Zahraa AlQattan

١٣ / ٦
تاريخ انولد فيه حبيبي واخوي وصديقي وروحي ..
أخوي أحمد
أتمنالك يا حبيبي عمر كله صحة وعافية
وسنة كلها اخبار حلوة وافراح
وانجازات فيها خير وفير
ويبلغنا فيك في احلى النصيب والمناصب ..
ياروح خواتك وسند خواتك و قوتهم
الله يحرسك ويخليك ويحفظك بعينه التي لا تنام ♥️
عسى ميلادك سعيد ياحبيبي♥️

عسى ايامكم دوم عامرة بالايمان وطاعة الرحمن ..
عساكم من العايدين والفايزين🌸

🎂

٢٥ فبراير 🇰🇼
يوم الاثنين بالتحديد
عيد استقلال كويتنا عن بريطانيا العظمى🇰🇼

واللي تغير فيه علم الكويت الى العلم الحالي وكانت فكرة ألوان علم الكويت مستوحاه من شعر الشاعر ( صفي الدين الحلي )


إنا لقوم أبت أخلاقنا شرفًا أن نبتدي بالأذى من ليس يؤذينا

بيض صنائعنا، سود وقائعنا خضر مرابعنا، حمر مواضينا

لا يظهر العجز منّا دون نيل منى ولو رأينا المنايا في أمانينا

دام عزج ودام فخرنا فيج يا احلى ديرة
اللي يذكر اسم كويتنا يحط ايده على راسه ويصلي عالنبي عليها 🇰🇼❤️
محفوظة باسم الرحمن وبقلوب اهلها الطيبين ..
ديرة الخير حق كل من سكن فيها ❤️❤️🇰🇼
🇰🇼

.in.studio
اللهم بارك لي ووفقني بما تحب وترضى 💕

بسم الله الرحمن الرحيم:
وَلَا تَحْسَبَنَّ الَّذِينَ قُتِلُوا فِي سَبِيلِ اللَّهِ أَمْوَاتًا ۚ بَلْ أَحْيَاءٌ عِندَ رَبِّهِمْ يُرْزَقُونَ🌸

فَرِحِينَ بِمَا آتَاهُمُ اللَّهُ مِن فَضْلِهِ وَيَسْتَبْشِرُونَ بِالَّذِينَ لَمْ يَلْحَقُوا بِهِم مِّنْ خَلْفِهِمْ أَلَّا خَوْفٌ عَلَيْهِمْ وَلَا هُمْ يَحْزَنُونَ🌸

صدق الله

العظيم 🌸 في ذاته، عظيم في أسمائه، عظيم في صفاته

الجبار🌸 الذي يَجبُرُ الضعيف وكل قلب منكسر وفاقد لعزيز

اللطيف🌸الذي يعلم دقائق الأمور وخفاياها، وما في الضمائر والصدور، والذي يحسن إلى عباده من حيث لا يحتسبون

القيوم 🌸البالغ النهاية في القيام بتدبير ملكه، القائم بذاته على الإطلاق، الغني عن غيره، المستند إليه كل ما سواه من الموجودات

وكل اسم من أسمائه عظيم🌸

رحم الله أبي 🌸 حياً عند الله يرزق 🌸 وكل شهيد وشهيدة 🌸

١٢٠ دقيقة باليوم تسوى ٧ ايام راحة .. شلون🧐

بقولكم موقف واقعي معاي وشلون سويت هالمعادلة وضبطت معاي👌🏻

تخصصي كان رياضيات وتجاري بالثانوية 😆 فوايد راح تشوفون مصطلحات رياضياتية🧐

المهم 😌..

اتفقت مع بو بدر اني بخصص يوم من ايام الاسبوع يكون لي منه ٥ ساعات حقي مقي بروحي اسوي فيه اللي ابيه
( اطلع / اقعد بالبيت بروحي / مشاوير فيها متعة لي مو اي مشاوير مثلا صالون او مساج ) اسوي اللي ابيه

وطبعا اتفاقي معاه على اساس ان العيال يكونون معاه وتحت عينه لان البيت بعيد وليلحين مو راضية أتأقلم اني اخليهم بروحهم 🫠..

وقلت بجرب اسبوعين وبشوف شنو راح يفرق معاي ..

🌹اول شي لي رديت البيت احس ان طاقتي متجددة حق اسبوع جدام
🌹يومي يكون غير واحس كأني سويت كل اللي بخاطري حق هالاسبوع
🌹عيالي فرقت معاهم وقالولي يما صرتي غير وماتعصبين وايد كل مرة طلعي😂
🌹صار ترتيب الامور عندي اسهل من اني اجابل النوت كل يوم واكتب شنو بسوي واخطط واعتبره كأن واجب
🌹قمت اتحمس حق يوم الراحة واعتبره مكافأة لي على مجهود الأسبوع
ووايد امور فرقت معاي👌🏻❤️

🌹رسالة حق كل ام

❤️خصصي وقت حق نفسج مو شرط ال ٥ ساعات بيوم واحد حتى لو ساعتين كل ٣ ايام
صدقيني راح تحسين انج عطيتي نفسج حقها ..

🤔انزين شنو اسوي بهالوقت ؟
☕️طلعي كافيه يديد
📚روحي مكتبة واختاري كتاب الاسبوع واقريه وراح تكونين مخلصة ٤ كتب بالشهر مستوعبة😍
🌊☀️روحي قعدي بالسيارة قبال البحر بما ان الجو حار ونزلي بو ربع بس سمعي صوت الماي
💅💆🏻‍♀️روحي صالون / مساج
🛀🫧🎞قعدي بالبيت اخذي حمام دافي واستخدمي عطورات استرخاء ولبسي بجامة يديدة لونها هادي وسادة وحطي فيلم تحفيزي / رومانسي
🫖🍵🪔شربي اعشاب بهاليوم وشغلي شمعة وموسيقى هادية وانصحج تكتبين باليوتيوب ( reading / focus music )

💁🏻‍♀️ سوي شي اهو اصلا لا شيء:
صمت
حطي التلفون بعيد عنج
روحي كافيه وتأملي الرايح والراد وبالذات الاطفال وحركاتهم لان فيها طاقة عجيبة..

❤️المهم تخصصين لج يوم يساعدج حق ٧ ايام ..

واذا في احد مجربها قولولنا تجاربكم بهاليوم وشنو فرق معاكم 👏🏻😍👌🏻

جربوها وادعولي 🤲🏻🌹

#تخطيط #ريلاكس #ملل #أمومة

خطوات اتخاذ القرار ..
اتخذ كل خطوة وعطها حقها 👌🏻
وراح تشوفون النتيجة ..

حابة مساعدة أكثر في الموضوع لا تترددون في حجز الاستشارة 👩🏻‍💻🗓
الرابط موجود عالبايو
#تخطيط #ترتيب #أولويات #أمومة

خطوات اتخاذ القرار ..
اتخذ كل خطوة وعطها حقها 👌🏻
وراح تشوفون النتيجة ..

حابة مساعدة أكثر في الموضوع لا تترددون في حجز الاستشارة 👩🏻‍💻🗓
الرابط موجود عالبايو

عيد أضحى سعيد ويعود علينا وعليكم بالصحة والعافية 🕋🌸

كل عام وانتي جنتي يا أحلى أميرة .. كل عام وانتي قوتي 💓 كل عام وانتي ابتسامتي 💓 كل عام وانا اراك بخير وسعيدة💓
الله أمي ثم أمي 💓 _ahmed5
كل عام وأنا قوتكم وسندكم ربي يحفظني ويخلي ابوكم ويمدنا بالصحة ونحقق كل اللي تتمنونه يا قطعة من روحي 💓 .h.trolley
مريوم يا اغلى خالة وام حق عيالي اموت فيج واموت ببناتج وحاليا ودي اعظ ازيان ودرة وابوسهم حتى البكاء 😆💓
وفاء انتي غير والله غير 😍 احلى واغلى خالة واطيب خالة .. سندي ومخي المتوازن من غيرج انا صج اضيع 💓alqattan85
الله يحرسكم ويحفظكم لي ويبارك لنا بكل دقيقة نكون فيها مع بعض ويرحم عزيزة قلبي .. يدتي وأمي الثانية ما انساها ولا انسى صوتها وقعدتها ولاحتى زاوية صلاتها .. الله يرحم كل أم متوفية ويحفظ امهاتكم يارب 💓

❤️رسالة الى
الأم الوحيدة
الأب الوحيد
سواء بسبب ( موت / طلاق / انفصال / سوء معاملة / سلبية دايمة / انشغال / سفر ) او اي سبب من الأسباب ..
❤️انتو اقويا
عندكم مسؤولية مو كل شخص يقدر يتحملها ❤️
ضروري تعتنون بنفسكم وبصحتكم واهم من كل هذا التقبل من داخل لأن الرحلة راح تكون صعبة اذا كنتو تعبانين أودايما تفكرون ( ليش حظي جذي او ليش نصيبي جذي )
التقبل راح يفتح لكم أبواب حلوة ويريحكم في تربية عيالكم ويخليكم مستعدين حق كل شي وبقوة👌🏻🌹
🌹حضنو اطفالكم بينولهم حبكم لهم
🌹سوولكم روتين نهايته هدف حلو وشاركو عيالكم فيه
🌹ضروري يكون في حدود حق كل شي عند طفلك لا تكون الموافقة بكل شي لأن هالشي راح يضره
🌹لا تلومون نفسكم نهائيا على اللي صار
🌹 صاحبو ناس تكون اعمار عيالها قريبة من عيالكم ( وانتقوهم صح 👌🏻)
🌹خلكم ايجابيين دايما وشوفو الأمور ملها بعين الخيرة
والله يحفظكم حق عيالكم ويسخر لكم عيالكم كعون وسند جميل❤️🌹

شهر جديد ..
بدايات جديد ..
ضروري بداية كل شهر تقعدون مع نفسكم .. وتخلونها فرصة تنثرون افكاركم على بساط الورق ويكون التخطيط عادة في بداية كل شهر عالاقل ..
ومن الأشياء المهمة بهالشهر للتذكير :
- عودة المدارس لجميع المراحل
الأحد : ٦ مارس
- يوم الأسرة ( عيد الأم )
الاثنين : ٢١ مارس
- التجهيز حق شهر رمضان اعاده الله علينا وعليكم بالخير والبركة❤️

الإسراء والمعراج من أهم المناسبات الدينية اللي يسعى فيها المسلمون للتقرب من الله سبحانه بالدعوات الصادقة من القلب❤️
يارب حقق حق شخص اللي يتمنى عاجلًا وليس آجلًا.🤲🏻

كل عام وانتو بالف خير ❤️

الأب❤️
اذا كنت أب وقريت هالبوست ..
هالرسالة لك 👌🏻
دام راسك يشم الهوى لا تخلي عيالك يفقودنك وانت بينهم
لا تخلي مشاغل الدنيا تلهيك عن بيتك.. ترى إنت بعد عمود البيت والأم خيمتها ..
ضروري تخطط حق مستقبل عيالك علشان انت تكون مرتاح بتربيتهم
دورك مو سهل ترى
ولحد يقول دور الأب مو مثل دور الأم كلش ..
انت سند بنتك 👨‍👧.. انت ظهر ولدك👨‍👦

وهالرسالة حق اللي مقاطع ابوه❤️
ابوك موجود ..
تسمع حسه ..
ليش تقاطع انسان يحبك اكثر من نفسه ..
يحاسبك ؟ يأذيك ؟ يحاتيك وايد ؟
انت بنعمة غيرك فاقدها 👌🏻

الفقد كلش مو حلو الله لا يذوق أحد مرارته .. دامكم بين اهلكم استغلو كل دقيقة معاهم
امك 🌹 ابوك 🌹 عيالك 🌹 أجدادك🌹 خوالك 🌹 عمامك 🌹 خالاتك 🌹 عماتك
ولا تقطع أي عزيز تكفى 🙏🏻

ماتدرون چم مرة أسجل بودكاست وارد الغيه .. واخر شي قلت بكتب لأن مابي أوصل حق الناس رسالة تتضايق او مشاعر حزن لاني بين كلمة وكلمة تتزل دموعي لي ذكرت طاريه ..

تدرون متى بدت معاي هالمشاعر .. بالضبط شهر ٨ / ٢٠١٧ والسبب اني عرفت تفاصيل رحلة ابوي مع الاسر من خلال ناس كانو معاه وسبحان الله ف*ج عنهم .. الله يحفظهم ..
وانا ممنونة وايد حق عمي علي على هالمجهود قابل ناس من اول أسره الى اخر واحد شافه بشهر فبراير ١٩٩١ ..
واهم نقاط صدمتني بأبوي رحمة الله عليه وعرفت شكثر ان قوي حتى بأصعب أوضاعه..

🇰🇼كان دايما مجابل صلاته ويصلي مايطوف فرض والشخص اللي معاه يقول كنا ماندري ليل ولا نهار كان يصلي بالاحساس
🇰🇼كان يصوم ويخش جزء من الصمونة اليابسة ويقسمها حق سحور وفطور
🇰🇼 كان يقعد مع المراهقين ويتكلم معاهم عن الدين وعن الصبر واهما بهالمكان
🇰🇼اخر نقطة كان موصي اخر شخص شافه ان يبوسنا واحد واحد انا واخواني وقال حق رفيجه حرفيا قول حق اهلي ( انا بخير لا تحاتوني )

❤️🇰🇼 وفعلًا ما نحاتيك يبا انت بمكان احلى واحسن ربي يجمعنا معاك بجنات النعيم

دمت حرة أبيه ياكويت ..
ودام أمنك وامانك بحفظ الرحمن ..

وهذي أفكار بسيطة تقدرون توفرونها من أقرب سوق مركزي / او شعبي ..
والافكار بالترتيب :
١- تقدرون تحطون سيارات قديمة وتضيفون معاها بطاقة مكتوب فيها لوحات السيارة قديمًا
٢- هذي مكونات الهوت جوكليت داخل اكياس ومغلفة بشريطة او خيط وتقدرون تحطون اي عبارة وتستخدمون الورق اللاصق تطبعون عليه ويتقصص بأي شكل ويلصق على التوزيعة
٣- نفس الشي عالبوب كورن
٤- طبعا لازم شي من التخصص 😎🎨
اي نوع الوان ( شيني / خشبي / شمعي ) وتنطبع معاه رسمة عن الكويت بس كتبو بقوقل Kuwait drawing outline / kuwait clip art تطلع لكم رسومات سادة حلوة جاهزة للتلوين
٥- تختارون اي نوع من الحلويات القديمة وتلفونها بأكياس صغيرة وبعدها تتغلف مثل ( البقشة ) وتقدرون تستخمون غترة مغسولة وقديمة عادي بس شرط كيس نايلون التغليف مو دايركت
٦- اظن الكل يعرف من وين تنوخذ الأكياس الورقية البنية ( الشويخ / شارع التمور ) وتلصق عليها خامات بنقشات تراثية قديمة
٧- وأخيرًا لعبة الصابون ويوضع عليه استكرز مطبوع عليه اي عبارة والورق اللاصق لازم يكون مطفي علشان تقدرون تطبعونه بالبيت

وشكرا .. دامت افراحكم🇰🇼

كل عام وكويتنا مستقلة وبأمن وأمان بحماية الرحمن وأميرها وشعبها اللي يحبها ..
اقل شي نقدمه ان نلتفت حق انفسنا ونحب هالارض بكل فكرة نفكر فيها وبكل كلمة نقولها عنها ..
ديرتنا ديرة خير
ارضها طيبة
تعطينا بدون مقابل (وهالكلمة انا مسؤولة عنها)
احبج ديرتي احبج ياكويت واحب شعبج اهلي واخواني وعزوتي 🇰🇼
تبقين حرة وتبقين دار الابداع وتبقين أمنا اللي مالنا غنى عنها ..
واختمها بسؤال كنت أسأله طالباتي كل سنة ؟
لو عطوك كل اللي تتمناه وقالولك بس عطنا ديرتك شنو بيكون موقفك ؟
ردود طالباتي كانت تبچيني رغم صغر عمرهم بس ملامحهم تحزن والكلام مايطلع بس كانو يقولون ( محد يقدر ياخذها واحنا فيها ومانبي شي بس نبيها 🇰🇼🇰🇼)

اتخاذ القرار من الأمور الصعبة بالنسبة لي وتمكنت منها تدريجيا، كنت دايما افكر بفكرة بالليل والصبح أقوم مطبقتها وهالشي خلاني ادخل بأمور أكثر من طاقتي واكون مشتغلة فيها وماشية درب واخر شي اوقفها لأن اكتشف اني توهقت ودخلت ف دوامة كبيرة ..
فعلشان ما تمشون بدرب القرارات السريعة المدمرة ( لنفسكم )..
سألو نفسكم هال٣ أسئلة واللي استفدت منها شخصيا الى الان في اتخاذ أي قرار في حياتي

١- هل فعلا انا بكون بهالوضع أو بمتلك هذا الشيء أو أبي أسوي هالشي ولا فترة وبهمله؟
٢- هل هذا القرار بيساعدني أسوي الشي اللي آنا ارتاح له؟ ( مو الشي اللي لازم يصير )
٣- هل هالقرار راح يأذي طرف آخر ؟ ومعنى الأذية هو أن يضر أحد مو إن يوافق أو لأ

#امومة #ام #قرارات

‏المفروض إني منزله البوست قبل هالوقت ‏بس لأن اليوم كان وايد حافل ومتزن صح بالنتايج وفيه أحداث إن شاء الله راح تكون جميلة بإذن الله لاني كنت بالتنفيذ مو متوازنة فيها ..
اي (( كنت مو متوازنة ))
شلون مو متوازنة ونتايج متوازنة 🤔😵‍💫 ضيعتي مخنا زهراء..
بقولكم عن جملة كل ما حسيت اني ضايعة والامور عندي ملخبطة اقراها وكانت كاتبتها بنت اردنية لها تأثير كبير بحياتي اسمها نماء شام والجملة تقول :
‏توزيع متوازن للوقت والجهد = نتائج عادية توزيع غير عادل للوقت والجهد والمال = نتائج مبهرة
يعني عطو كل شي وقته وحقه .. وتعبو عليه علشان يعطيكم النتيجةاللي تبونها احلى بعد..
وبقولكم مثال عالحالتين :

شخص يحط اهداف وايد وبيراضي الكل ويعطي كل هدف وقت قليل باليوم على اساس ان انجز بس بعدها من التعب وقف كل شي وما كمل..

وشخص ركز على ٣ اهداف بس وكل هدف يحتاج تقريبا شهور على مايتحقق بشرط الاجتهاد وقام وركز على كل شهر هدف بروحه ومارس حياته طبيعية وقسم حياته على اولويات يعطي الاهم وقت اكثر من المهم ..

منو تهقون اللي بينجح أكثر🤔😎

حلو ان الشخص يعرف منو اللي يحبه ويهتم حق أمره من غير مقابل ومن غير اي شروط ..
وهذا الحب الفعلي ( الحب الغير مشروط ) .. وسبحان الله حب الأم الوحيد اللي يكون مو مشروط ..
بس خلونا نوضح شنو الحب اللي احنا نحتاجه 💞
🌹حب مافيه اي قيود
🌹ان الشخص يسعدني بدون لا ينطر مني مردود..
🌹ان اللي يحبني ( يحترمني ويقدرني ) ..
النقطة الاخيرة اهم نقطة بالحب ..
🌹 اللي يحبني مايخليني علشان نزوة .. ويعاملني باحترام مو لازم أتحمل سلوك وتفكير يأذيني على أساس اني احبه ..

الحب كلش مو جذي .. ❤️

الحب معناه أكبر وأشمل وهو نعمة محد يقدر يعيش بدونها 💞

حتى مع نفسج ضروري تقدرينها وتحبينها .. وصدقوني هالشعور راح يوصل حق محيطج وراح يبادلونج نفس الحب ..مساكم كله حب💞

احبج يما
احبك يبا
احبكم خواتي وحبيبي اخوي
احبك بو بدير 💞
احبكم عيالي
احب أهلي
احب صديقاتي
واحب متابعيني من كل قلبي على الثقة الجميلة والكلام اللي وصلني منكم كلمة كلمة ❤️
❤️ كل يوم وانتو الحب ❤️

#حب #امومة #الحب