Menna reda

اول مرة في حياتي اشوفهم كدة جنب بعض الحب كله ♥️

قولولى حاجة بتفرح الست غير الفلوس 😃

لما اوزن والاقى نفسي مخستش 😂👎🏻

الدايت حاجه والبيتزا حاجه

لما جوزى يسألنى باقى كام معاكى من مصروف البيت

-كيف تجاوزت أحزانك
=عملت ساندويتش جبنه ع لانشون وكوبايه شاي بلبن 🤭

احلامى المستحيلة🙈

هو انتي ازاي قادرة تتخطى مشاكلك والهموم إللي عندك

مش يمكن لو أكلت قفص مانجة لوحدي نفسيتى تتحسن

وتجربة جديدة ف مطعم

جربت تشكستر ………
المكان بالافنيوز
الوجبة عبارة ١٥ قطعة دجاج مع كلو سلو و٤ خبز ب ٦ دينار

تقييمي للاكل 👎🏻
الاوردر بياخد وقت طويل اوى اوى
الدجاج كل قطعة فيه شاربة نص كيلو زيت 🙃
وتحت الفراخ شوية بواقى بطاطس كده غريبة تقريبا مطرح ما بيقلوا البطاطس بيستخسروا يرموا الفتافيت ف قرروا يحطوها للعملا 🙈 القطع بقي تحسي انها مسلوقة ومقلية والجلد ف القطع كده مش لطيف ومفيش اى تتبيلة فيه حتى السبايسي مفيش اى سبايسي فيه هو كأنهم مزودين فلفل اسود شوية
البطاطس بشعة طعمها غريب اوى
الوجبة مش معاها إلا علبة فيها قطعتين خيار مخلل و كلو سلو بس وللأمانة الكلو سلو حلوة هى اللى ف الاكل وبس
طبعا شاريين البطاطس لوحدها
مفيش حتى بق مية مع الوجبة 😂
تجربة لن ولم تتكرر ويا شوم التجربة وشكرا

الناس الطيبة ال بتحب الفاصوليا البيضا اكتر من اللحمة والفراخ 🥰

احنا ندخل ناكل ب 500 ج عادي جدًا بس منفتحش ازازه المياه فالمطعم علشان غاليه

آخر مرة شوفت سبت الغسيل ده فاضي كان يوم ما اشتريته😐

مين فينا لما كان بيشوف شكل الاطباق مرصوصة كده مبيفرحش 😃

وانتى لسة راجعة من المدرسة وتشوفى مامتك بتعبي الاطباق وبتقولك ساعدينى ورصى ع الترابيزة بجد كنت بابقي مبسوطة اوى ويا سلام بقى لما تدينى طبق وتقولى انزلى أديه لخالتك ام محمد (كانت دايما تدينى حاجة حلوة لما أنزلها)
او تقولى طلعيه لأبلة قوت(جارتنا ساكنة فوقينا 🙈 )

لحظة التوزيع دى كانت بتبقي المفضلة بالنسبة ليا وماما بتقولى خدى ادى فلان وادى علان
الذكريات دى دايما هتلاقيها مشتركة بينى وبين ناس كتير ف سنى عشان كده باحب اكتبها لانها بتطلع من قلبي وف لحظتها باكون سعيدة 🥰

الذكريات دى من غيرها مقدرش اعيش دايما بافتكرها مع كل مرة باعمل اكلة او حاجة حلوة عشان كده وانا باطبخ باحس انى بالاقى نفسي بانسي اى حاجة مزعلانى بافتكر بس اللى باحبهم والناس اللى قضيت معاهم احلى ايام ♥️

عاشورا كل سنة وانتوا طيبين وبخير متنسوش تعملوها وتعرفوها لولادكم واعملوا معاهم ذكريات حلوة مش ضرورى كلها تبقي فسح وسفر

احلى قعدة ⚘

أشياء تجعل الحياة ألطف 🤎

أنا جاية اثير الجدل واقول أن معجون التوم ده ممتاز ومنجز بس عيبه ان الخل فيه عالى اوى يعنى تقدرى تستخدميه ف صلصة الفتة اخره انما تعملى بيه صلصة مكرونة او طشة ملوخية فاشل اوى 😂 جربتوه ولا 🤔

متنسوش بكرة ان شاءالله صيام تاسوعا وعاشورا والأيام البيض كل سنة وانتم طيبين وبخير وصحه وسلامه يارب
ان لم تستطع الصيام فذكر بها غيرك ♥️

لما جوزى وولادى يطلبوا منى اى حاجة اليومين دول

الصور دى بتفكرنى بأيام زمان لما العيله كانت بتتجمع ونروح نصيف ف (( الاسكندريه ،، بورسعيد ،، راس البر ))
ونفضل ساهرنين للصبح ❤️

احكولة كنتوا بتعملو ايه 🌹؟!
اقروا اللى مكتوب تحت كل صورة 🙈

حوارات بجد 😂

حاسة اني بقيت ضيفة تقيلة علي النمل 😫بفكر اسيبله البيت وامشي

مش عارفة جربتوها ولا لسة😃

بس المكرونة دى حلوة اوى اقرب حاجة للنودلز باجيبها لولادى بيحبوها وبقت بديلة للنودلز 👌🏻
عشان كانوا دايما بيشبطوا ويطلبوا وانا مبطلاها من زمان
بجد خطيرة هى شبه السباچيتى بس ارفع كتير اوى وهى مسلوقة كمان مع ملح وفلفل بس حلوة وممكن تتعمل بالخضار وصويا صوص بتبقي جميلة بجد
اللىً جربها يكتبلنا رأيه واللى لسة يجرّبها ويفتكرني بدعوة حلوة 😘

طول اليوم بأعك ف كل الوجبات ومش ملتزمة
وجبه الفطار👇🏻

يا بنات نصيحة لوجه الله

محدش يشتري من عرض الجبنة الرومى ❌❌❌❌❌
اللى موجود بسلطان طعمه وريحته كأن فيه جاز أنا اشتريت امبارح والنهاردة بنتى كلت منه وبطنها وجعتها أنا شميته ودوقته فيه حاجة غلط أنا بس حبيت أقولكم أصلا اى حد هيشتري من الجبنة هيحس من ريحته انها مش حلوة
أنا روحت رجعته واخدت فلوسي أنا أصلا كنت مستغربة سعره عمرى ما اشتريت الجبنة بالسعر ده ابددااا
الأفضل جربي ودوقى قبل ما تشترى

📌أنا واحدة راحتها النفسية متوقفة ع نظافة البيت 🥹♥️

لما حد يطلب مني انزل معاه مشوار

في بوست كده ظهر ملوش لزمة
بيقول ان عصير القصب خطر وبتاع وان مش مغسول وان فيه أفاعي وتنين مجنح وان المكنة بتنزل بلاوى
جرى ايه يا جماعة نسيتوا قوام كده احلى كوباية عصير قصب بعد مشوار طويل ولف ف العتبة والغورية نسيتوا كوباية القصب اللى بتسرسح ع قلبك بعد ما تتنقعى ف الشمس
نسيتى احلى كوباية قصب شربتيها بعد اكلة كشرى انتى وصاحبتك طول عمرنا بنشربه واحنا اهو زى الفل بنسمى الله ونشرب يعنى هى جت عليه سبتوا كل حاجة وحشة ف الدنيا وملقيتوش إلا القصب 😏
ما تنشف كده منك له لها له ومتكرهوناش في العيشة وتقرفونا اكتر ما احنا قرفانين
خط احمر لا خطيين حمر 📌📌

اللهم في هذا العام الجديد الذي أقبل علينا قربنا إليك ووفقنا وارزقنا رضاك والجنة
يا رب ندعوك بأن تمنحنا أفضل أمنياتنا مع بداية هذا العام وتجعلها بداية خير لنا ولاحبابنا
اللهم إنا نسألك أن تجعله أفضل من الذي قبله وندعوك أن تقدر لنا كل الخير وارضنا يا أكرم الأكرمين🤲♥️

عام هجري مبارك
١٤٤٦
كُلُّ عَامٍ وَأَنْتُمْ بِخَيْرٍ
New Islamic Year

شوية بتنجان مخلل حرشين
اللى أكل من ع عربية فول ف الشارع هو اللى
هيفهمه ويقدره 😃

طزيقة البتنجان لكل اللى طلبها منى
نص كيلو بتنجان 🍆 صغير وحاولى تنقيه يبقى تخين وقصير كده وملحم وهنغسله كويس زى ماهو بعنقوده ونسلقه ف مية
وبعدين نطلعه ونصفيه من المية ونقشره ونركنه ع جنب يبرد لحد ما نحضر الخلطة

فلفل 🌶️ احمر بقي او هريسة فلفل لو عندك وعليها راس توم 🧄متقشرة وربع بنجراية مسلوقة البنجر اللى يهديكى اللون البنفسجى الحلو ده اللىً بنحبه كلنا
وربع كوباية خل وعصير ليمون 🍋‍🟩 واوعى ترمى القشر
وملح وكمون وكزبرة ناشفة وتضربيهم ف الكبة وتضيفى كوباية مية
واظبطي الملح 🧂بتاعك ✔️
قسمى البتنجانة ٢ وأرميهم ف الخلطة مع قشر الليمون اللى عصرتيه ودخليهم التلاجة اقل حاجة ٣ ساعات عشان البتنجان يتشرب كده 😃😋
وممكن ترمي مع البتنجان شوية خيار 🥒 مقطع هيبقي تحفة مع شوية فول بقي جنب اى اكلة بيبقي خطير مهما أوصف جماله مش هأوفى ضرورى تجرّبوه والف هنا وعافية