ROYAL CLUB Thottavaram

മാല അണിയുമ്പോൾ മനസാ-വാചാ-കര്‍മണാ ,ചെയ്തു പോയിട്ടുള്ള എല്ലാ പിഴകളും പൊറുത്ത് സ്വാമിയുടെ അനുഗ്രഹത്തിനായി പ്രാർത്ഥിക്കണം. മല ചവിട്ടി, പൊന്ന് പതിനെട്ടാംപടി കയറി, സ്വാമിയുടെ തൃച്ചേവടി കണ്ട് വണങ്ങി, ദര്‍ശന ഫലം ലഭിച്ച് സസുഖം തിരിച്ചെത്താൻ അനുഗ്രഹിക്കണമേ എന്നും മനസ്സിൽ പ്രാര്‍ത്ഥനയുണ്ടാവണം. അതിനു ശേഷം കാമ ക്രോധ മോഹങ്ങളാകുന്ന സകല ദുഷ്ചിന്തകളേയും നാളികേരത്തിൽ ആവാഹിച്ച് കരിങ്കല്ലിൽ എറിഞ്ഞുടച്ചാൽ സകല ദുരിതങ്ങളിൽ നിന്നും മുക്തരാകും.

വശ്ചികമാസത്തിൽ കേരളം കുളിരണിയുകയാണ്. മഞ്ഞു പുൽകിയ പ്രഭാതങ്ങളും പ്രദോഷങ്ങളുടെയും നിറവായി. മതേ തരത്വത്തിന്റെ സന്നിധാനമായ ശബരിമല ഭക്തജനങ്ങളെ സ്വീകരിക്കുകയാണ്. വ്രതാനുഷ്ഠാനത്തിന്റെയും സഹനത്തിന്റെയും ശരണം വിളികളുടെയും നാളുകളാണ്. കലിയുഗ വരദനായ മണികണ്ഠ സ്വാമിയെ കൺകുളിർക്കെ കാണാൻ ഓരോ സ്വാമിഭക്തനും ദൃഢവ്രതമെടുത്ത് പുണ്യപമ്പയിൽ സ്നാനം ചെയ്ത് പമ്പാഗണപതിയെ കണ്ട് കരിമലയും നീലിമലയും കടന്ന് തിരുസന്നിധിയിലേക്ക് പുറ പ്പെടുകയാണ്. തോട്ടവാര നിവാസികളുടെ മനസ്സിലേക്ക് ഭക്തിയുടെ സംഗീത അമ്പുകളാൽ അയ്യപ്പനെ നിറയ്ക്കുകയാണ് റോയൽ ഭജനാങ്കണം.

ആറ്റിങ്ങൽ തോട്ടവാരം റോയൽ ബ്രദേഴ്സിന്റെ ആഭിമുഖ്യത്തിൽ ആണ്ടുതോറും നടത്തിവരാറുള്ള മണ്ഡല വിളക്ക് മഹോത്സവം ഭക്ത്യാതരപൂർവ്വം ഇക്കൊല്ലവും വൃശ്ചികം 1 മുതൽ ആരംഭിച്ചിരിക്കുകയാണ്, വിളക്ക് നടത്താൻ ആഗ്രഹിക്കുന്ന ഭക്തജനങ്ങൾ റോയൽ ഭജനസമിതിയുമായി ബന്ധപ്പെടാവുന്നതാണ്.