Rowdy Thero in Srilanka

ජනතාව රවට්ටලා පොහොට්ටුව දිනවලා ආතල් ගන්න සෙට් එක...

Sri Lanka religious accused there's released

சிவாய நம

இன்று பிரதோஷம். சிவாலயம் சொல்வோம் அம்மையப்பன் அருள் பெற்று நந்நி தேவரின் ஆசி பெற்று வாழ்வின் சிறப்புகளை பெற்று வாழ்வோம்.....

பிரதோஷ காலத்தில் நந்தி தேவரின் இந்த போற்றிகளை நாம் பாடுவோம்…..

*பிரதோஷ_நந்தி_போற்றி*

ஓம் அன்பின் வடிவே போற்றி

ஓம் அறத்தின் உருவே போற்றி

ஓம் அகிலத்தைக் காப்பாய் போற்றி

ஓம் அரனுக்குக் காவலனே போற்றி

ஓம் அரியாய்வந்து அமர்ந்தவனே போற்றி

ஓம் அம்பலக் கூத்தனே போற்றி

ஓம் ஆலயத்தின் முன் இருப்பாய் போற்றி

ஓம் இருளை ஒழிப்பவனே போற்றி

ஓம் இடபமே போற்றி

ஓம் இடர்களைத் தடுப்பவனே போற்றி

ஓம் இகாபரசுகம் அளிப்பவனே போற்றி

ஓம் ஈகை உடையவனே போற்றி

ஓம் உலக ரட்சகனே போற்றி

ஓம் உபதேச காரணனே போற்றி

ஓம் ஊக்க முடையவனே போற்றி

ஓம் எருது உருவம் கொண்டவனே போற்றி

ஓம் எங்களுக்கு வரம் தருபவனே போற்றி

ஓம் ஏவல்களை ஒழித்தவனே போற்றி

ஓம் ஐயன் பால் அமர்ந்த வனே போற்றி

ஓம் ஒப்பில்லாதவனே போற்றி

ஓம் ஓங்கார வடிவானவனே போற்றி

ஓம் ஒளடதமாய் இருப்பவனே போற்றி

ஓம் கணநாயகனே போற்றி

ஓம் கஷ்டங்களைப் போக்குவாய் போற்றி

ஓம் கல்யாண மங்களமே போற்றி

ஓம் கலைகள் பலதெரிந்தோய் போற்றி

ஓம் கற்பகத் தருநிழல் அமர்ந்தாய் போற்றி

ஓம் கஸ்தூரி நிறம் ஒளி அணிந்தாய் போற்றி

ஓம் கவலைகளை ஒழிக்கும் வல்லவனே போற்றி

ஓம் காலனுக்கும் காவலனே போற்றி

ஓம் கிரிவல்லயன் துணையே போற்றி

ஓம் கீர்த்திகள் பல பெற்றாய் போற்றி

ஓம் குணநிதியே போற்றி

ஓம் குற்றம் களைவாய் போற்றி

ஓம் கூத்தனுக்கு மத்தளம் அடித்தாய் போற்றி

ஓம் கோலங்கள் பல செய்வாய் போற்றி

ஓம் கைலாச வாகனனே போற்றி

ஓம் கந்தனைக் கையால் அமர்த்தினாய் போற்றி

ஓம் காலமெல்லாம் ஈசன் சிந்தனையே போற்றி

ஓம் பஞ்சாக்ஷர ஜெபம் செய்பவனே போற்றி

நலம் சேர்க்கும் நந்தீஸ்வரர்

சிவனாரை என்றைக்கும் சுமக்கும் நந்தி, சேவித்த பக்தர்களைக் காக்கும் நந்தி, கவலைகளை எந்நாளும் போக்கும் நந்தி. கைலை யிலே நடம்புரியும் கனிந்த நந்தி..

பள்ளியறைப் பக்கத்தில் இருக்கும் நந்தி பார்வதியின் சொல்கேட்டுச் சிரிக்கும் நந்தி நல்லதொரு ரகசியத்தைக் காக்கும் நந்தி நாள்தோறும் தண்ணீரில் குளி க்கும் நந்தி

செங்கரும்பு உணவு மாலை அணியும் நந்தி சிவனுக்கே உறுதுணையாய் விளங்கும் நந்தி மங்களங்கள் அனைத்தையும் கொடுக்கும் நந்தி மனிதர்களின் துயர் போக்க வந்த நந்தி

அருகம்புல் மாலையையும் அணியும் நந்தி அரியதொரு வில்வமே ஏற்ற நந்தி வரும் காலம் நலமாக வைக்கும் நந்தி வணங்குகிறோம் எமைக்காக்க வருக நந்தி

Aalaya Vaasal Tamil-ஆலய வாசல் தமிழ் updated their phone number.

இந்தியாவில் இருந்து இலங்கைக்கு கொண்டுவரப்பட்ட ஆறு முக ருத்ராட்சம் நான்கின் விலை ரூபாய் 5000/=
கூடவே திருத்தலத்தில் பூஜிக்கப்பட்ட ஜந்து முக ருத்ராட்சம் பத்து தானமாக வழங்கப்படும்.
அழைக்கவும் . 0754024143

மந்திரம் உருவேற்று!
உங்களுக்கு ஒரு மந்திரம் யார் மூலமாவது உபதேசிக்கப்பட்டிருக்கலாம். கனவிலோ நனவிலோ, நேரடி தீட்சையிலோ அருளப்பட்டிருக்கலாம். ஜெபிக்கும் எண்ணிக்கையைக் கணக்கு வைத்துக்கொள்ளாமல் மாதங்களாக/ வருடங்களாக நீங்கள் விடாமல் உருவேற்றிக்கொண்டே இருந்தால் ஒரு கட்டத்தில் சித்தி ஆகும். தினமும் அந்தி-சந்தி ஜெபமாலையை உருட்டிக்கொண்டு 54 /108 முறைகள் என கணக்கு வைத்துக்கொண்டு மானசீகமாக ஜெபிப்பது மட்டும் சரியா? சரிதான்.

பிறகு ஏன் கணக்கு வைத்துக் கொள்ளக்கூடாது? இரு வேளையும் சொல்லும்போது அத்தருணத்திற்கு ஏற்புடையதுதான். ஆனால் எத்தனை நாளாக/ மாதங்களாக/ வருடங்களாக இதுவரை ஜெபித்த உத்தேச எண்ணிக்கை என்னவாக இருக்கும் என்று தொகைக் கணக்கு பார்க்கக் கூடாது. நம் கவனம் அதிலேயே இருந்துகொண்டிருந்தால் மனம் மந்திர பீஜத்தில் லயிக்காது. "மந்திரத்தை எப்போது துரிதமாக முடிப்போமா? ஒரு வழியாக இலக்கைத் தொட்டால் போதும், அப்பாடா!" என்று கடனுக்கே என நினைத்தால் எல்லாமே பாழ். அது வெறுமனே விழலுக்கு இறைத்த நீராகும்.

காயத்ரி போன்ற அதி உயர்வான மந்திரங்களை ஆச்சார அனுஷ்டானம் அனுசரித்து ஜெபிக்கவேண்டும். ஆனால் இன்னபிற மந்திரங்களான பஞ்சாக்ஷரி, சடாக்ஷரி, அஷ்டாக்ஷரி, நவாக்ஷரி, துவாதசாக்ஷரி போன்ற மந்திரங்கள் எல்லாம் உள்ளே எந்நேரமும் ஓடிக்கொண்டிருப்பதில் தவறில்லை. அது உத்தமம்தான். அதற்கு மடி/ ஆச்சாரம் இல்லை. எப்போதும் அதைச் சொல்லலாம். குளித்தபின் மட்டும்தான் என்றில்லை. படுத்திருந்து தூக்கம் வராதபோது, உணவருந்தும்போது, பிரயாணம் செய்யும்போது, ஓய்வாக இருக்கும் போதெல்லாம் அகத்தே ஓடிக்கொண்டிருந்தாலும் தோஷமில்லை. அது திசுக்களில் கலந்து வியாபிக்கும். மந்திரத்தையே உண்பது உடுத்துவது சுவாசிப்பது போன்ற உன்னத நிலைக்கு வந்திடும்.

பட்டினத்தார்க்குப் பேய்க் கரும்பு கிட்டியதுபோல், தியான ஆசனத்தில் ரிஷிகளுக்கு நெல் பொறியும் சமிக்ஞை தெரிவதுபோல் நம் எல்லோருக்கும் சோதித்துப் பார்க்கும் அவகாசம் வாய்க்குமா என்ன? அதை நாம் அனுபவத்தில்தான் தெரிந்து கொள்ளவேண்டும். எப்படி?

நாம் என்ன நினைக்கிறோமோ அது அங்கே சிறப்பாய் நடந்தேறும். ஒருவருடைய சந்தேகம் அவர் கேட்காமலே அவருக்கு அக்கணமே தெளிய நீங்கள் வைப்பது, அந்நேரம் உதிர்க்கும் வாக்கு பொய்க்காமல் மெய்யாவது, அதுகாறும் சூட்சுமமாய் அமைந்த இறை/சித்த தரிசனங்கள் எளிதாகப் புலப்படுவது, மனோ சக்தியால் யாரையேனும் மாற்றுவது/ வழி நடத்துவது, குல தெய்வம் தோன்றி உணர்த்துவது, போன்ற பல விஷயங்கள் மந்திர சித்தியானதும் வசப்படும். அதற்காக உழைக்க வேண்டியது நம் ஒவ்வொருவரின் கடமை. காடு மேடு அலையாமல் அதர்மவழி நில்லாது ஆத்ம சுத்தியுடன் நீங்கள் இருக்கும் இடத்திலேயே சித்திக்கும்.

சாதாரண நாளில் சிவன் கோயிலில் வலம் வருவதைப் போல் இல்லாமல், பிரதோஷ நேரத்தில் சற்று வேறு விதமாக வலம் வருதல் வேண்டும். அதற்கு சோமசூக்தப் பிரதட்சணம் என்று பெயர்.அதாவது நந்தியை வணங்கி சிவனுக்கு அபிஷேகம் செய்யும் நீர் வரும் கோமுகி வரை சென்று அங்கு நின்று வணங்கி, பின்னர் அதே வழியாக வலம் வந்து சண்டிகேஸ்வரர் வரை வந்து அவரை வணக்கி மீண்டும் கோமுகிக்குச் செல்ல வேண்டும். இப்படி மூன்று முறை வணங்க வேண்டும். இந்த பிரதட்சண முறைக்கு பிரதோஷ பிரதட்சணம் என்று பெயர்.

🙏🙏🙏🙏🙏 ஓம் நமச்சிவாய வாழ்க

நாளை அக்னி நட்சத்திரம் ஆரம்பம்.. அக்னிதேவன் பசியாறும் 21 நாட்கள்.. என்ன செய்யலாம்?
அக்னி நட்சத்திரம்
அக்னி நட்சத்திரம் ஆண்டுதோறும் 21 நாட்கள் வருகின்றன. அக்னி நட்சத்திர நாளில் சந்திரன் மட்டுமல்லாது, பூமி கூட சூரியனுக்கு சற்று அருகே இருக்கும். அக்னி நட்சத்திரம் என்பது சூரியனுடைய சஞ்சாரம் தொடர்பாக அமையும் காலப்பகுதியாகும். பெரும்பாலும் சித்திரை மாத இறுதி பத்து நாட்களும் வைகாசி மாத முதல் பத்து நாட்களும் இணைந்த பகுதியாகும். இந்நாட்களில் முதல் ஏழு நாட்கள் சுமாராகவும், இடையில் ஏழு நாட்கள் மிக அதிகமாகவும் கடைசி ஏழு நாட்கள் சுமாராகவும் வெப்பத்தை தரும்.

அக்னி நட்சத்திர வரலாறு :

முன்னொரு காலத்தில் 12 வருடங்கள் இடைவிடாமல் நெய்யூற்றி சுவேதகி யாகம் செய்தார்கள். தொடர்ந்து நெய் உண்டதால் அக்னிதேவனுக்கு மந்தநோய் ஏற்பட்டது. அவன் உடம்பில் சேர்ந்த கொழுப்பை குறைக்க, ஒரு காட்டை அழித்து அந்த நெருப்பை தின்றால்தான் தீரும். எனவே, அக்னி பகவான் காண்டவ வனத்தை தேர்ந்தெடுத்தான்.

அவ்வனத்தில் உள்ள அரக்கர்களும், கொடிய விலங்குகளும், தாவரங்களும், சாந்தமான விலங்குகளும் தங்களை அக்னிதேவனின் அழிவிலிருந்து காப்பாற்ற வேண்டும் என வருணதேவனிடம் முறையிட்டன. 'அக்னி உங்களை ஒன்றும் செய்யாமல் நான் காக்கிறேன்" என வருணன் கூறினான்.

இதையறிந்த அக்னிதேவன் கிருஷ்ணரிடம் ஓடி, 'நான் காண்டவ வனத்தை அழிக்க முடியாமல் வருணன் கனமழை பெய்விக்கிறான். என்னைக் காப்பாற்றுங்கள்" என முறையிட்டான். கிருஷ்ணர் அர்ஜூனனை பார்த்தார். அர்ஜூனன் அம்புகளை சரமாரியாக எய்து வானை மறைத்து சரக்கூடு கட்டினான். அப்போது அக்னிதேவன் தன் ஏழு நாக்குகளால் வனத்தை எரிக்க முற்பட்டான்.

அப்போது கிருஷ்ணர், '21 நாட்கள்தான் உனக்கு அவகாசம். அதற்குள் உன் பசியை தீர்த்துக் கொள்" என்றார். அதன்படி அக்னிதேவன் காண்டவ வனத்தை அழித்து விழுங்கி, தன் பசி தணிந்த அந்த 21 நாட்கள்தான் அக்னி நட்சத்திர தினம் என்று சாஸ்திரங்களில் கூறுப்படுகிறது.

அக்னி நட்சத்திரத்தில் என்ன செய்யலாம்?

இந்த அக்னி நட்சத்திரத்தின்போது வீடு கட்ட ஆரம்பிப்பது மற்றும் அதற்கான கிணறு வெட்டுதல், பூமிபூஜை செய்வது, விவசாய விதைப்பு வேலைகள், மரம் வெட்டுதல், குழந்தைகளுக்கு காது குத்தி மொட்டையடித்தல் போன்றவைகளை தவிர்ப்பது நல்லது.

ஓம் நமசிவாய.🙏🏼

#வைக்கத்தஷ்டமி (மஹாதேவாஷ்டமி)

8.12.2020 மஹாதேவாஷ்டமி
அன்னதானம் செய்யுங்கள்.
கார்த்திகை மாதம், தேய்பிறை அஷ்டமியை, #மகாதேவாஷ்டமி என்றும் #பைரவாஷ்டமி என்றும் அழைப்பர். இந்த நாளில், #அன்னதானம்_செய்வது_விசேஷம். இந்த அன்னதானத்தை, #சிவபார்வதியே வந்து ஏற்பதாக ஐதீகம்.
இந்நாளில், அன்னதானம் செய்யக் காரணம் என்ன?
#பத்மாசுரனும், அவனது தம்பி #தாரகாசுரனும், தேவர்களுக்கு மிகவும் கொடுமை செய்தனர். அவர்களை அழிக்க, சிவன்
முடிவெடுத்து, தன், #நெற்றிக்கண்ணில் இருந்து, முருகனை உருவாக்கினார். முருகன், #தாரகாசுரனை அழித்து, பத்மாசுரனை அடக்கி, சேவலாகவும், மயிலாகவும்
மாற்றி விட்டார். நியாயத்துக்காக செய்த கொலையானாலும், பாவம் வந்து சேரும். அந்தப் பாவத்திற்கு பரிகாரம் தான், அன்னதானம். சிவன், தன் மகன் முருகனுக்கு ஏற்பட்ட இந்த பாவ தோஷத்தை நீக்க, #மானிட_வடிவெடுத்து, பூலோகம் வந்து, எல்லாருக்கும் அன்னதானம் செய்தார். அவர் அன்னதானம்
செய்த இடம், #கேரளாவிலுள்ள_வைக்கம்_என்ற_ஊர். இதை, அவ்வூரிலுள்ள #மகாதேவர்_கோவில்_வரலாறு_கூறுகிறது.
இப்போதும், #கார்த்திகை_அஷ்டமியை ஒட்டி, இங்கு, 11 நாட்கள் விழா கொண்டாடப்
படுகிறது. இதை, ' #வைக்கத்தஷ்டமி' என்பர். இந்த தினத்தில், இங்கு, ஏராளமான பக்தர்கள் அன்னதானம் செய்கின்றனர். இந்த தானத்தை ஏற்க, சிவனே வருவதாக ஐதீகம் என்பதால், முன்பதிவு செய்தவர்கள் மட்டுமே அன்னதானம் செய்ய முடியும். அதுபோல், சாப்பிட வருவோரும், #சிவனோடு அமர்ந்து சாப்பிடுகிறோம் என்ற, பரவச நிலையை அடைகின்றனர். மேலும், #சிவன்_பைரவராக_உருவெடுத்து_அந்தகாசுரன்_என்ற_அரக்கனை_அழித்ததால், இங்கு, #பைரவர் வழிபாடும் முக்கியத்துவம் பெற்றுள்ளது.
#இரண்யாட்சன் என்ற அசுரனின் மகன் அந்தகாசுரன். இவன், திருமால், பிரம்மா முதலான தெய்வங்களால் கூட, அழிவு வரக் கூடாது என்ற வரத்தை, சிவனிடம் பெற்றான். இந்த வரம் காரணமாக, தேவர்களை அடிமைப்படுத்தி துன்புறுத்தி வந்தான். 'தேவர்களே... என்னை நீங்கள் அழிக்க முடியாதபடி வரம் பெற்றுள்ளேன். என் சேனைகளை நீங்கள் அழித்தால், அவர்கள், எங்கள் குலகுரு #சுக்ராச்சாரியாரின் மந்திர சக்தியால், உயிர் பெற்று விடுவர். அதனால், தோல்வியை ஒப்புக் கொண்டு, பெண்களைப் போல உருவத்தை மாற்றிக் கொள்ளுங்கள். இந்த உத்தரவை மீறினால், உங்களைக் கொன்று விடுவேன்...' என்று மிரட்டினான். இதனால், தேவர்கள் பயந்து, தங்கள் உருவத்தை பெண் உருவாக மாற்றிக் கொண்டனர். இந்நிலையிலிருந்து மீள, சிவனை சரணடைந்தனர் தேவர்கள்.
தான் கொடுத்த வரத்தை, தவறாகப் பயன்படுத்திய அந்தகாசுரனின் ஆணவத்தை அடக்க முடிவெடுத்த சிவன், தன்னில் இருந்து தோன்றிய பைரவரை அழைத்து, ' #பைரவா... நீ சென்று, அந்தகாசுரனின் ஆணவத்தை அடக்கி வா...' என்றார்.
வந்திருப்பது சிவஅம்சம் பொருந்தியவர் என்பதை அறியாத அந்தகாசுரன், பைரவருடன் போரிட்டான். அழிந்து போன அசுரப்படைகளை, சுக்ராச்சாரியார், தன் மந்திர சக்தியால் காப்பாற்றி விட்டார். உடனே, சிவன், சுக்ராச்சாரியாரை விழுங்கி, வயிற்றில் அடக்கிக் கொண்டார். இதன் பின், பைரவர், அந்தகாசுரனை, ஒரு சூலத்தில் குத்தி, உயர்த்திப் பிடித்து, அவனது, ரத்தம் வழியும் வரை காத்திருந்தார். ஒடுங்கிப் போன அந்தகாசுரன், தன்னை விடுவிக்கும்படி கெஞ்சினான். பைரவரும் அவனை விடுவித்தார். அவன் சிவநாமம் சொன்னவன் என்பதால், உயிர் பிழைத்தான்.
எதிரிகளால் தொல்லை இருந்தால், தேய்பிறை அஷ்டமி நாட்களில், பைரவருக்கு வடைமாலை, செவ்வரளி அல்லது எலுமிச்சை மாலையை, ராகு காலத்தில் சாத்தினால், எதிரிகளின் தொல்லை, நீங்கும் என்பர்.
கார்த்திகை மாத தேய்பிறை அஷ்டமியன்று, பைரவரை வணங்குவதுடன், அன்னதானமும் செய்தால், நாம் படும் கஷ்டங்களின் அளவு குறையும். பாதுகாப்பான வாழ்வு
கிடைக்கும்.

கேதார கௌரி விரத பாடல்

காப்பு

முன்னின்று செய்யுள் முறையாய்ப் புனைவதற்கு
என்னின் றருள்செய் எலிவா கனப்பிள்ளாய்
சொற்குற்ற மொடு பொருட்குற்றம் சோர்வு தரும்
எக்குற்றமும் வாராமற்கா.

வேண்டுதற் கூறு

காப்பெடுக்க வந்தேனே கௌரியம்மாள் தாயாரே
காத்தென்னைத் தேற்றிடுவாய் காளிமகா தேவியரே
காலமெல்லாம் நின்னரிய காப்பெடுத்தே வாழ்ந்திடுவேன்
எண்ணும் கருமம் இதை இனிதாக முடித்துவிடு

பண்ணும் வினையாவும் பனிபோலப் போக்கிடுவாய்
உண்ணும் உணவாக உயிரினுக் குயிராக
என்றும் நீ முன்னே எனக்காற்றும் நன்றியூடாய்
காடும் கடந்துவந்தேன் மலையும் கடந்து வந்தேன்

காளிமகா தேவியரே காப்பெனக்குத் தந்திடுவாய்
சூலம் கொண்டவளே சுந்தர முகத்தவளே
அரியை உடையவளே அம்மா காளிதாயே
கொடியமகிஷாசுரனைக் கூறு போட்டவளே

அசுரக் குணம் யாவும் அழிக்கும் சுடர்க்கொடியே
சிவனை நினைத்தல்லோ சீர்விரதம் நீயிருந்தாய்
பரனை நினைத்தல்லோ பதிவிரதம் நீயிருந்தாய்
அரனை நினைத்தல்லோ அம்மாநீ நோன்பிருந்தாய்

சங்கரனை எண்ணீயல்லோ சங்கரிநீ நோன்பிருந்தாய்
ஐங்கரனைப் பெற்றவளே அன்றுநீ நோன்பிருந்தாய்
விரதத்தைக் கண்டே விழித்தான் சிவனவனும்
அம்மா உமை அணைத்தே அருள்மாரி பொளிந்தானே

வகையாற்றுப் படலமிதை வழிவழியாக் காட்டிடுவீர்
நெறியறியாத் திகைப்போர்க்கு நெறிமுறையைக் காட்டிடுவாய்
காப்பைப் புனைந்துவிடு காலபயம் ஓட்டிவிடு
நூலைப் புனைந்துவிடு நுண்ணறிவை ஊட்டிவிடு

வல்லமையைத் தந்துவிடு வையகத்தில் வாழவிடு
காளிமகா தேவியரே காப்பருளும் தேவியரே
காப்பைப் புனைபவளே காப்பாய் இருப்பவளே
நாடு செழிக்கவென்றே நற்காப்பு அருளுமம்மா

வீடு செழிக்கவென்றே விழைகாப்பு அருளுமம்மா
நல்வாழ்வு வாழ்வதற்கு நறுங்காப்பு அருளுமம்மா
அல்லல் அறுப்பதற்கே அருட்காப்பு அருளுமம்மா
பிள்ளை அற்றவர்க்குப் பெருங்காப்பு அருளுமம்மா

பூமணியே மாமணியே புனிதவதி தாயவளே
நான்விரும்பும் காப்பை நலமுடனே தாருமம்மா
கல்வி சிறப்பதற்குத் கலைமகளே வாருமம்மா
செல்வம் சிறப்பதற்குத் திருமகளே வாருமம்மா

வீரம் சிறப்பதற்கு வீரசக்தி தாருமம்மா
பாட்டுடைத் தலைவியரே பராசக்தி தாயவளே
ஏட்டுடைத் தேவியரே எல்லாம்மிகு வல்லபையே
காப்பெடுக்க வந்தேனம்மா கனிவுடனே பாருமம்மா

பால்பழங்கள் வெற்றிலைகள் பல்வகைத் திரவியங்கள்
நானுமக்குத் தாறேனம்மா நயந்தென்னைக் காருமம்மா
காளிமகா தேவியரே காசினிக்கு வித்தவளே
வித்தை விதைப்பவளே வினையாவும் காப்பவளே

எத்தால் வாழ்ந்திடுவோம் எல்லாம் உமதருளே
காசினியில் வேற்றுமையை கணபொழுதே மாற்றிவிட்டால்
ஏசலின்றி வாழ்ந்திடுவோம் ஏந்துபுகழ் தேவியளே
காப்பெனக்குப் போட்டுவிட்டால் கல்மனது இளகிவிடும்

ஞானம் பெருகிவரும் நல்வாழ்வு மிகுந்துவரும்
தொடர்ந்து அணிவோர்க்கு தொட்டதெல்லாம் ஜெயமாகும்
இசைந்து அணிவோர்க்கு நினைத்ததெல்லாம் ஈடேறும்
நம்பி அணிவோர்க்கு நல்லதெல்லாம் பெருகிவரும்

நாள்கள் கோள்களெல்லாம் நலமுடனே இணைந்துவரும்
சந்தனச் சாந்தவளே சங்கரியே சாந்தினியே
குங்குமப் பூச்சவளே குலக்கொழுந்தே கௌரியம்மா
காப்புக் கட்டிவிட்டுக் கடமை முடிந்ததென்று

ஏப்பம் மிகவிட்டு என்றுமே இருந்தறியேன்
நாளும் பொழுதிலெல்லாம் நறுங்காப்புக் கட்டதனில்
பூவும் நீருமிட்டுப் போற்றி வணங்கிடுவேன்
காலைப் பொழுதெழுந்து காப்பதனில் விழித்திடுவேன்

ஞானச் செழுஞ்சுடரே காளியுன்னைக் காணுகின்றேன்
காப்பெனக்குக் கையிலுண்டு கடமைகளைச் செய்திடுவேன்
ஏய்ப்பவரைக் கண்டால் எரிமலைபோற் கனன்றிடுவேன்
தீமைச் செயலெதுவும் தெரியாது செய்கையிலே

காப்புக் கையிலிருந்து கண்திறந்து காட்டுமடி
சொல்லற்கு அரிதான சோதிமிகு காப்பதனை
இருபது நாள்வரையில் இசைவோடு விரதமிருந்து
பக்தி மனதுடனே பரவி யணிவோர்க்கு

சித்தியெல்லாந் நீ தந்தருவாய் சீர்பெருகு கௌரியவள்
முத்திக்கு வழியுமுண்டு முக்கால உணர்வுமுண்டு
எச்சகத்தி லோர்களெல்லாம் ஏற்றியெமைப் போற்றிடுவார்
சொற்சக்தி பொருட்சக்தி துலங்கி வந்திடவே

அச்சக்தி எல்லாம் அருள்வாள் கௌரியவள்
கௌரிக் காப்பதனைக் காலம் தவறாமல்
முறையாய் அணிந்துவர முன்வினைகள் நீங்கிவர
ஞானம் ஓங்கிவர நல்லறிவு துலங்கிவர

தேவிமகா காளியரே தெவிட்டாத தீங்கனியே
காளியாய் வந்தமர்ந்த கௌரியே காத்தருளும்.

முக்தி நிலைகள் நான்கு.

நவராத்திரி.

சிவா சிவாய போற்றியே....!

#கொக்கட்டிச்சோலை
#தான்தோன்றீச்சரம்
#கொடியேற்றம்_2020_08_21
#தேரோட்டம்_2020_09_06

(தான்தோன்றீஸ்வரம்) இலங்கையின் கிழக்கிலங்கையின் மட்டக்களப்பு நகருக்கண்மையுள்ள கொக்கட்டிச்சோலை கிராமத்தில் அமைந்துள்ளது சிவன் கோவில் இலங்கையில் உள்ள இரண்டு தான்தோன்றீச்சரங்களில் இது ஒன்று. போர்த்துக்கேயர் ஆட்சிக் காலத்தில் "புல்லுண்ட கல் நந்தி" இக்கோவிலின் பெருமைகளில் ஒன்றாக விளங்குகின்றது.

வெள்ளையர்களால் ஈழத்தில் சைவ சமயகோவில்கள் உடைத்துத் தரமட்டமாக்கப்பட்ட போது இவ் கோவிலையும் விட்டு வைக்க விரும்பாத வெள்ளையர்கள் கோவிலை உடைக்க வந்தார்கள்.

குருக்களுடன் வெள்ளையர்களுக்கு இடம்பெற்ற விவாதத்தில் இந்த கல் நந்தி புல்லுண்ணும் என்ற குருக்களின் கூற்றை நிரூபிக்க ஆலயத்தின் கல் நந்தி எழுந்து காலால் மண்ணை எற்றி தனுப்போட்டு கொடுக்கப்பட்ட புல்லை உண்டு வெள்ளையர்களை மெய்மறக்க வைத்து புறமுதுகு காட்டி ஓடவைத்த வரலாற்றுப்பெருமை இவ் ஆலயத்துக்கு உண்டு.

2020.08.21 சனிக்கிழமை கொடியேற்றத்துடன் ஆரம்பமாகி 2020.09.06 ஞாயிற்றுக்கிழமை தேரோட்டம்,

அட்சரப் பிரதோஷம் என்பது வருடத்துக்கு ஐந்து முறை மகா பிரதோஷம் வந்தால் அது அட்சரப் பிரதோஷம். தாருகா வனத்து ரிஷிகள். நான் என்ற அகந்தையில் ஈசனை எதிர்த்தனர். ஈசன், பிட்சாடனர் வேடத்தில் வந்து தாருகா வன ரிஷிகளுக்குப் பாடம் புகட்டினார். தவறை உணர்ந்த ரிஷிகள், இந்தப் பிரதோஷ விரதத்தை அனுஷ்டித்து பாவ விமோசனம் பெற்றனர் என்கிறது புராண கதை. 2020ஆம் ஆண்டில் 5 சனிப்பிரதோஷம் வருகிறது. இது அட்சரப்பிரதோஷம் எனப்படுகிறது. இதன் மகத்துவத்தை பற்றி உலகம் அறிய நம் சித்தர்களின் குரல் முக பக்கத்தில் இன்று விரிவாக பகிர்கிறேன்....

சனிக்கிழமை பிரதோஷ காலங்களில் ஈசனை தரிசிப்பதால், சகல பாவங்களும் விலகி, புண்ணியம் சேரும்; சகல செளபாக்கியங்களும் உண்டாகும்; இந்திரனுக்கு சமமான புகழும் செல்வாக்கும் கிடைக்கும். அன்று செய்யப்படும் எந்த தானமும் அளவற்ற பலனைக் கொடுக்கும். பிறப்பே இல்லாத முக்தியை கொடுக்கும் என்றெல்லாம் புராணங்கள் தெரிவிக்கின்றன.

சனிப்பிரதோஷ நாளில் எல்லா தேவர்களும் ஈசனின் நாட்டியத்தை காண ஆலயம் வருவார்கள் என்பது நம்பிக்கை. எனவே, ஆலயத்தில் உள்ள மற்ற சந்நிதிகள் திரையிடப்பட்டு இருக்கும். பிரதோஷ நாளில் மற்ற ஆலயங்களுக்குச் செல்லக் கூடாது என்பதும் ஒரு ஐதீகம்.
கல்யாண வயதுதான் வந்திருச்சுடி என்று சொல்லியும் பொண்ணு திரும்பி பார்க்கலயா? - பரிகாரங்கள்
நந்தியெம்பெருமானின் கொம்புகளுக்கிடையே சிவன் ஆடும் நேரமே பிரதோஷம் என்பதால் அன்று நந்தியின் கொம்புகளுக்கிடையே சிவனை தரிசிப்பது சிறப்பு தரும். பிரதோஷ நாளில் நமசிவாய மந்திரம் ஜபிப்பதால், நமது முன்னோர்கள், ஏழு தலைமுறையினர் செய்த பஞ்சமாபாதகங்கள் யாவும் அழிந்துவிடும் எனப்படுகிறது.

மற்ற பிரதோஷ நாளில் செய்யப்படும் தரிசனம், தானம், ஜெபதபங்கள் யாவுமே சனிப்பிரதோஷ நாளில் செய்யப்படும்போது பல மடங்கு பலன்களைத் தரும் என்பது புராணங்கள் தெரிவிக்கும் தகவல். பிரதோஷ நேரத்துக்குள் சிவனுக்கான அபிஷேக ஆராதனைகள், தரிசனம், புறப்பாடு என எல்லாவற்றையும் செய்துவிட வேண்டும். மாலை ஆறரை மணியுடன் பிரதோஷ காலம் முடிவதால் அதன்பின்னர் செய்யும் வழிபாடுகள் அந்திபூஜைதான் என்பதால் அது பிரதோஷ வழிபாடு ஆகாது.
சனிப்பிரதோஷத்தில் நந்தியை வணங்கி, வழிபட்டால் சனி பகவானால் உண்டாகும் சகல துன்பங்களும் விலகிப் போகும். சனிப் பிரதோஷ நாளில் ஈசனை வழிபாடு செய்தால், ஐந்து வருடத்துக்கு ஈசனை வழிபாடு செய்த பலன் கிடைக்கும். இந்நாளில் வசதி உள்ளவர்களும், அடியார்களும் இறைவனுக்கு அபிஷேக ஆராதனைகள் செய்தால் நல்லது.
ஒரு வருடத்தில் ஏழு மகா பிரதோஷம் வந்தால் அது, சட்ஜ பிரபா பிரதோஷம். தேவகியும் வசுதேவரும் கம்சனால் சிறையிடப்பட்டனர். ஏழு குழந்தைகளைக் கம்சன் கொன்றான். எனவே, எட்டாவது குழந்தை பிறப்பதற்கு முன்பு ஒரு வருடத்தில் வரும் ஏழு மகா பிரதோஷத்தை முறையாக அவர்கள் அனுஷ்டித்ததால், கிருஷ்ணர் பிறந்தாராம். நாம் இந்த விரதத்தைக் கடைப்பிடித்தால் முற்பிறவி வினை நீங்கி பிறவிப் பெருங்கடலை எளிதில் கடக்கலாம்.

ஒரு வருடத்தில் எட்டு மகா பிரதோஷங்கள் வந்தால் அதனை அஷ்டதிக் பிரதோஷம் என்கிறார்கள். இந்த எட்டு மகா பிரதோஷங்களையும் முறையாக கடைப்பிடித்தால், அஷ்ட திக்குப் பாலகர்களும் மகிழ்ந்து நமக்கு நீடித்த செல்வம், புகழ், கீர்த்தி ஆகியவற்றைத் தருவார்கள்.
ஒரு வருடத்தில் ஒன்பது மகா பிரதோஷம் வந்தால், அது நவக்கிரகப் பிரதோஷம். இது மிகவும் அரிது. இந்தப் பிரதோஷங்களில் முறையாக விரதம் இருந்தால் சிவனின் அருளோடு நவக்கிரகங்களின் அருளும் கிடைக்கும்.

2020 ஆம் ஆண்டில் எந்த நாளில் என்ன பிரதோஷம் வருகிறது என்று பார்க்கலாம். 2020ஆம் ஆண்டில் பிரதோஷ கால அட்டவணை.
08.01.2020 புதன்கிழமை
22.01.2020 புதன்கிழமை
06.02.2020 வியாழக்கிழமை
21.02.2020 வெள்ளிக்கிழமை
07.03.2020 சனிக்கிழமை மஹா பிரதோஷம்
21.03.2020 சனிக்கிழமை மஹா பிரதோஷம்
05.04.2020 ஞாயிற்றுக்கிழமை
20.04.2020 திங்கட்கிழமை
(சோமவார பிரதோஷம்)
05.05.2020 செவ்வாய்க்கிழமை
20.05.2020 புதன்கிழமை
03.06.2020 புதன்கிழமை
18.06.2020 வியாழக்கிழமை
02.07.2020 வியாழக்கிழமை
18.07.2020 சனிக்கிழமை மஹா பிரதோஷம்
01.08.2020 சனிக்கிழமை மஹா பிரதோஷம்
16.08.2020 ஞாயிற்றுக்கிழமை
30.08.2020 ஞாயிற்றுக்கிழமை
15.09.2020 செவ்வாய்க்கிழமை
29.09.2020 செவ்வாய்க்கிழமை
14.10.2020 புதன்கிழமை
28.10.2020 புதன்கிழமை
12.11.2020 வியாழக்கிழமை
27.11.2020 வெள்ளிக்கிழமை
12.12.2020 சனிக்கிழமை மஹா பிரதோஷம்
27.12.2020 ஞாயிற்றுக்கிழமை.

விபூதி

(卐) (卐) (卐) (卐) (卐) (卐)