Healthy Wealthy
We provide you the best of health solution which is easy, delicious and no side effect.
សាធុ🙏សាធុ🙏សាធុ🙏
កំរិតជាតិស្ករ….ធម្មតា || ត្រៀមកើតទឹកនោមផ្អែម ||ជំងឺទឹកនោមផ្អែម
មូលហេតុបង្កជំងឺទឹកនោមផ្អែម គួរដឹង និងការពារ
ជំងឺទឹកនោមផ្អែម ជាប្រភេទជំងឺមេតាប៉ូលិស ដោយបណ្ដាលឲ្យកម្រិតជាតិស្ករក្នុងឈាមឡើងខ្ពស់។ ជាធម្មតា អ័រម៉ូនអាំងស៊ុយលីន បានចល័តជាតិស្ករពីឈាម ទៅក្នុងកោសិកា ដើម្បីរក្សា និងប្រើសម្រាប់ជាថាមពល។ តែនៅពេលយើងកើតជំងឺទឹកនោមផ្អែម រាងកាយរបស់យើង មិនអាចបង្កើតអាំងស៊ុយលីនគ្រប់គ្រាន់នោះទេ។
១. ប្រភេទជំងឺទឹកនោមផ្អែម
ជំងឺទឹកនោមផ្អែម ប្រភេទ ១ (Type 1 diabetes ) ជាប្រភេទជំងឺប្រឆាំងប្រព័ន្ធការពារខ្លួនឯង ដោយប្រព័ន្ធការពារ បំផ្លាញកោសិកាក្នុងលំពែង (កោសិកាបេតា) ដែលជាកន្លែងបង្កើតអាំងស៊ុយលីន។ ចំណែកមូលហេតុនៃការបំផ្លាញកោសិកានេះ ពុំទាន់មានការបញ្ជាក់ច្បាស់នោះទេ។ ជំងឺប្រភេទនេះ កើតមានប្រមាណ ១០% ប៉ុណ្ណោះ។
ជំងឺទឹកនោមផ្អែម ប្រភេទ ២ (Type 2 diabetes) កើតឡើងនៅពេលរាងកាយប្រឆាំងនឹងអាំងស៊ុយលីន ហើយកំរិតជាតិស្ករ កកើតច្រើននៅក្នុងឈាម។
ជំងឺទឹកនោមផ្អែមពេលពពោះ (Gestational diabetes) ជាការកើនឡើងជាតិស្ករខ្ពស់ក្នុងឈាម អំឡុងពេលពពោះ ដោយនេះបណ្ដាលមកពីការរាំងខ្ទប់អ័រម៉ូនអាំងស៊ុយលីន ដែលផលិតដោយសុក។
បម្រុងទឹកនោមផ្អែម (Prediabetes) កើតឡើងនៅពេលជាតិស្ករកើនឡើងខ្ពស់ជាងធម្មតា តែវាមិនទាន់គ្រប់គ្រាន់ក្នុងការកំណត់ថា ជំងឺជំងឺទឹកនោមផ្អែម ប្រភេទ ២។
២. មូលហេតុបង្ក
ដូចបញ្ជាក់ខាងលើ ក្រុមវេជ្ជបណ្ឌិតពុំទាន់អាចកំណត់ច្បាស់លាស់ពីមូលហេតុបង្កជំងឺទឹកនោមផ្អែម ប្រភេទ ១ នៅឡើយទេ។ សម្រាប់ការបកស្រាយមួយចំនួន ជំងឺនេះបណ្ដាលមកពីប្រព័ន្ធការពាររាងកាយ វាយប្រហារ និងបំផ្លាញកោសិកាផលិតអាំងស៊ុយលីន នៅក្នុងលំពែង។ សេណេទិក ក៏ជាផ្នែកមួយនៃការបង្កជំងឺនេះផងដែរ។
ចំណែកជំងឺទឹកនោមផ្អែម ប្រភេទ ២ កើតឡើងដោយសារកត្តាសេណេទិក និងរបៀបរបបរស់នៅ។ លើសទម្ងន់ និងជំងឺធាត់ មិនមានសកម្មភាពរាងកាយ ជាមូលហេតុចម្បងនាំឲ្យកើតជំងឺនេះ ជាពិសេសខ្លាញ់ក្បាលពោះ ធ្វើឲ្យកោសិការបស់យើង ប្រឆាំងនឹងមុខងាររបស់អាំងស៊ុយលីន។ ជំងឺនេះ ក៏ឆ្លងតាមរយៈសេណេទិករបស់ប្រវត្តិសមាជិកគ្រួសារផងដែរ។
រីឯជំងឺទឹកនោមផ្អែមពេលពពោះ បណ្ដាលមកពីបម្រែបម្រួលអ័រម៉ូន អំឡុងពេលពពោះ។ សុកផលិតអ័រម៉ូន ដែលធ្វើឲ្យកោសិកាស្ត្រីពពោះ កាន់តែខ្សោយក្នុងការទទួលឥទ្ធិពលរបស់អាំងស៊ុយលីន ហើយបណ្ដាលឲ្យជាតិស្ករកើនឡើង អំឡុងពេលពពោះ។ សម្រាប់ស្ត្រីលើសទម្ងន់ នៅពេលពពោះ ឬឡើងទម្ងន់ខ្លាំងពេលពពោះ ប្រឈមនឹងការកើតជំងឺទឹកនោមផ្អែមពេលពពោះ។
Kru pet
១១គន្លឹះដើម្បីគ្រប់គ្រងជំងឺទឹកនោមផ្អែមបានល្អ
១/ បរិភោគអាហារដែលអ្នកចូលចិត្ត
លោកអ្នកមិនចាំបាច់បោះបង់ចោលអាហារដែលអ្នកចូលចិត្តដោយសារតែ ជំងឺទឹកនោមផ្អែមនោះទេ ប៉ុន្តែលោកអ្នកត្រូវដឹងពីជម្រើសអាហារដែលអាចប៉ះពាល់ដល់ជាតិស្ករនៅក្នុងឈាម។ អ្នកអប់រំជំងឺទឹកនោមផ្អែម ឬអ្នកជំនាញខាងចំណីអាហារអាចបង្រៀនលោកអ្នកពីរបៀបមើលកំប៉ុង អានផ្លាកម្ហូប និងទំហំនៃការបែងចែកអាហារ។ ជំនាញទាំងនោះនឹងអនុញ្ញាតឲ្យអ្នកគ្រប់គ្រងជាតិស្ករបានល្អ និងរក្សារសជាតិជីវិតឲ្យសប្បាយរីករាយក្នុងពេលតែមួយ។
២/ គ្រប់គ្រងចានបាយ
វិធីងាយស្រួល ដើម្បីទទួលបានអាហារដែលមានតុល្យភាពគឺ បែងចែកចានរបស់លោកអ្នកជា ៣ចំណែក(សូមមើលរូបខាងលើ)ដំបូង ចែកវាជាពីរដោយបំពេញមួយចំហៀងជាមួយបន្លែដូចជា ស្ពៃខៀវ ផ្កាខាត់ណាការ៉ុត ឬសណ្តែកបៃតង។ បន្ទាប់មក បំបែកផ្នែកនៅសល់ជាពីរ។ ប្រើមួយសម្រាប់អាហារម្សៅដូចជា បាយស បាយសំរូប មី ដំឡូងឬនំបុ័ង។ល។ នៅក្នុងផ្នែកចុងក្រោយ បន្ថែមសាច់ ឬប្រូតេអ៊ីនផ្សេងៗទៀត។ លើសពីនេះទៅទៀត លោកអ្នកក៏អាចទទួលបានទឹកដោះគោដែលមានជាតិខ្លាញ់តិច១កែវ និងផ្លែឈើកន្លះកែវផងដែរ។
៣/ រក្សាកំណត់ត្រា
ជារៀងរាល់ថ្ងៃ ចូរសរសេរព័ត៌មានសំខាន់ៗដូចជា កម្រិតជាតិស្ករក្នុងឈាម អ្វីដែលលោកអ្នកញ៉ាំ ហាត់ប្រាណ និងថ្នាំប្រើប្រាស់ប្រចាំ។ វានឹងជួយលោកអ្នកនិងគ្រូពេទ្យ ឲ្យដឹងថាតើការព្យាបាលជំងឺទឹកនោមផ្អែមរបស់លោកអ្នកកំពុងដំណើរការល្អដែរឬទេ។ សរសេរផងដែរអំពីគោលដៅ(Goals)និងអារម្មណ៍ ដែលរំលឹកអំពីប្រធានបទដែលលោកអ្នកចង់សួរគ្រូពេទ្យ។
៤/ ធ្វើផែនការសម្រាប់ថ្ងៃឈឺ
ជំងឺទូទៅដូចជា ជំងឺគ្រុនផ្តាសាយ និងរាគ អាចធ្វើឲ្យស្ករក្នុងឈាមឡើង។ ក្នុងពេលដំណាលគ្នា ជំងឺទឹកនោមផ្អែមរបស់លោកអ្នកកាន់តែពិបាកក្នុងការប្រយុទ្ធប្រឆាំងនឹងមេរោគឆ្លង។ ដូច្នេះ ត្រូវរៀបចំទុកមុន ដូចជាអាហារសម្រន់ដែលមានភាពងាយស្រួលទៅលើក្រពះដែលអាចផ្តល់នូវជាតិទឹក និងជាតិស្ករគ្រប់គ្រាន់។ សូមពិនិត្យមើលជាតិស្ករនៅក្នុងឈាមឲ្យបានញឹកញាប់នៅពេលលោកអ្នកឈឺនិង គួរដឹងផងថាពេលណាត្រូវទៅជួបគ្រូពេទ្យ។ ហើយកុំភ្លេចទទួលថ្នាំវ៉ាក់សាំងបង្ការជំងឺគ្រុនផ្តាសាយរៀងរាល់ឆ្នាំផង។
៥/ គ្រប់គ្រងថង់ថ្នាំ
បើលោកអ្នកលេបថ្នាំឬ ប្រើថ្នាំចាក់ សូមរៀបចំថ្នាំជាថង់ៗ និងប្រដាប់ប្រដាត្រៀមទុកសម្រាប់៣ថ្ងៃ ក្នុងករណីមានអាសន្ន។ ដោយសារតែថ្នាំទឹកនោមផ្អែមខ្លះអាចប៉ះពាល់ដល់ថ្នាំដទៃទៀត ដូចនេះ សូមប្រាប់គ្រូពេទ្យមុននឹងប្រើថ្នាំអ្វីថ្មី(ថ្នាំដែលលោកអ្នកទិញដោយគ្មានវេជ្ជបញ្ជា)។
៦/ ប្រឆាំងនឹងភាពតានតឹង(Stress)រាល់ថ្ងៃ
កាត់បន្ថយភាពតានតឹងនៅក្នុងជីវិតរបស់លោកអ្នកឲ្យបានច្រើន ព្រោះវាអាចបង្កើនជាតិស្ករនៅក្នុងឈាម ។ លំហាត់ប្រាណ គឺជាវិធីដ៏ល្អមួយ ដើម្បីបន្ធូរភាពតានតឹងព្រោះ វាបង្កើនកម្រិតសារធាតុគីមីនៅក្នុងខួរក្បាលដែលធ្វើឲ្យលោកអ្នកមានអារម្មណ៍ល្អ។ មានមធ្យោបាយជាច្រើន ដើម្បីទទួលបានភាពសកម្មដូចជា ធ្វើការហាត់ប្រាណ ចូលរួមក្នុងក្រុមកីឡាផ្សេងៗ ឬរៀនរាំ។
៧/ ហាត់ប្រាណក្នុងវគ្គខ្លីៗ
មិនចាំបាច់ហាត់ប្រាណឲ្យសកម្មខ្លាំងក្នុងពេលតែមួយពេកទេ អាចបង្កើនវាពីមួយថ្ងៃទៅមួយថ្ងៃដូចជា ការដើររយៈពេល ១០នាទីអោយបាន៣ដង គឺល្អដូច ៣០នាទីក្នុងពេលតែមួយ។ ការធ្វើលំហាត់ប្រាណជាទៀងទាត់ និងមធ្យមនឹងធ្វើឲ្យលោកអ្នកមានសុខភាពល្អ ដោយវាជួយកាត់បន្ថយជាតិស្ករ សម្ពាធឈាម ជាតិខ្លាញ់កូឡេស្តេរ៉ូល និងបន្ថយភាពតានតឹង។
៨/ សាកល្បងកម្លាំងហាត់ប្រាណ
អាចទប់ស្កាត់ការបាត់បង់សាច់ដុំ ប្រសិនបើលោកអ្នកធ្វើការហ្វឹកហាត់កម្លាំងដូចជា ការលើកទម្ងន់ ឬប្រើឧបករណ៍ធ្ងន់ៗ។ ការសិក្សាបានបង្ហាញថាវាក៏ធ្វើឲ្យប្រសើរឡើងដោយរាងកាយរបស់អ្នកប្រើអាំងស៊ុយលីន និងស្ករ ហើយជាការពិតណាស់ វាជាវិធីដ៏ល្អមួយ ដើម្បីសម្រកទម្ងន់ផងដែរ។
៩/ ពិនិត្យជើង រៀងរាល់យប់
ប្រើកញ្ចក់ឆ្លុះឬសួរអ្នកណាម្នាក់ឲ្យជួយរកមើលមានហើម ឬផ្លាស់ប្តូរពណ៌ស្បែកឬ មានមុតវត្ថុអ្វីមួយ និងមើលតាមចង្វែកជើងផងដែរ។ ប្រសិនបើអ្នកឃើញអ្វីមួយសូមទូរស័ព្ទទៅគ្រូពេទ្យភ្លាម ដើម្បីរាយការណ៍អំពីអាការៈរោគ។ ព្យាយាមថែរក្សាទម្លាប់ប្រចាំថ្ងៃជានិច្ច ដោយលាងសម្អាតជើងនិងធ្វើឲ្យស្បែកមានសំណើម ជារៀងរាល់ថ្ងៃដោយស្ថិតក្រោមកែវភ្នែករបស់លោកអ្នក។
១០/ ផ្ដាច់បារី
ដើម្បីផ្តាច់បារីលោកអ្នកត្រូវត្រៀមខ្លួនជាស្រេច និងសូមជ្រើសរើសកាលបរិច្ឆេទឲ្យជាក់លាក់ណាមួយ។ លោកអ្នកប្រហែលជាត្រូវការជំនួយ ដើម្បីយកឈ្នះផ្នែកផ្លូវចិត្ត និងរាងកាយនៃការញៀនជាតិនីកូទីន(បារី) ដូចជាកម្មវិធីបញ្ឈប់ការជក់បារី ក្រុមជំនួយនិងហាត់ប្រាណជាក្រុម(យ៉ូហ្គា តៃឈី)។ ឱកាសទទួលបានជោគជ័យ គឺវាអាស្រ័យលើខ្លួនលោកអ្នកទាំងស្រុង។
១១/ ពិសាគ្រឿងស្រវឹងជាមួយ តែអាហារ
គ្រឿងស្រវឹងអាចផឹកម្តងម្កាលបាន តែត្រូវមានអាហារញ៉ាំរួមជាមួយនឹងវា ព្រោះស្រាអាចបណ្តាលឲ្យជាតិស្ករនៅក្នុងឈាមចុះទាប។ ភេសជ្ជៈលាយអាចបង្កើនជាតិស្ករក្នុងឈាម ដូចជាទឹកផ្លែឈើ ទឹកក្រូច ឬទឹកសូដា ហើយត្រូវមានទឹកគ្រប់គ្រាន់សម្រាប់ផឹក នៅពេលលោកអ្នកស្រេកទឹក។ ស្ត្រីមិនគួរផឹកគ្រឿងស្រវឹងលើសពីមួយកែវក្នុងមួយថ្ងៃ ហើយបុរសមិនលើសពីពីរកែវទេ។
សារសំខាន់ៗរបស់លោកវជ្ជបណ្ឌិត ៖ សូមលោកអ្នកត្រូវយល់ដឹងថា ជំងឺទឹកនោមផ្អែមជាជំងឺរ៉ាំរ៉ៃ និងអាចបង្កឲ្យមានផលវិបាកផ្សេងៗដូចជាខូចតម្រងនោម គាំងបេះដូងស្លាប់ ខូចមួយចំហៀងខ្លួន ដំបៅមើលមិនជា កាត់អវៈយវៈ។ល។ ដើម្បីទទួលបានលទ្ធផលល្អក្នុងការព្យាបាល មិនមែនពឹងផ្អែកទៅលើតែវេជ្ជបណ្ឌិត ឬឱសថតែមួយមុខនោះទេគឺ ពាក់កណ្តាល(៥០%)ទៀត វាអាស្រ័យលើខ្លួនអ្នកជំងឺផ្ទាល់ តាមរយៈការលេបថ្នាំនិងមកតាមណាត់ឲ្យទៀងទាត់ ហើយធ្វើតាមអ្វីដែលខ្ញុំបាទបានបកស្រាយខាងលើ។
បកស្រាយដោយ ៖ លោក វេជ្ជបណ្ឌិត នៅ គីមសាន ជាវេជ្ជបណ្ឌិតឯកទេសជំងឺទឹកនោមផ្អែម និងជំងឺទូទៅប្រចាំនៅ បន្ទប់ពិគ្រោះ ព្យាបាលជំងឺ វេជ្ជ. នៅ គីមសាន(Diabetes Care Clinic, Phnom Penh)
.tips
លើសសម្ពាធឈាម និងសម្ពាធឈាមឡើងខ្ពស់ ដូចគ្នាអត់?
គ្នាយើងភាគច្រើនឲ្យតែឮជំងឺលើសឈាម ឬសម្ពាធឈាមឡើងខ្ពស់ អាចគិតថាដូចគ្នា ជាជំងឺតែមួយ ប៉ុន្តែរឿងនេះជាការភ័ន្តច្រឡំ ព្រោះទាំងពីរមិនដូចគ្នាទេ គ្រាន់តែថាករណីខ្លះអាចមានទំនាក់ទំនងនឹងគ្នាប៉ុណ្ណោះ។ អានអត្ថបទ “Hello គ្រូពេទ្យ” មួយនេះ ច្បាស់ជាដឹងមិនខាន។
១- ជំងឺលើសឈាម
លើសឈាម ជាជំងឺរ៉ាំរ៉ៃ កើតឡើង ពេលសម្ពាធឈាមឡើងខ្ពស់រហូត ដោយមិនទាក់ទងជាមួយអ្វីយើងញ៉ាំ ឬសកម្មភាពយើងបានធ្វើនោះទេ។ យ៉ាងណា កត្តារស់នៅប្រចាំថ្ងៃ ជាមូលហេតុធំមួយនាំឲ្យកើតជំងឺនេះ។ ផឹកស្រា ជក់បារីជាប្រចាំ ធាត់លើសគីឡូ ញ៉ាំប្រៃ មានជំងឺរ៉ាំរ៉ៃ ដូចជា ទឹកនោមផ្អែម សុទ្ធតែប្រឈមមុខខ្ពស់នឹងជំងឺលើសឈាម។ ដោយសារលើសឈាមជាជំងឺតំណពូជ មានសមាជិកគ្រួសារកើតជំងឺនេះ យើងកាន់មានភាគរយខ្ពស់ប្រឈមមុខកើតជំងឺនេះដូចគ្នា។
ពេលសម្ពាធឈាម ១២០/៨០ មិល្លីម៉ែត្របារត និង ១៤០/៩០ មិលី្លម៉ែត្របារត ជាសញ្ញាបង្ហាញថាអាចវិវត្តទៅរកជំងឺនេះ បើយើងមិនមានវិធានការបញ្ចុះសម្ពាធឈាមទេនោះ។
ដើម្បីបញ្ចុះសម្ពាធឈាម ត្រូវផ្លាស់ប្ដូរការរស់នៅ ឈប់ផឹកស្រា ឬជក់បារី បន្ថយការញ៉ាំកាហ្វេ បន្ថយអំបិល ឬអាហារប្រៃ ហើយបើមានជំងឺរ៉ាំរ៉ៃផ្សេងទៀត ឆាប់ទៅរកគ្រូពេទ្យ។ គ្នាយើងមានសម្ពាធឈាមឡើងខ្ពស់ខ្លាំងភ្លាមៗ ត្រូវលេបថ្នាំដើម្បីបញ្ចុះឈាម។
សរុបសេចក្តី សម្ពាធឈាមឡើងខ្ពស់មិនមែនបានន័យថា យើងមានជំងឺលើសឈាមទេ ប៉ុន្តែត្រូវរស់នៅប្រកបដោយផាសុកភាព និងជួបគ្រូពេទ្យជាប្រចាំដើម្បីតាមដានស្ថានភាពឈាម។
២- សម្ពាធឈាមឡើងខ្ពស់
កម្រិតសម្ពាធឈាមល្អ ស្ថិតនោចន្លោះ ៩០/៦០ មិល្លីម៉ែត្របារត ១២០/៨០ មិល្លីម៉ែត្របារត។ ក្នុងករណីកើនដល់ ១៤០/៩០ មិល្លីម៉ែត្របារត មានន័យថាឡើងសម្ពាធឈាម ព្រោះសម្ពាធឈាមមនុស្សម្នាក់ៗមិននៅថេររហូតទេ អាចកើនឡើងទៅតាមអារម្មណ៍ សកម្មភាព និងអាហារយើងញ៉ាំ ដូចជា ធ្វើសកម្មភាពខ្លាំង (រត់ ជិះកង់ ឡើងជណ្តើរ) ឬពេលផឹកកាហ្វេ ភិតភ័យជាដើម។ ប៉ុន្តែ វានឹងត្រឡប់មកធម្មតាវិញនៅពេលក្រោយ។
ករណីយើងវាស់សម្ពាធឈាមហើយឃើញថាកើនឡើងតែមួយពេលៗបែបនេះ មានន័យថាយើងមិនមែនមានជំងឺលើសឈាមទេ។
មានកុមារកម្ពុជាប៉ុន្មាននាក់ត្រូវខូចក្រលៀន កើតជម្ងឺទឹកនោមផ្អែមប្រភេទ១ ត្រូវលាងឈាម ត្រូវចាក់អាំងស៊ុយលីនមួយជីវិត ដោយសារភាពចង់មានបានរបស់ក្រុមហ៊ុនភេសផ្ផ: ជាពិសេសលក់ទឹកភេសផ្ផ:ផ្អែមៗនៅតាមសាលារៀន។
👏តើគាំទ្រទេអោយមានសារប្រមានលើកំប៉ុងភេសផ្ផ:ដូចស្រា បារី
⛔️ពិសារភេសផ្ផ:ផ្អែមនាំខូចក្រលៀន កើតជម្ងឺទឹកនោមផ្អែម⛔️
#ការអប់រំចិត្ត #ព្រះធម៌
លម្អិតរឿងទឹកនោមផ្អែមគ្រប់ប្រភេទ និងមូលហេតុងាយកើត
គ្នាយើងភាគច្រើន ឲ្យតែឃើញអ្នកផ្ទះ ឬមិត្តភក្តិញ៉ាំរបស់ផ្អែមៗ ច្បាស់ណាស់ តែងព្រមានភ្លាមៗ “ប្រយ័ត្នកើតទឹកនោមផ្អែមទៅ” ត្រូវអត់? ប៉ុន្តែត្រូវដឹងផង ទឹកនោមផ្អែមមានប៉ុន្មានប្រភេទ ហើយមិនមែនញ៉ាំផ្អែមតែមួយមុខទេ នៅមានកត្តាជាច្រើនទៀតធ្វើឲ្យយើងប្រឈមនឹងជំងឺដ៏រ៉ាំរ៉ៃមួយនេះ។
១- ប្រភេទទឹកនោមផ្អែម
ជំងឺទឹកនោមផ្អែមមានទាំងអស់ ៣ ប្រភេទ គឺប្រភេទ១ ប្រភេទ២ និងទឹកនោមផ្អែមពេលពពោះ។
– ទឹកនោមផ្អែមប្រភេទ១៖ ច្រើនរកឃើញដំបូងនៅលើអូនតូច។ កើតឡើងដោយសារខ្លួនប្រាណមិនអាចផលិតអ័រម៉ូនអាំងស៊ុយលីន មិនអាចទាញយកស្ករទៅប្រើក្នុងកោសិកាបាន។ អាំងស៊ុយលីនមិនគ្រប់គ្រាន់ ធ្វើឲ្យស្ករនៅក្នុងឈាមកើនឡើង នាំឲ្យខូចសរីរាង្គផ្សេងៗក្នុងខ្លួន។
– ទឹកនោមផ្អែមប្រភេទ២៖ កើតឡើងដោយសារខ្លួនប្រាណមិនអាចយកអាំងស៊ុយលីនទៅប្រើឲ្យបានត្រឹមត្រូវ។ រាងកាយយើងមានជំងឺនេះ នៅតែផលិតអាំងស៊ុយលីនបាន ប៉ុន្តែមិនមានតុល្យភាពជាមួយបរិមាណជាតិស្ករក្នុងឈាម មានច្រើននោះទេ។ ធាត់ខ្លាំងពេក ក៏អាចប្រឈមកើតទឹកនោមផ្អែមប្រភេទនេះផងដែរ។
– ទឹកនោមផ្អែមលើស្រ្តីពពោះ៖ គឺលក្ខខណ្ឌបណ្តោះអាសន្ន ព្រោះស្រីៗជាធម្មតា នឹងកើនជាតិស្ករក្នុងឈាមខ្ពស់អំឡុងពេលកំពុងពពោះ ហើយបាត់ទៅវិញនៅពេលសម្រាល។
២- កត្តាជាច្រើននាំឲ្យយើងកើតជំងឺនេះ
Continue Reading
– កត្តាហ្សែន
នៅមិនទាន់មានការពន្យល់ច្បាស់លាស់ពីមូលហេតុជំងឺទឹកនោមផ្អែមប្រភេទ១ នៅឡើយទេ។ ប្រវត្តិជំងឺក្នុងគ្រួសារអាចជាកត្តាប្រឈមមួយ។ ឧទាហរណ៍៖ ប្រុសៗមានជំងឺទឹកនោមផ្អែមប្រភេទ១ កូនប្រឈមនឹងការកើតជំងឺនេះ ១-១៧%។ ស្រដៀងគ្នាដែរ ស្រីៗមានជំងឺនេះក៏អាចនឹងបន្តទៅកូនដូចគ្នា។ អត្រាប្រឈមជំងឺទឹកនោមផ្អែមប្រភេទ១ លើក្មេងមាន ១% បើសិនជាសម្រាលកូនក្រោយអាយុ ២៥ឆ្នាំ ឬចាស់ជាងនេះ។
បើប៉ាម៉ាក់មានទឹកនោមផ្អែមប្រភេទ២ អូនៗក៏មានកត្តាប្រឈមដូចគ្នា។ ដោយសារជំងឺទឹកនោមផ្អែមប្រភេទ២ ទាក់ទងនឹងទម្លាប់រស់នៅ អូនៗអាចទទួលទម្លាប់រស់នៅពីប៉ាម៉ាក់ ដែលជាកត្តាប្រឈមយ៉ាងចម្បង។
អូនៗមានទាំងប៉ា ទាំងម៉ាក់កើតទឹកនោមផ្អែមប្រភេទ២ បង្កឱកាសកើតរហូតដល់ ៥០%។ ចំពោះអូនៗ មានប៉ាម៉ាក់កើតជំងឺនេះមុនអាយុ ៥០ឆ្នាំ កាន់តែប្រឈមកើតជំងឺនេះជាងក្មេងៗធម្មតា ពី ១-៧ ដងឯណោះ។
ស្រីៗកាន់តែមានការប្រឈមខ្ពស់កើតជំងឺទឹកនោមផ្អែមពេលពពោះ (Gestational Diabetes) បើមានសាច់ញាតិជិតស្និទ្ធណាម្នាក់កើតជំងឺនេះ។
– កត្តាបរិស្ថានខាងក្រៅ
ករណីខ្លះ ជំងឺទឹកនោមផ្អែមប្រភេទ១ បង្កឡើងដោយវីរុសមិនស្គាល់មុខ។ អាកាសធាតុត្រជាក់ ក៏អាចជាកត្តារួមផ្សំផងដែរ ហើយគ្រូពេទ្យច្រើនរកឃើញជំងឺទឹកនោមផ្អែមប្រភេទ១ នៅខែត្រជាក់។
– ទម្លាប់រស់នៅ
របបអាហារ៖ កូនមិនបៅដោះម៉ាក់ៗ ឬញាំអាហាររឹងនៅវ័យក្មេងពេក ប្រឈមមុខកើតជំងឺទឹកនោមផ្អែម ហើយក៏មិនខុសគ្នាដែរ សម្រាប់អ្នកចូលចិត្តញ៉ាំអាហារមិនល្អចំពោះសុខភាព។
របៀបរស់នៅ៖ របៀបរស់នៅ គឺជាកត្តាមួយនាំឲ្យកើតជំងឺទឹកនោមផ្អែម ដូចជា ធាត់ខ្លាំងពេក មិនហាត់ប្រាណ មិនមានសកម្មភាពរាងកាយ និងជក់បារី។
– បញ្ហាសុខភាព
បើមានបញ្ហាសុខភាពដូចខាងក្រោម ងាយកើតជំងឺទឹកនោមផ្អែម៖
ជំងឺស្បែកឡើងពណ៌ក្រមៅជាងមុន (Acanthosis nigricans)
ជំងឺលើសឈាម (សម្ពាធឈាមលើសពី ១៤០/៩០ មិលី្លម៉ែត្របារត)
លើសជាតិខ្លាញ់ (Hight cholesterol)
បណ្ដុំរោគសញ្ញាដុំគីសច្រើនក្នុងក្រពេញអូវែ (Polycystic o***y syndrome (PCOS))
បម្រុងកើតជំងឺទឹកនោមផ្អែម (ជាតិស្ករឡើងខ្ពស់ខុសធម្មតា) តែមិនទាន់បង្កជាជំងឺនៅឡើយ
ជាតិខ្លាញ់ចាប់ពី ២៥០ មិល្លីក្រាម/ដេស៊ីលីត្រឈាម ឬខ្ពស់ជាងនេះ។
ជំងឺទឹកនោមផ្អែមពេលពពោះ អាចវិវត្តទៅជាជំងឺទឹកនោមផ្អែមប្រភេទ២ បើស្រីៗផ្តល់កំណើតកូន មានទម្ងន់ចាប់ពី ៤ គីឡូក្រាមឡើង។
– កត្តាអាយុ
មនុស្សច្រើនងាយកើតជំងឺទឹកនោមផ្អែមនៅពេលអាយុកាន់តែច្រើន។ មជ្ឈមណ្ឌលការពារ និងគ្រប់គ្រងជំងឺអាមេរិក (CDC) ណែនាំថា ពេលមានអាយុលើសពីអាយុ ៤៥ឆ្នាំ គួរទៅធ្វើតេស្តរកមើលជំងឺទឹកនោមផ្អែម ជាពិសេសអ្នកលើសទម្ងន់។
ទោះបីមានកត្តាប្រឈមទាំងនេះក៏ដោយ ក៏មិនអាចសន្មត់ថាយើងនឹងកើតជំងឺទឹកនោមផ្អែមនោះដែរ ហើយកត្តាដែលសំខាន់ គឺទម្លាប់រស់នៅប្រចាំថ្ងៃមនុស្សម្នាក់ៗ។ ដើម្បីឲ្យមានសុខភាពល្អ សូមផ្លាស់ប្តូរការរស់នៅមានផាសុកភាព និងញ៉ាំរបបអាហារឲ្យបានត្រឹមត្រូវ។
Kru pet
"លាងឈាម"
៩៥% អ្នកលាងឈាម ជាមនុស្សប្រុស🕺ស្រី💃ដែលចូលចិត្តពិសាគ្រឿងស្រវឹង (ស្រា ស្រាបៀរ) ជក់បារី ។ ជួបជុំគ្នាផឹកសប្បាយណាស់ កន្លះកេសម្នាក់ឯង "ធម្មតា" មិនទាន់ឈឺ មិនទាន់អីទេ ។ អ្នកខ្លះផឹកសឹងរាល់ថ្ងៃ កំលាំងនៅមាន តែដល់វ័យចាស់បន្តិចទៅ ក្រពះ ថ្លើម លំពែង ក្រលៀន (តម្រងនោម) ក៏ចាប់ផ្ដើមខូច ។ មានលុយច្រើនមិនអីទេ អាចរស់បានយូរបន្តិច ។ ជាទូទៅ អ្នកផឹកមិនមានពេលហាត់ប្រាណនោះទេ ព្រោះពួកគាត់រវល់ផឹក ៕
#វេជ្ជបណ្ឌិត_កម្ពុជា
អាហារដែលអាចជួយបញ្ចុះជាតិស្ករក្នុងឈាមបាន
មានជំងឺទឹកនោមផ្អែម មានន័យថា អ្នកគួរតែប្រុងប្រយ័ត្នច្រើន ជាពិសេសអាហារដែលញ៉ាំតែម្តង។ អ្នកគួរតែច្រើសរើសអាហារញ៉ាំប្រកបដោយការគិតគូរច្បាស់លាស់ដើម្បីកុំឲ្យលើសជាតិស្ករក្នុងឈាម។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)អាហារដើរតួនាទីសំខាន់មួយក្នុងការថែរក្សាជាតិស្ករក្នុងឈាម។ មានអាហារច្រើនទៀតដែលផ្ទុកទៅដោយជីវជាតិ ប៉ុន្តែមានជាតិស្ករខ្ពស់ ដែលអ្នកជំងឺទឹកនោមផ្អែមត្រូវចៀសវាង។ ខាងក្រោមនេះ ខ្ញុំសូមណែនាំអាហារមួយចំនួនដែលល្អបំផុតសម្រាប់អ្នកជំងឺទឹកនោមផ្អែមជ្រើសរើសទទួលទានបាន៖
បន្លែពណ៌បៃតង
បន្លែប្រភេទនេះផ្ទុកទៅដោយជីវជាតិច្រើនសម្រាប់រក្សារាងកាយឲ្យមានសុខភាពល្អ តែមានកាឡូរីទាប។ ការញ៉ាំបន្លែពណ៌បៃតងក៏ជួយគ្រប់គ្រងជាតិស្ករបានយ៉ាងល្អដែរ។ ក្រៅពីនេះអ្នកនឹងទទួលបានប្រយោជន៍បន្ថែមដូចជា ព្យាបាលការស្លេកស្លាំង ថែរក្សាស្បែកឲ្យនៅសុខភាពល្អ ពង្រឹងដល់សុខភាពភ្នែក និងបេះដូងសរសៃឈាម។
ជាតិសរសៃ
អាហារសម្បូរជាតិសរសៃអាចជួយគ្រប់គ្រងជាតិស្ករក្នុងឈាមបាន។ ជាតិសរសៃនឹងពង្រឹងដល់ការរំលាយអាហារ និងជួយឲ្យឆ្អែតបានយូរ។ ជាតិសរសៃមានសមត្ថភាពបឺតស្រូបជាតិស្ករក្នុងឈាម និងជួយបញ្ចេញអាំងស៊ុយលីនក្នុងឈាមកាន់តែល្អ។ អាហារសម្បូរជាតសរសៃមានដូចជា គ្រាប់ធញ្ញជាតិ បន្លែពណ៌បៃតង ប្រូខូលី ការ៉ុត និងផ្លែបឺរីជាដើម។
ស៊ុត
ស៊ុតគឺជាអាហារមួយទៀតដែលជួយឲ្យអ្នកឆ្អែតបានយូរ ហើយផ្តល់សុខភាពទៀត។ ស៊ុតអាចពង្រឹងដល់ភាពស៊ាំរបស់អាំងស៊ុយលីន។ អ្នកជំងឺទឹកនោមផញអែមគួរតែញ៉ាំប្រូតេអ៊ីនកាន់តែច្រើន ហើយស៊ុតគឺជាជម្រើសដ៏អស្ចារ្យសម្រាប់ពួកគេហើយ។ វានឹងជួយគ្រប់គ្រងជំងឺទឹកនោមផ្អែម ហើយបញ្ចុះកូឡេស្តេរ៉ុលអាក្រក់ទៀត។
សម្បកឈើអែម
សម្បកឈើអែម សម្បូរអង់ទីអុកស៊ីដង់ណាស់។ (អាន:ថ្នាំងងុយគេង ពេលអ្នកគួរប្រើ)ការសិក្សាជាច្រើនបានផ្តោតសំខាន់ទៅលើប្រយោជន៍នៃសម្ពកឈើអែមលើអ្នកជំងឺទឹកនោមផ្អែម។ សម្បកឈើអែមអាចគ្រប់គ្រងជាតិស្ករក្នុងឈាមបាន ហើយក៏ពង្រឹងដល់ភាពស៊ាំរបស់អាំងស៊ុយលីនថែមទៀត៕
យិនសុិនកាហ្វេ ដើម្បីសុខភាព ល្អបំផុតសម្រាប់លោកអ្នក
អ្នកមានជំងឺលើសសម្ពាធឈាម កុំរំលងអាហារទាំងប៉ុន្មានមុខនេះ
សម្ពាធឈាមខ្ពស់ជាប្រចាំ អាចបណ្ដាលឲ្យខូចសរសៃឈាម ព្រមទាំងប៉ះពាល់ដល់សុខភាពថែមទៀតផង។ យ៉ាងណាមិញ យើងអាចគ្រប់គ្រងបញ្ហាសម្ពាធឈាមខ្ពស់ ដោយវិធីសាស្ត្រងាយៗ ខាងក្រោមនេះ៖
គ្រប់គ្រងទម្ងន់ខ្លួន
កាត់បន្ថយការញ៉ាំអាហារប្រៃ
ហាត់ប្រាណជាប្រចាំ
ជាមួយគ្នានេះដែរ យើងក៏អាចបញ្ចុះសម្ពាធឈាមបានយ៉ាងឆាប់រហ័ស ដោយការញ៉ាំអាហារជាក់លាក់មួយចំនួន ដូចជាគ្រាប់ធញ្ញជាតិ បន្លែ ផ្លែឈើ និងទឹកដោះគោដែលមានជាតិខ្លាញ់ទាប ព្រមទាំងជៀសវាងសារធាតុកាហ្វេអ៊ីន ខ្លាញ់ឆ្អែត និងកូលេស្តេរ៉ូល។
ពិតណាស់ សម្ពាធឈាមខ្ពស់ អាចនាំឲ្យយើងមានហានិភ័យនៃគ្រោះថ្នាក់សរសៃឈាមខួរក្បាល គាំងបេះដូង ខូចតម្រងនោម បញ្ហាភ្នែក ការចងចាំ និងសុខភាពផ្លូវភេទ។ ហេតុនេះហើយ ដើម្បីបញ្ចុះសម្ពាធឈាម យើងអាចសាកល្បងអាហារប៉ុន្មានមុខនេះ។
កំពូលអាហារជួយបញ្ចុះសម្ពាធឈាម
១. សាច់ត្រី
ការស្រាវជ្រាវបង្ហាញថា ខ្លាញ់អូមេហ្គា៣ មានគុណប្រយោជន៍ដ៏ល្អចំពោះសុខភាពបេះដូង ដោយកាត់បន្ថយការរលាក និងបញ្ចុះសម្ពាធឈាម។ បន្ថែមពីនេះ ខ្លាញ់អូមេហ្គា៣ ដែលមាននៅក្នុងត្រីត្រីសាម៉ុន ធូណា សាឌីន ដែលអាចជួយគ្រប់គ្រងសម្ពាធឈាមបានយ៉ាងមានប្រសិទ្ធភាព។
២. គ្រាប់ផ្លែឈើ និងគ្រាប់ធញ្ញជាតិ
ទន្ទឹមនឹងនេះដែរ គ្រាប់ធញ្ញជាតិមួយចំនួន ដូចជាគ្រាប់ល្ពៅដែលសម្បូរដោយអាមីណូអាស៊ីដ ប៉ូតាស្យូម និងម៉ាញេស្យូម ផ្ដល់អត្ថប្រយោជន៍ដ៏អស្ចារ្យក្នុងការបញ្ចុះសម្ពាធឈាម។
៣. បន្លែ និងផ្លែឈើ
ចំណែកសារធាតុចិញ្ចឹមដែលមាននៅក្នុងក្រូចឆ្មារ ក្រូច និងក្រូចថ្លុង សុទ្ធតែមានឥទ្ធិពលខ្លាំងក្នុងការបញ្ចុះសម្ពាធឈាម។ យ៉ាងណាមិញ ផ្លែក្រូចថ្លុង អាចបង្កការរំខានដល់ការប្រើប្រាស់ថ្នាំសម្រាប់ព្យាបាលជំងឺបេះដូង ដូច្នេះហើយ យើងចាំបាច់ត្រូវពិគ្រោះយោបល់ជាមួយគ្រូពេទ្យជំនាញ មុនពេលបញ្ចូលផ្លែឈើមួយប្រភេទនេះទៅក្នុងរបបអាហារ។ ដូចគ្នានេះដែរ ពពួកផ្លែប៊ឺរី (ប្លូប៊ឺរី ស្រ្តប៊ឺរី ឈើរី) ក៏អាចជួយកាត់បន្ថយសម្ពាធឈាមខ្ពស់ផងដែរ។ បន្ថែមពីនេះ យើងគួរញ៉ាំការ៉ុត និងបន្លែស្លឹកបៃតង ដើម្បីគ្រប់គ្រងសម្ពាធឈាមឲ្យបានល្អ។
៤. ខ្លាញ់មិនឆ្អែត
ពពួកខ្លាញ់មិនឆ្អែត ដូចជាប្រេងអូលីវ ប្រេងសណ្ដែកសៀង ជាផ្នែកមួយដ៏សំខាន់នៃរបបអាហារសម្រាប់គ្រប់គ្រងសម្ពាធឈាមខ្ពស់។
https://hellokrupet.com
អ្នកមានជំងឺទឹកនោមផ្អែមអាចញ៉ាំម្នាស់បានអត់?
អ្នកជំងឺទឹកនោមផ្អែមប្រភេទ២ តែងតែតាមដានកម្រិតជាតិស្ករក្នុងឈាមជាប្រចាំ ព្រោះការគ្រប់គ្រងកម្រិតជាតិស្ករបានល្អបង្ហាញថា អ្នកជំងឺក៏មានសុខភាពល្អប្រសើ។ ដូច្នេះហើយការគ្រប់គ្រងកម្រិតជាតិស្ករត្រូវផ្ដើមចេញពីការទទួលទានអាហារប្រចាំថ្ងៃ ពិសេសភាគច្រើនត្រូវបង្ខំចិត្ដមើលរំលងប្រភេទអាហារដែលមានជាតិផ្អែមខ្លាំងតែម្ដង។
ចំពោះ ម្ចាស់ជាផ្លែឈើមួយប្រភេទដែលមានរសជាតិផ្អែម មិនត្រឹមតែផ្អែមធម្មតានោះទេ ថែមទាំងផ្អែមខ្លាំងជាប់មាត់ទៀតផង។ នេះជាមូលហេតុធ្វើឲ្យអ្នកជំងឺទឹកនោមផ្អែមភាគច្រើនភ័យខ្លាចនឹងញ៉ាំផ្លែឈើមួយនេះ។ ប៉ុន្ដែប្រសិនបើអ្នកជំងឺចង់ញ៉ាំតើគួរធ្វើបែបណា?
ជាក់ស្ដែងណាស់ ម្នាស់គឺជាផ្លែឈើដែលសម្បូរសារធាតុចិញ្ចឹមសំខាន់ៗយ៉ាងច្រើនជំនួយដល់សុខភាពរាងកាយ មានតម្រងនោម បេះដូង ថ្លើម និងពង្រឹងប្រព័ន្ធការពារ ដូចជាប្រភេទ វីតាមីន C ជាដើម។ ក្រៅពិនោះទៀត នៅមានវីតាមីន B ម៉ាញ៉េស្យូម ជាតិដែក ប៉ូតាស្យូម កាល់ស្យូម ប្រូតេអ៊ីន និងជាតិសរសៃផងដែរ។ លើសពីនេះ ម្នាស់គ្មានជាតិ កូលេស្ដេរ៉ូល ដែលអាចធ្វើឲ្យប៉ះពាល់ដល់ចរន្ដឈាមនោះទេ។
របៀបនៃការញ៉ាំផ្លែម្នាស់សម្រាប់អ្នកជំងឺទឹកនោមផ្អែម
ផ្លែម្នាស់ស្រស់ មានកម្រិតសន្ទស៍ជាតិស្ករ៦៦ (GI) ស្ថិតក្នុងកម្រិតមធ្យម នៃរវង្វាស់ជាតិស្ករក្នុងរបបអាហារ អ្នកជំងឺទឹកនោមផ្អែមប្រភេទ២។ ដូច្នេះការទទួលទានម្នាស់ក៏ត្រូវមានការប្រយ័ត្នផងដែរ។
អ្នកជំងឺទឹកនោមផ្អែមប្រភេទ២អាចញ៉ាំម្នាស់ បានក្នុងបរិមាណ ល្មម មិនច្រើនពេក ហើយជាប្រភេទម្នាស់ ដែលនៅស្រស់ មិនមែនជាប្រភេទម្នាស់ ដែលត្រូវបានកែច្នៃ ដូចជា ការច្រកកំប៉ុង ឬដំណាប់ទេ។ ប្រការដែលមិនអាចញ៉ាំម្នាស់កែច្នៃព្រោះផលិតផលអាចត្រូវបានបន្ថែមជាតិស្ករ ឬប្រើសាធាតុគីមីដើម្បីរក្សាគុណភាពជាហេតុប៉ះពាល់ដល់សុខភាព។
លើសពីនេះទៅទៀត អ្នកជំងឺអាចញ៉ាំម្នាស់បានជាមួយអាហារដទៃបាន ដូចជាគ្រាប់ធញ្ញជាតិអាហារដែលមានជាតិសរសៃច្រើន ពិសេសប្រភេទអាហារមានកម្រិតជាតិស្ករទាបមិនបង្កឲ្យជាតិស្ករក្នុងឈាមឡើងបាន។
https://hellokrupet.com
ផលវិបាកជំងឺទឹកនោមផ្អែម មានអ្វីខ្លះ?
អ្នកជំងឺទឹកនោមផ្អែម អាចវិវត្តទៅជាបញ្ហាមួយចំនួនទៀតដូចជា៖ - ជំងឺបេះដូង - មានបញ្ហាភ្នែក - តម្រងនោមមានផលវិបាក (ខូចតម្រងនោម) - ជំងឺដាច់សរសៃឈាមខួរក្បាល - ការខូចខាតសរសៃប្រសាទ - ខ្សោយការស្តាប់ - បញ្ហាជើង (ដំបៅ ឬកាត់ជើង)
https://hellokrupet.com/
Click here to claim your Sponsored Listing.
Videos (show all)
Category
Contact the business
Address
#9/10A, 5 Nation Road Sang
Phnom Penh
12100
Ampov
Phnom Penh, 124555
We sell many kinds of healthy foods and snacks. Basically, we sell anything that is snackable.
Military Brigade 70, National Highway 3, DK 17, Phum Thnal Bambaek, Sangkat Chaom Chau 3, Khan Pou Senchey, 120911
Phnom Penh, 12350
ផ្សារកសិផលធម្មជាតិ ៩៧ គិតពីសុខភាពជ?
217
Phnom Penh, STUNGMEANCHEY
សូមស្វាគមន៏មកាន់ទំព័រអាហារសុខភាពនិងរបៀបធ្វើម្ហូបឆ្ងាញ់ៗ
St 155
Phnom Penh, 12310
Food Van provides healthy food with high quality with a convenient services (delivery) to customers. We aim to make a better living life that you can enjoy the food taste easily.
Street 210
Phnom Penh
លក់អង្ករធម្មជាតិ អង្ករសម្រូប បោះដុំ និងរាយ និងជួយបង្កើតអាជីវកម្មអង្ករ ។ 092 999 646