Samadhatu Natural Foods & Ayurvedic Products

🌾 നെല്ലൂസം അഥവാ നെല്ലാണ്ട് 🌾

മകം പിറന്ന നെല്ല്❗
കന്നിയിലെ മകം നക്ഷത്രം നെല്ലിന്റെ പിറന്നാളാണെന്നാണ് കർഷകവിശ്വാസം.

വയലുകൾ പലതും ഇല്ലാതായെങ്കിലും നെല്ലിന്റെ പ്രതാപം അവസാനിക്കുന്നില്ല. ചേർത്തു പിടിക്കാം, കർഷകരെയും നെല്ലിനെയും...

പൊന്മണി നെല്ലേ... നീണാൾ വാഴ്ക🙏🏻

🌾 SAMADHATU Natural Foods

കോവിഡാനന്തര ക്ഷീണവും മറ്റു പാർശ്വഫലങ്ങളും ഉള്ളവർക്കും, ഹൃദ്രോഗികൾ, പ്രമേഹത്തെ ചെറുത്തു നിർത്താൻ, കാൻസർ രോഗികൾ തുടങ്ങിയവർക്കും രക്തപ്രസാദത്തിനും അത്യുത്തമമായ ഭക്ഷണമാണ് ബ്ലാക്ക്‌ റൈസ് കഞ്ഞി.

ഇതിൽ അടങ്ങിയിരിക്കുന്ന പ്രോട്ടീൻ, അയേണ് എന്നിവ എളുപ്പത്തിൽ ശരീരത്തിന് ദഹിപ്പിക്കാനും സ്വാംശീകരിക്കാനും കഴിയുന്നു.
ഉയർന്ന ഔഷധഗുണങ്ങൾ അടങ്ങിയതിനാൽ ഫോർബിഡൻ റൈസ് (Forbiden rice) എന്ന പേരിൽ അറിയപ്പെടുന്ന തവിട് കളയാത്ത അരിയാണ് ബ്ലാക്ക്‌ റൈസ്.

★ ബ്ലാക്ക്‌ റൈസ് പായസം
★ഔഷധക്കഞ്ഞി


🫕 ബ്ലാക്ക്‌ റൈസ് കൊണ്ടുള്ള കഞ്ഞി

● ബ്ലാക്ക്‌ റൈസ് (തലേ ദിവസം വെള്ളത്തിൽ കുതിർത്തു വച്ചത്/ പാചകം ചെയ്യുന്നതിന് 3 മണിക്കൂർ മുൻപെങ്കിലും നല്ല ചൂട് വെള്ളത്തിൽ കുതിർത്തു വച്ചത്)

● ആവശ്യത്തിനു വെള്ളം

● തേങ്ങാ പാൽ/ തേങ്ങാ ചിരകിയത് (optional)

● ഉപ്പ് (ആവശ്യമെങ്കിൽ)

◆ പ്രഷർകുക്കറിൽ ആണെങ്കിൽ അരി ഇട്ട് ആവശ്യാനുസരണം വെള്ളം ഒഴിച്ചു വേവിച്ചെടുക്കാം.

◆ തവിടോടുകൂടിയതും പശിമയുള്ളതുമായ അരിയായതിനാൽ വേവ് കൂടുതലാണ്. അതിനാൽ വെള്ളത്തിന്റെ അളവ് കുറച്ചു കൂടുതൽ എടുക്കാം.

◆ ഈ വീഡിയോയിലെ കുക്കറിൽ നല്ല തീയിൽ 5 വിസിലും ചെറു തീയിൽ 4 വിസിലും ആണ് അരി വേവാൻ വേണ്ടി വന്നത്.

◆ നന്നായി വെന്തതിനു ശേഷം രുചി വർധിപ്പിക്കുന്നതിനായി ആവശ്യമെങ്കിൽ മാത്രം തേങ്ങാപ്പാൽ/ തേങ്ങ ചിരകിയത് എന്നിവ ചേർക്കാം.

https://youtu.be/CSZ48sXh_oc

🔸 NB: ആനന്ദ ഫാർമിങ് കൃഷിരീതിയിലൂടെ ഉണ്ടാക്കിയെടുക്കുന്ന ജനിതക മാറ്റം വരുത്താത്ത തവിടോടുകൂടിയ അരികളും അതിൽ നിന്നുണ്ടാക്കുന്ന മൂല്യ വർദ്ധിത ഉത്പന്നങ്ങളും സമധാതുവിൽ ലഭ്യമാണ്.

🌾🧘🏻‍♂️ SAMADHATU Natural Foods
നിത്യഭക്ഷണത്തിലൂടെ ആരോഗ്യവും ആനന്ദവും!

🪀 http://wa.me/919995155588
📞 9995155588
8129011109

കോവിഡിന്റെ ക്ഷീണം നിങ്ങളെ അലട്ടുന്നുണ്ടോ..? ഭക്ഷണത്തിലൂടെ പരിഹരിയ്ക്കാം. കോവിഡാനന്തര ക്ഷീണവും മറ്റു പാർശ്വഫലങ്ങളും ഉള്ളവർക്കും, ഹൃദ്രോഗികൾ, പ്രമേഹത്തെ ചെറുത്തു നിർത്താൻ, കാൻസർ രോഗിക.....

സ്നേഹത്തിന്റേയും, സന്തോഷത്തിന്റെയും, ഐശ്വര്യത്തിന്റെയും, സമ്പത്തിന്റെയും, സമൃദ്ധിയുടെയും , ആരോഗ്യത്തിന്റെയും , സമാധാനത്തിന്റെയും നല്ല ഒരു ഓണക്കാലം എല്ലാവർക്കും നേരുന്നു.

🌾

#ചിങ്ങം1
#കർഷകദിനം

മനുഷ്യനെ ഊട്ടുന്ന കർഷകൻ = ഭൂമിയെ ഹരിതാഭമാക്കുന്ന കലാകാരൻ

ഇന്ന് മണ്ണിനോടും മഴയോടും മല്ലിട്ട് സമൃദ്ധി വിളയിക്കുന്ന കാർഷിക സ്മരണകളുടെ ദിനമാണ്. ചിങ്ങം 1 - കർഷക ദിനം !

വരണ്ടു കിടക്കുന്ന മണ്ണിനെ വെള്ളവും വളവും നൽകി ധാന്യങ്ങളും പച്ചക്കറികളും ഫല വർഗ്ഗങ്ങളും ഉത്പാദിപ്പിച്ചു മാനവരാശിയുടെ ജീവൽപ്രശ്നങ്ങൾക്ക് പ്രായോഗികമായ പരിഹാരം കാണുക എന്ന അതിമഹത്തായ ദൗത്യമാണ് ഒരു കർഷകൻ നിർവ്വഹിക്കുന്നത്. പ്രകൃതിയുമായി ഇഴുകിച്ചേർന്നു തന്റെ വിയർപ്പുതുള്ളികൾ ഭൂമിയ്ക്ക് സമ്മാനിച്ചു മണ്ണിന് പൊന്നിന്റെ മൂല്യം നൽകുകയാണ് ഓരോ കർഷകനും ചെയ്യുന്നത്.

പാടങ്ങളില്‍ എല്ലുമുറിയെ പണിയെടുത്ത് മറ്റുള്ളവരുടെ വിശപ്പകറ്റുന്നവരാണ് കര്‍ഷകര്‍.

സമധാതുവിന്റെ ഉൾതുടിപ്പുകളായ, കൃഷിയെ ഉപജീവനമാർഗം എന്നതിലുപരി നന്മയായും ആത്മവികാരമായും ഏറ്റെടുത്ത ഞങ്ങളുടെ പ്രിയ കർഷകർ ശ്രീ. ജയകൃഷ്ണൻ, ശ്രീ. ലെനീഷ് എന്നിവരോടൊപ്പം കർഷകവൃത്തിയിലേർപ്പെട്ടിരിക്കുന്ന എല്ലാവർക്കും സമധാതുവിന്റെ ഹൃദയം നിറഞ്ഞ നന്ദി, സ്നേഹം, ആദരവ്🙏🏻

🌾 SAMADHATU Natural Foods
നിത്യഭക്ഷണത്തിലൂടെ ആരോഗ്യവും ആനന്ദവും!
📞 9995155588

🇮🇳 Happy Independence Day......

🌾 വെള്ള അരി - ഒരു വെളുത്ത വിഷം.
White Rice - A White Poison

ദക്ഷിണേന്ത്യയിലെ ഏറ്റവും പ്രധാന ഭക്ഷണമാണ് അരി. മലയാളികളുടെ കാര്യമെടുത്താൽ ദിവസത്തിൽ ഒരുനേരമെങ്കിലും അരി ഭക്ഷണങ്ങൾ കഴിക്കാത്തവരായി ആരുമുണ്ടാകില്ല. മലയാളികളുടെ മാത്രമല്ല ലോകമെമ്പാടുമുള്ള ഭൂരിഭാഗം ജനങ്ങളും കഴിക്കുന്ന പ്രധാനപ്പെട്ട ധാന്യങ്ങളിൽ ഒന്നാണ് അരി.

വിപണിയില്‍ ഇന്ന് പലതരത്തിലുള്ള അരികള്‍ ലഭ്യമാണ്. മട്ട, കുറുവ, പൊന്നി, ജയ അങ്ങനെ പല തരത്തിലുള്ള അരികള്‍ മലയാളികള്‍ ഉപയോഗിക്കുന്നു. എന്നാല്‍ ഇവിടെ നമുക്കിതിനെ രണ്ടായി തരംതിരിക്കാം, വെളുത്ത അരിയും തവിട്ട് അരി അഥവാ ബ്രൗണ്‍ റൈസും.

വെളുത്ത അരിയാണ് ഇന്ന് കൂടുതൽ ആളുകളും കഴിക്കാനായി ഉപയോഗിക്കുന്നത്. ഇത്തരത്തിൽ നമുക്ക് ലഭിക്കുന്ന വെള്ള അരി സംസ്ക്കരിച്ചെടുത്തതും ശുദ്ധീകരണ പ്രക്രിയയിലൂടെ കടന്നുപോവുകയും ചെയ്യുന്ന ഒന്നാണ്. ഇതിൽ കാർബോഹൈഡ്രേറ്റുകൾ ഉയർന്ന അളവിൽ അടങ്ങിയിട്ടുണ്ടാകും. ഗ്ലൈസെമിക് സൂചികയിലും ഇവ ഉയർന്നതാണ്. ഇത്തരം അരിയിൽ നിന്ന് പോഷക ഗുണമുള്ള തവിടിന്റെ പാളികൾ നീക്കം ചെയ്യുന്നു.

പോഷകങ്ങൾ ഫിൽട്ടർ ചെയ്തെടുക്കുന്നവയാണ് ഇത്തരത്തിൽ വെള്ള അരി എന്നു വേണമെങ്കിൽ പറയാം. ഇത്തരം അരിയിൽ സ്വാഭാവികമായും പോഷകങ്ങൾ കുറവുള്ള എൻഡോസ്‌പെർം (endosperm) മാത്രമാണ് അവശേഷിക്കുന്നത്. പോഷകാഹാര നില കുറഞ്ഞ ഇത്തരം വെളുത്ത അരി അടിസ്ഥാനപരമായി ശൂന്യമായ കലോറിയുടെ ഉറവിടമാണ് പറയേണ്ടിവരും.

പ്രമേഹവും, ഹൃദയ സംബന്ധമായ രോഗങ്ങൾ, പൊണ്ണത്തടി, പക്ഷാഘാതം, ഫാറ്റി ലിവർ, കൊളെസ്ട്രോൾ, യൂറിക് ആസിഡ് തുടങ്ങി എല്ലാ അസുഖങ്ങളുടെയും മുഖ്യ കാരണക്കാരനാണ് ഈ വെളുത്ത അരി. വെളുത്ത അരി കഴിക്കുന്നത് കുറയ്ക്കുകയും അതിനു പകരമായി തവിടടങ്ങിയ അരി ഉൾപ്പെടുത്തുക.

പ്രമേഹവും, ഹൃദയ സംബന്ധമായ രോഗങ്ങളുമൊക്കെയായി ബുദ്ധിമുട്ട് അനുഭവിക്കുന്നവരാണ് നിങ്ങളെങ്കിൽ തവിട് നീക്കം ചെയ്യാത്ത അരി നിങ്ങളുടെ ആരോഗ്യത്തിൽ നല്ല മാറ്റങ്ങൾ കൊണ്ടുവരുമെന്നത് തീർച്ചയാണ്.

https://youtu.be/KMalxWakxo8

🔸 NB: ആനന്ദ ഫാർമിങ് കൃഷിരീതിയിലൂടെ ഉണ്ടാക്കിയെടുക്കുന്ന ജനിതക മാറ്റം വരുത്താത്ത തവിടോടുകൂടിയ അരികളും അതിൽ നിന്നുണ്ടാക്കുന്ന മൂല്യ വർദ്ധിത ഉത്പന്നങ്ങളും സമധാതുവിൽ ലഭ്യമാണ്.

🌾🧘🏻‍♂️
📞 9995155588
8129011109

വെള്ള അരി - ഒരു വെളുത്ത വിഷം White Rice- A White Poison 🌾 വെള്ള അരി - ഒരു വെളുത്ത വിഷം White Rice- A White Poisonദക്ഷിണേന്ത്യയിലെ ഏറ്റവും പ്രധാന ഭക്ഷണമാണ് അരി. മലയാളികളുടെ കാര്യമെടുത്...

#ആരോഗ്യത്തിലൂടെ_ആനന്ദം
#ശുഭചിന്ത



🗣️ പ്രവചനങ്ങളും പരിഭ്രാന്തിയും

'ഇപ്രാവശ്യം ഗ്രാമത്തിൽ
കടുത്ത വരൾച്ച ഉണ്ടാകും.' പ്രവചനം കേട്ട് ഗ്രാമവാസികൾ അമ്പരന്നു. അവർ പരിഭ്രാന്തിയിലായി.

"നല്ല കാലാവസ്ഥ. വയലിൽ നിറയെ വിളവ്. വിളവെടുപ്പിന് ഇനി ആഴ്ചകളേയുള്ളൂ. കൃഷിക്കാർ ആരോഗ്യവാന്മാർ. പിന്നെന്തു പ്രശ്നം? പലരും ഇങ്ങനെ എതിർ ചോദ്യം ചോദിച്ചു. പക്ഷേ അതൊന്നും ആരും ചെവിക്കൊണ്ടില്ല

ഗ്രാമവാസികൾ പ്രവചനം കേട്ട് നഗരത്തിലേക്ക് തിരക്കിട്ട് കുടിയേറി.
ഏതായാലും പ്രവചനം ഫലിച്ചു. വിളവെടുക്കാൻ ആളില്ലാതെ അത് നശിച്ചു. ക്ഷാമം സത്യവുമായി.

പല പ്രവചനങ്ങളും സത്യമാകുന്നത് നമ്മുടെ പരിഭ്രാന്തി മൂലമാണ്.

പല ദുരിതങ്ങളും നമ്മുടെ തന്നെ സൃഷ്ടിയാണ്.

🌾 🌾
നിത്യ ഭക്ഷണത്തിലൂടെ ആരോഗ്യവും ആനന്ദവും!
📞 9995155588

🧉 സമധാതു സ്പെഷ്യൽ കർക്കിടക കഞ്ഞി

ദേഹരക്ഷക്കായി കർക്കിടക മാസത്തിൽ നമ്മൾ കർക്കിടക കഞ്ഞി ഉപയോഗിച്ചു വരുന്നു.
തുടർച്ചയായി 7 അല്ലെങ്കിൽ 10 ദിവസമാണ് കർക്കിടക കഞ്ഞി ഉണ്ടാക്കി കഴിക്കാറ്. ഇത് തയ്യാറാക്കുന്ന വിധം കേരളത്തിലെ വിവിധ പ്രദേശങ്ങളിൽ ചെറിയ രീതിയിൽ വ്യത്യാസപ്പെട്ടു കാണാം.

കർക്കിടക കഞ്ഞിയിൽ ദശപുഷ്പങ്ങൾ പ്രധാന ചേരുവയാണ്. മറ്റ് ചേരുവകൾ മരുന്നുകടകളിൽ നിന്നും വാങ്ങാമെന്നിരിക്കെ, ദശപുഷ്പങ്ങൾ നമ്മുടെ ചുറ്റുവട്ടത്തുനിന്നും പറിച്ചെടുക്കണം. പലപ്പോഴും ഇവയെല്ലാം പ്രാദേശികമായി കിട്ടണമെന്നില്ല. അതിനാൽ മിക്കവരും കർക്കിട കഞ്ഞി ഉണ്ടാക്കാൻ മടിക്കുന്നു. ദശപുഷ്പങ്ങൾ അല്ലാതെ മറ്റുചില ഔഷധ ഇലകളും നമുക്ക് കഞ്ഞിക്കായി ഉപയോഗിക്കാം. അത്തരമൊരു ഔഷധ കർക്കിടക കഞ്ഞിയാണ് നമ്മൾ ഇവിടെ ഉണ്ടാക്കുന്നത്.

കഞ്ഞിയിലേയ്ക്കായി ബ്ലാക്ക് റൈസ്, വലിയ ചെന്നെല്ല്, കറുത്ത നവര എന്നീ മൂന്നുതരം ഔഷധ അരികളാണ് പൊതുവെ ഉപയോഗിക്കുന്നത്.

വീഡിയോ കണ്ടു നോക്കൂ...

https://youtu.be/Ja9dEpgHskk

🌾 🌾
നിത്യ ഭക്ഷണത്തിലൂടെ ആരോഗ്യവും ആനന്ദവും!
📞 9995155588

സമധാതു കർക്കിടക കഞ്ഞി... ഗുണത്തിലും രുചിയിലും ഏറെ മുന്നിൽ 🧉 സമധാതു സ്പെഷ്യൽ കർക്കിടക കഞ്ഞിദേഹരക്ഷക്കായി കർക്കിടക മാസത്തിൽ നമ്മൾ കർക്കിടക കഞ്ഞി ഉപയോഗിച്ചു വരുന്നു. തുട....

#ആരോഗ്യത്തിലൂടെ_ആനന്ദം
#ശുഭചിന്ത



👂 കേൾക്കാൻ ഇനി പഠിച്ചു തുടങ്ങാം

ക്ഷമാപൂർവ്വം കേൾക്കാൻ പഠിക്കുക.

വിഷമിക്കുന്നവന് ചെയ്തു കൊടുക്കാൻ പറ്റുന്ന ഏറ്റവും വലിയ സഹായമാണിത്. പക്ഷെ സംസാരിക്കാനാണ് എല്ലാവർക്കും താല്പര്യം. ഒരാൾ നിറുത്തുമ്പോഴേക്കും അടുത്തയാൾ തുടങ്ങും. മറ്റെയാളുടെ സംസാരം തീർന്നു കിട്ടാനുള്ള തിടുക്കത്തിലാണ് ഓരോരുത്തരും.

ഒരാൾക്ക് ആശ്വാസം കൊടുക്കാൻ നാം ആഗ്രഹിക്കുന്നുവെങ്കിൽ അയാൾ പറയുന്നത് സാവധാനം, സ്നേഹത്തോടെ കേൾക്കാൻ പഠിക്കണം. അപ്പോഴേ അയാൾക്ക് തന്റെ ഹൃദയഭാരം മുഴുവനും ഇറക്കി വയ്ക്കാൻ സാധിക്കൂ. അത് ചെയ്യുന്നതോടെ അയാളുടെ പ്രശ്നം മുക്കാലും പരിഹൃതമായിട്ടുണ്ടാകും. അത് കഴിഞ്ഞു അയാൾക്ക് ഉത്തരം വേണമെങ്കിൽ നമ്മുടെ മന:സാക്ഷി നമുക്ക് ഉപദേശിച്ചു തരും.

🌾 🌾
നിത്യ ഭക്ഷണത്തിലൂടെ ആരോഗ്യവും ആനന്ദവും!
📞 9995155588

#ആരോഗ്യത്തിലൂടെ_ആനന്ദം



👫🏻 ഞാനും നീയും ഒന്നാണ്!

അണ്ഡത്തിൻ്റെയും ബീജത്തിൻ്റെയും ശക്തി. അത് രൂപം കൊള്ളുന്നത് മാതാപിതാക്കൾ കഴിക്കുന്ന ഭക്ഷണത്തിൽ നിന്നാണ്.

നല്ല ഭക്ഷണം കഴിച്ചാൽ നല്ല അണ്ഡവും ബീജവും ഉണ്ടാകും.

മനുഷ്യ ശരീരം പഞ്ചഭൂതങ്ങളാൽ നിർമ്മിതമാണ്.
(ഭൂമി, വെള്ളം, അഗ്നി, വായു, ആകാശം എന്നിവയാണല്ലോ ഈ പഞ്ചഭൂതങ്ങൾ )
ഈ പ്രപഞ്ചവും പഞ്ചഭൂത നിർമ്മിതമാണ്.
പ്രപഞ്ചത്തിൻ്റെ തനിപ്പകർപ്പാണ് ഓരോ മനുഷ്യനും.
ആൺ പെൺ ഒക്കെ ബാഹ്യ പ്രകൃതിയിൽ മാത്രം.

പഞ്ചഭൂതങ്ങളെ സ്വീകരിച്ച് ശരീരം വളരുന്നു.
അവയിൽ നിന്ന് അണ്ഡവും ബീജവും ഉണ്ടാക്കുന്നു.
അതു ചേർന്ന് സിക്താണ്ഡമാകുന്നു.
ജീവൻസന്നിവേശിക്കപ്പെടുന്നു.
അത് അമ്മയിൽ നിന്ന് ഭക്ഷണം സ്വീകരിച്ച് വളരുന്നു.
പുറത്തു വന്നാൽ അമ്മയുടെ പാൽ കുടിച്ച് വളരുന്നു.
ഉദരത്തിൽ കിടന്നപ്പോൾ പൊക്കിൾക്കൊടിയിലൂടെ ലഭിച്ചത് രക്തമായിരുന്നെങ്കിൽ അതേ രക്തത്തിൽ നിന്ന് മാധുര്യമുള്ള പാലായി, അമൃതായി ഭക്ഷണം കുഞ്ഞ് സ്വീകരിക്കുന്നു.

ഒരു ചെടിയും ഇങ്ങനെ തന്നെ വളരുന്നു.
ചെടിയാകും മുമ്പ് അതൊരു വിത്തായിരുന്നു. വിത്താകും മുമ്പ് അതൊരു കായ് ആയിരുന്നു.
കായാകും മുമ്പ് അത് പൂവും, പൂവാകും മുമ്പ് ചെടിയും, ചെടിയാകും മുമ്പ് വിത്തുമായിരുന്നു.

ഒരു ചെടിയും ഞാനും ഉണ്ടായി വന്നത് ഏതാണ്ട് ഒരു പോലെയാണ്.
ജീവൻ പോയാൽ ഞാനും പഞ്ചഭൂതങ്ങളിലേക്ക് മടങ്ങുന്നു.
മറ്റൊരു ജീവിയുടെ ഭക്ഷണമായി ചെടിയായോ, മൃഗമായോ, മനുഷ്യനായോ വീണ്ടും ജനിക്കുന്നു.
ഇത്രയേയുള്ളു പ്രാപഞ്ചിക ജീവിതം.

അതിനിടയ്ക്ക് നാമിങ്ങനെ പലതും പറഞ്ഞ് സമയം കളയുന്നു.
ആത്യന്തികമായി ഞാനും ഈ പ്രപഞ്ചവും ഒന്നാണെന്നും ഇതിന് കോട്ടം വരുത്തുന്നതൊന്നും ചെയ്യാൻ പാടില്ലെന്നതും ചിന്തിക്കാൻ വിശേഷബുദ്ധിയുള്ള മനുഷ്യന് കഴിയണം.

കടപ്പാട്:-
യോഗാചാര്യ ഡോ.സജീവ് പഞ്ച കൈലാസി

🌾 🌾
നിത്യ ഭക്ഷണത്തിലൂടെ ആരോഗ്യവും ആനന്ദവും!
📞 9995155588

#ആരോഗ്യത്തിലൂടെ_ആനന്ദം
#ശുഭചിന്ത



🪑 ഹോ രാജാവും ഇരിപ്പിടവും

വളരെ സിദ്ധികളുള്ള ഒരു യോഗി ഉണ്ടായിരുന്നു. മഹാരാജാവ് അദ്ദേഹത്തെ കൊട്ടാരത്തിലേക്ക് ക്ഷണിച്ചു. യോഗിയാകട്ടെ രാജാവിനെ തിരിച്ച് തന്റെ കുടിലു പോലുള്ള ആശ്രമത്തിലേക്കും ക്ഷണിച്ചു.

രാജാവ് കുടിലിലെത്തിയപ്പോൾ പഞ്ഞിപോലത്തെ താടിയുള്ള വൃദ്ധനായ ഒരു യോഗി, ഒരു തടുക്കുപായിൽ ഇരിക്കുന്നു. സമീപം മറ്റൊരു തടുക്ക്. യോഗി രാജാവിനെ ഇരിക്കാൻ ക്ഷണിച്ചു.

"ഇവിടെ മറ്റ് ഇരിപ്പിടങ്ങളൊന്നുമില്ലേ?" രാജാവ് തിരക്കി.

"ഇല്ല... അങ്ങയുടെ ഇരിപ്പിടം എവിടെ രാജൻ?" യോഗി പുഞ്ചിരിയോടെ ചോദിച്ചു.

"ഞാനിവിടെ തിരിച്ചു പോകാനായി വന്നതല്ലേ. അതുകൊണ്ട് ഇരിപ്പിടം എടുത്തില്ല!" രാജാവ് പറഞ്ഞു.

"അതുതന്നെയാണ് എന്റെയും കാര്യം. ഞാനും തിരിച്ചു പോകാനായി ഇവിടെ (ലോകത്ത്) വന്നതാണ്. അതുകൊണ്ട് ഒന്നും എടുത്തില്ല."

ഈ സത്യം ഉള്ളിലുറച്ചാൽ ജീവിതം രസകരവും ശാന്തി പൂർണവുമാകും. ഈ സുന്ദരമായ ഭൂമിയിൽ തൽക്കാല താമസക്കാരാണ് നാം.
ഇത് ഉറപ്പിച്ചാൽ, കിട്ടിയ സമയം നന്നായി ഉപയോഗിക്കും. ഊട്ടിയിലും കൊടൈക്കനാലിലും മറ്റും വിനോദത്തിന് പോകുമ്പോൾ ആ സുന്ദര സ്ഥലങ്ങൾ നാം കഴിയുന്നത്ര ആസ്വദിക്കുന്നു. കുറച്ചു ദിവസങ്ങൾ മാത്രമേ തങ്ങുള്ളൂ എന്നറിയാവുന്നതിനാൽ ഒരു നിമിഷം പോലും പാഴാക്കുന്നില്ല. കഴിയുന്നത്ര സ്ഥലങ്ങൾ ഓടി നടന്നു കാണുന്നു, സന്തോഷിക്കുന്നു.

ഈ മനോഭാവം എപ്പോഴും ഉണ്ടായാൽ വഴക്കിനും വക്കാണത്തിനും അസൂയയ്ക്കുമായി ഇവിടെ സമയം കളയാൻ നാം മിനക്കെടില്ല. ഉള്ള സമയം ഇവിടെ നന്നായി ജീവിക്കാൻ ശ്രമിക്കും.

🌾 🌾
നിത്യ ഭക്ഷണത്തിലൂടെ ആരോഗ്യവും ആനന്ദവും!
📞 9995155588

#എന്താണൊരുപോംവഴി??

❓ നിങ്ങൾ സ്വയം ചോദിക്കുന്ന ചില പൊതുചോദ്യങ്ങളാണ് താഴെയെങ്കിൽ തീർച്ചയായും നിങ്ങളീ വെബിനാറിൽ പങ്കെടുക്കേണ്ടവരാണ് ‼️

1️⃣. എത്ര പണം കയ്യിൽ വന്നാലും എങ്ങോട്ട് പോകുന്നു.. എങ്ങനെ തീരുന്നു എന്നറിയില്ല..

2️⃣. ന്യായമായ വരുമാനം ഉണ്ടായിട്ടും ഒന്നിനും തികയുന്നില്ല..

3️⃣. വർഷങ്ങൾ ഒരുപാടായി രാപകലില്ലാതെ അധ്വാനിക്കുന്നു.. പക്ഷെ ഇപ്പോഴും മിച്ചമൊന്നുമില്ല..

4️⃣. ❓ തീർക്കാൻ ശ്രമിക്കുന്തോറും കടങ്ങൾ പെരുകി വരുന്നു..

എന്താണൊരു പോംവഴി??

പറയാം......

🔅 സാമ്പത്തികം കൈകാര്യം ചെയ്യുന്ന രീതി ഒന്ന് മാറ്റിയാൽ...വ്യത്യാസം വരും..

🔅 ചെറുതെങ്കിലും ഒരു തുക സേവ് ചെയ്താൽ ഉറപ്പായും മിച്ചമുണ്ടാകും..

🔅 പെരുമാറ്റവും സ്വഭാവവും ചെറുതായൊന്നു ട്യൂൺ ചെയ്താൽ പുതിയ വഴികൾ തുറക്കപ്പെടും..

🔅 മക്കളെയെങ്കിലും ഇപ്പോഴേ സാമ്പത്തികത്തിന്റെ ബാലപാഠം പഠിപ്പിച്ചാൽ ഭാവിയിൽ അവരുടെ ജീവിതവും ശോഭനമാകും..

ഇതിനെല്ലാം എളുപ്പ മാർഗ്ഗങ്ങളുണ്ട്... രീതിശാസ്ത്രങ്ങളുണ്ട്..

Money Management consultant

RASHEED SUFFA
presents

🔮 SYNOPSIS OF LIFE 🔮

📍 July 9 Friday
⏰ രാത്രി 9 മണിക്ക്.

👨‍🏫 Faculty : Rasheed Suffa
(Money management consultant, Richness coach.)

ഈ സൗജന്യ വെബിനാറിൽ പങ്കെടുക്കുവാൻ താഴെ കാണുന്ന ലിങ്കിൽ ക്ലിക്ക് ചെയ്ത് ജോയിൻ ചെയ്യാവുന്നതാണ്. ⬇️

https://us02web.zoom.us/j/4449669873?pwd=WU1nZW1KUWFnUUxVa1U2bTQrci91QT09

🔅🔅🔅🔅🔅🔅🔅🔅🔅🔅🔅

കൂടുതൽ വിവരങ്ങൾക്ക് താഴെ കാണുന്ന ലിങ്കിൽ ബന്ധപ്പെടാവുന്നതാണ്.

🪀 http://wa.me/919995155588

🌾🧘🏻‍♂️

📞 9995155588

#ആരോഗ്യത്തിലൂടെ_ആനന്ദം
#ശുഭചിന്ത



⌛ സ്വസ്ഥതയുടെ രഹസ്യം

സദാ ഉല്ലാസവതിയാണ് അവൾ. അവൻ അവളുടെ സന്തോഷത്തിന്റെ രഹസ്യം പതിവുപോലെ തിരക്കി. അന്ന് അവൾ അത് വെളിപ്പെടുത്താനുള്ള മനോനിലയിലായിരുന്നു.

"ഞാനതു പറയാം"

ആനന്ദത്തിന്റെ രഹസ്യം അവൾ വെളിപ്പെടുത്താൻ തുടങ്ങി:

"എനിക്കിവിടെ ഏറെയൊന്നും ചെയ്യാനില്ലെന്ന് ഞാനറിഞ്ഞു. ഞാൻ ശേഖരിക്കുന്നതിന്റെ നാലിലൊന്നുപോലും എനിക്ക് അത്യാവശ്യമുള്ളതല്ലെന്നും ഞാൻ മനസ്സിലാക്കി. ആ അറിവുകൾ സമ്മാനിച്ചതാണീ ആനന്ദധാര.

അതിരുകവിഞ്ഞ ചുമതലാബോധമാണു നമ്മുടെ സ്വസ്ഥത കളയുന്നത്. ആവശ്യത്തിൽ കൂടുതൽ ശേഖരിച്ചുവയ്ക്കാനുള്ള ആഗ്രഹമാണു നമ്മുടെ സമാധാനം കെടുത്തുന്ന രണ്ടാമത്തെ സംഗതി.

🌾 🌾
നിത്യ ഭക്ഷണത്തിലൂടെ ആരോഗ്യവും ആനന്ദവും!
📞 9995155588

#ആരോഗ്യത്തിലൂടെ_ആനന്ദം
#ശുഭചിന്ത



🕯️ ഞൊടിയിടകൊണ്ടു തീരുന്ന ജന്മം

കൈലാസത്തിൽ ശിവപ്പെരുമാളും പാർവ്വതീദേവിയും നന്ദിയും നാരദരും ഇരിക്കുന്ന സമയം. പെട്ടെന്ന് ഒരലർച്ച മുഴങ്ങി... നന്ദി ചോദിച്ചു, "ഭഗവാനേ എന്താണീ ശബ്ദം?"

"രാവണൻ ജനിച്ചു," ശ്രീപരമേശ്വരൻ പറഞ്ഞു.

ഏതാനും നിമിഷം കഴിഞ്ഞു. മറ്റൊരു ഭീകര ശബ്ദം മുഴങ്ങി.

"ഈ ശബ്ദമോ..." നന്ദി ചോദിച്ചു

"രാവണൻ മരിച്ചു," പുഞ്ചിരിയോടെ ശിവപ്പെരുമാൾ പറഞ്ഞു.

അതീവ ശക്തിശാലിയായിരുന്ന രാവണന്റെയും ജന്മം ഞൊടിയിടകൊണ്ടു തീർന്നു. കാലത്തിന്റെ കണക്കുബുക്കിൽ നമുക്കും ഒരു ഞൊടിയിടയേയുള്ളൂ... ആ സമയം വമ്പു നടിച്ച് പാഴാക്കണോ... അതോ എളിമയോടെ ആസ്വദിക്കണമോ?

🌾 🌾
നിത്യ ഭക്ഷണത്തിലൂടെ ആരോഗ്യവും ആനന്ദവും!
📞 9995155588

#ആരോഗ്യത്തിലൂടെ_ആനന്ദം
#ശുഭചിന്ത



🦅 നടുക്കടലിൽ ഒരു പരുന്ത്

കപ്പലിന്റെ പായ്മരത്തിലിരുന്ന് പരുന്ത് ഉറങ്ങിപ്പോയി. കപ്പൽ പുറപ്പെട്ടത് അറിഞ്ഞില്ല. കണ്ണുതുറന്നപ്പോൾ നടുക്കടലിൽ.. അവൻ പരിഭ്രമത്തോടെ കിഴക്കോട്ട് പറന്നു. കര കാണാനില്ല.

ചിറകു കഴച് തിരിച്ചു കപ്പൽത്തട്ടിൽ വന്നിരുന്നു. കുറച്ചുനേരം വിശ്രമിച്ചു. പിന്നീട് വടക്കോട്ട് പറന്നു. കര കണ്ടില്ല.

തളർന്ന് വീണ്ടും തിരിച്ചു വന്നു.
വീണ്ടും തെക്കോട്ടും കിഴക്കോട്ടും പറന്നു നോക്കി. കര കാണാനില്ല. ഇനി പറന്നിട്ട് രക്ഷയില്ലെന്നറിഞ്ഞ് ഒടുവിൽ അവൻ പായമരത്തിൽ തന്നെ ഉറച്ചിരുന്നു.

മനം സുഖത്തിനായി നാലുപാടും പറക്കും. തേടിയിടത്തൊക്കെ ശരിയായ സുഖമില്ലെന്നു കണ്ട് തിരിച്ചുവരും. ഒടുവിൽ അവൻ തന്റെ ഹൃദയത്തിലുള്ള ഈശ്വരനിലാണ് സുഖം എന്നു കണ്ടെത്തും. അതോടെ അവിടെത്തന്നെ ഉറച്ചുനിൽക്കും. പിന്നെ മനസ്സ് അലഞ്ഞു തിരിയുകയില്ല. വിവേകം ഉണർത്തി ഇക്കാര്യം മനസിനെ പഠിപ്പിക്കുക. അല്ലെങ്കിൽ അനുഭവങ്ങളിലൂടെ ഇത് പഠിക്കേണ്ടി വരും. അത് കുറച്ച് കടുപ്പവുമാണ്.

🌾 🌾
_നിത്യ ഭക്ഷണത്തിലൂടെ ആരോഗ്യവും ആനന്ദവും!_
📞 9995155588

#ആരോഗ്യത്തിലൂടെ_ആനന്ദം
#ശുഭചിന്ത



🔮 സുഹാർത്തോയും കർണ്ണനും

ഇന്തോനേഷ്യൻ പ്രസിഡൻറ് സുഹാർത്തോയ്ക്ക് മഹാഭാരതം വലിയ ഇഷ്ടമാണ്. അതിൽ കർണനാണ് അദ്ദേഹത്തിന് ഏറ്റവും ഇഷ്ടപ്പെട്ട വ്യക്തിയും.
പക്ഷേ കർണൻ കൗരവരുടെ പക്ഷത്ത് നില്ക്കാതെ കൃഷ്ണ പക്ഷത്ത് നിന്നാൽ മതിയായിരുന്നു എന്നാണ് അദ്ദേഹത്തിന്റെ അഭിപ്രായം. എന്നാൽ കർണൻ സമ്പൂർണ്ണനാകുമായിരുന്നുവത്രേ!

കർണ്ണനോടുള്ള പ്രേമം മൂലം സുഹാർത്തോ തന്റെ മകന് പേരിട്ടത് സുകർണ്ണൻ എന്നാണ്. കർണ്ണനോടുള്ള ആരാധന ഉള്ളപ്പോഴും, കർണന്റെ തെറ്റു കൂടി അദ്ദേഹം മനസ്സിലാക്കുന്നു. അത് തിരുത്തി സ്വീകരിക്കുകയും ചെയ്യുന്നു.

വ്യക്തികളെയല്ല, വ്യക്തികളിലെ തെറ്റുകളെയാണ് നാം അകത്തി നിറുത്തേണ്ടത്. പലപ്പോഴും നമ്മൾ തെറ്റുകളെയല്ല; വ്യക്തികളെയാണ് അകറ്റിനിറുത്താറുള്ളത്‌.

🌾 🌾
നിത്യ ഭക്ഷണത്തിലൂടെ ആരോഗ്യവും ആനന്ദവും!
📞 9995155588

#ആരോഗ്യത്തിലൂടെ_ആനന്ദം
#ശുഭചിന്ത



🚆 തീവണ്ടിയിലെ സ്വകാര്യത

സ്ഥലപരിമിതിമൂലം ചില വീടുകളിൽ 'പ്രൈവസി' (സ്വകാര്യത) കുറവാണെന്നു പറഞ്ഞ് കലഹം ഉണ്ടാക്കുന്നവരുടെ ശ്രദ്ധയ്ക്ക്.

തീവണ്ടിയിൽ ബർത്ത് ബുക്ക് ചെയ്ത യാത്ര ചെയ്യുമ്പോൾ ആ ഒരു 'മുറിയിൽ' കിടക്കുന്നത് എത്രയോ പേർ! അതിൽ യുവാവും യുവതിയും വൃദ്ധനും വൃദ്ധയും ഉണ്ടാകാം.

75 പേർക്ക് ബാത്ത്റൂമിൽ പോകാൻ ആകെ നാല് ബാത്റൂം. ഉറങ്ങാൻ വസ്ത്രം മാറാൻ എല്ലാം നാം അവിടെ സ്ഥലവും സമയവും സൗകര്യവും കണ്ടെത്തുന്നു. ആർക്കും ഒരു സ്വകാര്യതയും നഷ്ടപ്പെടുന്നുമില്ല. ആരോടും പരാതി പറയുന്നില്ല. വീട്ടിലെത്തിയാലോ? ഈ പരിമിതി പലരും ഉൾക്കൊള്ളുന്നില്ല.

🌾 🌾
നിത്യ ഭക്ഷണത്തിലൂടെ ആരോഗ്യവും ആനന്ദവും!
📞 9995155588

#ആരോഗ്യത്തിലൂടെ_ആനന്ദം
#ശുഭചിന്ത



🐀 എലി പുലിയായാലും മനസ്സ് എലിയുടേത്

എലിക്ക് പൂച്ചയെ ഭയങ്കര പേടി. സന്യാസി എലിയെ പൂച്ചയാക്കി.

പക്ഷേ ആ പൂച്ചയ്ക്ക് പട്ടിയെ കണ്ടപ്പോൾ അതിലും വലിയ പേടി.

സന്യാസി പൂച്ചയെ പട്ടിയാക്കി.

പട്ടിയ്ക്ക് പുലിയെ പേടി. സന്യാസി പട്ടിയെ പുലിയാക്കി നോക്കി. അപ്പോഴും പേടി മാറുന്നില്ല. സന്യാസി ഒടുവിൽ പുലിയെ വീണ്ടും ഏലി തന്നെയാക്കി.

സന്യാസി പറഞ്ഞു "എന്തുചെയ്യാം. നിന്റെ മനസ്സ് എപ്പോഴും എലിയുടെതാണ്. ബാഹ്യരൂപം മാറ്റാനേ എനിക്കു കഴിയൂ... മനസ്സു നീ തന്നെ മാറ്റണം. അല്ലാതെ നിന്റെ പേടി എങ്ങനെ മാറും?"

നമുക്ക് വഴി കാണിക്കാനേ മഹത്തുക്കൾക്ക് കഴിയൂ.... അവർ പറഞ്ഞ കാര്യങ്ങൾ പഠിച്ച് ഉരുവിട്ടതു കൊണ്ട് എന്തു കാര്യം?

അവർ പറഞ്ഞത് പരിശീലിക്കുക. അതനുസരിച്ച് മാറുക. അപ്പോൾ നമ്മുടെ സാഹചര്യവും താനേ മാറുന്നത് നമുക്ക് കാണാം.

🌾 🌾
നിത്യ ഭക്ഷണത്തിലൂടെ ആരോഗ്യവും ആനന്ദവും!
📞 9995155588

#ആരോഗ്യത്തിലൂടെ_ആനന്ദം


വി. അശോക് കുമാറിൻ്റെ പുസ്തകമായ രോഗം തരുന്ന വെളുത്ത ചോറ് എന്ന പുസ്തകത്തിലെ ഒരു ഭാഗം:

പണ്ട് 1930കളിൽ തവിടുള്ള അരിയും തവിടുകളഞ്ഞ അരിയും തമ്മിലും, ശർക്കരയും പഞ്ചസാരയും തമ്മിലും പോഷക സംബന്ധിയായി എന്താണ് വ്യത്യാസമെന്ന് ഗാന്ധിജി അദ്ദേഹത്തിനു പരിചയമുള്ള ശാസ്ത്രജ്ഞരോടും, ഡോക്ടർമാരോടും പലപ്പോഴും ചോദിക്കുകയുണ്ടായി. അവർക്കാർക്കും തന്നെ അന്ന് അതേപ്പറ്റി ഒന്നുമറിയില്ലായിരുന്നു. കാരണം അവർ പഠിച്ച് പരീക്ഷയെഴുതിയ പുസ്തകങ്ങളിലൊന്നും ഇങ്ങനെയൊരു ചോദ്യം ഉൾപ്പെട്ടിരുന്നില്ല.

അതുമാത്രമല്ല, മേൽപ്പറഞ്ഞ ഭക്ഷ്യയിനങ്ങൾ പോഷകസംബന്ധിയായി എങ്ങനെ വ്യത്യാസപ്പെട്ടിരിക്കുന്നുവെന്നും, ശരീരത്തിൽ ഇവ ഏതെല്ലാം രീതിയിൽ പ്രവർത്തിക്കുന്നുവെന്നും അറിയാൻ ഒരു വിധത്തിലുമുള്ള ഗവേഷണവും നടന്നിരുന്നില്ല. അതുകൊണ്ട് ഈ രീതിയിലുള്ള പഠന ഗവേഷണങ്ങൾ ഉടൻ വേണ്ടതുണ്ടെന്ന് ഗാന്ധിജി പറഞ്ഞിരുന്നു. പക്ഷേ, നമ്മുടെ ആരോഗ്യരംഗം ഈ വഴിക്ക് ഇതേവരെ ചലിച്ചിട്ടില്ല.

തവിടുള്ള അരിക്കുപകരം തവിടുനീക്കി വെളുപ്പിച്ച അരി മാർക്കറ്റിൽ വരാൻ തുടങ്ങിയത് 19 ആം നൂറ്റാണ്ടിന്റെ അവസാന കാലത്താണ്. ജർമ്മനിയിൽ യന്ത്രമുപയോഗിച്ചു പ്രവർത്തിച്ച അരിമില്ലുകളാണ് തവിടരിയെ ഇന്നത്തെപ്പോലെ വെളുപ്പിച്ചത്.
തവിടോടു കൂടിയ അരി പൂർണ്ണധാന്യവു (Whole Grain)മാണ്. എന്നാൽ തവിടരിയും വെളുപ്പിച്ച അരിയും തമ്മിലുള്ള വ്യത്യാസം നിറത്തിൽ മാത്രമാണെന്നു നാം കരുതുന്നു. തവിടരി വെറും അന്നജം മാത്രം അല്ല ഭക്ഷ്യനാരുകൾ (Dietay fibre), സെലനിയം, മംഗ്നീഷ്യം, ഫാറ്റി ആസിഡുകൾ, വിറ്റാമിനുകൾ, 70-ഓളം വരുന്ന ആന്റി ഓക്സിഡന്റുകൾ എന്നിങ്ങനെ നിരവധി പോഷകങ്ങളുടെ കലവറയാണ് തവിടരി.

മറ്റു പോഷകങ്ങളോടു ചേർന്ന മിശ്രിത രൂപത്തിലുള്ള അന്നജത്തെ അസംസ്കൃതമായ അന്നജം (unrefined Carbohydrate) എന്നാണ് പറയുക. പ്രകൃതിയിൽ ഭക്ഷ്യവിഭവങ്ങളിലെല്ലാം അസംസ്കൃത അന്നജമേയുള്ളൂ. അസംസ്കൃത അന്നജത്തെ സംസ്കരിച്ച് അന്നജം (Refined Carbohydrate) ആക്കി മാറ്റുന്ന പ്രക്രിയ, അതായത് കരിമ്പിനെ പഞ്ചസാരയായും, തവിടരിയെ വെളുപ്പിച്ച അരിയായും ആക്കി മാറ്റുന്ന പ്രവർത്തനം വഴി മൂന്നു താൽക്കാലിക നേട്ടങ്ങൾ ഉണ്ട്.

1️⃣ ധാന്യം വളരെക്കാലം കേടുകൂടാതെ സൂക്ഷിച്ചുവെയ്ക്കാം.

2️⃣ ധാന്യത്തിലെ മറ്റു പോഷകഘടകങ്ങളെല്ലാം നീക്കം ചെയ്ത് ശുദ്ധ അന്നജമാക്കി മാറ്റിയതിനാൽ അത് വേഗം ദഹിക്കുകയും പെട്ടെന്ന് ഗ്ലൂക്കോസായി മാറുകയും ഉടനെതന്നെ ഊർജ്ജം അതിൽനിന്ന് കിട്ടുകയും ചെയ്യുന്നു.

3️⃣ ശുദ്ധ അന്നജമാക്കിമാറ്റിയ ഭക്ഷ്യവസ്തു അസംസ്കൃത അന്നജത്തെക്കാൾ കൂടിയ അളവിൽ ഭക്ഷിക്കാൻ കഴിയും. ഇതു വഴി കുറേനേരത്തേക്ക് ക്ഷീണം കൂടാതെ പണിയെടുക്കാനുള്ള ഊർജ്ജം കിട്ടുന്നു.

രോഗങ്ങൾക്കു കാരണം പാരമ്പര്യമാണെന്നു സമർത്ഥിക്കുന്ന ശാസ്ത്രീയ സമീപനം പ്രകൃതിക്കു നിരക്കുന്നതല്ല. കാരണം പ്രകൃതി അതിന്റെ സൃഷ്ടികളെ ഒന്നിനെയും ഇത്രമാത്രം ജന്മദോഷങ്ങളെ പടച്ചു വിടുന്നില്ല. ഓരോ സൃഷ്ടിയെയും പരമാവധി പരിപൂർണ്ണമാക്കുകയാണ് പ്രകൃതി ചെയ്യുന്നത്. അതിന്റെ സൃഷ്ടികളെ ധാരാളമായി രോഗസാധ്യതയോടെ സൃഷ്ടിക്കുകയാണെങ്കിൽ സൃഷ്ടിയുടെ ലക്ഷ്യം തന്നെ തകരാർ ആയി പോകും. കാരണം അത്തരം സൃഷ്ടികൾ പെട്ടെന്നുതന്നെ നാശമടയും. അതിനാൽ പ്രകൃതിയിൽ വളരെ അത്യപൂർവ്വമായി മാത്രമേ കൈപ്പിഴകൾ - പാരമ്പര്യ വൈകല്യങ്ങൾ അടുത്ത തലമുറയിലേയ്ക്ക് കൈമാറ്റം ചെയ്യപ്പെടുന്നുള്ളു.

NB : തവിടോട് കൂടിയ ഇത്തരം നാടൻ ഔഷധ അരികൾ സമധാതുവിൽ ലഭ്യമാണ്.

🌾 🌾
നിത്യ ഭക്ഷണത്തിലൂടെ ആരോഗ്യവും ആനന്ദവും!
📞 9995155588

#ആരോഗ്യത്തിലൂടെ_ആനന്ദം
#ശുഭചിന്ത



🥛 പാൽപായസവും ഓർമക്കുറിപ്പും

നാളെയാണ് വിവാഹത്തിന്റെ പത്താം വാർഷികം. ഒരുമിച്ച് അമ്പലത്തിൽ പോകണമെന്ന് പറഞ്ഞാണ് ഭാര്യയും ഭർത്താവും ഉറങ്ങാൻ കിടന്നത്. പക്ഷേ, അതിരാവിലെ ഓഫീസിൽ നിന്നും ഫോൺ വന്നു. ഉടനെ അടിയന്തിര ഇൻസ്പെക്ഷനു ചെല്ലണം. ഭർത്താവ് ഓഫീസിലേക്കു കുതിച്ചു.

അയാൾ തിരിച്ചുവന്നത് ഉച്ചയ്ക്ക്. ഭാര്യ വിളമ്പി വച്ച ഊണ് അയാൾ വലിച്ചുവാരി കഴിച്ച് വീണ്ടും ഓടി.

വൈകുന്നേരം വൈകി തിരിച്ചെത്തിയ അയാളോടു ഭാര്യ സ്നേഹപൂർവ്വം ചോദിച്ചു: "ഉച്ചയ്ക്കുള്ള പാൽപ്പായസം ഞാൻ തനിയെ ഉണ്ടാക്കീതായിരുന്നു... എങ്ങനെയുണ്ടായിരുന്നു?"

"ഉച്ചയ്ക്ക് ഞാൻ പാൽപ്പായസം കഴിച്ചായിരുന്നുവോ..." ഭർത്താവ് അറിയാതെ ചോദിച്ചു പോയി.

അപ്പോഴുള്ള ഭാര്യയുടെ സങ്കടം ഒന്ന് ആലോചിച്ചു നോക്കൂ. പരസ്പരം സ്നേഹിച്ചാൽ മാത്രം പോരാ, അന്യോന്യം അഭിനന്ദിക്കണം, അംഗീകാരം സ്നേഹപൂർവമായ വാക്കുകളിലൂടെ കൊടുക്കണം. അതാണ് കുടുംബജീവിതത്തിന്റെ രസം.

🌾 🌾
നിത്യ ഭക്ഷണത്തിലൂടെ ആരോഗ്യവും ആനന്ദവും!
📞 8129011109

#ആരോഗ്യത്തിലൂടെ_ആനന്ദം
#ശുഭചിന്ത



🐴 കുതിരയുടെ പല്ലും അരിസ്റ്റോട്ടിലും

വളരെ പണ്ട് നടന്നെന്ന് പറയപ്പെടുന്ന ഒരു സംഭവകഥ . ഓക്സ്ഫർഡ് സർവകലാശാലയിലിരുന്ന് ഒരുപറ്റം ചരിത്രപണ്ഡിതന്മാർ ഗൗരവമേറിയ ചർച്ചയിലാണ്.
വിഷയം: കുതിരയ്ക്ക് എത്ര പല്ലുണ്ട്.

അരിസ്റ്റോട്ടിൽ ഇതിനെക്കുറിച്ച് എന്തു പറഞ്ഞിട്ടുണ്ട് എന്നാണ് പണ്ഡിതന്മാരിൽ ചിലർ തിരക്കുന്നത്. അതിനിടയിൽ ചെറുപ്പക്കാരനായ ഒരു പണ്ഡിതൻ പുറത്തുപോയി, ഒരു കുതിരയുമായി തിരിച്ചെത്തി. എന്നിട്ടു പറഞ്ഞു: "ബഹുമാന്യരെ ഇതാ കുതിര... നമുക്ക് നേരിട്ടു തന്നെ പരിശോധിക്കാം. സത്യം കണ്ടെത്താം. അതിനായി എന്തിനീ പുസ്തകങ്ങൾ പരതുന്നു."

"അരിസ്റ്റോട്ടിൽ പറഞ്ഞതിനേക്കാൾ കൃത്യമായി പറയാൻ ആർക്കു കഴിയും?" അപ്പോൾ ഒരു വൃദ്ധ പണ്ഡിതന്റെ ചോദ്യം.

നമ്മുടെ പല ചരിത്ര അവലോകനങ്ങളും സെമിനാർ ചർച്ചകളും ഇതേപോലെ തരംതാഴുകയല്ലേ? ജീവിതയാഥാർത്ഥ്യങ്ങൾ ഉൾക്കൊള്ളാതെയുള്ള ഗ്രന്ഥ വിചാരംകൊണ്ട് ആർക്കാണു നേട്ടം?

🌾 🌾
നിത്യ ഭക്ഷണത്തിലൂടെ ആരോഗ്യവും ആനന്ദവും!
📞 8129011109

#ആരോഗ്യത്തിലൂടെ_ആനന്ദം
#ശുഭചിന്ത



📄 അയയ്ക്കാത്ത കത്തുകളും ചില പ്രാർത്ഥനകളും

നിരവധി കത്തുകൾ എഴുതിയിട്ടു മറുപടി കിട്ടാതെ വന്നപ്പോൾ അയാൾ ബന്ധുവിനെ തിരക്കി വീട്ടിലെത്തി. കണ്ടപാടെ തന്റെ പരിഭവം ബന്ധുവിനെ അറിയിച്ചു. താൻ എല്ലാ കത്തിനും മറുപടി എഴുതിയതായി ബന്ധു ഉറപ്പിച്ചു പറഞ്ഞു.

അപ്പോൾ കൂടെയുണ്ടായിരുന്ന പേരക്കുട്ടി പറഞ്ഞു, "അപ്പൂപ്പൻ മറുപടിക്കത്ത് എഴുതിയെന്നത് സത്യം തന്നെ.പക്ഷേ ഒരൊറ്റ എണ്ണം പോലും പോസ്റ്റ് ചെയ്തില്ല, മറന്നുപോയി. മേശ തുറന്നു നോക്കൂ, എല്ലാം അതിലുണ്ട്."

പലപ്പോഴും നമ്മുടെ പ്രാർത്ഥന ഇതുപോലെയാണ്. അയയ്ക്കാത്ത കത്തു പോലെ. നാം പ്രാർത്ഥിക്കുന്നു. പക്ഷേ ഈശ്വരൻ മറുപടി തരുന്നില്ല. കാരണം എന്ത്? നമ്മുടെ പ്രാർത്ഥനയാകുന്ന കത്തിൽ പ്രേമമാകുന്ന സ്റ്റാമ്പ് ഒട്ടിക്കണം. എങ്കിലേ അതിനു മറുപടി ലഭിയ്ക്കൂ. അല്ലാത്ത പ്രാർത്ഥനകൾ അയയ്ക്കാത്ത കത്തു പോലെ.

🌾 🌾
_നിത്യ ഭക്ഷണത്തിലൂടെ ആരോഗ്യവും ആനന്ദവും!_
📞 8129011109

#ആരോഗ്യത്തിലൂടെ_ആനന്ദം
#ശുഭചിന്ത



👅 ആഹാരവും സംസാരവും

ഒരു മാരാമൺ കൺവെൻഷൻ സമയം. വിശാലമായ മണൽപരപ്പിൽ ഭക്തജനങ്ങൾ ആഹാരം കഴിക്കാനുള്ള തത്രപ്പാടിലാണ്. ആഹാരം വിളമ്പി കഴിഞ്ഞു. അന്നത്തെ വലിയ മെത്രാപ്പൊലീത്ത മാർ ക്രിസോസ്റ്റം തിരുമേനിയും ആഹാരം കഴിക്കാൻ ഇരുന്നു. പെട്ടെന്ന് ഒരാൾ ഒരു മൈക്കുമായി അദ്ദേഹത്തെ സമീപിച്ച് പറഞ്ഞു, "തിരുമേനി, എല്ലാവരും ആഹാരം കഴിക്കാൻ തുടങ്ങുകയാണ്.
ആഹാരത്തെ ഒന്നു വാഴ്ത്തണേ..."

തിരുമേനി മൈക്കു വാങ്ങി. ചുറ്റിനും നോക്കി. നറും പുഞ്ചിരി ചുണ്ടിൽ വിടർന്നു. തന്റെ സ്വത:സിദ്ധമായ ശൈലിയിൽ അദ്ദേഹം പറഞ്ഞു, "ഭൂരിപക്ഷത്തിന്റെ വായിലും, ന്യൂനപക്ഷത്തിന്റെ മുന്നിലും ഇരിക്കുന്ന ഞങ്ങളുടെ ഭക്ഷണത്തെ പവിത്രമാക്കേണമേ..."

മെത്രാപ്പൊലീത്തയുടെ വാക്കുകൾ കേട്ട് മണൽപ്പുറം കുലുങ്ങി ചിരിച്ചുപോയി. ആഹാരം, സംസാരം ഈ രണ്ടിടത്തും ഒരുവന് നിയന്ത്രണശക്തി ശരിക്കും പരീക്ഷിക്കാനാകും. ആഹാരത്തിനു മുന്നിൽ ഭൂരിഭാഗത്തിന്റെയും നിയന്ത്രണം കൈവിട്ടുപോകുന്നു. അതുപോലെതന്നെ സംസാരത്തിന്റെ കാര്യത്തിലും. ഭാഗവതം പറയുന്നു. ഒരുവൻ തന്റെ നാവിനെ ജയിച്ചാൽ സർവ്വതും ജയിച്ചു കഴിഞ്ഞു (ജിതം സർവ്വേ ജിതേ രസേ). ആഹാരം മുന്നിലെത്തിച്ച ഈശ്വരനെ ഒരു മാത്ര പോലും സ്മരിക്കാതെ അതു കഴിക്കുന്നത് നന്ദികേടല്ലേ.... കൊതിയടക്കാനും, നല്ലത് പറയാനും സാധിച്ചാൽ നാവിനെ വിജയിച്ചുവെന്നു കരുതാം. അതോടെ ജീവിതം ധന്യമാകുന്നു.

🌾 🌾
_നിത്യ ഭക്ഷണത്തിലൂടെ ആരോഗ്യവും ആനന്ദവും!_
📞 8129011109

#ആരോഗ്യത്തിലൂടെ_ആനന്ദം
#ശുഭചിന്ത



🌾 നെൽക്കതിരും വിനയവും

മത്സരങ്ങളിൽ ഏറെ സമ്മാനങ്ങൾ കിട്ടിയപ്പോൾ ചെറുപ്പക്കാരന് തലക്കനം വല്ലാതായി. അവൻ അത്യാഹ്ലാദത്തോടെ വീട്ടിലെത്തി. അമ്മയോട് തന്റെ നേട്ടങ്ങളെ വാനോളം പുകഴ്ത്തിപ്പറഞ്ഞു. എന്നിട്ടവൻ അമ്മയോട് ചോദിച്ചു:

"ഞങ്ങളുടെ കോളേജിൽ എല്ലാവരിലും അറിയപ്പെടുന്ന എത്ര പേർ ഉണ്ടെന്ന് അമ്മയ്ക്കറിയാമോ?"

ബുദ്ധിമതിയായ അമ്മ പറഞ്ഞു, "നിന്റെ മനസ്സിലുള്ള എണ്ണത്തിൽ നിന്ന് ഒന്ന് കുറയ്ക്കുക, അത്രയും ഉണ്ടാകും."

പയ്യൻ വല്ലാതായി. എങ്കിലും വീറോടെ അവൻ പറഞ്ഞു, "എന്നെ കണ്ടാൽ എല്ലാവരും തലകുനിച്ച് ഇന്ന് വണങ്ങും. അമ്മയ്ക്ക് അതറിയുമോ?"

"മക്കളെ, നെൽച്ചെടി കതിരിട്ട്, കുലച്, വിളഞ്ഞാൽ അതിന്റെ തല താഴുന്നത് നീ കണ്ടിട്ടില്ലേ."

വിജയത്തിന്റെ ശരിയായ ലക്ഷണം വിനയം തന്നെ

🌾 🌾
നിത്യ ഭക്ഷണത്തിലൂടെ ആരോഗ്യവും ആനന്ദവും!
📞 8129011109

#ആരോഗ്യത്തിലൂടെ_ആനന്ദം
#ശുഭചിന്ത



✏️ ചെറുതാക്കാനല്ല, വലുതാവുന്നത്!

ടീച്ചർ ബോർഡിൽ ചോക്കുകൊണ്ട് ഒരു വര വരച്ചു. അവർ കുട്ടികളോട് ചോദിച്ചു, "ഈ വര എങ്ങനെ ചെറുതാക്കാം?"

"പകുതി മായ്ച്ചു കളഞ്ഞാൽ മതി," ഒരു കുട്ടി പറഞ്ഞു.

മൗനമായിരുന്ന മറ്റൊരു കുട്ടിയോട് ടീച്ചർ ചോദിച്ചു, "പറയൂ വേറെ മാർഗം ഉണ്ടോ?"

ആ കുട്ടിയുടെ ഉത്തരം: "അതിനേക്കാൾ വലിയ ഒരു വര വരയ്ക്കുക. അപ്പോൾ ടീച്ചർ ആദ്യം വരച്ച വര ചെറുതാകും."

അതെ, മറ്റൊന്നിനെ ചെറുതാക്കിയല്ല നാം വലുതാവേണ്ടത്. മറ്റുള്ളവർ ചെയ്യുന്നവ അതിനേക്കാൾ നന്നായി ചെയ്തു കാണിച്ചു കൊണ്ടാവണം നാം വലുതാകേണ്ടത്.

🌾 🌾
നിത്യ ഭക്ഷണത്തിലൂടെ ആരോഗ്യവും ആനന്ദവും!
📞 8129011109