Health Ministry Media
The purpose of this page is to inform you about the public mission carried out by the Ministry of Hea
20/11/2023
සෞඛ්‍ය අමාත්‍යාංශයේ නව ලේකම් වැඩ භාර ගනී ............................................................................................
සෞඛ්‍ය අමාත්‍යාංශයේ නව ලේකම් ලෙස විශේෂඥ වෛද්‍ය පාලිත මහීපාල මහතා අද දින (20) පෙරවරුවේ යෙදුන සුභ මොහොතින් සෞඛ්‍ය අමාත්‍යාංශයේ දී වැඩ භාර ගත්තේය.
ආගමික වතාවත් වලට මුල් තැන දෙමින් වැඩ භාරගත් විශේෂඥ වෛද්‍ය පාලිත මහීපාල මහතා හට වැඩභාර ගැනීමෙන් අනතුරුව පැමිණි සිටි නිළධාරීන් හා කාර්ය මණ්ඩලය සුභ පැතුම් එක් කල අතර නව ලේකම්වරයා ඔවුන් සමග සුහද කතාබහක ද නිරත විය.
විශේෂඥ වෛද්‍ය පාලිත මහීපාල මහතා මින් පෙර සෞඛ්‍ය අමාත්‍යංශයේ සෞඛ්‍ය සේවා අධ්‍යක්ෂ ජනරාල්වරයා මෙන්ම අතිරේක ලේකම් වරයෙකු වශයෙනුත් සේවය කර ඇත. ලෝක සෞඛ්‍ය සංවිධානය විසින් විශේෂඥ වෛද්‍ය පාලිත මහීපාල මහතා එම සංවිධානයේ නියෝජිතවරයෙකු වශයෙන් ද පත්කර තිබිණි. මෙරට සෞඛ්‍ය ක්ෂේත්‍රයට විශාල සේවාවක් කල එතුමා කීර්තිමත් රාජ්‍ය නිළධාරියෙකි.
මෙම වැඩ භාර ගැනීමේ අවස්ථාවට සෞඛ්‍ය අමාත්‍යාංශයේ අතිරේක ලේකම්වරුන් වන ගීතාමනී කරුණාරත්න , වත්සලා ප්‍රියදර්ශනී , සෞඛ්‍ය සේවා අධ්‍යක්ෂ ජනරාල් වෛද්‍ය අසේල ගුණවර්ධන යන මහත්ම මහත්මින් ද, ජ්‍යෙෂ්ඨ සහකාර ලේකම්වරුන්, නියෝජ්‍ය අධ්‍යක්ෂ ජනරාල්වරුන්, අධ්‍යක්ෂවරුන් හා රොහල් හා සෞඛ්‍ය ආයතන නියෝජනය කරමින් අධ්‍යක්ෂවරුන් ඇතුලු පිරිසක් සහභාගී වුහ.
16/11/2023
JICA නියෝජිතයින් හා සෞඛ්‍ය අමාත්‍යවරයා අතර විශේෂ හමුවක්...
ජයිකා - ජපාන ජාත්‍යන්තර සහයෝගීතා නියෝජිතායතනය (JICA – Japan International Cooperation Agency) ශ්‍රී ලංකා කාර්යාලයේ ප්‍රධාන නියෝජිත යමඩා ටෙට්සුයා (Mr. Yamada Tetsuya) මහාතා සහ ව්‍යාපෘති සම්පාදන උපදේශක මියකේ යුකාකෝ (Ms. Miyake Yukako) මහත්මිය, සෞඛ්‍ය හා කර්මාන්ත අමාත්‍ය වෛද්‍ය රමේෂ් පතිරණ මහතා අද දින (16) සෞඛ්‍ය අමාත්‍යංශයේ දී මුණ ගැසුණි.
මෙහිදී යමඩා ටෙට්සුයා මහතා විසින් සෞඛ්‍ය හා වෛද්‍ය සේවාව වැඩිදියුණු කිරීමේ ව්‍යාපෘතිය ඇතුළු සෞඛ්‍ය ක්ෂේත්‍රයේ ජයිකා ව්‍යාපෘතිය මගින් දැනට ක්‍රියාත්මක වන සංවර්ධන ආධාර වැඩ සටහන් පිළිබදව අමාත්‍යවරයා දැනුවත් කිරීමට පියවර ගත් අතර, “ආසාදිත අපද්‍රව්‍ය කළමණාකරණය වැඩි දියුණු කිරීමේ ව්‍යාපෘතියෙන්” රෝහල් 15 කට ප්‍රතිලාභ හිමිවීම පිළිබදව ද, “පුනර්ජනනීය බලශක්තිය නිපදවීම සදහා රෝහල් වල පහසුකම් නැංවීමේ ව්‍යාපෘතිය” මගින් මෙරට ප්‍රධාන රෝහල් 3 ක් සංවර්ධන කිරීමට පියවර ගැනීම හා “ප්‍රජාව තුළ වැඩිහිටියන් කේන්ද්‍රකරගත් සෞඛ්‍ය සේවාවන් වැඩි දියුණු කිරීම” යන ව්‍යාපෘතියේ ප්‍රගතිය පිළිබදවත් යමඩා ටෙට්සුයා මහතා විසින් දීර්ඝ ලෙස අමාත්‍යවරයා දැනුවත් කිරීමට පියවර ගන්නා ලදී.
මෙහිදී අදහස් දක්වමින් සෞඛ්‍ය හා කර්මාන්ත අමාත්‍ය වෛද්‍ය රමේෂ් පතිරණ මහතා කියාසිටියේ, මෙම ව්‍යාපෘතිය කඩිනම් කර ගැනීමට සෑම මට්ටමකම නිරන්තර අධීක්ෂණය හා සම්බන්ධීකරණය ඉතා වැදගත්ම අවශ්‍යතාවය බවය.
වසර 70 කට අධික කාලයක සිට ජපානය හා ශ්‍රී ලංකාව දැඩි මිත්‍රශීලීත්වයකින් කටයුතු කරන බවත්, විශේෂයෙන් සෞඛ්‍ය ක්ෂේත්‍රය වෙනුවෙන් ජපාන ජාත්‍යන්තර සහයෝගීතා නියෝජිත ආයතනය මගින් ව්‍යාපෘති රැසක් ක්‍රියාවට නංවා ඇති බවද, එම ව්‍යාපෘති කඩිනම් කිරීමට අවශ්‍ය පියවර ගන්නා ලෙසටද JICA නියෝජිතයින් හට දන්වා සිටියේය.
ඉතා ඉහල මිත්‍රත්වයකින් කටයුතු කරන ජපානය, මෙරට සෞඛ්‍ය ක්ෂේත්‍රය ඇතුළු ක්ෂේත්‍ර ගණනාවකට භෞතික පහසුකම් සංවර්ධනය වෙනුවෙන් ඉහල ගුණාත්මක වර්තමාන කාලීන අවශ්‍යතාවයට සරිලන ව්‍යාපෘති රාශියක් ක්‍රියාත්මක කිරීම පිළිබදව ද, දිගුකාලීනව ජපාන රජයේ හා ජපාන ජනතාවගේ පරිත්‍යාගශීලීත්වයට ශ්‍රී ලංකා රජය වෙනුවෙනුත් සෞඛ්‍ය අමාත්‍යංශය වෙනුවෙනුත් සිය කෘතඥතාවය පල කර සිටියේය.
15/11/2023
සෞඛ්‍ය අමාත්‍යවරයා ගාල්ල කරාපිටිය රෝහලේ විශේෂ නිරීක්ෂණ චාරිකවක .....
රෝහලේ ප්‍රතිසංස්කරණ සහ සංවර්ධන කටයුතු කඩිනම් කිරීමටත් උපදෙස් .........................................................................................................
ගුණාත්මක සෞඛ්‍ය සේවාවක් දකුණු පලාතේ ජනතාවට ලබාදීමේ අරමුණ පෙරදැරිව ගාල්ල දිස්ත්‍රික්කයේ ප්‍රධානතම රෝහල වන ගාල්ල කරාපිටිය ශික්ෂණ රෝහලේ විශේෂ නිරීක්ෂණ චාරිකාවක සෞඛ්‍ය අමාත්‍ය හා කර්මාන්ත අමාත්‍ය වෛද්‍ය රමේෂ් පතිරණ මහතා අද (15) අද දින නිරත් විය.
මානව හා භෞතික සම්පත් සංවර්ධනය, ප්‍රතිකාර සේවාවන් ක්‍රියාත්මකවන ආකාරය මෙන්ම සිදුකරන ප්‍රතිසංස්කරණ කටයුතු හා සංවර්ධන කටයුතු පිළිබදව සොයා බැලීම ප්‍රධාන අරමුණ කරගනිමින් මෙම චාරිකාව සිදු කෙරිණි .
මෙහිදී රෝහලේ හදිසි ප්‍රතිකාර ඒකකය (ETU), ස්නායු රෝග පරික්ෂණ ඒකකය, වෛද්‍ය රසායනාගාරය, ස්නායු රෝග භෞතවේද ඒකකය, කැතීටරීකරණ ඒකකය (Catheter Lab), විද්‍යුත් ඛණ්තුරේඛණ අංශය (ECG), ළමා දැඩිසත්කාර ඒකකය (PICU), ප්‍රධාන මුළුතැන්ගෙය, ඉදිකෙරෙමින් පවතින මහල් 10 කින් යුත් වාට්ටු සංකීර්ණය, බාහිර රෝගී අංශය පිළිකා ප්‍රතිකාර ඒකකය සහ රෝහල් පරිශ්‍රය සෞඛ්‍ය අමාත්‍යවරයා ගේ නිරීක්ෂණයට ලක් විය.
රෝහලේ ප්‍රතිසංස්කරණ හා සංවර්ධන කටයුතු කඩිනමින් හා විධිමත්ව සිදු කරන ලෙස එම කටයුතු සිදු කරන මාධ්‍යම ඉංජිනේරු උපදේශණ කාර්යාංශයේ (CECB) නිලධාරීන් වෙත උපෙදස් ලබාදුන් අමාත්‍යවරයා, ඉදිරි සංවර්ධන කටයුතු වලට අදාල මුල්‍ය ඇස්තමේන්තු කඩිනමින් ලබාදෙන ලෙසටද උපදෙස් දෙන ලදි. මෙම වසර තුල සංවර්ධන කටයුතු සදහා අවශ්‍ය මුල්‍ය ප්‍රතිපාදන ලබාදීමටත්, ඉදිරි වසර සදහා අවශ්‍ය මූල්‍ය ප්‍රතිපාදන ලබාදීමටත් කටයුතු කරන බව ද අමාත්‍ය වෛද්‍ය රමේෂ් පතිරණ මහතා මෙහිදී ප්‍රකාශ කලේය .
රෝහලෙන් ප්‍රතිකාර ලබාගැනීම සදහා පැමිණ සිටි රෝගීන් සමග ද සුහද කථාබහක නිරත වූ අමාත්‍ය වරයා රෝගීන් මුහුණ දෙන ගැටළු පිළීබදව සිය අවධානය යොමු කලහ. ප්‍රතිකාර ලබාගැනීමට පැමිණෙන රෝගීන්ට අවශ්‍ය පහසුකම් සැපයීම ප්‍රමුඛ කාර්යයක් ලෙස සළකා කටයුතු කරන ලෙසට සෞඛ්‍ය නිලධාරින්ට උපදෙස් දුන් අතර, රෝහල් කාර්ය මණ්ඩලවල ගැටළු පිළිබදවද අවධානය යොමු කරන ලදි.
15/11/2023
2023 ජාතික සෞඛ්‍ය පර්යේෂණ සම්මන්ත්‍රණය සාර්ථකව නිම වේ....
තෝරාගත් පර්යේෂණ සෞඛ්‍ය සේවාවේ ඉදිරි ප්‍රගමනයට යොදා ගැනේ..................................................................................................
ශ්‍රී ලංකාවේ සෞඛ්‍ය පර්යේෂණ ක්ෂේත්‍රය ප්‍රවර්ධනය කිරීමේ අරමුණින් සෞඛ්‍ය අමාත්‍යංශයේ අධ්‍යාපන, පුහුණු සහ පර්යේෂණ අංශය මගින් සංවිධානය කරන ලද ජාතික සෞඛ්‍ය පර්යේෂණ සම්මන්ත්‍රණය 2023 පසුගිය දෙදින (13-14) බත්තරමුල්ල වෝටර්ස් ඒජ් හෝටලයේ දී සාර්ථකව පැවැත්විනි .
මෙහි සමාප්ත අවස්ථාවට ප්‍රධාන ආරාධිත අමුත්තා වශයෙන් සෞඛ්‍ය හා කර්මාන්ත අමාත්‍ය වෛද්‍ය රමේෂ් පතිරණ මහතා සහභාගී වූ අතර මෙම ජාතික සම්මන්ත්‍රණය මෙවර පැවැත්වූයේ තෙවැනි වරටය. සෞඛ්‍ය ක්ෂේත්‍රයේ සේවයේ නියුතු පර්යේෂකයින්ගේ, පර්යේෂණ ඉදිරිපත් කිරීම හා ඒ පිළිබදව සාකච්ජා කිරීමට අවශ්‍ය වේදිකාව සලසා දීම මෙන්ම පර්යේෂණ සදහා සෞඛ්‍ය වෘත්තිකයින් නැඹුරු කිරීම හා දිරිමත් කිරීම මෙම සම්මන්ත්‍රණයේ ප්‍රධාන අරමුණයි.
දෙදින සම්මන්ත්‍රණයේ දී වාචිකව හා පෝස්ටර් පර්යේෂණ 245 ක් සාකච්ජාවට භාජනය කල අතර පර්යේෂණ 10 ක් හොදම පර්යේෂණ ලෙස නිර්දේශ විය. ඒ් අතුරින් පර්යේෂණ තුනක් හොදම පර්යේෂණ ලෙස තෝරාගනු ලැබීය.
එම සෞඛ්‍ය වෘත්තිකයින් හට සෞඛ්‍ය හා කර්මාන්ත අමාත්‍ය වෛද්‍ය රමේෂ් පතිරණ මහතා අතින් මෙහිදී සහතික පත් ප්‍රධානය කරන ලද අතර තෝරාගනු ලැබූ හොදම පර්යේෂණ සෞඛ්‍ය සේවාවේ ඉදිරි ප්‍රගමනය සදහා යොදා ගැනීමට නියමිතය.
මාතෘ හා ළමා සෞඛ්‍ය, බෝ නොවන රෝග, සෞඛ්‍ය පද්ධතිය, සෞඛ්‍ය හා මානව සම්පත්, ආහාර හා පෝෂණය, බෝ වන රෝග, ක්ෂුද්‍ර ජීව විද්‍යාව, ශල්‍ය සත්කාර, ඩිජිටල් සෞඛ්‍ය, විකිරණවේදය, දන්ත සත්කාර යන මාතෘකාවන් යටතේ සහ තවත් විවිධ මාතෘකාවන් යටතේ මෙහිදී සෞඛ්‍ය වෘත්තිකයන් විසින් පර්යේෂණ දිරිපත් කෙරිණි.
මෙහිදී අදහස් දක්වමින් සෞඛ්‍ය හා කර්මාන්ත අමාත්‍ය වෛද්‍ය රමේෂ් පතිරණ මහතා කියා සිටියේ, මෙරට සෞඛ්‍ය සේවාවේ අනාගත ගමනේ මෙම සම්මන්ත්‍රණය විශාල ඉදිරි පියවරක් ලෙස හදුන්වා දිය හැකි බවත් මෙරට සෞඛ්‍ය වෘත්තිකයින් සංවර්ධිත රටක පවතින සෞඛ්‍ය සේවාව හා සමාන සෞඛ්‍ය සේවාවක් මෙරට ජනතාවට ලබා දීමට කටයුතු කරන බව බවය.
1948 නිදහසින් පසු නිදහස් අධ්‍යාපනය හා සෞඛ්‍ය මෙරට තුළ ක්‍රියාත්මක වන බවත් එදා එකක්ව පැවති වෛද්‍ය විද්‍යාල ප්‍රමාණය අද වන විට 11 ක් දක්වා වර්ධනය වී තිබෙන බවද, 3000 ක් ව තිබුණු පාසල් සංඛ්‍යාව පාසල් 7000 දක්වා වර්ධනය වී තිබෙන බවද පෙන්වා දුන්නේය.
පෙර දවස මෙරට ලියාපදිංචි වෛද්‍යවරුන් 701 ක් සහ හෙදියන් සුළු ප්‍රමාණයක් මෙරට සෞඛ්‍ය සේවාවේ නියැළුණු බවත් රෝහල් ඇදන් ධාරිතාවය 15,000 ක්ව පැවතිය බවද, වර්තමානය වන විට එම රෝහල් ඇදන් ධාරිතාවය 90,000 ඉක්මවන බවද වෛද්‍යවරුන් 22,000 කට අධික පිරිසක් හා 40,000 කට අධික හෙදියන් ප්‍රමාණයක් මෙරට සෞඛ්‍ය සේවාවේ සේවය කර අතර සෞඛ්‍ය සේවාවේ අනෙකුත් වෘත්තීන් වල 10000 කට අධික පිරිසක් ද සේවය කරන බව අවධාරණය කලේය.
එමෙන්ම පසුගිය දෙවසර තුළ මෙරට සෞඛ්‍ය සේවාවේ යම් පසුබෑමකට ලක් වුවත් වර්මානය වන විට එය නැවතත් ශක්තිමත් සේවාවක් ලෙස පවත්නවා ගෙන යාමට කටයුතු කරන බවත් මෙහි දී තෝරා ගනු ලැබු හොදම පර්යේෂණ සෞඛ්‍ය සේවාවේ ඉදිරි උන්නතිය සදහා යොදා ගැනීමට කටයුතු කරන බවත් පැවසීය.
ලෝක බැංකුව, ලෝක සෞඛ්‍ය සංවිධානය, JICA, ඉන්දීය රජය, චීන රජය, ආසියානු සංවර්ධන බැංකුව ඇතුළු ජාත්‍යන්තර නියෝජිත ආයතන, මෙරට සෞඛ්‍ය සේවාව ගුණාත්මක සහ උසස් සෞඛ්‍ය සේවාවක් ලබා දීම සදහා සහය ලබාදෙන බවත් එහි අවසන් ප්‍රතිලාභය මෙරට ජනතාවට ලැබෙන බවද අමාත්‍යවරයා අවසාන වශයෙන් කියා සිටියේය.
මෙම අවස්ථාවට ජාත්‍යන්තර කීර්තියට පත් මහාචාර්ය අම්රික් සොහාල් මහතා (Prof. Amrik Sohal- Australia),සෞඛ්‍ය අමාත්‍යංශයේ අතිරේක ලේකම් (වෛද්‍ය සේවා ) විශේෂඥ වෛද්‍ය සුනිල් ද අල්විස්, නියෝජ්‍ය අධ්‍යක්ෂ ජනරාල් (අධ්‍යාපන පුහුණු සහ පර්යේෂණ) වෛද්‍ය සමින්ධි සමරකෝන්, යන මහත්ම මහත්මීන් ඇතුළුව සෞඛ්‍ය අමාත්‍යංශයේ නියෝජ්‍ය අධ්‍යක්ෂ ජනරාල්වරුන්, අධ්‍යාපන පුහුණු සහ පර්යේෂණ අංශයේ අධ්‍යක්ෂවරුන්, රෝහල් හා සෞඛ්‍ය ආයතන නියෝජන්‍ වෛද්‍යවරුන් ඇතුලු පිරිසක් සහභාගි වූහ.
14/11/2023
ප්‍රමිතියෙන් තොර කොන්ත්‍රාත් සහ ඖෂධ සැපයීම් සිදු කරන සමාගම් අසාදු ලේඛන ගත කිරීමට සුව ඇමතිගෙන් නිලධාරීන්ට උපදෙස් ..................................................................................................
ජාත්‍යන්තර ප්‍රසම්පාදන ක්‍රමවේදය යටතේ නිසි ප්‍රමිතියට කටයුතු නොකරන සමාගම් අසාදු ලේඛන ගත කිරීමට කටයුතු කරන බවත් මෙය සෑම ක්ෂේත්‍රයකටම අදාල විය යුතු බවත් , එවැනි සමාගම් මෙරට තුළ වේ නම් ඒවා ද අසාදු ලේඛන ගත කිරීමට කටයුතු සිදු කල යුතු බවද , එමෙන්ම ඖෂධ ක්‍රියාවලිය මිනිසුන්ගේ ජීවිත සමග සිදු කරන ගනුදෙනුවක් වන හෙයින් ද, ඒ සදහා වාර්ෂිකව බිලියන ගණනක් වැය කරන බැවින් ඖෂධ සමාගම් ප්‍රමිතියෙන් යුතු ඖෂධ ජනතාවට ලබා දිය යුතු බවත් සෞඛ්‍ය හා කර්මාන්ත අමාත්‍ය වෛද්‍ය රමේෂ් පතිරණ මහතා අවධාරණය කරයි.
අමාත්‍යවරයා මේ බව අවධාරණය කරන ලද්දේ අද දින (14) සෞඛ්‍ය අමාත්‍යංශයේ දී, ඖෂධ නියාමනය, සැපයීම, බෙදහැරීම හා සම්බන්ධ කරුණු ගැන සෞඛ්‍ය අමාත්‍යංශය යටතේ පාලනය වන වෛද්‍ය සැපයීම් අංශය, රාජ්‍ය ඖෂධ සංස්ථාව, රාජ්‍ය ඖෂධ නිෂ්පාදන නීතිගත සංස්ථාව, ජාතික ඖෂධ නියාමන අධිකාරිය යන ආයතන වල නිලධාරීන් සමග පැවති විශේෂ සාකච්ජාවකදීය.
මින් පසු ඖෂධ වල මිල තීරණය කිරීම සදහා එක් මිල තීරණය කිරීමේ කමිටුවක් (pricing committee) හරහා කටයුතු සිදු කල යුතු බවටද, අමාත්‍යවරයා උපදෙස් ලබා දුන් අතර එමෙන්ම අමාත්‍යවරයා වශයෙන් තමන් ගෙන් වරදක් සිදු වනවා නම් එය ද, පෙන්වා දෙන ලෙසට ඉල්ලීමක් ද කල අමාත්‍යවරයා කියා සිටියේ මෙරට ජනතාවට ගුණාත්මක තත්වයෙන් ඉහල ඖෂධයක් රජය විසින් ලබා දෙන ක්‍රමවේදයක් සකස් කිරීමට තමන්ට අවශ්‍ය බවය.
වාර්ෂිකව ඩොලර් මිලියන 500 කට අධික මුදලක් මේ සදහා වැය කරන බවත් ඊට හොදම විසදුම මෙරටට අවශ්‍ය ඖෂධ මෙරට තුළ නිෂ්පාදනය කිරීම බවද පෙන්වා දුන්නේය.
රට තුළ ඖෂධ හිඟයක් ඇති නොවීමට මෙරටට අවශ්‍ය ඖෂධ අවශ්‍ය නිවැරදි ක්‍රමවේද මත ගෙන්වීමට කටයුතු කරන ලෙසත්, අක්ෂි කාච, ස්ටෙන්ස්, සිලින්ජර වැනි උපකරණ කෙරෙහි ද, වැඩි අවධානයක් යොමු කරන ලෙසටද සෞඛ්‍ය හා කර්මාන්ත අමාත්‍ය වෛද්‍ය රමේෂ් පතිරණ මහතා විසින් නිලධාරීන්ට උපදෙස් ලබා දුන්නේය.
මීට අමතරව ඉන්දියානු රජය හා ශ්‍රී ලංකා රජය අතර අනයෝන්‍ය අවබෝධයෙන් සිදු කිරීමට නියමිත අවබෝධතා ගිවිසුම අනුව අදාල පාර්ශවයන් සමග සාකච්ජා කර ඖෂධ ලබා ගැනීමේ ක්‍රමවේදය කඩිනම් කිරීමටත් සෞඛ්‍ය සේවා අධ්‍යක්ෂ ජනරාල්වරයා, වෛද්‍ය සැපයුම් අංශයේ නියෝජ්‍ය අධ්‍යක්ෂ ජනරාල්වරයා , රාජ්‍ය ඖෂධ සංස්ථාවේ සභාපතිවරයා සහ රාජ්‍ය ඖෂධ නියාමන අධිකාරියේ සභාපතිවරයා එක්ව මෙම ක්‍රියාවලිය සිදු කරන ලෙසට ද උපදෙස් ලබා දුන්නේය.
මෙම අවස්ථාවට සෞඛ්‍ය රාජ්‍ය අමාත්‍ය විශේෂඥ වෛද්‍ය සීතා අරඹේපොල, සෞඛ්‍ය ලේකම් ජනක ශ්‍රී චන්ද්‍රගුප්ත, අතිරේක ලේකම් (ප්‍රසම්පාදන) Y.L.M. නවාවි, සෞඛ්‍ය සේවා අධ්‍යක්ෂ ජනරාල් වෛද්‍ය අසේල ගුණවර්ධන, ජාතික ඖෂධ නියාමන අධිකාරියේ සභාපති විශේෂඥ වෛද්‍ය ආනන්ද විජේවික්‍රම, ආරජ්‍ය ඖෂධ සංස්ථාවේ සභාපති වෛද්‍ය අජිත් මෙන්ඩිස්, වෛද්‍ය සැපයුම් අංශයේ නියෝජ්‍ය අධ්‍යක්ෂ ජනරාල් D.R.K. හේරත්, එම අංශයේ අධ්‍යක්ෂ වෛද්‍ය කපිල වික්‍රමනායක යන මහත්ම මහත්මින් ඇතුළු පිරිසක් සහභාගී වුහ.
12/11/2023
සබරගමුව විශ්ව විද්‍යාලයේ වෛද්‍ය පීඨ සිසුන්ගේ ගැටලුවට සුව ඇමතිගෙන් විසදුම්......................................................................................................
සබරගමුව විශ්ව විද්‍යාලයේ වෛද්‍ය පීඨයේ මහාචාර්ය ඒකක සම්බන්ධව ඇති වී තිබෙන ගැටලු පිළිබදව සොයා බැලීම සදහා සෞඛ්‍ය හා කර්මාන්ත අමාත්‍ය වෛද්‍ය රමේෂ් පතිරණ මහතා ඊයේ දින (11) රත්නපුර ශික්ෂණ රෝහලට පැමිණ විශේෂ සාකච්ජාවක නිරත විය.
සෞඛ්‍ය අමාත්‍යංශය නියෝජය කරමින් සෞඛ්‍ය සේවා අධ්‍යක්ෂ ජනරාල් වෛද්‍ය අසේල ගුණවර්ධන, අධ්‍යක්ෂ (තෘතියික සේවා) වෛද්‍ය ප්‍රියන්ත අතපත්තු, රෝහල නියෝජනය කරමින් අධ්‍යක්ෂ වෛද්‍ය අනුජ රොඩ්‍රිගෝ සහ විශේෂඥ වෛද්‍යවරුන්, සබරගමුව විශ්ව විද්‍යාලය නියෝජනය කරමින් උපකුලපති මහාචාර්ය සුනිල් ශාන්ත, වෛද්‍ය පීඨයේ පීඨාධිපති මහාචාර්ය නිර්මලී වික්‍රමරත්න යන මහත්ම මහත්මින්ගේ සහභාගීත්වයෙන් පවතින ගැටලුව පිළිබදව මෙහිදී දීර්ඝ වශයෙන් සාකච්චා කෙරිණි.
අවසානයේ දී දෙපාර්ශවයේ එකඟතාවය මත ඉදිරියේ දී රත්නපුර ශික්ෂණ රෝහලේ හදුනාගත් ඒකකය බැගින් මහාචාර්ය පුහුණුව සදහා වෙන්කර ලබා දීමටත්,
සෞඛ්‍ය අමාත්‍යංශය විසින් රෝහලට පත් කර ඇති විශේෂඥ වෛද්‍යවරයා එම ඒකක වල ප්‍රධානියා වශයෙන් කටයුතු කිරීමටත්,
විශ්ව විද්‍යාලයේ මහාචාර්යවරුන්ට, කතිකාචාර්යවරුන්ට, ආචාර්යවරුන්ට මෙම ඒකක වලට පැමිණ ඉගැන්වීමේ සහ රෝගීන්ගේ කටයුතු කිරීමේ අවස්ථාව ලබා දීමටත් එම කටයුතු සෞඛ්‍ය අමාත්‍යංශය විසින් රෝහලට පත් කර ඇති විශේෂඥ වෛද්‍යවරයා යටතේ සිදු කිරීමටත් තීරණය විය.
එමෙන්ම විශ්ව විද්‍යාලයේ ආචාර්යවරුන්ට හා කතිකාචාර්යවරුන්ට සායනික කටයුතු සදහා ලැබෙන අවස්ථාව පිළිබද එකඟතාවයකට දෙපාර්ශවය විසින් මෙහිදී එලැඹිණි.
සබරගමුව විශ්ව විද්‍යාලයේ වෛද්‍ය සිසුන් සදහා ඉගැන්වීම් කටයුතු සිදු කිරීමට අදටත් වෛද්‍යවරුන් වන අප ඉතාම කැමැත්තෙන් සිටින බවත්, ඒ සදහා දැනටමත් කටයුතු කරන බවත් පෙන්වා දුන් අතර රෝහල හා විශ්ව විද්‍යාලය අතර අනයෝන්‍ය අවබෝධය පළුදු වීම නිසාත්, යම් යම් සිදුවීම් නිවැරදි කර ගැනීමෙන් මෙම තත්වය මගහරවා ගැනීමට හැකි බව ද, සෞඛ්‍ය සේවා අධ්‍යක්ෂ ජනරාල්තුමා සමඟ පෙරදිනක පැවැත් වු සාකච්ජාවකදී ඇති වු එකඟතාවයන් තවමත් එලෙසම පවතින බවත් විශේෂඥ වෛද්‍යවරුන් විසින් මෙහිදී අවධාරණය කරන ලදී.
මීට අමතරව රත්නපුර ශික්ෂණ රෝහලේ පවතින භෞතික හා මානව සම්පත් වල අඩුපාඩුකම් පිළිබදව ද මෙහිදී සාකච්ජාවට ගැණුනි. ප්‍රධාන වශයෙන්ම මේ වන විට ඉදිකිරීම් අත්හිටුවා ඇති හෘද ඒකකයේ ඉදිකිරීම්, පිළිකා රෝගී සත්කාර ඒකකය ඉදිකිරීම, රෝහල් කාර්ය මණ්ඩල හිඟතාවය, රෝහල් භූමියේ අනවසර පදිංචිකරුවන් පිළිබදව හා රෝහලට අවශ්‍ය වෛද්‍ය උපකරණ ලබා ගැනීම පිළිබදව ද සාකච්ජා වු අතර ලබන වර්ෂය සදහා මුදල් වෙන් වීමෙන් පසු මෙම කාර්යන් ඉටු කිරීමට ද මෙහිදී තීරණය කෙරිණි.
මෙම සාකච්ජාවෙන් අනතුරුව වෛද්‍ය රමේෂ් පතිරණ මහතා රෝහලේ හදිසි අනතුරු හා ප්‍රතිකාර ඒකකයේ විශේෂ නිරීක්ෂණයක ද නිරත වු අතර වෛද්‍ය සිසුන් හා ජනතාව සමඟ සුහද කතාබහක ද නිරත විය.
සබරගමුව පලාතේ ප්‍රධානතම මහ රෝහල වශයෙන් රෝගී ප්‍රතිකාර සේවාවන් සිදු කරන රත්නපුර මහ රෝහල සබරගමුව විශ්ව විද්‍යාලයේ වෛද්‍ය පීඨය ස්ථාපිත කිරීමත් සමඟ 2018 වර්ෂයේ දී ශික්ෂණ රෝහලක් බවට පත් කෙරිණි.
12/11/2023
හලාවත මහවැව “සුවයට අරුණක්” ජංගම සෞඛ්‍ය සායන වැඩසටහනට දහසකට අධික ජනතා සහභාගීත්වයක්.
රෝග කලින් හදුනාගෙන ප්‍රතිකාර කිරීම සෞඛ්‍ය අමාත්‍යාංශයේ දැක්ම සහ අරමුණයි.
සෞඛ්‍ය අමාත්‍යාංශය විසින් ග්‍රාමීය ජනතාවගේ සෞඛ්‍ය තත්ත්වයන් ඉහළ නැංවීම අරමුණූ කර ගනිමින් පවත්වනු ලබන “සුවයට අරුණක්” ජංගම සෞඛ්‍ය සායන වැඩසටහනේ තවත් එක් වැඩසටහනක් ඊයේ (11) හලාවත මහවැව ශ්‍රී ධර්මාරාම මයේහා විද්‍යාල පරිශ්‍රයේ දී පවත්වන්නට යෙදුනි.
සෞඛ්‍ය හා කර්මාන්ත අමාත්‍ය වෛද්‍ය රමේෂ් පතිරණ මහතාගේ උපදෙස් පරිදි සෞඛ්‍ය අමාත්‍යාංශය විසින් පවත්වනු ලැබූ මෙම ජංගම වෛද්‍ය සායනය කොළඹ ජාතික රෝහලේ වෛද්‍ය කාර්ය මණ්ඩල 100 කගේ පමණ සහභාගීත්වයෙන් දිනය පුරා පැවැති අතර, සෞඛ්‍ය සේවාවන් ලබාගැනිම සදහා මාලිගාවත්ත, කුරුළුඋයන, මැදවනවැව, මට්ටාකොටුව සහ වී හේන වැනි දුෂ්කර ගම්මානවල දහසකට අධික ජනතාවක් මෙම ජංගම සායනය හා එක්ව සිටියහ.
මෙම “සුවයට අරුණක්” ජංගම වෛද්‍ය සායනය තුලින් ජංගම රසායානාගාර සේවා, දන්ත වෛද්‍ය සායනය, අක්ෂි සායනය, රුධිරයේ සීනි මට්ටම පරික්ෂාව, රුධිරයේ මේධ මට්ටම පරීක්ෂාව, ශරීර ස්කන්ධ දේහ දර්ශකය මැනීම, රුධිර පිඩනය මැනීම, සුවනාරි සායනය, ආයුර්වේද සායනය, වකුගඩු සායනය, බෝනොවන රෝග පිළිබද සායනය සහ චීන කටු චිකිත්සාව ඇතුලු සේවාවන් සපයන ලදි.
මෙහිදි අදහස් දැක් වු සෞඛ්‍ය අමාතාංශයේ නියෝජ්‍ය අධ්‍යක්ෂ ජනරාල් එච්.එම්.එන් දිනිප්‍රිය මහතා කියා සිටියේ රජය විසින් අසිරු කාලවකවානුවක් තුල වුව ද දුෂ්කර ප්‍රදේශවල ජනතාවගේ සෞඛ්‍ය සම්පන්නභාවය ආරක්ෂණය වෙනුවෙන් මෙවැනි වැඩ සටහන් නොඩකඩා ක්‍රියාත්මක කරන බවත්, සෞඛ්‍ය අමාත්‍යතුමගේ පුර්ණ ආශිර්වාදය සහ සියළු නිලධාරීන්ගේ කැපවීම තුලින් නොමිලේ පවත්වනු ලබන මෙවැනි වැඩසටහන් වලට සම්බන්ධ වී එහි ප්‍රතිඵල උපරිමයෙන් ලබාගැනීමට කටයුතු කිරිම ජනතාවගේ වගකීමක් බවයි. රෝග කල්තියා හදුනා ගැනීම, ප්‍රතිකාර සේවා ලබාදීම, වැඩිදුර ප්‍රතිකාර සදහා යොමු කිරිම සහ රෝගීන්ට අවශ්‍ය වෛද්‍ය උපදෙස් ලබාදිම ද මෙම “සුව උදාන” ජංගම වෛද්‍ය සායන තුලින් සිදු කරන බව ද පැවැසීය.
මෙම අවස්ථාවට සෞඛ්‍ය අමාත්‍යාංශයේ නියෝජ්‍ය අධ්‍යක්ෂ ජනරාල් එච්.එම්.එන් දිනිප්‍රිය, ඡ්‍යෙෂ්ඨ සහකාර ලේකම් (ප්‍රවෘත්ති හා ප්‍රචාරණ) යු.ඒ.එච්.එස් සිසිර කුමාර, මහජන ආරක්ෂක අමාත්‍යාංශයේ ලේකම් වියානි ගුණතිලක, හලාවත පොලිස් කොට්ඨාස ඡ්‍යෙෂ්ඨ පොලිස් අධිකාරි වසන්ත කුමාර, මහවැව ප්‍රාදේශීය ලේකම් සුදර්ශණී බණ්ඩාර යන මහත්ම මහත්මීන්, සෞඛ්‍ය අංශ නියෝනය කරමින් විශේෂඥ වෛද්‍ය, වෛද්‍ය, හෙද ඇතුලු සෞඛ්‍ය කාර්යමණ්ඩල ඇතුලු ප්‍රජාසංවිධාන නියෝජිතයින් රැසක් එක්ව සිටියහ.
10/11/2023
ජාතික සෞඛ්‍ය පර්යේෂණ සම්මන්ත්‍රණය - 2023 බත්තරමුල්ල වෝටර්ස් ඒජ් හෝටලයේ දී ලබන 13 – 14 දෙිදන පැවැත්වීමට සෞඛ්‍ය අමාත්‍යංශය සැලසුම් කර ඇත.
මෙම ජාතික සම්මන්ත්‍රණයේ සමාරම්භක අවස්ථාවට ප්‍රධාන ආරාධිතයා වශයෙන් සෞඛ්‍ය හා කර්මාන්ත අමාත්‍ය වෛද්‍ය රමේෂ් පතිරණ මහතා සහභාගී වීමට නියමිතය.
තෙවන වරට පවත්වන මෙම සම්මන්ත්‍රණය සෞඛ්‍ය අමාත්‍යංශයේ අධ්‍යාපන, පුහුණු සහ පර්යේෂණ අංශය මගින් සංවිධානය කරනු ලබයි.
සෞඛ්‍ය ක්ෂේත්‍රයේ සේවයේ නියුතු පර්යේෂකයින්ගේ, පර්යේෂණ ඉදිරිපත් කිරීමට හා ඒ පිළිබදව සාකච්ජා කිරීමට අවශ්‍ය වේදිකාව සලසා දීම මෙහි ප්‍රධාන අරමුණයි. මේ සදහා සෞඛ්‍ය සේවාවේ සියලුම වෘත්තිකයින් සදහා අවස්ථාව ලබා දී ඇති අතර විදේශීය රටවල පර්යේෂකයින් මේ සදහා සම්පත් දායකත්වය ලබා දෙයි.
වාචිකව ඉදිරිපත් කරන පර්යේෂණ (Research) 95 ක් ද, පෝස්ටර් පර්යේෂණ 150 ක් ද මෙම දෙදින තුළ ඉදිරිපත් කර සාකච්ජාවට භාජනය කිරීමට සැලසුම් කර ඇත. සෞඛ්‍ය සේවාවේ නියුතු පර්යේෂකයින් වඩ වඩාත් පර්යේෂණ සදහා යොමු කිරීම මෙන්ම මෙහිදී තෝරා ගනු ලබන පර්යේෂණ සෞඛ්‍ය සේවාවේ ඉදිරි ප්‍රගමනයට යොදා ගැනීමට නියමිතය.
මෙම ජාතික සෞඛ්‍ය පර්යේෂණ සම්මන්ත්‍රණය සදහා සෞඛ්‍ය වෘත්තිකයන් මෙන්ම විවිධ ක්ෂේත්‍ර නියෝජනය කරන වෘත්තිකයින්, පර්යේෂකයින්, අධ්‍යාපනඥයින් 700 ක් පමණ දෙනා සහභාගී වනු ඇතැයි සෞඛ්‍ය අමාත්‍යංශය අපේක්ෂා කරයි.
09/11/2023
ජාතික ඖෂධ නියාමන අධිකාරියේ ප්‍රධාන විධායක නිළධාරී තනතුරට එම අධිකාරියේ සේවයේ නියුතු ජ්‍යෙෂ්ඨ රසායන විද්‍යාඥ D.D.බුලත්සිංහල මහත්මිය අද දින (09) සිට පත්කර ඇති බව ජාතික ඖෂධ නියාමන අධිකාරියේ සභාපති විශේෂඥ වෛද්‍ය ආනන්ද විජේවික්‍රම මහතා සදහන් කරයි.
එම පත් කිරීම අධ්‍යක්ෂ මණ්ඩලය විසින් සිදු කර ඇති අතර මෙය අදාල තනතුරේ වැඩ බැලීම සදහා කරනු ලැබු පත් කිරීමකි.
එම තනතුර සදහා ස්ථිර පත්කිරීම නිසි ක්‍රමවේදයන්ට අනුකූලව ඉදිරියේ දී සිදුකරන බව සභාපතිවරයා වැඩිදුරටත් දන්වයි.
09/11/2023
රට ආර්ථිකව ශක්තිමත් කරන්න නම් නිෂ්පාදන කර්මාන්තයන් වැඩි කළ යුතුයි ………...............
සෞඛ්‍ය හා කර්මාන්ත අමාත්‍ය වෛද්‍ය රමේෂ් පතිරණ.
ශ්‍රී ලංකාව තුළ ස්ථාවර නිෂ්පාදන කර්මාන්ත නොමැති නම් රට ආර්ථික වශයෙන් අස්ථාවර බවත් පසුගිය කාලය තුළදී එහි අවශ්‍යතාවය දැඩිව පෙන්නුම් කල බව සෞඛ්‍ය හා කර්මාන්ත අමාත්‍ය වෛද්‍ය රමේෂ් පතිරණ මහතා අවධාරණය කරයි.
අමාත්‍යවරයා මේ බව අවධාරණය කරන ලද්දේ දේශීය ඖෂධ නිෂ්පාදකයින් සමග අද දින (09) සෞඛ්‍ය අමාත්‍යංශයේ පැවති සාකච්ජාවකදී අදහස් දක්වමිනි. ඖෂධ නිෂ්පාදකයින් හට පවතින ගැටලු පිළිබදවත් සෞඛ්‍ය අමාත්‍යංශය හා ඔවුන් අතර සුහදතාවය වර්ධනය කර ගැනීමේ අරමුණින් මෙම සාකච්ජාව පැවැත්විණි.
එහිදී වැඩිදුරටත් අදහස් දක්වමින් අමාත්‍යවරයා කියා සිටියේ, මෙරටට අවශ්‍ය ඖෂධ මෙරට තුළ නිෂ්පාදන කල යුතු බවත් ඒ සදහා අවශ්‍ය සහය රජයක් ලෙසත් සෞඛ්‍ය අමාත්‍යංශය විදිහටත් නොඅඩුව ලබාදීමට කටයුතු කරන බවයි. එහිදී ඒ සියල්ල පැහැදිලි විනිවිදබාවයකින් සිදුවිය යුතු බවත් අවධාරණය කල අමාත්‍යවරයා පියවරෙන් පියවර මෙය විධිමත් කිරීම ඉතා අත්‍යවශය කරුණක් බවත් තමන් කර්මාන්ත අමාත්‍යවරයා වශයෙනුත් මෙහි අවශ්‍යතාවය තමන්ට ද දැඩිව පෙනී ගොස් ඇති බවද පැවසීය.
එමෙන්ම ඖෂධ කර්මාන්තය පිළිබදව මෙරට ජනතාව තුළ තිබෙන ප්‍රතිරූපය යහපත් එකක් නොවන බවත් සෞඛ්‍ය අමාත්‍යංශය හා සෞඛ්‍ය අමාත්‍යවරයා දෙසත් ජනතාව අපහැදිලි කෝණයකින් බලන බවද, තමන්ට අවශ්‍ය එම ප්‍රතිරූපය නිවැරදි හා පැහැදිලි කර දීම බවද පැවසු අමාත්‍යවරයා විදේශ රටවලින් මෙරටට ඖෂධ ආනයනය කිරීමට වඩා රටතුළ නිෂ්පාදනය සිදු කිරීමෙන් විශාල මුදල් ප්‍රමාණයක් රටතුළ ඉතිරිකර ගැනීමට හැකිවන බවද අසල්වැසි ඉන්දියාව, පාකිස්ථානය, බංගලාදේශය වැනි රටවල් ඖෂධ නිෂ්පාදනයෙන් විශාල ආදායම් ලබන බවද පෙන්වා දුන්නේය.
ඖෂධ නිෂ්පාදකයින් හට කළයුතු ගෙවීම් නිසි ක්‍රමවේදයට අනුකූලව ගෙවීමට කටයුතු කරන ලෙසට මෙහිදී නිලධාරීන්ට අමාත්‍යවරයා උපදෙස් දුන් අතර දේශීය ඖෂධ නිෂ්පාදකයින් ලබාගන්නා ඖෂධ ඇනවුම් නිසි කලට වේලාවට ලබාදීමෙන් ඖෂධ හිගය මග හරවා ගැනීමට හැකියාව පවතින බවත් නව ඖෂධ ලියාපදිංචි කිරීම් කර ගැනීමට අවශ්‍ය නම් ඊට අදාල ලියකියවිලි ජාතික ඖෂධ නියාමන අධිකාරියට යොමු කර ක්‍රමවේදයන්ට අනුකූලව අවශ්‍ය අනුමැතිය ගන්නා ලෙසත් අමාත්‍යවරයා ඖෂධ නිෂ්පාදකයින් හට දැන්වීය.
මෙරට ඖෂධ අවශ්‍යතාවයෙන් 15% - 20% ප්‍රමාණයක් රටතුළ නිෂ්පාදනය කරන අතර ඉතිරි සියල්ල විදේශ රටවලින් ආනයනය කරනු ලබයි. ඒ සදහා වාර්ෂිකව රජය ඩොලර් මිලියන 700 කට අධික මුදලක් වැය කරයි. වාර්ෂිකව ඖෂධ වර්ග 1347 ක් මෙරටට ආනයනය කරනු ලබයි. ප්‍රමුඛතා ලේඛනය මත ඖෂධ වර්ග 862 ක් රෝගී ප්‍රතිකාර සදහා යොදා ගැනෙන අතර එයින් ඖෂධ වර්ග 208 ක් මෙරට තුළ නිෂ්පාදනය කරනු ලබයි.
මෙම අවස්ථාවට සෞඛ්‍ය රාජ්‍ය අමාත්‍ය විශේෂඥ වෛද්‍ය සීතා අරඹේපොල, සෞඛ්‍ය අමාත්‍යංශයේ ලේකම් ජනක චන්ද්‍රගුප්ත, සෞඛ්‍ය සේවා අධ්‍යක්ෂ ජනරාල් වෛද්‍ය අසේල ගුණවර්ධන, ජාතික ඖෂධ නියාමන අධිකාරියේ සභාපති විශේෂඥ වෛද්‍ය ආනන්ද විජේවික්‍රම, රාජ්‍ය ඖෂධ සංස්ථාවේ සභාපති වෛද්‍ය අජිත් මෙන්ඩිස්, වෛද්‍ය සැපයුම් අංශයේ අධ්‍යක්ෂ වෛද්‍ය කපිල වික්‍රමනායක යන මහත්ම මහත්මින් සහ දේශීය ඖෂධ නිෂ්පාදකයින් පිරිසක්ද සහභාගී වුහ.
08/11/2023
ලාදුරු රෝගය මර්දනයට නව ප්‍රවේශයක්.....
ලාදුරු රෝගය මර්දනය හා පාලනය කිරීම වෙනුවෙන් කටයුතු කරන රාජ්‍ය හා රාජ්‍ය නොවන ආයතන එක්ව පවත්වන ලද විශේෂ වැඩසටහනක් අද (08) කොළඹ බණ්ඩාරනායක ජාත්‍යන්තර සම්මන්ත්‍රණ ශාලා පරිශ්‍රයේ ලෝටස් ශාලාවේ දී පැවැත්විනි.
සෞඛ්‍ය හා කර්මාන්ත අමාත්‍ය වෛද්‍ය රමේෂ් පතිරණ මහතාගේ ප්‍රධානත්වයෙන් ආරම්භ කරන ලද මෙම වැඩසටහන අද පස්වරුව දක්වා පැවැත්වෙන අතර “ලාදුරු වලින් තොර ජාතියක්” යන්න තේමා කරගනිමින් මෙම වැඩසටහන ක්‍රියාත්මක වේ.
ලාදුරු රෝගය මර්දනය හා පාලනය කිරීමට ගත් පියවර, ගතයුතු ඉදිරි පියවර, කාර්ය මණ්ඩල පුහුණු කිරීම, අනුගමනය කල යුතු ක්‍රමවේද පිළිබදව මෙහිදී දීර්ඝ වශයෙන් සාකච්ජා කිරීමට නියමිතය.
සෞඛ්‍ය අමාත්‍යංශය යටතේ ක්‍රියාත්මක වන ලාදුරු මර්දන ව්‍යාපාරය, කොළඹ ප්‍රාදේශීය සෞඛ්‍ය සේවා අධ්‍යක්ෂ කාර්යාලය, අලයන්ස් සංවර්ධන භාරය (Alliance Development Trust), Keveri Kala Manram, යන ආයතන වල සහයෝගීතාවයෙන් මෙම වැඩසටහන පැවැත්වේ.
මෙහිදී අදහස් දක්වමින් සෞඛ්‍ය අමාත්‍ය වෛද්‍ය රමේෂ් පතිරණ මහතා කියා සිටියේ, ලාදුරු මර්දන ව්‍යාපාරයේ වත්මන් අධ්‍යක්ෂ වෛද්‍ය ප්‍රසාද් රණවීර මහතා ලාදුරු රෝගය මර්දන කිරීම හා පාලනය කිරීම වෙනුවෙන් නව වැඩසටහන් ක්‍රියාත්මක කරමින් එයට නව පණක් ලබා දී ඇති බවත් මෙම රෝගයෙන් ආරක්ෂාවීම සදහා මහජනතාව ඒ පිළිබදව දැනුවත් විය යුතු බවද ඒ වෙනුවෙන් නව දැනුවත් කිරීමේ හා පාලනය කිරීමේ වැඩසටහන් හදුන්වා දිය යුතු බවද පැවසීය. වර්තමානයේ දී ලාදුරු රෝගය මෙන්ම බෝවන , බෝ නොවන රෝග පාලනයට ජනතාව දැනුවත් කිරීම සදහා මාධ්‍ය මගින් විශාල මෙහෙයක් සිදු කල හැකි බවද කීවේය.
ලෝක සෞඛ්‍ය සංවිධානය හා එක්ව මෙරට සෞඛ්‍ය අමාත්‍යංශය ලාදුරු රෝගය මර්දනය හා පාලනය සදහා ක්‍රමවත් වැඩසටහන් ක්‍රියාත්මක කර තිබෙන බවත් පසුගිය කාලයේ ඇති වුනු කොවිඩ් වසංගතයත් සමග එම වැඩසටහන් වල යම් කිසි පසුබෑමක් සිදු වුවත් වර්තමානය වන විට එය නැවතත් යථාතත්වයට පත්වෙමින් තිබෙන බවත් ලාදුරු රෝගය පාලනය කිරීම සදහා ඇපකැප වී කටයුතු කරන රාජ්‍ය හා රාජ්‍ය නොවන ආයතන වල සියලු දෙනාට සිය ස්තුතිය ද පල කලේය.
මෙම අවස්ථාවට ලාදුරු මර්දන ව්‍යාපාරයේ අධ්‍යක්ෂ වෛද්‍ය ප්‍රසාද් රණවීර, කොළඹ ප්‍රාදේශීය සෞඛ්‍ය සේවා අධ්‍යෂ වෛද්‍ය චන්දන ගජනායක ප්‍රජා විශේෂඥ වෛද්‍ය වෛද්‍ය කසුනි කලුබෝවිල, මඩකලපුව ප්‍රාදේශීය සෞඛ්‍ය සේවා අධ්‍යක්ෂ වෛද්‍ය ජී.සුකුනන්, ලාදුරු ජනතා සංගමයෙහි (Leprosy People's Association) සභාපති ජී.අමරසිංහ, ලාදුරු මර්දන ව්‍යාපාරයේ චර්ම රෝග විශේෂඥ වෛද්‍ය ඉන්දිරා කහවිට යන මහත්ම මහත්මින් සහ රාජ්‍ය හා රාජ්‍ය නොවන ආයතන වල නියෝජිතයින් මෙන්ම වෛද්‍යවරුන්, මහජන සෞඛ්‍ය පරීක්ෂකවරුන් ඇතුළු පිරිසක් සහභාගී වුහ.
06/11/2023
සෞඛ්‍ය අමාත්‍යවරයා හා ෆින්ලන්තයේ ශ්‍රී ලංකා තානාපති අතර හමුවක්.......
සෞඛ්‍ය හා කර්මාන්ත අමාත්‍ය වෛද්‍ය රමේෂ් පතිරණ මහතා සහ ෆින්ලන්තයේ ශ්‍රී ලංකා තානාපති Kimmo Lahdevirta මහතා අතර විශේෂ හමුවක් අද (06) දින සෞඛ්‍ය අමාත්‍යංශයේ දී පැවැත්විණි.
ඉදිරියේ දී ශ්‍රී ලංකාවේ සෞඛ්‍ය පද්ධතිය තුළ සේවා සැපයීම සදහා ක්‍රියාත්මක කිරීමට නියමිත National Digital Health Blueprint Architecture (ජාතික ඩිජිටල් සෞඛ්‍ය පිඹුරුපත) පිළිබදව අමාත්‍යතුමා විසින් තානාපතිවරයාව මෙහිදී දැනුවත් කරන ලදී.
එමෙන්ම නිදහසින් පසු බරපතලම අභියෝග රැසකට ශ්‍රී ලංකාව මෑතකාලීනව මුහුණ දුන් බවත්, එහිදී ප්‍රධාන අභියෝගයන් වලට මුහුණ දීමට සිදුවුයේ සෞඛ්‍ය ක්ෂේත්‍රයට බවත්, එම අභියෝග ජය ගැනීමට සෞඛ්‍ය අමාත්‍යංශය හා ශ්‍රී ලංකා රජය දැඩි කැපවීමෙන් කටයුතු කරන බවද අමාත්‍යවරයා අවධාරණය කළේය.
මෙරට සෞඛ්‍ය පද්ධතිය හා සැලකිය යුතු ක්ෂේත්‍ර කිහිපයක ඩිජිටල්කරණය හා සම්බන්ධ සංවර්ධනය වෙනුවෙන් ද, දෙරට අතර සහයෝගීතාවය ශක්තිමත් කිරීමට අවශ්‍ය සහය ලබා දීමට ද ෆින්ලන්තයේ ශ්‍රී ලංකා තානාපති Kimmo Lahdevirta මහතා මෙහිදී එකගතාවය පල කලේය.
03/11/2023
ශ්‍රී ලංකාවේ බංග්ලාදේශ මහ කොමසාරිස් සෞඛ්‍ය අමාත්‍යවරයා හමුවෙයි .....
සෞඛ්‍ය අමාත්‍ය වෛද්‍ය රමේෂ් පතිරණ මහතා සහ ශ්‍රී ලංකාවේ බංග්ලාදේශ මහ කොමසාරිස් (H.E) Tareq Md Ariful Islam මහතා අතර හමුවක් පසුගිය දා සෞඛ්‍ය අමාත්‍යංශයේ දී පැවැත්විණි.
එහි දී ඇමරිකානු ඩොලර් 58000 ක් වටිනා ඖෂධ තොගයක් ඉදිරි සතිය තුළ දී මෙරටට ලබා දීමට කටයුතු කරන බව මහ කොමසාරිස්වරයා අවධාරණය කළේය .
ඒ අතර මෙරටට අත්‍යවශ්‍ය ඖෂධ වර්ග 54 ක් වන බවද , විශේෂයෙන් පිළිකා හා වකුගඩු ඖෂධ ඒ අතර ප්‍රධාන වන බවද හෙතෙම පැවසීය.
මෙම ඖෂධ තොගයට අමතරව බංගලාදේශ සෞඛ්‍ය අමාත්‍යංශය හරහා ඇමරිකානු ඩොලර් මිලියනයක් වටිනා තවත් ඖෂධ තොගයක් ඉදිරියේ දී ලබාදීමට කටයුතු කරන බවද මහ කොමසාරිස්වරයා අමාත්‍යවරයා හමුවේ පැවසීය.
ශ්‍රී ලංකා රජය කරන ලද ඉල්ලීමට ක්ෂණික ප්‍රතිචාර දක්වමින් මෙම ඖෂධ ප්‍රදානයන් ලබාදීම සදහා අවශ්‍ය පියවර ගැනීම සම්බන්ධයෙන් බංග්ලාදේශ රජයටත් , එරට ජනතාවටත් විශේෂ ස්තුතියක් සෞඛ්‍ය අමාත්‍ය වෛද්‍ය රමේෂ් පතිරණ මහතා විසින් මෙහිදී පිරිනමන ලදී.
පවතින ඖෂධ හිඟයට පිළියමක් වශයෙන් ඉදිරියේ දී ශ්‍රී ලංකා රජය හා බංග්ලාදේශ රජය අතර ඖෂධ ලබා ගැනීම සම්බන්ධයෙන් වන රාජ්‍ය මට්ටමේ දිගු කාලීන වැඩපිළිවෙළක් සැකසීමේ අවශ්‍යතාවයද මෙහිදී ඉස්මතු විය .
03/11/2023
සෞඛ්‍ය සේවාව සහ ඖෂධ ජනතාවගේ ජිවිත හා බද්ධව පවතින බැවින් ඒ තුල විකල්ප නොමැත. ---- සෞඛ්‍ය අමාත්‍ය වෛද්‍ය රමේෂ් පතිරණ ----
සෞඛ්‍ය සේවාව සහ ඖෂධ ජනතාවගේ ජිවිත හා බද්ධව පවතින බැවින් ඒ තුල විකල්ප නොමැති බවත්, එම ක්ෂේත්‍ර වල කටයුතු කිරීමේ දී ඉතා වගකීමෙන් යුතුව මනා සම්බන්ධීකරණය හා කළමණාකරණය සදහා ප්‍රමූඛත්වය ලබාදිය යුතු බවත් සෞඛ්‍ය හා කර්මාන්ත අමාත්‍ය වෛද්‍ය රමේෂ් පතිරණ මහතා අවධාරණය කරන ලදි.
අමාත්‍යවරයා මේ බව අවධාරණය කරන ලද්දේ ඖෂධ නියාමනය, සෑපයිම, බෙදාහැරීම හා සම්බන්ධ කරුණු ගැන සෞඛ්‍ය අමාත්‍යාංශය යටතේ පාලනය වන වෛද්‍ය සැපයුම් අංශයේ නිළධාරීන් සහ රාජ්‍ය ඖෂධ සංස්ථාවේ නිලධාරීන් සමග අද දින (03) සෞඛ්‍ය අමාත්‍යාංශය්දී පැවති විශේෂ සාකච්ජාවකදීය.
එහිදී දේශිය මිලදී ගැනීම් ඉහළයාම හේතුවෙන් වාර්ෂිකව දේශිය මිලදී ගැනීම් සදහා වන මුදල ඉහළ ගොස් ඇති බව පෙන්වා දුන් සෞඛ්‍ය අමාත්‍යවරයා වැඩිදුරටත් සදහන් කලේ , රෝහල්වල දේශීය මිලදී ගැනීම් දිනෙන් දින වැඩි වීම හා එම මිලදී ගැනිම් පවතින මිලට වඩා මිලෙන් වැඩි විම හේතුවෙන් වාර්ෂිකව දේශීය මිලදී ගැනීම් සදහා වන මුදල වැඩි වී තිබෙන බවත්, එම හේතුවෙන් ජාතික ධනය විනාශ වන බවයි.
එම හේතුව නිසා මෙහි වෙනත් ව්‍යාපාර කටයුත්තක් සිදුවන බවට සාමාන්‍ය ජනතාවට සිතෙන බවත්, අමාත්‍යවරයා වැඩිදුරටත් මෙහිදී පෙන්වා දුන්නේය.
මෙම අවස්ථාවට සෞඛ්‍ය අමාත්‍යාංශයේ ලේකම් ජනක ශ්‍රී චන්ද්‍රගුප්ත, අතිරේක ලේකම් වෛද්‍ය සමන් රත්නායක, නියෝජ්‍ය අධ්‍යක්ෂ ජනරාල්වරුන් වන සුදත් ධර්මරත්න, ඩි.ආර්.කේ හේරත්, වෛද්‍ය සැපයීම් අංශයේ අධ්‍යක්ෂ වෛද්‍ය කපිල වික්‍රමනායක, එම අංශයේ ප්‍රධාන ගණකාධිකාරි ශවේන්ද්‍ර කුරේ, රාජ්‍ය ඖෂධ සංස්ථාවේ සභාපති වෛද්‍ය අජිත් මෙන්ඩිස්, සාමාන්‍යාධිකාරි දිනූෂ දසනායක යන මහත්වරුන් ඇතුලුව වෛද්‍ය සැපයීම් අංශයේ සහ රාජ්‍ය ඖෂධ සංස්ථාවේ අංශ ප්‍රධානීන් සහ නිලධාරින් එක්ව සිටියහ.
02/11/2023
සෞඛ්‍ය අමාත්‍යතුමා සෞඛ්‍ය අමාත්‍යාංශයේ සියළු විෂය ප්‍රධානීන් සමග විශේෂ සාකච්ඡාවක්……
සෞඛ්‍ය අමාත්‍යාංශයේ නිලධාරින් හට පැවරි ඇති විෂය පථය සහ කාර්යභාරය පිළිබද කරුණු විමසා බැලීමේ විශේෂ සාකච්ඡාවක් සෞඛ්‍ය හා කාර්මාන්ත අමාත්‍ය වෛද්‍ය රමේෂ් පතිරණ මහතාගේ ප්‍රධානත්වයෙන් අද (02) සෞඛ්‍ය අමාත්‍යාංශයේ ශ්‍රවණාගාරයේ දී පැවැත්විනි.
මෙහිදී නියෝජ්‍ය අධ්‍යක්ෂ ජනරාල් (වෛද්‍ය සේවා) වෛද්‍ය ජී. විඡේසූරිය, නියෝජ්‍ය අධ්‍යක්ෂ ජනරාල් (මහජන සෞඛ්‍ය II වැඩ ආවරණ) වෛද්‍ය චිත්‍රමාලි ද සිල්වා, නියෝජ්‍ය අධ්‍යක්ෂ ජනරාල් (දන්ත සේවා) වෛද්‍ය ආනන්ද ජයලාල්, නියෝජ්‍ය අධ්‍යක්ෂ ජනරාල් (රසායනාගාර සේවා) වෛද්‍ය සුදත් ධර්මරත්න, නියෝජ්‍ය අධ්‍යක්ෂ ජනරාල් (මහජන සෞඛ්‍ය I) වෛද්‍ය මහේන්ද්‍ර ආනල්ඩ්, යන නිලධාරීන් තම විෂය පඨයට අදාලව සෞඛ්‍ය අමාත්‍යතුමා දැනුවත් කරමින් කරුණු ඉදිරිපත් කරන ලදි.
මානව හා භෞතික සම්පත් සංවර්ධනය, ප්‍රවාහන පහසුකම් හා අනෙකුත් අත්‍යාවශ්‍ය මූල්‍යමය පහසුකම් පිළිබදව, දැනට රෝහල්වල ක්‍රියාත්මක ව්‍යාපෘති පිළිබදව, ඩෙංගු රෝගය පාලනය හා ජනතාව දැනුවත් කිරීමේ වැඩපිළිවලේ වත්මන් තත්ත්වය, ජලභීතිකාව පාලනය, ක්ෂය රෝගය පාලනය, දරුවන්ගේ සහ මව්වරුන්ගේ පෝෂණ තත්ත්වය ඉහළ නැංවීමට ගෙන ඇති පියවර සහ ඉළක්කයන්, ප්‍රථමික සෞඛ්‍ය සේවා වැඩිදියුණූ කිරීමට ගෙන ඇති ක්‍රියාමාර්ග, බෝවන හා බෝනොවන රෝග වලින් ජනතාව මුදවා ගැනීම සදහා ක්‍රියාත්මක වැඩපිළිවෙල, රසායනාගාර පහසුකම්හි වත්මන් තත්ත්වය, ජාතික එන්නත්කරණ වැඩපිළිවෙල ඒ අතර විය.
විධිමත් සෞඛ්‍ය සේවාවක් මෙරට ක්‍රීයාත්මක කිරිම සදහා අවශ්‍ය ඖෂධ, වෛද්‍ය උපකරණ, ශල්‍ය උපකරණ ඇතුලු අත්‍යාවශ්‍ය අමුද්‍රව්‍ය ලබාගැනීමේ දී ජාතික ඖෂධ නියාමන අධිකාරියේ අනුමැතියට යටත්ව කටයුතු කරන ලෙසට මෙහිදි අමාත්‍යවරයා උපදෙස් ලබාදෙන ලදි.
පාසල් දන්ත චිකිත්සකවරුන් දහසක ප්‍රමාණයක් මෙරට දන්ත සෞඛ්‍ය සේවා කටයුතු සදහා අවශ්‍ය නමුත් දැනට සේවා කටයුතු වල නිරත වන සංඛ්‍යාව 350 ක් බව ද මෙහිදී අනාවරණය වූ අතර, හිඟ චිකිත්සකවරුන් පුහුණූ කිරිම සම්බන්ධයෙන් පවතින බාධාවන් ඉවත් කර පුහුණු කිරීම් කඩිනම් කරන ලෙස ද සෞඛ්‍ය අමාත්‍යවරයා මෙහිදි උපදෙස් ලබාදුන්නේය.
මෙම අවස්ථාවට සෞඛ්‍ය ලේකම් ජනක ශ්‍රී චන්ද්‍රගුප්ත, අතිරේක ලේකම්වරුන් වන වෛද්‍ය සමන් රත්නායක, ගීතාමනී කරුණාරත්න, වයි.එල්.එම් නවාවි, වෛද්‍ය ලක්ෂ්මි සෝමතුංග, ප්‍රධාන මුල්‍ය නිලධාරී ජී.එස් කරුණාරත්න යන මහත්ම මහත්මින් සහ සෞඛ්‍ය අමාත්‍යාංශයේ නියෝජ්‍ය අධ්‍යක්ෂ ජනරාල්වරුන්, ඡ්‍යෙෂ්ඨ සහකාර ලේකම්වරුන්, අධ්‍යක්ෂවරුන් ඇතුලු නිලධාරින් පිරිසක් එක්ව සිටියහ.
02/11/2023
ලියාපදිංචි ඖෂධ පමණක් මෙරටට ගෙන්වන ලෙසත්, හදිසි මිලදී ගැනීම් අත්හිටුවන ලෙසත් සුව ඇමතිගෙන් නිලධාරීන්ට උපදෙස් ..........
ලියාපදිංචි ඖෂධ පමණක් මෙරටට ගෙන්වන ලෙසත්, ලියාපදිංචි ඖෂධ නොමැති අවස්ථාවල දී එවැනි ඖෂධ පිළිබද අවශ්‍ය දත්ත විමසා බලා ජාතික ඖෂධ නියාමන අධිකාරියෙන් අනුමත කරගෙන මිලදී ගන්නා ලෙස සෞඛ්‍ය හා කර්මාන්ත අමාත්‍ය වෛද්‍ය රමේෂ් පතිරණ මහතා නිලධාරීන්ට උපදෙස් ලබා දුන්නේය.
අමාත්‍යවරයා මෙසේ උපදෙස් දෙන ලද්දේ ජාතික ඖෂධ නියාමන අධිකාරිය, රාජ්‍ය ඖෂධ සංස්ථාව, රාජ්‍ය ඖෂධ නිෂ්පාදන නීතිගත සංස්ථාව හා වෛද්‍ය සැපයුම් අංශය යන ආයතන වල නිලධාරීන් හා සෞඛ්‍ය අමාත්‍යංශයේ ඉහළ නිලධාරීන් සමඟ ඊයේ දින (01) සෞඛ්‍ය අමාත්‍යංශයේ දී සිදුකල සාකච්ජාවකදීය.
වැඩිදුරටත් අදහස් දක්වමින් අමාත්‍යවරයා කියා සිටියේ ඉහත ක්‍රමවේදයෙන් පරිබාහිරව යම්කිසි කෙනෙක් කටයුතු කරන්නේ නම් ඒ පිලිබදව අවශ්‍ය ක්‍රියාමාර්ග ගන්නා බවයි.
එමෙන්ම හදිසි මිලදී ගැනීම් යටතේ ඖෂධ මිලදී ගැනීම අත්හිටුවන ලෙසද, දැනට හිගව පවතින ඖෂධ ඉතා කඩිනමින් නියමිත ක්‍රමවේදය ඔස්සේ ගෙන්වීමට කටයුතු කරන ලෙසටද, අමාත්‍යවරයා නිලධාරීන්ට උපදෙස් ලබා දුන්නේය.
මෙරට ජනතාවගේ සුව සෙත ඉහළ නැංවීම අප සැමගේ ප්‍රමුඛ කාර්ය විය යුතු බව පෙන්වා දුන් අතර එය සාමුහිකත්වයෙන් සිදු කල යුතු කාර්යක් බවද අවධාරණය කලේය.
පිළිකා, වකුගඩු ආදි රෝග සදහා භාවිතා කරන අත්‍යවශ්‍ය ඖෂධ පිලිබදව අවධානය යොමු කරමින් එම ඖෂධ හිගතාවයකින් තොරව රට තුළ පවත්වාගෙන යාම සදහා දැඩි අවධානයකින් කටයුතු කරන ලෙසත්, සියලු ඖෂධ සදහා නිරන්තරයෙන් අවධානය යොමු කර සොයා බලා කටයුතු කරන ලෙස ද සෞඛ්‍ය අමාත්‍යවරයා විසින් අදාල නිලධාරීන් මෙහිදී දැනුවත් කලේය.
මෙම අවස්ථාවට සෞඛ්‍ය අමාත්‍යංශයේ ලේකම් ජනක ශ්‍රී චන්ද්‍රගුප්ත, අතිරේක ලේකම්වරුන් වන වෛද්‍ය සමන් රත්නායක, Y.L.M. නවාවි, වෛද්‍ය සැපයුම් අංශයේ නියෝජ්‍ය අධ්‍යක්ෂ ජනරාල් D.R.K. හේරත්, රාජ්‍ය ඖෂධ සංස්ථාවේ සභාපති වෛද්‍ය අජිත් මෙන්ඩිස්, ජාතික ඖෂධ නියාමන අධිකාරියේ සභාපති විශේෂඥ වෛද්‍ය ආන්නද විජේවික්‍රම, රාජ්‍ය ඖෂධ නිෂ්පාදන නීතිගත සංස්ථාවේ සභාපති වෛද්‍ය උත්පල ඉන්ද්‍රවංශ යන මහත්වරුන් ඇතුළු නිලධාරීන් පිරිසක් සහභාගී වුහ.
Click here to claim your Sponsored Listing.
Category
Telephone
Website
Address
385 , , Deens Road/Colombo 10
Colombo
NO
Daily Mirror
8, Hunupitiya Cross Road, Colombo 02
Colombo, 00200
Sri Lanka’s Number One Breaking News Site And The Island’s Best Selling English Daily Newspaper!
Imagebook by Gettyimages
Colombo, 10230
Imagebook is the sole Sri Lanka centric Stock Image Bank with over a million images, catering to all
Aivarree News
Colombo
Aivarree.com is an modern news website which is publishing Local, International, Infotainment, Sports and financial news in Tamil and Sinhala languages and based in Colombo - Sri L...
Hiru News
Colombo, 00100
Hiru News Facebook - Premier No 1 news Page in Sri Lanka for accurate and timely news- www.hirunews.lk - 'when it happens' & 'as it happens' with creative and distinctive content ...
Media Unit of St' Paul's Girls' School Milagiriya Colombo 05.
St' Paul's Girls' School
Colombo
Toward a True & Meaningful Communication.................