Dar Dawa Pharmacy صيدلية دار الدواء

اوجاع مفاصل الركبة.. والتآكل.. في حل يا عبير؟
ولا مصيرنا نوصل للعمليات الجراحية واستبدال مفصل الركبة؟

اولاً تعالوا نبلش من النقطة الأهم وهي..
انه كتير مرات أي نعم ممكن تعالجوا المشكلة بمفاصل الركبتين بطرق طبيعية وما توصلوا لمرحلة العمليات الجراحية واستبدال المفاصل..

ومرات بمراحل متقدمة كتير كتير اللي بكون فيها المفصل متآكل كتير ممكن هذا العلاج اللي رح اعرضلكم إياه يساعد بتحفيف حدة الالام ويأخر احتياجكم لعملية استبدال المفصل..
ولكن بكل الحالات وبكل المراحل كنت أي نعم بنصحكم تجربوه وتجربوا الطرق الطبيعية قبل الوصول للعمليات الجراحية.

الحل اللي اسا بدي اعطيكم إياه.. ساعد عشرات المتعالجين اللي توجهولي.. ولكن تذكروا انه مع هاي المكملات تتبعوا نظام صحي ومناسب.
وبتقدروا طبعاً تتوجهولي لاستشارة شخصية

اولاً:
كولاجين.. ولكن مش كل نوع كولاجين.. إنما النوع الخاص بالمفاصل.. اللي هو كولاجين من النوع التاني.. ومصدره المفضل من عرف الدجاج.
هذا النوع من الكولاجين بختلف عن الكولاجين المستخلص من الأسماك.. ومن أهم وظائفه هي انه بدعم وبساعد على بناء الغضروف وبخفف من حدة الألم.
مفضل تشربوه حبة كل يوم على الريق.

ثانياً:
حمض الهيالورونيك.. الرائع اللي بعطي الرطوبة، والمرونة للغضاريف والمفاصل.. من دونه المفصل والغضروف بكون جاف وصلب وهذا الشي بزيد من الأوجاع بشكل كبير..
لهيك حمض الهيالورونيك جزء مهم بالعلاج.. لانه بعطي الرطوبة والمرونة وبالتالي بخفف كتير من حدة الآلام.

ثالثاً:
أكيد أكيد جزء لا يتجزأ من العلاج هو الكركم الرائع..
ولكن هون عندي ملاحظة كتير مهمة..
بالصيدليات في عدة أنواع كركم.. في تفاوت ما بينها بالجودة والامتصاص..
وحتى انه في أنواع كركم معدة خصيصاً للمفاصل وفيها بالإضافة للكركم كمان اعشاب اللي بتزيد من فعالية المكمل..
لهيك اسألونا بالصيدلية احنا منلائملكم النوع المناسب.. ما تختاروا لحالكم.

رابعاً:
في كتير اعشاب ومواد طبيعية بتلعب دور كبير بتخفيف حدة الآلام، وتقليل الالتهاب..
مثل MSM، السلدرين الطبيعي، وعشبة البوسويليا، واكيد في غيرهن...
ولكن هدول الثلاث انا بعطيهن.. وبشوف نتائج جداً رائعة.

بالأضافة لكل هدول اللي ذكرتهن:
في لاصقات طبيعية تحتوي على أعشاب ومواد طبيعية توضع على الركبة من الخلف.. قادرة تخفف من الانتفاخ والاوجاع بشكل رائع جداً..

رح تقولولي شو كل هدول يا عبير؟
اكم حبة وحبة بدنا نبلع؟
صحيح انه حكيتكم عن شي 7 مواد.. ولكن الحلو انه في مكملات بتجمع بداخلها عدة مواد مع بعض.. فهيك احنا منخفف من عدد المكملات..

كمان مرة برجع وبشدد وبقول..
هذا العلاج اللي انا بعطيه للي عندهن مشاكل بالركبتين او بمفاصل تانية، ساعد معظم الأشخاص اللي اتبعوه.. ولكن بدنا نتذكر نقطتين مهمات:
أولا: تنسوش انه التغذية هي الأساس.. يعني مهم جداً تتبعوا نظام غذائي مناسب وصحي.
وثانيا: نوعية وجودة المكملات بتلعب دور كبير.. وهون انا بدعوكم تتوجهولنا للصيدلية وتستشيرونا.. عشان نلائملكم الأنواع المناسبة..

تواصلو معنا لملائمة المكملات
😊 dardawa.co/whats

#صيدلية #دارالدواء #القدس #مفاصل #صحة #تغذية

بدون تصبغات ، لون موحد
كريم بليشنج
التصبغات تحدث نتيجة عوامل بيئية او تغييرات هرمونية او ضغوطات
التصبغات تتكون بزيادة الميلاتونين في البشرة

تركيبة بليشنج فريدة تقلل من الميلاتونين في البشرة بسرعة و امان
🌺 توحيد لون
🌺 ازالة التصبغات
🌺 مفعول امن و سريع
🌺 مناسب لكل انواع البشرة
🌺 للوجه و الجسم

اطلبيه الان عالى الرسائل
يمكننا التوصيل

ينصح باستخدامه مع واقي من اشعة الشمس رويال كير

صيدلية دارالدواء القدس
السلطان سليمان
#بشرة #صحة #تفتيح #دارالدواء #القدس

🍏🌟 4 مكونات رائعة لدعم التحكم بالوزن لصحة أفضل! 🌟🍏

تعرف على فوائد هذه المعجزات الطبيعية الأربعة التي يمكن أن تدعم التحكم و النزول بالوزن :

🍎 #البكتين: نوع من الألياف الطبيعية الموجودة في الفواكه مثل التفاح والتوت، يساعد البكتين على الحفاظ على صحة الجهاز الهضمي وخفض مستويات الكوليسترول والتحكم في مستويات سكر الدم. قل مرحبًا لجهاز هضمي أكثر صحة!

🍶 (ACV): يُعرف خل التفاح بخصائصه المساعدة في التخلص من السموم ودعم فقدان الوزن. كما يمكن أن يحسن الهضم ويعزز جهاز المناعة ويوازن مستويات الرقم الهيدروجيني في جسمك. فلنشرب لنمط حياة صحي!

🌿 #جمنيما: تعتبر هذه العشبة القوية مفيدة للأشخاص الذين يتطلعون إلى التحكم في مستويات سكر الدم. تساعد جمنيما على تقليل الرغبة في تناول السكر وتدعم إنتاج الأنسولين الصحي - مما يجعلها حليفًا مثاليًا لمرضى السكري وأولئك الذين يرغبون في الحفاظ على نظام غذائي متوازن. 👍

💊 #الكروميوم: يعتبر الكروميوم معدنًا أساسيًا ضروريًا، حيث يلعب دورًا حاسمًا في تنظيم مستويات سكر الدم وتحسين حساسية الأنسولين ودعم عملية الأيض الصحية. استعد لشعور أكثر نشاطًا وتوازنًا! 🚀

قم بإدراج هذه المكونات الطبيعية الرائعة في روتينك اليومي واستمتع بالفوائد الصحية المدهشة التي تقدمها. سيشكرك جسمك! 💪🌿💖

تواصلي معنا لمزيد من التفاصيل
صيدلية دارالدواء
القدس
شارع السلطان سليمان

#الرفاهية
#صيدلية #دارالدواء #القدس

الخطوات لعمل جلسة مغطس قدم منعشة في المنزل! 👣🛀

1️⃣ : إعداد منطقة مغطس القدم
اختاري مكانًا مريحًا وهادئًا في منزلك حيث يمكنك الجلوس والاسترخاء أثناء جلسة مغطس القدم. اجمعي كل المستلزمات اللازمة، مثل حوض كبير أو حوض مغطس القدم، منشفة، حجر بركاني أو مقشر للقدم، ملح إبسوم، ملح بحر أو مواد إضافية أخرى، زيوت أساسية، ومرطب.

2️⃣ : املأي الحوض بالماء الدافئ او اضبطي حرارة الحوض
املأي الحوض أو حوض مغطس القدم بالماء الدافئ، مع التأكد من أن درجة الحرارة مريحة لك. يجب أن يكون الماء عميقًا بما يكفي لتغطية قدميك وكاحليك.

3️⃣ : أضيفي ملح إبسوم أو مواد إضافية أخرى
أضف نصف كوب تقريبًا من ملح إبسوم أو مادة إضافية أخرى من اختيارك، مثل ملح البحر أو بيكربونات الصودا، إلى الماء الدافئ. يمكن أن تساعد هذه المكونات في تنعيم الجلد وتقليل الالتهابات وتعزيز الاسترخاء.

4️⃣ : إضافة الزيوت العطرية (اختياري)
إذا رغبت في ذلك، أضيفي 5-10 قطرات من زيتك العطري المفضل إلى الماء. تأكد من تخفيف الزيوت الأساسية بزيت حامل (مثل زيت جوز الهند أو زيت اللوز) قبل إضافتها لتجنب تهيج الجلد. توفر الزيوت الأساسية فوائد العلاج بالروائح ويمكن أن تعزز تجربة مغطس القدم الشاملة.

5️⃣ : نقع قدميك
ضعي قدميك في الحوض واتركيهما تنقعان لمدة 15-20 دقيقة. استخدمي هذا الوقت للاسترخاء أو التأمل أو قراءة كتاب. استمتع بالتأثير المهدئ للماء الدافئ والمكونات المضافة.

6️⃣ : تقشير قدميك
بعد النقع، استخدمي حجر البمس أو مقشر القدم لتقشير قدميك بلطف، مع التركيز على المناطق ذات الجلد المتصلب أو الجلد الخشن. سيساعد ذلك في إزالة خلايا الجلد الميتة وتعزيز بشرة أكثر نعومة وصحة.

7️⃣ : شطف وتجفيف قدميك
بمجرد الانتهاء من التقشير، اشطفي قدميك بالماء النظيف وجففيهما بلطف باستخدام منشفة ناعمة.

8️⃣ : الترطيب
ضعي مرطب أو كريم للقدم على قدميك، مع تدليكه بلطف في الجلد. سيساعد ذلك في ترطيب وتغذية قدميك، مما يجعلهما ناعمة وسلسة.

9️⃣ : التنظيف
افرغ الحوض ونظفه جيدًا، مع التأكد من أنه جاهز لجلسة مغطس القدم التالية.

🔟 : استرخِ واستمتع
بعد جلسة مغطس القدم في المنزل، ارتدي زوجًا من الجوارب أو النعال المريحة واستمر في الاستمتاع بالتأثيرات المريحة والمنعشة لروتين العناية بالنفس. 🧦🌸

تواصلي معنا لمزيد من المعلومات
صيدلية دارالدواء القدس
شارع السلطان سليمان

#مغطسالقدمفيالمنزل #الاسترخاء #العنايةبالنفس #صدلية #دارالدواء #القدس

🌿👣 تعرف على الزيوت العطرية المثالية لمغطس القدم وفوائدها! 👣🌿

1️⃣ #اللافندر: يساعد في تخفيف التوتر، تحسين النوم وتهدئة الأقدام المتعبة. 😴💜
2️⃣ #النعناع: يقلل الالتهاب والتورم ويخفف آلام العضلات. ❄️🍃
3️⃣ #الأوكالبتوس: يخفف رائحة القدم ويوفر رائحة منعشة ومنشطة. 🌬️🌳
4️⃣ : يحارب العدوى الفطرية ويقضي على بكتيريا الروائح. 🍃🌱
5️⃣ #الليمون: يعزز المزاج ويحافظ على نظافة وانتعاش الأقدام. 🍋💫
6️⃣ #الروزماري: يحفز الدورة الدموية ويقلل آلام العضلات. 🌿💪
7️⃣ #البابونج: يقلل التوتر ويعزز الاسترخاء ويخفف الألم والالتهاب. 🌼😌
8️⃣ : يوفر جوًا هادئًا ويعزز الرفاهية العامة. 🌺🧘‍♀️

💧 قبل إضافة الزيوت العطرية إلى مغطس القدم، تذكر تخفيفها بزيت حامل و عدم اضافتها مباشرة على الجلد لتجنب تهيج الجلد. قدم 5-10 قطرات من الزيت العطري لكل مغطس من الماء. استمتع بتجربة مغطس القدم العطرية والمريحة! 💆‍♂️🧡

لمزيد من المعلومات تواصلي معنا
صيدلية دارالدواء القدس
شارع السلطان سليمان

🦶🌟 اكتشف فوائد مغطس القدم المذهلة! 🌟🦶

هل تعلم أن استخدام مغطس القدم المريح يمكن أن يفعل عجائب لصحتك العامة؟ في عالمنا المتسارع اليوم، من المهم أن نجد وقتًا للعناية بالنفس، ومغطس القدم المريح هو الطريقة المثلى للاسترخاء والتجديد.

إليك بعض الفوائد الرائعة التي يمكنك الاستمتاع بها من جلسة مغطس القدم العادية:

تخفيف التوتر: اغمر قدميك في الماء الدافئ واترك التوتر يتلاشى. يعتبر مغطس القدم العلاج المثالي لمكافحة التوتر وتعزيز الاسترخاء. 💆‍♀️

تحسين الدورة الدموية: يساعد دفء الماء على توسيع الأوعية الدموية، مما يعزز الدورة الدموية في القدمين والساقين السفلى. وداعًا للأقدام المتعبة والمؤلمة! 🩴

بشرة أكثر نعومة ونضارة: يساعد مغطس القدم على تنعيم الجلد الجاف وإزالة خلايا الجلد الميتة، مما يترك قدميك تبدو وتشعر بالصحة والجمال. مثالي لموسم الصنادل! 🏖️

تقليل التورم والالتهاب: يمكن أن يساعد إضافة ملح إبسوم أو الزيوت العطرية إلى مغطس القدم في تقليل التورم والالتهاب وتوفير الراحة للأقدام المتورمة والمتعبة. 👣

فوائد العلاج بالروائح: يمكن أن تعزز دمج الزيوت الأساسية مثل اللافندر أو الأوكالبتوس في مغطس القدم من التجربة، مما يوفر تأثيرات علاجية إضافية مثل الاسترخاء أو التنشيط. 🌿

لذا، لماذا لا تدلل نفسك بتجربة مغطس القدم الفاخرة في المنزل؟ قم بإنشاء جو هادئ باستخدام الشموع والموسيقى الهادئة وكتابك المفضل، ودع قوى المياه الشافية تعمل سحرها على جسدك وروحك. ستشكرك قدماك (وعقلك) على ذلك! 💖

تواصلي معنا لمزيد من المعلومات
صيدلية دارالدواء - القدس
شارع السلطان سليمان


#دارالدواء #صيدلية #القدس

عند اختيار منتج للعناية بالشعر
انتبهي الى:

نوع شعرك: تأكدي من أن المنتج مصمم لنوع شعرك (على سبيل المثال ، مجعد ، مفرود ، إلخ).
المكونات: ابحثي عن المنتجات التي تحتوي على مكونات مغذية عالية الجودة ومناسبة لاحتياجات شعرك ، و احرصي على خلوه من المواد الحافظة و الضارة مثل الاملاح .
مخاوف الشعر: إذا كانت لديك مشاكل معينة تتعلق بالشعر (مثل الجفاف ، والتقصف ، وقشرة الرأس) ، فابحث عن المنتجات التي تعالج هذه المشكلات.

استشر الخبراء في الصيدلية او محل الكوزمتكس

قد يستغرق الأمر بعض التجربة والخطأ للعثور على أفضل منتج للعناية بالشعر لك ، ولكن من خلال النظر في هذه العوامل ، يمكنك تضييق نطاق خياراتك والعثور على منتج يلبي احتياجاتك. بالإضافة إلى ذلك ، من المهم أيضًا اختبار المنتجات الجديدة قبل استخدامها على رأسك بالكامل للتأكد من عدم تعرضك لرد فعل سلبي.

تفضلي تواصلي معنا لاي استشارة لاختيار الانسب لك
صيدلية دارالدواء
Dardawa.com

#دارالدواء #جمالك #صحة

بنفعش نوخد معلقة كركم بالأكل وخلص؟
يا ترى لإيش في مكملات كركم؟

حتى الكركم؟ نوع من أنواع البهار..
اللي منقدر نحصل عليه من عند العطار بسعر جداً رخيص.. عم منشوف منه حبوب على الرفوف بالصيدلية!!
طيب لإيش؟ مهو متواجد كبهار.. لأيش نوخده من الصيدلية؟ وسعره غالي مقارنة بالبهار؟

هيك بسمة بتقلي.. وبتسألني عبير شو رايك؟
بسمة عندها التهاب مفاصل..
سمعت وقرأت إنه الكركم منيح لالتهابات المفاصل.. بخفف من الالتهاب والأوجاع.. ومن وقتها كل يوم بتوخد معلقة بالأكل..

المهم.. سألتها انا..
يعني ساعدك؟
بتقلي.. الصراحة الصراحة.. لا.. مش كيف ما حكولي وقريت عنه..

طبعاً.. يا بسمة مش رح تحسي بتحسن..
ليش يا بسمة؟

لإنه شتان ما بين الكركم كبهار بالأكل.. الكركم كمكمل غذائي بجودة عالية!!

كل الأبحاث والدراسات.. الي بتحكي عن الكركم وفوائده.. ان كان للالتهابات، للمشاكل الصحية.. وحتى للسرطان.. بتحكي عن المواد الفعالة اللي فيه..
المواد الفعالة الموجودة بالكركم أي نعم إلها هاي الخصائص والفوائد.. ولكن كميتها بمعلقة البهار جداً جداً قليلة.. عشان هيك ما إلها تأثير واضح وكبير.
يعني عشان نحصل على الكمية الفعالة من البهار. بدنا كميات جداً جداً كبيرة اللي ما منقدر نحصل عليها بمجرد إضافة معلقة او تنتين للأكل..

لهذا السبب.. بتشوفوا انه في بالصيدلية مكملات للكركرم..
اللي بميز هاي المكملات (ومش كلها إنما بس اللي جودتها عالية).. انه ما بتحتوي على كل مركبات البهار.. إنما بتحتوي فقط على المواد الفعالة الموجودة بالكركم وبكميات كبيرة ذات تأثير علاجي وطبي.
ولما بحكي عن مواد فعالة بالكركم.. فأكتر مادة معروفة هي الكركومين.. اللي بشكل عام عليها أغلب الدراسات والأبحاث..

كمان شغلة مهمة نعرفها..
امتصاص الكركومين بالأمعاء جداً جداً ضئيل.. صعب جداً على أمعاءنا تعرف تمتصه للدم.. لهيك أغلب المكملات بتحتوي على مواد إضافية اللي تساعد على الامتصاص بشكل انجح وأكبر..
مثل البيبيرين (الفلفل الأسود) اللي بضيفوه لمكملات الكركم عشان يحسنوا ويزيدوا من امتصاصه بالامعاء..

ولكن مثل العادة.. بنبهكو من شغلة مهمة..
توخدوش كركم من دون استشارة شخص مختص..
لإنه في تنوع كبير واختلاف بين المكملات المختلفة.. ومش كلها الها نفس التأثير..
على سبيل المثال: مكمل كركم اللي فيه كمان فلفل اسود.. ممكن يسبب ضرر كبير للأشخاص اللي بعانوا من مشاكل بالمعدة.. وممكن يزيد الوضع سوء.

شخص اللي عنده مثلا ورم بالدماغ.. او أي مشكلة الها علاقة بالدماغ.. وبدنا إنه الكركم يوصل للدماغ.. لازم نعطيه نوع كركم اللي بعرف يعبر الحاجز BBB الموجود بالدماغ وبمنع اغلب المركبات من الوصول اله..
موجود فقط نوع أو نوعين من الكركم اللي مثبت علمياً انهن بعبروا ال BBB وبوصلوا الدماغ والهن تأثير إيجابي عليه.

لهيك.. اختيار الكركم مش بهاي السهولة..
ومفضل تسألوا شخص مختص اللي بقدر يلائم المكمل للمشكلة الصحية اللي بتعانوا منها.

اذا بتسألوني هل أنصح باستخدام الكركم كمكمل..
فجوابي.. طبعاً.. طبعاً.. طبعاً..
مركب جداً رائع.. مع فوائد عظمى.. ما بين مضاد للأكسدة، مضاد للالتهابات، مضاد للسرطان، تأثيره إيجابي على الكولسترول العاطل، وعلى السكر.. وعلى أغلب المشاكل الصحية..
ولكن مهم جداً نعمل الملائمة ما بين المشكلة الصحية ونوع الكركم.

فإذا في شخص منكم استهلك كركم وتضايق منه.. فمعقول يكون اختياره غير موفق..
إذا شخص منكم استهلك كركم وما ساعده.. معقول ما استهلك نوع ملائم اله..
واذا في شخص معتمد على بهار الكركم يعطيه فوائد طبيه.. فبعد هذا المنشور رح يصلح معلوماته..

بتمنى أكون زدت على معلوماتكو الصحية كمان معلومة صغيرة.. خفيفة لطيفة..
نلتقي بالمنشور القادم..
اذا حبيتوا، استفدتوا، رجاء فيدوا غيركو واعملوا share & tag

محبتي❤️
عبير
dardawa.com

عندك نقص بالحديد.. 5 معلومات لازم تعرفها

اليوم اغلب النساء بوخدوا، أو أخذوا بفترة من الفترات حديد.. بالحمل، أو بسبب بنقص بالحديد.
بشغلي بصادف كتير أشخاص اللي بنقصهن معلومات عن هذا المكمل..
فحبيت أحدد المعلومات المهمة اللي لازم تعرفوها عن مكملات الحديد..

أول وأهم معلومة:
الحديد غير قابل للامتصاص بوجود حليب ومنتوجاته، بيض، وكافائين (شاي وقهوة).. ليش؟ لانه فيها كمية كلس كبيرة اللي بتمنع امتصاص الحديد، والكافائين كمان بمنع امتصاص الحديد.. عشان هيك.. كل شخص بوخد حديد لازم يفصل ساعتين ما بين هذه المنتوجات وبين الحديد.
الا اذا كان مكمل الحديد من نوع "الليبوزوم"، بهيك حالة ما في تأثير للأكل على امتصاص الحديد..

ثاني معلومة:
الحديد كمكمل غذائي، بتوفر بعدة أنواع، وأشكال، وحتى من ناحية السعر في تفاوت ما بين الأنواع المختلفة.
الاختلاف هو بجودة الحديد، وبنسبة الامتصاص، ونسبة العوارض الجانبية اللي بسببها.
ممكن تستعملوا نوع حديد بجودة منخفضة، نسبة الامتصاص فيه منخفضة، ونسبة العوارض الجانبية فيه عالية.. مثل: الإمساك، أوجاع البطن، والغثيان.
مهم جداً تعرفوا: إنه مش كل مكمل حديد إله عوارض جانبية، وبسبب إمساك.. اختاروا مكمل جودته عالية.. ونسبة الامتصاص فيه عالية مثل الحديد الليبوزوم

ثالث معلومة:
بصادف كتير أشخاص اللي بوخدوا الحديد بشكل مستمر، لفترات زمنية طويلة، بهدف الوقاية من النقص، ومن دون متابعة ومراقبة من قبل الطبيب..
وهون بشدد لإنه مهم جداً نعرف إنه مثل ما النقص بالحديد بسبب مشاكل صحية، فاعرفوا إنه كمان الزيادة بالحديد بتسبب مشاكل صحية كبيرة.. وممنوع نتجاوز الحد المسموح.
الحديد بكميات كبيرة، ممكن يرفع من نسبة الإصابة بالسرطان.. عشان هيك مهم جداً لكل شخص بوخد حديد.. يوخد لفترات قصيرة (3-4 أشهر) ويعمل فحوصات دم ومتابعة.. وحسب الفحوصات الطبيب بقرر إذا يكمل أو يوقف الاستعمال.

رابع معلومة:
مهم جداً نعالج النقص بالحديد، وما نهمش الموضوع.. لانه النقص بالحديد ممكن يسبب أضرار صحية كبيرة.. بتبلش من: تعب، ارهاق، عدم تركيز، تساقط شعر، اكتئاب وغيرهن كتير.. وممكن توصل لأضرار أكبر مثل: خلل بعمل الغدة الدرقية، وبالجهاز العصبي..
وبكتير حالات.. التشخيص بكون خاطئ، ومنبلش نعالج المشكلة الصحية بأدوية ثانية، مع إنه السبب الرئيسي هو النقص بالحديد..

آخر معلومة لليوم:
في أشخاص اللي مع إنهن بوخدوا مكمل حديد، ذات جودة عالية، ونسبة امتصاص عالية.. إلا انه الحديد عندهن بضل واطي..
بهيك حالة.. ممكن يكون عند الشخص نقص بمعادن أخرى اللي بتسبب عدم ارتفاع نسبة الحديد..
او السبب التاني ممكن يكون جرثومة المعدة (هيليكوباكتر) اللي بتمنع امتصاص الحديد وبتستغله الها.

بتمنى أكون فدتكوا بالمعلومات.. إذا حسيتوا المعلومات مهمة، فساعدوني أنشرها..
بحب اسمع تعليقاتكوا، لإنها بتساعدني أتقدم وافيدكوا اكتر.

محبتي
عبير- صيدلانية ومستشارة تغذية
دار الدواء
Dardawa.com

الكولاجين و السكر
من منشوراتي وفيديوهاتي.. بتعرفوا اديش بحب المكملات الغذائية،
وأديش بنصح باستخدامها (اذا كان بشكل صحيح و النوعية بجودة عالية) للتقليل من المشاكل الصحية، وتخفيف كمية الأدوية..

ولكن ما بنكر انه حتى شركات المكملات الغذائية عندها أهداف مادية، وبتعمل دعايات كتيرة لترويج منتوجاتها الطبيعية..
وكمان سوق المكملات الغذائية فيه خدع تجارية، وجودات مختلفة.. لا تقل عن شرك الأدوية..

كتار سألوني عن الكولاجين.. هل عن جد رح يساعدني للبشرة، للتجاعيد..
فحابة اشدد على نقطة كتير مهمة..

اذا هدفكوا من استهلاك الكولاجين هو تخفيف التجاعيد وتحسين مظهر البشرة.. مهم جداً تفهموا كل الصورة.. ومش قسم منها..
النقص بالكولاجين هو واحد من الأسباب.. ولكن مش كل الأسباب..

السبب الثاني (لا يقل أهمية عن الكولاجين).. اللي لازم تشددوا عليه هو السكر..
السكر اللي اغلبنا منحبه، وبكتير مرات ما منقدر نقاومه، هو سبب رئيسي بأغلب مشاكلنا الصحية.. وبما في ذلك كمان التجاعيد والشيخوخة المبكرة..
ليش؟ وكيف؟؟
لانه السكر بالجسم.. (جلوكوز) ما بعرف يكون لحاله.. بحب يرتبط بأشياء حواليه.. وبشكل عام بحب كتير البروتينات وخصوصاً الكولاجين.. فدايماً بروح برتبط فيه.. وهذا الارتباط بعرقل الكولاجين وبعرقل عمله..
(للمعلومات كمان..السكر بعرقل عمل الكلاوي، الأعصاب، والعيون)
ارتباط السكر بالبروتينات هو واحد من الأسباب الرئيسية للشيخوخة المبكرة، قلة المرونة، والتجاعيد..

فإذا بدكو عن جد تهتمو ببشرتكو، وتخففوا من التجاعيد.. بكفيش توخدو كولاجين..
أي نعم بتقدروا توخدوا كولاجين.. ولكن بالإضافة للكولاجين.. اشتغلوا على تغذيتكم.. خففو من كمية المعرقل اللي مخرب عمل الكولاجين.. واللي هو السكر..

بتمنى أكون وضحتلكو الصورة..
وزدت على معلوماتكو
اذا حبيتو.. شاركو المنشور وانشروه..

dardawa.com

محبتي
عبير

سناء: مرحبا عبير كيفك؟
عملت فحوصات دم وتبين انه عندي نقص بمستويات فيتامين بي 12.
فكتبلتي الطبيب وصفة طبية، ممكن تعطيني النوع اللي كتبه الطبيب؟

انا: طبعاً انا رح اشرحلك عن الأنواع الموجودة بالصيدلية، وشو الفرق، والقرار الك..
في النوع البسيط.. مصنع ما بكون بالصورة الفعالة للفيتامين، إنما الجسم بحاجة انع يعمل فيه عدة تغييرات على مراحل عشان يحصل على الصورة الفعالة ويقدر يستغله..
هذا النوع هو المنتشر اكتر، سعره أرخص، ولكن جودته أقل..

وفي النوع الأفضل اللي بكون جاهز يعني بالصورة الفعالة بالجسم.. اللي هي ميتيل-كوبالامين.. الجسم ما بعمل فيه تغييرات انما بستغله بشكل فوري..
طبعاً هذا النوع هو المفضل وهو بالجودة الأعلى..

سناء: طيب ليش الطبيب ما بشرح شو الفرق، وليش بسجل النوع البسيط؟

انا: بكل بساطة وظيفته يكتبلك انك بحاجة لفيتامين بي12، والصيدلاني المفروض يشرحلك الفرق ويناسبلك النوع الملائم الك.
يعني الطبيب مش كتير بنتبه للأنواع المختلفة..

سناء: اعطيني لو سمحتي النوع الأفضل اللي هو متيل – كوبالامين.

أصدقائي:
لما بتتوجهوا للصيدلية.. استفسروا عن أنواع المكملات الموجودة، اسألوا الصيدلاني عن الفرق بين الأنواع المختلفة..
هاي وظيفتنا بالصيدلية، وكتير منحب تسألونا وتستشيرونا، لأنه صحتكم بتهمنا..

محبتي
عبير
dardawa.com

#دارالدواء #القدس #صحة

سامر: عبير شو احسن نوع فيتامين دي عندكم بالصيدلية؟

عم باخد باخد بس مستوياته بعدها كتير منخفضة مش واصلة 10.
انا: اديش صرلك تستهلك فيتامين دي؟
سامر: 6 اشهر..
انا: أي تركيز عم توخد؟
سامر: حبة من ال400 وحدة!!
انا: طبعاً مش رح يرتفع عندك بشكل سريع..
لأنك عم توخد تركيز واطي جداً، وعندك النقص حاد جداً

أصدقائي..
بكفيش نعرف انه عنا نقص بفيتامين معين.. مهم نعرف كيف نتعامل مع الموضوع..

في حالة وجود نقص حاد بمستويات فيتامين دي، اكيد 400 وحدة مش رح يرفعوا من مستوياته بشكل كافي.. لانه التركيز اللي عم نوخده غير كافي.

لما عنا نقص حاد، منقدر نوخد تركيز أعلى، ممكن نستهلك 2000-4000 وحدة لفترة زمنية قليلة (2-3 اشهر) وبعدها منخفف التركيز ل1000 وحدة باليوم.

زي باسم في كتار.. بستهلكوا فيتامين دي ولكن بتركيز جداً قليل وغير كافي..
اسألونا.. احنا كتير منحب تسألونا وتستشيرونا، منحب نساعدكم تحسنوا من صحتكم.. هذا واجبنا.. وهاي رسالتنا..

محبتي
عبير
dardawa.com

#دارالدواء #صيدلية #صحة

هل عن جد ممكن نطلع بالوزن بسبب ضغوطات يومية وسترس؟
او حتى يصير عنا سكري وكولسترول عالي وضغط دم بسبب السترس؟
شو رايكم باللي بقولوا صابني سكري بسبب الزعل، او ضغط الدم ارتفع بعد ما توفى شخص عزيز علي..
او وزني ارتفع مع انه اكلي هو هو ما تغير؟
بتعرفوا كلمة السر بكل هدول الحالات شو هي؟ كلمة السر هي هورمون الكورتيزول..
او احنا منسميه كمان هورمون السترس..
أي نعم هورمون الكورتيزول اذا كان بمستويات عالية ولفترة زمنية طويلة ممكن يسبب
كل هاي المشاكل واكتر منهن بكتير كمان..
فتعالوا مع بعض نفهم شو قصته هذا الهورمون وكيف نقدر نتعامل معه.
أول شغلة مهم تعرفوها.. انه هورمون الكورتيزول هو هورمون أساسي ومهم جداً جداً النا.. وربنا ما خلقه عشان يعملنا مشاكل.. على العكس وجوده بالجسم اله هدف كبير وهو انه يحمينا من حالات الخطر.. شو يعني حالات الخطر.. حالات الخطر هي كل حالة بتطلب من الجسم ردة فعل سريعة وقوية مثل متلا انه نهرب من شي حريق فجأة، او نبعد عن سيارة جاي باتجاهنا، او حتى نهرب من كلب عم بلحقنا.
بهاي الحالات اللي وغيرها طبعا اللي ممكن تشكل خطر على حياتنا.. الجسم بفرز هورمون الكورتيزول اللي وظيفته يجند كل الجسم للهرب من الخطر والبقاء على قيد الحياة.. فشو بعمل؟ هورمون الكورتيزول بزيد من دقات القلب، وتدفق الدم للمخ عشان نهرب، بزيد من نسبة السكر بالدم عشان يعطينا طاقة متاحة اكتر، وبزيد من سرعة التنفس عشان يوصل الاوكسجين للخلايا وتنتج طاقة.. وكتير عمليات اللي هدفها تخلينا نستجيب بسرعة وبقوة ونبعد عن مصدر الخطر..
ومن ناحية تانية الكورتيزول ببطء او بعرقل عمليات تانية بالجسم اللي اسا حاليا بساعة الخطر ما في الها حاجة. فمثلاً ببطء من تدفق الدم للجهاز الهمضي لانه اسا في اشي اهم من الهضم، بقلل من انتاج كريات الدم البيضاء لانه اسا مش مهم اله المناعة.. إنما كل تركيزه بكون على كيف يحمينا ويبعدنا عن الخطر.
شو بصير بعد الخطر يروح؟ الكورنيزول بقل وبرجع الجسم لوضعه الطبيعي.. وكل الأمور بترجع لحالتها الطبيعي ما في أي مشكلة.
لحد هون هون ممتاز.. شايفين انه الكورتيزول هورمون كتير مهم النا وهدفه انه يحمينا من الخطر..
لكان وينتا بصير الكورتيزول سبب باغلب مشاكلنا الصحية؟
ركزوا منيح بهاي الجملة...
المشكلة بتصير لما الجسم بفهم انه احنا كل الوقت موجودين بحالة الخطر.. بتضطر انه يفرز كورتيزول بشكل مستمر.. يعني الجسم بضل موجود بحالة الطوارئ لفترة طويلة جداً ومستمرة ومش بس لفترة زمنية بسيطة زي ما حكينا من قبل.
شو هاي حالة الخطر بالنسبة للجسم؟
ساعات شغل طويلة وجهد جسماني قوي.. برفع من الكورتيزول.
ضغط نفساني، قلق وتفكير، ومجهود نفسي كبير.. برفع من الكورتيزول.
قلة نوم وخربطة بساعات النوم ومجهود فكري كبير.. برفع من الكورتيزول.
زعل او فقدان شخص عزيز او أي حالة نفسية حادة.. برفع من الكورتيزول..
وبالتالي شو الي بصير؟ الجسم موجود بحالة الطوارئ كل الوقت..
شو يعني؟
يعني سكري بسبب انه الجسم عم برفع من مستويات السكر بالدم عشان يعطي طاقة للجسم.
يعني دقات قلب سريعة وضغط الدم برتفع.. يعني الكولتسورل برتفع..
ومش بس هيك.. حتى انه بزيد تراكم الدهون حول البطن لانه الجسم بحالة الطوارئ بكون همه انه يخزن ويختصر بالسعرات الحرارية اللي بحرقها لانه بالنسبة اله ممكن يكون في مجاعة او ما يحصل على كميات كافية من الاكل لهيك بصير يخزن.
كورتيزول عالي لفترة زمنية طويلة.. بضعف المناعة وبخلينا عرضة للأمراض اكتر..
كورتيزول عالي لفترة زمنية طويلة. بزيد من احتمال حدوث هشاشة العظام لانه بزيد من عملية الهدم بالعظام وبقلل من عملية البناء..
كورتيزول عالي أصدقائي هو وصفة لأغلب مشاكلنا الصحية..
من هذا المنطلق بتشوفوا انه الناس اللي بتزعل او بتفقد شخص عزيز عليها فجأة برتفع عندهن السكر او بمروا بأمة قلبية.
من هذا المنطلق اللي عايش حالة ضغط دائم ومستمر فجأة بصير يعاني من مشاكل بالذاكرة والتركيز والتعب والارهاق، وبتصير تيجيه المشاكل الصحية وحدة ورا التانية..
ومن هذا المنطلق.. وحدة من الأمور اللي انا شخصيا بركز عليها بكل علاج هي كيف نخفف ونعالج الكورتيزول العالي ونحاول نخففه قدر المستطاع..
لهيك نصحتي الكم لليوم أصدقائي.
اتبعوا كل الطرق اللي من شأنها تخفف الضغوطات النفسية عنكم..
رياضة، مشي، تأمل، تفكير إيجابي، أعشاب طبيعية، نوم ساعات كافية، أكل بجودة عالية، وكل طريقة من شأنها تخفف السترس..
لإنه شفتوا اديش هذا الكورتزول اذا ارتفع للمدى البعيد شو ممكن يعمل فيكو..
بتأمل أكون فدتكم وزيد على معلوماتكم..
شير وتاغ لاصدقائكم عشان يوصل لأكبر عدد ممكن..
واستنوني بفيديوهات جديدة..
#صيدلية #دارالدواء #القدس #صحة #تغذية

اوجاع مفاصل الركبة.. والتآكل.. في حل يا عبير؟
ولا مصيرنا نوصل للعمليات الجراحية واستبدال مفصل الركبة؟

اولاً تعالوا نبلش من النقطة الأهم وهي..
انه كتير مرات أي نعم ممكن تعالجوا المشكلة بمفاصل الركبتين بطرق طبيعية وما توصلوا لمرحلة العمليات الجراحية واستبدال المفاصل..

ومرات بمراحل متقدمة كتير كتير اللي بكون فيها المفصل متآكل كتير ممكن هذا العلاج اللي رح اعرضلكم إياه يساعد بتحفيف حدة الالام ويأخر احتياجكم لعملية استبدال المفصل..
ولكن بكل الحالات وبكل المراحل كنت أي نعم بنصحكم تجربوه وتجربوا الطرق الطبيعية قبل الوصول للعمليات الجراحية.

الحل اللي اسا بدي اعطيكم إياه.. ساعد عشرات المتعالجين اللي توجهولي.. ولكن تذكروا انه مع هاي المكملات تتبعوا نظام صحي ومناسب.
وبتقدروا طبعاً تتوجهولي لاستشارة شخصية

اولاً:
كولاجين.. ولكن مش كل نوع كولاجين.. إنما النوع الخاص بالمفاصل.. اللي هو كولاجين من النوع التاني.. ومصدره المفضل من عرف الدجاج.
هذا النوع من الكولاجين بختلف عن الكولاجين المستخلص من الأسماك.. ومن أهم وظائفه هي انه بدعم وبساعد على بناء الغضروف وبخفف من حدة الألم.
مفضل تشربوه حبة كل يوم على الريق.

ثانياً:
حمض الهيالورونيك.. الرائع اللي بعطي الرطوبة، والمرونة للغضاريف والمفاصل.. من دونه المفصل والغضروف بكون جاف وصلب وهذا الشي بزيد من الأوجاع بشكل كبير..
لهيك حمض الهيالورونيك جزء مهم بالعلاج.. لانه بعطي الرطوبة والمرونة وبالتالي بخفف كتير من حدة الآلام.

ثالثاً:
أكيد أكيد جزء لا يتجزأ من العلاج هو الكركم الرائع..
ولكن هون عندي ملاحظة كتير مهمة..
بالصيدليات في عدة أنواع كركم.. في تفاوت ما بينها بالجودة والامتصاص..
وحتى انه في أنواع كركم معدة خصيصاً للمفاصل وفيها بالإضافة للكركم كمان اعشاب اللي بتزيد من فعالية المكمل..
لهيك اسألونا بالصيدلية احنا منلائملكم النوع المناسب.. ما تختاروا لحالكم.

رابعاً:
في كتير اعشاب ومواد طبيعية بتلعب دور كبير بتخفيف حدة الآلام، وتقليل الالتهاب..
مثل MSM، السلدرين الطبيعي، وعشبة البوسويليا، واكيد في غيرهن...
ولكن هدول الثلاث انا بعطيهن.. وبشوف نتائج جداً رائعة.

بالأضافة لكل هدول اللي ذكرتهن:
في لاصقات طبيعية تحتوي على أعشاب ومواد طبيعية توضع على الركبة من الخلف.. قادرة تخفف من الانتفاخ والاوجاع بشكل رائع جداً..

رح تقولولي شو كل هدول يا عبير؟
اكم حبة وحبة بدنا نبلع؟
صحيح انه حكيتكم عن شي 7 مواد.. ولكن الحلو انه في مكملات بتجمع بداخلها عدة مواد مع بعض.. فهيك احنا منخفف من عدد المكملات..

كمان مرة برجع وبشدد وبقول..
هذا العلاج اللي انا بعطيه للي عندهن مشاكل بالركبتين او بمفاصل تانية، ساعد معظم الأشخاص اللي اتبعوه.. ولكن بدنا نتذكر نقطتين مهمات:
أولا: تنسوش انه التغذية هي الأساس.. يعني مهم جداً تتبعوا نظام غذائي مناسب وصحي.
وثانيا: نوعية وجودة المكملات بتلعب دور كبير.. وهون انا بدعوكم تتوجهولنا للصيدلية وتستشيرونا.. عشان نلائملكم الأنواع المناسبة..

#صيدلية #دارالدواء #القدس #مفاصل #صحة #تغذية