FLiසත්කාර

අම්මලාටත් ඔනෙ ආදරයයි!

ඕනෑම ආකාරයක උදව්වක් සත්කාරයක් වේ
ඔබේ පුංචි සිනහවත් ඔවුන්ට ලොකු හයියක්!

පිනක් කර එය අනුන්ට අනුමෝදන් කිරීමෙන් පින් රැස්වෙයි.

අඩු ආදායම්ලාභී පවුල්වල දරුවන් 147 දෙනෙක් වෙනුවෙන් පාසල් බෑග් බෙදාදීම 2024 මාර්තු 08 වන සිකුරාදා දින සිදු කෙරිණි. මේ සඳහා ප්‍රමුඛත්වය ගනු ලැබුවේ FLi වාලච්චේන ශාඛාවයි. 01 ශ්‍රෙණියේ සිට 05 ශ්‍රේණිය දක්වා දරුවන් සඳාහා මෙම පරිත්‍යාගය සිදු කෙරිණි. මෙම කර්තව්‍යය වාලච්චේන ප්‍රදේශයේ ස්ථාන තුනක සිදු විය.

මේ ඔබ දකින්නේ ඒ මතක සටහන් කිහිපයකි..

FLi සත්කාර අපි මතු පරපුරේ උන්නතිය වෙනුවෙන් නිතර කැපවන්නෙමු!

குறைந்த வருமானம் பெறும் குடும்பங்களை சேர்ந்த 147 பிள்ளைகளுக்கு பாடசாலை பைகள் பகிர்ந்தளிக்கும் நிகழ்வு 2024 மார்ச் மாதம் 8ம் திகதி வெள்ளிக்கிழமை வாழைச்சேனையில் இடம்பெற்றது. FLi வாழைச்சேனை கிளையின் ஒத்துழைப்புடன் இந்நிகழ்வு முன்னெடுக்கப்பட்டது. இந்நிகழ்வில் தரம் 1 முதல் 5 வரையான மாணவர்களுக்கு பாடசாலை பைகள் பகிர்ந்தளிக்கப்பட்டன.

அன்றைய நிகழ்வின் சில நினைவு பகிர்வுகள் கீழே...

FLi சத்கார ஆகிய நாம் எதிர்கால சந்ததியின் முன்னேற்றத்திற்காக அயராது உழைப்போம்.

2024 පෙබරිවාරි 18 වන දා ලෝක ආයතනික සමාජ වගකීම් දිනය නිමිති කොට ගනිමින් පෙබරවාරි 17/18 දෙදින තුළ ශ්‍රී පාද ස්ථානයේ කැළි කසළ පිරිසිදු කිරිමේ ව්‍යාපෘතියක් FLi සත්කාර විසින් සංවිධාන කෙරිණි.ආයතනයේ 65 කට අධික සේවකයින් පිරිසක් මේ සඳහා සහභාගී විය.. සියළු දෙනාගේම ශ්‍රම දායකත්වයෙන් කැළි කසළ විශාල ප්‍රමාණයක් ප්‍රතිචක්‍රිකරණය සඳහා යෙදවීය..

මෙම වැඩසටහන පැවැත්වූයේ හැටන් - නල්ලතන්නිය මාර්ගය කේන්ද්‍ර කරගනිමින් ය.

අඩු ආදායම් ලාභී ගැබිනි මවු වරුන් 25 දෙනෙක් සඳහා රු. 7,500 ක් වටිනා පෝෂණ මල්ලක් බැගින් ලබා දීම අප FLi බණ්ඩාරම ශාඛාව මගින් පෙබරවාරි මස 02 වන දින, සංවිධාන කෙරිණි. මෙම සහන මළු ප්‍රදානය ඉදිරි‍යට මාස 3 ක් අඛණ්ඩව සිදුකිරීමට අපි බලාපොරොත්තු වන්නෙමු..
මෙම ව්‍යාපෘතියේ පළමු අදියර සඳහා අප සමිති සාමාජිකාවක් වන, ශ්‍රියානි පෙරේරා මහත්මිය හාල් මිටි 25 ක පරිත්‍යාගයක් කිරීම පැසසිය යුතු කරුණක් විය.

තිස්සමහාරාම ශාඛාව , හ/කිරින්දගම ප්‍රාථමික විද්‍යාලයට RO ජල පිරිපහදු යන්ත්‍රයක් පරිත්‍යාග කර දරුවන්ට ජල පානය කිරිමට සියලුම දේ සදා නිම කර වර්ෂ 2023 දෙසැම්බර් 19 වන් දින පරිත්‍යාග කළේය. මෙම ප්‍රදේශයේ පානිය ජල හිඟයක් පවතින බැවින් මෙම RO පිරිපහදු යන්ත්‍රය මගින්,එම ප්‍රදෙශයේ පාසල අසල වෙසෙන ගම් වාසින්ටද ජල හිඟ තාවය නිසා ජලය ලබා ගැනිමේ අවසරය පාසලේ විදුහල්පතිනිය හරහා අවසරා ලබා දී ඇත.

මතු පරපුරක උන්නතිය වෙනුවෙන් FLi අපි තවත් පියවරක් තැබුවෙමු.
මීගමුව, නිසල සෙවන ළමා සුරැකුම් මධ්‍යස්ථානයේ සිටින පුංචි දූ දරුවන් 68 දෙනෙක් සඳහා අත්‍යවශ්‍ය පාසැල් උපකරණ පරිත්‍යාග කිරීම පසුගියදා සිදු කෙරුණි. මෙය සංවිධාන කළේ FLi මීගමුව ශාඛාවයි..

"නත්තලේ සිරිමවන සෙනෙහසේ සත්කාරය"..

බලාපොරොත්තු පොදි බැඳන් සිටින අපේම පුංචි පැංචන්ගේ හිත් මෙවර නත්තලේදී සනසාලන්න,
අත්‍යවශ්‍ය හිඟ ඖෂධ, ආහාරපාන සහ පලතුරු සමග නත්තල් සීයත් එක්ක හිත පිරෙන්න තෑගිබෝගත් අරගෙන, මහරගම අපේක්ෂා රෝහලට අපි පියමන් කළා.

ඒ 2023 දෙසැම්බර් මාසේ 16 වෙනිදා..

මේ ඔබ දකින්නේ ඒ ආදරණීය මතක සටහන් කීපයක්..

සතුට බෙදා හදා ගන්න එක තමයි නත්තලේ සැබෑ අරුත..

ආදරණීය හිත් ආදරෙන් පුරවන්න FLi සූදානම්

මාත/ රුවන් ඇල්ල කනිෂ්ඨ විද්‍යාලයට දරුවන්ගේ තාක්ශණික දැනුමක දැනුම වැඩි දියුණු කිරීමට 2023/11/17 වන දින මාතර ශාඛාව මගින් පරිගණක යන්ත්‍ර 2 ක් පරිත්‍යාග කිරීම සිදු කරන ලදි.

2022 වර්ෂයේ සිට බප/මතු/කබුරුවල මහා විද්‍යාලයේ 6 වසරේ සිට සියලුම ශ්‍රේණි ඉංග්‍රිසී මාධ්‍යයෙන් අධ්‍යාපනය හැදැරීට ආරම්භ කළ අතර දැනට 7 ශ්‍රෙණියේ ඉගෙන ලබන දරුවන්ට සවියක් වෙමින් හොඳින් අධ්‍යාපන කටයුතු කර ගැනිමට ඔවුන්ගේ පාසලේ දරුවන්ට මලලසේකර ශබ්දකෝශය බැගින් ඉංග්‍රීසි අධ්‍යාපනය හදාරන දරුවන් 25 දෙනාට බෙදා දීම කළුතර ශාඛාව මගින් 2023 /11/22 දින ලබා දෙන ලදී.

http://y2u.be/q-eP-HkXzyQ

දරුවන්ටත්, පවුලටත් සතුට ගෙනදුන් දීපවාලී (2023/11/12) Follow us : Facebook : https://www.facebook.com/sathkaara.lkweb : www.sathkaara.lkFLi සත්කාර - මතු පරපුරක උන්නතිය උදෙසා

ජීවිතේ එක දවසක් හරි සතුටින් ගෙවන්න අපි හැමෝම ආසයි... ඒත් ජීවිතේ අගහිඟකම් නිසා ඒ සතුට කැප කරන ආදරණීය හදවත් කොච්චර නම් ඉන්නවද ... මතු පරපුරක උන්නතිය වෙනුවෙන් කැප වෙන FLi සත්කාර අපි මේ විදිහට තෑගි ගොන්නක් අරන් ඔවුන්ව හොයාගෙන ගියේ මේ දීපවාලී උත්සවය සතුටින් සමරන්න ඔවුන්ටත් අයිතියක් තියෙන නිසා..

මේ කර්තව්‍යය සිදු කළේ FLi බණ්ඩාරවෙල,බදුල්ල සහ නුවරඑළිය ශඛා කේන්ද්‍රකරගනිමින්

සද්භාවයෙන් සත්කාර කරන්න.

මෙය අප NBSL ආයතනයේ හලාවත ශාඛාව විසින් සිදුකළ ව්‍යාපෘතියයි. ලෝක ළමා දිනය නිමිත කරගනිමින් මාරවිල මහජන පුස්ථකාලය සමග එක්ව,අඩු ආදායම්ලාභී දරුවන් 50 දෙනෙකුගේ අධ්‍යාපනයට අතහිත දීම මෙහෙදී සිදු විය. මේ සඳහා Atlas ආයතනයද සිය දායකත්වය දැක්විය.

හිඟුරක්ගොඩ මූලික රෝහලේ බාහිරව ප්‍රතිකාර ලබාගන්නා රෝගීන් සහ නේවාසිකව ප්‍රතිකාර ලබාගන්නා රෝගීන් සඳහා රෝද පුටු පරිත්‍යාග කිරීම පසුගිය ඔක්තෝබර් මස පස්වන දා FLi පොළොන්නරුව ශාඛාව විසින් සිදුකෙරිණි..

ඔබ මේ දකින්නේ මෙම සමාජ සත්කාරයේ මතක සටහන් කිහිපයකි

පසුගිය සති කිහිපය තුලදී මාතර ප්‍රදේශයට ඇතිවූ ගංවතුර ආපදා තත්ත්වය තුලින් පීඩාවට පත් අපගේ ගනුදෙනුකාර භවතුන් 550 දෙනෙකු සඳහා එක් ගනුදෙණුකරුවකු සඳහා රුපියල් 3000කට ආසන්න මුදලක් වැය කරමින්, එක් ඉල්ලීමකින් මිලියන 1.5 කට අධික පිරිවැයක් දරමින් FLi Trading හරහා අවශ්‍ය සියලු දේ අප ඉල්ලීම් කල ආකාරයෙන්ම ලබා දුන් හා ඒ සඳහා දායකත්වය ලබා දුන් සියලුම දෙනා හට මින් ස්තූතිය පුද කර සිටින්නෙමු.

තවද මේ හරහා ගංවතුර නිසා ඉතාම අසරණව සිටි අපගේ ගණුදෙනුකරුවන් හට මේ සිදු කරන ලද වැඩසටහන ඉතාම අස්වැසිල්ලක් විය.

ඒ බව ආධාර මළු අප බෙදා දෙන අවස්තාවේදී අපහට ගනුදෙනුකරුවන් දැක්වූ ඔවුන්ගේ අදහස් මගින් දැනගන්නට ලැබිනි.

ඒ අනුව.,
මේ සඳහා අපට ඉතා ඕනෑකමින් සහයෝගය දැක්වූ හා මැදිහත් වූ

අප ආයතන ප්‍රධානී ධනුශ්ක උඩුගම මහතා

ජනක කුමාර මහතා

පියල් සල්වතුර මහතා

හංස මහතා

අංජන මහතා

රජිත උඩගෙදර මහතා

මාලිංග ප්‍රනාන්දු මහතා

රුවනිකා මුණසිංහ මෙනවිය

මාතර ශාඛාව, කරාපිටිය ශාඛාවේ දිල්ශාන් මහතාට ඇතුළු සහය දැක්වූ සියළු දෙනාට අප ස්තූති වන්ත වෙමු.

තවද..,

FLi Trading ආයතනයේ රියදුරු චනක මහතා හා සහයක අසිත මහතාටත් දිවා රාත්‍රී නොබලා ලබාදුන් සහයෝගය වෙනුවෙන් විශේෂ ස්තූතිය පුද කර සිටිමු.

භාණ්ඩ බෙදා දීම අතරතුර අප ලබා ගත් චායාරූප කිහිපයක් පහතින් වේ.

Future Life ආයතනයේ FLi සත්කාර මූල්‍ය දායකත්වයෙන් සහ රෝහල් සංගමයේ උත්සහය, කැපවීම මත අමුගොඩ රෝහලේ ප්‍රාථමික වෛද්‍ය සත්කාර ඒකකය , හදිසී ප්‍රතීකාර ඒක්කය සහ ශල්‍ය වෛද්‍යාගාර ඒකකය ප්‍රතිසංස්කරණය කර,
2023 ඔක්තොබර් මස 06 වන දා, FLi ආයතනයේ අධ්‍යක්ෂ මණ්ඩලයේ ප්‍රධානත්වයෙන්,
මහජනතාවගේ සුව සෙත උදෙසා ප්‍රදානය කළ වගයි!

කළ හොඳ සත්කාරයක්
මනසට සුව සහනයක්!

උගතුන් පිරි පරපුරක් වියතුන්ගෙන් ඔවදනක්...
තනයි ලොව සුරපුරක් පුදයි උපහාරයක්.....