Curash Products Sri Lanka

🙏

ව්‍යාජ දළදා මාලිගාවක් ගොඩනගමින් යන පුද්ගලයන්ට වැඩ වරදී - TV දෙරණ Video from - TV Derana

බස්නායක නිලමේවරුන්ගේ සංගමය දැඩි තීන්දු ගැනීමට සූදානම්.

Admin

ධර්ම දානය උතුම්ම දානය යි!

වල්වාසගොඩ රජමහා විහාරය සහ මහා කතරගම දේවාලය එක්ව සංවිධානය කරනු ලබන පෝයදින වැඩසටහන 2023 වර්ෂයේ දුරුතු පොහෝදින වල්වාසගොඩ රජමහා විහාර භූමියේ දී පැවැත්වේ. වල්ලහගොඩ කතරගම දේවාලයේ බස්නායක නිලමේ තැන්පත් ශ්‍රීමත් මධුසංක බණ්ඩාර වැලිවිට නිලමේතුමාටත්, දේවාලයේ කාර්ය්‍ය මණ්ඩලයටත් නිරන්තරයෙන් අවවාද අනුශාසනා ලබාදෙන අතිපූජනීය, වල්වාසගොඩ රජමහා විහාරයේ හා පැල්ලෑපිටිය ශ්‍රී පුර්වාරාම පුරාණ විහාරයන්හි උභය විහාරාධිපති ,නියම්ගම්පාය රජමහා විහාරයේ භාරකාර ශාස්ත්‍රපති වෙරළුගස්හින්නේ ජිනරතන නායක ස්වාමීන් වහන්සේගේ පූර්ණ මැදිහත් වීමත්,පූර්ණ සංවිධානයත් මත එදිනට,පොහෝදින වැඩසටහන සජීවීව කදුරට සේවය ගුවන් විදුලි නාලිකාව ඔස්සේ විකාශය වේ. ඒ සමගාමීව ආසිරි රෝහල් සමූහ ව්‍යාපාරය හා එක්ව කෙරෙන වෛද්‍ය සායනයත්,දේවාල භූමියේ සිදු කෙරෙන අලුත් සහල් මංගල්‍යත් පැවැත්වේ.

විමසීම් - 0759030307
(ප්‍රධාන ලේකම් කතරගම දේවාලය)

මාධ්‍ය කාර්යාංශය | Media Bureau

රෝග ගණනාවකටම සුවය ගෙනදෙන "පොල් කටුවේ" ප්‍රතිකාරය...

අපේ රටේ පොල් විතරක් නෙවෙයි ගුණාත්මයෙන් උසස් තැඹිලි වර්ග ද ගණනාවක්ම තියෙනවා. ඒ අතරින් නවසි, කුන්දිරා වැනි පොල් වර්ගත් රන් තැඹිලි, ගොන් තැඹිලි, රත් තැඹිලි වගේ තැඹිලි වර්ගත් ප්‍රධානයි.

කප්රුකක් වූ පොල් ගසෙහි ප්‍රයෝජනයට නොගන්නා කිසිම දෙයක් නොමැති තරම්. පොල් මුලේ සිට අතු කෙලවර දක්වා හැම අඟලක්ම අපි පරිභෝජනයට ගනු ලබන්නේ සැබවින්ම එය අපට කප්රුකක් වූ නිසයි. මේ අතරින් පොල් වතුර, පොල් තෙල් අපව නිරෝගී කරමින් අපේ සිරුරට ලොකු ඖෂධීය වටිනාකමක් එක්කරන පොල් ගසෙන් අපට ලැබෙන මහා දායාදයන් වෙනවා.

ඒත් අද අපි කතා කරන්න යන්නේ ඔබ මින් පෙර නොඇසූ ටිකක් අමුතු, පුදුම හිතෙන කතාවක්. ඇත්තටම ඒ කතාව අපිට පුදුමයක් වෙන්නේ කාලයත් සමඟ මේ දැනුම් සම්භාරය අපෙන් දුරස්ව ගිහින් තිබූ නිසයි. ඇත්තටම මේ දැනුම අපේ පැරැන්නන් දැනුවත්ව හෝ නොදැනුවත්ව තම එදිනෙදා ජීවිතයේදී භාවිතා කලා. එසේ වන්නට ප්‍රධානම හේතුව වුනේ මෙම දැනුම අපිට සංස්කෘතිකමය වශයෙන් ලැබුනු දායාදයක් වීමයි.

පොල් වතුර, පොල් තෙල් විතරක් නෙවෙයි පොල් ලෙල්ලෙත් ඖෂධීය ගුණ අඩංගු වෙනවා කියලා මීට කලින් ලිපි වල දි අපි ඔබව දැනුවත් කලා. තුනටිය අමාරු වලටත්, තැල්මක් ඇති වූ විට එම ස්ථානය තැවීමටත්, අපේ දේශීය වෛද්‍යවරයා අමු පොල් ලෙල්ලක් භාවිතා කලේ අන්න ඒ නිසයි. ඉතින් මේ පොල් ලෙල්ල විතරක් නෙවෙයි ඒ තුළ පිහිටා තියෙන පොල් කටුවත් ඔසු ගුණ සඟවාගෙන ඉන්නවා කියලා කිව්වොත් සමහරවිට ඔබට පුදුම හිතෙයි. ඔව් ඇත්තටම ඒක එහෙම තමයි.

පොල් ගෙඩියක ලපටි අවධිය හඳුන්වන්නේ කුරුම්බා හෝ වෑවර විදිහට කියලා කවුරුත් දන්නවා. ඉන්පසුව මේ ගෙඩි මෝරලයි පොල් ගෙඩියක් බවට පත්වෙන්නේ. අපි කුරුම්බා වතුර ටික බීලා ඒ මදයත් හූරගෙන කාලා හිස් කෝම්බය නිකම්ම පැත්තකට විසි කලත් අතීතයේ සිටි අපේ මුතුන්මිත්තන් එහෙම කලේ නෑ. ඒ කුරුම්බා ගෙඩියේ ලපටි පොල් කටුවත් විනෝදයට වගේ කෑමට ගත්තා. ඒවට තමයි "කහකඩ" කියන්නේ. මේ කහකඩ කන එකත් විනෝදයක් ගෙන දෙන වෙනම කලාවක්. හපන්න හපන්න කහට රසයත් සමඟ එන කිරි රසය අපේ දිවට ගෙන එන්නේ අමුතුම හැඟීමක්.

අපි විනෝදයට කන මේ කහකඩ වල ඇත්තටම ලොකු ඖෂධීය වටිනාකමක් තියෙනවා. දියවැඩියාවට, ලේ අතීසාරයට, රක්ත අර්ශස් වැනි රෝග සුව කරගන්න මේ කහකඩ ඉතා ගුණදායක බවයි දේශීය වෙදකමේ සඳහන් වෙන්නේ. ඊට අමතරව තයිරොයිඩ් ග්‍රන්ථියේ ගැටළු, ගලගණ්ඩය වැනි රෝග වලටත් මේ කහකඩ කෑමට ලබාදෙනවා.

මේ ලපටි කහකඩ වල විතරක් නෙවෙයි මෝරපු පොල් කට්ටෙත් එයට ආවේණික ඔසු ගුණ අඩංගුයි. තයිරොයිඩ් ග්‍රන්ථියේ ක්‍රියාකාරිත්වය දුර්වල අයට, අතපය වල ඇඟිලි ඇදවීම්, නවන්නට බැරි අමාරුකම් තියෙන අයට වගේම කොරගති තියෙන අයටත් පොල් කටුවෙන් වතුර පානය කිරීම ගුණදායක බවයි කියැවෙන්නේ. මේ සඳහා අවම වශයෙන් විනාඩි 15ක් වත් පොල් කටුව තුළ ජලය ගබඩාකර තැබිය යුතුයි.

ඉතින් මෙච්චර ගුණ පොල් කට්ටට අපේ පැරැන්නන් බෙලිමල්, රණවරා වගේ ඔසුපැන් දාගෙන බොන්නත්, මැටි කලයෙන් වතුර ටිකක් නවාගෙන බොන්නත්, ගෙදර තියෙන ලුණු ටික, ගලේ අඹරපු මිරිස් තුනපහ ටික ගබඩා කරලා තියාගන්නත් හේතු වුනේ එහි තියෙන ශක්තිමත් භාවය නිසාම වෙන්න බෑ. මෙහි තියෙන ඖෂධීය සංයෝග කෑම බීම වලට මුසුවෙන බව සමහරවිට ඔවුන් ඉවෙන් වගේ දැනගෙන ඉන්න ඇති. ඉතින් මේ පොල් කට්ට පුච්චලා අඟුරු ටිකක් හදාගත්තත් ඒ අඟුරු වලටත් විස හොඳින් අවශෝෂණය කරගන්නා ගුණ ඇති නිසයි ජලය පිරිපහදු කරන කොට පොල්කටු අඟුරු භාවිතයට ගැනෙන්නේ. දැන් ඉතින් පොල් කට්ටත් නිකම්ම නිකන් දෙයක් විදිහට අපිට අහක දාන්න බෑ කියලා ඔයාට හොඳට තේරුම් යන්න ඇති.

උපුටා ගැනීමකි

බෞද්ධ සහ හින්දු කලාවේ සශ්‍රීකත්වය සංකේතවත් කරන යක්ෂි නම් සුබ කාන්තා ස්වරූපය සාමාන්‍යයෙන් නිරූපණය වන්නෙ පුළුල් උකුල්, පටු ඉණ සහ උඩුකය නිරුවත් වූ අතිශයෝක්තියෙන් යුත් ගෝලාකාර පියයුරු සහිතවය. ක්‍රි.ව 2 වැනි සියවසට අයත් මෙම කලාකෘතිය ඉන්දියාවේ කල්කටා කෞතුකාගාරයේ ඇත.

මෙය අලංකාර අංගයක් ලෙස මුල්කාලීන බෞද්ධ පුරාවිද්‍යා ස්ථානවල, ස්මාරකවල දක්නට ලැබෙන අතර ඉන්දියානු මූර්ති සහ විහාර ගෘහ නිර්මාණ ශිල්පයේහි සම්මත අලංකරණ අංගයක් වි ඇත.

උපුටා ගැනීමක්

දිවට රස ගෙනෙන මරුට අත වනන ආහාරපාන...

අද ලෝකයේ බොහෝ දෙනා බෝ වන රෝග වලට වඩා බෝ නොවන රෝග වලින් විශාල ලෙස මිය යනවා. මෙයට ප්‍රධානම හේතුව වන්නේ අප ගන්නා ආහාර පාන හා ප්‍රමාණවත් ව්‍යායාමයක් සිරුරට නොලැබීම බව බොහෝදෙනා දන්නා දන්නා ප්‍රසිද්ධ රහසක්. අප ගන්නා මෙම විෂ රසායනික ආහාර පාන වලින් අප මෙලෙස ලෙඩ කරන්නේ ක්ෂණිකව නොව කාලයත් සමඟයි. "මාලුවා නහින්නේ කට නිසා" කියලා කියමනට කිව්වට අද එය "මිනිසා නහින්නේ කට නිසා" කියා වෙනස්කරගත යුතු තැනටම පත්වෙලා ඉවරයි. ඉතින් අද ලිපියෙන් අප ඔබව දැනුවත් කරන්නේ මිනිස් සිරුරට අහිතකර බොහෝ රසායනික සංයෝගයන් අඩංගු ආහාර පාන පිළිබඳවයි. ඉතින් මේවා දිවට ගොඩාක් රසයි තමයි.. ඒත් සිරුරට නම් ගොඩාක් අහිතකර බව ඔබ ඔබ මතකයේ නිරතුරුව තබාගත යුතුමයි.

🔴 සොසේජස්

සොසේජස් යනු පිළිකා ලැයිස්තුවේ පළමු ආහාරය යි. මේවා නිෂ්පාදනයේ දී අධික උෂ්ණත්වයකට ලක් කිරීම නිසා විෂ රසායනිකයන් සෑදේ. එමෙන්ම මේ තුළ විවිධ රසකාරකයන් සහ කල්තබාගැනීමට යොදන සෝඩියම් නයිට්‍රේට් ( E-251 ) අඩංගු වේ. මෙය මිනිස් ශරීරයට අහිතකර සංයෝගයකි.
සොසේජස් මස් වර්ග වලින් නිෂ්පාදනය කරන අතර හෘදරෝග ඇතිවීමේ අවදානම, බඩවැල් පිළිකා ඇතිවීමේ අවදානම බොහෝසෙයින් වැඩි කරනු ලබයි.

🔴 ග්‍රිල් කළ සහ බාබක්‍යු කළ මස් වර්ග

මෙලෙස අධික උෂ්ණත්වයෙන් මස් වර්ග පිළිස්සීම මඟින් පිළිකා කාරක සංයෝග නිපදවන අතර මේවා නිතර ආහාරයට ගැනීම බඩවැල් වල, ආමාශයේ හා අග්න්‍යාශයේ පිළිකා ඇති වීමට හේතුකාරක වෙයි.

🔴 ආහාර බැදීම සඳහා භාවිතා කළ තෙල්

වඩේ, බයිට්, පපඩම්, ෆ්‍රෙන්ච් ෆ්‍රයිස් ( French fries ) ආදිය බැදීමට එකම තෙල් භාජනය බොහෝ වාරයක් භාවිතා කිරීම නිසා එහි මුක්ත කණ්ඩ සෑදීම සිදුවන අතර ඒවා පිළිකා කාරක සංයෝගයන් වේ.
හෘදරෝග , පාර්කින්සන් රෝගය සහ පිළිකා වැනි රෝග තත්වයන් ඇතිවීමට එකම තෙල් නැවත නැවත භාවිතය හේතු වේ.

🔴 ජෙලටින් ආහාර

ජෙලි, මාෂ්මෙලෝස් වැනි ආහාර ජෙලටින් මඟින් සාදනු ලබයි. ස්වභාවික ජෙලටින් මුහුදු ශාක මඟින් නිෂ්පාදනය කරනු ලැබුවත් එය ඉතා මිළ අධික නිසා වාණිජ වශයෙන් ජෙලටින් නිපදවන්නේ මස් පිණිස මරා දමන හරකුන්, ඌරන්, බැටළුවන් වැනි සතුන්ගේ මස්, ඇටකටු, කාටිලේජ, සම් වැනි ඉවතලන බාල ප්‍රමිතියේ දෑ මඟිනි.
ඉහත ආහාරයන් බොහෝමයක් සෑදීමට ජෙලටින් ( E - 441 ) යොදාගනී.
මෙම ආහාර වලට යොදන බොහෝමයක් වර්ණකාරකයන් පිළිකා කාරක වේ.

🔴 කුකුල් මස්

වර්තමානයේ මස් පිණිස ඇති කරන බ්‍රොයිලර් සතුන්ගේ ජීවිත කාලය දින 42 කට පමණ සීමා වෙනවා. මෙම කාලය තුළ ඔවුන් තුළ හොඳ වර්ධනයක් ලබාගැනීමටත්, ඔවුන් ලෙඩ රෝග වලින් ආරක්ෂා කර ගැනීමටත් ඔවුන් හට කෘතිම හෝමෝන, කෘතිම පෝෂක වර්ග හා ප්‍රතිජීවක ආදිය ලබාදෙනු ලබනවා. මේවා බොහෝමයක් ඔවුන්ගේ අස්ථි තුළ හා මස් තුළ තැන්පත් වන්නේ "ආසනික්" නැමැති රසායනික සංඝටකය ලෙසයි. මෙය මිනිස් සිරුරෙන් බැහැර නොවී මිනිස් සිරුර තුළ දීර්ඝකාලීනව එක්රැස් වී පිළිකා වැනි තත්වයන් නිර්මාණය කරනවා. ( පීකුදු වල වැඩිපුර බැරලෝහ කොටස් තැන්පත් වන බව නවතම පර්‍යේෂණ වලින් පෙන්වා දී ඇත. එම නිසා පීකුදු ආහාරයට ගැනීමේ දී ඔබ සැළකිලිමත් වන්න.) මීට අමතරව මෙම මස් පරිභෝජනය තුළින් ගැහැණු දරුවන් ඉක්මනින් වැඩිවියට පත්වීම, වකුගඩු ආබාධ, නියපොතු සහ දත් අවපැහැයට හැරීම, මස්පිඬු වල වේදනාව ආදී තත්වයන් කාලයත් සමඟ ඇතිකරනු ලබනවා.

🔴 කොත්තුරොටී සහ ෆ්‍රයිඩ්‍ රයිස්

මේවාට එකතු කරනු ලබන රස කාරක ආදිය හා අධික උෂ්ණත්වයකට ආහාර ලක්කිරීම නිසා නිපදවෙන පිළිකා කාරක මඟින් ආමාශ පිළිකා, ආන්ත්‍රික පිළිකා ආදියට මඟ පාදනවා. එමෙන්ම මේවායේ ඇති පිටි හා තෙල් ආදිය හෘද රෝග හා දියවැඩියාවට ද හේතු වනු ලබනවා.

🔴 සිසිල් බීම

මේවායේ බොහෝවිට කෘතිම පැණිරස කාරකයන් ලෙස ඇස්පාටේම් ( Aspartame ), සැකරින් ( Saccharine ) ආදිය ද, වර්ණකයන් ලෙස ටාර්ටසීන් ( Tartrazine ), කාර්මෝසීන් ( Carmoisine ) ද, කල්තබාගැනීමේ ද්‍රව්‍යයන් ලෙස සෝඩියම් බොන්සොඒට් ( Sodium benzoate ) හා සල්ෆර්ඩයොක්සයිඩ් ( Sulphur dioxide ) ආදිය අන්තර්ගත වේ. මෙහි පවතින සීනි ප්‍රතිශතය ඉහළ අගයක් ගන්නා බැවින් දියවැඩියාව හා තරබාරු වීමට මඟ පාදයි. තවද, හෘදරෝග, ගැස්ට්‍රයිටිස්, අග්න්‍යාශයික පිළිකා, දන්ත රෝග, වකුගඩු රෝග හා ඔස්ටියෝපොරෝසිස් ( අස්ථි වල කැල්සියම් දිය වී රුධිරයට පැමිණීම නිසා අස්ථි දිරායාමට ලක් වේ.) ආදියට මෙම සිසිල් බීම පානය බොහෝ සෙයින් අනුබල දෙයි.

🔴 චුවින්ගම්

මේවා නිෂ්පාදනයට යොදාගන්නා ඇස්පාර්ටේම් ( Aspartame ) මොළයේ නියුරෝන වලට හානි සිදුකරයි. එමෙන්ම ඇඳුම හා දියවැඩියාවට ඇතිවීමට මඟ පාදයි. මෙහි අඩංගු වන ටයිටේනියම් ඩයොක්සයිඩ් ( Titanium Dioxide ) පිළිකා කාරක රසායනික සංයෝගයක් වේ.

🔴 වැනිලා, ස්ට්‍රෝබෙරි, ඇපල්‍ රසකාරක, සුවඳ කාරක හා කල්තබාගැනීමේ ද්‍රව්‍ය

මින් බොහෝමයක් රසකාරක වල මොනොසෝඩියම් ග්ලූටමේට් ( MSG ), බියුලේටඩ් හයිඩ්‍රොක්සි ටොලුවීන් ( BHT ), බියුටිලේටඩ් හයිඩ්‍රොක්සි ඇනිසෝල් ( BHA ), සෝඩියම් බෙන්සොඒට්, සෝඩියම් නයිට්‍රේට්, හයිෆ්‍රක්ටෝස් කෝන් සිරප් ( High Fructose corn syrup ) ආදිය අඩංගු වේ. මෙහි අතුරු ආබාධ ලෙස මුත්‍රාශගත පිළිකා, පියයුරු පිළිකා, තරබාරුව, මදසරු භාවය, ඇදුම ආදී රෝගී තත්වයන් හටගනු ලබයි.
තවද, සුවඳ විලවුන් සහ මළකඩ කෑම වළක්වන තීන්ත ආදියට ඇතුළත් කරනු ලබන අපේ ශරීරයට බෙහෙවින් අහිතකර ප්‍රොපලින් ග්ලයිකෝල් ( Propylene Glycole ) ද අඩංගු වේ.

🔴 මාගරින්

එළවළු තෙල් හයිඩ්‍රජනීකරණයේ දී ඇතිවන ට්‍රාන්ස් ෆැට් ඇසිඩ් ( Trans fat acide ) මාගරින් වල අඩංගු වේ. මාගරින් සාදනු ලබන්නේ බාල වර්ගයේ තෙල් වර්ග වලිනි. මෙහි ළමුන්ට පරිභෝජනයට අහිතකර වර්ණක අඩංගු නිසාත් කුඩා ළමුන් ගේ මොළයේ පටක විනාශ කිරීමට මාගරින් තුළ ඇති රසායනිකයන් ඉවහල්වන නිසාත් වයස අවුරුදු 03 ට අඩු ළමයින්ට මාගරින් ලබාදීම තහනම් කර ඇත.

🔴 ඇපල්

ඇපල් සැලකෙන්නේ පළිබෝධනාශක කෘමිනාශක ආදියෙන් බොහෝ දූෂණය වූ ලොව දූෂිතම පලතුර ලෙසයි. බොහෝ ඇපල් මත ස්වභාවිකවම තරමක ඉටි ස්වරූපයක් ( Wax ) අඩංගු වුවත් නැවුම් බව පෙන්වීම සහ කල්තබාගැනීමේ අරමුණින් ඒ මත තවත් විවිධ වැක්ස් වර්ග ආලේප කරනු ලබයි. එමෙන්ම මේවා දිලීර ආසාදන වලින් ආරක්ෂා කරගැනීම සඳහා මෙලෙසොප්‍රෝල් ( Melarsoprol ) සහ තිරාම් ( Thiram ) අඩංගු කර ඇත.
ඇතැම් රටවල ඇපල් කල්තබා ගැනීමේ අරමුණින් උග්‍ර පිළිකා කාරකයන් වන ෆෝමලින් ( Formalin ), ඩයිපිනෙලමයින් ( Diphenylamine ), ඩැමිනොසයිඩ් ( Daminozide ) ආදිය යොදනු ලබයි.

🔴 කිරිපිටි

විදේශ රටවලින් ආනයනය කරනු ලබන කිරිපිටි වල මේද සහ ප්‍රෝටීන කොටස් ඉවත්කර ඒ වෙනුවට ආදේශකයන් ලෙස ෆාම්තෙල්, ඌරු තෙල් ආදී ශාක හා සත්ව තෙල් වර්ගයන් ද DCD, මෙලමයින් ආදීඋග්‍ර විෂ රසායනිකයන් ද අන්තර්ගත කර ඇති බවට රාජ්‍ය මට්ටමින් කරනු ලැබූ සංවාදයන් සහ පසුගිය අවුරුදු වල කරනු ලැබූ පර්‍යේෂණ මඟින් සාක්ෂි සහිතව ඔප්පු වී තිබෙනවා.

මෙම කිරිපිටි භාවිතය නිසා හෘද රෝග සහ පිළිකා සෑදීමේ සම්භාවිතාව ඉහළ යන අතර කුඩා ළමුන්ට නම් ඇඳුම, දියවැඩියාව, හෘදරෝග, විවිධ ආසාත්මිකතා, පිළිකා තත්ව, යකඩ ඌනතා නීරක්තිය ආදී බොහෝ රෝග රැසක් සෑදීමේ සම්භාවිතාව වැඩිකරනවා.

💥 මෙම කිරිපිටි භාවිතය නිසා අපටත් කුඩා ළමයින්ටත් ඇතිවන අයහපත් ප්‍රතිඵලයන් ගැන අප විසින් පෙර දී පළකල පහත ලිපි කියවා ඔබට සම්පූර්ණ අවබෝධයක් ලබාගත හැකියි.

📌️ කිරිපිටි සමාගම් ඔබෙන් වසන් කරන කිරිපිටි භාවිතයේ තිත්ත ඇත්ත 👇
https://www.facebook.com/1839559759671852/posts/1997227727238387/

📌️ ඔබත් සල්ලි දීලා දරුවන්ට වස පොවනවද? 👇
https://m.facebook.com/story.php?story_fbid=1914934512134376&id=1839559759671852

🔴 ෆාම් තෙල් ( පාම් තෙල් )

ෆාම් තෙල් යනු කටුපොල් ශාකයෙන් ලබාගන්නා ඉතා අහිතකර මේද කොටසක් වන ට්‍රාන්ස් මේදය ( Trans fat ) සහ සංතෘප්ත මේදය ( Saturated fat ) බහුල ලෙස අඩංගු තෙල් වර්ගයකි. මෙම ෆාම් තෙල් ඍජුව හෝ වක්‍රව අප ශරීරයට ඇතුල් වීම නිසා හෘද රෝග ආදිය මෙන්ම තවත් බොහෝ රෝගාබාධයන් හට ගැනීමට මෙය ඉවහල් වේ.
Pavithra Ratnayake

උපුටා ගැනීම
හෙළ අරණ සමූහයෙන්

කතරගම දෙවියන් යනු කවුරුන්ද?

සම්බුද්ධ ශාසනවරං ඉධ රෝහණස්මිං - සම්පාලනාය පටිලද්ධ වරො මහිද්ධි
පුඤ්ඤානුමොදිය සලානත දේවරාජා - පාලෙතු මං සාත හිතාවහන්තො

කුමක් හෝ කාරණයකට දෙවියකු මතකයට නැඟෙන විට ඕනෑම අයකුගේ සිතෙහි එක්වරම මැවෙන්නේ මයුරාසන මත වැඩ හිඳින කතරගම දෙවියන් බව කිවහොත් එය නිබොරුය. රත් පැහැ ගත් දිව්‍ය සළුවලින් හා රන් පැහැ දේවාභරණවලින් සැරසී මයුරාසන මත වැඩ සිටින කඳ සුරිඳුන්ගේ අඩවිය කතරගමය. ගැමුණු කුමරු මාගම්පුර සිට අනුරාධපුර දක්වා යුද ‍සේනා සමඟ යමින් සිටියදී මැණික් ගංතෙරදී කඳ සුරිඳුන් හමුවූ බව කියැවේ.

වෙස් වළාගෙන සිටි කඳ සුරිඳු මැණික් ගං දිය දෙබෑ කර පෙළහර පෑ බවත් ඉන්පසු ගැමුණු කුමරු කඳ සුරිඳුන් කෙරෙහි පැහැදී බැතිමත් වූ බවත් කියැවේ. කතරගම ඇසළ උළෙල අවසානයේ මැණික් ගඟේ දිය කැපීමෙන් නිරූපණය කෙරෙන්නේ එම සිදුවීම සිහිපත් කිරීමක් බව පැවසෙයි.

“ඔබගේ සටනේ එකම අරමුණ රට බේරා ගැනීමත් සම්බුද්ධ ශාසනයේ චිරස්ථිතියත් විය යුතුය. මේ සටනින් ඔබට ජය අත්වන බව ඒකාන්තය. ඒ සඳහා මේ අසිපත භාවිත කරනු මැනවි” යැයි පවසමින් එදා කඳ සුරිඳුන් ගැමුණු කුමරුට අසිපතක් පිරිනැමූ බව සඳහන් වෙයි.

විජිතපුර සටනින් එළාර රජු පරදවා ජය ගත් පසු දුටුගැමුණු රජු කතරගම, මහා දේවාලයක් ඉදිකරවා එතෙක් වැඩහිටි කන්දේ විසූ කඳ සුරිඳුන් කතරගමට වැඩමවා තිබේ. එදා ගැමුණු රජු ඒ වෙනුවෙන් ඉදි කළේ රන් උළු සහ රන්කොත් සහිත විශාල ප්‍රාසාදයක් බව කියැවේ. අද එවැන්නක් දැක ගත නොහැක්කේ පරසතුරු උපද්‍රවවලින් එය වැනසී ගිය නිසා වන්නට ඇතැයි කියැවේ.

ස්කන්ධ කුමාර කතරගම දෙවියන්ට ඇත්තේ ආශ්චර්යවත් දේහ විලාසයකි. මුහුණු සයක් හා අත් දොළසකි. හින්දු ආගමේ රණකාමී බවට අධිපති දෙවියන් ලෙස සැලකෙන්නේ ස්කන්ධ කුමාර දෙවියන්ය. ස්කන්ධ දෙවියන් ‘මහාසේන’ නමින් ද හැඳින්වෙයි. කතරගම දේවාලයේ සිදුකෙරෙන බොහෝ පුද සිරිත් ස්කන්ධ කුමාර (කඳ කුමර) දෙවියන්ටම විශේෂ වූ ඒවාය. එනිසා කතරගම දෙවියන් හඳුන්වන්නේ ද ස්කන්ධ කුමාර නමිනි.

කඳ කුමරුගේ පියා

බ්‍රහ්ම, විෂ්ණු සහ ශිව (ඊශ්වර) හින්දු ආගමේ ප්‍රධාන දෙවිවරුන්ය. ස්කන්ධ කුමාර දෙවියන්ගේ පියා ශිව දෙවියන් යැයි විශ්වාසයකි. ස්කන්ධ දෙවියන්ට මුහුණු හයක් ඇතිවාක් මෙන්ම ශිව දෙවියන්ට මුහුණු පහක් ඇතැයි කියැවේ. එනිසා ශිව දෙවියන් ‘පඤ්චායන’ ලෙසින් ද හැඳින් වෙයි. ශිව දෙවියන්ගේ නළල මත ඇසකි. එනිසා ‘තිනෙත්’ යනුවෙන් ද ශිව දෙවියන් හැඳින් වෙයි. ශිව දෙවියන්ගේ උඩු කය වැසී ඇත්තේ නාග දරණයකිනි. වාහනය හැඳින්වෙන්නේ ‘නන්දි’ නමිනි. පතිනිය වන්නේ හිමාල පර්වතයේ දියණිය වන ‘පාර්වතී’ බව ද හින්දු ආගමේ සඳහන්ය.

කඳ සුරිඳුන්ගේ මව

ස්කන්ධ කුමාර දෙවියන්ගේ මව පාර්වතී නොහොත් උමාය. පාර්වතී දේවිය සතුව යහපත් මෙන්ම බියකරු ස්වරූපයක් ද තිබේ. ‘ස්කන්ධ පුරාණයේ’ සඳහන් වන්නේ ස්කන්ධගේ මව වන උමා රණකාමිනියක ලෙස ප්‍රකට වූයේ සුර - අසුර යුද්ධයේදී අසුරයන් වනසා මිනිසුන්ට සුබසෙත සැලසීමට පියවර ගත් නිසා බවය. ඇගේ පතිභක්තිය පිළිබඳව හින්දු ආගමිකයෝ අදත් කතා කරති.

‘සතී’ නමින් ප්‍රකට වූ පාර්වතී වරක් දක්ෂ නම් සෘෂිවරයකුගේ දියණියක ලෙස උපන්නාය. ඇය ශිව හා විවාහ වූයේ පියාගේ විරෝධය මධ්‍යයේය. දිනක් සතීගේ පියා දක්ෂ සෘෂිවර තෙමේ විශාල යාගයක් සංවිධානය කර ඊට සියලු දෙවිවරුන් කැඳවනු ලැබුවේය. එහෙත් ඔහු බෑනා වූ ශිව දෙවියන් ඊට කැඳ වූයේ නැත. ඊට හේතුව කුමක් දැයි සතී සිය පියාණන්ගෙන් විමසූ විට ඔහු ශිවට බලවත් ලෙස අවමන් කළේය.

දැඩි පතිභක්තියකින් සිටි සතී සිය පියාගේ යාගයේ ගිනි මැලයට පැන ඒ වෙනුවන් දිවි පිදුවාය. ඉන්පසු සතී යළි ඉපදුනේ පාර්වතී ලෙසිනි. ඇය ශිව දෙවියන් හා එක් වූයේ ඉන්පසුවය. ශිව දෙවියන්ට දාව පාර්වතී ලද දරුවා ‘ස්කන්ධ’ නම් විය. ඒ කුමරු තරුණ වියේදී සුරයන්ට වින කළ තාරක අසුරයා වනසා දැමුවේය.

කඳ දෙව් උපත පිළිබඳව තවත් කතා කිහිපයක්ම තිබේ. ඇතැම් හින්දු බැතිමත්හු ස්කන්ධ කුමරු උපන්නේ පාර්වතී දේවියගේ කුසින් බව පිළි නොගනිති. ඔවුන්ගේ පිළිගැනීම වන්නේ ශිව-පාර්වතී විවාහ වූ නමුත් දරුවන් නොලද බවය. ඒ හේතුවෙන් දෙවිවරුන් අතර වූ නොසන්සුන්කම නිසා ඔවුන්ගේ නියෝජිතයකු ලෙස අග්නි දෙවියා ශිව හමුවට එවූ බවය.

පරෙවියකුගේ වෙසින් පැමිණි අග්නි දෙවියා ශිවගේ ජීව බීජයක් රැගෙන යද්දී එය ගංගා නදියට වැටී එසැණින් කිරිකැටි ළදරුවකු බිහි වෙයි. ඒ අවස්ථාවේ ගංගා නදියේ ස්නානය කරමින් සිටි කුමරියන් හය දෙනෙක් මේ ආශ්චර්යවත් බිලිඳා දැක ඒ වෙත ගොස් එක්වරම බිලිඳාට කිරි පෙවීමට සැරසුණු අවස්ථාවේ ඒ හය දෙනාගෙන්ම කිරි බීමට බිලින්දාට මුව හයක් පහළ වූ බව කියැවේ.

කඳ කුමරුන්ගේ උපත පිළිබඳව මීට වෙනස් කතාවක් කතරගම මහ දෙවොල තුළ දක්නට ඇති චිත්‍රයකින් පිළිබිඹු කෙරේ. ඒ මෙසේය.

ශිව දෙවියන්ගේ නළලත මත ඇසින් නික්මුණු ගිනි පුපුරු හයක් සරවන විලට වැටුණේය. ඉන් දිව්‍ය කුමාරවරු හයදෙනෙක් උපන්නේය. මහත් දරු සෙනෙහසකින් යුතු පාර්වතී දේවිය වහා දිව ගොස් ඒ කුමාරවරුන් හයදෙනාම වැලඳ ගනිද්දී එම රූපකාය හයම එක් කුමරකු වී මූර්තිමත් වූයේය. ඒ ස්කන්ධ කුමරුගේ උපත විය.

හින්දු දහමේ එන අග්නි දෙවිඳු ස්කන්ධගේ පියා බව තවත් කතාවකින් පැවසෙයි. ඒ අනුව ස්කන්ධ උපන්නේ අග්නි දෙවියන්ට දාවය. සප්ත සෘෂිවරුන්ගේ රූමත් පතිනියන් දැක අග්නි දෙවියන් කාමාශාවෙන් වියරු වැටෙයි. එසේ සිටියදී පාර්වතී එම රූමත් පතිනියන්ගේ වෙස් ගෙන අග්නි හමුවට ගොස් හය වරකදී දරු බීජ හයක් ලබා ගන්නීය. ඇය ඒවා ගෙන ගොස් රන් පොකුණක තැන්පත් කර ස්කන්ධ කුමරු උපදවා ගන්නීය. එසේ වුවත් කඳ කුමරුට කුඩා කල කිරි පොවා හදා වඩා ගන්නේ පෙර කී සෘෂි භාර්යාවන් හය දෙනාය.

කතරගම දෙවිඳුන්ගේ උපත පිළිබඳ එකී කතා කෙසේ වුවද මහා තේජසකින් හා බලපරාක්‍රමයකින් යුතුව කතරගම වැඩ සිටින කඳ සුරිඳුන්ගේ පිහිට පතා අදත් නන් දෙසින් බැතිමතුන් දහස් ගණනක් පැමිණෙන්නේ එදා මෙන්ම අදත් ඔවුනට පිහිට වෙමින් සුබසෙත සලසන බවට වන දැඩි විශ්වාසය නිසාය.

බන්ධුල ගුණරත්න

වල්ලහගොඩ කතරගම දේවාලයේ පෙරහැර හා බැදි,බ්‍රිතාන්‍ය ආණ්‌ඩුකාරයාට
රස්‌සාව නැති කළ 1915 මරක්‌කල කෝලාහලය

වසර 2500 ක සිංහල බෞද්ධ ඉතිහාසයක්‌ ඇති ශ්‍රී ලංකාවට වර්ගවාදී හෝ ජාතිවාදී අතීතයක්‌න් නැත. දෙමළ රජවරුන් ලංකාව ආක්‍රමණය කළ විට එයට ප්‍රති ප්‍රහාර එල්ල කිරීම යනු ජාතිවාදයක්‌ නොව ආක්‍රමණිකයාට විරුද්ධ වීමකි. පෘතුගීසි, ලන්දේසී, ඉංග්‍රිසි යන ජාතීන් මේ රට ආක්‍රමණය කළ විට ප්‍රතිප්‍රහාර එල්ල කිරීම කිසිදු ආකාරයක ජාතිවාදී ස්‌වරූපයක්‌ ගත් බවට සාක්‍ෂි නැත. බුද්ධාගම වැළඳගත් සැනින් සිංහල ජාතියට අවශෝෂණය වී රට පාලනය කිරීමට කන්ද උඩරට සිටි දෙමළ රජවරුන්ට අවස්‌ථාව ලැබිණ. අවරුදු 2500 ක ඉතිහාසය තුළ ශ්‍රී ලංකාවෙන් ජාතිවාදී කෝලාහලයක්‌ වාර්තා වූ මුල් අවස්‌ථාව 1915 දී නුවරදී හටගත් ‘මරක්‌කල කෝලාහලයයි’ ශ්‍රී ලංකාව බ්‍රිතාන්‍ය කොලනියක්‌ වීමට පටන් ගත්තේ 1802 ජනවාරි 01 වැනිදා ය. එංගලන්තයේ තුන්වැනි ජෝර්- රජුගේ ඉංගී්‍රසි හමුදාව, තමිල්නාඩුවේ සිට පැමිණ කන්ද උඩරට පාලනය කරමින් සිටි ‘ද්‍රවිඩ’ භාෂාව කතා කළ නායක්‌කර් රජු වන ශ්‍රී වික්‍රම රාජසිංහ අත්අඩංගුවට ගැනීම සඳහා 1817 – 1818 කාලයේදී කළ මෙහෙයුමට මෙරට සිටි මුස්‌ලිම් ජනතාව සහය පළ කළේය.1815 වන විට ලංකාවේ වෙළෙදාමෙන් වැඩි කොටසක්‌ ද තවලම් මගින් කෙරුණු භාණ්‌ඩ ප්‍රවාහනයෙන් වැඩි කොටසක්‌ ද මුස්‌ලිම් වෙළෙඳුන් අත විය. ඉස්‌ලාම් ආගම විසින් මත්පැන් පානය තහනම් කර තිබූ නමුත් අරක්‌කු පෙරීම සඳහා අවශ්‍ය අමුද්‍රව්‍ය වූ පොල් රා මැදීම වැඩි හරියක්‌ම පැවතුනේ මුස්‌ලිම් රා මදින්නන් අතය. බ්‍රිතාන්‍ය පාලකයෝ මැණික්‌ ගැරීමේ සහ (ධීවර වෘත්තියේ නියෑලී) මාළු සැපයීමේ කොන්ත්‍රාත්තු මුස්‌ලිම් ජනතාවට බහුල ලෙස ලබා දුන්හ.ඊට අමතරව දැව සඳහා ගස්‌ කැපීම, රජයේ ඉදිකිරීම් සඳහා කම්කරුවන් සැපයීම, ආහාර සහ ඇසුරුම් සැපයීම, පොල්වතු වගා කිරීම, තෙල් මෝල් පිහිටුවීම, පොල් සහ කොහු විකිණීම, මේසන් වැඩ, (ඔවුහු දක්‍ෂ මේසන්වරු ය.) මුඩු බිම් පනත යටතේ රජයට පවරාගෙන තිබූ ඉඩම්වල කුරුඳු වගා කිරීම, මැණික්‌ කැපීම සහ ඔප දැමීම යනාදිය ද ඔවුන් අත ඒකාධිකාරයක්‌ ලෙස තිබිණ. එහෙත් ඔවුන්ට එක දෙයක්‌ නොදීමට ඉංග්‍රිසි පාලකයෝ වග බලා ගත්හ. ඒ වූ කලී අධ්‍යාපනයයි. එකල ඉංගී්‍රසි අධ්‍යාපනයේ ප්‍රමුඛයන් වූයේ සිංහල, දෙමළ සහ බර්ගර් ජාතිSහු ය. ඔවුන් ඉගෙන ගත්තේ පල්ලි මගින් පාලනය වූ ක්‍රිස්‌ත්‍රියානි විද්‍යායතනවලය. එහෙත් තම ඉස්‌ලාම් ආගම කෙරෙහි මහත් භක්‌තියෙන් සිටි මුස්‌ලිම්වරු ක්‍රිස්‌තියානි පල්ලියේ ඉස්‌කෝලවල ඉගෙනීම ප්‍ග

1915 මරක්‌කල කෝලාහල සමය වන විට මුස්‌ලිම් ප්‍රජාව එක පිලක්‌ ලෙසත් සිංහල, දෙමළ, බර්ගර් ප්‍රජාව තව පිලක්‌ ලෙසත් සිංහල සමාජය තුළ කැපී පෙනුණාහ. එක්‌ පිලක්‌ සතුව තිබූ දේ අනෙක්‌න් පිල සතු නොවීම නිසා පාර්ශ්ව දෙක අතර පිටතට නොපෙනුණ අමනාපයක්‌ විය. දෙමළ සහ බර්ගර් ජාතිකයන් සිංහල කාන්තාවන් විවාහ කර ගත් නමුත් මුස්‌ලිම් ප්‍රජාව තම ආගමෙන් පිට ගැහැනුන් විවාහ කර නොගැනීමට පරෙස්‌සම් වූහ.1915 මරක්‌කල කෝලාහලය තීරණය වන්නේ ඉහත සඳහන් පසුබිම තුළය.

අරගලය පටන් ගත් හැටි-

උඩරට මහ කැරැල්ලෙන් පසු සිංහලයන් සහ සිංහල ජන ප්‍රධානීන් සමග වෛරයෙන් සිටි ඉංගී්‍රසි ආණ්‌ඩුව 1818 නොවැම්බර් 18 වැනිදා විශේෂ ප්‍රකාශනයක්‌ මගින් සිංහල ජන ප්‍රධානීන්ගේ වරප්‍රසාද සහ මහ ජාතියේ ආගම වූ බුද්ධාගමට තිබූ තැන කප්පාදු කළේය.

මෙය ලංකාව තමන් යටතට පවරා ගැනීමේදී බ්‍රිතාන්‍යයන් විසින් අත්සන් කරන්නට යෙදුණු උඩරට ගිවිසුමට පටහැනිව යැමකි. මේ කප්පාදුව ඉදිරි වසර 100 තුළ ක්‍රමයෙන් වර්ධනය වී 1812 වන විට සිංහලයන්ගේ ඇස්‌ ඉදිරිපිටදීම ක්‍රියාත්මක විය. ඒ මහනුවරදී වාර්ෂිකව පැවැත්වුණු ගම්පොල, වලහාගොඩ දේවාලයේ වාර්ෂික ඇසළ පෙරහැර මුස්‌ලිම් පල්ලි ඉදිරිපිටින් යනවිට ඒවාට යාර 100 ක්‌ තබා හේවිසි සහ තූර්ය වාදන නැවැත්විය යුතු බව නුවර සිටින ඉංගී්‍රසි ආණ්‌ඩුවේ දිසාපති මගින් නියෝග කිරීමෙනි.

ගම්පොල (ගඟසිරිපුර) නගරයට සැතපුමක්‌ ඈතින් පිහිටි වලහගොඩ දේවාලය මහා පරාක්‍රමබාහු රජතුමා විසින් 1236 දී ඉදිකර කතරගම දෙවියන් උදෙසා පූජා කරන ලද්දකි. ඇසළ පුර පසළොස්‌වක පොහොය දවසට දවස්‌ 8 කට පෙර පටන් ගන්නා මේ පෙරහැර පුරා දින 15 ක්‌ පැවැත්වෙයි. අවසන් දිනයේදී දිය කැපීමේ උත්සවය පැවැත්වෙයි. පෙරහැර දිය කැපීමට යන්නේ අඹගමුව පාර නමැති මාර්ගය දිගේ, ගොස්‌ මහවැලි ගඟේ තොටුපළක්‌ වූ පෝරුතොට ට සම්ප්‍රාප්ත වීමෙන් පසුවය. මේ පෙරහැර යන මඟ දෙපස හින්දු, කෝවිල් සහ මුස්‌ලිම් පල්ලි රැසක්‌ තිබේ. මේ යන මාර්ගයෙහි 1890 දී ඉදිකරන ලද මුස්‌ලිම් පල්ලියක්‌ විය. එය ඉදි කළෝ ලංකාවේ වෙරළබඩ ජනාවාස කරගත් ඉස්‌ලාමීය කොට්‌ඨාසයක්‌ වූ “මරක්‌කල” ප්‍රජාවගෙන් පැවැතෙන ජනයා ය. 1912 දී එම පෙරහැර වීථි සංචාරය කරන විට මුස්‌ලිම් පල්ලිය ඉදිරිපිට තූර්යවාදන පැවැත්වුවහොත් පෙරහැරට පහර දෙන බවට මරක්‌කල ප්‍රජාව තර්ජනය කර තිබිණ, ඒ අනුව නුවර මහ දිසාපතිතුමා තූර්යවාදන සම්බන්ධයෙන් තහනම් නියෝගයක්‌ තබනු ලබන්නේය.

එම නියෝගය පිළිපැදීමට අකැමැති වූ වලහාගොඩ කතරගම දේවාලයේ බස්‌නායක නිලමේතුමා එම වසරේ (1912) පෙරහැර අත්හිටුවිය. ඊළඟ වසරේදී සැප්තැම්බර් 30 වැනිදා ඔහු නුවර උසාවියට ගොස්‌ දිසාපතිගේ නියෝගයට විරුද්ධව නඩු පැවරීය. නඩුව අසන ලද්දේ නුවර දිස්‌ත්‍රික්‌ උසාවියේ වැඩ බලන විනිසුරු දොස්‌තර ශ්‍රීමත් පෝල් ඊ පීරිස්‌ ය. 1914 මාර්තු 20 වැනිදා නඩු විභාගය පටන් ගත් අතර ජුනි 4 වැනිදා බස්‌නායක නිලමේට පක්‍ෂව තීන්දුව දෙන ලද්දේය. එම තීන්දුවට අනුව වලහාගොඩ දේවාලයේ කතරගම පෙරහැරට තූර්යවාදන වයමින් වීථි සංචාරය කිරීමට අවසර ලැබිණ.

එහෙත් නුවර මහ දිසාපතිතුමා මේ තීන්දුවට විරුද්ධව ශේ්‍රන්ෂ්ඨාධිකරණයට ගියේය. එම අධිකරණය විසින් දිස්‌ත්‍රික්‌ උසාවියේ තීන්දුව අත්හිටුවන ලදී. එවිට යළි මතු වූයේ වලහාගොඩ දේවාලයේ ඇසල පෙරහැරට පංච තූර්ය නාද පවත්වමින් වීථි සංචාරය කිරීමට නොහැකි තත්ත්වයකි. එවිට බස්‌නායක නිලමේ එංගලන්තයේ රාජාධිකරණය ඉදිරිපිට අභියාචනයක්‌ ගොනු කළේය. දේවාලයේ නීතිඥයා ලෙස කීර්තිමත් බ්‍රිතාන්‍ය නීතිවේදී ශ්‍රීමත් ජෝන් සයිමන් පෙනී සිටියේය. තීන්දුව ලැබීමට තිබුණේ දින කිssහිපයකි. ශ්‍රීමත් ජෝන් සයිමන් දක්‍ෂ නීතිඥයකු නිසා කතරගම දේවාලය දිනන බවට සැක නැති විය.

ඒ අනුව 1915 වෙසක්‌ පුර පසළොස්‌වක පොහොය වූ 28 වැනිදා වලහාගොඩ දේවාල යේ පෙරහැර පැවැත්විය යුතු බව තීරණය කරන ලදී. පෙරහැර අඹගමුව මාර්ගයේ ගමන් කරන විට පොලිසිය එයට බාධා කළේය. පොලිසිය සමග සිටි මරක්‌කල ප්‍රචණ්‌ඩ කාරීන් කිහිප දෙනෙක්‌ පෙරහැරට ගල් ගසන්නට වූහ. ඇතැම් ගල් පහරවල් ගසන ලද්දේ මුස්‌ලිම් පල්ලියේ පඩිපෙළ මත සිටය. එතැනදී මුළු මහත් මහනුවර පුරාම පැතිරුණ කෝලා හලයක්‌ පටන් ගත්තේය. එම කෝලාහලය සති යක්‌ තුළ කන්ද උඩරට පිහිටි සියලු දුර්ග මාර්ග තරණය කර බස්‌නාහිර පළාතට සහ වයඹ පළාතට ඉක්‌මනින් ළඟා විය. එවිට කලබල වූ ශ්‍රීමත් රොබට්‌ චාමස්‌ ආණ්‌ඩුකාරයා වහාම යුද නීතිය ප්‍රකාශයට පත් කළේය. පාරට පැනගත් පොලිසිය සිංහලයන් දුටු තැන වෙඩි තබා මැරීය. සිංහලයන් 9600 ක්‌ හිරගෙවල්වලට ගාල් කරන ලදී. හිරගෙවල තදබදය ඇතිවන විට වැඩි හරිය මරණ ලදී. මෙම ක්‍රියා මාර්ගයට එරෙහි වෙමින් සිංහල. දෙමළ, මුස්‌ලිම් යන ජාතීන් තුනටම අයත් උගත්තු විරෝධතා ව්‍යාපාර පටන් ගත් අතර රොබට්‌ චාමස්‌ ආණ්‌ඩුකාරයා ආපසු බ්‍රිතාන්‍යයට කැඳවා ගැනීමට එංගලන්තයට සිදු විය. ඉන්පසු ඔහු ලංකාවේ ආණ්‌ඩුකාර තනතුරින් පහ කරන ලදී.

කෝලාහලය අතරතුර සිංහලයන්ගේ අමද්‍යප ව්‍යාපාරයට පාඩමක්‌ උගැන්වීමට රොබට්‌ චාමස්‌ගේ ආණ්‌ඩුව තීන්දු කළේය. අමද්‍යප ව්‍යාපාරය නිසා ඉංග්‍රිසි ආණ්‌ඩුවේ අරක්‌කු රේන්දකාරයන්ට සහ අරක්‌කු වෙළෙදාමට පහර වැදී තිබිණ. ඒ නිසා අරක්‌කු රේන්දවලින් සහ අරක්‌කු අලෙවියෙන් තමන්ට ලැබෙන්නට නියමිත ආදායම අහිමිවනු ඇතැයි ඉංග්‍රිසි ආණ්‌ඩුව බිය විය. මරක්‌කල කෝලාහලය ඇති කළෝ සිංහල අමද්‍යප නායකයන් බව ප්‍රචාරය කළ ආණ්‌ඩුව කෙළවරක්‌ නැතිව ඔවුන් අත්අඩංගුවට ගන්නට පටන් ගත්හ. බෞද්ධ පරම විඥනාර්ථ සමාගමේ සහ බෞද්ධ පුනර්ජීවන ව්‍යාපාරය නමැති නිර්මාංශ අමද්‍යප සංවිධානයේ නායකයා වූ සමෘද්ධිමත් වෙළෙන්දකු වන ආර්. ඒ. මිරැන්ඩෝ වෙඩි තබා මරණ ලදී. 1854 දී උපත ලැබූ සලාගම කුලයට අයත් ව්‍යාපාරිකයකු වූ ඔහු එවකට කුරුඳු ඉඩම් වැඩිම සංඛ්‍යාවක්‌ හිමි ප්‍රමුඛ කෝටිපතියෙකි. එසේම 1905 දී පිහිටවූ මිනිරන් පතල් හිමිකරුවන්ගේ සංගමයේ උප සභාපති වූයේ ඔහුය. බෞද්ධ පුනර්ජීවනය යනු කාටවත් හිරිහැරයක්‌ නැති ලේබලය යටතේ ඔහු කරගෙන ගිය අමද්‍යප ව්‍යාපාරය කෙරෙහි ද්වේෂයෙන් සිටි ඉංග්‍රිසි ආණ්‌ඩුව නිතර කල්පනා කළේ ඔහු මරණ ක්‍රමයක්‌ ගැනය. ඔහුට දෙවරක්‌ වසදී තිබිණ. එහෙත් ඔහු මරණයෙන් ගැලවින. ඔහුට වෙඩි තැබීමෙන් පසු එංගලන්තයේ සිටි යටත් විජිත භාර ලේකම් වන ආර්. ඊ. ස්‌ටීවන් කියා සිටියේ ඔහු මැරීම දෙවියන්ගේ ක්‍රියාවක්‌ බවය. ඔහු කෝලාහලකරුවන් උසිගැන්වූ බවද ස්‌ටීවන් කීවේය. ඒ අතර, අධිරාජ්‍ය විරෝධී සටනක ගිනි පුපුරු අවුලවමින් සිටි ධනවත් තරුණයකු වූ එඩ්වඩ් හෙන්රි පේද්‍රිස්‌ බ්‍රිතාන්‍ය අත්අඩංගුවට පත් විය. ඔහු මිනිරන් පතල් සහ රෙදි පිළි වෙළෙඳසල්හිමි පිටකොටුවේ ඩී. ඩී. පේද්‍රිස්‌ගේ එකම පුත්‍රයා ය. තම පුත්‍රයා නිදහස්‌ කරන්නේ නම් ඔහුගේ බරට කැරට්‌ 24 රන් පවුම් දීමට කැමැති බව කියමින් ඩී. ඩී. පේද්‍රිස්‌ බ්‍රිතාන්‍ය ආණ්‌ඩුවට පණිවුඩයක්‌ යෑවීය. එහෙත් පේද්‍රිස්‌ පුත්‍රයා ජීවත් වුවහොත් සිංහල ජාතික බලවේගය තවදුරටත් හිස ඔසවන බැවින් තමන්ට විය හැකි ව්‍යසනය රන් පවුම්වල වටිනාකමට වඩා වැඩි බව තීන්දු කළ බ්‍රිතාන්‍ය ආණ්‌ඩුව විශේෂ යුද්ධාධිකරණයක්‌ පිහිටුවා ඔහු වරදකරු කර වෙඩි තබා මැරවීය. රන් පවුම් පොරොන්දුව ගැන ආරංචි වූ තරුණයා මියයැමට ප්‍රථම සිය පියා කැඳවා ඔහුට දොස්‌ නඟන ලදි. තරුණ පේද්‍රිස්‌ගේ මතය වූයේ කිසිදු ආකාරයකින් ඉංග්‍රිසි පාලකයන්ට බාල්දු නොවිය යුතු බවය.

කෝලාහලයට සම්බන්ධ වූ සිංහලයන් 69 දෙනකුව වෙඩි තබා මරණ ලද බව ඉංගී්‍රසි ආණ්‌ඩුව පැවසීය. එහෙත් මරණ ලද සැබෑ ගණන 1000 ඉක්‌ම වූ බව පසුව හෙළි විය. මෙයට අමතරව සිංහලයන් 412 කට එරෙහිව චෝදනා ගොනු කර ඔවුන් යුද්ධාධිකරණයට ඉදිරිපත් කරනු ලැබීය. එයින් 358 ක්‌ වරදකරුවෝ වූහ. ඔවුන් අතුරින් 83 කට වෙඩි තබා මරණ ලද්දේය. නඩු විභාගයේදී සිංහලයන්ට විරුද්ධව සාක්‍ෂි දෙන ලෙස මුස්‌ලිම් සාක්‍ෂිකරුවන්ට බල කර තිබිණ. ආගන්තුක රටක ආගන්තුක ආණ්‌ඩුවක්‌ යටතේ පාලනය වෙමින් සිටි ඔවුන්ට සිංහලයන්ට විරුද්ධව සාක්‍ෂි දීම හැර වෙනත් විකල්පයක්‌ තිබුණේ නැත.

1915 කෝලාහලය මුවාවෙන් අත්අඩංගුවට ගත් අය අතර සුවිශේෂී පුද්ගලයෝ වූහ. එක පවුලේ සහෝදරයන් වූ ඩී. එස්‌ සේනානායක, එෆ්න්. ආර්. සේනානායක සහ ඩී. ඩී. සේනානායක එවැනි තිදෙනෙකි. එසේම ඩී. ආර්. විෙ-වර්ධන සහ දොන් බාරොන් ජයතිලක ද කූඩුවට ගියේය. එසේම දොස්‌තර සී. ඒ. හේවාවිතාරණ සහ එඩ්මන්න් හේවාවිතාරණද හිරේ ලැග්ගාහ. ඔවුහු පසුව අනගාරික ධර්මපාල වූ දොන් ඩේවිඩ් හේවාවිතාරණගේ සහෝදරයෝ ය. හිරගෙදර ඉතා අපිරිසිදු වූ නිසා රෝගී වූ එඩ්මන්ඩ් හේවාවිතාරණ හිරගෙය තුළම මළේය. මේ හැමදෙනාම කළ වරද වූයේ මරක්‌කල කෝලාහලයට සම්බන්ධ වීම නොව අමද්‍යප ව්‍යාපාරයට සම්බන්ධ වීමය.

1915 කලබලයේදී සිදු වූ ජීවිත හානියට වඩා දේපළ හානිය විශාලය. සිංහලයන්ගේ පහරදීම් නිසා මුස්‌ලිම්වරුන් 25 ක්‌ මියගිය අතර 189 ක්‌ තුවාල ලැබූහ. ස්‌ත්‍රී දූෂණ 4 ක්‌ සිදු විය. මුස්‌ලිම් පල්ලි 17 කට ගිනි තබනු ලැබීය. තවත් මුස්‌ලිම් පල්ලි 86 කට අලාභහානි සිදුවිය. දෙපාර්ශ්වයටම අයත් කඩ 4075 ක්‌ කොල්ල කනු ලැබීය. කඩ 350 කට ගිනි තැබිණ.

මේ අවාසනාවන්ත ජාතිවාදී ගැටුම ප්‍රයෝජනයට ගනිමින් සිංහලයන් මර්දනය කිරීමට බ්‍රිතාන්‍ය ආණ්‌ඩුව ගත් දුෂ්ට සහ අවස්‌ථාවාදී උත්සාහයට විරුද්ධව එවකට තිබූ රාජ්‍ය මන්ත්‍රණ සභාවේ සාමාජික ශ්‍රීමත් පොන්නම්බලම් රාමනාදන් විශාල වශයෙන් විරෝධය පළ කළේය. ඔහු රාජ්‍ය මන්ත්‍රණ සභාවට තෝරා පත් කර ගෙන සිටියේ මෙරට සිටින උගත් ලාංකිකයන්ගේ නියෝජිතයා ලෙසය. ලංකාවේ සිටින යුරෝපීයයන්ගේ නියෝජිතයා ලෙස මන්ත්‍රණ සභාවේ සිටි හැරී ක්‍රීස්‌, ශ්‍රීමත් රාමනාදන්ගේ විරෝධය වෙනුවෙන් පෙනී සිටියේ ය. එහෙත් සිංහලයන්ගේ නියෝජිතයා ලෙස සිටි එස්‌. සී. ඔබේසේකර, රාමනාදන්ගේ හෝ ක්‍රීස්‌ගේ පැත්ත ගත්තේ නැත. සේනානායක සහෝදරවරුන් මරක්‌කල කෝලාහලය මාර්ගයෙන් බොර දියේ මාළු බාන බව ඔහුගේ මතය විය. මේ අතර සිංහල ක්‍රිස්‌තියානි භක්‌තික ඊ. ඩබ්ලිව්. පෙරේරා සිංහලයන්ට වූ අසාධාරණය ගැන කීම සඳහා බ්‍රිතාන්‍ය ආණ්‌ඩුවට සංදේශයක්‌ භාර දීම පිණිස නැව් නැඟ එංගන්තය බලා ගියේය. ඔහු එම සංදේශය ගෙන ගියේ සපත්තුවේ සඟවාගෙන ය. තමා ගිය නැවට කලින් නැවේ නැඟ එංගලන්තය බලා ගොස්‌ සිටි දොන් බාරොන් ජයතිලක ඔහුට ලන්ඩනයේදී හමු විය. ඒ වන විට බ්‍රිතාන්‍ය ජාතික ලෙනාඩ් වුල්ෆ්න් ද (බැද්දේගම ලියූ ඉංගී්‍රසි ලේඛකයා ය. ඔහු කීර්තිමත් ලේ�කා වර්ජිනියා වුල්ෆ්න්ගේ පියාය) ලන්ඩනයට පැමිණ සිටියේය. ආණ්‌ඩුකාර චාමස්‌ එම රැකියාවෙන් නෙරපීමට බ්‍රිතාන්‍ය යටත්විජිත කාර්යාලය තීරණය කරන්නේ ලෙනාඩ් වුල්ෆ්න් පෙරටු කරගත් ජයතිලක සහ පෙරේරා දෙපළගේ සාක්‍ෂිවලට සවන් දීමෙන් පසුවය.

රැකියාව නැති වීම නිසා ලංකාවෙන් පිටවී යැමට සිදු වුවද බලයේ සිටි කාලයේදී රොබට්‌ චාමස්‌ යනු ඉතා ජනප්‍රිය ආණ්‌ඩුකාරයෙකි. බුදු දහම සහ පාලි භාෂාව මනා සේ උගත් ඔහු සිංහල බෞද්ධ භික්‍ෂූන් වහන්සේලා රැසකගේ හිතවතෙකි. ලංකාවට විශ්වවිද්‍යාලයක්‌ අවශ්‍ය බව ඔහු නිතර කීවේය. අවසන් වශයෙන් ගත් කල ඔහුද යටත් විජිත යාන්ත්‍රණයේම ගොදුරකි.

උපුටා ගැනීම
අනුර සොලමන්ස්

Curash Soap Free Bath and Curash Shampoo & Conditioner always perfect selection for your newborn’ sensitive skin. 👶✨

Many rashes are red, painful, and irritated. And some of them can lead to blisters or patches of raw skin.
While most rashes clear up fairly and quickly, others are long lasting and need to be cared for over long periods of time.👨‍👩‍👧‍👦🙂

Please whats app us

The Curash Alcohol free Medicated Nappy
Rash Cream, enriched with vitamin E and 20% zinc oxide, it helps soothe, heal and protect your baby’s sensitive skin.👶❤️

Here we are to serve you with curash - Our concern is your baby 👶❤️