Pderm
PDERM is a digital agency supporting startup entrepreneurs.
អុនុមោទនា ពិធីបុណ្យវិសាខបូជា ពិធីបុណ្យនេះប្រារព្ធឡើងដើម្បីរំឭកដល់ព្រឹត្តិការណ៍ ៣ធំៗ នៃសម័យកាលរបស់ព្រះសម្មាសម្ពុទ្ធ គឺថ្ងៃដែលទ្រង់បានប្រសូត ត្រាស់ដឹង និងចូលបរិនិព្វាន។
មានលក់ "គំរូ បទបញ្ជាផ្ទៃក្នុងក្រុមហ៊ុន" ភាសាខ្មែរ និងភាសាអង់គ្លេស ជា File Word ២៤ ទំព័រ។ Telegram https://t.me/bizstartupsolutions
#ងាយស្រួល និងស្របតាមច្បាប់ការងាររបស់កម្ពុជា
សម្រាប់ លោក លោកស្រីដែលបំរើការងារផ្នែកធនធានមនុស្ស និងក្រុមហ៊ុនបង្កើតថ្មី ដែលពិបាក និងចំណាយពេលច្រើនក្នុងការរៀបចំបទបញ្ជាផ្ទៃក្នុងក្រុមហ៊ុនឱ្យល្អនិងស្របតាមច្បាប់ការងារ នោះលោក លោកស្រីអាចទំនាក់ទំនងមកតាមភេជនេះផ្ទាល់ ឬតាមរយះ link telegram ខាងលើ។
សាកស្រមៃហើយគិតមើល តើអ្នកអាចទេ បង្កើតចំណូលឲ្យបាន ជាចំណូលប្រចាំថ្ងៃ ចំណូលប្រចាំសប្តាហ៍ ចំណូលប្រចាំខែ និងចំណូលប្រចាំឆ្នាំ។
ចេះប្រមូលរួមគ្នា គឺជាការចាប់ផ្តើម
ចេះរក្សាគ្នា គឺជាដំណើរការ
ចេះធ្វើការរួមគ្នា គឺជាភាពជោគជ័យ
"គំរូ គោលការណ៍ប្រតិបត្តិការលក់ "ជាភាសាខ្មែរ និងអង់គ្លេស (សម្រាប់លក់ $) link telegram https://t.me/bizstartupsolutions
លោក លោកស្រីដែលត្រូវការគោលការណ៍ប្រតិបត្តិការលក់ ជាផ្នែកជំរុញលក់ការអនុត្តលើដំណើរការលក់ឱ្យកាន់តែល្អ និងមានប្រសិទ្ធិភាពនោះលោក លោកស្រីអាចទំនាក់ទំនងជាវឯកសារតាមភេជនេះផ្ទាល់ ឬតេលេក្រាមខាងលើ។
យុទ្ធសាស្រ្ត លក់បញ្ចុះថ្លៃ៖ ពាក់ព័ន្ធនឹងការកាត់បន្ថយតម្លៃលក់ធម្មតានៃទំនិញ ឬសេវាកម្ម ក្នុងគោលបំណងទាក់ទាញអតិថិជន និងសម្អាតស្តុកសន្និធិ បង្កើនបរិមាណលក់ទាំងមូល ឬផ្តល់ជូនចំពោះភាពស្មោះត្រង់របស់អតិថិជន។ ក្រុមហ៊ុនអាចប្រើយុទ្ធសាស្រ្តបញ្ចុះតម្លៃដើម្បីធ្វើការគណនាទៅតាមប្រភេទនៃការបញ្ចុះតម្លៃរួមមាន ការបញ្ចុះថ្លៃផ្អែកលើភាគរយ ការបញ្ចុះថ្លៃដោយចំនួនថេរ ការបញ្ចុះថ្លៃដោយចំនួនបរិមាណ ការបញ្ចុះថ្លៃតាមរដូវកាល និងការបញ្ចុះថ្លៃដោយកញ្ចប់។ សន្មត់ថា តម្លៃលក់ធម្មតានៃផលិត ឬសេវាកម្មមួយតម្លៃ ១០០$ ដូចនេះ យុទ្ធសាស្រ្តបញ្ចុះថ្លៃ មានដូចខាងក្រោម៖
១. ការបញ្ចុះថ្លៃផ្អែកលើភាគរយ៖ យុទ្ធសាស្រ្តនេះ គឺជាទម្រង់នៃការបញ្ចុះតម្លៃទូទៅដែលមានភាគរយជាក់លាក់មួយ ដើម្បីដកចេញពីតម្លៃលក់ធម្មតា។ ឧទាហរណ៍៖ ក្រុមហ៊ុន នឹងធ្វើការបញ្ចុះតម្លៃផលិតផល ATA 20% នោះតម្លៃត្រូវលក់បញ្ចុះថ្លៃ គឺស្មើនឹង 100$ - 20% = 80$
២. ការបញ្ចុះថ្លៃដោយចំនួនថេរ៖ យុទ្ធសាស្រ្តនេះ គឺពាក់ព័ន្ធនឹងការកាត់ចំនួនទឹកប្រាក់ដែលបានកំណត់ពីតម្លៃលក់ធម្មតា។ ឧទាហរណ៍៖ ក្រុមហ៊ុន នឹងធ្វើការបញ្ចុះតម្លៃផលិតផល ATA 15$ នោះតម្លៃត្រូវលក់បញ្ចុះថ្លៃ គឺស្មើនឹង 100$ - 15 = 85$
៣. ការបញ្ចុះថ្លៃដោយចំនួនបរិមាណ៖ យុទ្ធសាស្រ្តនេះ គឺផ្តល់ជូននៅពេលអតិថិជនទិញក្នុងបរិមាណច្រើន។ ឧទាហរណ៍៖ ក្រុមហ៊ុន នឹងធ្វើការបញ្ចុះតម្លៃផលិតផល ATA ១០% នៅពេលដែលអតិថិជនទិញចាប់ពី ៥ ឡើងទៅ នោះតម្លៃត្រូវលក់បញ្ចុះថ្លៃ គឺស្មើនឹង 100$ -10% = 90$
៤. ការបញ្ចុះថ្លៃតាមរដូវកាល៖ យុទ្ធសាស្រ្តនេះ បានផ្តល់ឱ្យក្នុងអំឡុងពេលជាក់លាក់នៃឆ្នាំណាមួយ ដូចជាការលក់ថ្ងៃឈប់សម្រាកជាដើម។ ឧទាហរណ៍៖ ក្រុមហ៊ុន នឹងធ្វើការបញ្ចុះតម្លៃផលិតផល ATA ២៥% នៅអំឡុងពេលបុណ្យចូលឆ្នាំខ្មែរ នោះតម្លៃត្រូវលក់បញ្ចុះថ្លៃ គឺស្មើនឹង 100$ -25% = 75$
៥. ការបញ្ចុះថ្លៃដោយកញ្ចប់៖ យុទ្ធសាស្រ្តនេះ គឺអនុវត្តនៅពេលអតិថិជនទិញផលិតផលរួមគ្នា។ ឧទាហរណ៍៖ ក្រុមហ៊ុន មានផលិតផលរួមជាកញ្ចប់ ផលិតផល ATA ១០០$ និងផលិតផល ATE 50$ នោះតម្លៃសរុបទាំងពីរ គឺស្មើនឹង 150$។ ប្រសិបើអតិថិជនសម្រេចចិត្តទិញទាំងពីរដែលជាកញ្ចប់រួមផលិតផល នោះតម្លៃលក់ជូនតែ 130$។ នោះមានន័យថា អតិថិជននឹងចំណេញបាន 2០$ ដែលមាន័យក្រុមហ៊ុនបញ្ចុះថ្លៃ 2០$ សម្រាប់ការទិញផលិតផលរួមជាកញ្ចប់។
ការកំណត់គោលដៅលក់ (Sales Target)
១. ពិនិត្យមើលលើទិន្នន័យ និងការអនុវត្តកន្លងមក៖ មើលប្រវិត្តទិន្នន័យលក់ ហើយវិភាគនិន្នាការលក់កន្លងទៅ អត្រាកំណើន និងរដូវកាលណាមួយនៅក្នុងតួលេខលក់របស់អ្នក។
២. ស្វែងយល់ពីលក្ខខណ្ឌទីផ្សារ៖ ពិចារណាលើលក្ខខណ្ឌទីផ្សារឱ្យបានទូលំទូលាយ តើទីផ្សារកំពុងរីកចម្រើន រួមតូច ឬនៅមានស្ថិរភាព? តើគូប្រជែងរបស់អ្នកកំពុងធ្វើអ្វី? ការយល់ដឹងអំពីកត្តាខាងក្រៅដែលជះឥទ្ធិពលដល់ទីផ្សារអាជីវកម្មរបស់អ្នកដែលអាចជួយកំណត់គោលដៅជាក់ស្តែង។
៣. កំណត់គោលដៅច្បាស់លាស់៖ កំណត់អ្វីដែលអ្នកចង់សម្រេចបានជាមួយនឹងគោលដៅលក់របស់អ្នក។ តើអ្នកមានបំណងចង់បានកំណើនប្រាក់ចំណូល ការកើនឡើងចំណែកទីផ្សារ ឬអ្វីផ្សេងទៀត? ត្រូវប្រាកដថាគោលបំណងរបស់អ្នកគឺជាក់លាក់ អាចវាស់វែងបាន អាចសម្រេចបាន អាចពាក់ព័ន្ធគ្នា និងអាចកំណត់ពេលវេលា (SMART)។
៤. ពិចារណាលើធនធាន៖ វាយតម្លៃធនធានរបស់អ្នក រួមទាំងសមត្ថភាពក្រុមលក់របស់អ្នក ថវិកាទីផ្សារ ភាពអាចរកបានផលិតផល និងកត្តាផ្សេងទៀតដែលអាចមានឥទ្ធិពលលើប្រតិបត្តិការលក់របស់អ្នក។
៥. បែងចែកទីផ្សារ៖ ការបែងចែកទីផ្សារគោលដៅរបស់អ្នកទៅជាផ្នែកៗដោយផ្អែកលើប្រជាសាស្រ្ត ភូមិសាស្រ្ត អាកប្បកិរិយា ឬកត្តាពាក់ព័ន្ធផ្សេងទៀត។
៦. កំណត់គោលដៅបន្ថែម៖ ជំនួសឱ្យការកំណត់គោលដៅធំមួយសម្រាប់ពេញមួយឆ្នាំ សូមបំបែកវាទៅជាគោលដៅតូចៗដែលអាចគ្រប់គ្រងបានសម្រាប់ខែ ត្រីមាស ឬរយៈពេលណាមួយដែលស្របតាមវដ្តអាជីវកម្មរបស់អ្នក។ វាធ្វើឱ្យវឌ្ឍនភាពអាចវាស់វែងបានកាន់តែច្រើន និងជួយក្នុងការតាមដានការអនុវត្តប្រកបដោយប្រសិទ្ធភាព។
៧. ការចូលរួមពីក្រុមផ្នែកលក់៖ ការចូលរួមពីក្រុមផ្នែកលក់ក្នុងដំណើរការកំណត់គោលដៅ គឺអាចឱ្យពួកគេផ្តល់នូវការយល់ដឹងដ៏មានតម្លៃចំពោះអ្វីដែលអាចសម្រេចបាន និងបញ្ហាប្រឈមអ្វីដែលពួកគេអាចប្រឈមមុខក្នុងការឈានដល់គោលដៅ។
៨. កែតម្រូវសម្រាប់រដូវកាល និងនិន្នាការ៖ ពិចារណាលើការប្រែប្រួលតាមរដូវកាល ឬនិន្នាការក្នុងទីផ្សារអាជីវកម្ម នៅពេលកំណត់គោលដៅលក់។ ជាឧទាហរណ៍ ប្រសិនបើអ្នកលក់សម្លៀកបំពាក់រដូវរងា អ្នកអាចរំពឹងថាការលក់កាន់តែខ្ពស់នៅក្នុងខែត្រជាក់។
៩. ត្រួតពិនិត្យ និងកែតម្រូវ៖ ការកំណត់គោលដៅមិនមែនជាកិច្ចការធ្វើតែម្តងទេ។ ត្រូវមានការតាមដានវឌ្ឍនភាពបន្តបន្ទាប់ធៀបទៅនឹងគោលដៅ ហើយត្រៀមខ្លួនដើម្បីកែតម្រូវវាប្រសិនបើចាំបាច់។ ប្រសិនបើរកឃើញថាគោលដៅរបស់អ្នកមានភាពខ្ពស់ខ្លាំងពេក ឬថេរពេក សូមកុំស្ទាក់ស្ទើរក្នុងការកែប្រែពួកវាដោយផ្អែកលើទិន្នន័យ និងមតិកែលម្អក្នុងពេលជាក់ស្តែង។
សួស្តីឆ្នាំថ្មី
ក្នុងឱកាសចូលឆ្នាំថ្មីប្រពៃណីជាតិខ្មែរ ឆ្នាំរោង ឆស័ក ព.ស. ២៥៦៧ គ.ស. ២០២៤ ផ្តើមប៊ីស្តាតអាប់សូលូហ្សិន សូមជូនពរប្រជាពលរដ្ឋខ្មែរ ជាពិសេសអតិថិជនរបស់ផ្តើមទាំងអស់ទទួលបាននូវសុខសុវត្ថិភាពក្នុងការធ្វើដំណើរទៅលេងស្រុកកំណើតទាំងទៅទាំងមក និងសូមឱ្យមានសិរីសួស្តីកើតមានដល់គ្រប់ៗគ្នា។
"ទម្លាប់ ៥ យ៉ាងអាចផ្លាស់ប្តូរជីវិតរបស់អ្នក"
១. ធ្វើលំហាត់ប្រាណឱ្យបានទៀងទាត់៖ ការធ្វើលំហាត់ប្រាណឱ្យបានទៀងទាត់ មានអត្ថប្រយោជន៍ជាច្រើនសម្រាប់សុខភាពផ្លូវកាយ និងផ្លូវចិត្ត។ វាអាចជួយឱ្យអ្នកស្រកទម្ងន់ ធ្វើឱ្យសុខភាពសរសៃឈាមបេះដូងរបស់អ្នកប្រសើរឡើង កាត់បន្ថយហានិភ័យនៃជំងឺរ៉ាំរ៉ៃ និងបង្កើនអារម្មណ៍ និងកម្រិតថាមពល។ អ្នកអាចកំណត់ពេលវេលា យ៉ាងហោចណាស់ 30 នាទីនៃលំហាត់ប្រាណកម្រិតមធ្យមប្រចាំថ្ងៃរបស់អ្នក។
២. ញ៉ាំអាហារដែលមានសុខភាពល្អ៖ ការទទួលទានរបបអាហារដែលមានសុខភាពល្អគឺមានសារៈសំខាន់សម្រាប់ការរក្សាសុខភាពល្អនិងការពារជំងឺរ៉ាំរ៉ៃ។ អ្នកគប្បីត្រូវញ៉ាំផ្លែឈើ បន្លែ និងគ្រាប់ធញ្ញជាតិឱ្យបានច្រើន។ គួរជៀសវាងអាហារកែច្នៃ ភេសជ្ជៈមានជាតិស្ករ និងខ្លាញ់មិនល្អ។
៣. គេងឱ្យបានគ្រប់គ្រាន់៖ ការគេងគឺចាំបាច់សម្រាប់សុខភាពផ្លូវកាយ និងផ្លូវចិត្ត។ មនុស្សពេញវ័យភាគច្រើនត្រូវការការគេងប្រហែល ៧-៨ ម៉ោងក្នុងមួយយប់។ ប្រសិនបើអ្នកគេងមិនគ្រប់គ្រាន់ អ្នកនឹងអាចជួបប្រទះនឹងភាពអស់កម្លាំង ឆាប់ខឹង និងពិបាកក្នុងការផ្តោតអារម្មណ៍។
៤. គ្រប់គ្រងភាពតានតឹង៖ ភាពតានតឹងគឺជាផ្នែកធម្មតានៃជីវិត ប៉ុន្តែភាពតានតឹងខ្លាំងពេកអាចប៉ះពាល់ដល់សុខភាពរបស់អ្នក។ ស្វែងរកវិធីដែលមានសុខភាពល្អដើម្បីគ្រប់គ្រងភាពតានតឹង ដូចជាធ្វើលំហាត់ប្រាណ ធ្វើសមាធិ បច្ចេកទេសសម្រាកកាយ និងចំណាយពេលជាមួយមនុស្សជាទីស្រលាញ់។
៥. ចេះដឹងគុណ៖ ការដឹងគុណ គឺជាការបង្ហាញពីចិត្តវិជ្ជមានទៅលើអ្វីៗដែលបានកើតឡើងក្នុងជីវិត ហើយរីករាយដោយមានភាពសាទរក្នុងចិត្តជានិច្ច។ ការដឹងគុណនេះ មានអត្ថប្រយោជន៍ជាច្រើនសម្រាប់សុខភាពផ្លូវកាយ និងផ្លូវចិត្ត ដែលវាអាចជួយអ្នកកាត់បន្ថយភាពតានតឹង ធ្វើអោយអារម្មណ៍របស់អ្នកប្រសើរឡើង និងបង្កើនសុខុមាលភាពទូទៅរបស់អ្នក។
ចូរ ចាប់ផ្តើមដោយផ្តោតលើទម្លាប់មួយ ឬពីរដែលអ្នកចង់ផ្លាស់ប្តូរ ហើយធ្វើការបន្តិចម្តងៗតាមវិធីរបស់អ្នករហូតកំណត់សេចក្តីសម្រេចបានជាផលផ្លែផ្កា។
បញ្ចុះតម្លៃពិសេស 50% រហូតដល់បុណ្យអុំទូក ខាងមុខនេះ។ សម្រាប់ លោក លោកស្រី អាចទំនាក់ទំនងមកតាមភេជនេះផ្ទាល់ ឬតាមរយះ link telegram https://t.me/bizstartupsolutions
១៥ តុលា ២០១២ - ១៥ តុលា ២០២៣ - ខួបទី ១១ នៃទិវាប្រាព្ធពីធីគោរពដល់វិញ្ញាណក្ខន្ធ ព្រះបាទសម្តេចព្រះនរោត្តមសីហនុ ព្រះបរមរតនកោដ្ឋ។
ក្នុងឱកាសពិធីបុណ្យភ្ជុំបិណ្ឌប្រពៃណីខ្មែរ
សូមជូនពរលោកអ្នកទាំងអស់ ឲ្យជួបតែសេចក្តីសុខ រកទទួលទានមានបាន គ្រប់ក្រុមគ្រួសារ និងធ្វើដំណើរប្រកបដោយសុវត្ថិភាព!
បញ្ចុះតម្លៃពិសេស ៥០% លើគំរូឯកសារ បីប្រភេទ សម្រាប់ឱកាសបុណ្យភ្ជុំបិណ្ឌ ដែលមានរយៈពេលចាប់ ពីថ្ងៃទី ០១ ដល់ ១៣ តុលា ឆ្នាំ ២០២៣។ https://t.me/bizstartupsolutions
#អបអរសាទរតំបន់ប្រាសាទកោះកេរត្រូវបានដាក់បញ្ចូលជាសម្បត្តិបេតិកភណ្ឌពិភពលោក
នៅវេលាម៉ោង១៦:២៨ម៉ោងនៅព្រះរាជាណាចក្រកម្ពុជា រមណីយដ្ឋានបុរាណវិទ្យាកោះកេរ នៃអតីតរាជធានីលិង្គបុរៈឬឆោកគគ៌្យរ (Koh Ker : Archeological Site Of Ancient Lingapura Or Chok Gargyar) ត្រូវបានសម្រេចដាក់បញ្ចូលទៅក្នុងបញ្ជីសម្បត្តិបេតិកភណ្ឌពិភពលោករបស់អង្គការយូណេស្កូ តាមរយៈសេចក្តីសម្រេច 45 COM 8B.8 នៃកិច្ចប្រជុំគណៈកម្មការបេតិកភណ្ឌពិភពលោកទី៤៥ នៅទីក្រុង Riyadh រាជធានីនៃព្រះរាជាណាចក្រ Saudi Arabia ។
តំបន់ប្រាសាទកោះកេរ អតីតរាជធានីខ្មែរនៅដើមសតវត្សទី១០ មានទីតាំងស្ថិតនៅឃុំស្រយ៉ង់ ស្រុកគូលែន ខេត្តព្រះវិហារ និងមានចម្ងាយប្រមាណ៩៥ គីឡូម៉ែត្រពីតំបន់អង្គរឬក្រុងយសោធបុរៈ។ នៅក្នុងសិលាចារឹកភាសាខ្មែរបុរាណ គេស្គាល់តំបន់នេះថា ឆោកគគ៌្យរ(ឆោកគគី) ដែលមានន័យថា ព្រៃគគីរឬស្រះគគីរ ។ ឈ្មោះ ឆោកគគីរ នេះមានឯកលក្ខណៈវិសេសណាស់ព្រោះជាឈ្មោះទីក្រុងខ្មែរសម័យអង្គរតែ១គត់ដែលប្រើប្រាស់ភាសាខ្មែរបុរាណ ខណៈដែលតំបន់ឯទៀតក្នុងចក្រភពប្រើប្រាស់ឈ្មោះជាភាសាសំស្ក្រឹត។ លើសពីនេះឈ្មោះនេះមានទំនាក់ទំនងទៅនឹងធម្មជាតិក្នុងតំបន់គឺ រុក្ខជាតិគគីរ ។ គគីរ (Hopea odorata) ជារុក្ខជាតិដែលមានដើមធំខ្ពស់រហូតដល់៤៥ម៉ែត្រ រាប់ឈើដែលមានភាពរឹងមាំធន់នឹងទឹក ជាទីរាប់អានប្រើប្រាស់របស់ប្រជាជនខ្មែរតាំងពីសម័យបុរាណមក។
តំបន់បុរាណវិទ្យាកោះកេរ មានស្លាកស្នាមបុរាណដ្ឋានចំនួន១៦៩ ក្នុងនោះមានប្រាសាទចំនួន៧៦ ស្រះទឹក បារាយ(រហាល) ផ្លូវបុរាណនិង សំណង់ហេដ្ឋារចនាសម្ព័ន្ធផ្សេងៗដែលកប់ក្នុងព្រៃពាសពេញតំបន់ ។ ស្ថិតតាមបណ្តោយផ្លូវបុរាណ កោះកេរស្ទើរតែស្ថិតនៅចំនុចកណ្តាលរវាងបូជនីយដ្ឋាននិងទីក្រុងបុរាណខ្មែរសំខាន់ៗ ដូចជា ក្រុងយសោធបុរៈ(អង្គរ) ក្រុងឦសានបុរៈ(សម្បូរព្រៃគុក) និងប្រាសាទស្រីសិខារិស្វារៈ(ព្រះវិហារ)។ សណ្ឋានដីតំបន់កោះកេរ្តិ៍មានលក្ខណៈជាតំបន់ខ្ពស់រាប ក្នុងកំពស់ចន្លោះពី៧០ ទៅ១១០ម៉ែត្រ ជាជម្រាលពីត្បូងទៅជើង តាមបណ្តោយស្ទឹងសែន។
ក្រុងលិង្គបុរៈ មានចំណុចកណ្ដាលស្ថិតនៅភាគខាងជើងនៃបារាយ(រហាល) តាមរយៈសិលាចារឹកបានបង្ហាញថា នៅទីនេះមានមនុស្សប្រមាណជាង១០០០០នាក់ រស់នៅក្រោមអាណត្តិនៃព្រះបាទជ័យវម៌្មទី៤ ។ តាមរយៈការសិក្សាស្រាវជ្រាវដោយបច្ចេកវិទ្យា Lidar គេរកឃើញថា ក្រុងលិង្គបុរៈ មិនមានកំពែងក្រុងទេ តែហ៊ុំព័ទ្ធដោយព្រែកជីកបុរាណទៅវិញ។ ថ្មបាយក្រៀម ថ្មភក់ និង ឥដ្ឋជាសម្ភារៈដ៏សំខាន់ក្នុងការសាងសង់ប្រាសាទនៅកោះកេរ ។ នៅតំបន់នេះមានថ្មដែលគុណភាពយ៉ាងល្អស្រាប់ ដោយមិនលំបាកក្នុងការដឹកជញ្ជូនចម្ងាយឆ្ងាយ។ ឯឥដ្ឋដែលប្រើប្រាស់វិញ ត្រូវបានផលិតក្នុងទំហំតូចនឹងរាបស្មើខុសពីតំបន់ដទៃ ឥដ្ឋកោះកេរមានគុណភាពខ្ពស់ណាស់ ធ្វើអោយបច្ចុប្បន្នប្រាសាទដែលនៅសល់រូបរាងពេញលេញភាគច្រើនជាប្រាសាទឥដ្ឋ។ ក្រៅពីនេះគេប្រទះឃើញមានការប្រើប្រាស់កំបោរបាយអមួយខំនួនតូចផងដែរ។ ប្រាសាទ១ចំនួននៅកោះកេរ មានប្រក់ដំបូលក្បឿងគ្រឿងបង្គំឈើ ដែលបច្ចុប្បន្ននេះមិនមាននៅសល់ទៀតទេ តែយើងអាចឃើញស្លាកស្នាមនៃប្រហោងឈើនៅសេសសល់។ សំណង់ភាគច្រើននៃទីក្រុងបុរាណនេះ ក៏ដូចជាទីក្រុងនានារបស់ខ្មែរ ពោលគឺលំនៅដ្ឋាន ព្រះរាជវាំង ផ្សេងៗត្រូវបានសាងឡើងពីឈើ ជាហេតុដែលធ្វើអោយសំណង់ទាំងនេះមិនអាចបន្សល់រូបរាងដល់សព្វថ្ងៃនេះឡើយ។
បារាយ(រហាល) រហាលគឺជាសំណង់ហេដ្ឋារចនាសម្ព័ន្ធធំបំផុតនៅកោះកេរ ក្នុងទំហំ ១២០០ គុណ ៥៦០ ម៉ែត្រ ព្រមទាំងទ្វារទឹកចំនួន៣សាងពីថ្មបាយក្រៀម ។ តួរហាលមិនស្ថិតត្រង់ទិសដូចបារាយនានានៅតំបន់អង្គរទេ ដោយហេតុថា សាសនាដ្ឋាននានានៅតំបន់នេះបែរទៅទិសខាងកើតឈៀងខាងជើង១៥អង្សា តួរហាលក៏សណ្តូកឆៀងតាមដូចគ្នា។ បច្ចុប្បន្នរហាលបាយរឹងស្ងួតស្ទើរអស់ទៅហើយ ។
ត្រពាំងអណ្តូងព្រេង: ចំងាយប្រមាណ២០០ម៉ែត្រពីប្រាសាទធំ មានស្រះធំ១ ទំហំ៤០ម៉ែត្រនិងមានអមដោយជណ្តើរថ្មបាយក្រៀម ។ ស្រះនេះត្រូវបានគេជឿថាជាស្រះស្រង់នៃព្រះមហាក្សត្រ ហើយជុំវិញនោះគឺជា ព្រះបរមរាជវាំងនៃរាជធានីលិង្គបុរៈ។
ប្រាសាទកោះកេរ : ប្លង់ស្ថាបត្យកម្មនៃប្រាសាទកោះកេរមានប្រវែងប្រមាណ៨០០ម៉ែត្រ លាតសន្ធឹងស្របតាមរហាល បែរមុខទៅទិសខាងកើតឆៀងខាងជើង១៥អង្សា។ នៅអមសងខាងផ្លូវចូលទៅកាន់ប្រាសាទគេឃើញមានសំណង់ស្ថាបត្យកម្មថ្ម ជារាងចតុកោណកែង ហៅថា ព្រះរាជវាំង ដែលមាននាទីជាពន្លាសំណាក់សម្រាប់ព្រះរាជាមុនចូលទៅកាន់ប្រាសាទដូចនៅប្រាសាទព្រះវិហារដែរ។ តមកខាងមុខ មានគោបុរៈយ៉ាងធំសម្បើម(ប្រាសាទក្រចាប់) ដែលគេជឿថ ជាសំណង់គោបុរៈធំបំផុតនៅកម្ពុជា ក្នុងទំហំ ៦០គុណ៣០ម៉ែត្រ ។ នៅខាងមុខទៀតមានបណ្ណាល័យចំនួន២ និងប្រាសាទក្រហមដែលមាននាទីជាប្រាសាទផងនិងក្លោងទ្វារដើម្បីចូលចូលទៅកាន់ប្រាសាទធំផង។ តែដើមឡើយនៅក្នុងប្រាសាទក្រហមមានតម្កល់រូបបដិមាព្រះឥសូររំាយ៉ាងធំសម្បើម ពោលគឺមានកំពស់រហូតដល់៣.៥ម៉ែត្រ តែមកដល់បច្ចុប្បន្នបដិមាបានទទួលរងការខូចខាតយ៉ាងច្រើន ហើយកំពុងទទួលការជួសជុលនៅអភិរក្សដ្ឋាន។ ប្រាសាទធំស្ថិតនៅលើកូនកោះសិប្បនិម្មិតហ៊ុមព័ទ្ធដោយកសិន្ទុទឹក មានស្ពាននាគសម្រាប់ចម្លង មានកំពែង២ជាន់ ហើយមានប្រាសាទសំខាន់ៗចំនួន៩នៅខាងក្នុង។ ចេញអំពីប្រាសាទធំគឺចូលដល់តំបន់ប្រាសាទប្រាង្គ។ ប្រាសាទប្រាង្គជាប្រាសាទដ៏ធំនិងសំខាន់ជាងគេនៅកោះកេរ ប្រាសាទនេះសាងជាទម្រង់ពីរ៉ាមីត៧ថ្នាក់ សម្រាប់តម្កល់ព្រះសិវលិង្គ។ ប្រាសាទនេះត្រូវបានចាប់ផ្ដើមកសាងឡើងក្នុងឆ្នាំ៩២៨ មានទំហំ៦២ម៉ែត្រ និងកំពស់៣៦ម៉ែត្រ។ ដោយសារតែកំពូលប្រាសាទមានការបែកបាក់អស់ឬសាងពុំទាន់ហើយសព្វគ្រប់ ហេតុនេះប្រសិនបើកំពូលប្រាសាទនៅរក្សាមកដល់បច្ចុប្បន្នគេជឿថា ប្រាសាទនេះអាចមានកំពស់រហូតដល់៥០ម៉ែត្រឯណោះ។ នៅខាងក្រោមប្រាសាទប្រាង្គមានកូនភ្នំតូច១ ដែលស្របគ្នានឹងសំណង់ស្ថាបត្យកម្មប្រាសាទ អ្នកស្រុកអ្នកភូមិហៅភ្នំនេះថា ផ្នូរស្តេចដំរីស។ អ្នកស្រាវជ្រាវជឿថា ភ្នំនេះអាចជាភ្នំសិប្បនិម្មិតតំណាងភ្នំទីស្ថានព្រះឥសូរ ជាផ្នូរនៃព្រះមហាក្សត្រ ឬជាសំណល់នៃពីរ៉ាមីតទី២ក៏ថាបាន។
ក្រៅអំពីនេះនៅតំបន់កោះកេរ មានប្រាសាទសំខាន់២ទៀតគឺ ប្រាសាទចិនដែលសាងឡើងដើម្បីឧទ្ទិសដល់ព្រះវិស្ណុ និង បន្ទាយពីរជាន់ដែលសាងឡើងដើម្បីឧទ្ទិសដល់ព្រះព្រហ្ម តាមគតិការបូជាព្រះត្រីមូ៌តិ។
ប្រាសាទតូចៗដែលមានរាយប៉ាយរាមបណ្តោយបារាយមានដូចជា ប្រាសាទលិង្គ ប្រាសាទបាល័ង្គ ប្រាសាទអណ្តូងគុក ប្រាសាទក្រចាប់ ប្រាសាទថ្នឹង ប្រាសាទបេង ប្រាសាទច្រាប់ ប្រាសាទត្រពាំងស្វាយ ប្រាសាទអណ្តូង ប្រាសាទដីឆ្នាំង ប្រាសាទត្រពាំងឫស្សី ប្រាសាទពង្រ ប្រាសាទកកោះ ប្រាសាទប្រិយ ប្រាសាទគោកក្រោល ប្រាសាទត្រពាំងវែង
ប្រាសាទដាន ប្រាសាទដានធំ ប្រាសាទរាមកេរ្តិ៍ ប្រាសាទតាមិញ ប្រាសាទរលំ ប្រាសាទ៣ ប្រាសនាងខ្មៅ ប្រាសាទ៥ ប្រាសាទល្ហុង ប្រាសាទសូភី ប្រាសាទបាក់ ប្រាសាទខ្នារ ប្រាសាទកូនភ្នំ ប្រាសាទខ្ទុម ប្រាសាទដំរី ប្រាសាទគោកតាប្រាក់ ប្រាសាទត្រពាំងតា ប្រាសាទដំរីស្លាប់ ប្រាសាទត្រពាំងសង្កែ ជាដើម។
អត្ថបទពី៖ បុរាណាចារ្យ
"គំរូ បទបញ្ជាផ្ទៃក្នុងក្រុមហ៊ុន" (បន្ថែមថ្មី) សម្រាប់លក់$ ជា File Word ២៤ ទំព័រ
#ងាយស្រួល និងស្របតាមច្បាប់ការងាររបស់កម្ពុជា
សម្រាប់ លោក លោកស្រីដែលបំរើការងារផ្នែកធនធានមនុស្ស និងក្រុមហ៊ុនបង្កើតថ្មី ដែលពិបាក និងចំណាយពេលច្រើនក្នុងការរៀបចំបទបញ្ជាផ្ទៃក្នុងក្រុមហ៊ុនឱ្យល្អនិងស្របតាមច្បាប់ការងារ នោះលោក លោកស្រីអាចទំនាក់ទំនងមកតាមភេជនេះផ្ទាល់ ឬតាមរយះ link telegram ខាងក្រោម៖ https://t.me/bizstartupsolutions
"វិបត្តិ គឺជាឱកាស"
នៅពេលអ្នកប្រឈមមុខនឹងវិបត្តិដ៏លំបាក អ្នកត្រូវចេះពង្រឹង និងរក្សាភាពវិជ្ជមាន និងស្វែងរកវិធីដើម្បីធ្វើឱ្យស្ថានភាពល្អប្រសើរសម្រាប់ខ្លួនអ្នក តាមរយៈការច្នៃប្រឌិត ការផ្លាស់ប្តូរ ជាមួយនឹងធនធានថ្មី នោះអ្នកនឹងអាចប្រែក្លាយបញ្ហាប្រឈមដ៏លំបាកបំផុតទៅជាឱកាសសម្រាប់ការរីកចម្រើនទៅមុខ។ ខាងក្រោមនេះគឺជាគន្លឹះបន្ថែមមួយចំនួនសម្រាប់ប្រែក្លាយវិបត្តិទៅជាឱកាស៖
១. រៀនបើកចិត្តដើម្បីផ្លាស់ប្តូរ៖ អ្នកត្រូវតែដឹងថា វិបត្តិជារឿយៗជំរុញឱ្យអ្នកចេះធ្វើការផ្លាស់ប្តូររបៀបគិត និងធ្វើអ្វីៗថ្មី។ អ្នកត្រូវតែរឹងមាំ ប្រកបដោយឆន្ទៈក្នុងការទទួលយកការផ្លាស់ប្តូរជាវិជ្ជមាន ទោះបីជាត្រូវប្រឈម និងការលំបាកពីដំបូងក៏ដោយ។
២. មានភាពច្នៃប្រឌិត៖អ្នកត្រូវដឹងថា វិបត្តិអាចជាពេលមួយដើម្បីបង្កើតគំនិត និងដំណោះស្រាយថ្មី។ ចូរអ្នកកុំខ្លាចក្នុងការគិតឱ្យស៊ីជម្រៅដើម្បីចាកចេញពីភាពងងឹតនៃវិបត្តិ ហើយសាកល្បងអ្វីដែលថ្មី។
៣. មានភាពធន់៖ អ្នកត្រូវតែដឹងថា វិបត្តិនាំឱ្យអ្នកកាន់តែភាពតានតឹងនិងអារម្មណ៍មិនល្អ ក៏ប៉ុន្តែអ្នកត្រូវចេះក្រោកឈរ និងរក្សាភាពធន់របស់អ្នក។ ចូរកុំចុះចាញ់ពេលមានរឿងលំបាកៗចូលមករកអ្នក អ្នកត្រូវបន្តតស៊ូ និងជឿជាក់ខ្លួនឯងថានៅទីបំផុតអ្នកនឹងជោគជ័យ។
សូមចាំថា រាល់វិបត្តិគឺជាឱកាសសម្រាប់ការលូតលាស់ទៅមុខ តាមរយៈការបើកចំហរចំពោះការផ្លាស់ប្តូរ ភាពច្នៃប្រឌិត និងភាពធន់ យើងអាចប្រែក្លាយបញ្ហាប្រឈមដ៏លំបាកបំផុតទៅជាឱកាសសម្រាប់ភាពជោគជ័យទៅថ្ងៃខាងមុខ។
តាមច្បាប់ ស្តីពីសហគ្រាសពាណិជ្ជកម្ម ឆ្នាំ២០០៥ ទម្រង់ក្រុមហ៊ុន ត្រូវបែងចែកជាសាខាធំៗ ពីរ៖
១-ក្រុមហ៊ុនសហកម្មសិទ្ធិ
- ក្រុមហ៊ុនសហកម្មសិទ្ធិទូទៅ
- ក្រុមហ៊ុនសហកម្មសិទ្ធិមានកម្រិត
២-ក្រុមហ៊ុនមូលធន
- ក្រុមហ៊ុនឯកជនទទួលខុសត្រូវមានកម្រិត
- ក្រុមហ៊ុនមហាជនទទួលខុសត្រូវមានកម្រិត
ក្រុមហ៊ុនសហកម្មសិទ្ធិទូទៅ
ក្រុមហ៊ុនសហកម្មសិទ្ធិទូទៅ ត្រូវមានម្ចាស់ភាគហ៊ុនចាប់ពី ២នាក់ឡើងទៅ។ ប្រសិនបើមានម្ចាស់ហ៊ុនតែម្នាក់ គឺត្រូវបង្កើតជាសហគ្រាសឯកបុគ្គល។
កិច្ចសន្យាបង្កើតក្រុមហ៊ុនសហកម្មសិទ្ធិទូទៅ អាចធ្វើឡើងជាលាយលក្ខណ៍អក្សរក៏បាន ឬក៏ធ្វើត្រឹមតែផ្ទាល់មាត់ក៏បាន។
ដើមទុនដែលយកមកដាក់រកស៊ីជាមួយគ្នា ក្នុងប្រភេទក្រុមហ៊ុនសហកម្មសិទ្ធិទូទៅនេះ គឺអាចសាច់លុយក៏បាន ជាទ្រព្យសម្បត្តិក៏បាន ឬក៏ជាចំណេះដឹងក៏បាន។ រយៈពេលនៃកិច្ចសន្យាបង្កើតក្រុមហ៊ុននេះ អាចធ្វើឡើងដោយមានរយៈពេលកំណត់ក៏បាន ដោយរយៈពេលមិនកំណត់ក៏បាន។
ចំពោះការទទួលខុសត្រូវលើបំណុលវិញ គឺជាការទទួលខុសត្រូវដោយគ្មានកម្រិត មានន័យថា នៅក្នុងករណី ដែលក្រុមហ៊ុនជំពាក់បំណុលគេ ហើយក្រុមហ៊ុនមិនមានលុយគ្រប់គ្រាន់ ដើម្បីសងបំណុលនេះទេ ម្ចាស់ភាគហ៊ុន ត្រូវចេញលុយពីហោប៉ៅខ្លួនឯង ដើម្បីសងបំណុលនេះ។ ម្ចាស់ភាគហ៊ុនម្នាក់ៗ ត្រូវរ៉ាប់រងបំណុល ទៅតាមសមាមាត្រនៃចំណែកហ៊ុន ដែលខ្លួនមាន នៅក្នុងក្រុមហ៊ុន។
ក៏ប៉ុន្តែ មានចំណុចសំខាន់មួយ ដែលត្រូវចាប់អារម្មណ៍ គឺនៅត្រង់ថា ទោះបីជាម្ចាស់ភាគហ៊ុនម្នាក់ៗ ទទួលខុសត្រូវលើបំណុលទៅតាមចំណែកហ៊ុនរបស់ខ្លួនក៏ដោយ ក៏ប៉ុន្តែ ក្នុងករណីមានវិវាទរឿងមិនសងបំណុល ម្ចាស់បំណុលអាចប្តឹងទាមទារបំណុលទាំងអស់ពីម្ចាស់ហ៊ុនណាមួយតែម្នាក់ ដោយមិនចាំបាច់ប្តឹងទាមទារចំណែកពីម្ចាស់ហ៊ុនម្នាក់ៗដាច់ពីគ្នាទេ។ ក្នុងករណីនេះ ម្ចាស់ហ៊ុនណា ដែលត្រូវម្ចាស់បំណុលប្តឹង គឺត្រូវតែសងបំណុលទាំងអស់តាមបណ្តឹង គឺសងទាំងចំណែកបំណុលខ្លួនឯង និងចំណែកបំណុលរបស់ម្ចាស់ហ៊ុនផ្សេងទៀត រួចហើយគាត់អាចទៅទាមទារគិតគូរ ទូទាត់ជាមួយម្ចាស់ហ៊ុនផ្សេងទៀត។
ជាទូទៅ ក្រុមហ៊ុនសហកម្មសិទ្ធិ គេច្រើនបង្កើតឡើង នៅក្នុងអាជីវកម្មជាលក្ខណៈវិជ្ជាជីវៈ ដូចជា បង្កើតគ្លីនិកពេទ្យ ការិយាល័យមេធាវី គណនេយ្យករ ស្ថាបត្យករ ឬក៏កុងស៊ុលតង់ ជាដើម។ វាមានលក្ខណៈងាយស្រួលនៅត្រង់ថា ប្រភេទក្រុមហ៊ុនសហកម្មសិទ្ធិនេះ អាចចាប់ផ្តើមដំណើរការបានដោយមិនទាមទារដើមទុនច្រើន។ មានគ្នាតែពីរបីនាក់ មានកម្លាំង មានពេលវេលា មានជំនាញ មានដើមទុនម្នាក់បន្តិចៗ ល្មមអាចចូលគ្នា ដើម្បីទិញ ឬជួលទីតាំង និងសម្ភារៈសំខាន់ៗចាំបាច់ គឺអាចចាប់ផ្តើមដំណើរការបង្កើតជាក្រុមហ៊ុនសហកម្មសិទ្ធិ ដើម្បីប្រកបអាជីវកម្មបាន ហើយក៏មិនតម្រូវឲ្យមានឯកសារច្បាប់អ្វីស្មុគស្មាញច្រើនដែរ។
ក៏ប៉ុន្តែ គុណវិបត្តិធំបំផុត គឺនៅត្រង់ថា សមាជិកក្រុមហ៊ុនត្រូវទទួលខុសត្រូវលើបំណុល ដោយគ្មានកម្រិត។ បើសិនជាក្រុមហ៊ុនរកស៊ីខាតបង់ ជំពាក់បំណុលគេច្រើន ក្រុមហ៊ុនមិនមានលទ្ធភាពសង ម្ចាស់ភាគហ៊ុនត្រូវចេញលុយពីហោប៉ៅខ្លួនឯង ឬត្រូវលក់ទ្រព្យខ្លួនឯង ដើម្បីសងបំណុលគេ។ ម្យ៉ាងទៀត ការបង្កើតក្រុមហ៊ុនប្រភេទនេះ អ្នកដែលចូលហ៊ុន ចាំបាច់ត្រូវតែមានជំនឿទុកចិត្តគ្នាខ្លាំង ពីព្រោះ ក្នុងករណីមានបញ្ហាជាប់បំណុល បើសិនជាមានម្ចាស់ភាគហ៊ុនណាមួយមិនព្រមសង ម្ចាស់ភាគហ៊ុនមួយទៀតមានកាតព្វកិច្ចសងបំណុលជំនួស។
ក្រុមហ៊ុនសហកម្មសិទ្ធិមានកម្រិត
ក្រុមហ៊ុនសហកម្មសិទ្ធិមានកម្រិត ក៏ត្រូវមានម្ចាស់ហ៊ុនចាប់ពី ២នាក់ឡើងដែរ ហើយមានម្ចាស់ហ៊ុនពីរប្រភេទ គឺ មួយ ជាម្ចាស់ហ៊ុន ដែលតាមច្បាប់ហៅថា “សហកម្មសិទ្ធិករទូទៅ” និងមួយទៀត គឺជា “សហកម្មសិទ្ធិករមានកម្រិត”។
សហកម្មសិទ្ធិករទូទៅ គឺជាអ្នកដាក់ទុនចូលក្នុងក្រុមហ៊ុនផង និងជាអ្នកមានសិទ្ធិចាត់ចែង និងគ្រប់គ្រងក្រុមហ៊ុនផង ប៉ុន្តែ ត្រូវមានការទទួលខុសត្រូវទៅលើបំណុលរបស់ក្រុមហ៊ុន ដោយគ្មានកម្រិត (គឺដូចជាករណីម្ចាស់ហ៊ុន ក្នុងក្រុមហ៊ុនសហកម្មសិទ្ធិទូទៅដែរ)។
សហកម្មសិទ្ធិករមានកម្រិត ដាក់តែទុនចូលទៅក្នុងក្រុមហ៊ុនប៉ុណ្ណោះ ដោយមិនមានសិទ្ធិចាត់ចែងកិច្ចការក្រុមហ៊ុនទេ ប៉ុន្តែ ការទទួលខុសត្រូវលើបំណុល គឺមានកម្រិតត្រឹមតែដើមទុន ដែលបានដាក់ចូលក្នុងក្រុមហ៊ុនប៉ុណ្ណោះ។ ក្នុងករណីក្រុមហ៊ុនមិនមានលុយសងបំណុលគេ ម្ចាស់ហ៊ុន ដែលជាសហកម្មសិទ្ធិករមានកម្រិត មិនមានកាតព្វកិច្ចចេញលុយពីហោប៉ៅខ្លួនឯង ឬក៏លក់ទ្រព្យខ្លួនឯង ដើម្បីសងបំណុលគេ ដូចជា សហកម្មសិទ្ធិករទូទៅទេ។ ម្យ៉ាងទៀត ដើមទុនដែលសហកម្មសិទ្ធិករមានកម្រិតអាចដាក់ចូលក្នុងក្រុមហ៊ុនបាន គឺអាចត្រឹមតែជាលុយ ឬទ្រព្យសម្បត្តិប៉ុណ្ណោះ មិនអាចដាក់ដើមទុនជាចំណេះដឹង ដូចសហកម្មសិទ្ធិករទូទៅទេ។
និយាយជារួម ក្រុមហ៊ុនសហកម្មសិទ្ធិមានកម្រិត គឺមានលក្ខណៈស្រដៀងគ្នានឹងក្រុមហ៊ុនសហកម្មសិទ្ធិទូទៅដែរ គ្រាន់តែអនុញ្ញាតឲ្យមានអ្នកដាក់ទុនចូលរកស៊ី ក្នុងឋានៈជា សហកម្មសិទ្ធិករមានកម្រិត។
ប៉ុន្តែ កិច្ចសន្យាក្រុមហ៊ុនសហកម្មសិទ្ធិមានកម្រិតអាចមានរយៈពេលកំណត់យ៉ាងយូរបំផុតត្រឹមតែ ៩៩ឆ្នាំប៉ុណ្ណោះ គ្រាន់តែថា រយៈពេលនេះអាចពន្យារពេលបន្តជាថាថ្មីបាន នៅពេលផុត ៩៩ឆ្នាំ។
ទម្រង់ក្រុមហ៊ុនសហកម្មសិទ្ធិមានកម្រិតនេះ គឺវាអាចឲ្យមនុស្សម្នាក់ ឬមួយមួយក្រុម ដែលមានចំណេះដឹង មានជំនាញ ប៉ុន្តែ មិនមានដើមទុនគ្រប់គ្រាន់ អាចទៅសហការគ្នាជាមួយមនុស្សម្នាក់ ឬមួយក្រុមទៀត ដែលមិនមានជំនាញ ប៉ុន្តែ មានដើមទុន ដើម្បីបង្កើតក្រុមហ៊ុន ប្រកបអាជីវកម្មរួមគ្នា។ ឬមួយក៏ក្នុងករណី ដែលបានបង្កើតជាក្រុមហ៊ុនសហកម្មសិទ្ធិទូទៅរួចហើយ ឃើញថា ការរកស៊ីក៏បានកាក់កប អាជីវកម្មមានសក្តានុពល ហើយចង់ពង្រីកអាជីវកម្មនេះថែមទៀត ប៉ុន្តែ ខ្វះទុន សមាជិកក្រុមហ៊ុនសហកម្មសិទ្ធិទូទៅនេះអាចទៅស្វះស្វែងរកអ្នកមានទុនឲ្យមកចូលរួមសហការគ្នា ហើយប្តូរទម្រង់ក្រុមហ៊ុន បង្កើតទៅជាក្រុមហ៊ុនសហកម្មសិទ្ធិមានកម្រិតបាន។
ចំពោះម្ចាស់ហ៊ុន ដែលជាសហកម្មសិទ្ធិករមានកម្រិត ផលប្រយោជន៍ គឺនៅត្រង់ថា នៅពេលដែលមើលទៅឃើញថា អាជីវកម្មមួយមានសក្តានុពល ក្នុងការរកប្រាក់ចំណេញ គាត់អាចចូលរួមជាដើមទុន ដោយមិនចាំបាច់មានជំនាញ ហើយការទទួលខុសត្រូវរបស់គាត់ គឺកម្រិតត្រឹមតែដើមទុនដែលគាត់ចូលរួម ដោយមិនប៉ះពាល់ដល់ទ្រព្យផ្ទាល់ខ្លួន។ ក៏ប៉ុន្តែ ផលវិបាក គឺនៅត្រង់ថា ម្ចាស់ហ៊ុនដែលជាសហកម្មសិទ្ធិករមានកម្រិតនេះមិនមានសិទ្ធិគ្រប់គ្រង និងចាត់ចែងកិច្ចការក្រុមហ៊ុននោះទេ គឺត្រូវពឹងទៅលើម្ចាស់ហ៊ុន ដែលជាសហកម្មសិទ្ធិករទូទៅ។
ម្យ៉ាងទៀត ដើមទុនដែលសហកម្មសិទ្ធិមានកម្រិតដាក់ចូលទៅក្នុងក្រុមហ៊ុនសហកម្មសិទ្ធិមានកម្រិតនេះហើយ មិនអាចដកចេញមកវិញបានទេ ប្រសិនបើគ្មានការព្រមព្រៀងដោយសំឡេងភាគច្រើនដាច់ខាត ពីម្ចាស់ហ៊ុនទាំងអស់។ ក្នុងករណីមានការខាតបង់ ក្រុមហ៊ុនត្រូវក្ស័យធន ដើមទុន និងទ្រព្យសម្បត្តិទាំងអស់ត្រូវយកទៅសងបំណុលគេអស់ហើយ ម្ចាស់ហ៊ុនជាសហកម្មសិទ្ធិករមានកម្រិត ក៏មិនអាចទាមទារឲ្យក្រុមហ៊ុនសងដើមទុនរបស់ខ្លួនមកវិញបានដែរ។
ក្រុមហ៊ុនមូលធន
ក្រុមហ៊ុនមូលធន មានពីរប្រភេទ គឺក្រុមហ៊ុនឯកជនទទួលខុសត្រូវមានកម្រិត និងក្រុមហ៊ុនមហាជនទទួលខុសត្រូវមានកម្រិត។ ក្រុមហ៊ុនទាំងពីរប្រភេទនេះមានលក្ខណៈស្រដៀងគ្នាច្រើន។ ចំណុចខុសគ្នាធំៗ គឺនៅត្រង់ថា ក្រុមហ៊ុនឯកជនទទួលខុសត្រូវមានកម្រិតអាចមានម្ចាស់ហ៊ុនយ៉ាងច្រើនបំផុតត្រឹម ៣០នាក់ ចំណែកក្រុមហ៊ុនមហាជនទទួលខុសត្រូវមានកម្រិតវិញ មិនមានការកំណត់ចំនួនម្ចាស់ហ៊ុនអតិបរមានោះទេ។
គួរបញ្ជាក់ថា បុគ្គលតែម្នាក់ក៏អាចបង្កើតជាក្រុមហ៊ុនឯកជនទទួលខុសត្រូវមានកម្រិត បានដែរ ប៉ុន្តែ ត្រូវមានឈ្មោះថា “សហគ្រាសឯកបុគ្គលទទួលខុសត្រូវមានកម្រិត”។
ចំណុចខុសគ្នាសំខាន់មួយទៀត រវាងក្រុមហ៊ុនឯកជន និងក្រុមហ៊ុនមហាជន គឺនៅត្រង់ថា ក្រុមហ៊ុនមហាជនទទួលខុសត្រូវមានកម្រិតអាចបោះមូលបត្រលក់ជាសាធារណៈបាន ចំណែកក្រុមហ៊ុនឯកជនទទួលខុសត្រូវមានកម្រិតវិញ មិនអាចធ្វើបានទេ។
បើនិយាយពីលក្ខណៈរួមវិញ ក្រុមហ៊ុនមូលធន (ទោះជាក្រុមហ៊ុនឯកជនក៏ដោយ ឬជាក្រុមហ៊ុនមហាជនក៏ដោយ) ដើម្បីអាចបង្កើតឡើងបាន ត្រូវតែមានមូលធនយ៉ាងតិចបំផុត ៤លានរៀល (ប្រហែលជា ១ពាន់ដុល្លារអាមេរិក)។
ក្រុមហ៊ុនមូលធនអាចដំណើរការបានជានិរន្តរ៍ ដោយគ្មានពេលកំណត់ បើទោះបីជាមានម្ចាស់ហ៊ុនណាស្លាប់ ចូលនិវត្តន៍ ឬដកខ្លួនចេញក៏ដោយ លើកលែងតែត្រូវរំលាយក្នុងករណីក្ស័យធន ឬក្នុងករណីផ្សេងទៀត ដែលមានចែងក្នុងច្បាប់ស្តីពីសហគ្រាសពាណិជ្ជកម្ម។
ការទទួលខុសត្រូវរបស់ម្ចាស់ហ៊ុននីមួយៗ ត្រូវកម្រិតត្រឹមចំណែកដើមទុន ដែលបានចូលហ៊ុន។ ទ្រព្យសម្បត្តិរបស់ក្រុមហ៊ុន ត្រូវចែកដាច់ពីទ្រព្យសម្បត្តិបុគ្គលរបស់ម្ចាស់ហ៊ុន។
ក្រុមហ៊ុនមូលធនជាប្រភេទក្រុមហ៊ុន ដែលអាចផ្តល់ភាពងាយស្រួលក្នុងការបង្កើត អាជីវកម្មក្នុងទ្រង់ទ្រាយធំ ហើយងាយស្រួលក្នុងការស្វែងរកទុនបន្ថែម ដើម្បីពង្រីកអាជីវកម្ម។ ការបោះទុនវិនិយោគ ក្នុងក្រុមហ៊ុនមូលធន និងការដកទុនចេញមកវិញ ក៏មានលក្ខណៈងាយស្រួលជាងក្រុមហ៊ុនសហកម្មសិទ្ធិ។ ការទទួលខុសត្រូវរបស់ម្ចាស់ហ៊ុនមានកម្រិតត្រឹមដើមទុន ដែលវិនិយោគ ហើយទ្រព្យ និងបំណុលរបស់ក្រុមហ៊ុន ត្រូវបែងចែកគ្នាដាច់ស្រឡះ ពីទ្រព្យ និងបំណុលរបស់បុគ្គលជាម្ចាស់ហ៊ុន។
ផលវិបាកវិញ គឺនៅត្រង់ថា ការបង្កើតក្រុមហ៊ុនមូលធន ត្រូវមានដើមទុនយ៉ាងតិច ៤លានរៀលទើបអាចបង្កើតបាន ហើយមានសំណុំឯកសារច្បាប់ច្រើន ដែលត្រូវបំពេញ ដោយសារតែនៅពេលបង្កើត ច្បាប់តម្រូវឲ្យមានលក្ខន្តិកៈ និងបទបញ្ជាផ្ទៃក្នុងរបស់ក្រុមហ៊ុន ព្រមទាំងត្រូវមានរចនាសម្ព័ន្ធគ្រប់គ្រង និងនីតិវិធីក្នុងការចេញសេចក្តីសម្រេចច្បាស់លាស់។ ការរៀបចំសំណុំឯកសារច្បាប់ទាំងនេះ ពេលខ្លះចាំបាច់ត្រូវការរកមេធាវី ឬអ្នកជំនាញឲ្យជួយ ដែលត្រូវចំណាយពេលវេលា និងចំណាយលុយច្រើន ជាងការបង្កើតក្រុមហ៊ុនសហកម្មសិទ្ធិ។
នៅក្រោយពេលបង្កើតឡើងហើយ នៅក្នុងដំណើរការក្រុមហ៊ុន ក៏ច្បាប់តម្រូវឲ្យមានកាតព្វកិច្ចច្រើនដែរ ដូចជា ត្រូវមានមហាសន្និបាតម្ចាស់ហ៊ុនជារៀងរាល់ឆ្នាំ ហើយក្នុងមហាសន្និបាតនេះ ក្រុមហ៊ុនត្រូវធ្វើរបាយការណ៍ហិរញ្ញវត្ថុប្រចាំឆ្នាំ និងត្រូវមានរបាយការណ៍សវនករ ដើម្បីបង្ហាញម្ចាស់ហ៊ុន៕
Credit by: RFI
"គំរូ គោលការណ៍ប្រតិបត្តិបញ្ចាំ " (សម្រាប់លក់ $) មាន ៤៧ ទំព័រ
លោក លោកស្រី ដែលបើកហាង ឬក្រុមហ៊ុនបញ្ចាំ ដែលត្រូវការពង្រឹងលើគោលការណ៍ឱ្យកាន់តែច្បាស់លាស់ក្នុងការប្រតិបត្តិបញ្ចាំ នោះលោក លោកស្រី អាចទំនាក់ទំនងមកតាមភេជនេះផ្ទាល់ ឬតាមរយះ link telegram https://t.me/bizstartupsolutions
មនុស្សខ្លាំងមិនឋិតលើអំណាច ឬលុយទេ តែឋិតលើទឹកចិត្ត ដែលមិនចុះចាញ់
រីករាយថ្ងៃអាទិត្យ
សម្រង់គតិល្អៗពីសៀវភៅ "ZERO to ONE" របស់លោក PETER THIEL ដែលនិយាយអំពីរបៀបបង្កើតថ្មី និងកសាងអាជីវកម្មជោគជ័យដូចខាងក្រោម៖
• ពិភពលោកគឺមិនមានផលបូកសូន្យទេ៖ មានឱកាសជាច្រើនសម្រាប់អាជីវកម្មថ្មីដែលបង្កើតបាននៅតម្លៃថ្មី និងភាពជោគជ័យ។
• ផ្តោតលើការបង្កើតនូវរបស់ថ្មីៗ ដែលមិនចំលងពីរបស់ដែលគេមានស្រាប់នោះទេ។ អាជីវកម្មល្អបំផុត គឺជាអាជីវកម្មដែលបង្កើតនូវទីផ្សារថ្មី និងសហគ្រាសថ្មី។
• គិតឱ្យធំៗ៖ កុំខ្លាចក្នុងការមានក្តីសុបិនឱ្យធំ និងមានគោលបំណងដើម្បីមានលទ្ធពលផ្លាស់ប្តូរពិភពលោក។
• ធ្វើ និងគិតអ្វីឱ្យខុសគេ៖ កុំធ្វើតាមអ្វីដែលគេធ្វើច្រើន ត្រូវស្វែងរកឱកាសដែលអ្នកដទៃមិនធ្វើ
• យល់ដឹងច្បាស់ពីអតិថិជនរបស់អ្នក៖ យល់ដឹងពីតម្រូវការ និងសេចក្តីចង់បានរបស់អតិថិជនរបស់អ្នកឱ្យល្អជាងអ្នកដទៃផ្សេងទៀត។
• កសាងក្រុមដែលរឹងមាំ៖ អ្នកនៅជុំវិញអ្នកគឺជាមនុស្សឆ្លាតជាងអ្នកហើយជាអ្នកដែលចូលរួមក្នុងចក្ខុវិស័យរបស់អ្នក។
• ហ៊ានបរាជ័យ៖ ភាពបរាជ័យគឺជាផ្នែកមួយនៃដំណើរការរៀនសូត្រថ្មី កុំខ្លាចក្នុងការទទួលយកហានិភ័យ។
• មានអំណត់៖ អ្វីៗត្រូវការពេលវេលាដើម្បីកសាងបាននៅអាជីវកម្មជោគជ័យ។ កុំរំពឹងភាពជោគជ័យលឿនហួសហេតុ។
• មានភាពរីករាយ៖ ប្រសិនបើអ្នកមិនមានភាពរីករាយនោះទេ អ្នកនឹងធ្វើអ្វីៗមានភាពខុសឆ្គង។
ការផ្តោតជាផ្នែកមួយនាំទៅរកការសម្រេចបាននូវគោលដៅ
អបអរសាទរខួប ១៥ឆ្នាំ (០៧ កក្កដា ឆ្នាំ២០០៨ - ០៧ កក្កដា ឆ្នាំ២០២៣) នៃការដាក់បញ្ចូល ប្រាសាទព្រះវិហារ ជាសម្បត្តិបេតិកភណ្ឌពិភពលោកដោយអង្គការយូណេស្កូ។
"ការទទួលខុសត្រូវលើខ្លួនឯង"
ការទទួលខុសត្រូវលើខ្លួនឯង គឺជាគន្លឹះនៃជិវិតដ៏សំខាន់ដែលត្រូវយល់ដឹង។ មនុស្សមិនតិចទេដែលមិនសូវហ៊ានទទួលខុសត្រូវចំពោះអ្វីៗគ្រប់យ៉ាងដែលកើតឡើងនៅក្នុងជីវិតប្រចាំថ្ងៃរបស់ខ្លួន។ នៅពេលណាដែលមានបញ្ហាអ្វីមួយយើងតែងតែដាក់ការទទួលខុសត្រូវ នោះទៅអ្នកដទៃថាមកពីពួកគេបានជាយើងទៅជាបែបហ្នឹងចឹង។
ពេលខ្លះយើងក៏ដឹងថានោះគឺជាកំហុសរបស់យើង តែយើងនៅតែគាំទ្រថាយើងជាជនរងគ្រោះដោយមិនមានអ្នកជួយការពារ។ ពិតណាស់ហើយថាវាមានភាពងាយស្រួលណាស់ក្នុងការចង្អុលដៃទៅម្ខាងទៀត ហើយនិយាយថាអ្នកដទៃមានកំហុសចំពោះការរងទុក្ខរបស់យើង ជាជាងទទួលយកការទទួលខុសត្រូវដែលយើងជាអ្នកជ្រើសរើសដោយមិនសប្បាយចិត្ត។ នេះក៏មិនមានន័យថាយើងត្រូវតែជាមនុស្សដែលទទួលខុសត្រូវរាល់បញ្ហាដែលខ្លួនមិនបានធ្វើនោះដែរ។
ជាសរុបរួមការទទួលខុសត្រូវខ្លួនឯង គឺជាអ្វីដែលខ្លួនយើងត្រូវមានភាពក្លាហានប្រឈមដោះស្រាយទៅបញ្ហាកើតឡើងចំពោះយើងក្នុងភាពជាម្ចាស់ការ ដោយមិនទំលាក់ការទទួលខុសត្រូវ កំហុស ឬពឹងផ្អែកអ្នកដទៃឲ្យទទួលជំនួសយើងនោះទេ។ បើយើងធ្វើបែបហ្នឹងបាននោះយើងនឹងក្លាយជាមនុស្សម្នាក់ដែលមានភាពរឹងមាំ មានថាមពល និងសេរីភាព។
#លើកទឹកចិត្ត #ជំរុញទឹកចិត្ត #ជំនះ
"គំរូ គោលការណ៍ហិរញ្ញវត្ថុ " (សម្រាប់លក់ $) មាន ១០ជំពូក និង៣៦ ទំព័រ
លោក លោកស្រីដែលត្រូវការគោលការណ៍ហិរញ្ញវត្ថុដើម្បីប្រិតិបត្តិការអាជីវកម្មឱ្យបានត្រឹមត្រូវ និងមានប្រសិទ្ធិភាពនោះលោក លោកស្រីអាចទំនាក់ទំនងជាវឯកសារតាមភេជនេះផ្ទាល់ ឬតាមរយះ link telegram https://t.me/bizstartupsolutions
ប្រសិនបើអ្នកមិនបោះបង់ អ្នកនៅតែមានឱកាសឈ្នះ។ ការបោះបង់គឺជាបរាជ័យដ៏ខ្លាំងបំផុត។ "Jack Ma"
#សម្រង់គតិ #លើកទឹកចិត្ត
ចូររំលឹកខ្លួនឯងថា ថ្ងៃនេះអ្នកត្រូវតែជាមនុស្សដែលប្រសើរជាងម្សិលមិញ ហើយពិភពលោកនេះគឺជាផ្នែកមួយរបស់អ្នក។
#លើកទឹកចិត្ត #ជំរុញទឹកចិត្ត #សង្ឃឹម
"គោលដៅ"
ទោះបីជាទៅដល់ក្រោយគេ មានឧបសគ្គយ៉ាងណាក៏ដោយ អ្នកត្រូវឆ្ពោះទៅមុខជានិច្ចដើម្បីសម្រេចក្តីស្រមៃ និងគោលដៅរបស់អ្នក។
#ស៊ីហ្គេម២០២៣
#ប៉ូសំណាង
ទស្សនីយភាពដ៏វិសេសវិសាលលើដែនដីខ្មែរ ក្នុងឱកាស SEA GAMES 2023
Click here to claim your Sponsored Listing.
Videos (show all)
Category
Contact the business
Telephone
Address
Street 08, Krong Siem Reap
Siem Reap
1710
Siem Reap
Siem Reap, 1710
👍ទទួលទិញលក់ឡាននឹងបង់រំលោះ25ខេត្ត ប្រឺក្សាបន្ថែម 012/090/081 252643
Svay Chek Road Svay Chek Commune Angkor Thom
Siem Reap
អរគុណយ៉ាងជ្រាលជ្រៅចំពោះអស់លោកអ្នកដែលតែងតែគាំទ្រខ្ញុំបាទ🙏🏻🙏🏻🙏🏻 I'd like to grateful the audience
National Road #6
Siem Reap, 17710
Business Development Service (BDS) Provider, MSMEs development Trainer, coach and mentor
Siem Reap, 1710
This Business established in order to sell the Lomer Farm. The business' services are providing the information of land-farm, assisting with processing of farming care, and run ou...