Astitwa Foundation

जागतिक महिला दिनाचे औचित्य साधून अस्तित्व फाउंडेशनकडून मदतीचा हात

साडीचोळी व जीवनोउपयोगी साहित्य व खाद्यपदार्थाचे वाटप

यवतमाळ : जिल्ह्यात सुपरिचीत असलेल्या अस्तित्व फाउंडेशनच्या वतीने आजवर अनेक समाज उपयोगी उपक्रम राबविले असून अनेकांना मदतीचा हात दिलेला आहे. यावर्षी ८ मार्च जागतिक महिला दिनाचे औचित्य साधून
अस्तित्व फाउंडेशन च्या वतीने नंदादीप फाउंडेशन व आर्णी येथील वृद्धाश्रमाला जीवनोउपयोगी साहित्य व खाद्यपदार्थ देऊन जागतिक महिला दिन साजरा करण्यात आला.सामाजिक क्षेत्रात कार्य करणाऱ्या काही संस्था ह्या स्वतःचं एक वेगळेपणं जपून आपलं समाजाप्रती 'अस्तित्व' जपणाऱ्या असतात.असंच समाजातील प्रत्येक घटकाला सुखाचा किनारा लाभावा यासाठी कार्य करणारे यवतमाळ येथील "अस्तित्व फाउंडेशन" या फाउंडेशनच्या सदस्यांनी आर्णी येथील स्व.मातोश्री सुशीलाबाई मा.नागपुरे आश्रमाला भेट दिली.दोन दिवसांपूर्वी आर्णी येथे झालेल्या वादळात आश्रमाचे खूप मोठे नुकसान झाले होते.त्याची पाहणी सुद्धा अस्तित्व फाउंडेशनच्या सदस्यांनी केली. वृध्दाश्रमातील महिलांचा साडी-चोळी देवून सन्मान केलाच त्याचबरोबर त्यांनी आश्रमातील वृद्धांसाठी कपडे आणि बिस्कीट तसेच इतरही दैनंदिन वापरातील वस्तूंची मदत केलीज्या समाजात आपण जन्म घेतला त्या समाजाचं आपण काहीतरी देणं लागते.या निस्वार्थ भावनेतून काम करणाऱ्या समाजाप्रती आस्था,संवेदनशीलता ठेवून कार्य करणाऱ्या आणि वृद्धाश्रमाला भेट देऊन दिलेल्या मदतीबद्दल अस्तित्व फाउंडेशनच्या अध्यक्षा अलका कोथळे,
करुणा धनेवार,ॲड.सरोज बरदेहे,वर्षा लखानी,अश्विनी कार्लेकर तसेच सर्व सदस्यांचे सर्वत्र कौतुक केल्या जात आहे.