Indian Union Muslim League - Kerala State

Happy Christmas💚
ക്രിസ്മസ് ആശംസകൾ

അഗതികളുടെയും അനാഥകളുടെയും അത്താണിയായ കാരുണ്യത്തിന്റെ പ്രതിരൂപം,

മുസ്‌ലിംലീഗ് സംസ്ഥാന സെക്രട്ടേറിയറ്റ് അംഗവും വയനാട് മുസ്‌ലിം യത്തീംഖാന (മുട്ടിൽ) ജനറൽ സെക്രട്ടറിയുമായ

എം.എ മുഹമ്മദ് ജമാൽ സാഹിബിന്
പ്രാർത്ഥനകളോടെ
വിട

ജനാധിപത്യ ഇന്ത്യക്കായി
ധീരമായ
പോരാട്ടം തുടരുക

പാർലിമെന്റിലെ സുരക്ഷാ വീഴ്ചക്കെതിരെ പ്രതികരിച്ച എംപിമാരെ സസ്പെൻഡ് ചെയ്തതിനെ തുടർന്ന് ഇ.ടി മുഹമ്മദ് ബഷീർ എംപി, ഡോ. എം പി അബ്ദുസ്സമദ് സമദാനി എംപി തുടങ്ങിയ ഇന്ത്യ സഖ്യത്തിലെ എംപിമാർ ഗാന്ധിപ്രതിമയ്ക്ക് മുമ്പിൽ പ്രതിഷേധിക്കുന്നു.

കേരളത്തിൽ നടക്കുന്നത് ഗവർണർ-സർക്കാർ നാടകമാണെന്ന്് മുസ്ലിംലീഗ് ദേശീയ ജനറൽ സെക്രട്ടറി പി.കെ കുഞ്ഞാലിക്കുട്ടി പറഞ്ഞു. ഡൽഹിയിൽ മാധ്യമങ്ങളുമായി സംസാരിക്കുകയായിരുന്നു അദ്ദേഹം. ഇരു കൂട്ടരും ജനങ്ങളെ കളിയാക്കുകയാണ്. സർക്കാറിനും ഗവർണർക്കും രാഷ്ട്രീയ താൽപര്യമുണ്ട്. ഗവർണർ ആ പദവിക്ക് നിരക്കാത്ത രീതിയിലാണ് പെരുമാറുന്നത്. ഇതെല്ലാം യു.ഡി.എഫിന് അനുകൂലമായി മാറുമെന്നും അദ്ദേഹം പറഞ്ഞു. ഭരണയന്ത്രങ്ങൾ ദുരുപയോഗം ചെയ്യുകയാണ്. ഇത് ജനം കാണുന്നുണ്ട്. ജനങ്ങളെ കളിയാക്കുന്ന ഏർപ്പാടാണിത്. നവകേരള സദസ്സുകൾ തെരഞ്ഞെടുപ്പ് പ്രചാരണമായിട്ടാണ് ജനം കാണുന്നത്. പാർലമെന്റ് തെരഞ്ഞെടുപ്പ് മുന്നിൽ കണ്ട് ആധി പിടിച്ച ഷോ നടത്തുകയാണെന്നും കുഞ്ഞാലിക്കുട്ടി പറഞ്ഞു.

പാർലമെന്റ് അംഗങ്ങളുടെ ശബ്ദം ഇല്ലാതാക്കുവാനുള്ള കേന്ദ്ര സർക്കാറിന്റെ നീക്കങ്ങളെ പാർലിമെന്റിന് അകത്തും പുറത്തും ശക്തമായി എതിർക്കുമെന്ന് മുസ്ലിം ലീഗ് എംപിമാരായ ഇ. ടി. മുഹമ്മദ് ബഷീർ, ഡോ.എം.പി. അബ്ദുസ്സമദ് സമദാനി, പി.വി. അബ്ദുൽ വഹാബ്, കെ. നവാസ് ഗനി എന്നിവർ പ്രസ്താവനയിൽ വ്യക്തമാക്കി. പാർലമെന്റിൽ കഴിഞ്ഞ ദിവസം ഉണ്ടായ അക്രമസംഭവങ്ങളെ നിസ്സാരവത്കരിക്കുകയാണ് കേന്ദ്ര സർക്കാർ. ഇതിനെതിരെ പാർലിമെന്റിനകത്ത് പ്രതിഷേധിച്ചതിന് കേരളത്തിൽ നിന്നുള്ള എംപിമാർ ഉൾപ്പെടെ 33 പേരെയാണ് ഇന്ന് സസ്‌പെന്റ് ചെയ്തിരിക്കുന്നത്. മുസ്ലിം ലീഗ് എംപിമാരായ ഇ. ടി.മുഹമ്മദ് ബഷീർ, നവാസ് ഗനി അടക്കമുള്ള 33 ലോക്‌സഭാംഗങ്ങളെ ഈ പാർലമെന്റ് സെഷന്റെ അവസാനം വരെ ലോക്‌സഭ സസ്‌പെൻഡ് ചെയ്തു. പ്രതിപക്ഷ പാർട്ടികൾ അതർഹിക്കുന്ന ഗൗരവത്തിൽ പ്രശ്നം തുറന്നു കാട്ടിയപ്പോൾ പ്രതിപക്ഷ പ്രസ്ഥാനത്തെ തന്നെ ഒതുക്കുവാനും നിശബ്ദമാക്കുവാനുമുള്ള പരിശ്രമത്തിലാണ് ഗവൺമെന്റ് ഏർപ്പെട്ടിരിക്കുന്നത്. ഈ സർക്കാരിനെതിരെ ആരും ഒന്നും പറയാൻ പാടില്ലെന്ന സമീപനം ഗവൺമെന്റ് എടുക്കുന്നത് തീർച്ചയായും ലജ്ജാകരമാണ്. തങ്ങൾക്ക് കുഴലൂത്ത് നടത്തുന്നവരുടെ പ്രതികരണങ്ങൾ മാത്രം ഉയർത്തിക്കാട്ടുവാൻ ക്രൂരമായ അവസരമുണ്ടാക്കുകയാണ് ഗവൺമെന്റ് ചെയ്തു വരുന്നത്.

ഇന്ത്യയിൽ സമീപകാലത്തായി നടക്കുന്ന ഏറ്റവും വലിയ അതിക്രമം ഇന്ത്യൻ ഭരണഘടന നൽകിയിട്ടുള്ള കാര്യങ്ങളിൽ പ്രതികരിക്കുവാനുള്ള പൗരന്മാരുടെ അവകാശത്തിന്മേൽ നടന്നുകൊണ്ടിരിക്കുന്ന കടന്നാക്രമണങ്ങളാണ്. ഒട്ടനവധി മാധ്യമങ്ങളും ജനനേതാക്കളും പൊതുപ്രവർത്തകരും സ്വതന്ത്ര ചിന്തകന്മാരുമെല്ലാം ഈ കടന്നാക്രമണത്തിന് വിധേയമായിക്കൊണ്ടിരിക്കുകയാണ്. ഇത്രയേറെ ജനപ്രതിനിധികളെ ഒന്നിച്ച് ഇന്ത്യൻ പാർലമെന്റിൽ നിന്ന് സസ്പെൻഡ് ചെയ്യുന്ന ആദ്യ സംഭവമാണ്. മാത്രമല്ല ഗവൺമെന്റിന് ഒരു ഒളി അജണ്ട കൂടിയുണ്ട്. ഇന്ത്യൻ ശിക്ഷാനിയമവുമായി ബന്ധപ്പെട്ട നിരവധി കാര്യങ്ങൾ ഉൾക്കൊള്ളുന്ന മൂന്ന് ബില്ലുകൾ വരാൻ പോകുകയാണ്. ഈ ബില്ലുകൾ വരുന്ന സമയത്ത് അക്കാര്യത്തിൽ തങ്ങൾക്ക് ഇഷ്ടം പോലെ ചെയ്യുവാനും രാജ്യത്തിന്റെ കുറ്റപരിഹാര നടപടി ക്രമങ്ങളെ തങ്ങൾക്ക് അനുകൂലമാക്കി മാറ്റിയെടുക്കാനുമുള്ള ഒരു അജണ്ടയുണ്ട്. ആ അജണ്ട തങ്ങൾക്ക് ഇഷ്ടപ്രകാരം ഏകപക്ഷീയമാക്കി നടത്തിയെടുക്കാൻ മറ്റു എതിർശബ്ദങ്ങളെ ഇല്ലാതാക്കാനും വേണ്ടിയാണ് ഇപ്പോൾ നടന്നുകൊണ്ടിരിക്കുന്ന ഈ സസ്‌പെൻഷൻ എന്നതിൽ സംശയമില്ല. ഇനിയും തുടർച്ചയായി ഇത്തരം രാഷ്ട്രീയത്തിലെ ധാർമികതയെ ഉയർത്തിക്കാണിച്ചു കൊണ്ടുള്ള നീക്കങ്ങൾ പാർലിമെന്റിന് അകത്തും പുറത്തും നടത്തുമെന്ന് എംപിമാർ പ്രസ്താവനയിൽ വ്യക്തമാക്കി.

ഗുരുതര സുരക്ഷാ വീഴ്ചയിൽ കേന്ദ്ര സർക്കാർ തുടരുന്ന നിസ്സംഗതക്കെതിരെ പ്രതിഷേധിച്ച മുസ്‌ലിംലീഗ് എം.പിമാരായ ഇ.ടി മുഹമ്മദ് ബഷീർ, നവാസ് കനി എന്നിവരുൾപ്പെടെ 33 എം.പിമാരെ സസ്‌പെന്റ് ചെയ്തു. സുരക്ഷാവീഴ്ചയിൽ കേന്ദ്ര ആഭ്യന്തരമന്ത്രി അമിത് ഷാ പ്രസ്താവന നടത്തണമെന്നാവശ്യപ്പെട്ട് പ്രതിഷേധിച്ചതിനാണ് സസ്‌പെൻഷൻ. സഭാനടപടികൾ തടസ്സപ്പെടുത്തിയെന്ന് ചൂണ്ടിക്കാട്ടി നേരത്തെ 13 എം.പിമാരെ സസ്‌പെന്റ് ചെയ്തിരുന്നു. ഇതിന് പിന്നാലെയാണ് 33 പേർ കൂടി പുറത്തായത്. ഇതോടെ ലോക്‌സഭയിൽ സസ്‌പെന്റ് ചെയ്യപ്പെട്ട എം.പിമാരുടെ എണ്ണം 46 ആയി. രാജ്യസഭയിലും സമാനമായ നടപടി ആവർത്തിച്ചു. 40 പ്രതിപക്ഷ അംഗങ്ങളെയാണ് രാജ്യസഭയിൽ ബഹളം വെച്ചതിന് സസ്‌പെന്റ് ചെയ്തത്. ഇതുകൊണ്ടൊന്നും നിശ്ശബ്ദരാക്കാമെന്ന് ഫാസിസ്റ്റ് ഭരണകൂടം കരുതേണ്ടതില്ലെന്നും ജനാധിപത്യ രീതിയിൽ പ്രതിഷേധം തുടരുക തന്നെ ചെയ്യുമെന്നും ഇ.ടി മുഹമ്മദ് ബഷീർ എം.പി പ്രതികരിച്ചു.

'ഇന്ത്യ നമ്മളാണ്, നമ്മളെല്ലാവരും'
മുസ്ലിം യൂത്ത് ലീഗ് ദേശീയ കമ്മറ്റിയുടെ
'യുവഭാരത് യാത്ര' കശ്മീർ മുതൽ കന്യകുമാരി വരെ . 2024 ജനു:26 - ഫെബ്രു.25

MYL INDIA

ശബരിമലയിൽ തിക്കിലും തിരക്കിലും പെട്ട് ഒരു ബാലിക മരിക്കാനിടയായ സംഭവം സർക്കാറിന്റെ കുറ്റകരമായ അനാസ്ഥയുടെ തെളിവാണെന്നും സർക്കാർ വകുപ്പുകളുടെ ഏകോപനമില്ലായ്മയും പരസ്പരം കുറ്റപ്പെടുത്തി തടിതപ്പാനുള്ള ശ്രമവും വിശ്വാസികളെ അവഹേളിക്കുന്നതിന് തുല്യമാണെന്നും കോഴിക്കോട് ലീഗ് ഹൗസിൽ ചേർന്ന മുസ്‌ലിംലീഗ് സംസ്ഥാന സെക്രട്ടേറിയറ്റ് അംഗങ്ങൾ, ഭാരവാഹികൾ, ജില്ലാ പ്രസിഡന്റ് ജനറൽ സെക്രട്ടറിമാർ, എം.എൽ.എമാർ എന്നിവരുടെ സംയുക്ത നേതൃയോഗം അംഗീകരിച്ച പ്രമേയം ചൂണ്ടിക്കാട്ടി. അയ്യപ്പ ഭക്തന്മാർക്ക് സമാധാനത്തോടെ ദർശനത്തിന് സൗകര്യമൊരുക്കാൻ അടിയന്തര നടപടികൾ സ്വീകരിക്കണമെന്നും യോഗം ആവശ്യപ്പെട്ടു. സബ്‌സിഡിയോടു കൂടിയുള്ള നിത്യോപയോഗ സാധനങ്ങളുടെ വിതരണം അവസാനിപ്പിക്കാനുള്ള നീക്കവും ഈ വർഷം ക്രിസ്മസ് കാലയളവിൽ ഉത്സവ ചന്ത ഉപേക്ഷിക്കാനുള്ള നീക്കവും അപലപനീയമാണെന്ന് യോഗം പ്രമേയത്തിലൂടെ ചൂണ്ടിക്കാട്ടി.
കശ്മീരിന് പ്രത്യേക പദവി നൽകുന്ന ഭരണഘടനയുടെ 370-ാം അനുച്ഛേദം റദ്ദ് ചെയ്തുകൊണ്ടുള്ള കേന്ദ്ര സർക്കാരിന്റെ നടപടി ശരിവെച്ചുകൊണ്ട് സുപ്രിംകോടതിയുടെ വിധി നിരാശാജനകമാണെന്ന് യോഗം അംഗീകരിച്ച പ്രമേയം വ്യക്തമാക്കി. സി.പി.ഐ നേതാവ് കാനം രാജേന്ദ്രന്റെ നിര്യാണത്തിൽ യോഗം അനുശോചനം രേഖപ്പെടുത്തി.

കേരളത്തിലെ മുസ്‌ലിം പിന്നോക്ക വിഭാഗം 1970 മുതൽ അനുഭവിച്ച് വരുന്ന 12 ശതമാനം സംവരണ ആനുകൂല്യം ഭിന്ന ശേഷിക്കാരുടെ മറവിൽ വെട്ടിക്കുറക്കാൻ സംസ്ഥാന സർക്കാർ നടത്തുന്ന നീക്കം ഉപേക്ഷിക്കണമെന്ന് കോഴിക്കോട് ലീഗ് ഹൗസിൽ ചേർന്ന മുസ്‌ലിംലീഗ് സംസ്ഥാന സെക്രട്ടേറിയറ്റ് അംഗങ്ങൾ, ഭാരവാഹികൾ, ജില്ലാ പ്രസിഡന്റ് ജനറൽ സെക്രട്ടറിമാർ, എം.എൽ.എമാർ എന്നിവരുടെ സംയുക്ത നേതൃയോഗം സർക്കാറിനോട് ആവശ്യപ്പെട്ടു. ഇക്കാര്യം പുനഃപരിശോധിക്കണമെന്ന് ആവശ്യപ്പെട്ട് മുസ്‌ലിംലീഗ് പ്രതിനിധി സംഘം മുഖ്യമന്ത്രിക്ക് നിവേദനം നൽകും. പരിഹാരമുണ്ടായില്ലെങ്കിൽ സമര പരിപാടികളുമായി മുന്നോട്ട് പോകാനും യോഗം തീരുമാനിച്ചു.
സംസ്ഥാന പ്രസിഡന്റ് പാണക്കാട് സയ്യിദ് സാദിഖലി ശിഹാബ് തങ്ങൾ അധ്യക്ഷത വഹിച്ചു. ദേശീയ ജനറൽ സെക്രട്ടറി പി.കെ കുഞ്ഞാലിക്കുട്ടി ആമുഖ പ്രഭാഷണം നടത്തി. സംസ്ഥാന ജനറൽ സെക്രട്ടറി അഡ്വ. പി.എം.എ സലാം സ്വാഗതം പറഞ്ഞു. നിയമസഭാ പാർട്ടി സെക്രട്ടറി കെ.പി.എ മജീദ്, ഉപനേതാവ് ഡോ. എം.കെ മുനീർ, സെക്രട്ടേറിയറ്റ് അംഗങ്ങളായ കെ. കുട്ടി അഹമ്മദ് കുട്ടി, പി.കെ അബ്ദുറബ്ബ്, അഡ്വ. എം. ഉമർ, അഡ്വ. എൻ. ഷംസുദ്ദീൻ, എൻ.എ നെല്ലിക്കുന്ന്, മഞ്ഞളാംകുഴി അലി എം.എൽ.എ, സി. മമ്മൂട്ടി, അബ്ദുറഹ്‌മാൻ കല്ലായി, അബ്ദുറഹ്‌മാൻ രണ്ടത്താണി, പി.എം സാദിഖലി, സി.പി ചെറിയ മുഹമ്മദ്, സി. ശ്യാം സുന്ദർ, കളത്തിൽ അബ്ദുല്ല, അഡ്വ. നാലകത്ത് സൂപ്പി, ടി.പി.എം സാഹിർ, എം.സി വടകര, വി.കെ.പി ഹമീദലി, എം.പി.എം ഇസ്ഹാഖ് കുരിക്കൾ, കെ.എം അബ്ദുൽ മജീദ്, ക്ഷണിതാക്കളായ അഹമ്മദ് കുട്ടി ഉണ്ണികുളം, അഡ്വ. എം. റഹ്‌മത്തുല്ല, സുഹ്‌റ മമ്പാട്, അഡ്വ. പി. കുൽസു, അഡ്വ. നൂർബിന റഷീദ്, പി.കെ ഫിറോസ്, അഡ്വ. ഫൈസൽ ബാബു, പി.എം.എ സമീർ, സി.കെ നജാഫ് സംസ്ഥാന ഭാരവാഹികളായ സി.എ.എം.എ കരീം, സി.പി ബാവ ഹാജി, ഉമർ പാണ്ടികശാല, പൊട്ടങ്കണ്ടി അബ്ദുല്ല, സി.പി സൈതലവി, യു.സി രാമൻ, അഡ്വ. മുഹമ്മദ് ഷാ, എം.എൽ.എമാരായ കുറുക്കോളി മൊയ്തീൻ, അഡ്വ. യു.എ ലത്തീഫ്, ടി.വി ഇബ്രാഹിം, നജീബ് കാന്തപുരം, ജില്ലാ പ്രസിഡന്റ് ജനറൽ സെക്രട്ടറിമാരായ കല്ലട്ര മായിൻ ഹാജി, എ. അബ്ദുറഹ്‌മാൻ, അബ്ദുൽ കരീം ചേലേരി, കെ.കെ അഹമ്മദ് ഹാജി, ടി. മുഹമ്മദ്, എം.എ റസാഖ് മാസ്റ്റർ, ടി.ടി ഇസ്മായിൽ, മരക്കാർ മാരായമംഗലം, അഡ്വ. ടി.എ സിദ്ദീഖ്, സി.എ മുഹമ്മദ് റഷീദ്, പി.എം അമീർ, പറക്കാട്ട് ഹംസ, അഡ്വ. വി.ഇ അബ്ദുൽ ഗഫൂർ, കെ.എം.എ ഷുക്കൂർ, കെ. സിയാദ്, അസീസ് ബഡായിയിൽ, റഫീഖ് മണിമല, എ.എം നസീർ, അഡ്വ. എച്ച് ബഷീർ കുട്ടി, അഡ്വ. സുൽഫീക്കർ സലാം, ബീമാപ്പള്ളി റഷീദ് ചർച്ചയിൽ പങ്കെടുത്തു. കെ.കെ ആബിദ് ഹുസൈൻ തങ്ങൾ എം.എൽ.എ നന്ദി പറഞ്ഞു.

മായാത്ത
മുറിപ്പാട്

ഇന്ത്യൻ മതേതരത്വത്തിന്
തീരാ കളങ്കമായി
സംഘ്പരിവാർ
ബാബരി മസ്ജിദ് തകർത്ത
ഓർമകൾക്ക് 31 വർഷങ്ങൾ...

പ്രാർത്ഥനകൾ
സഫലം,

പൊന്നുമോൾ
തിരിച്ചെത്തി

മകളേ,
നിനക്കായ്

അഭിഗേൽ സാറയുടെ
സുരക്ഷിതമായ തിരിച്ചുവരവിനായി പ്രാർത്ഥനകളോടെ...

ലോക്കൽ ഗവൺമെന്റ് മെമ്പേഴ്സ് ലീഗ് (LGML)

സംസ്ഥാന നേതൃ സംഗമവും
സമര പ്രഖ്യാപനവും

2023 നവംബർ 30 വ്യാഴം 2 pm

സി എച്ച് ഓഡിറ്റോറിയം
ലീഗ് ഹൗസ് - കോഴിക്കോട്

ഭിന്നശേഷി സംവരണം നാല് ശതമാനം നടപ്പാക്കുന്നതിന് വേണ്ടി മുസ്ലിം സംവരണം വെട്ടിക്കുറയ്ക്കാനുള്ള നീക്കം ഒരുതരത്തിലും അംഗീകരിക്കില്ലെന്ന് മുസ്ലിംലീഗ് ദേശീയ ജനറൽ സെക്രട്ടറി പി.കെ കുഞ്ഞാലിക്കുട്ടി. ഭിന്നശേഷി സംവരണം നടപ്പാക്കുന്നതിനോട് എതിർപ്പില്ല. എന്നാൽ അത് മുസ്ലിം സംവരണം ഇല്ലാതാക്കിയാവരുത്. എല്ലാവർക്കും അവരുടെ അവകാശങ്ങൾ ഉറപ്പ് വരുത്താൻ സർക്കാർ തയ്യാറാവണം. ന്യൂനപക്ഷങ്ങൾക്ക് ലഭിക്കേണ്ട ആനുകൂല്യങ്ങൾ നിഷേധിക്കരുത്. സാമൂഹ്യ നീതി അട്ടിമറിക്കരുത്. സർക്കാർ ഈ നീക്കത്തിൽനിന്ന് പിന്മാറാത്ത പക്ഷം മുസ്ലിംലീഗ് ശക്തമായ പ്രക്ഷോഭ പരിപാടികൾ സംഘടിപ്പിക്കുമെന്ന് അദ്ദേഹം വ്യക്തമാക്കി.

നവകേരള സദസ്സിനെതിരെ പ്രതിഷേധമുണ്ടാകുന്നത് ജനങ്ങളുടെ സ്വാഭാവിക വികാരത്തിന്റെ പ്രകടനമാണെന്നും അതിന് പ്രത്യേകിച്ച് ആഹ്വാനം ചെയ്യേണ്ട കാര്യമില്ലെന്നും പ്രതിപക്ഷ ഉപനേതാവ് പി.കെ കുഞ്ഞാലിക്കുട്ടി പറഞ്ഞു. മാധ്യമ പ്രവർത്തകരുമായി സംസാരിക്കുകയായിരുന്നു അദ്ദേഹം. പ്രതിഷേധത്തിന് ആഹ്വാനം ചെയ്‌തോ ഇല്ലയോ എന്നത് സാങ്കേതിക കാര്യം മാത്രമാണ്. നവകേരള സദസ്സിൽ വിദ്യാർത്ഥികളെ നിർബന്ധമായി പങ്കെടുപ്പിക്കുന്നതിനെ ശക്തമായി എതിർക്കും. പ്രതിഷേധിക്കുന്നവരെ മർദ്ദിച്ചൊതുക്കുന്നത് അംഗീകരിക്കാനാവില്ലെന്നും അദ്ദേഹം വ്യക്തമാക്കി. യു.ഡി.എഫിന്റെ ജനസമ്പർക്ക പരിപാടി പിന്നാലെ വരുന്നുണ്ട്. ഉമ്മൻ ചാണ്ടിയായിരുന്നു മാതൃക. അദ്ദേഹം അപേക്ഷകൾ നേരിട്ട് സ്വീകരിക്കുകയായിരുന്നു. ഇപ്പോഴത്തെ സർക്കാറിന് അതിന് സാധിക്കുന്നില്ലെന്നും അദ്ദേഹം കുറ്റപ്പെടുത്തി.

കേരള രാഷ്ട്രീയത്തിലെ അവിസ്മരണീയമായ അധ്യായം. സീതി ഹാജിയുടെ ജീവിത രേഖയും തെരഞ്ഞെടുത്ത നിയമസഭാ പ്രസംഗങ്ങളും അടങ്ങിയ മനോരമ ബുക്‌സ് പ്രസിദ്ധീകരിക്കുന്ന പുതിയ പുസ്തകം.
'സീതി ഹാജി, നിലപാടുകളുടെ നേതാവ്'.
2023 നവംബർ 29ന് ബുധനാഴ്ച കോഴിക്കോട് റാവിസ് കടവ് റിസോർട്ടിൽ രാഹുൽ ഗാന്ധി പ്രകാശനം ചെയ്യുന്നു.

നവകേരള സദസ്സിനെതിരെ രൂക്ഷ വിമർശനവുമായി പ്രതിപക്ഷ ഉപനേതാവ് പി.കെ കുഞ്ഞാലിക്കുട്ടി. മന്ത്രിമാരുടെ ബസ്സ് യാത്ര കൊണ്ട് ജനങ്ങൾക്ക് യാതൊരു പ്രയോജനവുമില്ലെന്ന് അദ്ദേഹം പറഞ്ഞു. ഒട്ടിയ വയറുകൾക്ക് പരിഹാരമുണ്ടാക്കാൻ ഞങ്ങൾക്കേ കഴിയൂ. ഇവർ ബസ്സുമായി നടക്കുന്നത് വെറുതെയാണ്. എന്തിനാ ആ കസേരയിലിരിക്കുന്നതെന്നും അദ്ദേഹം ചോദിച്ചു. ശമ്പളം കിട്ടാത്ത ഡ്രൈവർമാർ ഓടിക്കുന്ന കെ.എസ്.ആർ.ടി.സി ബസ് വരുന്നത് കാണുമ്പോൾ പേടിയാണ്. ഗുരുതരമായ പ്രശ്‌നമാണത്. ഇത്തരം വിഷയങ്ങളിൽ ജനങ്ങളിൽനിന്ന് പരാതി സ്വീകരിക്കാനാണ് യു.ഡി.എഫ് തീരുമാനം. സർക്കാറിനെതിരെ തീവ്രമായ ക്യാമ്പയിൻ സംഘടിപ്പിക്കും. - കുഞ്ഞാലിക്കുട്ടി അറിയിച്ചു. മാധ്യമപ്രവർത്തകരുമായി സംസാരിക്കുകയായിരുന്നു അദ്ദേഹം. മുസ്‌ലിംലീഗിന് ഒരു ശൈലിയുണ്ട്. അതിന് ഒരു കാലത്തും മാറ്റം വന്നിട്ടില്ല. പാണക്കാട് തങ്ങളുടെ നിലപാടാണ് മുസ്‌ലിംലീഗിന്റെ നിലപാട്. മുസ്‌ലിംലീഗിന്റെ അവസാന വാക്ക് സാദിഖലി ശിഹാബ് തങ്ങളാണ്. മുന്നണി ബന്ധം ശക്തിപ്പെടുത്തി മുസ്‌ലിംലീഗ് മുന്നോട്ട് പോകുമെന്നും അദ്ദേഹം പറഞ്ഞു.

ഭിന്നശേഷി സംവരണത്തിന്റെ മറവിൽ മുസ്ലിം സംവരണം വെട്ടിക്കുറയ്ക്കാനുള്ള ഇടത് സർക്കാർ നീക്കം സാമൂഹ്യനീതിയുടെ അട്ടിമറിയാണെന്നും ഇത് ഒരു കാരണവശാലും അനുവദിച്ചു തരുന്ന പ്രശ്നമില്ലെന്നും മുസ്‌ലിംലീഗ് സംസ്ഥാന ജനറൽ സെക്രട്ടറി പി.എം.എ സലാം പ്രതികരിച്ചു. ഒരു സമുദായത്തിന് നൽകേണ്ട അവകാശങ്ങളിൽ കൈയിട്ടു വാരിയോ നീതി നിഷേധിച്ചോ അല്ല മറ്റൊരു വിഭാഗത്തിന് നീതി നൽകേണ്ടത്. ഭിന്നശേഷി സംവരണം നടപ്പാക്കുക തന്നെ വേണം. എന്നാൽ മുസ്ലിം സംവരണത്തിൽ അട്ടിമറി നടത്തി അത് നടപ്പാക്കുന്നതിന് പിന്നിൽ ഗൂഢാലോനയുണ്ട്. നേരത്തെ സച്ചാർ റിപ്പോർട്ട് അട്ടിമറിച്ച് മുസ്ലിം സമുദായത്തിന് ലഭിക്കേണ്ട ആനുകൂല്യങ്ങൾ ഇല്ലാതാക്കിയതിന് സമാനമായ നടപടിയാണിത്. ഇങ്ങനെയൊരു നീക്കം നടക്കുന്നു എന്നറിഞ്ഞ ഉടനെ മുസ്ലിംലീഗ് നിയമസഭയിൽ ഇക്കാര്യം ചോദ്യം ചെയ്തതാണ്. മുസ്ലിം സംവരണം അട്ടിമറിച്ച് ഒരിക്കലും ഭിന്നശേഷി സംവരണം നടപ്പാക്കില്ലെന്നായിരുന്നു അന്നത്തെ മറുപടി. എന്നാൽ ആ വാക്ക് പാഴ്വാക്കാണെന്ന് തെളിയിക്കുന്നതാണ് പുതിയ ഉത്തരവ്. വിദ്യാഭ്യാസ, തൊഴിൽ മേഖലകളിലെ സംവരണം മുസ്ലിംലീഗ് പോരാടി നേടിയതാണ്. അതിൽനിന്ന് ഒരിഞ്ച് പോലും വിട്ടു തരില്ല. -പി.എം.എ സലാം പറഞ്ഞു.

പിന്നോക്ക വിഭാഗങ്ങൾക്കുള്ള സ്‌കോളർഷിപ്പിൽനിന്ന് മുസ്‌ലിംകളെയും ക്രിസ്ത്യാനികളെയും ഒഴിവാക്കിയ നടപടിക്കെതിരെ പ്രതിഷേധമുയർത്തിയിട്ടും ഒരു നടപടിയും ഉണ്ടായിട്ടില്ല. ഒന്നു മുതൽ എട്ടുവരെ ക്ലാസുകളിൽ പഠിക്കുന്ന വിദ്യാർത്ഥികൾക്ക് ലഭിക്കേണ്ട ഈ സ്‌കോളർഷിപ്പിലേക്ക് ഇനി ന്യൂനപക്ഷ വിഭാഗങ്ങൾ അപേക്ഷിക്കേണ്ടതില്ലെന്ന് സർക്കാർ ഉത്തരവിറക്കിയിരിക്കുകയാണ്. പിന്നോക്കക്കാർക്ക് എല്ലാവർക്കും കിട്ടേണ്ട ആനുകൂല്യങ്ങളിൽനിന്നാണ് വിവേചന പൂർവ്വം മുസ്‌ലിംകളെയും ക്രിസ്ത്യാനികളെയും ഒഴിവാക്കിയത്. ഇത് കടുത്ത അനീതിയും ധിക്കാരവുമാണ്. ഇത്തരം നെറികേടുകൾക്കെതിരെ സമാന മനസ്‌കരോടൊപ്പം ശക്തമായി പ്രതിഷേധിക്കുമെന്നും പാർട്ടി യോഗം ചേർന്ന് സമര പരിപാടികൾ തീരുമാനിക്കുമെന്നും പി.എം.എ സലാം വ്യക്തമാക്കി.

ടീ ഗാല കളക്ഷൻ ഫീസ്റ്റ് ഊർജ്ജിതമായി മുന്നോട്ട്.

2023 നവംബർ 19& 20 ഞായർ, തിങ്കൾ.

Team India to finals😍🇮🇳🔥

സംസ്ഥാനത്തെ കെ.എസ്.ഇ.ബി ഓഫീസുകൾക്ക് മുന്നിൽ മുസ്‌ലിംലീഗ് സംഘടിപ്പിച്ച പ്രതിഷേധ ധർണ്ണ ഇടത് സർക്കാറിന്റെ ജനവിരുദ്ധ നയങ്ങൾക്കുള്ള താക്കീതായി മാറി. അടിക്കടിയുള്ള വൈദ്യുതി ചാർജ്ജ് വർധനക്കും സാധാരണക്കാരെ മറന്നുള്ള ഭരണ നയങ്ങൾക്കുമെതിരെയാണ് മുസ്‌ലിംലീഗ് പ്രതിഷേധം സംഘടിപ്പിച്ചത്. മുസ്‌ലിംലീഗ് സംസ്ഥാന, ജില്ലാ നേതാക്കളും ജനപ്രതിനിധികളും വിവിധ കേന്ദ്രങ്ങളിൽ ധർണ്ണ ഉദ്ഘാടനം ചെയ്തു. കോഴിക്കോട് നോർത്ത് മണ്ഡലം മുസ്ലിംലീഗ് കമ്മിറ്റി വെള്ളയിൽ ഗാന്ധിറോഡ് വൈദ്യുതി ഭവന് മുന്നിൽ സംഘടിപ്പിച്ച പ്രതിഷേധ പരിപാടി സംസ്ഥാന ജനറൽ സെക്രട്ടറി പി.എം.എ സലാം ഉദ്ഘാടനം ചെയ്തു. എല്ലാ കെടുകാര്യസ്ഥതയുടെയും പാപഭാരം ജനങ്ങളുടെ പിരടിയിലിട്ട് സർക്കാർ സാധാരണക്കാരെ കൊള്ളയടിക്കുകയാണെന്ന് അദ്ദേഹം പറഞ്ഞു. കേരളീയം പോലുള്ള അനാവശ്യ ആഘോഷങ്ങൾക്കും ആർഭാടങ്ങൾക്കും വേണ്ടി കോടികൾ പൊടിക്കുന്ന സർക്കാർ പാവപ്പെട്ടവന്റെ ക്ഷേമ പെൻഷനുകൾ തടഞ്ഞുവെച്ചിരിക്കുകയാണ്. കർഷകന് സബ്‌സിഡി നൽകുന്നില്ല. ഭിന്നശേഷിക്കാർക്കും പട്ടികജാതിക്കാർക്കും ആനുകൂല്യങ്ങൾ നൽകുന്നില്ല. തദ്ദേശ സ്ഥാപനങ്ങൾക്ക് ഫണ്ട് കൊടുക്കുന്നില്ല. വെള്ളക്കരവും വൈദ്യുതി ചാർജ്ജും വർധിപ്പിച്ച് സാധാരണക്കാരന് മേൽ അമിതഭാരം ചുമത്തുക മാത്രമാണ് ചെയ്തുകൊണ്ടിരിക്കുന്നത്. ജനകീയ പ്രശ്‌നങ്ങളോട് സർക്കാർ പുറംതിരിഞ്ഞ് നിൽക്കുകയാണ്. അനാവശ്യ വിവാദങ്ങളുണ്ടാക്കി ജനശ്രദ്ധ തിരിച്ചുവിട്ടാൽ യഥാർത്ഥ പ്രശ്‌നങ്ങളിൽനിന്ന് ഒളിച്ചോടാമെന്നാണ് സർക്കാർ കരുതുന്നത്. എന്നാൽ സാമ്പത്തികമായി ശ്വാസംമുട്ടിക്കുന്ന ഈ സർക്കാർ നയം ജനം തിരിച്ചറിയുന്നുണ്ടെന്നും ഇടത് സർക്കാറിനെതിരായ ജനകീയ പ്രക്ഷോഭം മുസ്‌ലിംലീഗ് ശക്തമായി തുടരുമെന്നും അദ്ദേഹം വ്യക്തമാക്കി.

ബിജെപി ഇതര സംസ്ഥാനങ്ങളിൽ ഗവർണർമാരെ ഉപയോഗിച്ച് ബിജെപി 'ബാക് ഡോർ എൻട്രി'ക്കാണ് ശ്രമിക്കുന്നതെന്ന് മുസ്ലിംലീഗ് ദേശീയ ജനറൽ സെക്രട്ടറി പി കെ കുഞ്ഞാലിക്കുട്ടി പറഞ്ഞു. ബിജെപി ഇതര സർക്കാരുകളുള്ള സംസ്ഥാനങ്ങളിലെല്ലാം ഈ രീതിയാണ് കാണുന്നത്.
തെരഞ്ഞെടുക്കപ്പെട്ട ഗവൺമെന്റിന്റെ ബില്ലുകൾ ശരിയായ കാരണമില്ലാതെ ഗവർണർമാർ ഒപ്പിടാതെയിരിക്കുന്നത് തെറ്റാണ്. ഇത് ലീഗ് മുമ്പും പറഞ്ഞിട്ടുണ്ട്. ഗവർണർമാർ ഭരണം നടത്തുന്നത് ശരിയല്ല. തെരഞ്ഞെടുത്ത സർക്കാരുകളാണ് ഭരണം നടത്തേണ്ടതെന്നും കുഞ്ഞാലിക്കുട്ടി പറഞ്ഞു.

വൈദ്യുതി നിരക്ക് വർധന
പിൻവലിക്കുക
കെ.എസ്.ഇ.ബി ഓഫീസുകൾക്ക് മുന്നിൽ
മുസ്‌ലിംലീഗ്
ധർണ്ണ
നാളെ

സംസ്ഥാന സർക്കാരിനെതിരെ പ്രത്യക്ഷ സമരത്തിനൊരുങ്ങി മുസ്‌ലിംലീഗ്. വിലക്കയറ്റവും വൈദ്യുതി ചാർജ് വർധനയും ഉന്നയിച്ചാണ് സമരം. ഈ വിഷയങ്ങൾ മുൻനിർത്തി കെ.എസ്.ഇ.ബി ഓഫീസുകൾക്ക് മുന്നിൽ നാളെ ധർണ നടത്തുമെന്ന് ദേശീയ ജനറൽ സെക്രട്ടറി പി.കെ കുഞ്ഞാലിക്കുട്ടിയും സംസ്ഥാന ജനറൽ സെക്രട്ടറി പി.എം.എ സലാമും വാർത്താ സമ്മേളനത്തിൽ അറിയിച്ചു. കേരളം ബ്രാൻഡ് ചെയ്യപ്പെടുന്നത് തല്ലതുതന്നെ. പക്ഷേ മറുവശത്ത് പെൻഷൻ പോലും കൊടുക്കാൻ കഴിയുന്നില്ല. സർക്കാരിന്റെ സാമ്പത്തിക മാനേജ്‌മെന്റ് വൻ പരാജയമാണ്. സാധാരണക്കാരന്റെ പ്രശ്‌നങ്ങൾ ഏറ്റെടുക്കുന്നതിൽ സർക്കാരിന്റെ നിലപാട് ശരിയല്ല. നികുതി വിഹിതവുമായി ബന്ധപ്പെട്ട് കേന്ദ്രത്തിന്റെ ഭാഗത്തും പ്രശ്‌നമുണ്ട്. എന്നാലിത് സംസ്ഥാനം വേണ്ട രീതിയിൽ ഉന്നയിക്കുന്നില്ല.- പി.കെ കുഞ്ഞാലിക്കുട്ടി പറഞ്ഞു.

നവംബർ ഒന്ന് മുതൽ വൈദ്യുതി നിരക്ക് ക്രമാതീതമായി വർധിപ്പിച്ച് സാധാരണക്കാരന് മേൽ അമിത ഭാരം അടിച്ചേൽപ്പിക്കുന്ന ഇടത് സർക്കാർ നയത്തിനെതിരെയാണ് കേരളത്തിലെ കെ.എസ്.ഇ.ബി ഓഫീസുകൾക്ക് മുമ്പിൽ നാളെ (നവംബർ 9 വ്യാഴം) മുസ്ലിംലീഗ് പ്രവർത്തകർ പ്രതിഷേധ ധർണ്ണ സംഘടിപ്പിക്കുന്നത്. കെട്ടിട നികുതി, വസ്തു നികുതി, പെട്രോളിയം ഉൽപന്നങ്ങളുടെ സെസ് തുടങ്ങിയവ വർധിപ്പിച്ചതും അവശ്യസാധനങ്ങളുടെ വിലവർധനയും ഉൾപ്പെടെ സർക്കാറിന്റെ ജനവിരുദ്ധ നയങ്ങൾ കാരണം ജീവിതം ദുസ്സഹമായ ജനങ്ങളുടെ മേൽ ഇരുട്ടടി എന്നോണമാണ് വൈദ്യുതി ചാർജ്ജ് വർധിപ്പിച്ചിരിക്കുന്നത്. 2022 ജൂണിൽ വൈദ്യുതി ചാർജ്ജ് വർധിപ്പിച്ച സർക്കാർ തന്നെയാണ് ഒരു വർഷം കൊണ്ട് വീണ്ടും ജനങ്ങളെ പിഴിയുന്നത്.

2023-24 വർഷത്തെ 720 കോടി കമ്മി നികത്താനാവാത്തതാണ് ഇത്തരമൊരു ക്രൂരതക്ക് കാരണമായി പറയുന്നത്. സാമ്പത്തിക ഞെരുക്കം കൊണ്ട് വീർപ്പുമുട്ടുന്ന കേരളത്തിൽ ധൂർത്തും ആഡംബരങ്ങളും നിർബാധം നടത്തിക്കൊണ്ടിരിക്കുന്ന സർക്കാർ അതിന്റെ ഭാരം മുഴുവൻ ജനങ്ങളുടെ തലയിൽ ചുമത്തുകയാണ്. ജനപിന്തുണ നഷ്ടമായ സർക്കാറിന്റെ മുഖം മിനുക്കാൻ ആഘോഷങ്ങളും കോടിക്കണക്കിന് രൂപയുടെ പരസ്യങ്ങളും നൽകി ഖജനാവ് കാലിയാക്കുന്നതിന്റെ മുഴുവൻ ദുരിതവും പേറേണ്ടി വരുന്ന കേരള ജനതയുടെ പ്രതിഷേധം ഈ ധർണ്ണയിൽ പ്രതിഫലിക്കുമെന്ന് പി.എം.എ സലാം പറഞ്ഞു. വിവിധ ഓഫീസുകൾക്ക് മുന്നിലെ പ്രതിഷേധ ധർണ്ണകൾ ബന്ധപ്പെട്ട പഞ്ചായത്ത്/ മണ്ഡലം കമ്മിറ്റികൾ ഏകോപിപ്പിക്കും.

വൈദ്യുതി നിരക്ക് വർധന
പിൻവലിക്കുക

കെ.എസ്.ഇ.ബി ഓഫീസുകൾക്ക് മുന്നിൽ

മുസ്‌ലിംലീഗ്
ധർണ്ണ

2023 നവംബർ 09, വ്യാഴം

വനിതാ ലീഗ് സംസ്ഥാന കമ്മിറ്റിയുടെ 'ടീ ഗാല' ഫണ്ട്‌ ശേഖരണ ക്യാമ്പയിന് തുടക്കമായി.

333/- രൂപ സംഭാവന നൽകി ഒരു കിലോ ചായപ്പൊടി സ്വീകരിച്ച് ഈ ദൗത്യത്തിന്റെ ഭാഗമാകാം.

ഐക്യ കേരളം
ഐക്യത്തോടെ
മുന്നേറട്ടെ

കേരളപ്പിറവി
ആശംസകൾ