Sreedevi Amma

നിറഞ്ഞ ചിരി, നിറസാന്നിധ്യം. ഇന്നാട്ടിൽ, പല നാടുകളിൽ ഒക്കേയും ജാതി മത ദേശ രാഷ്ട്രീയ ഭേദമന്യേ ഏവർക്കും കുറഞ്ഞത് ഒരിക്കലെങ്കിലും സഹകരിക്കേണ്ടി വന്നിട്ടുള്ള നിസ്വ വ്യക്തിത്വം. തികച്ചും നീതിരഹിതമായ ജീവിതവിരാമം.നാടിൻ്റെ നഷ്ടം. ഗായകനും രചയിതാവും കലാകാരനും അധ്യാപകനും തലവൂരിൻ്റെ സ്വന്തം ശബ്ദലേഖനവിദഗ്ധനുമായിരുന്ന പ്രിയപ്പെട്ട രാജേഷിന് ആദരാഞ്ജലികൾ. ഏവരുടെയും ദുഃഖത്തിൽ പങ്കു ചേരുന്നു. എഴുതിയ വരികളിലൂടെ പാടിയ പാട്ടുകളിലൂടെ പറഞ്ഞ ശബ്ദത്തിലൂടെ രാജേഷ് അനശ്വരനാവട്ടെ.

ചെറുമകൻ ആകാശ് കൃഷ്ണൻ 90% മാർക്കോടെ സിബിഎസ്ഇ പത്താം തരം പരീക്ഷ പാസായിരിക്കുന്നു. മലയാളത്തിൽ ടോപ്പറും. എല്ലാ വിജയികൾക്കും അഭിനന്ദനങ്ങൾ. ശോഭനമായ ഭാവിക്ക് വിജയാശംസകളും

I have reached 500 followers! Thank you for your continued support. I could not have done it without each of you. 🙏🤗🎉

ശ്രീമതി രത്നവല്ലിയമ്മയ്ക്ക് ആദരാജ്ഞലികൾ

ജെയിംസ് വെബ് ബഹിരാകാശ ദൂരദർശിനി എടുത്ത് അയച്ച ചിത്രങ്ങൾ ആണല്ലോ ഇപ്പോൾ വലിയ വാർത്ത. മനുഷ്യരാശിയുടെ ചരിത്രത്തിലെ ഒരു വലിയ നാഴികക്കല്ല് തന്നെയാണ് ഇപ്പോൾ ഇതുമായി ബന്ധപ്പെട്ട് ഉണ്ടായിക്കൊണ്ടിരിക്കുന്ന പഠനങ്ങളും അറിവുകളും ഒക്കെ.

പ്രപഞ്ചത്തെക്കുറിച്ചും പ്രകൃതിയെ കുറിച്ചും ഒക്കെ ഇതുവരെ ഇല്ലാതെ ഇരുന്ന അറിവുകൾ നേടിക്കൊണ്ട് മനുഷ്യൻ കൂടുതൽ കൂടുതൽ മുന്നോട്ടു പോവുകയാണ് ഇതിനെക്കുറിച്ച് ഈ വീഡിയോയിൽ കാണാം. ദേശാഭിമാനിക്കുവേണ്ടി കോസ്മിക് ടോക്സ് എന്ന വീഡിയോ പരമ്പരയിൽ. അവതരണം : വി എസ് ശ്യാം.

https://youtu.be/OPEX1GsFMA4

അതിശയിപ്പിക്കുന്ന പ്രപഞ്ചം; ജെയിംസ് വെബിന്റെ കണ്ടെത്തലുകൾ | James Webb | Science Malayalam അതിശയിപ്പിക്കുന്ന പ്രപഞ്ചം; ജെയിംസ് വെബിന്റെ കണ്ടെത്തലുകൾ The official YouTube channel for Deshabhimani.comSubscribe ...

ചെറുമകൻ അമൽ കൃഷ്ണൻ തൊണ്ണൂറു ശതമാനത്തിൽ അധികം മാർക്കോടെ ഹയർ സെക്കണ്ടറി പാസായിരിക്കുന്നു. തൽപര മേഖലകൾ ആയ ബയോളജി വിഷയങ്ങളിൽ തന്നെയാണ് ഏറ്റവും കൂടുതൽ സ്കോറും. അമലിനും ഉന്നത വിദ്യാഭ്യാസത്തിന് അർഹത നേടിയ മുഴുവൻ കുഞ്ഞുങ്ങൾക്കും ആശംസകൾ. പരീക്ഷ എന്ന കടമ്പ കടക്കാൻ സാധിക്കാത്തവർ ഒരു തരി പോലും കുറഞ്ഞവരല്ല. അവർ പൂർവാധികം ഉത്സാഹത്തോടെ വിജയികൾ ആവുക തന്നെ ചെയ്യും. എല്ലാവർക്കും സ്നേഹം, വിജയാശംസകൾ.

ഏവർക്കും ഹൃദ്യമായ പുതുവത്സരാശംസകൾ.

കമ്യൂണിസ്റ്റ് പാർട്ടിയിലെ ഉശിരൻ വനിതാ നേതൃത്വം ആയിരുന്ന സഖാവ് അജിതയുടെ വേർപാട് തികച്ചും ആകസ്മികമായി. ഏറെ നാളുകൾ ഒട്ടനവധി ഇടങ്ങളിൽ, വേദികളിൽ, കമ്മിറ്റികളിൽ അജിതയുമായി ചേർന്ന് പ്രവർത്തിക്കാൻ അവസരം ഉണ്ടായിട്ടുണ്ട്. ഒരുമിച്ചുള്ള യാത്രകൾ ഒരിക്കലും മറക്കാൻ ആവുകയില്ല. എത്രയും ഹൃദ്യമാർന്ന വ്യക്തിത്വം. ജനപ്രിയ നേതാവ്.

സി.പി.ഐ പുനലൂർ മണ്ഡലം കമ്മറ്റി, കേരള മഹിളാ സംഘം ജില്ലാ കമ്മറ്റി, AITUC , കേരള കോ - ഓപ്പറേറ്റീവ് എംപ്ലോയിസ് കൗൺസിൽ സംസ്ഥാന സെക്രട്ടറി തുടങ്ങി ഒട്ടനവധി ഭാരവാഹിത്വങ്ങൾ വലിയ അർപണ മനോഭാവത്തോടെ, ചുമതലാബോധത്തോടെ നിർവഹിച്ചു വരികയായിരുന്നു.

പ്രിയ സുഹൃത്തിന് വിട. ആദരാഞ്ജലികൾ. അജിതയുടെ കുടുംബത്തിനും പ്രിയ സഖാക്കൾക്കും ഒപ്പം. ഓർമകൾ ഒരിക്കലും മരിക്കുകയില്ല. നഷ്ടം നികത്താൻ ആവുകയും ഇല്ല.

പ്രിയരേ,

കൊച്ചു കേരളത്തിലെ മനുഷ്യരും സംവിധാനങ്ങളും അസാമാന്യമാതൃകകൾ ആകുന്ന വെല്ലുവിളിക്കാലങ്ങളിലൂടെ നാം സഞ്ചരിക്കയാണ്. നാട്ടിലുടനീളം പ്രതിസന്ധികാലങ്ങളിൽ സമാനതകൾ ഇല്ലാത്ത, ത്യാഗോജ്വലമായ മനുഷ്യ മനസ്സും പ്രയത്നങ്ങളും, ഒരുമയും പങ്കാളിത്തവും ആണെങ്ങും. ഒറ്റക്കെട്ടായി നിന്ന് മുകൾ നിന്ന് താഴേ തട്ട് വരെ ഒറ്റമനസ്സായി ഒരേ താളത്തിൽ തുഴകൾ എറിഞ്ഞു പ്രവർത്തിച്ച് നാം കരകയറുന്നത് ലോകം അത്ഭുതത്തോടെ നോക്കുന്നു.

ഒട്ടനവധി വ്യത്യസ്ഥവും കാര്യക്ഷമവുമായ പദ്ധതികളും പരിപാടികളും പ്രവർത്തനങ്ങളും നാം എല്ലാം ചേർന്നു മുൻകൂട്ടി കാണുന്നു, പ്ലാൻ ചെയ്യുന്നു, ഏറ്റെടുക്കുന്നു. ഏകോപിക്കുന്നു, നടപ്പിലാക്കുന്നു. സജീവമായി തന്നെ നിറഞ്ഞു നിന്നു പ്രവർത്തിക്കുന്നു. വലിയ ആവേശത്തോടെ എല്ലാ സംവിധാനങ്ങളും ആബാലവൃദ്ധം ജനവിഭാഗങ്ങളും ഏത് വ്യത്യാസങ്ങൾക്കും അതീതമായി അത് ഏറ്റെടുക്കുന്നു, ഈ മഹാമാരിയ്ക്കെതിരെ ഉള്ള പോരാട്ടത്തിൽ പങ്കുചേരുന്നു. മോശം വാർത്തകളുടെയും അവസ്ഥയുടെയും ഇക്കാലത്ത് നമുക്ക് വലിയ പ്രതീക്ഷയും സന്തോഷവും ആത്മവിശ്വാസവും അതിലുപരി വലിയ അഭിമാനബോധവും ഉണ്ടാക്കുന്നുണ്ട്. നമ്മുടെ നിയുക്ത ജനപ്രതിനിധികൾ, ആരോഗ്യപ്രവർത്തകർ, പോലീസ്, കെ എസ ഐ ബി, ഡി വൈ എഫ് ഐ പ്രവർത്തകർ ഇവരൊക്കെ ഈ മോശം കാലത്ത് നമ്മുടെ ആശയും ആവേശവും അഭിമാനവുമായി മാറുന്നു.

സമൂഹമാദ്ധ്യമങ്ങളിലും മുഖ്യധാരാ മാദ്ധ്യമങ്ങളിലും ഇവ സംബന്ധിച്ചുള്ള വാർത്തകളും വസ്തുതകളും ഒക്കെ വരുന്നുണ്ട്. സമൂഹമാധ്യമങ്ങളിൽ അത്ര സജീവസാന്നിധ്യമല്ലാത്ത ജനപ്രതിനിധികളും ഗ്രൗണ്ടിൽ വളരെ ആക്ടീവാണ്. അത്തരം പ്രവർത്തനങ്ങൾ കമ്പയിൽ ചെയ്യാനുള്ള ഒരു ശ്രമം നടത്തുകയാണ്. വ്യക്തിപരമായോ അല്ലാതെയോ നിങ്ങൾക്കുണ്ടായ അനുഭവങ്ങൾ, വാർത്തകൾ, പദ്ധതികൾ, ചിത്രങ്ങൾ, വീഡിയോകൾ, ക്ലിപ്പുകൾ, ശബ്ദസന്ദേശങ്ങൾ, പോസ്റ്ററുകൾ, ഹൈപ്പർലിങ്കുകൾ (മറ്റു പോസ്റ്റുകളിലേക്കും വാർത്തകളിലേക്കും പേജുകളിലേക്കും പോസ്റ്റുകളിലേക്കും - പക്ഷെ ഒരുചെറുവിവരണം/സൂചന ചേർത്താൽ നന്ന്), വിവരങ്ങൾ, സംഭവങ്ങൾ, നടപടികൾ, ഇത് സംബന്ധിച്ചു ലഭിച്ച അറിവുകൾ തുടങ്ങിയവ കമന്റുകളായി ഈ ത്രെഡിൽ ചേർക്കാം. നമ്മുടെ സാമൂഹ്യരാഷ്ട്രീയ നേതൃത്വത്തിന്റെ സേവനസന്നദ്ധത, ഇച്ഛാശക്തി, നേതൃപാടവം, വൈവിദ്ധ്യം, ഏകോപനക്ഷമത, സർവാത്മനാ ജനതയുടെ പിന്തുണയും പങ്കാളിത്തവും ഒക്കെ ഒന്ന് ഡോക്യുമെന്റ് ചെയ്യാനുള്ള ശ്രമം എന്ന നിലയ്ക്കാണ്. ഈ ത്രെഡുകൾ പരമാവധി ചെയർ ചെയ്യുമല്ലോ. പരമാവധി ബഹുജനങ്ങളെ നാട്ടിലും പുറത്തും അനുഭവങ്ങൾ - വാർത്തകൾ പങ്കുവയ്ക്കാൻ ക്ഷണിക്കുകയായുമാവാം.

ശ്രദ്ധിക്കണേ : നിർദേശങ്ങൾ, ആവശ്യങ്ങൾ, പരാതികൾ ആക്ഷേപങ്ങൾ, അഭ്യർത്ഥനകൾ, ട്രോളുകൾ , കുറ്റങ്ങൾ, കുറവുകൾ, വീഴ്ചകൾ, കേവലരാഷ്ട്രീയ സ്റ്റേറ്റ്മെന്റുകൾ , സ്മൈലികൾ, ആശ്ചര്യ - അഭിവാദന - അഭിനന്ദന - അനുമോദന - കീ ജെയ് - പിന്തുണ - ശക്തി തെളിയിക്കൽ സന്ദേശങ്ങൾ, ചിത്രങ്ങൾ,പോസ്റ്ററുകൾ GIF , എക്സ്പ്രഷനുകൾ, ഫോട്ടോഷോപ്പ് സൃഷ്ടികൾ,എന്നിവ ദയവായി ഒഴിവാക്കുമല്ലോ.

നിയുക്ത എം എൽ എ മാരുടെ പ്രവർത്തനങ്ങൾ രേഖപ്പെടുത്താനുള്ള ത്രഡ് : https://tinyurl.com/yj7adx6l

ഡിവൈഎഫ് ഐ - യൂത്ത്‌ ബ്രിഗേഡ് പ്രവർത്തനങ്ങൾ രേഖപ്പെടുത്താനുള്ള ത്രഡ് : https://tinyurl.com/yhqc9rvz

KSEB പ്രവർത്തനങ്ങൾ രേഖപ്പെടുത്താനുള്ള ത്രഡ് : https://tinyurl.com/yhjwsejb

ആരോഗ്യ പ്രവർത്തനങ്ങൾ രേഖപ്പെടുത്താനുള്ള ത്രഡ് : https://tinyurl.com/yekltz24

പോലീസ് പ്രവർത്തനങ്ങൾ രേഖപ്പെടുത്താനുള്ള ത്രഡ് : https://tinyurl.com/yzdb7tyt

അതിജീവിച്ചവരുടെ നാടായി അടയാളത്തപ്പെടുത്തപ്പെടാൻ പോകുന്ന നമ്മുടെ കേരളചരിത്രത്തിന്റെ ഭാഗമാകേണ്ട ഏടുകൾ രേഖപ്പെടുത്താം.സ്വാഗതം!

ഒന്നായ് നാം ഒറ്റക്കെട്ടായ്
ഈ മാരി കടന്നേ പോം
നാടാകെ നമ്മുടേതാകണ
നാളെത്തും വൈകാതെ !

ജനാധിപത്യത്തിൻറെ സൗന്ദര്യം !!

ബ്ലോക്ക് പഞ്ചായത്ത് ഓഫീസ് ശുചിയാക്കിയതിലും വൃത്തിയായി ജനങ്ങളുടെ അംഗീകാരത്തോടെ പാർട്ടിയുടെ പിന്തുണയോടെ ദുഷിച്ച മനസുകളെയും വെടിപ്പാക്കാൻ സഖാവ് ആനന്ദവല്ലിയ്ക്ക് കഴിയും.

വളരെ പ്രസക്തമായ ഒരു റിപ്പോർട്ട് ശ്രദ്ധിക്കൂ. കേരളത്തിൽ ഗ്രാമ പഞ്ചായത്ത് അംഗങ്ങളായി തിരഞ്ഞെടുക്കപ്പെട്ട 15961 പേരിൽ 2007 അംഗങ്ങൾ MGNREGA തൊഴിലാളികൾ ആണ്. 2000 ബ്ലോക്ക് പഞ്ചായത്തു അംഗങ്ങളിൽ 147 പേർ. ഇതിൽ തന്നെ 140 പേരും സ്ത്രീകളാണ്. ഇവരെല്ലാം തന്നെ കുടുംബശ്രീ പ്രവർത്തകരും ആയിരിക്കണം.

കേവലം ഒരു തൊഴിൽ ദാന സംരംഭം മാത്രമായി ചില സാമ്പത്തിക വിദഗ്‌ധർ ഇകഴ്ത്തി കാട്ടുന്ന MGNREGA സമൂഹത്തിന്റെ താഴേ തട്ടിൽ സജീവമായ ഒരു നേതൃ ശക്തിയെ ഉയർത്തിക്കൊണ്ടു വരുന്നത് വളരെ നല്ല മാറ്റമാണ് എന്ന് ഇന്ത്യൻ എക്സ്പ്രസ്സ് അതിന്റെ എഡിറ്റോറിയലിൽ പറയുന്നു.താഴെ തട്ടിലുള്ള ജനങ്ങളുടെ പ്രശ്നങ്ങൾ കൃത്യമായി അറിഞ്ഞവർ. ഏതൊരു ജനാധിപത്യ വ്യവസ്ഥിതിയ്ക്കും മാതൃകയാകേണ്ടുന്ന കാര്യം. എത്ര അഭിമാനകരം.

ജനാധിപത്യം പൂത്തു വിടരുകയാണ്. അധികാരം കൂടുതൽ താഴേ തട്ടിലേക്കെത്തട്ടെ.

Big win for NREGS workers in Kerala panchayat polls According to official data from the MGNREGS State Mission, of the 15,961 recently elected village panchayats members, 2,007 are MGNREGS workers. Officials say this is probably the largest representation of NREGS workers in panchayat bodies.

ഇന്ത്യൻ കമ്യൂണിസ്റ്റ് പ്രസ്ഥാനത്തിന്റെ ശതാബ്ദി വേളയിൽ ശാസ്ത്രം സമൂഹം ഇന്ത്യൻ ഇടതുപക്ഷ പ്രസ്ഥാനം എന്ന മേഖലയിൽ മകൻ എഴുതിയ ലേഖനം.

ശാസ്ത്രം, സമൂഹം, ഇന്ത്യൻ കമ്യൂണിസ്റ്റ് പ്രസ്ഥാനം പ്രാരംഭം മുതൽക്കു തന്നെ മാർക്സിസം ശാസ്ത്രത്തെ ഏറെ വിലപ്പെട്ടതായി കണക്കാക്കിയിരുന്നു. ഇത് ശാസ്ത്രത്തിൻ്റെ വി....

പുതിയ വോട്ടർമാർ, പട്ടികയിൽ പേര് ചേർക്കാൻ കഴിയാത്തവർ, രാഷ്ട്രീയ പാർട്ടികൾ, എല്ലാവരും ശ്രദ്ധിക്കണേ....

സംക്ഷിപ്ത വോട്ടർ പട്ടിക പുതുക്കലിന്റെ ഭാഗമായി പേര് ചേർക്കുന്നതിനും നിലവിലുള്ള വോട്ടർമാർക്ക് വിവരങ്ങളിൽ നിയമാനുസൃത മാറ്റം വരുത്തുന്നതിനും കേന്ദ്ര തെരഞ്ഞെടുപ്പ് കമീഷൻ അനുവദിച്ച സമയപരിധി വ്യാഴാഴ്‌ച (നാളെ) അവസാനിക്കുകയാണ്.

www.nvsp.in
www.voterportal.eci.gov.in

എന്നീ വെബ്‌സൈറ്റുകളിലും വോട്ടർ ഹെൽപ്പ് ലൈൻ മൊബൈൽ ആപ്ലിക്കേഷൻ എന്നിവയിലും പേര് ചേർക്കാൻ സൗകര്യമുണ്ട്.അക്ഷയ കേന്ദ്രങ്ങൾ മുഖേനയും പേരു ചേർക്കുകയും വിവരങ്ങൾ തിരുത്തുകയും ചെയ്യാം. 2021 ജനുവരി ഒന്നിനോ അതിനു മുൻപോ 18 വയസ്സ്‌ തികയുന്നവരെയാണ് പട്ടികയിൽ ഉൾപ്പെടുത്തുക.

നിങ്ങൾക്കറിയാവുന്ന ഏവരോടും ഈ വിവരം പങ്കുവയ്ക്കൂ. ഇനിയൊരവസരം ഇല്ല.

എത്രയും പ്രിയപ്പെട്ട സഖാക്കൾ കല, സുനിൽ മെമ്പർ, ആനന്ദവല്ലി സകലനാടുകളിലും നഗരങ്ങളിലും ഭരണസാരഥ്യം കയ്യേൽക്കുന്ന ഇടതുപക്ഷത്തിന്റെ നവധീരനേതൃത്വം. ഏവർക്കും ഹൃദയത്തിന്റെ അടിത്തട്ടിൽ നിന്നും അഭിവാദ്യങ്ങൾ. എത്ര സവിശേഷതകളോടെയാണ് ഈ വർഷം കടന്നുപോകുന്നത്. പ്രതിസന്ധികളുടെ കെട്ടുമുറുക്കങ്ങൾക്കിടയിലും പ്രതീക്ഷയുടെ , അഭിമാനത്തിന്റെ പൊൻ പുലരിവെളിച്ചങ്ങൾ. ഏവർക്കും ഹൃദ്യമായ നവവത്സരാശംസകളും.

ഒരുവാക്കൊരുവാക്കൊരു വാക്ക്
കൊല്ലരുതെന്നൊരു വാക്ക്
അരുതരുതെന്നൊരു വാക്ക്
കൊല്ലരുതെന്നൊരു വാക്ക്
കൊല്ലരുതനിയാ കൊല്ലരുതേ
നെഞ്ചില്‍ നിലവിളി പിടയുമ്പോള്‍...

കൊലവിളിപെരുകും രാവുകളില്‍
കൊലവിളിപടരും പകലുകളില്‍
അമ്മ കരഞ്ഞുവിളിക്കുന്നൂ...
തമ്മില്‍ കൊല്ലരുതേ...

ഒരുപാട്ടൊരുപാട്ടൊരു പാട്ട്
പൊരുതാനുണരുന്നൊരു പാട്ട്
പകയാളും തെരുവുകളില്‍
പുലരിക്കായ് ഒരുപാട്ട്

ദുരിതങ്ങള്‍ തിറയാടും
മനുജര്‍ക്കായ് ഒരു പാട്ട്
മനുജകുലപ്പെരുമകളില്‍
പെയ്തുണരാന്‍ ഒരുപാട്ട്
ഒരുപാട്ടൊരുപാട്ടൊരു പാട്ട്
പൊരുതാനുണരുന്നൊരു പാട്ട്

ഒരുചുവടൊരുചുവടൊരു ചുവട്
പൊരുതിക്കേറാനൊരു ചുവട്
കുരിതികള്‍ വിളയും പകലുകളില്‍
ഇനിയും മുന്നോട്ടൊരു ചുവട്.

പ്രതിസന്ധികളുടെ ഈ വർഷത്തിൽ നിന്നും പ്രത്യാശയുടെ നാമ്പാകട്ടെ ഈ വേള. ഏവർക്കും ഹൃദ്യമായ ക്രിസ്തുമസ് ആശംസകൾ.

രാത്രിമഴ, ഇന്നെന്‍റെ
രോഗോഷ്ണശയ്യയില്‍,
വിനിദ്രയാമങ്ങളി-
ലിരുട്ടില്‍ തനിച്ചു കര-
യാനും മറന്നു ഞാ-
നുഴലവേ,ശിലപോലെ-
യുറയവേ ദുഃഖസാക്ഷി

പ്രിയപ്പെട്ട സുഗുതകുമാരി ടീച്ചർക്ക് ആദരാജ്ഞലികൾ.

നവകേരള നിർമിതിക്കായി സംസ്ഥാന സർക്കാർ നടപ്പാക്കിവരുന്ന ജനക്ഷേമകരമായ വികസന പ്രവർത്തനങ്ങളുടെ പ്രയോജനം പ്രാദേശിക ജനസമൂഹത്തിന്‌ ലഭ്യമാക്കുന്നതിലും സുപ്രധാനമായ പങ്കാണ്‌ തദ്ദേശഭരണ സ്ഥാപനങ്ങൾക്ക്‌ നിർവഹിക്കാനുള്ളത്‌.

നവകേരള നിർമിതി: തുടർച്ചയും പ്രാദേശിക നേതൃത്വവും ജനകീയാസൂത്രണത്തിന്റെ രജതജൂബിലി വർഷത്തിൽ നടന്ന തെരഞ്ഞെടുപ്പിൽ പുതിയൊരുനിര ജനപ്രതിനിധികൾ തദ്ദേശഭരണ സ്ഥാപനങ്....

ഇന്ന് സത്യപ്രതിജ്ഞ ചെയ്ത എല്ലാ ജനപ്രതിനിധി സഭാ അംഗങ്ങൾക്കും അഭിവാദ്യങ്ങൾ. ജനക്ഷേമം ഏറ്റം ഭംഗിയായി പരിപാലിച്ചു കൊണ്ട് ജനാധിപത്യത്തെ വിജയിപ്പിക്കുവാൻ ഏവർക്കും കഴിയുമാറാകട്ടെ.

തദ്ദേശ തെരഞ്ഞെടുപ്പിൽ എൽഡിഎഫിനുണ്ടായ വിജയം പല തലങ്ങളിലും സവിശേഷതയാർന്നതാണ്. ഇന്ത്യയിലെ ഏക ഇടതുപക്ഷ സർക്കാരിന്റെ അധികാരത്തുടർച്ചയ്‌ക്കായുള്ള രാഷ്ട്രീയപ്പോരാട്ടത്തിന്റെ നിർണായക ഘട്ടമായാണ് ഈ തെരഞ്ഞെടുപ്പിനെ കണ്ടിരുന്നത്. ഭരണത്തിലിരിക്കുന്ന മുന്നണികൾക്ക് തദ്ദേശഭരണ തെരഞ്ഞെടുപ്പുകളിൽ തിരിച്ചടികളുണ്ടാകുന്നതാണ് സമകാലിക കേരള അനുഭവം. എന്നാൽ, അതിൽനിന്ന്‌ തീർത്തും വ്യത്യസ്തമായി, പ്രതിപക്ഷത്തുണ്ടായിരുന്ന സമയത്ത് നടന്ന തദ്ദേശ തെരഞ്ഞെടുപ്പിനേക്കാൾ മെച്ചപ്പെട്ട വിജയമാണ് ഇപ്പോഴുണ്ടായത്.

ചരിത്രവിധിയുടെ മാനങ്ങൾ - പി രാജീവ്‌ എഴുതുന്നു തദ്ദേശ തെരഞ്ഞെടുപ്പിൽ എൽഡിഎഫിനുണ്ടായ വിജയം പല തലങ്ങളിലും സവിശേഷതയാർന്നതാണ്. ഇന്ത്യയിലെ ഏക ഇടതുപക്ഷ സർക്കാരി....

എത്രയും പ്രിയരെ,

ഞാൻ ഒരു സ്ഥാനാർഥി എന്ന നിലയിൽ കൂടി പങ്കാളിയായ ഒരു വലിയ ജനാധിപത്യ പ്രക്രിയയുടെ നിർണായകമായ തെരഞ്ഞെടുപ്പ് - വോട്ടെണ്ണൽ ഘട്ടം ഇന്ന് വിജയകരമായി പരിസമാപിച്ചു. ഏഴു വാർഡുകൾ ഉൾപ്പെട്ട പത്തനാപുരം ബ്‌ളോക്ക് പഞ്ചായത്ത് നടുത്തേരി ഡിവിഷനിൽ നിന്നും ജനങ്ങളെ പ്രതിനിധീകരിക്കുവാനുള്ള വോട്ടുകൾ നേടുവാൻ എനിക്ക് സാധിച്ചില്ല. വളരെ സജീവമായി തന്നെ തെരഞ്ഞെടുപ്പ് പ്രചാരണ പ്രവർത്തനങ്ങളിൽ ഉൾച്ചേർന്നു പ്രവർത്തിച്ചതിനാൽ തന്നെ തീർച്ചയായും നിരാശയുണ്ട്. എന്നാൽ അതാണല്ലോ ജനാധിപത്യത്തിന്റെ സൗന്ദര്യവും.ഏറെ സന്തോഷം നൽകുന്ന ഒട്ടേറെ വിജയവാർത്തകളും കുഞ്ഞു വേദനകൾ ഉണ്ടാക്കിയ തോൽവികളും ഒക്കെ ചേർന്നതാണ് നമ്മുടെ തെരഞ്ഞെടുപ്പു - പ്രാതിനിധ്യ പ്രക്രിയകൾ. എനിക്കായി വോട്ടുകൾ രേഖപ്പെടുത്തിയ, മൂവായിരത്തിലേറെ വരുന്ന പ്രിയപ്പെട്ട എല്ലാ സമ്മതിദായകർക്കും ഹൃദയത്തിൽ നിന്നുള്ള സ്നേഹവും സന്തോഷവും അറിയിക്കട്ടെ. ജനങ്ങളാൽ തെരഞ്ഞെടുക്കപ്പെട്ട എല്ലാവർക്കും അഭിനന്ദനങ്ങൾ.

എന്നാൽ ഇതിലെല്ലാമുപരി ഏറ്റവും ആവേശമുളവാക്കുന്ന കാര്യം കേരളമൊട്ടാകെ ഇടതുപക്ഷജനാധിപത്യമുന്നണി ഈ തെരഞ്ഞെടുപ്പിൽ കൈവരിച്ച വലിയ വിജയമാണ്. എല്ലാത്തരം പ്രതിസന്ധികളെയും വെല്ലുവിളികളെയും പ്രതികൂലസാഹചര്യങ്ങളേയും അതിജീവിച്ചു വികസനവും ക്ഷേമവും മുന്നോട്ടുവച്ച് ജനപക്ഷം ചേർന്നു നിന്ന എൽഡിഎഫിനെ ഇന്നാട്ടിലെ ബഹുജനം നെഞ്ചേറ്റിയിരിക്കുന്നു. എത്ര ആഹ്ളാദകരം. എത്ര നല്ല ചോയിസ്. ജനങ്ങളുടെ പ്രതീക്ഷകളും താല്പര്യങ്ങളും ഏറ്റവും നന്നായി സംരക്ഷിക്കുവാൻ തെരഞ്ഞെടുക്കപ്പെട്ട ജനപ്രതിനിധികൾക്കും സഭകൾക്കുമാകട്ടെ. തെരഞ്ഞെടുപ്പിൽ പങ്കു ചേർന്ന എല്ലാ സ്ഥാനാർത്ഥികൾക്കും അഭിവാദ്യങ്ങൾ.

ജനാധിപത്യത്തിന്റെ കരുത്തും, അധികാരവികേന്ദ്രീകരണത്തിന്റെ മഹത്തായ സവിശേഷതകളും കോവിഡ് ഉൾപ്പെടെയുള്ള പ്രതിസന്ധികളെ നാം ഈ ടൂളുകൾ ഒക്കെ ഉപയോഗിച്ചു മാതൃകാപരമായി കൈകാര്യം ചെയ്ത രീതിയും ഒക്കെ ചർച്ച ചെയ്തു കൊണ്ട്കൂടിയാണ് ഈ തെരഞ്ഞെടുപ്പിൽ പങ്കാളിയായത്. അത്തരം ആശയങ്ങളുടെ പ്രചരണവും പങ്കുവയ്ക്കലുകളും ഒക്കെയും സോഷ്യൽ മീഡിയാ ഹാൻഡിലുകളിലും സാധ്യമായ എല്ലാ വേദികളിലും തുടരുവാൻ ഉദ്ദേശിക്കുന്നു. നമുക്കൊന്നിച്ച് തന്നെ നമ്മുടെ ധീര - നൂതന - ക്ഷേമ ലോകനിർമിതിയിൽ പങ്കു ചേരാം. ഏവരുടെയും പിന്തുണയും സഹകരണവും പ്രോത്സാഹനവും പ്രതീക്ഷിക്കുന്നു.

കൃതജ്ഞത രേഖപ്പെടുത്തുവാൻ ഒരു നീണ്ട പട്ടികയാണുള്ളത്. ഈ വലിയ ജനാധിപത്യവേദിയിൽ പങ്കാളിയാകുവാൻ അവസരം നൽകിയ കമ്യൂണിസ്റ്റ് പാർട്ടി, പാർട്ടി - എൽ ഡി എഫ് പ്രവർത്തകർ, സഖാക്കൾ, സഹോദരർ, സഹപ്രവർത്തകർ, അകമഴിഞ്ഞ പിന്തുണയും സഹായവും നൽകിയവർ, പ്രചരണപ്രവർത്തനങ്ങളിൽ അക്ഷീണം പ്രയത്നിച്ചവർ, കൂടെ നിന്നവർ, മറ്റെല്ലാം മാറ്റിവച്ച്, വലിയ ത്യാഗങ്ങൾ സഹിച്ച് ,എൻ്റെ ക്ളോക്കിനനുസരിച്ചു മാത്രം ജീവിച്ച കുടുംബാംഗങ്ങൾ, അടുത്തും അകലേയും ഉള്ള എക്സറ്റൻഡഡ്‌ ഫാമിലി, ഒരിക്കൽകൂടി ഈ മഹത്തായ യജ്ഞത്തിൽ എന്നോടൊപ്പം തോൾ ചേർന്ന, രാപകൽ കൂടെ നിന്ന് പ്രവർത്തിച്ച എല്ലാ സുഹൃത്തുക്കൾക്കും സഖാക്കൾക്കും അഭ്യുദയകാംക്ഷികൾക്കും പ്രിയ നാട്ടുകാർക്കും ജനങ്ങൾക്കും കക്ഷി രാഷ്ട്രീയത്തിനപ്പുറം ഓരോ സുമനസ്സുകൾക്കും ഹൃദയം നിറഞ്ഞ നന്ദി. ഒരു പക്ഷേ ഒരു ചെറിയ പുഞ്ചിരിയാകാം വലിയ ആത്മവിശ്വാസം നൽകുന്ന വാക്കുകളോ പ്രവൃത്തിയോ ആകാം, വേർതിരിവില്ലാതെ എല്ലാവര്ക്കും. ഈ വാക്കുകൾ കൂടി ആവർത്തിക്കട്ടെ നിങ്ങളിൽ ഒരാളായി, തോൾ ചേർന്നു കൊണ്ട്, ഒപ്പം, എല്ലാക്കാലവും ഉണ്ടാകും.

സാദരം

ശ്രീദേവിയമ്മ

നമ്മുടെ തെരഞ്ഞെടുപ്പ് ഫലവിവരങ്ങൾ അപ്പപ്പോൾ ഈ ലിങ്കിൽ നിന്നും അറിയാം.

Local Body Elections 2015 - Trend of counting by State Election Commission Kerala Disclaimer: The information provided in this site is to know the trend of counting and could not be considered as official data until the results are declared by RO.

കേരളത്തിലെ തദ്ദേശ സ്വയം ഭരണസ്ഥാപനങ്ങളിലേക്കുള്ള തെരഞ്ഞെടുപ്പ് ഫലം ഏതാനും മണിക്കൂറുകൾക്കുള്ളിൽ.......

മലയാളത്തിന്റെ പ്രിയപ്പെട്ട കഥാകാരനും പുരോഗമന കലാ സാഹിത്യ സംഘം മുൻ പ്രസിഡന്റുമായ
യു എ ഖാദർ അന്തരിച്ചു. തൃക്കോട്ടൂർ എന്ന നാടിൻറെ കഥകളിലൂടെ എല്ലാ നാടുകളിലും എല്ലാ കാലത്തേക്കും പരിചിതവും പ്രസക്തവുമായ കഥയും വർത്തമാനങ്ങളും ചിന്തകളും അദ്ദേഹം ബാക്കിയാക്കി. ആദരാഞ്ജലികൾ.

തെരഞ്ഞെടുപ്പു ചൂടിൽ നിന്ന് ഗ്രാമം പതുക്കെ ഡിസംബറിന്റെ തണുപ്പിലേക്ക് മടങ്ങുകയാണ്. പാണ്ടിത്തിട്ട കളത്തട്ടിനടുത്തു നിന്നും ഉള്ള ദൃശ്യം.

വികേന്ദ്രീകൃത വികസനത്തിന്റെ 25 വർഷങ്ങൾ.

വികേന്ദ്രീകൃതവികസനം കാൽനൂറ്റാണ്ട് പിന്നിടുമ്പോൾ കേരളത്തിൽ വികേന്ദ്രീകൃതാസൂത്രണത്തിന്റെ തുടക്കമായ ജനകീയാസൂത്രണ പ്രസ്ഥാനം ആരംഭിച്ചിട്ട് 25 വർഷം പിന്നിടുന്നു. ...

രണ്ടാം ഘട്ട വോട്ടെടുപ്പിൽ പോളിംഗ് 76.38% ആയിരിക്കുന്നു. എത്ര ആവേശകരം!

ഏവരും നിങ്ങളുടെ സമ്മതിദാനവകാശം വിനിയോഗിച്ചുവല്ലോ. അല്ലെ? വോട്ട് രേഖപ്പെടുത്തി എന്നതിന്റെ അടയാളമായി കയ്യിൽ മഷിയും പുരട്ടി. ശരിക്കും ഈ ഇലക്ഷൻ മഷി എന്താണ്? കൂടുതലറിയാൻ വായിക്കാം...

ഇലക്ഷൻ മഷി എന്താണ്? വോട്ടിങ്ങ്/ഇലക്ഷൻ മഷി എന്താണ്? ഇത് വിഷമാണോ? ഈ രീതി ശാസ്തീയമാണോ? എങ്ങിനെയാണ് തൊലി കറുക്കുന്നത്? ഈ രീതി പ്രചാരത്തി...

കൊല്ലം ജില്ലയിൽ 73.83% പോളിംഗ് രേഖപ്പെടുത്തി. ജനാധിപത്യാഭിമാനത്തിന്റെ ഭാഗമായ എല്ലാ ബഹുമാന്യ വോട്ടർമാർക്കും അഭിവാദ്യങ്ങൾ. നന്ദി

എത്രയും പ്രിയപെട്ടവരെ,
കേരളത്തിലെ തദ്ദേശ സ്വയംഭരണസ്ഥാപനങ്ങളിലേക്കുള്ള ആദ്യഘട്ട വോട്ടെടുപ്പ് ഇന്ന് വൈകിട്ടോടെ സമാപിച്ചു. എന്റെ സാമൂഹ്യരാഷ്ട്രീയ ജീവിതത്തിലെ അമൂല്യമായ ഒരു തെരഞ്ഞെടുപ്പ് പ്രവർത്തനാനുഭവമായിരുന്നു ഇത്. ഞാനും എന്റെ സഖാക്കളും കഴിഞ്ഞ ഒരു മാസത്തിലേറെയായി അക്ഷീണം ജനങ്ങൾക്കിടയിൽ നിന്നുകൊണ്ട് ജനാധിപത്യ മൂല്യങ്ങളും അധികാരവികേന്ദ്രീകരണത്തിന്റെ ആശയങ്ങളും ഇടതു സർക്കാരിന്റെ നേട്ടങ്ങളും സവിശേഷതകളും ഊന്നിപ്പറഞ്ഞു കൊണ്ട് നടത്തിയ കാമ്പയിനിൽ നല്ല ആത്മവിശ്വാസമാണുള്ളത്. പത്തനാപുരം ബ്ലോക്ക് പഞ്ചായത്തിലേക്ക് നടുത്ത്തേരി ഡിവിഷൻ വാർഡുകളിൽ നിന്നും വോട്ടുകൾ രേഖപ്പെടുത്തിയ എല്ലാ പ്രിയപ്പെട്ട ജനാധിപത്യവിശ്വാസികൾക്കും അഭിവാദ്യങ്ങൾ. ഇനി ഫലത്തിനായി ഒരാഴ്ചത്തെ കാത്തിരിപ്പ്. ഓരോരുത്തരുടെയും പ്രോത്സാഹനങ്ങൾക്കും പിന്തുണയ്ക്കും പ്രിയപ്പെട്ട സഖാക്കൾ സുഹൃത്തുക്കൾ സഹോദരങ്ങൾ തുടങ്ങി ഏവർക്കും അകമഴിഞ്ഞ കൃതജ്ഞത ഹൃദയത്തിൽ നിന്നും കുറിക്കട്ടെ.
സസ്നേഹം
ശ്രീദേവിയമ്മ

പാണ്ടിത്തിട്ടയിൽ നല്ല നിലയ്ക്ക് പോളിംഗ് പുരോഗമിക്കുന്നു. വോട്ട് ചെയ്യുന്ന വിധം വിശദമായി പ്രതിപാദിച്ചു കൊണ്ടുള്ള വിവരണം പോളിംഗ് ഉദ്യോഗസ്ഥരുടെ ഭാഗത്തു നിന്നുണ്ടാകുന്നത് വളരെ നല്ല പ്രവണതയായി തോന്നി

ചരിത്രമുറങ്ങുന്ന ഇടമാണ് ഈ സ്കൂൾ മുറ്റം. തലമുറകളായി ജനാധിപത്യപ്രക്രിയകൾക്ക് സാക്ഷിയാകുന്നിടം. ഇത്തവണ വോട്ടുകൾ അരിവാൾ നെൽക്കതിർ പെട്ടിയിൽ എത്രയെണ്ണം?

അനന്തുവിനൊപ്പം ബൂത്തുകളിൽ ഓരോട്ടപ്രദക്ഷിണം.