Qazaqstan Ұлттық Телеарнасы

🏠25 жастағы көпбалалы әке баспаналы болды

Екібастұз тұрғыны, көпбалалы әке Нұржан Құсаинов 2 бөлмелі пәтерге ие болды. Пәтерден пәтерге көшіп, қиын шақты бастан өткеріп жүрген отбасыға ерлі-зайыпты Асылбек және Қанағат Қожановтар осындай сый жасаған.

4 баласына жалғыз өзі қорған болып, махаббат пен мейірімге бөлеп жүрген батыр әке Нұржан Құсаинов бүгін «Жақсылық жаса» хабарына қонаққа келіп, Қожановтар әулетіне алғысын жеткізді.

🎖Су тасқыны кезінде 23 адамды эвакуациялаған ТЖД қызметкерлері Р.Қошқарбаев атындағы ІІІ дәрежелі «Айбын» орденімен марапатталған

ТЖД қызметкерлері Серікбол Кінәр мен Нұрхат Нүсіпов Қарағанды облысының Ақтоғай ауданы Карағой ауылын су басқан кезде 395 қапшық төсеп, 7 тонна инертті материалдар құйған. 23 адамды Сарытерек кентінен жақын маңдағы елдімекендерге эвакуациялады. Оның ішінде 8 бала, 5 жүкті әйел және шұғыл медициналық көмекке мұқтаж 10 қарт адамдар болды. Одан бөлек, 60 литрден астам жанар-жағармай материалдарын, азық-түлік өнімдерін тасымалдаған.

Республика күні қарсаңында қос батыр мемлекеттік наградаға ие болды.

Орталық Азия елдері суды тиімсіз пайдалануда

Ауыспалы егіншілік және басқа да мәселелер судың басқаруына байланысты. Және бұл судың экологиялық өтіміне әсер етеді, - дейді Халықаралық Аралды құтқару қорының орынбасары Марат Нарбаев.

Айта кетейік, Халықаралық Аралды құтқару қорына еліміз жыл сайын 200 млн қаражат бөледі.

Аралдықтар «Көкарал» бөгетін 50 метрге дейін көтеруді сұрап отыр

Солтүстік Аралдың су көлемі 27 млрд текше метрге жетті. Арал халқының сұрауы бойынша «Көкарал» бөгетін 50 метрге дейін көтерсек, 60 млрд су жиналады, - дейді депутат Мархабат Жайымбетов.

«Ашық алаңда» Арал теңізі қалпына келе ме? тақырыбы арнайы сарапшыларымен талқыланды.

⚡️Қызылордада құтқарушылар аяғына айыр кіріп кеткен 7 жастағы баланы құтқарды

Оқиға қала маңындағы Махамбет ауылында болған. Жедел-құтқару жасағының құтқарушылары гидравликалық құралдардың көмегімен жылдам әрекет етіп, айырдың тісін кесіп, баланың аяғын босатқан. Алғашқы дәрігерлік көмек көрсетіп, оны жедел жәрдем бригадасына тапсырған.

2017 жылы туған балаға көмектескен, оқиға орнына жылдам жетіп, тез әрекет еткен құтқарушының бірі Бейімбет Айтпанов «Жақсылық жаса» хабарында қонақта болып, осындай оқыс оқиға кезінде қандай шаралар қолдану қажеттігін айтты.

🌺Астананың орталығында жаңа гүлзар ашылды

Астананың орталығында «Нұрлы жолдың» бойымен Бәйтеректен батысқа қарай 500 метрдей жерде әдемі гүлзар пайда болды. Бұл алаңқай жылдар бойы бос жатқан. Қаланың қақ ортасындағы осы жерге қызыққандар көп болды, - дейді қала әкімі.

Алайда Мемлекет басшысының тапсырмасымен ғимараттар тығыз орналасқан ауданда саябақ ашылды.

🌳Қазір мұнда қарағай, шырша, жөке, шетен, қайың сияқты ағаштар өсіп тұр. Ал келесі жылы көктемде көпжылдық бұталар отырғызылады. Қала орталығында ашылған гүлзардың пайда болғанына тұрғындар дән риза.

⚡️«Қызылорда-Жезқазған» автожолының бір бөлігі пайдалануға берілді

Жалпы Қызылорда мен Жезқазған аралығы 424 шақырым. Соның облыс аумағына тиесілі 192 шақырымына қайта жаңғырту жұмыстары жоспарға сай жүріп жатыр. Үш учаскеде мердігерлер жұмысын аяқтауға жақын. Жұртшылық асыға күткен жобаны сала министрлігі ұдайы назарында ұстап отыр.

🖇️Халықаралық бағдарламалар орталығының басқарма төрағасы Әлия Оспанова «Әйел әлемі» бағдарламасында

📺Эфир уақыты: жексенбі 17:20.

Баскетболда себетке жақын берілген пасты екінші ойыншы жерге түсірмей қағып алып, ұпай жинауын бір сөзбен не деп айтар едіңіз?

Спорттық терминологияны толықтыру мақсатында қолға алынған «Комментатор сөздігі» жобасына сіз де өз үлесіңізді қоса аласыз.

⤵️Өз нұсқаңызды пікірге жазыңыз.

#Комментаторсөздігі

Баланы басқа балалармен салыстыруға болмайды – психолог

Кез келген бала үшін ең ауыр тиетін нәрсе – ата-анасының оны басқа балалармен немесе бауырларымен салыстыруы. «Сенің бауырың сенен де жақсы оқыған еді» немесе «көршінің баласы саған қарағанды ақылды» деген сияқты сөздер баланы жігерлендірмейді, керісінше жеке тұлға ретінде дамуына кедергі келтіріп, мақсатынан тайдыруы мүмкін»,- дейді психолог Элеонора Қошаналиева.

«Бала жаны» арнайы жобасының толық нұсқасы Qazaqstan TV YouTube арнасында. https://youtu.be/S6WJG4LYo1c

Temu онлайн-дүкені Еуроодақ күдігіне ілікті

Қытайдың Temu онлайн-дүкені Еуроодақтың цифрлық қызметтер туралы заңын бұзған болуы мүмкін. Еурокомиссия шетелдік платформадан осылай күдіктеніп отыр.

Брюссельдің болжамынша, онлайн-сервисте авторлық құқыққа қайшы танымал брэнд тауарлардың көшірмелері және қауіпті өнімдер сатылады. Осыған байланысты Temu-ге қатысты тергеу басталған. Бұл туралы немістің Deutsche Welle басылымы хабарлады.

Қытайлық компания Еуроодақ билігімен бірге жұмыс істеуге дайын екенін мәлімдеді.

Теннисте спортшының допты осы әдіспен ұруын бір ауыз сөзбен не деп айтар едіңіз?

Спорттық терминологияны толықтыру мақсатында қолға алынған «Комментатор сөздігі» жобасына сіз де өз үлесіңізді қоса аласыз.

Өз нұсқаңызды пікірге жазыңыз.

#Комментаторсөздігі

Тенниста спортшының допты осы әдіспен ұруын бір ауыз сөзбен не деп айтар едіңіз?

Спорттық терминологияны толықтыру мақсатында қолға алынған «Комментатор сөздігі» жобасына сіз де өз үлесіңізді қоса аласыз.

Өз нұсқаңызды пікірге жазыңыз.

#Комментаторсөздігі

Буллинг мектепте ғана емес, көшеде де, үйде де болады

Буллинг әріптестердің, оқушылардың, кейде оқушы мен ата-ана арасында, тіптен көбінесе ұстаз бен оқушының арасында да болып жатады.

Үйде үнемі ұрыс-керісті, жанжалды көріп өскен бала басқалардан бәсін жоғары ұстау үшін әкесінің әрекетін қайталайды. Қалағанын сұрап емес, тартып алуға бейімделеді. Кез-келген кикілжіңді қара күшпен шешуге болады деп түсінеді.

Еліміздегі бірнеше мектепте буллинг мәселесімен күресу үшін хорватиялық әдіс қолданылған. Балалар өз мектептерінде антибуллингтік топтар құрып, әлімжеттікке тап болған оқушыларға көмектесіп, мәселесін шешіп беруге тырысады. Өйткені көп жағдайда балалар үлкендерден гөрі қатарластарын жақсырақ тыңдайды.

Балалар арасындағы буллингпен күрес қалай жүргізіліп жатыр? Оның алдын алу үшін қандай шаралар қолдану керек?

«Бала жаны» арнайы жобасының толық нұсқасы Qazaqstan TV YouTube арнасында: https://youtu.be/S6WJG4LYo1c

Шығыс Қазақстанда мемлекеттік сатып алу саласында 100 миллион теңге заңсыз жұмсалғаны анықталды

Құзырлы органдар мемлекеттік мекемелерге кешенді тексеру жүргізіп, күмәнді төлемдер мен бюджет заңнамасын бұзуды әшкерелеген.

Самар ауданының балалар және жасөспірімдер спорт мектебінің есепшілері биыл тамыз айында бірқатар төлемді заңсыз жүргізгендері дәлелденді.

Сонымен қатар өңірдегі ветеринария қызметінің мамандары кәсіпкерлерге қажет емес анықтамаларды мәжбүрлі түрде жинатқан.

Қазіргі балалардың санасында не болып жатыр?

Телефонға телмірген балаға ата-ана қаншалықты көңіл бөледі? Манипуляцияға тез еретін жасөспірімнің ішкі уайымы қандай?

📺Қоғамды алаңдатқан мәселе осы жұма сағат 14:35-те «Бала жаны» арнайы жобасында.

Испаниядағы су тасқынынан қаза тапқандар саны 158 адамға жетті

Мұндай алапат су апаты елде соңғы 50 жылда болмаған. Тасқынның жүруіне толассыз жауған нөсер жауын себеп болды.

Жоғалып кеткендердің нақты саны белгісіз. Іздеу-құтқару операциясы жалғасып жатыр.

Табиғи апаттан Валенсия автономиялық қауымдастығы орасан зардап шеккен. Мұнда 75 мыңдай адам электр жарығынсыз қалды.

Табиғи апатқа байланысты елде үш күн қаралы деп жарияланды.

Жүргізушілер тұрақта 10 минут тұрғаны үшін бір сағаттың құнын төлеп жүр

Қазір елордада 7200 ақылы тұрақ бар. Биыл көлік жүргізушілері ақылы тұрақтың ақшасын төлемегені үшін қазынаға 1,7 млрд теңге құйған.

Ақылы тұрақтың ақысын төлемеген көлік иесіне 3 АЕК айыппұл салынады. Алайда көпшілік жүргізуші 5-10 минут тұрып, бір минуттың толық құнын төлеуге қарсы.

Ән шашу

Қазақстанның Халық әртісі, әнші Нұржамал Үсенбаеваның орындауында «Аққуым» әні

Маэстро: Төлеген Мұхамеджанов

Шойын жолда шыныққан

Елордалық тұрғын Нұрмұхамед Ниязбаев пойыз вагондарын жөндейді. «Таңшолпан» тілшісі Аяжан Баубекқызы вокзалдан тікелей қосылымға шықты.

Павлодар облысында орман шаруашылығында 230 жылдық еңбек өтілі бар әулет бар

Бүгінгі таңда Амановтар отбасының төрт бірдей ұрпағы «Ертіс орманы» мемлекеттік табиғи орман резерватында еңбек етіп келеді. Қайролла мен Майра 3 бала тәрбиелеп, оларды да өз саласына бағыттаған.

Орман шаруашылығы саласында Қайролла Амановтың бірнеше ұрпағы адал еңбек етіп жүр. Әке аманатын жерге тастамаған ұлы Сәбитхан Аманов 40 жыл бойы орманшы болып еңбек етті. Еңбек кітапшасында бір-ақ жазба бар. Ол – абыройлы орманшы қызметі.

Көкшетаудағы Ұлттық ұланның құрамында егіздер әскери борышын өтеп жүр

Егіз Аман мен Есен Сейдолла әскерге Түркістан өңірінен шақырылған. Қазір ағайындылар жедел мақсаттағы батальон ротасында борышын атқарып жүр. Отан алдындағы борышын атқарғаннан кейін, олар Түркістанда әскери қызмет етуге ниетті.

Ал Рүстем мен Дастан Қожақовтар Ұлттық ұланға келісімшартпен келген. Әскери бөлімнің басшылығы ағайындыларға тапсырма берген кезде шатасқандарын айтады. Алайда мінездеріне қарап ажырата бастаған.