Por Svay Pharmacy

ក្រសួងសុខាភិបាល សូមច្រានចោលទាំងស្រុងនូវការចុះផ្សាយរបស់បុគ្គលឈ្មោះ ស៊ូ សេងហ៊ួ

🙏អរគុណសម្រាប់ការគាំទ្រ និង ផ្ដល់ទំនុកចិត្តក្នុងការផ្គត់ផ្គង់ថ្នាំនិងបរិក្ខាពេទ្យទុកប្រើប្រាស់ក្នុងក្រុមហ៊ុន

កូនរាគគួរផ្អាកបបរកូនសិនទេ?
👉ចម្លើយគឺ អត់ទេព្រោះថាពេលម៉ាក់ៗរាគក៏ម៉ាក់ៗនៅតែញុំាអាហារដែរ🤭កុំខ្សែលើកូនពេក គ្នាកំពុងរាគបាក់កម្លាំងផង ចង់បង្អត់អាហារគ្នាទៀតយ៉ាង...ម៉េច?កូនដែលកំពុងមានបញ្ហារាគរួស នៅតែត្រូវការបបរក្នុងបរិមាណដដែល អ្វីដែលគួរជៀសវាងឬកាត់បន្ថយនោះគឺ

❌ប្រភេទបន្លែ ផ្លែឈើដែលបង្កើនហ្កាសក្នុងពោះវៀន(សណ្ដែក ផ្កាខាត់ណាបៃតង ម្រេច ពោត បន្លែស្លឹកបៃតង ពួកប័ររី ផ្លែព្រូន_ល_)
❌អាហារសំបូរជាតិខ្លាញ់
❌ទឹកដោះគោ(caw milk)និងផលិតផលពីទឹកដោះគោ(ឈីស ប័រ ទឹកដោះគោជូរ_ល_)ចំពោះទារកអាណាព្យាបាលអាចប្ដូរមកអោយកូនបៅប្រភេទទឹកដោះគោគ្មានស្ករឡាក់តូសសិន(ទឹកដោះគោរាគ)រហូតដល់អាការៈរាគបានធូរស្រាលសឹមត្រឡប់ទៅបៅទឹកដោះគោគោធម្មតាវិញ
❌ទឹកសាបដែលមិនមានជាតិអេឡិចត្រូលីតគ្រប់គ្រាន់
❌ទឹកផ្លែឈើឬភេសជ្ជៈដែលមានជាតិផ្អែមនិងជូរ
❌ផ្ដល់អាហារប្លែក(ថ្មី)ដែលកូនមិនធ្លាប់ញុំា

👉ហើយអ្វីដែលគួរបន្ថែមនោះគឺ
✅អោយកូនបៅដោះឬទឹកដោះគោញឹកជាងមុន
✅បន្ថែមជាតិទឹកឬអេឡិចត្រូលីត (electrolytes)ក្នុងករណីកូនរាគខ្លាំងបាក់កម្លាំង ដែលអាចរកជាវបាននៅតាមឱសថស្ថាន។ចំពោះកូនតូចក្រោម1ខួបគួរជ្រើសយកប្រភេទគ្មានស្ករទើបប្រសើរ។
✅ប្រើប្រាស់ប្រូបាយអូទិច(បាក់តេរីល្អ)ឬថ្នាំបន្ទាប់ពីពិភាក្សាជាមួយឱសថការីឬវេជ្ជបណ្ឌិតរួច។

Credit to ឱសថការីSokunveary So
រូបភាពពីgoogle

Lantigen B ការពារកូនៗនិងមនុស្សជាទីស្រលាញ់របស់អ្នកពីជម្ងឺផ្លូវដង្ហើមដូចជាផ្ដាសាយ រលាកបំពង់ក អាលាក់ហ្សុីច្រមុះ។

👉ប្រើបានពីទារកអាយុ3ខែឡើង និង មនុស្សពេញវ័យ

ផលិតផលគ្រឿងសំអាងបញ្ចុះតម្លៃ30% 50% 80% ទិញ1ថែម1👇🏻

អ្នកលក់គ្រឿងសំអាងដែលមានជំនាញច្បាស់លាស់ លក់1មុខចំណេញ$5ឡើងទើបគាត់ព្រម ចុះឱសថការីយើងទំនួលខុសត្រូវគ្រប់បែបយ៉ាង ហើយលក់ថ្នាំ1ប្រអបចំណេញ 500រៀលនេក🙏សូមអង្វរមែនតើ។

ស្ករទឹកដោះគោសម្រាប់កូនៗញុំាលេង ផ្សំពីម្សៅទឹកដោះគោពិតៗ🐄🥛មាន4រសជាតិសម្រាប់ជ្រើសរើស។
👉1កញ្ចប់=1000រៀល
👉1ប្រអប់=10000រៀល(មាន12កញ្ចប់)

ព្រឹកនេះរៀបចំឈុតសង្គ្រោះបឋម ទៅខាងបឹងកក់

រៀបចំវីតាមីនសម្រាប់កូនអត់ញុំាបន្លែ ពិបាកបត់ជើង មានសេវាផ្ញើរជូនទូទាំងប្រទេស🙏

👉មានប្រឹក្សាយោបល់ដោយឥតគិតថ្លៃសម្រាប់របបអាហារកូនៗផងដែរ(វីតាមីនមិនអាចជំនួសបន្លែផ្លែឈើបានទេ)។

ឱសថស្ថាន ពណ៌ស្វាយយើងខ្ញុំមានទទួលរៀបចំថ្នាំតាមវេជ្ជបញ្ជា ថ្នាំមិនតម្រូវវេជ្ជបញ្ជា(OTC) និង វីតាមីន អាហារបំប៉ន ឈុតសង្គ្រោះបឋមសម្រាប់អតិថិជនដែលមិនអាចអញ្ជើញមកកាន់ឱសថស្ថានផ្ទាល់បាន។

👉យើងផ្ដល់ជូនការប្រឹក្សាយោបល់សុខភាពបឋម និង របៀបប្រើប្រាស់ថ្នាំដោយឥតគិតថ្លៃ និង រៀបចំផ្ញើរជូនបងប្អូននៅតាមបណ្ដាខេត្តផងដែរ។
🙏សូមអរគុណសម្រាប់ការទុកចិត្ត និង គាំទ្រឱសថស្ថានយើងខ្ញុំ។

41.7អង្សាសេ វាស់នៅម៉ោង4:30ល្ងាច មិនមែនវាស់មនុស្សទេចា៎ គឺវាស់សីតុណ្ហភាពក្រៅឱសថស្ថាន🥵ឧបករណ៍នេះមាន2មុខងារគឺវាស់សីតុណ្ហភាពមនុស្ស និង វាស់សីតុណ្ហភាពបរិយាកាសដោយគ្រាន់តែចុចប្ដូរមករូបផ្ទះដូចក្នុងរូបគឺអាចវាស់អាកាសធាតុបានហើយ។

👉បញ្ជាក់ម៉ោងលើឧបករណ៍មិនត្រឹមត្រូវទេ ខ្ញុំវាស់នៅម៉ោង4:30នាទីល្ងាច

តើអំបិលដែលយើងកំពុងញុំាយកមកពីសមុទ្រមែនអត់?

មិនទាំងអស់នោះទេថ្វីត្បិតតែសមុទ្រជាប្រភពនៃអំបិលពិតមែន តែវាមិនទាន់បំពេញតម្រូវការប្រើប្រាស់ប្រចាំថ្ងៃរបស់យើងបាននៅឡើយទេ។ដូច្នេះហើយទើបអំបិលមួយភាគធំត្រូវបានសំយោគឡើងតាមបែបគីមី😉គ្រាន់តែឮពាក្យថាគីមី អ្នកទំាងអស់គ្នាច្បាស់ជាបារម្ភហើយមែនទេថាតិចរាល់ថ្ងៃខ្លួនឯងកំពុងញុំាអំបិលគីមីទៅ😞តិចប៉ះពាល់សុខភាពទៅ😊កុំបារម្ភអីមិនមែនអោយតែគីមីសុទ្ធតែអាក្រក់នោះទេព្រោះថាថ្នាំពេទ្យនិងវីតាមីនដែលយើងកំពុងប្រើប្រាស់រាល់ថ្ងៃភាគច្រើនក៏ជាផលិតផលគីមីដែរ តែផលិតផលគីមីដែលមានសុវត្ថិភាពក្នុងការប្រើប្រាស់និងទទួលទានក្រោមការត្រួតពិនិត្យរបស់អ្នកជំនាញដែលមានលិខិតអនុញ្ញាត្ត ហើយនេះជាមូលហេតុដែលយើងត្រូវទិញផលិតផលដែលមានការត្រួតនពិនិត្យត្រឹមត្រូវ នៅកន្លែងដែលមានច្បាប់អនុញ្ញត្តត្រឹមត្រូវ មានការពន្យល់ណែនាំពីអ្នកជំនាញត្រឹមត្រូវ។

👉ចំណាំ អំបិលដែលយើងមកប្រើញុំាប្រចាំថ្ងៃត្រូវតែមានជាតិអុីយ៉ូតដើម្បីបង្ការជម្ងឺពកក។

រៀបរាងនិងរក្សាសិទ្ធិដោយ ឱសថការី សូសុគន្ធវារី
រូបភាពពី google

តើគួរប្រើថ្នាំផ្សះ(antibiotic)ពេលមានជម្ងឺអុចស្វាយឬទេ?
👉ថ្នាំផ្សះក្នុងភាសាអង់គ្លេសឬបារាំងគឺ Antibiotics ដែលបានន័យថាប្រឆាំងនឹងបាក់តេរី។
👉ជម្ងឺអុចស្វាយ ជាជម្ងឺបង្ករឡើងពីវីរុស Varicella-zoster ដូច្នេះការប្រើប្រាស់ថ្នាំផ្សះ(Antibiotic)គ្មានឥទ្ធិពលសម្លាប់វីរុសនោះទេ។
👉ការព្យាបាលជម្ងឺអុចស្វាយ រួមមានថ្នាំបញ្ចុះកម្ដៅនិងបំបាត់ការឈឺចាប់ដូចជាប៉ារ៉ាសេតាមុល ថ្នាំអាលាក់ហ្សុីដើម្បីបន្ថយការរមាស់ប្រភេទក្រែមលាបសើស្បែកឬថ្នាំលេប។
✅ការរក្សាអនាម័យខ្លួនប្រាណសំខាន់ណាស់ក្នុងកំឡុងពេលកើតជម្ងឺអុចស្វាយ អ្នកជម្ងឺត្រូវងូតទឹកស្អាត ដុសសាប៊ូអោយបានខ្ជាប់ខ្ជួន 1ឬ2ដងក្នុង1ថ្ងៃ(មិនតម្រូវអោយត្រាំទឹកឬងូតទឹកច្រើនដងពេកនោះទេ )
❌ហាមត្រាំទឹករុក្ខជាតិផ្សេងៗងូត ដែលនាំអោយរបួសពងបែកមានការបង្កររោគទៅជាក្លាយ(មានខ្ទុះ)ទៅវិញ។

👶🏻🤰🏻🤒💊ជនងាយរងគ្រោះថ្នាក់ដោយជម្ងឺអុចស្វាយរួមមាន ទារកអាយុក្រោម1ឆ្នាំ កុមារនិងមនុស្សធំអាយុលើស12ឆ្នាំ ស្ត្រីមានផ្ទៃពោះ អ្នកមានប្រព័ន្ធការពារខ្សោយ(អ្នកជម្ងឺមហារីក) អ្នកមានជម្ងឺសើរស្បែករុំារ៉ៃ អ្នកជម្ងឺសួតរុំារ៉ៃ អ្នកកំពុងប្រើប្រាស់ថ្នាំប្រភេទស្តេរ៉ូអុីត(steroid) ។

🚑🏥សញ្ញាគ្រោះថ្នាក់ដែលត្រូវជញ្ជូនអ្នកជម្ងឺទៅកាន់មន្ទីរពេទ្យរួមមាន ក្ដៅខ្លួនខ្លាំង(39អង្សាសេ) ក្ដៅខ្លួនយូរលើសពី4ថ្ងៃ មានរបួសបង្ករោគ(ក្រហម ក្ដៅ ហើម រឹង មានខ្ទុះ) ពិបាកក្រោកពីគេងឬធីធោងមមីមមើរ ពិបាកដើរ រឹងកញ្ចឹងក ក្អួតច្រើនដង ពិបាកដកដង្ហើម ក្អកខ្លាំង ឈឺពោះខ្លាំង របួសពងបែកមានចេញឈាម។

💉វិធីបង្ការ ទទួលវ៉ាក់សុំាងការពារជម្ងឺអុចស្វាយ រក្សាគម្លាតពីអ្នកជម្ងឺអុចស្វាយ ប្រកាន់ខ្ជួបអនាម័យខ្លួនប្រាណ(ដុសសាប៊ូ បាញ់អាល់កុល)បន្ទាប់ពីប៉ះពាល់របស់បរសាធារណៈ ។អ្នកជម្ងឺអុចស្វាយគួរនៅដាច់ដោយឡែកពីមនុស្សម្នាច្រើនដើម្បីបញ្ជៀសការចម្លង(សម្រាកពីសាលាឬកន្លែងការងាររហូតដល់ពងទឹកបែក និងក្រៀម)។

អត្ថបទដោយ ឱសថការី សូ សុគន្ធវារី

ហេតុអ្វីយើងមិនគួរប្រើប្រាស់កន្រ្តៃកាត់ក្រចករួមគ្នា?

ចម្លើយគឺ មិនខុសគ្នាពីឧបករណ៍មុតស្រួចផ្សេងទៀតនោះទេ ការប្រើប្រាស់ឧបរកណ៍មុតស្រួចដូចជាម្ចុលចាក់ថ្នាំ បូមឈាម ចាក់សាក់ កន្រ្តៃកាត់ក្រចក ឧបរកណ៍វះកាត់_ល_សុទ្ធតែអាចចម្លងរោគពីមនុស្សម្នាក់ទៅម្នាក់ទៀតបានបើសិនឧបរកណ៍ទាំងនោះមិនបានឆ្លងកាត់ការសម្លាប់មេរោគត្រឹមត្រូវ។មេរោគដែលអាចចម្លងតាមរយៈការប្រើប្រាស់កន្ត្រៃកាត់ក្រចករួមគ្នាដោយមិនបានសម្លាប់មេរោគត្រឹមត្រូវមានដូចជា មេរោគផ្សិត បាក់តេរី(staphylococcus) វីរុស(ថ្លើមC ,ឬស)។ដូច្នេះហើយ យើងមិនគួរប្រើប្រាស់កន្ត្រៃកាត់ក្រចករួមគ្នាឡើយ ករណីមានការប្រើប្រាស់រួមគ្នាត្រូវលាងសំអាតវាជាមួយសាប៊ូ រួចស្ងោរវាក្នុងទឹកពុះអោយបាន15នាទីសិន និង ត្រូវជូតសម្អាតវាជាមួយសំឡីអាល់កុលផងមុននឹងប្រើប្រាស់ឡើងវិញ។

អត្ថបទដោយ ឱសថការី សូ សុគន្ធវារី

Reference :
Health Digesthttps://www.healthdigest.com › why...Why You Should Never Share Nail Clippers

ផលវិបាកនៃការប្រើថ្នាំប្រកាន់ម៉ាក

បញ្ហាអ្នកជម្ងឺប្រើថ្នាំប្រកាន់ម៉ាកនេះគឺតាមឱសថស្ថានជួបសឹងតែរាល់ថ្ងៃ មិនដឹងថាកំហុសអ្នកជម្ងឺយល់ខុស ឬស្ដាប់គ្រូពេទ្យមិនច្បាស់ ឬ លោកគ្រូ អ្នកគ្រូម្ចាស់វេជ្ជបញ្ជាពិតជាប្រាប់គាត់បែបហ្នឹងមែន?ថ្នាំម៉ាកណាក៏ដោយអោយតែមានសារធាតុសកម្មដូចគ្នា កម្រិតសារធាតុសកម្ម(dosage)ដូចគ្នា ហើយមានការទទួលស្គាល់ពីក្រសួងសុខាភិបាល(មានបិតលេខបញ្ជីការ)គឺមានប្រសិទ្ធិភាព និង សុវត្ថិភាពក្នុងការប្រើប្រាស់ដូចគ្នា។និយាយអោយងាយយល់ដូចជាបាយអញ្ចឹងដាំពីអង្ករដូចគ្នា ញុំាឆ្អែតដូចគ្នា តែវាមានអង្ករនាងខុន ផ្កាម្លិះ សែនពិដោ_ល_។
👉ឧទាហរណ៍ យើងចូលចិត្តញុំាបាយអង្ករផ្កាម្លឹះ តែអង្ករផ្កាម្លឹះនោះដាច់ស្តុក អញ្ចឹងយើងអាចយកអង្ករផ្សេងមកដាំជំនួសបានត្រូវឬអត់?គ្រាន់ថាវាមិនសូវត្រូវមាត់យើងប៉ុណ្ណោះ ។ថ្នាំក៏ដូចគ្នា ពេលគ្រុនក្ដៅថ្នាំដែលប្រើសម្រាប់បញ្ចុះកម្ដៅដែលពេញនិយមជាងគេមិនថាក្មេងចាស់ គឺប៉ារ៉ាសេតាមុល ហើយថ្នាំដែលមានសារធាតុសកម្មប៉ារ៉ាសេតាមុលនេះមានច្រើនម៉ាកណាស់ មានរបស់បារាំង អាមេរិច កូរ៉េ ថៃ ខ្មែរ_ល_។សព្វថ្ងៃពិភពលោកកំពុងជួបប្រទះវិបត្តិសកលដែលនាំអោយថ្នាំបារាំងមួយចំនួនដាច់ស្តុក ដូច្នេះហើយសូមចិត្តវេជ្ជបណ្ឌិតមួយចំនួនតូច មេត្តាផ្អាកចេញវេជ្ជបញ្ជាឈ្មោះថ្នាំដែលដាច់ស្តុកនោះទៅ🙏ហើយប្រជាជនយើងក៏សូមបើកចិត្តទទួលយកថ្នាំដែលផលិតដោយឱសថការីកម្ពុជាយើងផង ប៉ារ៉ាសេតាមុលដូចគ្នា កម្រិតសារធាតុសកម្មដូចគ្នា ប្រសិទ្ធិភាពនិងសុវត្ថិភាពដូចគ្នា។

អាណាព្យាបាលច្រើនណាស់ ខំស្វះស្វែងរកម៉ាកថ្នាំប៉ារាំងដែលដាច់ស្តុកនោះ សុខចិត្តទុកកូនអោយក្ដៅខ្លួនយូរម៉ោងដែលអាចបង្ករគ្រោះថ្នាក់ដល់កូន និង ខាតពេលវេលា ខាតសោហុយធ្វើដំណើរដើម្បីស្វែងរកវា😤នៅពេលដែលរបស់ពិបាករក តម្លៃរបស់វានឹងកើនទ្វេដងផងដែរ។

👇🏻ខាងក្រោមជាគម្រូវេជ្ជបញ្ជាប្រកបដោយក្រមសីលធម៌វិជ្ជាជីវៈ ដោយមានបញ្ជាក់ពីឈ្មោះសារធាតុសកម្ម និងកម្រិតរបស់វា ដើម្បីសម្រួលដល់អ្នកជម្ងឺក៏ដូចជាឱសថការីក្នុងការជំនួសថ្នាំម៉ាកផ្សេងដែលមានប្រសិទ្ធិភាព និង សុវត្ថិភាពក្នុងការប្រើប្រាស់សម្រាប់អ្នកជម្ងឺ។

ឱសថស្ថាន ពណ៌ស្វាយ យើងខ្ញុំមានសេវាកម្មប្រឹក្សាយោបល់ដោយឥតគិតថ្លៃ និង កម្មង់អនឡាញផងដែរ🙏លើកនេះរាងឆ្ងាយបន្តិចហើយ បន្ទាយមានជ័យស្រុកកំណើតខ្ញុំព្រឹកស្អែកដល់ដៃអតិថិជនហើយ

តើពោតជាប្រភេទអាហារថាមពល ឬ អាហារការពារ?
👉អាហារថាមពល គឺសម្បូរកាបូហាយដ្រេត(carbohydrate)និង អាចមានវីតាមីនតិចតួច។អាហារប្រភេទនេះ សំបូរជាតិម្សៅ ជួយអោយយើងឆាប់ឆ្អែតនិងឆ្អែតបានយូរ ហើយផ្ដល់ថាមពលដល់រាងកាយ។
👉អាហារការពារ គឺសម្បូរដោយវីតាមីនចម្រុះមុខដែលជួយប្រព័ន្ធការពារយើងប្រឆាំងនឹងជម្ងឺ។
👇🏻ក្រឡេកមកមើលកម្រិតសារធាតុចិញ្ចឹមរបស់ពោតខាងក្រោមនេះវិញ ជាតិខ្លាញ់សរុប12%(6%ជាខ្លាញ់ឆ្អែត) សូដ្យូម2% កាបូហាយដ្រេតសរុប41% (48%ជាជាតិកាកសសៃ)វីតាមីនA7% កាល់ស្យូម1% និង ជាតិដែក25%។តាមរយៈកម្រិតសារធាតុចិញ្ចឹមក្នុងតារាងយើងអាចចាត់ទុកពោតជាប្រភេទអាហារថាមពល(ញុំាជំនួសបាយបាន)៕

ដោយឱសថការី Sokunveary So
រូបភាពពីgoogle

ប្រូមូសិនពីខោទឹកនោម យូនីកុ សម្រាប់អតិថិជនអញ្ជើញមកផ្ទាល់ប៉ុណ្ណោះ(មានសេវាដឹកក្នុងបុរីពិភពថ្មីកួស្រួវII)

ក្បួនញុំាអោយកូនឡើងគីឡូ
ដំបូងត្រូវដឹងសិនថាការឡើងគីឡូមាន2បែបគឺឡើងសាច់ និងឡើងខ្លាញ់ តើអ្នកទាំងអស់គ្នាចង់បានមួយណា?
👉បើចង់អោយកូនឡើងសាច់ គួរផ្ដល់របបអាហារដែលសំបូរប្រូតេអុីនដល់កូន។អាហារដែលសំបូរប្រូតេអុីនរួមមាន ត្រី សាច់ ស៊ុត សណ្ដែក ទឹកដោះគោ គ្រាប់ធុញ្ញជាតិ។ទោះបីជាអាហារទាំងនេះសំបូរប្រូតេអុីនមែនពិត តែបើញុំាច្រើនពេកនឹងបង្កបញ្ហាសុខភាពដូចជា ទល់លាមក លើសអាសុីតអ៊ុយរិច(ឈឺសន្លាក់) លើសខ្លាញ់(បើញុំាសាច់ជាប់ខ្លាញ់ច្រើនខ )។
👉អាហារដែលនាំអោយឡើងខ្លាញ់រួមមាន ខ្លាញ់ និងស្ករ។ខ្លាញ់អាចបានពីការទម្លាប់ញុំារបស់ចៀន បំពង fast food សាច់ជាប់ខ្លញ់ជាដើម។ស្ករបានពីការញុំារបស់ផ្អែមដូចជាបង្អែម នំ ស្ករ អង្ក ជាដើម។ស្ករនិងខ្លាញ់ជួយយើងអោយឆ្អែត និងផ្ដល់ថាមពលដល់រាងកាយ ប៉ុន្តែយើងគួរញុំាអោយមានតុល្យភាព(មិនតិចពេក ក៏មិនច្រើនពេក)ទើបមិនបង្កហានិភ័យដល់សុខភាព(ពុកធ្មេញ ទឹកនោមផ្អែម ធាត់លើសទម្ងន់ ស្ទះសសៃឈាម_ល_)។

អត្ថបទដោយ ឱសថការីSokunveary So

សម្លមួយចាន តែរសជាតិមិនដូចគ្នា មនុស្ស10នាក់ភ្លក់ អ្នកខ្លះថាផ្អែម🍯អ្នកខ្លះថាប្រៃ🧂 ខ្លះថាសាប 🥛ខ្លះថាហឹល🌶️ហេតុអីទៅ?ចម្លើយគឺទម្លាប់ញុំាខុសគ្នា រសនិយមខុសគ្នា។បើយើងញុំាដើម្បីឆ្ងាញ់ អ្នកណាចូលចិត្តបែបបណាញុំាបែបនោះចុះ តែបើញុំាដើម្បីសុខភាពល្អ គួរទម្លាប់ញុំាសាប។

🍭🍮🧋ទម្លាប់ញុំាផ្អែមនាំអោយលើសស្ករ ទៅជាធាត់(ទម្ងន់លើសស្ដង់ដារBMI) កើតជម្ងឺទឹកនោមផ្អែម ពុកធ្មេញជាដើម។
🧂ទម្លាប់ញុំាប្រៃបង្កជាបញ្ហាតម្រងនោម ជម្ងឺលើសសម្ពាធឈាម ហើមជាដើម។

🙅🏻‍♀️សូមបញ្ឈប់ទម្លាប់ញុំាអាហាររសជាតិដិតដល់អ្នកជំនាន់ក្រោយរបស់យើង(កូនៗ ក្មួយៗ ចៅៗ)ដោយចាប់ផ្ដើមបង្រៀនពួកគេអោយញុំារសជាតិស្រាលៗតាំងពីអាហារដំបូងនៅអាយុ6ខែ។អាណាព្យាបាលខ្លះនៅតែយល់ថាអោយកូនតូចញុំាបបរសាបអត់បន្ថែមស្ករ អំបិល អាណិតកូន😓តែបើគាត់ស្វែងយល់ពីក្បួនវេជ្ជសាស្ត្រ ទើបគាត់ដឹងថាយើងកំពុងផ្ដល់ទុនសុខភាពដល់កូនៗទៅវិញទេ ក្មេងប្រៀបដូចក្រដាសស បើយើងបង្រៀនបែបណាគឺគាត់ទម្លាប់បែបនោះហើយ សំខាន់យើងមើលលើលទ្ធផលជាក់ស្ដែងថាតើកូនព្រមញុំាឬទេ ចូលចិត្តឬទេ?ឧទាហរណ៍ មនុស្សជាច្រើនចូលចិត្តទុរេន តែមិនបានន័យថាគ្រប់គ្នាចូលចិត្តវានោះទេ សម្រាប់អ្នកមួយចំនួនបែរជាស្អប់ក្លិននិងរសជាតិទុរេនទៅវិញ។ហេតុផលមួយទៀតដែលយើងមិនគួរបន្ថែមស្ករឬអំបិលទៅក្នុងបបរកូនអាយុក្រោម1ឆ្នាំ គឺដោយសារតម្រងនោមក្មេងក្រោម1ឆ្នាំ ពុំទាន់មានលទ្ធភាពគ្រប់គ្រាន់ក្នុងការច្រោះជាតិស្ករឬអំបិលដែលលើសពីតម្រូវការបានល្អនៅឡើយ ជាហេតុបង្កគ្រោះថ្នាក់ដល់សុខភាពកូនទៅវិញ។

អត្ថបទដោយ ឱសថការី Sokunveary So
រូបភាពពី google

👇របៀបជ្រើសរើសទឹកដោះគោសម្រាប់កូនៗ
1.ជម្រើសដំបូងគេ ទឹកដោះម្ដាយ(ត្រូវបានលើកទឹកចិត្តដោយអង្ការសុខភាពពិភពលោកWHO និង គ្រូពេទ្យ)យ៉ាងហោចណាស់6ខែដំបូងនៃជីវិតទារក។
2.ម្សៅទឹកដោះគោរូបមន្ត(Formula milk)12ខែដំបូងនៃជីវិតទារក។
3.ទឹកដោះគោទឹក(Fortified,UHT,ទឹកដោះគោស្រស់)ចាប់ពីអាយុ1ខួបឬ2ខួបឡើងទៅ(តាមការណែនាំលើសំបកផលិតផលជាក់ស្ដែង)
4.ក្រៅពីផលិតផលទឹកដោះគោ(ទឹកសណ្ដែក ទឹកដោះអាល់ម៊ុន ទឹកដោះស្រួវសាឡី)

👉ពត៌មានលំអិតសូមមើលក្រោមរូបនីមួយៗ

Credit to ឱសថការីSokunveary So

ផលិតផលគ្រឿងសំអាងលក់ដាច់ប្រចាំ ឱសថស្ថាន ពណ៌ស្វាយ លោកអ្នកអាចអញ្ចើញមកកាន់ទីតាំងផ្ទាល់ ឬ កម្មង់អនឡាញក៏បាន។

រីករាយជាមួយកម្មវិធីបញ្ចុះតម្លៃ និង កាដូរពិសេសៗពីឱសថស្ថាន ពណ៌ស្វាយ។
🍼រាល់ការទិញដបទឹកដោះគោ លោកអ្នកនឹងទទួលបានការបញ្ចុះតម្លៃ20%គ្រប់ម៉ាកទាំងអស់
👉រាល់ការទិញម្សៅទឹកដោះគោ 1កំប៉ុងមានថែមជូនបបរ1ប្រអប់ភ្លាមៗ ទិញ2ឬ3កំប៉ុងមានថែមជូនកាបូបដាក់ទឹកដោះគោនិងសម្ភារៈកូន1ភ្លាមៗផងដែរ៕

កូនតូចរបស់លោកអ្នកឧស្សាហ៍ផ្ដាសាយ មែនទេ?👇ខាងក្រោមនេះជាទឹកសុីរ៉ូដែលចម្រាញ់ពីក្រមួនឃ្មុំ ជាមួយនឹងវីតាមីន13មុខ រ៉ែ4មុខ ផលិតផលអង់គ្លេស អាចញុំាបានពីអាយុ1ឆ្នាំឡើងទៅ

👉រកជាវបាននៅឱសថស្ថាន ពណ៌ស្វាយ

👉រូបមន្តអាហារសម្រាប់កូន5ខែ ករណីកូនតូចបង្ហាញពីចំណង់អាហាររបស់គាត់តាមរយៈកាយវិការមួយចំនួន និងអាចអង្គុយបានដោយមានជំនួយ(រក្សាលំនឹងករបស់គាត់ដោយខ្លួនឯងបាន)។គាត់អាចញុំាបន្លែ ផ្លែឈើ ឬបបរសសុទ្ធដែលមានទម្រង់រាវបាន ដោយក្នុង1មុខៗគួរញុំា3ថ្ងៃជាប់ៗគ្នាម្ដង50ml (3ទៅ4ស្លាបព្រាបាយ)ពេលព្រឹកតែម្ដងគត់/ថ្ងៃ។ហើយការចាប់ផ្ដើមដំបូងអាចអោយកូនញុំាត្រឹម1ទៅ2ស្លាប ព្រាបាយសិន ថ្ងៃបន្ទាប់សឹមដំឡើងពី2 ទៅ 3ឬ4ស្លាបព្រា បាយទៅតាមលទ្ធភាពរបស់កូនម្នាក់ៗ (កុំបង្ខំកូន)។ករណីកូនតូចមិនទាន់ចេះលេបអាហារដោយទល់អណ្ដាត ឬងាកមុខគេចចេញពីអាហារ សូមរងចាំ1សប្ដាហ៍ក្រោយសឹមសាកល្បងបញ្ចុកគាត់ជាថ្មី។

1. បបរស(អង្ករ/ស្រូវសាលី /បាឡី )1ស្លាបព្រាបាយ + ទឹក4ស្លាបព្រាបាយ
2. ស្ពៃតឿ/ស្ពៃចង្កឹះ/សាឡាដចំហុយ3ទៅ5នាទី + ទឹក4ស្លាបព្រាបាយ
3. ផ្លែប័រ(មិនបាច់ចំហុយ) កិនឬពៀតអោយម៉ត់ល្អ1ស្លាបព្រាបាយ + ទឹក4ស្លាបព្រាបាយ
4. ដំឡូងជ្វាចំហុយ10នាទី កិនឬពៀតអោយម៉ត់ល្អ1ស្លាបព្រាបាយ + ទឹក4ស្លាបព្រាបាយ
5. ការ៉ុតចំហុយ6ទៅ10នាទី កិនឬពៀតអោយម៉ត់ល្អ1ស្លាបព្រាបាយ + ទឹក4ស្លាបព្រាបាយ
6. ល្ពៅចំហុយ20ទៅ30នាទី កិនឬពៀតអោយម៉ត់ល្អ1ស្លាបព្រាបាយ + ទឹក4ស្លាបព្រាបាយ
7. ប៉ោមចំហុយ5ទៅ10នាទី កិនឬពៀតអោយម៉ត់ល្អ1ស្លាបព្រាបាយ + ទឹក4ស្លាបព្រាបាយ
8. សារីចំហុយ3ទៅ5នាទី កិនឬពៀតអោយម៉ត់ល្អ1ស្លាបព្រាបាយ + ទឹក4ស្លាបព្រាបាយ
9. គ្រាប់សណ្ដែកបៃតងចំហុយ10ទៅ15នាទី កិនឬពៀតអោយម៉ត់ល្អ1ស្លាបព្រាបាយ + ទឹក4ស្លាបព្រាបាយ
10. ចេក(មិនបាច់ចំហុយ) កិនឬពៀតអោយម៉ត់ល្អ1ស្លាបព្រាបាយ + ទឹក4ស្លាបព្រាបាយ

ប្រែសម្រួល និង ដកស្រង់ពី

https://www.mayoclinic.org/healthy-lifestyle/infant-and-toddler-health/in-depth/healthy-baby/art-20046200

https://www.facebook.com/ChamroeunPhalGroups?mibextid=LQQJ4d

https://www.facebook.com/chhaykitchens?mibextid=LQQJ4d