عيادة الدكتور أشرف الغزو - Dr. Ashraf Al Ghazo

للفكاهة ( منقول) :
قواعد طب الاسنان الثلاثون.
1 - طب الأسنان ده علم لو الدكاتره البشريين فهموا فيه يبقوا عُمد ( جمع عمده) 🤣
2-كشف دكتور الأسنان ده شيء مُقدّس ,يعني ما ينفعش مريض ييجي يقول انا عارف انا عندي ايه مش حدفع كشف...لو انت جدع قوي كده روح عالج نفسك
3- حقنة البنج شيء مقدس.. متجيش تقوللي اشتغل من غير بنج
4- مينفعش أول ما تشوف وشي تقولي انا بكره دكاترة السنان.. حتقفل منك و حكرهك
5- لو عندك معاد مع دكتور الأسنان بلاش تاكل بصل و ثوم اليوم ده..بلاش تاكل خالص
6 -دكتور الأسنان مش ساحر
7- الأسنان مش بتكبر
8- لو ضرسك محتاج حشو عصب ,دي حاجه عاديه ..مش معني كده انك حتموت
9- ماينفعش تفاصل في السعر انا مش ببيع طماطم.
10 - مش لازم تعمل نفسك فاهم في كل حاجه و ناصح و كده و بص علي رقم 1 تاني
11- لو مش بتغسل سنانك من 40 سنه..متسألنيش سنانك باظت من ايه.. عشان انت عارف بلاش استهبال..بصلي و انا بكلمك
12- دكتور الأسنان مش ساحر
13- لو كتبتلك علي علاج ..معني كده انك لازم تجيبه و تاخده في مواعيده..لو ضيعت الروشته و متجيش بعد اسبوع تقولي العلاج مش بيجيب نتيجه
14- لو جي تخلع مش لازم تضرب ترامادول أو تحشش .. مش حتفرق
15- الشاي و القهوه ملهوش علاقه بالبنج
16- القهوه و الشاي ملهوش علاقه بالبنج
17- علاقه بالبنج ملهوش القهوه و الشاي
18- حشو العصب مش بيضعف القدره الجنسيه ( اه والله بتسأل السؤال ده كتير)
19- الحشو المؤقت.. من اسمه مؤقت..يعني مينفعش بعد سنتين تقولي الحشو وقع
20- اقرأ رقم 1 تاني معلش( الموضوع ده شخصي)
21- لو سنانك بتوجعك ..روح لدكتور الاسنان.. مش للصيدلي..ولا للعطار
22- لو سنانك بتوجعك.. روح لدكتور الأسنان.. لوحدك....متاخدش مراتك و عيالك معاك..لأ ولا حتي عمتك.
23- لو بتكرهني انا كمان بكرهك
24- مفيش حد بيطلعله سنان بعد سن الاربعين.. لا ولا حتي الخمسين
25- لو مجيتش في معادك ..متجيش احسن
26- حقنة البنج مقدسه.
27- بنج الأسنان مش بيخليك تنام..ولا بيخليك تعمل دماغ
28- دكتور الأسنان مش ساحر
29- لو انت اصلا مش بتغسل سنانك..و الله حتي لو غسلتها ب مية نار قبل ما تجيلي.. برضو حعرف انك مش بتغسلها
30- لو فرحك يوم 17 ابريل... مينفش تجيلي يوم 16 ابريل بليل تقولي اتصرف.. عارف ليه؟ عشان رقم 28
يا ريت بقا نعقل كده و نستخدم القواعد دي بدل م انتا حر هتقع تحت ايدي مش هرحمك

✋🏻😁