ام عثمان

#من #الخاص
قبل شوية كنت واكف بره ارش الشارع كبال البيت وطبك عليِّ واحد كشخة بسيارته مو من المنطقة .. سلم عليٍّ وسألني : حضرتك هذا بيتك ملك؟
كتله لا والله ايجار.
زين هاي السيارة الواكفة مالتك؟
كتله لا اخوية هاي مال جاري.
زين راتبك شلونة؟
كتله والله اني مو موظف.
كالي عندك محل؟
كتله لا والله اني اشتغل عامل بفرن مال صمون.
كالي زوجتك موظفة؟
كتله لا ربة بيت.
كالي ولدك يشتغلون؟
كتله لا والله ولدي بعدهم اطفال بالمدارس.
كالي احنا ناذرين نذر ونريد نساعد فقط الفقراء، ولذلك ندقق بالاسئلة حتى النذر ما يروح للاغنياء.
كتله بارك الله بيك والله يكثر خيرك ويزود رزقك اكثر واكثر.
كالي المهم انت تكون صادق امام الله، باجر عكبة الله يحاسبنا اذا نكذب.
كتله والله العظيم ما كذبت عليك واحنا امورنا داجة وتعبانة الله وكيلك، واذا تريد اجيب القران احلفلك عليه.
كالي احنا اخوتك وانشاء الله ما نقصر وياك.
مد إيده على الكشن الورا وانطاني ماعون زردة .