The Maharashtra News

पत्रकारिता क्षेत्रात येऊन स्वतःचे अस्तित्व घडवणारे करणसिंह पवार उद्या सकाळी लाईव्ह भेटायला येत आहेत.

आपल्या अभिनयातून प्रेक्षकांच्या मनामध्ये स्वतःची एक वेगळी ओळख निर्माण करणारी अभिनेत्री राधिका विसे आपल्याला लाईव्ह भेटायला येत आहे.

आपल्या सर्जनशीलतेने 30 सेकंदाचे व्हिडिओ बनवून लोकांच्या चेहऱ्यावरती हसू आणणार Instagram Reel Start अनिकेत आणि माधुरी पाटील हे स्वीट कपल आपल्याला लाईव्ह भेटायला येत आहे.

ठाण्याच्या लुईसवाडी येथे फिजिओथेरपी कॅम्प यशस्वीरित्या संपन्न

आपले आरोग्य उत्तम ठेवण्यासाठी फिजिओथेरेपिस्ट वेगवेगळ्या उपचार पद्धतींचा वापर करतात. यात प्रामुख्याने व्यायाम आणि इलेक्ट्रिक उपकरणं यांचा समावेश असतो. तसंच सांध्यांची कार्यक्षमता, स्नायूंची कार्यक्षमता, रोगनिदान आणि कार्य निदानपद्धती वाढवण्यासाठी बऱ्याच अत्याधुनिक उपचारपध्दतीसुद्धा वापरतात. या सर्व गोष्टींच्या मार्गदर्शनासाठी दि,19 मार्च रोजी ठाणे लुईसवाडी येथे डॉ अंकिता पाटील द्वारे आयोजित व कल्चरल ग्रुपच्या सहाय्याने व अन्य तज्ञ डॉक्टरांच्या मार्गदर्शनाखाली फिजिओथेरपी कॅम्पचे आयोजन सकाळी 10 ते दुपारी 02 वाजेपर्यंत विनामूल्य करण्यात आले होते .या कॅम्पमध्ये सर्व नागरिकांना फिजिओथेरेपी म्हणजे नेमके काय असते ?फिजिओथेरपिस्ट च्या कामाचे स्वरूप? नेमके कसे असते याबद्दल माहिती सांगण्यात आली.

या कॅम्पमध्ये डॉ. विनायक जोशी (Neurologist), डॉ. समीरा भारती (Mbbs), डॉ. विनोद अग्रवाल (Physician), डॉ. पार्थ अग्रवाल (Orthopedics) यांनी उपस्थित लाभली होती. नागरिकांच्या भरघोस प्रतिसादामुळे फिजिओथेरपी कॅम्प यशस्वीरित्या लुईस वाडी येथे पार पडला.

शुभम पेडामकर

गुरु नानक कॉलेजचा इंटरकॉलेज फेस्ट ‘ZEAL’ संपन्न...

मुंबई: मुंबईतील सर्व महाविद्यालयांतील विद्यार्थ्यांचे लक्ष वेधून घेणाऱ्या कॉलेजच्या आंतरमहाविद्यालयीन फेस्टिव्हलमध्ये आपल्या कलागुणांचे सादरीकरण करण्यासाठी विविध महाविद्यालये आणि संस्थांमधील अनेक विद्यार्थी वर्ग सायन येथील गुरू नानक महाविद्यालयाच्या झील महोत्सवात दिनांक 27 व 28 जानेवारी रोजी सहभागी झाला होता. कोविड 19 मुळे गेली दोन वर्ष महाविद्यालयात कोणत्याही प्रकारचे महोत्सव भव्यदिव्यरित्या साजरे झाले नव्हते परंतु यावर्षी गुरू नानक महाविद्यालयात झील महोत्सव साजरा झाल्यामुळे मोठ्या उत्साहात 48 महाविद्यालयातील 300 हून अधिक विद्यार्थ्यांनी नृत्य, गायन, फ्री स्टाईल आणि स्ट्रीट डान्स आणि इतर अनेक कार्यक्रमांमध्ये सहभाग घेतला.
एकूण 3000 हून अधिक विद्यार्थी या महोत्सवात सक्रियरित्या सहभागी झाले होते.

यंदाच्या झील महोत्सवाची थीम :ZEAL-ZECO WORLD' म्हणजे कल्पनाशक्ती आणि अतिवास्तव जगाशी संबंधित अशी ठेवण्यात आली होती.त्याचबरोबर या महोत्सवाचे खास आकर्षण होते ते म्हणजे सेलिब्रिटी पाहुणे - काम भारी, पियुष शर्मा, गुरलीन कौर, हिटझोन, रजनीश पटेल, ध्रुवन मूर्ती,प्रिया टिपाले आणि अनुज ठाकरे.

“विद्यार्थ्यांसह झील महोत्सवात काम करणे आणि विद्यार्थ्यांना एकत्रित आणणे ही एक आनंदाची बाब आहे. व्यवस्थापन आणि महाविद्यालय विद्यार्थ्यांना नेहमी पाठिंबा देतात आणि झील महोत्सवाच्या माध्यमातून वर्षानुवर्षे त्यांची सर्जनशीलता समोर आणण्यासाठी त्यांना अभिव्यक्ती स्वातंत्र्य देतात.” असे प्रतिपादन झील महोत्सवाच्य समन्वयिका प्रा.हरप्रीत कौर यांनी केले .

"विद्यार्थ्यांच्या प्रयत्नांचे आणि परिश्रमांचे यश पाहून आम्हाला खूपच आनंद होत आहे . कारण यंदाचा महोत्सव हा भव्य होता त्यामुळे विद्यार्थ्यांनी केलेल्या अप्रतिम कार्याचा आम्हाला अभिमान आहे." असे महाविद्यालयाच्या प्राचार्या डॉ. पुष्पिंदर भाटिया यांनी प्रतिपादन केले .

शुभम पेडामकर

आपल्या नृत्य कलेतून स्वतःची प्रतिमा घडवणारी प्रिया टिपाले तुम्हाला लाईव्ह भेटण्यासाठी येत आहे.

गुरु नानक महाविद्यालयात पार पडले "अविष्कार"

विद्यार्थ्यांना संशोधन म्हणजे काय, संशोधन पद्धती कशा असतात, नव-नवीन संशोधन कसे करता येऊ शकते यासारख्या गोष्टी शिकायला मिळाव्यात तसंच त्यांच्यात संशोधन करण्याची आवड निर्माण व्हावी यासाठी मुंबई विद्यापीठाच्या मार्गदर्शनाखाली "अविष्कार" संशोधन स्पर्धेचे दरवर्षी आयोजन केले जाते. यंदाच्या 17 व्या अविष्कार संशोधन स्पर्धेसाठी सायन येथील गुरु नानक महाविद्यालयचे केंद्र देखील ठेवण्यात आले होते. युजी, पीजी, पीपीजी अशा वर्गीकरणात त्यांचे भाग केले असून चार कॅटेगरी देखील त्यावेळी होत्या. एकूण 245 रिसर्च चे सादरीकरण झाले असून 550 विद्यार्थ्यांनी अविष्कार संशोधन स्पर्धेत भाग घेतला. त्यात विद्यार्थ्यांनी त्यांचे संशोधन वेगवेगळ्या कॅटेगरी मधील परीक्षकांसमोर मांडले. प्रथम पोस्टर सादरीकरण आणि त्यातून निवड झालेल्यांचे पी पी टी सादरीकरण झाले.

'यंदाचा अविष्कार हा आमच्या महाविद्यालयात होतं आहे ही बाब समजल्यावर खूप आनंद झाला. या निमित्ताने विद्यार्थ्यांची संशोधन करण्यासाठी असणारी धडपड प्रत्यक्षात बघायला मिळाली. अशा स्पर्धा खऱ्या अर्थाने विद्यार्थ्यांना घडवतात' असं महाविद्यालयाचे प्राचार्या.डॉ.पुष्पिंदर भाटिया यांनी प्रतिपादन केले.

©शुभम पेडामकर