Neopol Infotech LLP

आवडलेली गोष्ट

शोध.... !

छोटा राॅनी आज सकाळी लवकर
उठला होता आणि त्याची किचनमध्ये काहीतरी खुडबुड चालली होती.आपल्या छोट्याशा
backpack मधे तो एक एक वस्तू भरत होता.

तेवढ्यात त्याची माॅम किचनमधे आली आणि त्याला पाहून म्हणाली, ' राॅनी ,आजपासून तर तुझी समर व्हेकेशन सुरू झाली आहे.मग आज इतक्या लवकर का उठलास ? कुठे जायची तयारी करतो आहेस तू ? आणि कोण कोण friends मिळून जाताय का ?

राॅनी म्हणाला,' No माॅम,कोणीच नाहीये माझ्याबरोबर. मी एकटाच
आज picnic ला जाणार आहे.'

'अरे ,तू एकटाच picnic ला चालला आहेस .मग तुला कंटाळा
नाही का येणार.. ?'

'नाही.मला कशाला कंटाळा येईल?मी तर आज गाॅडला शोधायला चाललोय.'

माॅम ने विचारलं ,' पण तू God ला कधी पाहिलेलंच नाहीयेस.मग तू ओळखशील कसा त्याला.. ?'

' मला ठाऊक आहे ,मी नक्कीच
त्याला ओळखेन.' माॅमशी बोलता बोलता राॅनीने backpack मधे
थोडी चाॅकलेट्स ठेवली.केकचे दोनचार pieces ठेवले... कुकीजचा एक छोटा pack ठेवला.तेवढ्यात माॅमने त्याला दोन ज्यूसचे cans ही आणून दिले आणि वाॅटर बाॅटलही दिली.सगळं घेऊन राॅनी निघाला , तेव्हा माॅम म्हणाली,

"राॅनी ,गाॅडला शोधत शोधत खूप लांब जाऊ नकोस बरं का.कारण तू तर अजून किती छोटा आहेस.तू जर कुठे चुकलास तर आम्ही कसं शोधणार तुला...मग आम्हाला कुठला राॅनी.... ?"

' Don't worry माॅम. मी खूप
लांब नाही जाणार. हरवणार पण नाही. I Love you माॅम...!'
असं म्हणून राॅनी उत्साहात घराबाहेर पडला.

चालता चालता तो इकडे तिकडे बघत होता..God कुठे दिसतोय का म्हणून..! हळू हळू चालत तो एका गार्डनपाशी आला.ती बाग खूपच छान होती.तिथे झोपाळे होते,घसरगुंडी होती...थोड्या थोड्या अंतरावर छान सुबक बाकं ठेवलेली होती..आणि त्या बागेत खूप सुंदर रंगीबेरंगी फुलं फुललेली होती..मध्यभागी एक छानसं कारंजं पण होतं.फक्त ती बाग रिकामीच होती.तिथे अजून कोणीच आलेलं नव्हतं.राॅनीने विचार केला की या बागेत बसूनच आपण गाॅडची वाट पाहूया.

राॅनी बागेत शिरला.थोडा वेळ तो एकटाच झोपाळ्यावर बसला...
घसरगुंडीवर खेळला..बागेतली
छानशी फुलं तोडून त्याने एक छोटासा गुच्छही बनवला.

थोड्या वेळाने तो एका बाकावर जाऊन बसला.आता बागेत थोडी थोडी लोकं यायला लागली होती.
कोणी जाॅगिंग करत होते..कोणी
exercise करत होते.काही जण आपल्या डाॅगीला घेऊन फिरायला आले होते.

राॅनी बागेत येणा-या प्रत्येक माणसाकडे पाहात होता.थोड्या वेळाने एक खूप म्हातारी बाई सावकाश काठी टेकत टेकत त्या
गार्डनमधे आली.आल्यावर तिने इकडे तिकडे पाहिलं.आणि ती हळूहळू येऊन राॅनीच्याच बेंचवर
बसली.

राॅनी तिच्याकडे पाहून हसला तशी ती पण गोड हसली.राॅनी तिला म्हणाला ' Hi , What is your name ?' पण तिला काहीच कळलं नाही.ती नुसतीच हसली. तिच्या तोंडात एकही दात नव्हता. ते पाहून राॅनीला खूपच गंमत वाटली.तेवढ्यात तिनेही राॅनीला काहीतरी विचारलं.

तिची भाषा काही राॅनीला कळली नाही.मग दोघंही जरावेळ गप्पच बसले.थोड्यावेळाने राॅनीला भूक
लागली.त्याने backpack उघडून
त्यातून दोन कुकीज काढल्या आणि त्यातली एक त्या आजीसमोर धरली.

आजीने त्याच्या हातातली कुकी
घेतली आणि ती छानसं हसली.
राॅनी पण हसला.

त्याच्या दोनतीन कुकीज खाऊन झाल्या तरी ती पहिलीच कुकी हळूहळू चघळत खात होती.

जरा वेळाने राॅनीला ज्यूस प्यावासा वाटला.त्याने त्याच्या backpack मधून ज्यूसचा एक can काढला आणि तो ज्यूस पिणार ,इतक्यात त्याला काय वाटलं कुणास ठाऊक पण त्याने तो can त्या म्हाता-या बाईंसमोर धरला.तिनेही तो pack घेतला आणि ती राॅनीकडे पाहून प्रेमाने हसली.इतकी गोड दिसत होती ती हसताना...!

राॅनीही हसला आणि बॅगेतून
त्याने स्वतःसाठी दुसरा can
काढला.हळूहळू इकडे तिकडे बघत राॅनीने तो कॅन संपवला.

तो ज्यूस पिताना ही राॅनी मधेच
तिच्याकडे हसून पाहात होता आणि ती पण छानसं हसूनच त्याला प्रतिसाद देत होती.

दोघांचाही juice पिऊन झाल्यावर राॅनीने हात पुढे करून
तिच्या हातातला ही कॅन घेतला आणि तो दोन्ही कॅन्स जवळच्या
डस्टबिन मधे टाकून आला.

आता त्याने backpack मधून
चाॅकलेट्स काढली.आधी त्याने ती वेगवेगळ्या प्रकारची चाॅकलेटं
त्या आजींसमोर धरली.त्यांनी हसून त्यातलं एक चाॅकलेट घेतलं
मग राॅनीनेही आपल्याला हवं ते चाॅकलेट घेतलं आणि तो ते खाऊ लागला.

चाॅकलेट खाऊन झाल्यावर त्याला वाटलं की आता या आजीला नक्कीच तहान लागली असेल.
म्हणून त्याने आपली वाॅटरबाॅटल
त्यांच्या समोर केली.त्या आजीने नुसतंच हसून नको अशा अर्थी मान हलवली.राॅनी म्हणाला OK.
आणि त्याने ती पाण्याची बाटली
पुन्हा आपल्या बॅगेत ठेवली.

थोडा वेळ तसाच शांततेत गेला.
अधून मधून राॅनी आजींकडे बघून हसत होता. दरवेळी आजीही बोळकं पसरून त्याला प्रत्युत्तर देत होती.

हळू हळू राॅनीला नुसतं बसून बसून कंटाळा यायला लागला. आता त्याला माॅमची आठवणही यायला लागली.त्याने आपली
बॅकपॅक नीट बंद केली आणि
त्या आजीला bye करून तो घरी जायला निघाला.आजीनेही त्याला
हस-या चेह-याने बाय केलं.

राॅनी हळूहळू निघाला.थोडं अंतर गेल्यावर त्याला काय वाटलं कोणास ठाऊक. तो धावत परत आला आणि त्याने स्वतः बनवलेला फुलांचा गुच्छ त्या आजीच्या हातात दिला आणि त्याने तिचा हात हातात घेत त्यावर पटकन आपले ओठ टेकले. पुढच्याच क्षणी त्याने आपल्या घराकडे धूम ठोकली.

राॅनी धावत धावत घरी आला आणि आपल्या आईला घट्ट मिठी मारत तो अत्यानंदाने म्हणाला,

'माॅम.,मला आज गार्डनमध्ये गाॅड भेटला.मला माहीतच नव्हतं की
गाॅड म्हणजे लेडी असतो ते... आपल्या ग्रॅनी सारखाच दिसणारा...तसेच पांढरे शुभ्र केस...मऊ मऊ skin खूपच cute..फक्त गाॅडच्या तोंडात ना एकपण दात नव्हता..!

....पण माॅम मला कधी वाटलंच नव्हतं ग की गाॅड इतका म्हातारा असेल असं.............!

इकडे ती म्हातारी बाई पण हळूहळू चालत आपल्या घरी
गेली.तिथे गराजमधे तिचा मुलगा त्याची कार पुसत होता.
त्याने आईला विचारलं ,' ममा, कसा झाला तुझा morning waIk... ? आणि आज कोणी ओळखीचं भेटलं तुला गार्डनमधे...?

त्यावर ती आजी खूप खूप उत्साहात म्हणाली, वेंग,आज मला खूप आनंद झाला आहे. आज ना माझा वेळ खूप खूप छान गेला.अरे ,आज ना मला त्या बागेत गाॅड भेटला....तो इतका गोड होता म्हणून सांगू...!

गोरा गोरा पान...पिंगट कुरळ्या
केसांचा...निळ्या निळ्या डोळ्यांचा..लालचुटुक ओठांचा..!
त्याने मला ज्यूस दिला.. चाॅकलेटं दिली..फुलं दिली...आणि जाताना माझा हात हातात घेऊन ना..इथे..
या इथे...चक्क गोड पापी दिली..!

मग थोडा वेळ थांबून आपले भरून आलेले डोळे पुसत ती आपल्या मुलाला म्हणाली...

"वेंग, खरंतर मला कधी वाटलंच नव्हतं रे... गाॅड एवढा छोटा असेल असं.................!!!!!"

मंगला खानोलकर
( आठवणीतल्या गोष्टी )

Remember !! "There is no overnight success. Success is like getting darts on a dartboard when you start for the first time, you might not even hit the board, but if you keep doing it, eventually you will hit the bullseye."

Partner with us for all your Data related issues viz: Data Cleansing, Data Validation, Scrubbing, De-duplication, B2B Contact Research.

Revolutionise your IT POET IN PROCESS (Oficial)

Neopol Infotech, based out of Pune, essentially the biggest IT hub in India, is an IT and ITeS Company incorporated in 2020. With deep industry and functional expertise, leading technology and a global delivery model. NEOPOL is committed to innovate, operate and deliver business solutions and products that enable to undertake strategic initiatives and achieve organizational goals. We encourage entrepreneurial thinking at every level to actively promote ownership, leadership and accountability.