ផ្នែកវប្បធម៌និងសាសនានៃយុវជនគណបក្សប្រជាជនកម្ពុជាថ្នាក់កណ្ដាល

លោក ជីន សុខណា អនុប្រធានទទូលបន្ទុកឥស្លាម សាសនានិងគ្រីស្តសាសនា នៃក្រុមជំនួយការផ្នែកវប្បធម៌និងសាសនា យុវជនគណបក្សប្រជាជនកម្ពុជាថ្នាក់កណ្ដាល បានជួបសំណេះសំណាល សួរសុខទក្ខ អប់រំ ណែនាំដល់យុវជននឹងលើកទឹកចិត្ត មាតាបីតាអណាព្យាបាលយុវជន
នៅក្នុងសហគមកោគឃ្លាង សង្កាតកោគឃ្លាង ខណ្ឌសែនសុខ ដោយឃើញគ្រួសារយុវជន15គ្រួសារ ខ្វះខាតខ្ញុំបាទនឹងក្រុមការងារបានយកកញ្ចប់សប្បុរស់ធម៌ ទៅជួនដល់គេហដ្ឋានផ្ទាល់ គឺមានអង្ករ10kg នឹងគ្រឿងទេស មួយកញ្ចប់ផងដែរ (បានមកពីសមាជិកក្រុមជំនុំផ្សព្វផ្សាយដំណឹងល្អកម្ពុជា ដែលមានលោកគ្រូគង្វាល ជីន សុខណា ជាប្រមុខដឹកនាំ) សូមបញ្ជាក់ លោកគ្រូគង្វាល ជីន សុខណា ជាប្រធានសមាគនគ្រីស្ទបរិស័ទដើម្បីអប់រំ ផងដែរនៅក្នុងនោះ លោកប្រធានសមាគមបង្កើតថ្នាក់រៀនភាសាអង់គ្លេសរៀននៅក្នុងថ្នាក់នឺងនៅតាមហ្សូម។

លោក ហ៊ីម លុកម៉ាន អនុប្រធានក្រុមការងារទំនាក់ទំនងបណ្ដាញសង្គម សូមគោរពរាយការណ៍ជូនឯកឧត្តម ប្រធាននានាថ្ងៃសុក្រ ១០ រោច ខែភទ្របទ ឆ្នាំរោងឆស័ក ពុទ្ធសករាជ ២៥៦៨ត្រូវនឹងថ្ងៃទី២៧ ខែកញ្ញា ឆ្នាំ២០២៤ ត្រូវនឹងថ្ងៃ២៣ខែ រ៉ពីអ៊ុលអាវល់ ឆ្នាំ១៤៤៦ម៉ូហាំម៉ាត់សករាជ បានធ្វើកម្មវិធីយល់ដឹងពីព្រះពុទ្ធសាសនា និងឥស្លាមសាសនា សប្ដាហ៍នេះ ក្រោមប្រធានបទ: សិទ្ធិរបស់កូនដែលអាព្យាបាលត្រូវបំពេញជូន ពូកគេ ខ្ញុំបាទ ហ៊ីម លុកម៉ាន ពិធីករនិងជាអ្នកសម្របសម្រួលកម្មវិធីនេះ ។

កម្មវិធីយល់ដឹងពីព្រះពុទ្ធសាសនា និងឥស្លាមសាសនា ដែលធ្វើការផ្សាយផ្ទាល់ រៀងរាល់ថ្ងៃសុក្រ ចាប់ពីម៉ោង៩ ដល់ម៉ោង ១០ព្រឹក ។

ក្រោមកិច្ចសហការ កម្មវិធីផ្សាយផ្ទាល់ នៅលើផេកផ្លូវការចំនួន០៤: មន្ទីរព័ត៌មានខេត្តត្បូងឃ្មុំ,ទីភ្នាក់ងារសារព័ត៌មានកម្ពុជាខេត្តត្បូងឃ្មុំ ,ទូរទស្សន៍ជាតិខេត្តត្បូងឃ្មុំ ,និងវិទ្យុជាតិFM.88 MHzខេត្តត្បូងឃ្មុំ។

សម្រាប់ វាគ្មិនកិត្តិយសនឹងធ្វើអត្ថាធិប្បាយ ជា ភាសាខ្មែរដោយ អូស្តើស លីម កម៉ា ជាគ្រូបង្រៀនផ្នែកសាសនាឥស្លាម នៅមជ្ឈមណ្ឌលអាប់ទុលអាស្សុីសអាល់យ៉ះយ៉ាទីរួមខេត្តត្បូងឃ្មុំ។


គ្រប់គ្រង កម្មវិធី ដោយ លោក វ៉ាន់ វីរៈ និងលោក ធីន ស៊ីថាច
សម្របសម្រួលកម្មវិធីដោយ លោក ហ៊ីម លុកម៉ាន លោក សាយ សែន ។

ពិធីករ លោក ហ៊ីម លុកម៉ាន

បច្ចេកទេស ដោយ លោក អឿន សម្បត្តិ លោក កេន ចាន់ធី

លោក សឿយ ឡាក់ ក្រហមជំនួយការផ្នែកវប្បធម៌និងសាសនា និងជាប្រធានអង្គការ អឹមជី និងជាសមាជិកគណៈកម្មការក្រុមប្រឹក្សាបណ្តាណាព្រះវិហារគ្រីស្ទបរិស័ទកម្ពុជា រួមជាមួយសហការី
នៃអង្គការ អេអឹមជី-កម្ពុជា បានកំពុងធ្វើការវិចខ្ចប់ គ្រឿងបរិភោគ ឧបភោគមួយចំនួន និងសម្ភារៈកុមារ ព្រមទាំង ខិតប័ណ្ណ សៀវភៅសម្រាប់ផ្សាយដំណឹងល្អ បានយកទៅចែកជូនបងប្អូនបហរជាពករដ្ឋនៅថ្ងៃទី ៧ ខែកញ្ញា ឆ្នាំ២០២៤ ចំនួន៥ភូមិ។
១. ភូមិដីលើក
២. ភូមិបន្ទាយស្លឹក
៣. ភូមិជ័យជោគ
៤. ភូមិសង្កែជួរ
៥. ភូមិអញ្ចាញ ដែលភូមិទាំងគឺស្ថិតនៅក្នុងឃុំជ័យជោគ ស្រុកបូរីជុលសា ខេត្តតាកែវ នៅតាមបណ្តោយព្រំដែនកម្ពុជា វៀតណាម។

ចូលរួមប្រគល់សញ្ញាបត្រថ្នាក់បរិញ្ញាបត្រ និងបរិញ្ញាបត្រជាន់ខ្ពស់ ចំនួន ៣ ៥៣០ អង្គ/នាក់ ជូននិស្សិតជ័យលាភី នៃសាកលវិទ្យាល័យភូមិន្ទនីតិសាស្រ្ត និងវិទ្យាសាស្រ្តសេដ្ឋកិច្ច។

សាកលវិទ្យាល័យភូមិន្ទនីតិសាស្រ្ត និងវិទ្យាសាស្រ្តសេដ្ឋកិច្ច បាននិងកំពុងដើរតួនាទីយ៉ាងសំខាន់ ក្នុងការបណ្តុះបណ្តាលធនធានមនុស្សផ្នែកច្បាប់ រដ្ឋបាលសាធារណៈ សេដ្ឋកិច្ច និងផ្នែកផ្សេងៗទៀត ដើម្បីបម្រើឱ្យការអភិវឌ្ឍសេដ្ឋកិច្ច និងសង្គមនៅកម្ពុជា។ និស្សិតជ័យលាភីដែលត្រូវទទួលសញ្ញាបត្រនៅថ្ងៃនេះ មានចំនួនសរុប ៣ ៥៣០ អង្គ/នាក់ ក្នុងនោះ និសិ្សតបញ្ចប់ការសិក្សាថ្នាក់បរិញ្ញាបត្រមានចំនួន ២ ៩៤២ នាក់ (នារី ១ ៥៩៦ នាក់ ស្មើនឹង ៥៤,២៥%) និង និស្សិតថ្នាក់បរិញ្ញាបត្រជាន់ខ្ពស់ចំនួន ៥៨៨ នាក់ (នារី ២២៦ នាក់ ស្មើនឹង ៣៨,៤៣%)។ បើពាក់ព័ន្ធនឹងជំនាញវិញ មាននិស្សិតផែ្នកនីតិសាស្ត្រចំនួន ១ ៩១១ នាក់ (នារី ៨២៤ នាក់) និស្សិតផ្នែករដ្ឋបាលសាធារណៈចំនួន ៧៨៨ នាក់ (នារី ៤៤១ នាក់) និង និស្សិតផ្នែកវិទ្យាសាស្ត្រសេដ្ឋកិច្ចចំនួន ៨៣១ នាក់ (នារី ៥៥៧ នាក់)។

រាជធានីភ្នំពេញ ព្រឹកថ្ងៃព្រហស្បតិ៍ ទី២៦ កញ្ញា ២០២៤

ឯកឧត្តម ឆាយ វណ្ណាជាសមាជិកក្រុមសមាជិកព្រឹទ្ធសភាប្រចាំភូមិភាគទី២ រៀបចំពិធីសំណេះសំណាលជាមួយអង្គបោះឆ្នោតនៃក្រុមប្រឹក្សាឃុំទាំង១២ ក្នុងស្រុកបាធាយ និងក្រុមប្រឹក្សាឃុំទាំង១០ ក្នុងស្រុកជើងព្រៃ

នាថ្ងៃពុធ ទី២៥ ខែកញ្ញា ឆ្នាំ២០២៤ ឯកឧត្តម ឆាយ វណ្ណា ប្រធានផ្នែកវប្បធម៌និងសាសនា និងជាសមាជិកក្រុមសមាជិកព្រឹទ្ធសភាប្រចាំភូមិភាគទី២ (ខេត្តកំពង់ចាម និងខេត្តត្បូងឃ្មុំ)បានចូលរួមអមដំណើរ ឯកឧត្តម អ៊ុច បូររិទ្ធ អនុប្រធានទី២ព្រឹទ្ធសភា និងជាប្រធានក្រុមសមាជិកព្រឹទ្ធសភាប្រចាំភូមិភាគទី២ បានអញ្ជើញជួបសំណេះសំណាលជាមួយនឹងអង្គបោះឆ្នោត នៃក្រុមប្រឹក្សាឃុំទាំង១២ ក្នុងស្រុកបាធាយ និងក្រុមប្រឹក្សាឃុំទាំង១០ ក្នុងស្រុកជើងព្រៃ ខេត្តកំពង់ចាម ដោយមានការអញ្ជើញចូលរួមពីអភិបាលរងខេត្ត ប្រធានក្រុមប្រឹក្សាស្រុក អភិបាលស្រុក សមាជិកក្រុមប្រឹក្សាឃុំ ប្រធានសមាគមក្រុមប្រឹក្សាក្រុង ស្រុក ឃុំ សង្កាត់ នាយប៉ុស្តិ៍នគបាលឃុំ និងស្មៀនឃុំ ក្នុងស្រុកបាធាយចំនួន ១១១នាក់ និងក្នុងស្រុកជើងព្រៃចំនួន ៩៥នាក់។

ក្នុងឱកាសសំណេះសំណាលដាច់ដោយឡែកពីគ្នា ឯកឧត្តមប្រធានក្រុម បានជម្រាបជូនអង្គពិធីអំពីតួនាទី មុខងារ និងអាទិភាពរបស់ព្រឹទ្ឋសភា នីតិកាលទី៥ ក្រោមការដឹកនាំប្រកបដោយគតិបណ្ឌិតរបស់សម្តេចតេជោ ប្រធានព្រឹទ្ធសភា ជាពិសេសការចុះជួបប្រាស្រ័យជាមួយនឹងអង្គបោះឆ្នោត និងប្រជាជននៅតាមមូលដ្ឋាន ដើម្បីធ្វើការពិភាក្សា ស្តាប់មតិយោបល់ សំណូមពរ និងបញ្ហាប្រឈមនានា ព្រមទាំងចូលរួមមតិជួយពង្រឹងការអនុវត្តតួនាទីរបស់ក្រុមប្រឹក្សាឃុំ សង្កាត់ ការផ្តល់សេវាសាធារណៈ ការងារអនុវត្តន៍គោលនយោបាយវិមជ្ឈការនិងវិសហមជ្ឈការ ការពង្រឹងការអនុវត្តគោលនយោបាយភូមិ ឃុំមានសុវត្ថិភាព និងការងារអភិវឌ្ឍន៍មូលដ្ឋាន។

ឯកឧត្តមប្រធានក្រុមបានរំឭកដោយសង្ខេបអំពីសភាពការណ៍អស់រយៈជាងពីរទសវត្សរ៍ក្នុងការឆ្លងកាត់សង្គ្រាម និងរបបប្រល័យពូជសាសន៍ និងការតស៊ូរបស់វីរៈជនស្នេហាជាតិក្នុងការរំដោះជាតិរួចផុតពីរបបប្រល័យពូជសាសន៍ ការកសាង ការថែរក្សាសន្តិភាព និងការអភិវឌ្ឍប្រទសជាតិរីកចម្រើនរហូតមកដល់ពេលបច្ចុប្បន្ន។ ជាមួយគ្នានេះ ឯកឧត្តមក៏បានជម្រាបជូនអង្គពិធីជ្រាបអំពីល្បិចកលអុជអាល បំផុសបំបែកបំបាក់សង្គមជាតិ ដោយជនអគតិជ្រុលនិយម ជុំវិញបញ្ហា CLV និងការសម្រេចចិត្តដ៏ត្រឹមត្រូវ និងឈ្លាសវៃរបស់សម្តេចតេជោ ហ៊ុន សែន ប្រធានព្រឹទ្ធសភា និងគោលជំហររបស់រាជរដ្ឋាភិបាលកម្ពុជាក្រោមការដឹកនាំដ៏ខ្ពង់ខ្ពស់របស់សម្តេចធិបតី ហ៊ុន ម៉ាណែត នាយករដ្ឋមន្រ្តី ស្តីពីតំបន់ត្រីកោណអភិវឌ្ឍន៍កម្ពុជា ឡាវ វៀតណាម (CLV DTA)។ ជាថ្មីម្តងទៀត ឯកឧត្តមប្រធានក្រុមសមាជិកព្រឹទ្ធសភាភូមិភាគទី២ បានក្រើនរំឭកដល់អ្នកចូលរួម និងអំពាវនាវឱ្យបងប្អូនប្រជាពលរដ្ឋទាំងអស់នៅក្នុងមូលដ្ឋាន បន្តពង្រឹងសាមគ្គីភាព ឯកភាពជាតិ ដែលជាកក្តាចម្បងសំខាន់បំផុត ក្នុងកិច្ចការពារសន្តិភាព ការរក្សាស្ថិរភាព និងការអភិវឌ្ឍជាតិមាតុភូមិកម្ពុជា។

ឆ្លើយតបនឹងសំណូមពររបស់ឃុំជាលា ក្នុងស្រុកបាធាយ ក្រុមសមាជិកព្រឹទ្ធសភាប្រចាំភូមិភាគ២ បានដោះស្រាយថវិកាជូនសម្រាប់ការទិញគ្រួសក្រហម ដើម្បីចាក់បំពេញផ្លូវសំបុកមាន់ ពីភូមិភ្នំដិល ទៅភូមិតាងិល ដែលមានប្រវែង ៣.៣៣៥ម៉ែត្រ។

មុននឹងបញ្ចប់ពិធី ឯកឧត្តមប្រធានក្រុមក៏បានប្រគល់ជូន ក្នុងម្នាក់នូវកញ្ចប់ឃីត១ រួមមាន៖ ខោ អាវ មួក ថ្នាំពេទ្យ និងថវិកា ១ម៉ឺនរៀល ដល់អ្នកចូលរួមទាំងអស់។

លោក កេត ច័ន្ទតារា ជំនួយការយុវជនកណ្តាលផ្នែកវប្បធម៌និងសាសនាបានចូលរួមធ្វើជាគណះធិបតីបើកការប្រកួតកីឡាបាល់ទាត់មិត្តភាពរបស់យុវជនគ្រីស្ទបរិស័ទខេត្តកណ្តាល និងបានជួបសំណេះសំណាល អប់រំដល់យុវជនកុំអោយប្រើប្រាស់គ្រឿងញៀន និងធ្វើជាបងធំ។ល។
ដែលកម្មវិធីនេះធ្វើនៅថ្ងៃទី២៤ខែកញ្ញាឆ្នាំ២០២៤ នៅក្នុងទឹកដីស្រុកស្អាងខេត្តកណ្តាលដោយមានអ្នកចូលរួមចំនួនជាង២០០នាក់ ដោយមានការប្រកួតចំនួន៧គូរ ក្រុមយុវតី៣គូរ ក្រុមយុវជន៣គូរ និងគ្រូគង្វាល១គូរ ចាប់ពីម៉ោង៧:០០ ដល់ ៥:០០ល្ងាច។

លោក មីន ម៉ាត់សុក្រី សមាជិកក្រុមជំនួយការផ្នែកវប្បធម៌និងសាសនា បានផ្ដល់ជូនបង្គន់អនាម័យចំនួន១បន្ទប់ជូនដល់គ្រួសារក្រីក្រនៅភូមិត្នោត ឃុំពង្រ ស្រុកឆ្លូង

(ក្រចេះ)នៅថ្ងៃអាទិត្យ ទី២២ ខែកញ្ញា ឆ្នាំ ២០២៤ លោក មីន ម៉ាត់សុក្រី សមាជិកក្រុមជំនួយការផ្នែកវប្បធម៌និងសាសនា នៃយុវជនគណបក្សប្រជាជនកម្ពុជាថ្នាក់កណ្ដាល អនុប្រធានក្រុមការងារយុវជនគណបក្សស្រុកក្រូចឆ្មារ និង សមាជិកគណៈចលនាសាសនិកឥស្លាមខេត្តត្បូងឃ្មុំ អនុប្រធានក្រុមការងារយុវជនគណបក្សឃុំទ្រា និងជាប្រធានសមាគមសប្បុរសធម៌អាល់មុមីនីនកម្ពុជាបានផ្ដល់ជូនបង្គន់អនាម័យចំនួន១បន្ទប់ជូនដល់គ្រួសារក្រីក្រនៅភូមិត្នោត ឃុំពង្រ ស្រុកឆ្លូង ខេត្តក្រចេះដែលចំណាយថវិកាសរុប៤០០ដុល្លារអាមេរិក(បួនរយដុល្លារ )។
ពិធីប្រគល់នេះក្រោមអធិបតីភាព ឯកឧត្តម សាន់ ឡាទីន សមាជិកព្រឹទ្ធសភា និងជាអុីមុាំខេត្តក្រចេះដែរក៏មានការអញ្ជើញចូលរួម និងបងប្អូនមួយចំនួនផងដែរ។

ប្រជាពលរដ្ឋនៅក្នុងមូលដ្ឋានស្រុកតំបែរទទូលបង្គន់អនាម័យចំនួន១៥ ពីឯកឧត្តម លី ស៊ីណូ អនុប្រធានក្រុមការងារទទួលបន្ទុកឥស្លាមសាសនា និងគ្រឹស្តសាសនា
(ត្បូងឃ្មុំ)នាព្រឹកថ្ងៃអាទិត្យ ៥ រោច ខែភទ្របទ ឆ្នាំរោង ឆស័ក ពស ២៥៦៨
ត្រូវនឹងថ្ងៃទី២២ ខែកញ្ញា ឆ្នាំ២០២៤ ឯកឧត្តម លី ស៊ីណូ អនុប្រធានក្រុមការងារទទួលបន្ទុកឥស្លាមសាសនា និងគ្រឹស្តសាសនា បានចុះពិនិត្យបង្គន់អនាម័យដែលបានសាងសង់ជូនប្រជាពលរដ្ឋនៅក្នុងមូលដ្ឋានស្រុកតំបែរ ខេត្តត្បូងឃ្មុំចំនួន១៥បង្គន់។ ដែលមានការអញ្ជើញចូលរួមពីសំណាក់ក្រុមជំនួយការផ្នែកវប្បធម៌និងសាសនាចំនួនពីររូប និងប្រជាពលរដ្ឋទាំង១៥គ្រួសារផងដែរ។
ឯកឧត្តម លី ស៊ីណូ មានប្រសាសន៍ថាទៅកាន់បងប្អូនប្រជាពលរដ្ឋថាទីណាមានទុក្ខលំបាករបស់ប្រជាពលរដ្ឋ ទីនោះតែងតែមានមន្ត្រីគណបក្សប្រជាជនជនិច្ចមកជួយបងប្អូនប្រជាពលរដ្ឋ។
សូមបញ្ជាក់ថា បង្គន់អនាម័យខាងលើ មានចំនួនសរុប ១៥បង្គន់ បានសាងសង់រួចរាល់ជាស្ថាពរជូនប្រជាពលរដ្ឋដែលមានជីវភាពខ្វះខាតនៅក្នុងភូមិចំនួន០៤គឺ៖ ភូមិសែនមនោរ័ត្ន ឃុំត្រពាំងព្រីង ចំនួន០៥បង្គន់ និងឃុំសេដា ចំនួន១០បង្គន់ (ភូមិសំព័រ២បង្គន់ ភូមិថ្នល់កែង ចំនួន៣បង្គន់ និងភូមិព្រែកជ័រ ចំនួន៥បង្គន់ ៕

ឯកឧត្តម ខាន់ ខុន អនុប្រធានទទួលបន្ទុក ឥស្លាមសាសនានិងគ្រីស្ត សាសនា និងក្រុមការងារ បានជួបសំណេះសំណាលជាមួយប្រជាពលរដ្ឋ និងដាក់ឱ្យប្រើប្រាស់អណ្តូងស្នប់ អាហ្វ្រ៊ីដេស ចំនួន៩កន្លែង នៅខេត្តកំពង់ធំ

ឯកឧត្តម ខាន់ ខុន អនុប្រធានទទួលបន្ទុក ឥស្លាមសាសនានិងគ្រីស្ត សាសនាក្រុមជំនួយផ្នែកវប្បធម៌និងសាសនានៃក្រុមការងារយុវជនគណបក្សថ្នាក់កណ្តាលប្រធានសមាគមគ្រីស្ទបរិស័ទក្នុងសន្តិភាព និង ថ្ងៃទី ២០-២១ ខែកញ្ញា ឆ្នាំ២០២៤ និងក្រុមការងារ បានជួបសំណេះសំណាលជាមួយប្រជាពលរដ្ឋ និងដាក់ឱ្យប្រើប្រាស់អណ្តូងស្នប់ អាហ្វ្រ៊ីដេស ចំនួន៩កន្លែង នៅខេត្តកំពង់ធំ ដែលមានរាយនាមដូចខាងក្រោម គឺ៖

1- ភូមិដូនតុំ ឃុំឈូកខ្សាច់ ស្រុកបារាយណ៍
2- ភូមិថ្មី ឃុំឈូកខ្សាច់ ស្រុកបារាយណ៍
3- ភូមិចាន់ល្ហង ឃុំឈូកខ្សាច់ ស្រុកបារាយណ៍
4- ភូមិស្វាយកាល់ ឃុំកកោះ ស្រុកសន្ទុក
5- ភូមិអូរកោះគគី ឃុំជ្រាប់ ស្រុកសន្ទុក
6- ភូមិតាព្រាច ឃុំទីពោធិ៍ ស្រុកសន្ទុក
7- ភូមិវាល ឃុំសាន់គ ស្រុកកំពង់ស្វាយ
8- ភូមិគោកងួន ឃុំសាន់គ ស្រុកកំពង់ស្វាយ
9- ភូមិក្រសាំងក ឃុំសាន់គ ស្រុកកំពង់ស្វាយ

លោក បណ្ឌិត វ៉ា សុធារិទ្ធ សមាជិកក្រុមការងារ ជំនួយការផ្នែក វប្បធម៌ និងសាសនា បានចូលរួមជាមួយ ឯកឧត្តមបណ្ឌិត ហេង វ៉ាន់ដា ប្រធានក្រុមការងារគណបក្សចុះជួយឃុំ ស្ពឺ ស្រុកចំការលើ ខេត្តកំពង់ចាម អញ្ជើញត្រួតពិនិត្យ៖ផ្លូវ ចំនួន៥ខ្សែ (ផ្លូវបេតុងថ្មី១)

(កំពង់ចាម)នាព្រឹកថ្ងៃសៅរ៍ ៤រោច ខែភទ្របទ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី២១ ខែកញ្ញា ឆ្នាំ២០២៤ វេលាម៉ោង ០៧.០០ នាទីលោក បណ្ឌិត វ៉ា សុធារិទ្ធ សមាជិកក្រុមការងារ ជំនួយការផ្នែក វប្បធម៌ និងសាសនា និងជាអនុប្រធានក្រុមការងារគណបក្សចុះមូលដ្ឋាន ឃុំស្ពឺ ស្រុក ចំការលើ ខេត្តកំពង់ចាម បានចូលរួមជាមួយ ឯកឧត្តមបណ្ឌិត ហេង វ៉ាន់ដា ប្រធានក្រុមការងារគណបក្សចុះជួយឃុំ ស្ពឺ ស្រុកចំការលើ ខេត្តកំពង់ចាម ដោយមានការអញ្ជើញចូលរួម លោក ធិន សុធា មេឃុំស្ពឺ,លោក ហ៊ាង ម៉េង ក្រុមប្រឹក្សាឃុំស្ពឺ,លោក ហ៊ាង ហ័ង ក្រុមប្រឹក្សាឃុំស្ពឺ,មេបុស្តិ៍ឃុំស្ពឺ,គណះភូមិទាំង៨ និងភាគីពាក់ព័ទ្ធទាំងអស់ អញ្ជើញត្រួតពិនិត្យ៖
១-ផ្លូវលេខ១៣
២-ផ្លូវស្ពឺ៤
៣-ផ្លូវស្ពឺ៥
៤-ផ្លូវស្ពឺ៦
៥-ផ្លូវស្ពឺ៧ (ផ្លូវបេតុងថ្មី)
និងនៅ វេលាម៉ោង ០៨:០០នាទីព្រឹកថ្ងៃដដែលបានចូលរួមកិច្ចប្រជុំ វេទិការសាធារណៈ
ក្រោមអធិបតីភាពដ៏ខ្ពង់ខ្ពស់របស់ ឯកឧត្តមបណ្ឌិត ហេង វ៉ាន់ដា ប្រធានក្រុមការងារគណបក្សចុះជួយឃុំស្ពឺ ដោយមានការអញ្ជើញចូលរួមពីសំណាក់ លោក ស៊ីវ ប៊ុនណាត អភិបាលរងស្រុក និង ឯកឧត្តម លោក លោកស្រី អ្នកនាង កញ្ញា ដែលជាក្រុមការងាររបស់រាជរដ្ឋាភិបាល,ក្រុមការងាររបស់ថ្នាក់ស្រុក និងក្រុមការងាររបស់ថ្នាក់ឃុំ ដែរធ្វើនៅផ្លូវលេខ១០ ស្ថិតក្នុងភូមិស្ពឺលិច ឃុំស្ពឺ ស្រុកចំការលើ ខេត្តកំពង់ចាម។

កិច្ចប្រជុំបូកសរុបការងារ៩ខែឆ្នាំ២០២៤និងទិសដៅបន្តរបស់ក្រុមការងារផ្នែកវប្បធម៌និងសាសនានៃយុវជនគណបក្សថ្នាក់កណ្ដាល ក្រោមអធិបតីភាពដ៏ខ្ពង់ខ្ពស់ ឯកឧត្តមបណ្ឌិត ថេង ច័ន្ទសង្វារ អនុប្រធានយុវជនគណបក្សថ្នាក់កណ្តាល និងជាតំណាងដ៏ខ្ពង់ខ្ពស់របស់ សម្តេចមហាបវរធិបតី ហ៊ុន ម៉ាណែត ប្រធានយុវជនគណបក្សថ្នាក់កណ្តាល

(វិមាន៧មករា) នាព្រឹកថ្ងៃសៅរ៍ទី២១ខែកញ្ញាឆ្នាំ២០២៤ កិច្ចប្រជុំបូកសរុបការងារ៩ខែឆ្នាំ២០២៤និងទិសដៅបន្តរបស់ក្រុមការងារផ្នែកវប្បធម៌និងសាសនានៃយុវជនគណបក្សថ្នាក់កណ្ដាល ក្រោមអធិបតីភាពដ៏ខ្ពង់ខ្ពស់ ឯកឧត្តមបណ្ឌិត ថេង ច័ន្ទសង្វារ អនុប្រធានយុវជនគណបក្សថ្នាក់កណ្តាល និងជាតំណាងដ៏ខ្ពង់ខ្ពស់របស់ សម្តេចមហាបវរធិបតី ហ៊ុន ម៉ាណែត ប្រធានយុវជនគណបក្សថ្នាក់កណ្តាល។
ដែលកម្មវិធីប្រជុំនេះបានប្រារព្ធឡើងនៅបន្ទប់លេខ១១៦ វិមាន៧មករាដែលមានការអញ្ជើញចូលរួមពីសំណាក់ ឯកឧត្តម ឆាយ វណ្ណា ប្រធានផ្នែកវប្បធម៌ និងសាសនា ឯកឧត្តម អនុប្រធានផ្នែក ទាំងបី ឯកឧត្តម លោកជំទាវ លោក លោកស្រី ប្រធាន/អនុប្រធានទទូលបន្ទុកទាំង៥ ផ្នែក សមាជិក សមាជិកា ព្រមទាំងក្រុមជំនួយការ ទាំងអស់។

អបអរសាទរ ព្រឹត្តិការណ៍សមរាត្រី (បាតុភូតព្រះអាទិត្យរះចំកណ្ដាលកំពូលប្រាសាទអង្គរវត្ត)

រដូវវស្សា Autumnal Equinox ចន្លោះថ្ងៃ ២១ ដល់ ២៣ កញ្ញា

🌐 Hun Manet
🌐 Samdech Thipadei Hun Manet, Prime Minister of Cambodia
🌐 Instagram
🌐 X(Twitter)
🌐 YouTube
🌐 Tiktok

#ហ៊ុនម៉ាណែត #កម្ពុជា #សន្តិភាពនៅកម្ពុជា

ខេត្តបន្ទាយមានជ័យ នាព្រឹកថ្ងៃអាទិត្យ ទី១៥ ខែកញ្ញា ឆ្នាំ២០២៤ លោក សុះ រ៉ូហ្សាលី ក្រុមជំនួយការផ្នែកវប្បធម៍និងសាសនា បានចូលរួមអមដំណើរ លោក កែសួនសុភាព ប្រធាន សសយកខេត្តបន្ទាយមានជ័យ ក្នុងកម្មវិធីប្រកាសទទួលស្គាល់និងបំពេញបន្ថែម ប្រធាន អនុ សមាជិក សសយក ស្រុកម៉ាឡៃ ដោយមានការចួលរួមពី អនុប្រធាន និងសមាជិកអចិន្ត្រៃយ៍សសយកខេត្ត លោកប្រធានក្រុមប្រឹក្សាស្រុក អភិបាលស្រុក និងមន្ត្រីក្រោមឱវាទ កងកំលាំងទាំង៣ និងសមាជិក សមាជិកានៃសសយកស្រុកម៉ាឡៃ សរុប ជិត ៥០០ នាក់។

ក្រុមជំនួយការផ្នែកវប្បធម៌និងសាសនាបានសិក្សាវគ្គបណ្តុះបណ្តាលស្តីពី «មូលដ្ឋានគ្រឹះគ្រប់គ្រងព័ត៌មានបែបឌីជីថល„ក្រោមអធិបតីភាព ដ៏ខ្ពង់ខ្ពស់ឯកឧត្តម នេត្រ ភក្ត្រា

(ភ្នំពេញ)នារសៀលថ្ងៃអាទិត្យ ១៣កើត ខែភទ្របទ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី១៥ ខែកញ្ញា ឆ្នាំ២០២៤ក្រុមជំនួយការផ្នែកវប្បធម៌និងសាសនានៃយុវជនគណបក្សប្រជាជនកម្ពុជាបានមកសិក្សាលើវគ្គបណ្តុះបណ្តាលស្តីពី ‘’មូលដ្ឋានគ្រឹះគ្រប់គ្រងព័ត៌មានបែបឌីជីថល’’ក្រោមអធិបតីភាព ដ៏ខ្ពង់ខ្ពស់ ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន។

វគ្គបណ្តុះបណ្តាលពិសេស លើកទី៤ ក្រោមប្រធានបទ «មូលដ្ឋានគ្រឹះគ្រប់គ្រងព័ត៌មានបែបឌីជីថល» រៀបចំឡើងដោយសមាគមអភិវឌ្ឍន៍វិជ្ជាជីវៈអ្នកសារព័ត៌មានកម្ពុជា សហការជាមួយសមាគមសារព័ត៌មានចំនួន៤ ដោយមានអ្នកសារព័ត៌មានចូលរួមសិក្សាចំនួន ៦៨៤នាក់។ ហើយក្នុងនោះដែរក៏មានវត្តមានក្រុមជំនួយការផ្នែកវប្បធម៌និងសាសនានៃយុវជនគណបក្សប្រជាជនកម្ពុជាដែលមានឈ្មោះដូចខាងក្រោម​​ លោក ជីន សុខណា អនុប្រធានក្រុមសាសនាគ្រីស្ទបានដឹកនាំយុវជនសាសនាគ្រីស្ទ លោក​ សែម ឈុង , លោក ហ៊ីម លុកម៉ាន,លោក យោក គន្ធាសម្បូរណ៍​,លោក ប៊ុន សម្បត្តិ ,លោក សម ត្រា,លោក រៀម សំណាង,លោក លោក ស៊ីន ដាលីម ,លោក សុខ ណែវ,លោក ជីន ប៉ូល,លោក សម្បូរណ៍ រតនាគារ,លោក សម្បូរណ៍ សុវណ្ណរតន: ។ ដែលបានប្រារព្ធឡើងនៅអគារខេមរវិទ្យូ រាជបណ្ឌិត្យសភាកម្ពុជាដែលមានពីរថ្ងៃគឺចាប់ផ្ដើមពី ថ្ងៃទី ១៤-១៥ ខែកញ្ញា ឆ្នាំ២០២៤៕

សូមគោរពអបអរសាទរ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា ក្នុងឱកាសដ៏នក្ខត្តឫក្សនៃការទទួលសញ្ញាបត្របណ្ឌិតកិត្តិយស «ភាពជាអ្នកដឹកនាំ និងការកសាងសន្តិភាព» ពីសាកលវិទ្យាល័យ ដុងហ្គុកវាយស៍ ( Dongguk Wise University ) នៃសាធារណរដ្ឋកូរ៉េ ខេត្តឃ្យុងសាងបុកដូ សាធារណរដ្ឋកូរ៉េ នៅថ្ងៃទី១២ ខែកញ្ញា ឆ្នាំ២០២៤។

ដើម្បីទទួលបានព័ត៌មានជាប្រចាំ៖
🌐Huot Hak
🌐ក្រសួងអធិការកិច្ច
🌐Huot Hak
🌐ក្រសួងអធិការកិច្ច
🌐Website

លោក កេត ច័ន្ទតារា ជំនួយការយុវជនកណ្តាលផ្នែកវប្បធម៌និងសាសនាបានចុះជួបសំណេះសំណាលនឹងផ្តល់ការហ្វឹកហ្វឺនភាពជាអ្នកដឹកនាំដល់ថ្នាក់ដឹកនាំគ្រីស្ទបរិស័ទខេត្តសៀមរាប នៅថ្ងៃទី១១ ខែកញ្ញា ឆ្នាំ២០២៤ ដោយមានអ្នកចូលរួមចំនួនជាង១១៣នាក់ ដោយចាប់ពីម៉ោង៨:០០ ដល់ ៣:៣០ល្ងាច។

សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា អញ្ជើញជួបពិភាក្សាការងារជាមួយ ឯកឧត្តម បាន គីមូន (Ban Ki-Moon) អតីតអគ្គលេខាធិការអង្គការសហប្រជាជាតិ នៅការិយាល័យមូលនិធិបានគីមូន ក្នុងទីក្រុងសេអ៊ូល, សាធារណរដ្ឋកូរ៉េ ថ្ងៃទី១១ ខែកញ្ញា ឆ្នាំ២០២៤។


#ហ៊ុនសែន
#ប្រធានព្រឹទ្ធសភា
#កម្ពុជា
#អរគុណសន្តិភាព

ប្រជាពលរដ្ឋចំនួន ២០០ គ្រួសារ នៅខេត្តត្បូងឃ្មុំ ទទួលដំណោយពីឯកឧត្តម តហ៊ើរ អ៊ូម៉ើរ អនុប្រធានទទូលបន្ទុកឥស្លាម សាសនា និង គគ្រីស្តសាសនានិង ប្រធានសមាគមប្រភពល្អកម្ពុជា

នាព្រឹកថ្ងៃច័ន្ទ ទី០៩ ខែកញ្ញា ឆ្នាំ២០២៤ ឯកឧត្តម តហ៊ើរ អ៊ូម៉ើរពីឯកឧត្តម តហ៊ើរ អ៊ូម៉ើរ អនុប្រធានទទូលបន្ទុកឥស្លាម សាសនា និង គគ្រីស្តសាសនានៃក្រុមជំនួយការផ្នែកវប្បធម៍និងសាសនាយុវជនគណបក្សប្រជាជនកម្ពុជា ប្រធានសមាគមប្រភពល្អកម្ពុជាអមដំណើរដោយជំនួយប្រតិភូតំណាងភាគីម្ចាស់ជំនួយនៃរដ្ឋគុយវែត បានអញ្ជើញចុះសួរសុខទុក្ខដល់ប្រជាពលរដ្ឋចំនួន២០០ គ្រួសារ នៅភូមិព្រែកតាហ៊ុប ឃុំជំនីក ស្រុកក្រូចឆ្មារ ខេត្តត្បូងឃ្មុំ។ ក្នុងឱកាសនោះដែរ ឯកឧត្តមប្រធានបាននាំយកអំណោយមួយចំនួនជាគ្រឿងឧបភោគបរិភោគចែកដល់ប្រជាពលរដ្ឋចំនួន ២០០គ្រួសារ ទៀតផង។
អំណោយទាំងនេះជាទឹកចិត្តដ៏ប្រពៃពីសប្បុរសជននៃរដ្ឋគុយវែតតាមរយៈសមាគមប្រភពល្អកម្ពុជា៕

នាព្រឹកថ្ងៃសៅរ៍ ៥កើត ខែភទ្របទ ឆ្នាំរោង បញ្ចស័ក ព.ស ២៥៦៨ ត្រូវនឹងថ្ងៃទី៧ ខែកញ្ញា ឆ្នាំ២០២៤ លោក បណ្ឌិត វ៉ា សុធារិទ្ធ សមាជិកក្រុមការងារជំនួយការផ្នែក វប្បធម៌ និងសាសនា និងជាអនុប្រធានក្រុមការងារគណបក្សចុះមូលដ្ឋាន ឃុំស្ពឺ ស្រុកចំការលើ ខេត្តកំពង់ចាម បានចូលរួម ពិនិត្យមើលផ្លូវស្ពឺ៧ ត្រៀមរៀបចំស្ថាបនាជាផ្លូវបេតុងនិងចូលរួមប្រជុំពិភាក្សា លើការងារស្ថាបនាផ្លូវស្ពឺ៧ ជាផ្លូវបេតុង អំពីផលប៉ះពាល់ និងគុណភាពផ្លូវ ក្រោមការដឹកនាំរបស់ ឯកឧត្តមបណ្ឌិត ហេង វ៉ាន់ដា ប្រធានក្រុមការងារគណបក្សចុះជួយឃុំស្ពឺ ដោយមានការអញ្ជើញចូលរួម លោក ធិន សុធា មេឃុំស្ពឺ,លោក ហៃ ភាស់ ជំទប់ទី១ ,លោក ហ៊ាង ម៉េង ក្រុមប្រឹក្សាឃុំស្ពឺ,លោក ហ៊ាង ហ័ង ក្រុមប្រឹក្សាឃុំស្ពឺ,មេបុស្តិ៍ឃុំស្ពឺ,មេភូមិពែងមាសត្បូងនិងមេភូមិស្ពឺលិច។

កិច្ចប្រជុំ ត្រៀមបំពេញបេសសកម្ម ត្រួតពិនិត្យការអនុវត្តច្បាប់ និងលិខិតបទដ្ឋានគតិយុត្តិ ពាក់ព័ន្ធវិស័យការងារ លើសហគ្រាសគ្រឹះស្ថានក្នុងខេត្តមណ្ឌលគីរី

មណ្ឌលគិរី៖ នាព្រឹកថ្ងៃទី៤ ខែកញ្ញា ឆ្នាំ២០២៤ ឯកឧត្តម សោម ចំណាន រដ្ឋលេខាធិការក្រសួងការងារ និងបណ្តុះបណ្តាលវិជ្ជាជីវៈ បានអញ្ជើញចូលរួមជាអធិបតី ក្នុងកិច្ចប្រជុំ ត្រៀមបំពេញបេសសកម្ម ត្រួតពិនិត្យការអនុវត្តច្បាប់ និងលិខិតបទដ្ឋានគតិយុត្តិ ពាក់ព័ន្ធវិស័យការងារ លើសហគ្រាសគ្រឹះស្ថាន និងណែនាំការងារចាំបាច់មួយចំនួន ដោយមានការចូលរួមពី ឯកឧត្តមអនុរដ្ឋលេខាធិការ លោកអគ្គនាយករងនៃអគ្គនាយកដ្ឋានការងារ លោកអនុប្រធាននាយកដ្ឋាន ដែលជាគណៈប្រតិភូមកពី ក្រសួងការងារ និងបណ្តុះបណ្តាលវិជ្ជាជីវៈ អមដោយសមាសភាពមន្ទីរការងារខេត្ត លោក ប្រធានមន្ទីរ អនុប្រធានមន្ទីរ តំណាង ប.ស.ស. និងសហការី នៃមន្ទីរការងារ និងបណ្តុះបណ្តាលវិជ្ជាជីវៈ។

លោក បណ្ឌិត វ៉ា សុធារិទ្ធសមាជិកក្រុមការងារជំនួយការផ្នែក វប្បធម៌ និងសាសនា បានចូលរួមកិច្ចប្រជុំវេទិកាសាធារណ: ដើម្បីបម្រើសេវាសាធារណ:ជូនដល់ប្រជាពលរដ្ឋ និងចុះពិនិត្យមើលផ្លូវស្ពឺ៧ ត្រៀមចាក់បេតុង ក្រោមអធិបតីភាពដ៏ខ្ពង់ខ្ពស់ ឯកឧត្តមបណ្ឌិត ហេង វ៉ាន់ដា ប្រធានក្រុមការងារគណបក្សចុះមូលដ្ឋានឃុំស្ពឺ

(កំពង់ចាម )នាព្រឹកថ្ងៃសៅរ៍ទី ៣១ ខែសីហា ឆ្នាំ២០២៤ លោក បណ្ឌិត វ៉ា សុធារិទ្ធ សមាជិកក្រុមការងារជំនួយការផ្នែក វប្បធម៌ និងសាសនា និងជា អនុប្រធានក្រុមការងារគណបក្សចុះមូលដ្ឋាន ឃុំស្ពឺ ស្រុកចំការលើ ខេត្តកំពង់ចាម បានចូលរួមកិច្ចប្រជុំវេទិកាសាធារណ: ដើម្បីបម្រើសេវាសាធារណ:ជូនដល់ប្រជាពលរដ្ឋក្នុងឃុំស្ពឺ ឲ្យបានល្អប្រសើរបន្ថែមទៀត និងចុះពិនិត្យមើលផ្លូវស្ពឺ៧ ត្រៀមចាក់បេតុង ក្រោមអធិបតីភាពដ៏ខ្ពង់ខ្ពស់ ឯកឧត្តមបណ្ឌិត ហេង វ៉ាន់ដា ប្រធានក្រុមការងារគណបក្សចុះមូលដ្ឋានឃុំស្ពឺ ស្រុកចំការលើ ខេត្តកំពង់ចាម ។

ក្រុមសមាជិកព្រឹទ្ធសភាប្រចាំភូមិភាគទី២ ជួបសំណេះសំណាលជាមួយក្រុមប្រឹក្សាឃុំ ស្មៀនឃុំ នាយប៉ុស្តិ៍នគរបាលឃុំ និងអាជ្ញាធរស្រុកពញាក្រែក ខេត្តត្បួងឃ្មុំ
=======
ក្រុមសមាជិកព្រឹទ្ធសភាប្រចាំភូមិភាគទី២ (ខេត្តកំពង់ចាម និងខេត្តត្បូងឃ្មុំ) ដឹកនាំដោយឯកឧត្តម អ៊ុច បូររិទ្ធ ប្រធានក្រុម និងជាអនុប្រធានទី២ព្រឹទ្ធសភា បានអញ្ជើញចុះជួបសំណេះសំណាលជាមួយក្រុមប្រឹក្សាឃុំ ស្មៀន នាយប៉ុស្តិ៍នគរបាលឃុំ និងអាជ្ញាធរស្រុកពញាក្រែក ខេត្តត្បូងឃ្មុំ សរុបចំនួន៩៩នាក់ នៅសាលប្រជុំសាលាស្រុកពញាក្រែក ដោយមានការអញ្ជើញចូលរួមពីឯកឧត្តមអភិបាលរងខេត្តត្បូឃ្មុំ ប្រធានក្រុមប្រឹក្សាស្រុក លោកអភិបាលស្រុកពញាក្រែក​,ប្រធានសមាគមន៍ ក្រុមប្រឹក្សាក្រុង ស្រុក ឃុំ សង្តាត់
ពិធីសំណេះសំណាលនេះធ្វើឡើងក្នុងគោលបំណងសំខាន់ចំនួន៣គឺ៖ ទី១.ដើម្បីការផ្សារភ្ជាប់ និងការរួមប្រាស្រ័យទំនាក់ទំនងឱ្យកាន់តែជិតស្និទ្ធជាមួយអង្គបោះឆ្នោត ដែលជាសមាជិកក្រុមប្រឹក្សាឃុំ សង្កាត់ នៅមូលដ្ឋាន ទី២.ចូលរួមដោះស្រាយផ្ទាល់ ឬនាំយកយោបល់ សំណូមពរ ឬបញ្ហាប្រឈមនានារបស់ក្រុមប្រឹក្សាឃុំ សង្កាត់ ជូនគណៈកម្មាធិការអចិន្ត្រៃយ៍ព្រឹទ្ធសភា និងព្រឹទ្ធសភា និងទី៣.ការពង្រឹងការអនុវត្តតួនាទីរបស់ក្រុមប្រឹក្សាឃុំ សង្កាត់ ការផ្តល់សេវាសាធារណៈ ការងារអនុវត្តន៍គោលនយោបាយភូមិ ឃុំ សង្កាត់ មានសុវត្ថិភាព និងការងារអភិវឌ្ឍន៍មូលដ្ឋាន៕