MSTC

قصة نجاح بعدا مستمرة

بلشت فكرة مشروع سحب الدم بالمنازل من سنة ال 2008, وقتا اجا عالمحتبر يلي بشتغل فيه شحص بعرفو وجايب معو والدتو السبعينية العمر كرمال يعملها فحوصات , وقتها اتضايقت كيف انو متعذب وجايب والدتو وعرضت عليه صير اسحبلها عينات الدم بالبيت كخدمة انسانية, وفعلا كنت كل فترة مييل لعندن عالبيت واسحب للحجة عينات الدم للفحص كرمال متابعة حالتها الصحية,

ومن وقتها كانت الفكرة وبلشت تتبلورلحتى ب سنة 2011 سافرت على دولة المانيا يلي بقيت فيها بس 20 يوم لاني انا وهونيك قررت انزل ع لبنان واسس شركة من اهم نشاطاتها حدمات سحب الدم في المنازل, وفعلا بال 2011 طرحن الفكرة على صديقي وشريكي وكانت البداية, بداية شركة MSTC (مركز نقل العينات الطبية),

المشوار كان طويل وصعب, بس الدافع والطموح وايماننا ب هيك مشروع خدماتي يسهل كنيير عالناس والمرضى كان اقوى ورح يضلوا اقوى,

اليوم وصلنا ل 1500 مريض عم نقدملن هيدي الخدمة ضمن مدينة صور والقرى التابعة والمحيطة ل قضاء صور, ب ثقتكم نجحنا ورح نكمل المشوار ...

 ...