Bharananganam Tourism

തിരുവുത്സവ– തിരുനാൾ സന്തോഷത്തിൽ ഭരണങ്ങാനം
മനോരമ ലേഖകൻ

Published: January 18 , 2024 10:27 AM IST
1 minute Read

ഭരണങ്ങാനം ടൗണിൽ ശ്രീകൃഷ്ണ ക്ഷേത്രത്തിലെ ഊരുവലത്തിനു സ്വീകരണം
നൽകിയപ്പോൾ
ഭരണങ്ങാനം ടൗണിൽ ശ്രീകൃഷ്ണ ക്ഷേത്രത്തിലെ ഊരുവലത്തിനു സ്വീകരണം നൽകിയപ്പോൾ
ഭരണങ്ങാനം ∙ തിരുവുത്സവ– തിരുനാൾ തിരക്കിലാണു ഭരണങ്ങാനം. ഒരേ സമയത്തു ശ്രീകൃഷ്ണ ക്ഷേത്രത്തിലെ ഉത്സവവും സെന്റ് മേരീസ് ഫൊറോന പള്ളിയിലെ വിശുദ്ധ സെബസ്ത്യാനോസിന്റെ തിരുനാളും ഭരണങ്ങാനത്തു നടക്കുന്നതു കൊണ്ടു മാത്രമല്ല ഈ ആഘോഷം. ഒരു മനസ്സോടെ ഈ രണ്ട് ആഘോഷങ്ങളും ഏറ്റെടുക്കുന്നതിലൂടെയാണു ഭരണങ്ങാനത്തെ ജനം ആഘോഷത്തെ വിശാലമാക്കുന്നത്.

ക്ഷേത്രത്തിലെ ഊരുവലത്ത് എഴുന്നള്ളത്തും പള്ളിയിലെ പ്രദക്ഷിണവും എല്ലാ ഭരണങ്ങാനത്തുകാരുടേതുമാണ്. അതിൽ ജാതിമത വ്യത്യാസമില്ല.ടൗണിലെ വ്യാപാരി വ്യവസായികളും ഓട്ടോ ടാക്സി ഡ്രൈവർമാരും ഹെഡ്‌‌ലോഡ് വർക്കർമാരും ചേർന്നാണു സംയുക്ത ആഘോഷത്തിന് അരങ്ങൊരുക്കുന്നത്.16നായിരുന്നു ക്ഷേത്രത്തിലെ ഊരുവലത്ത് ഭരണങ്ങാനം ടൗണിലേക്കു നടന്നത്.

അലങ്കാരങ്ങളും ദീപക്കാഴ്ചകളുമായി എല്ലാ വിഭാഗം ജനങ്ങളും ഊരുവലത്തിനെ സ്വീകരിച്ചു. ഇനി പള്ളിയിൽ നിന്നുള്ള ടൗൺ പ്രദക്ഷിണമാണ്. 20നു വൈകിട്ട് നടക്കുന്ന പ്രദക്ഷിണം അലങ്കാരങ്ങളോടും ദീപക്കാഴ്ചകളോടും ആഘോഷിക്കാൻ നാട് ഒരുങ്ങി.പ്രദക്ഷിണത്തിൽ വിശുദ്ധ സെബസ്ത്യാനോസിന്റെ തിരുസ്വരൂപത്തിനു മുന്നിൽപ്പിടിക്കുന്ന കോൽവിളക്ക് ശ്രീകൃഷ്ണ ക്ഷേത്രത്തിൽനിന്നു നൂറ്റാണ്ടുകൾക്കു മുൻപു നൽകിയതാണ്.

ഇതിനു പകരമായി ക്ഷേത്രത്തിനു പള്ളിയിൽനിന്ന് മുത്തുക്കുട നൽകി. പഞ്ചപാണ്ഡവരുടെ വനവാസ കാലത്ത് അവർ പ്രതിഷ്ഠിച്ചെന്ന് ഐതിഹ്യമുള്ള ക്ഷേത്രമാണു ഭരണങ്ങാനം ശ്രീകൃഷ്ണ ക്ഷേത്രം. ആയിരത്തിലേറെ വർഷങ്ങൾക്കു മുൻപു സ്ഥാപിതമായതാണ് ഭരണങ്ങാനത്തെ ആനക്കല്ല് സെന്റ് മേരീസ് ഫൊറോന പള്ളി.

https://www.manoramaonline.com/district-news/kottayam/2024/01/18/kottayam-festival-season-in-bharananganam.html

27-7-2022

പാലാ , ഭരണങ്ങാനം ,വിശുദ്ധ അൽഫോൻസാമ്മയുടെ തിരുനാൾ 2022 - (19-7-2022) മെഴുകുതിരി പ്രദക്ഷിണം - Photo by Ramesh kidangoor

https://www.facebook.com/321508534570469/posts/5317171091670830/

ഭാരതത്തിന്റെ പ്രഥമ വിശുദ്ധയും, കേരളസഭയുടെ അഭിമാനവും, ഭരണങ്ങാനത്തിന്റെ പുണ്യമായ വിശുദ്ധ അൽഫോൻസാമ്മയുടെ തിരുനാൾ ഈവർഷം ജൂലൈ 19 മുതൽ 28 വരെ തീയതികളിൽ ആചരിക്കുകയാണ്. അഭിവന്ദ്യ കർദിനാൾ മാരുടെയും മൂന്നു റീത്തുകളിലെ പിതാക്കന്മാരുടെയും സാന്നിധ്യം ഈ വർഷത്തെ ആത്മീയ ആഘോഷങ്ങൾക്ക് മിഴിവ് വർദ്ധിപ്പിക്കുന്നു. ജീവിതത്തിലെ സഹനങ്ങളെ വിശുദ്ധിയിലേക്കുള്ള പടവുകളാക്കി മാറ്റി, സുവിശേഷത്തിന്റെ സാക്ഷിയായ് ജീവിച്ച, വിശുദ്ധ അൽഫോൻസാമ്മ നടന്ന വഴികളിലൂടെ സ്വർഗോൻമുഖരാകാൻ നമുക്ക് പ്രാർത്ഥിച്ച് ഒരുങ്ങാം. ഏവർക്കും പ്രാർത്ഥന പൂർണമായ തിരുനാൾ മംഗളങ്ങൾ.

വിശുദ്ധ അൽഫോൻസാമ്മയുടെ തിരുനാളിനു മുന്നോടിയായുള്ള ഒരുക്കങ്ങളുടെ ഭാഗമായി ജൂലൈ ഒൻപതാം തീയതി വിശാലയോഗം ചേർന്നിരുന്നു. പഞ്ചായത്ത്, പോലീസ്, ഫയർ ആൻ്റ് റെസ്ക്യൂ സർവ്വീസ്, ആരോഗ്യം, പൊതുമരാമത്ത്, റവന്യൂ, കെ എസ് ഇ ബി ഉദ്യോഗസ്ഥരും പള്ളി അധികൃതരും യോഗത്തിൽ പങ്കെടുത്തു.
തിരുനാളിനോടനുബന്ധിച്ചു ഏർപ്പെടുത്തേണ്ട ക്രമീകരണങ്ങളെക്കുറിച്ച് യോഗം ചർച്ച ചെയ്തു. തീർത്ഥാടകർക്കു ലഭ്യമാക്കേണ്ട സൗകര്യങ്ങൾ ഒരുക്കാൻ വിവിധ വകുപ്പുകൾക്കു യോഗം നിർദ്ദേശം നൽകിയിട്ട് ഉണ്ട്.

https://www.facebook.com/groups/400482205263360/permalink/434246691886911/

വിശുദ്ധ അൽഫോൺസാമ്മയുടെ തിരുന്നാൾ ദിനമായ 28-7-2021 ഭരണങ്ങാനം അൽഫോൺസമ്മയുടെ കബറിടത്തിൽ തിരുന്നാൾ റാസ കുർബാന അർപ്പിച്ച് മാർ ജോർജ് ആലഞ്ചേരി പിതാവ്.
Photo and Video By Ramesh Kidangoor

Feast of St. Alphonsa 2021 | DAY10 | RAZA QURBANA | MAR GEORGE CARDINAL ALENCHERRY | 11:00 am | Location Saint Alphonsa Tomb, Bharanaganam

https://www.facebook.com/321508534570469/posts/4210231705698113/

അക്ഷരങ്ങൾക്കു മുന്നിൽ തട്ടിവീണും പിച്ചവച്ചും തുടങ്ങിയ കാലത്ത് ആദ്യമായി കഷ്ടപ്പെട്ടു കൂട്ടിവായിച്ച ഒരു പുസ്തകത്തിന്റെ തലക്കെട്ടുണ്ട്.
‘സ്നേഹിക്കാൻ വേണ്ടി മാത്രം’ എന്നായിരുന്നു അത്.
സഞ്ചാരിയായ ഒരാൾ ഭരണങ്ങാനത്തു ബസിറങ്ങി അൽഫോൻസാമ്മയുടെ കബറിടത്തിലെത്തുന്നതും തുടർന്ന് അദ്ദേഹത്തിന്റെ ഓർമകൾ അൽഫോൻസാമ്മയുടെ ജീവിതത്തിലൂടെ സഞ്ചരിക്കുന്നതുമാണ് ആ പുസ്തകത്തിന്റെ പ്രതിപാദ്യം.
അങ്ങനെ കുട്ടിക്കാലത്തേ വായിച്ചറിഞ്ഞ ജീവിതമാണ് അൽഫോൻസാമ്മയുടേത്.
പൊരിയത്ത് എന്നായിരുന്നു ഗ്രന്ഥകാരന്റെ പേര്. ഭരണങ്ങാനം സെന്റ് മേരീസ് ഹൈസ്കൂളിൽ മലയാളം അധ്യാപകനായ ചാക്കോ സി. പൊരിയത്ത് Chacko Poriath ആണ് അതെന്നു വീട്ടുകാരാണു പറഞ്ഞത്.
ഒരു ദിവസം വീട്ടിലെത്തിയ ചുവന്ന പുറംചട്ടയുള്ള ‘ഈസോപ്പ് കഥകൾ’ എന്ന പുസ്തകം അദ്ദേഹം കൊടുത്തയച്ചതാണെന്ന് അറിഞ്ഞു. എൽപി സ്കൂളിൽ പഠിക്കുമ്പോൾ ആദ്യത്തെ പ്രസംഗമത്സരത്തിനു സ്റ്റേജിൽ കയറി നിന്നത് അദ്ദേഹം വടിവൊത്ത കയ്യക്ഷരത്തിൽ എഴുതിത്തന്ന പ്രസംഗം കാണാപ്പാഠം പഠിച്ചിട്ടായിരുന്നു!
ഈസോപ്പ് കഥകൾ കഴിഞ്ഞപ്പോൾ പിന്നെയും പുസ്തകങ്ങളുടെ വരവായി; മൂന്നാം ക്ലാസിലെ വലിയ അവധിക്കു വീട്ടിലെത്തിയത് 4 വാല്യമുള്ള ഒരു ഡിറ്റക്ടീവ് നോവലാണ്. ദുർഗാപ്രസാദ് ഖത്രിയുടെ മൃത്യുകിരണം. മോഹൻ ഡി. കങ്ങഴയുടെ വിവർത്തനം. സിപ്പി പള്ളിപ്പുറം മുതൽ സർ അർതർ കോനൻ ഡോയൽ വരെ പിന്നെയും എത്രയോ എത്രയോ!
അൽഫോൻസാമ്മയുടെ വിശുദ്ധ ജീവിതത്തെക്കുറിച്ച് മലയാള മനോരമയിൽ കുറിപ്പെഴുതാൻ ചീഫ് ന്യൂസ് എഡിറ്റർ വിനോദ് സർ Vinod Nair പറഞ്ഞപ്പോൾ ആദ്യമോർത്തതും ചാക്കോ സാറിനെയാണ്. 10 ദിവസത്തെ ജീവിതക്കുറിപ്പ് ഇന്നു പൂർത്തിയായി. അൽഫോൻസാമ്മ ജീവിച്ചു മരിച്ച കാലം കഴിഞ്ഞു ജനിച്ച ഒരാൾ, വിശുദ്ധയുടെ ജീവിതസന്ദർഭങ്ങൾ ചേർത്തുവച്ചൊരു കുറിപ്പെഴുതാൻ പ്രധാന അവലംബമായി സ്വീകരിച്ചത് ചാക്കോ സാർ എഴുതിയ ജീവചരിത്ര ഗ്രന്ഥമായിരുന്നു.
അൽഫോൻസാമ്മയെ വാഴ്ത്തപ്പെട്ടവരുടെ നിരയിലേക്കു പേരുവിളിച്ച 1986ലാണ് ആ പുസ്തകം ആദ്യമായി പുറത്തിറങ്ങിയത്. ഭരണങ്ങാനത്തെ ജീവൻ ബുക്സായിരുന്നു പ്രസാധകർ. 2008ൽ അൽഫോൻസാമ്മയെ വിശുദ്ധയായി പ്രഖ്യാപിച്ച ശേഷം ഡൽഹി മീഡിയ ഹൗസ് ആ പുസ്തകം ‘അൽഫോൻസാമ്മ – അഗ്നിസ്നാനത്തിന്റെ വിശുദ്ധസാക്ഷ്യം’ എന്ന പേരിൽ കൂട്ടിച്ചേർക്കലുകളോടെ പുനഃപ്രസിദ്ധീകരിച്ചു.
ഭരണങ്ങാനം സെന്റ് മേരീസ് സ്കൂളിൽ പഠിച്ച ഞങ്ങൾക്ക്, ജാതിമതഭേദമെന്യേ എന്നു തന്നെ പറയാം, പ്രിയപ്പെട്ട അമ്മയായി അൽഫോൻസാമ്മ മാറിയതിനു പ്രധാന കാരണങ്ങളിലൊന്ന് ചാക്കോ സാറാണ്. പുസ്തകമെഴുതാനായി അക്കാലത്ത് ചാക്കോ സാർ നടത്തിയ ഗവേഷണങ്ങളെക്കുറിച്ചും മറ്റും ഹൈസ്കൂൾ പഠനകാലത്ത് അദ്ദേഹത്തിന്റെ ക്ലാസിന്റെ ഇടവേളകളിൽ ഞങ്ങൾ നേരിട്ടറിഞ്ഞു.
അൽഫോൻസാമ്മയിൽ തുടങ്ങി ‘സ്നേഹിക്കാൻ വേണ്ടി മാത്രം’ ‍ഞങ്ങളുടെ അരികിലെപ്പോഴുമുള്ള പ്രിയപ്പെട്ട അധ്യാപകൻ ഇവിടെ ഫെയ്സ്ബുക്കിലുമുണ്ട്.
ഇടയ്ക്കു സാറിന്റെ ശിഷ്യന്മാരിലാരെങ്കിലും, ഫെയ്സ്ബുക്കിലെ കുറിപ്പിലാണെങ്കി‍ൽപ്പോലും, അക്ഷരം തെറ്റിച്ചെഴുതിയാൽ പഴയ പോലെ ‘ചെവിക്കു പിടിക്കാൻ’ ചാക്കോ സാർ വരും! ഇല്ലെങ്കിൽ പഴയ ക്ലാസ് മോണിട്ടർമാരെപ്പോലെ ഞങ്ങൾ സാറിനെ വിളിച്ചു വരുത്തും!
പ്രിയപ്പെട്ട ചാക്കോ സാർ, നാലാം ക്ലാസിൽ പഠിക്കുമ്പോൾ എഴുതിത്തന്ന പ്രസംഗത്തിലെ ഉള്ളൂരിന്റെ കവിത പോലെ, ഞങ്ങളുടെയൊക്കെ ‘അകക്കണ്ണു തുറപ്പിക്കാൻ ബാല്യത്തിലേയെത്തിയ’ അങ്ങേയ്ക്ക്,
വാരിധി തന്നിൽ തിരമാലകളെന്ന പോൽ ഭാരതീപദാവലി തോന്നിപ്പിക്കാൻ അങ്ങു നൽകിയ അനുഗ്രഹങ്ങൾക്ക്...

സർ,
വർഷങ്ങൾക്കു മുൻപു വായിക്കാൻ വാങ്ങിയ ‘മനനങ്ങൾ നിഗമനങ്ങൾ’ എന്ന പുസ്തകം എന്റെ കയ്യിൽത്തന്നെയുണ്ട്. മുഴുമിപ്പിക്കാതെ ഞാൻ നിർത്തിയ ഈ കുറിപ്പു പോലെ ആ പുസ്തകവും, എന്റെ കയ്യിൽത്തന്നെ ഇരിക്കട്ടെ!!!