HaicheatTech

សួស្តីឆ្នាំថ្មី ឆ្នាំសកល ២០២៤ 👏👏👏
សូមជូនពរដល់លោកអ្នក និងក្រុមគ្រួសារ សូមជួបតែសេចក្តីសុខ សេចក្តីចម្រើន 🙏🙏🙏

តើអ្វីទៅជា Generative AI?
————————
Generative AI សំដៅដល់បញ្ញាសិប្បនិម្មិតប្រភេទថ្មីដែលមានសមត្ថភាពបង្កើតមាតិកាថ្មី ដូចជា អត្ថបទ, រូបភាព, តន្ត្រី, សម្លេង, វីដេអូ និងទិន្នន័យសំយោគ។ បច្ចេកវិទ្យានេះត្រូវបានគេប៉ាន់ប្រមាណថាមានសក្តានុពលក្នុងការនាំមកនូវការផ្លាស់ប្តូរធំមួយលើការបង្កើតមាតិកា។ Generative AI សិក្សាពីគំរូមូលដ្ឋាន ដើម្បីបំពេញនូវកិច្ចការ រួមមាន ការសង្ខេប សំណួរនិងចម្លើយ និងរៀបចំចំណាត់ថ្នាក់នៃមាតិកាជាដើម។ លើសពីនេះទៀត បច្ចេកវិទ្យានេះត្រូវការការបណ្តុះបណ្តាលតិចតួចតែប៉ុណ្ណោះ ដើម្បីសិក្សាពីគំរូដែលមានស្រាប់និងលទ្ធភាពក្នុងការកែសម្រួល និងពឹងផ្អែកលើទិន្នន័យតិចតួចបំផុតផងដែរ។ Generative AI ដំណើរការដោយប្រើប្រាស់បច្ចេកវិទ្យាម៉ាស៊ីនសិក្សា (ML) ជាជំនួយក្នុងការផលិតជាគំរូ សម្រាប់ Genervative AI ធ្វើការសិក្សាពីគំរូដែលផលិតចេញមក និងសិក្សាពីទំនាក់ទំនងនៅក្នុងសំណុំទិន្នន័យនៃមាតិកាដែលបង្កើតឡើងស្រាប់ បន្ទាប់មកបច្ចេកវិទ្យានេះនឹងសិក្សាពីលំនាំដែលបានដាក់បញ្ចូល រួចធ្វើការរៀនបង្កើតមាតិកាថ្មីដោយខ្លួនឯង។

សម្រាប់ព័ត៌មានបន្ថែមសូមចូលទៅកាន់តំណភ្ជាប់ខាងក្រោម៖
▪️ https://bit.ly/3tg56j8
▪️ https://bit.ly/3F0zVL0
▪️ https://bit.ly/3F3R1rA

Business Incubator and Startup Accelerator
————————————
Business Incubator និង Startup Accelerator គឺជាកម្មវិធីអភិវឌ្ឍន៍អាជីវកម្ម តាមរយៈការផ្តល់ការគាំទ្រដល់ក្រុមហ៊ុន ធុរកិច្ចថ្មី និងអាជីវកម្មនៅក្នុងដំណាក់កាលដំបូងគិតចាប់ពីការដែលមានគំនិតអាជីវកម្ម, ការបង្រៀន, ការបង្កើតគំរូអាជីវកម្ម, ការស្វែងរកដៃគូ រហូតដល់អាជីវកម្មមួយអាចធ្វើការវិវត្តចេញជាផលិតផល ឬសេវាកម្មដើម្បីលក់ទៅកាន់ទីផ្សារ។
◾️ អ្វីទៅជា Business Incubator?
Business Incubator គឺជាកម្មវិធីដែលបង្កើតឡើងដើម្បីផ្តល់នូវការគាំទ្រដល់អាជីវកម្មក្នុងការចាប់ផ្តើម ដែលជាធម្មតាប្រើប្រាស់រយៈពេលលើសពីមួយឆ្នាំ តាមរយៈការផ្តល់នូវធនធាន, មូលដ្ឋានគ្រឹះ និងការគាំទ្រសំខាន់ៗ ដូចជា កន្លែងធ្វើការ, សម្ភារៈចាំបាច់, បណ្តាញសហគមន៍, ការបង្ហាត់បង្រៀន និងការស្វែងរកវិនិយោគិន។ Business Incubator មានតួនាទីក្នុងការជំរុញអាជីវកម្ម ដែលមានគោលគំនិតថ្មីៗ រួចធ្វើការជំរុញដល់ការអភិវឌ្ឍឱ្យចេញជាផលិតផល ឬសេវាកម្ម និងជួយក្នុងការរៀបចំគំរូអាជីវកម្មឱ្យមានភាពច្បាស់លាស់។
◾️ អ្វីទៅជា Startup Accelerator?
ខុសពី Business Incubator ដែលគាំទ្រអាជីវកម្មក្នុងអំឡុងពេលចាប់ផ្តើម Startup Accelerator ប្រើប្រាស់រយៈពេលតិចជាងមួយឆ្នាំ ក្នុងការពន្លឿនអាជីវកម្មដែលមានមូលដ្ឋានរឹងមាំ, គំរូអាជីវកម្មត្រឹមត្រូវ និងមានផលិតផលនៅលើទីផ្សារស្រេច រួចផ្តល់នូវការណែនាំ, ធនធាន, ស្វែងរកដៃគូសហការលើអាជីវកម្ម និងដៃគូវិនិយោគ ដើម្បីជំរុញអាជីវកម្មឱ្យទទួលបានជោគជ័យ និងរីកចម្រើនឱ្យបានកាន់តែរហ័សតាមដែលអាចធ្វើបាន។

សម្រាប់ព័ត៌មានបន្ថែមសូមចូលទៅកាន់តំណភ្ជាប់ខាងក្រោម៖
▪️ https://bit.ly/3rAfl0y
▪️ https://bit.ly/3pPqGtg
▪️ https://bit.ly/3XSQMbw

បច្ចេកវិទ្យាបានជ្រៀតចូលយ៉ាងជ្រៅក្នុងសកម្មភាពសេដ្ឋកិច្ច សង្គម ក៏ដូចជាទំនាក់ទំនងរវាងកោសិកា គ្រប់ផ្នែក គ្រប់វិស័យនៃជីវភាពរស់នៅប្រចាំថ្ងៃ ដោយបានជះឥទ្ធិពលយ៉ាងខ្លាំងលើកត្តាផលិតកម្ម ឥរិយាបថនៃការប្រើប្រាស់ និងរចនាសម្ព័ន្ធសេដ្ឋកិច្ចជាតិ។
_______________
ឯកឧត្ដម ហ៊ុន ម៉ានី ប្រធានក្រុមប្រឹក្សាភិបាលនៃមជ្ឈមណ្ឌលកម្ពុជា ៤.០

សូមស្វាគមន៍មកកាន់ផេកផ្លូវការ HaicheatTech 🙏😍