Deendayal Sewa Pratishthan, Yavatmal

Celebrating Fastival of Lights,in Different Paradhi dwellings.....
चलो जलाऍ दिप, जहाँ अभि भी अंधेरॉ है .
पारधी बेड्यात घरोघरी या सुंदर रांगोळया काढून दीपावली साजरी करण्याची धडपड पारधी बांधव करताना दिसतात, संस्थेने १९९७ पासून या समाजात दीपावली साजरी करणे सुरु केले होते आज गावागावात त्याचे परिणाम दिसत आहेत.

स्वयमसिध्दा प्रकल्प भाऊबीज कार्यक्रम पांढरकवडा आणि वणी येथे 117 स्वयंसिद्धा बहीनी सोबत संपन्न झाली दोन ठिकाणी श्रीवेद फाऊन्डशेन नागपुर याच्या तर्फे साहित्य देण्यात आले तर वणी केशव नागरीक पतसंस्थेचे सहकार्य मिळाले होते .सस्थेचे सचिव विजयजी कद्रे ,सहसचिव चदुभाऊ बिडवाईक, संचालिका निलिमा मंत्री समिती अध्यक्ष ललिता घोडे,शोभा दोडेवार, सविता कडु,किरण ठाकरे,विणा देशपांडे ,पुणाजीत आणि भुषणच्या उपस्थित होते

काल ठरल्याप्रमाणे छात्रावास मध्ये भाऊबीजेचा कार्यक्रम झाला.तेजस्विनी छात्रावास मधून १७ मुली,पर्यवेक्षिका ,ऋचा गढीकर,प्राजक्ता टिकले,रोहिणी ताई आठवले उपस्थित होत्या.रोहिणी ताईंनी मुलांशी संवाद साधला.
विवेकानंद छात्रावास समितीचे अध्यक्ष प्रवीण जी किडे,छाया ताई,मंजू ताई ,भूषण ,वृषभ उपस्थित होते .यावेळी दीनदयाल सेवा प्रतिष्ठान चे सचिव श्री विजयराव कद्रे,संचालक शैलेश जी देशकर.आणि डॉ मनोज पांडे उपस्थित होते.

आज विवेकानंद छात्रावास मध्ये श्री वेद फाउंडेशन नागपूर यांनी मुलांना दिवाळी सणाच्या निमित्ताने कपडे दिले. या वेळी दीनदयाल सेवा प्रतिष्ठान चे अध्यक्ष श्री. नरहर देव तसेच सह सचिव श्री. चंद्रशेखर बिडवई श्री. शैलेश देशकर , डॉ . कविता करोडदेव उपस्थित होते . तसेच श्री. प्रसाद फडणवीस (संचालक संस्थापक श्री वेद फाउंडेशन) व सौ. प्राजक्ता फडणवीस (संचालिका) सौ. गौरी शास्त्री देशपांडे (महाव्यवस्थापक) तसेच विवेकानंद छात्रावास प्रमुख सौ. माधवी मिलिंद राजे तसेच सर्व समिती सदस्य उपस्थित होते.

Health checkup camps at Paradhi Villages .

Health checkup camps at two Paradhi dwellings.
Total 110 patients.BP,Sugar Random with routine clinical check up and Medicine distributed.

पंडित दीनदयाल उपाध्याय जयंती समारोह, दीनदयाल सेवा प्रतिष्ठानच्या सर्व प्रकल्प कार्यालयात संपन्न झाला.

आज दिनांक 21/9/2023 रोजी आदिवासी विकास प्रकल्प पांढरकवडा व पुसद
सेवादाते = दीनदयाल सेवा प्रतिष्ठान, यवतमाळ यांच्या सहयुक्त विद्यमाने आर्णी तालुक्यातील ब्राम्हणवाडा पारधी बेडा येथे आरोग्य शिबिर संपन्न

विवेकानंद छात्रावास यवतमाळ
छात्रावासातील मुलांनी, बनविलेल्या गणेश मूर्ती...

माहुर गड कृषी विकास प्रकल्प,धनोडा.
उद्घाटन समारंभ २८/०५/२०२३

Mr.Dhanjay Vaidya (U.K) with parents visited Deendayal Seva Pratisthan.

दीनदयाल सेवा प्रतिष्ठान वार्तापत्र मार्च २०२३

आज दिनांक 9/02/2023 रोजी मातृ-पितृ पूजनाचा कार्यक्रम विवेकानंद छात्रावासामध्ये साजरा करण्यात आला. या कार्यक्रमात दीनदयाल संस्थेचे संचालक श्री. प्रदीपजी वडनेरकर, सौ. वैजयंती वडनेरकर, श्री. विश्वासराव उत्तरवार, मुंदाफळे ताई तसेच छात्रावास समितीच्या सचिव सौ. माधवी मिलिंद राजे व इतर समिती सदस्य उपस्थित होते.

महाराष्ट्र शासन आदिवासी विकास मंत्री श्री.विजयकुमार गावित साहेब, दीनदयाल प्रबोधिनी यवतमाळ सदिच्छा भेट...

अखिल भारतीय संपर्क प्रमुख आणि सहसंपर्कप्रमुख यांच्या सोबत दीनदयाल सेवा प्रतिष्ठान चे कार्यकर्ते, दीनदयाल प्रबोधिनी, यवतमाळ.

अंत्योदय प्रकल्पाची पारधी समाजबांधवा सोबत भाऊबीज...

वाशीम येथील भाऊबीज कार्यक्रम...

दीनदयाल सेवा प्रतिष्ठानचा पारधी बेड्या वर दिपावली स्नेहमिलन कार्यक्रम.

यवतमाळात पं. दीनदयाल उपाध्याय जयंती समारोह :
आत्महत्याग्रस्त शेतकरी परिवारांना दीनदयाल संस्थेने आत्मसन्मानाची जाणीव करून दिली
- डॉ. उदय निरगुडकर
------------------------------------------
यवतमाळ,
'माध्यमांमध्ये काम करणाऱ्यांना यवतमाळ म्हटले की शेतकरी आत्महत्याच डोळ्यापुढे येतात. इथे यवतमाळात आल्यावर मात्र दीनदयाल सेवा प्रतिष्ठाने या आत्महत्या झालेल्या कुटुंबांमध्ये जागवलेला आत्मसन्मानही पाहायला मिळाला, असे प्रतिपादन ज्येष्ठ विचारवंत डॉ. उदय निरगुडकर यांनी येथे केले.

एकात्म मानव दर्शनाचे प्रणेते पंडित दीनदयाल उपाध्याय यांच्या १०७ व्या जयंती निमित्त यवतमाळलगतच्या निळोणा येथील दीनदयाल प्रबोधिनीत आयोजित कार्यक्रमात ते बोलत होते.

दीनदयाल सेवा प्रतिष्ठानच्या वतीने २५ सप्टेंबर रोजी सुप्रसिद्ध समाजसेवी डॉ. सुरेंद्र पद्मावार यांच्या अध्यक्षतेत झालेल्या या कार्यक्रमाच्या मंचावर पांचजन्य साप्ताहिकाचे प्रबंध संचालक आशिष कुमार खरे, दीनदयालचे अध्यक्ष नरहर देव, जिल्हा संघचालक विलास देशमुख, दीनदयालच्या उपाध्यक्ष ज्योती चव्हाण, डॉ. मनोज पांडे व सचिव विजय कद्रे होते.

आपल्या देशातील निसर्गपूजक आदिवासी समाजाला चोर, दरोडेखोर, खुनी ठरवून इंग्रजांनी गावकुसाबाहेर काढले. स्वातंत्र्याच्या ७५ वर्षात परिस्थिती थोडी बदलली असली तरी ती फक्त कागदावर दिसते. जमिनीवर अजूनही कंत्राटदार माफीया आणि संवेदनहीन अधिकारी यांच्या संगनमतातून आदिवासींना त्यांची हक्क मिळू दिले जात नाही. अशावेळी त्यांना केवळ एकदा मदत करून चालत नाही तर आत्मभान व आत्मसन्मान जागवून मदतीची व्यवस्था उभी करावी लागते आणि अशी व्यवस्था यवतमाळच्या दीनदयाल सेवा प्रतिष्ठानने पारधी बांधवांच्या निमित्ताने उभी करून दाखवल्याबद्दल त्यांनी संस्थेचे कौतुक केले.

आपल्या देशात इथल्या काही लोकांनी जाणीवपूर्वक हा देश एक नव्हता असं खोटं पसरवलं. ब्रिटिश आले नसते तर लोकशाहीच रुजली नसती असंही ठसवलं गेलं. प्रत्यक्षात, अडीच हजार वर्षांपूर्वीच इथे चाणक्याने पंचायत राज व्यवस्था सूत्र रूपाने मांडली होती. राजा हा उपभोगशून्य स्वामी, राज्य मात्र जनतेच्या इच्छेचे हे स्वरूप इथे प्रत्यक्षात अस्तित्वात होतं. रुडियाड किपलिंग ने १८९४ मध्ये मांडलेलं 'मोगली' नावाचं काल्पनिक पात्र इथे अबुजमाडच्या जंगलात चंदू मडावीच्या रूपाने प्रत्यक्ष अस्तित्वात होतं. परंतु दुर्दैवाने इथल्या माध्यमांनी ते बेदखल केलं.
आपल्या आदिवासींना निसर्गाचं संरक्षण, संवर्धन करण्याचं नेमकं ज्ञान आहे. त्यांच्या साहित्यात, चालीरीतीत, सण-उत्सवात आणि जगण्यातही त्याचं प्रतिबिंब पहायला मिळतं. बोलीभाषांमध्येही तशा आशयाची गीत आहेत. होळीच्या आधी झाडाचा आंबा काढू नये हेच कोकणातल्या लोकगीतातून सांगितले जाते. या भाषांचं संवर्धन झालं पाहिजे. अन्यथा पाश्चात्य संस्कृतीने ते सगळे दाबून टाकले तर निसर्गाचे संरक्षण करणारी आपली ही संस्कृती काळाच्या उदरात गडप होईल, अशी भीती डॉ. निरगुडकर यांनी व्यक्त केली.

ग्लोबलायझेशनच्या वरवंट्याखाली जगभरातले सगळे सारखे दिसायला लागले तर त्या त्या प्रदेशातलं वैशिष्ट्य नष्ट होऊन जाईल, ते थांबवलं पाहिजे, असेही ते म्हणाले. स्थलांतरामुळे आर्थिक स्तर उंचावतो असे वाटत असले तरी सांस्कृतिक स्तर मात्र प्रचंड खालावतो, त्याचं काय करणार असा प्रश्न उपस्थित करून ते म्हणाले, नकली मुखवट्यात अस्सल बीज कोमजल्या जाण्याची शक्यता अधिक आहे. समाजसेवा ही शालीसारखी पांघरून चालत नाही तर ती त्वचेसारखी अंगभूत असावी लागते आणि त्यासाठी दीनदयाल सेवा प्रतिष्ठान सारख्या संस्थांमधून चालणारं काम पहावं लागतं, असे डॉ. उदय निरगुडकर म्हणाले.

नऊ ते सहा काम करून वीकेंडला एन्जॉयमेंटसाठी खेड्यात जाणाऱ्यांना 'अहं'काराकडून 'वयं'काराकडे नेणारे सेवाकार्य एखादी संस्था करू शकते, हे कळूच शकत नाही असे सांगून डॉ. निरगुडकर म्हणाले, याचा अर्थ समाजात काही चांगलं नाहीच असा होत नाही. अनेक लोक सेवाकार्यासाठी पुढे येत आहेत. त्यांच्याकरता तशी व्यवस्था मात्र उभी केली पाहिजे.

माहिती तंत्रज्ञानाने केवळ शहरी भागाचा विकास होत नाही तर ग्रामीण भागातही मोठे परिवर्तन येऊ शकते याची असंख्य उदाहरणे त्यांनी आपल्या व्याख्यानातून दिली. आगामी काळामध्ये समाजाच्या अंतिम घटकापर्यंत विकासाची किरणं पोहोचवण्यासाठी या तंत्रज्ञानाचा उपयोग करण्याची आवश्यकताही त्यांनी यावेळी प्रतिपादन केली.

दीपप्रज्वलन व प्रतिमापूजनाने प्रारंभ झालेल्या या समारोहात दीनदयालचे अध्यक्ष नरहर देव यांनी प्रास्ताविकातून संस्थेच्या २५ वर्षांच्या वाटचालीचा आढावा सादर केला. डाॅ. सुरेंद्र पद्मावार यांनी अध्यक्षीय भाषणात अंत्योदय संकल्पना त्यांच्या शब्दात स्पष्ट केली. संचालन गजानन परसोडकर व मधुरा वेळुकर यांनी केले. डाॅ. ललिता घोडे यांनी परिचय करून दिला. राकेश मते यांनी वैयक्तिक गीत सादर केले. ऋचा गढीकर यांच्या पसायदानाने कार्यक्रमाची सांगता झाली.

यावेळी रा. स्व. संघाचे अखिल भारतीय सह संपर्कप्रमुख सुनीलजी देशपांडे, आमदार मदन येरावार, आमदार डॉ. संदीप धुर्वे, आमदार ॲडव्होकेट नीलय नाईक, जिल्हा पोलीस अधीक्षक डॉ. दिलीप भुजबळ पाटील, प्रांत सेवा प्रमुख सुनीलजी मेहेर, डॉ. अशोक गिरी, सुलभाताई गौड यांच्यासह समाजाच्या विविध स्तरातील नागरिक बंधू भगिनी उपस्थित होते.

पंडित दीनदयाल उपाध्याय जयंती समारोह,
सर्वांना सादर निमंत्रण 🙏🙏

आज 18/08/2022"माहूरगड प्रकल्प धनोडा" येथे भूमीपूजन कार्यक्रम ठरल्याप्रमाणे वेळेवर आणि व्यवस्थित संपन्न झाला... यवतमाळ येथून संस्थेचे अध्यक्ष नरहरजी देव, जयभाऊ,चंदुभाऊ, विजयराव, परिमलजी देशपांडे,चेतन पळसोकर असे एकुण १० जण उपस्थित होते... केदार गुरूजींनी पौरोहित्य केले.. अनुप नाईक यांनी यजमानपद स्वीकारले ... परिसरातील आधीचे शेतमालक समर त्रिपाठी, धनोड्याच्या सरपंच उज्वला भारती,अर्बन बँकेचे संचालक पेंशनवार, उमरखेड, धनोडा, हिवरा,माहुर, फुलसावंगी,महागांव येथील ६० नागरीक उपस्थित होते.. अण्णांनी प्रकल्पामागची भूमिका समजावून सांगितली....अनुप नाईक यांनी समिती चा परिचय करुन दिला आणि आभार प्रदर्शन केले..

काल रविवार दिनांक १४ ऑगस्ट २०२२ ला दीनदयाल सेवा प्रतिष्ठान ची वार्षिक सर्वसाधारण सभा दीनदयाल प्रबोधिनी येथे संपन्न झाली... या सभेतील काही क्षणचित्रे...

आज अश्विनी दिनेश पवार, चिंचोली रेठ हिच्या, अश्विनी किराणा दुकानाचे उद्घाटन संस्थेचे अध्यक्ष श्री.नरहरजी देव यांच्या हस्ते करण्यात आले.या प्रसंगी संचालिका सौ.निलीमाताई मंत्री व श्री.संजय मंत्री उपस्थित होते.
अध्यक्षांच्या हस्ते पिण्याच्या पाण्याच्या शुद्धीकरणासाठी जल ड्राॅप्सचे वाटप करण्यात आले.

Health checkup and medicine distribution camp at Kapara paradhi dwelling.shared information and to take precautions about infectious disease and about clean drinking water.

केशव आरोग्य रक्षक योजना,आज अतिदुर्गम अश्या चिंचोली रेठ व काठोडा पारधी बेड्या वर चिकित्सा शिबीर आयोजित करण्यात आले, एकूण रुग्ण संख्या 132, सर्वांची तपासणी व औषधी योजना करण्यात आली.

भाजप राष्ट्रिय सह संघटन मंत्री श्री.शिवप्रकाशजी यांची दिनदयाल प्रबोधीनी सदिच्छा भेट....

दीनदयाल संस्थेच्या वतीने उमरविहीर पारधी बेड्यावर विवेकानंद छात्रावासाचा माजी विद्यार्थी सकिंन्द्र पवार याच्या "आर्या मोबाईल वेल्डिंग वर्कशाॅप " दुकानाचे व रामाराव पवार यांच्या किराणा दुकानाचे उद्घाटन विजयराव कद्रे यांचे हस्ते भारतमाता पूजन करून करण्यात आले यावेळी सकिंद्रने आपले कौशल्य यावेळी दाखविले, या वेळी भारतमाता व क्रांतीकारक समशेरसिंग भोसले यांचे प्रतिमेचे पूजन करण्यात आले, या कार्यक्रमाला ज्योतीताई चव्हाण, सौ निलीमाताई मंत्री विजयराव कद्रे, उपाध्यक्ष डाॅ मनोज पांडे,शैलेश देशकर,सुभाष सगणे उपस्थित होते

कापरा पारधी बेड्यात अंत्योदय कार्यक्रमाच्या माध्यमातून नाझीशेठ घोसले याच्या "विनीत किराणा अॅन्ड जनरल स्टोअर्स " या सेवा दुकानाचे उद्घाटन संस्थेचे अध्यक्ष मा नरहरजी देव व सचिव मा विजयराव कद्रे यांचे हस्ते करण्यात आले यावेळी शैलेश देशकर,सुभाष सगणे उपस्थित होते यावेळी भारतमाता व क्रांतीकारक समशेरसिंग भोसले यांचे प्रतिमेचे पूजन करण्यात आले, क्रांतीकारक समशेरसिंग भोसले यांना अभिवादन करण्यात आले,

दीनदयाल सेवा प्रतिष्ठान, अंत्योदय प्रकल्प, स्वयंरोजगार योजने अंतर्गत पारधी युवक-युवतीना रोजगार उपलब्ध करून देण्याची चैत्र नववर्षा दिनापासून सुरुवात....

आर्टिस्टी आयोजित
वेगवेगळ्या क्षेत्रातली सामाजिक संस्थांचे कार्य समाजासमोर आणणारा यशस्वी उपक्रम
देणे समाजाचे
समाजमन जपणारा साहित्यिक मा, प्रवीण जी दवणे उदघाटक
वीणा गोखले
"दीनदयाल सेवा प्रतिष्ठान" चा स्टॉल 20 नंबर
नक्की भेट द्या

धन्यवाद

पंडित दीनदयाल उपाध्याय यांच्या पुण्यतिथी निमित्त एकुण 10ठिकाणी आदरांजली देण्यात आली, अंत्योदय कार्यक्रमाच्या अंतर्गत चालविल्या जात असलेल्या आसेगाव पारधी बेड्यातील विवेकानंद बालसंस्कार केंद्रात पंडित दीनदयाल उपाध्याय अभिवादन सप्ताहाची सुरूवात झाली यावेळी पंडित दीनदयाल उपाध्याय यांचे प्रतिमेचे पूजन, दीनदयालजी यांचे प्रेरणादायी प्रसंग यावर प्रकाश,कथाकथन असे या कार्यक्रमाचे स्वरूप होते यावेळी विवेकानंद बालसंस्कार केंद्राचे मुलांनी पंडीत दीनदयालजी यांचे जीवनावरील प्रसंगाचे वाचन करून पंडित दीनदयालजी यांना अभिवादन केले

अमृत महोत्सवी वर्षानिमित्य "विवेकानंद बालसंस्कार केंद्राचे वतीने नुकताच पारधी बेड्यात "भारतमाता पूजन व सुर्यनमस्कार कार्यक्रम संपन्न झाला,स्वातंत्र्याच्या अमृत महोत्सव पारधी बेड्यात घेतांना समाजशक्तीतून देशभक्ती राबविण्याचा प्रयत्न केल्या गेला,एकुण 6पारधी बेड्या वर हा उपक्रम राबविला गेला. यावेळी बालसंस्कार केंद्राचे वतीने 11000 हजार सुर्यनमस्कार काढण्याचा संकल्प केल्या गेला होता.7 तारखेपर्यंन्त हा उपक्रम पुर्ण झाला.

आज विवेकानंद छात्रावास येथे 73 व्या प्रजासत्ताक दिनाच्या निमित्ताने संस्थेचे उपाध्यक्ष डॉ. मनोज पांडे यांच्या हस्ते झेंडावंदन करण्यात आले. या कार्यक्रमाला संस्थेचे संचालक श्री. परिमल देशपांडे, छात्रावास समितीच्या सौ. मंजुषा दुधाट, श्री. प्रवीण पवार, अंत्योदय समितीचे डॉ. संजय पारधी, रा. स्व. संघाचे श्री. भूषण ढोबळे, आणि इतर उपस्थित होते.

बारड येथील मुलांना विवेकानंद संस्कार केंद्रातून संस्काराचे धडे गिरावून घेतांना सुदर्शना ताई पवार मुलांना परीसर स्वच्छता, वैयक्तिक स्वच्छता, अभ्यास, अभ्यासाबरोबर, कथा, गीत, पर्यावरण, तसेच जंगल सहल, जंगलात असणार्या वृक्षा विषयी माहिती देण्यात येते.
यावर्षी एकुण 6 बालसंस्कार केंद्र सुरू करण्यात आले.

अंत्योदय नोव्हेंबर 2021

*श्री नरहरजी देव दीनदयाल सेवा प्रतिष्ठानचे नवे अध्यक्ष स्व. रमेशजी पांडे यांचे अकाली निधनामुळे काल दिनांक १० डिसेंबर २०२१ ला ‌दीनदयाल सेवा प्रतिष्ठानचे अध्यक्षपदाची निवडणूक घेण्यात आली.. दीनदयाल प्रबोधिनी येथील शबरी अतिथीगृहात संपन्न झालेल्या या निवडणूकीत संस्थेच्या अध्यक्षपदी संस्थेचे विद्यमान उपाध्यक्ष श्री नरहरजी देव यांची सर्वानुमते निवड करण्यात आली.
उपाध्यक्षपदी विद्यमान सहसचिव डाॅ. मनोज पांडे,सहसचिव पदी विद्यमान संचालक श्री विवेक कवठेकर आणि संचालक म्हणून श्री मनीष गंजीवाले यांचीही एकमताने निवड करण्यात आली.... त्यानंतर संस्थेचे दिवंगत अध्यक्ष स्व.रमेशजी पांडे यांचे कार्यावर आधारीत 'आत्मविलोपी' या स्मृती पुस्तिकेचे विमोचन रा.स्व.संघाचे अ.भा.सहसंपर्कप्रमुख मा. सुनीलजी देशपांडे यांचे हस्ते करण्यात आले.... यावेळी रा.स्व.संघाचे सहप्रांतप्रचारक श्री परिक्षितजी जावडे,मा.आ.मदन येरावार,श्रीमती पद्माताई पांडे आणि संस्थेचे संचालक, कार्यकर्ते उपस्थित होते...