Dr Rasha Qaqish Clinic. عيادة الدكتورة رشا قاقيش

كل عام والجميع بخير
سنغلق بمناسبة العيد
سنستقبلكم في العيادة ابتداءا من الخميس ٦/٢٠ من ١٠-٣ مساءا
سأكون متاحة على الهاتف لأي استشارات اضطرارية
على الرقم 0796238311
وسلامات لكل اطفالكم

زارتني بالعيادة هاي التيتى الحلوة مع بنتها واحفادها، طبعا كانت زيارة كتير حلوة لانها معلمتي الجغرافيا بالابتدائي بالمدرسة الاهلية للبنات
كتير انبسطت بكلماتها الحلوة واديش كانت مبسوطة وفخورة فيي مع اننو كل خريج هو انعكاس شغل المدرسة والمعلمات مش بس جهد الطالب... جد حسستني كأنني هللا اتخرجت 🙂
شكرا عالزيارة الحلوة وشكرا لمدرستي ولمعلماتي عدعمهم الدائم
انا شهادتي فيهم مجروحة لانني بحب كل معلمة وكل اداري فيها وحتى ولادي طلاب فيها
وسلامات لكل اطفالكم

الفريق الطبي الاردني في أكبر مؤتمر اطفال في الشرق الاوسط ( 2024 Pediaegypt conference)
PEDIA EGYPT CONFERENCE

نظرا لاضطراري للسفر لحضور مؤتمر الاطفال conference
سنغلق العيادة ابتداءا من يوم الثلاثاء ٢١/٥ الى يوم السبت تاريخ 25/5
سنعود لاستقبال المرضى يوم الاحد ٢٦/٥

مريض من عيادة اليوم
خلونا نشوف شو افكاركم
شو رأيكم اسم هاي الحالة؟
سببها فيروسي وللا بكتيري؟
بنعطي مضاد وللا ما بحتاج؟
يشرب سوائل ساخنة وللا باردة؟

عم نوزع عالمرضى جبصين بمناسبة عيد الفصح
كل ولد باخد وحدة بروح عالبيت بلونها وبيعتلنا صورة
وبدنا نشوف مين احلى فنان بعيادتنا
🙂
كل يوم حننزل عالستوري ونعمل poll ونشوف نسبة كل طفل حسب رأيكم انتو
وسلامات لكل اطفالنا

اكتر فيديو بضحكني
طريقة اعطاء البخاخات 90٪؜ من العلاج
عند شرائها اول ٤ بخات بالهوا ما بناخدهم
بننفخ كامل لنطلع الهوا من صدرنا بعدين بنخض البخاخ منيح وبنحط البخاخ بتمنا بعد الرج مع تسكير كامل من الشفايف وبنسحب سحبة طويلة
بنعد لل ١٠ وبعدين بنرجع بنعيد العملية كاملة عكل سحبة
وسلامات لكل اطفالنا

Inhaler Fail | House M.D. A patient in the clinic doesn't understand why her inhaler isn't helping ease her asthma.Your favorite shows, movies and more are here. Stream now on Peacock...

حالة نادرة اجتلي عالعيادة ، طفل عليه حرارة عمره ٣ أشهر مشخص للأسف غلط انه التهاب رئة، عالفحوصات اكتشفنا وجود كيس هوا جوى الرئة انعملت العملية خلال ٢٤ ساعة الطفل كان أمورو تمام ونشكر الله مرقت على خير
كتبنا الحالة انا والدكتور Fadi Batarseh والدكتور shraideh وتقدمت بمؤتمر الرياض لصدرية الاطفال ٢.٢٤
(Pediatric Pulmonology Riyadh Conference 2024)
كما قدمناها بمؤتمر السلط الطبي (Medical Salt
Conference 2024)

لما حالات نادرة زي هيك تتقدم بمؤتمرات بزيد الوعي وبرفع الشك لنكتشف اكتر حالات متل هيك وبكون تعبنا مستاهل
وسلامات لكل اطفالنا

لكل المرضى الكانو بعيادتنا يوم السبت
اكيد شفتو كلكم جنى .
جنى طالبة صف ١٢ بمدرسة اليوبيل اجت مع اخوها المريض قبل فترة وحكتلي انها مهتممة بالطب ومن يومها صارت كل سبت تيجي تداوم معي تتعلم وتشوف شو بنعمل بالمرضى وكيف بنداويهم
انا مبسوطة اننو في بهدا الجيل شباب بحب يتعللم ويتفررج ويتنوور
وبفتخر اننو هاي البنت الطموحة بتداوم عندي
برافو جنى

شو رأيكم ؟ من ايش عندو حساسية؟؟
Dr Rasha Qaqish Clinic. عيادة الدكتورة رشا قاقيش

مقابلتي عن الانفلونزا ببرنامج تي روئ
على قناة روتانا للتحدث عن مرض الانفلونزا ولقاحه
انشالله الكل يكون استفاد
وسلامات لكل الاطفال

العمر المناسب لاخذ لقاح الانفلونزا - تي روئ الفئات العمرية الاكثر عرضة للخطر، النساء الحوامل، الاطفال دون عمر خمس سنوات، المسنين والذين يعانون من امراض مزمنة مثل الربو ، السكري ، أمراض القلب ، امراض رئ...

ابتداءا من يوم السبت رح نبلش نطععم الانفلونزا بعيادتي
الهدف نطععم اكتر عدد ممكن الاهالي والاولاد والحوامل

المطعوم بسعر بيع الصيدلية بدون حتى دينار الاعطاء

السيسترات جاهزين يعطو مافي داعي لا تستننى طبيب ولا تدفع كشفية بتوصل بتاخد المطعوم بدقايق وبتطلع
العيادة فاتحة كل ايام الاسبوع من ٩-٥ مساءا

خلونا نحمي ولادنا واهالينا هالسنة
Dr Rasha Qaqish Clinic. عيادة الدكتورة رشا قاقيش

عيادة مستشفى السعودي كل ايام الاسبوع من ٩-٣
عيادة المسائي كل يوم احد من الساعة ٤-٧
لاستشارات الصدرية في مستشفى العبدلي كل يوم اتنين من ١٠-٢
للمواعيد الاتصال على 0797350241

https://youtu.be/CxCKBMm4mwc?si=Hyj3pDw3X1L4Mngs

مقابلتي مع رؤيا برنامج دنيا يا دنيا
انشالله الكل بستفيد من المقابلة
Dr Rasha Qaqish Clinic. عيادة الدكتورة رشا قاقيش

كيف تحدد ما إذا ما كان طفلك مصابًا بحساسية الصدر؟ خطوات ونصائح مهمة حساسية الصدر عند الأطفال وكيف يتم تشخيصها بدقة وعلاجها.حساسية الصدر هي حالة شائعة تؤثر على العديد من الأطفال. قد يكون التعرف على نوع الحساسية الصدرية لدى الط...

انتظروني اليوم التلاتا على برنامج تي روئ قناة روتانا الساعة ٥

وبكرة الاربعا رح اكون على قناة رؤيا دنيا يا دنيا الساعة ٩
انشالله كلكم بتستفيدو من المقابلات

شو رأيكم وحمة وللا تجمع دمووي؟ هل لازم الأهل يخافو؟ هل لازم عملية؟
هل رح تكبر؟ بتروح لحالها؟ اذا بتروح لحالها بعد اديش بتروح؟
بتكون مربوطة بأي امراض؟

بالعادة تلفونات المرضى الي بكون جواباتي اعطي دوا حساسية، مخفض حرارة دوا كحة بس هدا التلفون كان جوابي "توككلي عالله وأول زغروتة علي" جوزي قاعد جمبي فكرني غيرت مهنة الطب 🙂

بهدف نشر الوعي رح احكيلكم القصة
"مرحبا دكتورة بنتي اجالها عريس منيح وبجنن ومرتب بس ما بقدر ياكل منسف ؛))))))
عندو حساسية حليب لا بقدر ياكل لا منسف ولا حليب ولا لبن ولا جبنة
يعني شو نعمل احنا؟؟؟ يعني ولادو بكونو زييو؟؟؟ نجوزها للبنت وللا ما انجوزها؟؟؟؟؟؟
رح احططك speaker عشان الكل يسمع الجواب عشان نعرف شو نقرر...

بدي اشوف شو انتو رح تجاوبو وبعدين بحكيلكم جوابي
🙂 شو يا جماعة ؟؟؟؟ نجووز؟
هل حساسية الحليب بتنتقل للولاد؟ هل هي وراثية؟ هل بتمنع شخص يتجووز؟

تابعو تطور طفلكم كل شهر بشهر
الضحك، تحريك العيون، حركات الايدين والاجرين، ايمتى سند راسو وايمتى قعد ، الاصوات البطلعها ودايما خبرو دكاترتكم بكل زيارة الكم للطبيب
وسلامات لكل اطفالنا
Dr Rasha Qaqish Pediatric Pulmonology Clinic

شفت فيديو الصبح عن ام بتشكي من ولادها ومن نكدهم فحبيت اعللق

يا مامات خللو ولادكم يلعبو ويكسرو ويتشقونو وويبربشو
تزككرو دايما معاكم ١٨ صيف و١٨ عيد و١٨ راس سنة
تلعبو وتنبسطو فيها وتبنو بزاكرتهم احلى زكريات
خللي هدا الزمان هو الزمان اليحنولو بس يكبرو ويصيرو يحكو وين ايام زمان شو كننا ننبسط مع اهالينا
١٨ سنة بعدين بروحو جامعات وبخطبو وبتجوزو وبترجع البيوت مرتبة ونظيفة وفاضية ومملة
ولادكو نعمة من الله وهدية لكل شخص محتاج حب وحنية
مش واجب ولا مسؤولية بس
انبسطو فيهم ومعهم
والله يحمي ولاد الجميع يا رب
Dr Rasha Qaqish Pediatric Pulmonology Clinic

‏كتير من اهالي المرضى بنصدمو لما احكيلهم جهاز ال Humidifier بخللي الربو اسوأ مش أحسن
البخار المركز زي بجهاز الNebulizer او التبخيرة هدا بفيد لاننو مرككز وبوصل للقصبات والشعيرات عن طريق التبخير والاستنشاق
اما ال Humidifier او جهاز الترطيب فبزيد نسبة الرطوبة بالغرفة وهدا بزيد العفن ورطوبة الحيط الممكن ما نكون منتبهينلها لأنها ورا الخزاين وعالحيطان المخفية
والأهم اننو رح يزيد نسبة ظهور غث الغبار المنزلي الذي يعتبر اهم سبب للحساسية بمرضى الربو
العندو اي اسئلة عالموضوع يشاركها معنا
وسلامات لكل اطفالنا الحلوين

دكتورة شو يعني تنظير الرئة وكيف بتعملي تنضيفات الرئة

التنظير الرئوي بنعملو للمرضى الشاكين عندهم تسكير فمناطق معينة بالرئة ان كان خلقي او الطفل متشردق وبالع اشي من اكل او لعب او بلغم (mucus plug)
بنعمل تخدير كامل ، المنظار فيو ٣ فتحات وحدة للفيديو عشان نشوف ، وحدة بتبخ ماي والتالتة بتشفط البلغم الشطفنا بالماي
اذا بدنا عينات بنبعت
طبعا اذا لقينا اكل او قطعة بتنقام
اذا كان بلغم بنعمل lung washout
سلامات للجميع يا رب

اتركوهم 🙈
اتركوهم يمشوا حافيين 🤗
اتركوهم يتنططوا و يعلوا صوتهم و يعبروا عن فرحتهم 😃
اتركوا شعرهم يطير في الهوا و يدخل فيه من اوراق الشجر
اتركوهم يركضو ورا البسس و الفراشات 🤗
التراب و الرمل و البقع بتطلع من الملابس لكن الذكريات ما بتطلع من مخهم
عصر التكنولوجيا بسهولة ممكن يطللع جيل متخللف اجتماعيا ومتفتح على مواضيع ممنوعة لعمرهم
# screentime control

احلى اطفال واطيب قلوب صف ميلا بنتي عملنالهم checkup سريع قبل الترويحة تاعتها هاهاها :)