣醬 #辣油 #辣醬 #KillthatS #本土 #hkig #hkfoodie #hkiger #hkblogger #igfood #黃 #cbdproducts #CBD #香港黃店 #撐黃 #市集 #香港市集 #黃店經濟圈

🌶GA油 Hidden Hacks 💡 經過尋晚之後，辣殺都睇到大家有唔同建議同意見，我地一定會再開會商討架🙏🏻Keep住進步🔥! . / 💡講返正題，見到有唔少客人會問我哋支GA油嘅正確方法係點樣？不如今日又嚟教一教大家呀💕等你地唔好再整到成手成樽都係油，方便又易用啲！ . 嚟！去片！ . #個塞唔好丟 #搵隻騾仔唔難搵個花球難呀大佬 #生活小智慧 #厭唔夠快同我吉大小小個窿 #下次到你地教返朋友仔 #反應最緊要快 #有咩問題有咩建議 #即管講即刻做即時改 ——————————————————— #辣殺 #渣Ga #Ga油 #麻辣 #麻辣醬 #辣油 #辣醬 #KillthatS #本土 #手工製 #自家製 #hkig #hkfoodie #hkiger #hkblogger #igfood #黃 #香港黃店 #撐黃 #市集 #香港市集 #黃店經濟圈

😍細細樽好易食😍 單講實用性已經係超哂班❤️方便攜帶，出街自用完全無問題🕺🏻 如果你未曾嘗試過辣殺嘅Hero Item，未試過唔知買唔買好，輕量裝比到機會大家買小小黎試🤙🏻食過覺得好食再買都唔遲喎! / ———————————————— 🙋🏻‍♂️ 秋「飾」無限市集 🙋🏻‍♀️ 🗓: 06 - 08 SEP 2019 ⏰: 12:00 Pm - 08:00 Pm 🏢: 馬鞍山 We Go Mall 地下中庭 (小巴和巴士站同層)-新界沙田馬鞍山保泰街16號 —————————————————— #辣殺 #渣Ga #Ga油 #麻辣 #麻辣醬 #辣油 #辣醬 #KillthatS #本土 #手工製 #自家製 #hkig #hkfoodie #hkiger #hkblogger #igfood #hkfood #吃貨 #食好西 #食 #好味 #香港 #土炮 #香港餐廳 #餐廳 #市集 #香港市集