St. Thomas Orthodox Syrian Church, Pampakuda

ഒന്നാം കാതോലിക്ക ബാവയുടെ കബറിടത്തിലേക്ക് തീർത്ഥാടകർക്ക് സ്വീകരണം നൽകി

പിറവം
മലങ്കര ഓർത്തഡോക്സ് സുറിയാനി സഭയുടെ പ്രഥമ കാതോലിക്ക പരി. ബസേലിയോസ് പൗലോസ് പ്രഥമൻ (മുറിമറ്റത്തിൽ) ബാവയുടെ 111-ാം മത് ഓർമ്മപ്പെരുന്നാളിനെത്തിയ കാൽനട തീർത്ഥാടകർക്ക് കബറിടം സ്ഥിതി ചെയ്യുന്ന പാമ്പാക്കുട
സെൻ്റ് തോമസ് ഓർത്തഡോക്സ് ചെറിയപള്ളിയിൽ
സ്വീകരണം നൽകി.സഭയുടെ പരമാദ്ധ്യക്ഷൻ പരി. ബസേലിയോസ് മാർത്തോമ്മ മാത്യൂസ് തൃതീയൻ കാതോലിക്ക ബാവാ ,ഇടുക്കി ഭദ്രാസനാധിപൻ സഖറിയാസ് മാർ സേവേറിയോസ്, മെത്രാപ്പോലീത്ത എന്നിവരുടെ നേതൃത്വത്തിലാണ് ചടങ്ങുകൾ നടന്നത്. പിറവം മുളക്കുളം, ഓണക്കൂർ മേഖലയിൽ നിന്നുള്ള തീർത്ഥാടകർക്ക് കാക്കൂർ സെൻ്റ് തോമസ് കുരിശിങ്കലും, കോലഞ്ചേരി ,കടമറ്റം, പുത്തൻകുരിശ്,കണ്യാട്ടുനിരപ്പ് മേഖലകളിൽ നിന്നുള്ള തീർത്ഥാടകർക്ക് പരുമല മാർ ഗ്രിഗോറിയോസ് ചാപ്പലിലും സ്വീകരണം നൽകി.

പരി. ഒന്നാം കാതോലിക്ക ബാവയുടെ 111-ാം ഓർമ്മപ്പെരുന്നാൾ

പാമ്പാക്കുട ചെറിയ പള്ളിയിൽ കബറടങ്ങിയിരിക്കുന്ന മലങ്കര സഭയുടെ പ്രഥമ കാതോലിക്ക പരി. ബസേലിയോസ് പൗലോസ് പ്രഥമൻ (മുറിമറ്റത്തിൽ) ബാവായുടെ 111-ാം ഓർമ്മപ്പെരുന്നാളിനോട് അനുബന്ധിച്ച് കണ്ടനാട് ഭദ്രാസന സെക്രട്ടറി ഫാ.ജോസ് തോമസ് പൂവുത്തിങ്കൽ വി.കുർബ്ബാന അർപ്പിച്ച്, കബറിങ്കൽ ധൂപപ്രാർത്ഥന നടത്തി. ഇടവക വികാരി ഫാ.അബ്രാഹം പാലപ്പിള്ളിൽ, വെട്ടിത്തറ സെൻ്റ്.മേരീസ് പള്ളി വികാരി ജോൺ വി.ജോൺ, ആട്ടിൻകുന്ന് സെൻ്റ്.മേരീസ് പള്ളി വികാരി ഫാ.സക്കറിയ ജോർജജ് എന്നിവർ സഹ കാർമ്മികത്വം വഹിച്ചു

പരി. ഒന്നാം കാതോലിക്ക ബസേലിയോസ് പൗലോസ് പ്രഥമൻ (മുറിമറ്റത്തിൽ) ബാവയുടെ 111-ാം ഓർമ്മപ്പെരുന്നാളിന് കൊടിയേറി....

മാർത്തോമ്മൻ പൈത്യക സംഗമ സന്ദേശയാത്രക്ക് പരി. ഒന്നാം കാതോലിക്ക ബാവ കബറടങ്ങിയിരിക്കുന്ന പാമ്പാക്കുട ചെറിയ പള്ളിയിൽ ഇടവക വികാരി ഫാ.അബ്രാഹാം പാലപ്പിള്ളിൽ അച്ചൻ്റെ നേതൃത്വത്തിൽ സ്വീകരണം നല്കി

മലങ്കരയുടെ മോറാന് 75-ാം ജന്മദിനാശംസകൾ നേർന്ന് സെൻ്റ്.തോമസ് ഓർത്തഡോക്സ് ചെറിയ പള്ളി പാമ്പാക്കുട....

സകല വാങ്ങിപ്പോയവരുടെയും ഞായാറാഴ്ചയോട് അനുബന്ധിച്ച് ഇടവക യുവജനപ്രസ്ഥാനം എല്ലാ വാങ്ങിപ്പോയവരുടെയും കല്ലറകളിൽ തിരി തെളിയിക്കുന്നു.

മലങ്കര സഭയുടെ കാതോലിക്കാ സ്ഥാനാരോഹണത്തിൻ്റെ 111-ാം മത് വാർഷികം പരി.ഒന്നാം കാതോലിക്ക ബസേലിയോസ് പൗലോസ് പ്രഥമൻ ബാവയുടെ കബറിടം സ്ഥിതി ചെയ്യുന്ന പാമ്പാക്കുട ചെറിയ പള്ളിയിൽ നടന്നു.
കബറിങ്കലെ പ്രത്യേക പ്രാർത്ഥനക്കു ശേഷം നടന്ന ചടങ്ങ് ഇടവക വികാരി ഫാ.അബ്രാഹം പാലപ്പിള്ളിൽ ദീപം തെളിയിച്ച് ഉദ്ഘാടനം ചെയ്യുകയും പരി. ബാവയെ അനുസ്മരിക്കുകയും ചെയ്തു.

അഭി. സഖറിയാ മാര്‍ അന്തോണിയോസ് തിരുമേനിയുടെ കബറടക്കശുശ്രൂഷാ ക്രമീകരണം

മലങ്കര സഭയുടെ പ്രഥമ കാതോലിക്ക പരി. ബസേലിയോസ് പൗലോസ് പ്രഥമൻ (മുറിമറ്റത്തിൽ) ബാവയുടെ കബറിടം സ്ഥിതി ചെയ്യുന്ന പാമ്പാക്കുട ചെറിയ പളളി എത്യോപ്യൻ ഓർത്തഡോക്സ് സഭാ അംഗങ്ങൾ സന്ദർശിച്ചപ്പോൾ.

പാമ്പാക്കുട ചെറിയപള്ളിയിൽ കബറടങ്ങിയിരിക്കുന്ന പരി. ഒന്നാം കാതോലിക്ക ബസേലിയോസ് പൗലോസ് പ്രഥമൻ (മുറിമറ്റത്തിൽ) ബാവയുടെ 110-ാം ഓർമ്മപ്പെരുന്നാൾ സമാപിച്ചു. പെരുന്നാൾ ചടങ്ങുകൾക്ക് മലങ്കര സഭയുടെ പരമാദ്ധ്യക്ഷൻ പരി.ബസേലിയോസ് മാർത്തോമ മാത്യൂസ് തൃതീയൻ കാതോലിക്ക ബാവ മുഖ്യകാർമ്മികത്വം വഹിച്ചു. അങ്കമാലി ഭദ്രാസനാധിപൻ യൂഹാനോൻ മാർ പോളികാർപ്പോസ്, മലബാർ ഭദ്രാസനാധിപൻ ഗീവർഗീസ് മാർ പക്കോമിയോസ്, ഇടുക്കി ഭദ്രാസനാധിപൻ സഖറിയ മാർ സേവേറിയോസ് എന്നീ മെത്രാപ്പോലീത്താമാർ സഹകാർമ്മികരായി.

*പരി.ഒന്നാം കാതോലിക്കാ ബാവയുടെ ഓർമ്മപ്പെരുന്നാൾ*

പാമ്പാക്കുടയിലേക്ക്
തീർത്ഥാടക പ്രവാഹം

പിറവം

പാമ്പാക്കുട സെൻ്റ് തോമസ് ഓർത്തഡോക്സ് ചെറിയപള്ളിയിൽ കബറടങ്ങിയിരിക്കുന്ന
മലങ്കര ഓർത്തഡോക്സ് സുറിയാനി സഭയുടെ പ്രഥമ കാതോലിക്ക
പരി. ബസേലിയോസ് പൗലോസ് പ്രഥമൻ (മുറിമറ്റത്തിൽ) ബാവയുടെ 110-ാം മത് ഓർമ്മപ്പെരുന്നാളിന് തീർത്ഥാടക പ്രവാഹം. മലങ്കര സഭയിലെ വിവിധ പള്ളിയിൽ നിന്നുള്ള തീർത്ഥാടകർ കഴിഞ്ഞ ഒരാഴ്ചയായി കബറിടത്തിലെത്തുന്നുണ്ട്. പെരുന്നാൾ ദിനത്തിൽ പിറവം മുളക്കുളം, ഓണക്കൂർ മേഖലയിൽ നിന്നുള്ള കാൽനട തീർത്ഥാടകർക്ക് കാക്കൂർ സെൻ്റ് തോമസ് കുരിശിങ്കലും, കോലഞ്ചേരി ,കടമറ്റം, പുത്തൻകുരിശ്,
കണ്യാട്ടുനിരപ്പ് മേഖലകളിൽ നിന്നുള്ള തീർത്ഥാടകർക്ക് പരുമല മാർ ഗ്രിഗോറിയോസ് ചാപ്പലിലും സ്വീകരണം നൽകി. സഭയുടെ പരമാദ്ധ്യക്ഷൻ പരി. ബസേലി യോസ് മാർത്തോമ്മ മാതൃസ് തൃതീയൻ കാതോലിക്ക ബാവായുടെ മുഖ്യകാർമ്മികത്വത്തിലും, അങ്കമാലി ഭദ്രാസനാധിപൻ യൂഹാനോൻ മാർ പോളികാർപ്പോസ്, മലബാർ ഭദ്രാസനാധിപൻ ഗീവർഗീസ് മാർ പക്കോമിയോസ്, എന്നീ മെത്രാപ്പോലീത്താമാരുടെ സഹകാർമ്മികത്വത്തിലുമാണ് പെരുന്നാൾ ചടങ്ങുകൾ നടക്കുന്നത്.
തീർത്ഥയാത്ര സ്വീകരണത്തിന്
ഗീവർഗീസ് മാർ പക്കോമിയോസ് മെത്രാപ്പോലീത്ത, ബഹു വൈദീകർ, ജനപ്രതിനിധികൾ എന്നിവർ നേതൃത്വം നൽകി.

ബുധൻ രാവിലെ 8.30 ന് പരി. കാതോലിക്ക ബാവയുടെ പ്രധാന കാർമ്മികത്വത്തിൽ വി.മുന്നിൻമേൽ കുർബാന.തുടർന്ന്, വിദ്യാഭ്യാസ അവാർഡ് ദാനം, പ്രസംഗം, ധൂപപ്രാർത്ഥന, പ്രദക്ഷിണം, ആശിർവാദം, നേർച്ചസദ്യ തുടങ്ങിയവ നടക്കും.