Department of Ayurveda
Contact information, map and directions, contact form, opening hours, services, ratings, photos, videos and announcements from Department of Ayurveda, Medical and health, Department of Ayurveda, Maharagama.
"Ayur Ex" ජාත්යන්තර පර්යේෂණ එළිදැක්ම දේශීය වෛද්ය ක්ෂේත්රයේ පර්යේෂකයින්ට ගෝලීය වේදිකවක් ........
දේශීය වෛද්ය ක්ෂේත්රය දේශීයව මෙන්ම ජාත්යන්තර මය වශයෙන් ප්රචලිත කරලීමත්, දේශීය වෛද්ය ක්ෂේත්රයේ පර්යේෂකයින්ට ගෝලීය වේදිකවක් තැනීමේ අරමුනින් පවත්වන "Ayur Ex" ජාත්යන්තර පර්යේෂණ එළිදැක්ම අද(03) කොළඹ විශ්වවිද්යාලයේ වෛද්ය පීඨයේ UCFM Tower ප්රධාන ශාලාවේදී උත්සවශ්රීයෙන් ආරම්භ කෙරිණ.
දේශීය වෛද්ය රාජ්ය අමාත්යාංශය, ආයුර්වේද දෙපාර්තමේන්තුව, කැලණිය විශ්වවිද්යාලයේ පශ්චාත් උපාධි අධ්යයන අංශය ඒකාබද්ධව සංවිධානය කරන මෙම ජාත්යන්තර පර්යේෂණ එළිදැක්ම මැයි මස 3,4 සහ 5 යන තෙදින කොළඹ විශ්වවිද්යාලයේ වෛද්ය පීඨයේ UCFM Towerහිදී පවත්වනු ලබයි.
දේශීය මෙන්ම ජාත්යන්තර මය වශයෙන් දේශීය වෛද්ය ක්ෂේත්රය පිළිබඳ සිදුකළ පර්යේෂයන්හී පර්යේෂණ පත්රිකා 270කට අධ්ක සංඛ්යාවක් ඉදිරිපත් වන මෙම "Ayur Ex" ජාත්යන්තර පර්යේෂණ එළිදැක්ම දේශීය වෛද්ය ක්ෂේත්රයේ දැනුම හුවමාරු වන ගෝලීය වේදිකවක් වනු ලබයි.
ආයුර්වේද, සිද්ධ සහ යුනානි උපාධිය ලබා දීම සඳහා ලංකාවේ විශ්වවිද්යාල 4 ක් තුළ දේශීය වෛද්ය පීඨ හතරක් ක්රියාත්මක වෙයි.
මෙම වෛද්ය පීඨ මගින් වසරකට උපාධිධාරීන් 400 කට ආසන්න සංඛ්යාවක් බිහි කරනු ලබයි.
මෙම ආයතනයන්හි පාලනාධිකාරීන් විසින් තම විෂය නිර්දේශය තුළ වූ පස් වසරක න්යායික පුහුණුවට පසු ලබා දිය යුතුව පැවති ප්රායෝගික පුහුණුව වශයෙන් ලබාදෙන සීමාවාසික වෛද්ය පුහුණුව, පාඨමාලා අන්තර්ගතය තුළින් ඉවත් කිරීමට කටයුතු කර ඇත.
ඒ අනුව පෙර විෂය නිර්දේශයන් තුළ වූ හය වසරක උපාධිය, වසර 05 දක්වා අඩුකර උපාධි සහතිකය පිරිනමා ඇත.
ඒ අනුව ආයුර්වේද දෙපාර්තමේන්තුවේ අනුදැනුමකින් තොරව පෙර විෂය නිර්දේශයේ දක්වන ලද, උපාධිය ලබා ගැනීමට අත්යවශ්යම වූ සීමාවාසික වෛද්ය පුහුණුව පාඨමාලාවෙන් ඉවත් කර ඇත.
මෙම තත්ත්වය මත උපාධිය පිරිනැමීම සඳහා සීමාවාසික පුහුණුව අත්යාවශ්ය නොවන බව පවසමින් දීමනා සඳහා වන ප්රතිපදන ලබා දීම මහා භාණ්ඩාගාරය අත්හිටුවීමට තිරණය කරන ලදී.
විශ්වවිද්යාල මගින් සිදුකරන ලද මෙම පාඨමාලා සංශෝධනය ආයුර්වේද දෙපාර්තමේන්තුව ගන්නා ලද තීරණයක් ලෙස අර්ථ නිරූපනය කරමින් හා ආයුර්වේද දෙපාර්තමේන්තුව වෙත සීමාවාසික පුහුණුවේ වගකීම පවරමින් විශ්වවිද්යාල බලධාරීන් විසින්ම නිර්මාණය කළ ගැටලුවෙන් ඔවුන් ඉවත්ව සිටීමට උත්සාහ කරමින් සිටී.
මෙම තත්ත්වය මත විශ්වවිද්යාල අධ්යාපනය අවසන් කරන ආයුර්වේද, සිද්ධ හා යුනානි වෛද්ය සිසුන් සඳහා වන මසකට රුපියල් 66,750.00 ක් වන සීමාවාසික වෛද්ය පුහුණු දීමනා ගෙවීම, 2023 වර්ෂයේ ජූනි මාසයේ සිට ගැටළුකාරි තත්ත්වයකට පත්විණි.
විශ්වවිද්යාලය විසින් ඇති කළ මෙම ගැටලුව පිළිබඳව ආයුර්වේද දෙපාර්තමේන්තුව සෘජුව මැදිහත් වෙමින් ගරු දේශීය වෛද්ය රාජ්ය අමාත්යවරයා සහ ගරු සෞඛ්ය අමාත්යවරයා දැනුවත්කර අමාත්ය මණ්ඩලය ද දැනුම්වත් කරන ලදී.
ඒ අනුව වෛද්යවරයකු ලෙස වෛද්ය සභාවේ ලියාපදිංචිය සදහා වන අත්යවශ්ය පුහුණුවක් ලෙස සීමාවාසික වෛද්ය පුහුණුව, නෛතික ලෙස පිළිගනිමින් අදාල පුහුණුව ආරම්භ කිරීමට අමාත්ය මණ්ඩලයේ අනුමැතිය ලබා ගන්නා ලදී.
එම අනුමැතිය අනුව භාණ්ඩාගාරය විසින් පුහුණු දීමනා වෙනුවෙන් 2024 වර්ෂය සඳහා රුපියල් මිලියන 105 ක් වෙන්කර දෙන ලද අතර, එම ප්රතිපාදන 2023 වර්ෂයේ දී පුහුණුවට අනුයුක්ත කළ වෛද්ය සිසුන්ගේ ඉතිරි මාස කිහිපය සම්පූර්ණ කිරීමට හා 2024.04.17 දින සිට පුහුණුවට අනුයුක්තකර ගැනීමට නියමිත සිසුන් 60 දෙනා වෙනුවෙන් යෙදවීමට සැලසුම්කර ඇත.
සීමාවාසික වෛද්ය පුහුණුව විශ්වවිද්යාලය විසින් තම පාඨමාලාවෙන් ඉවත් කරන විට එය දෙපාර්තමේන්තුවේ කාර්යභාරයක් සේ සලකා අමාත්ය මණ්ඩල දැනුම්වත් කර, සීමාවාසික පුහුණුව ලබා දිය යුතු බවට අදාල ප්රතිපත්තිමය තීන්දුව ගැනීම සහ එයට අදාල ප්රතිපාදන අදියර වශයෙන් වෙන්කිරීමට ලබා දී ඇති තීන්දුව දේශීය වෛද්ය අධ්යාපනය වෙනුවෙන් දෙපාර්තමේන්තුව ලද ජයග්රහණයකි.
තවද 2023.12.31 දිනට පුහුණුව සදහා පොරොත්තු ලේඛනයේ සිටි සිසුන් 267දෙනා අතුරින් සිසුන් 60 දෙනෙකු සදහා පුහුණු කටයුතු 2024.04.17 වන දින ආරම්භ කරනු ලබන අතර, ඉතිරි සිසුන් 207 දෙනා වෙනුවෙන් තවදුරටත් මේ වසර සඳහා අවශ්ය වන රුපියල් මිලියන 212 වන ප්රතිපාදනය 2024.04.18 වන දින භාණ්ඩාගාර නියෝජ්ය ලේකම්වරයා සමඟ පැවැත්වීමට නියමිත සාකච්ඡාවේ දි වෙන්කරවා ගැනීමට සැලසුම්කර ඇත.
අමතර ප්රතිපාදනය සපයා ගැනීමෙන් පසු 2024.07.01 දින සිට ඉතිරි සිසුන් සඳහා පුහුණු කටයුතු ආරම්භ කිරීමට සැලසුම්කර ඇත.
ඒ අනුව, පළමු කණ්ඩායමේ ආයුර්වේද, සිද්ධ හා යුනානි වෛද්ය සිසුන් 60 සඳහා වන සීමාවාසික වෛද්ය පුහුණුව 2024.04.17 වන දින නාවින්න, දේශීය වෛද්ය ක්රම පිළිබඳ ජාතික ආයතනයේදී ආරම්භ කිරීමට නියමිතව ඇත.
විශ්වවිද්යාල සිසුන් සඳහා වන මෙම සීමාවාසික පුහුණුව සෞඛ්ය අමාත්යාංශය සහ ආයුර්වේද දෙපාර්තමේන්තුව ජාතික වගකීමක් සේ සලකා ඉටුකිරීමට කටයුතු කරන මොහොතක නිසි අවබෝධයෙන් තොරව යම් යම් පුද්ගලයන් විසින් සිදුකරනු ලබන ප්රකාශ පිළිබඳව කනස්සල්ල පලකරමි.
තව දුරටත් 2024 වර්ෂයේ දී උපාධි සහතිකය ලබා ඇති දරුවන්ගේ පුහුණු කටයුතු ඉතාම ඉක්මනින් ආරම්භ කිරීම වෙනුවෙන් අදාල ප්රතිපාදන වෙන්කර ගැනීමේ කටයුතු සඳහා මේ වන විටත් සාකච්ඡා ආරම්භ කර ඇති බව වැඩිමනත් වශයෙන් සදහන් කළ යුතුව ඇත.
ආයුර්වේද කොමසාරිස් ජනරාල්.
2024.04.16 දින
නාවින්නේ දී.
ශ්රී ලාංකේය දේශීය වෛද්ය ක්රම වඩාත් ස්ථායි භාවයට පත් කීරීම අරමුණු කර ගනිමින්, ආයුර්වේද වෛද්ය සභාව මඟින් බස්නාහිර, මධ්යම, උතුර සහ නැගෙනහිර පලාත් 04 තුළ සුදුසුකම් සපුරා ඇති සර්වාංග, කැඩුම්බිදුම්, සර්පවිෂ, අක්ෂි රෝග, චර්ම රෝග යන අංශවල පාරම්පරික දේශීය වෛද්යවරුන් තිස් දෙදෙනෙකු (32) සඳහා ලියාපදිංචි සහතික ප්රදානය කිරීම 2024.02.26 වන දින මහරගම, නාවින්න පිහිටි දේශිය වෛද්ය ක්රම පිළිබඳ ජාතික ආයතනයේ දී ගරු දේශීය වෛද්ය රාජ්ය අමාත්ය නීතිඥ සිසිර ජයකොඩි මැතිතුමාගේ ප්රධානත්වයෙන් පැවැත්විණ.
එම අවස්ථාවට ආයුර්වේද කොමසාරිස් ජනරාල් ආචාර්ය ධම්මික අබේගුණවර්ධන මහතා, ඇතුළු සම්භාවනීය ආරාධිතයින් රැසක් සහභාගී විය.
සියලු ලෝවාසි ජනතාවට සෙත් ප්රාර්ථනා කරමින් ආයුර්වේද දෙපාර්තමේන්තුවේ දී 2024.02.16 වන දින සර්ව රාත්රික පරිත්රාණ ධර්ම දේශනය හා පසුදා උදෑසන සපිරිකර සහිත සංඝගත දක්ෂිණාවක් පැවැත්වීම සිදු කරන ලදි.
ඔසු පැළ දස ලක්ෂයක් සිටුවීමේ ජාතික වැඩසටහන ආරම්භ වේ.
76 වන ජාතික නිදහස් දිනයට සමගාමීව රට පුරා ඔසු පැළ දස ලක්ෂයක් සිටුවීමේ ජාතික වැඩසටහනේ සමාරම්භය ගරු අග්රාමාත්ය දිනේෂ් ගුණවර්ධන මැතිතුමන් ඇතුලු මැතිඇමතිතුමන්ලාගේ ප්රධානත්වයෙන් රාජ්ය පරිපාලන අමාත්යාංශ පරිශ්රයේ දී පෙබරවාරි මස 02 දින ආරම්භ කෙරිණ.
මෙම අවස්ථාව සඳහා අවශ්ය ඔසු පැල ආයුර්වේද දෙපාර්තමේන්තුව වෙතින් ලබාදීමට කටයුතු සම්පාදනය කරන ලදි.
Congratulations Sir
ලෝකයෙන් HIV - ඒඩ්ස් රෝගය දුරු කිරීමට අපේ දායකත්වය නොවඩුව ලබා දෙමු !
බෝවන රෝග වලින් වැලකීමේ විද්යාව පතුරවමු ....
“ප්රසංගාද්ගාත්රසංස්පර්ශාත් නිශ්වාසාත් සහ භෝජනාත්
සහශෛයාසනාත්වාපි වස්ත්ර මාල්යානුලේපනාත්
කුස්ඨංජ්වරංච ශෝෂශ්ච නේත්රාභිෂ්යන්ද්ය ඒවච
ඖපසර්ගික රෝගාශ්ච සංක්රාමාන්ති නරාං නරම්”
- සුශ්රැත සංහිතාව
‘රෝගි වූවකු සමඟ කායික සම්බන්ධතා ඇතිකර ගැනීම, ශරීර අවයව ස්පර්ෂ කිරීම, ශරීර තරල ස්පර්ෂ කිරීම, රෝගී වූවකුගේ ප්රශ්වාස වාතය ආඝ්රහණය, එක්ව හිඳ ආහාර ගැනීම හා බෙදාහදාගෙන ආහාර ගැනීම, එකම පිඟන් කෝප්ප ආදිය භාවිතය, රෝගී වූවකු ගෙන ඉතිරි කරන ගද ආහාර අනුභවය, එකම ආසනයක හෝ සයනයක හිඳ සිටීම හෝ නිදාගැනීම, මුහුණට මුහුණ හිඳ සිටීම, ඇඳුම්, ආලේපන, ආභරණ පොදුවේ භාවිත කිරීම නිසා කුෂ්ඨ (සමේ රෝග), ජ්වර (උණ), ස්වසන රෝග, අක්ෂි රෝග, ලිංගාශ්රිත රෝග ආදී වසංගත / බෝවන රෝග එක් පුද්ගලයකුගෙන් තවත් පුද්ගලයෙකුට බෝවීම සිදු වේ’. මෙම හේතුවලින් ඉවත්වීම තුළින් කාලීනව පැතිරීයන කොරෝනා වසංගත රෝග මෙන්ම අනෙකුත් බෝවන රෝගවලින් ආරක්ෂා වීමට හැකියාව ලැබේ.
1988 පටන් සෑම දෙසැම්බර් 1 වැනි දිනක ම ලෝක ඒඩ්ස් දිනය සමරනු ලබනවා.
එය ලෝක සෞඛ්ය සංවිධානය විසින් නිල වශයෙන් නම් කර ඇති ප්රධාන ගෝලීය මහජන සෞඛ්ය ප්රචාරණ වැඩසටහන් එකොළහ අතුරින් එකක්.
HIV වයිරසයට එරෙහි ව සටන් කරමින්, දරා ගනිමින් නැඟී සිටීම වෙනුවෙන් ලොව පුරා ජනතාව එකමුතු කිරීම සහ දැනුවත් කිරීම එහි අරමුණයි.
HIV ඇතුළු ආසාදන රෝගවලින් ආරක්ෂා වීමට නිසි ලෙස දැනුවත් වෙමු, පිළපදිමු,
2023 අංක 19 දරන ආයුර්වේද (සංශෝධිත) පනතින් සංශෝධිත 1961 අංක 31 දරන ආයුර්වේද පනතට අනුව ආයුර්වේද කොමසාරිස් තනතුර "ආයුර්වේද කොමසාරිස් ජනරාල් ලෙස " උත්ශ්රේණි ගතකර ඇත.
ඒ අනුව 2023.11.27 වන දින ආචාර්ය එම්. ඩී. ජේ. අබේගුණවර්ධන මහතා ආයුර්වේද කොමසාරිස් ජනරාල් ලෙස නව තනතුරේ වැඩ බාරගත් බව සතුටින් දැනුම් දෙමි.
1961 අංක 31 දරන ආයුර්වේද පනත සංශෝධනය සඳහා වන පනත් කෙටුම්පතට සංශෝධන සහිතව 2023. 09. 05 වන දින පාර්ලිමේන්තුවේ දී අනුමැතිය ලැබී ඇත.
දේශීය වෛද්ය ක්ෂේත්රයේ නව ප්රවනතා පිළිබඳ සජීවී වැඩසටහන අද රාත්රි 10.00 ට ජාතික රූපවාහිනිය ඔස්සේ.
AyurEx Colombo 2023
දේශීය වෛද්ය ක්රම පිළිබඳ ජාත්යන්තර සම්මන්ත්රණය,
අධ්යාපනික සහ වෙෙළඳ ප්රදර්ශනය - 2023
දේශීය වෛද්ය රාජ්ය අමාත්ය ගරු සිසිර ජයකොඩි මැතිතුමාගේ ආශිර්වාදය ඇතිව, සෞඛ්ය අමාත්යාංශය, ආයුර්වේද දෙපාර්තමේන්තුව සහ කොළඹ විශ්වවිද්යාලයේ දේශීය වෛද්ය පීඨයේ සහයෝගීත්වයෙන් ආයුර්වේද දෙපාර්තමේන්තුවේ ප්රධාන කාර්යාලීය සුභසාධක සංගමය විසින් සංවිධානය කරනු ලබන, දේශීය වෛද්ය ක්රම පිළිබඳ ජාත්යන්තර සම්මන්ත්රණය, අධ්යාපනික සහ වෙෙළඳ ප්රදර්ශනය - AyurEx Colombo 2023 සමුළුව 2023 සැප්තැම්බර් මස 08, 09 සහ 10 යන දිනවල කොළඹ, බණ්ඩාරනායක අනුස්මරණ ජාත්යන්තර සම්මන්ත්රණ ශාලා පරිශ්රයේ (BMICH) දී පැවැත් වේ. මෙහි දී දේශීය වෛද්ය ක්රම පිළිබඳ නවීනතම පර්යේෂණ එළිදැක්වීම, නව නිපැයුම් එළිදැක්වීම සහ ඒ පිළිබඳ විශේෂඥතාව ලබා ගැනීමට හැකිවීම, දැනුම සහ කුසලතා බෙදාගැනීම සඳහා ගෝලීය වේදිකාවක් සපයන අතර මෙම AyurEx Colombo 2023 සමුළුව, අපගේ දේශය සතු දේශීය වෛද්ය ක්රමවල උරුමයන් නඟාසිටුවීමට අගනා අවස්ථාවක් ලබා දෙනු ඇත.
දේශීය වෛද්ය ක්රම පිළිබඳ කැප වූ ලොව පුරා සිටින පාර්ශ්වකරුවන්, ප්රවීණයන් සහ වෘත්තිකයන් සඳහා අද්විතීය වේදිකාවක් නිර්මාණය කර දේශීය වෛද්ය ක්රමවල පවතින අති විශාල වූ විභවයන් හඳුනා ගැනීම, සහයෝගයෙන් කටයුතු කිරීම සහ ගවේෂණය කිරීමට අවශ්ය පහසුකම් සපයන මෙම AyurEx Colombo 2023, දේශීය වෛද්ය ක්රම සඳහා වූ වඩාත් ප්රමුඛතම සහ පුළුල් වපසරියක් සහිත සමුළුවක් වනු ඇත.
මෙම සමුළුවේ සමාරම්භක උත්සවය 2023 ක් වූ සැප්තැම්බර් මස 08 වන දින පෙරවරු 10.00 ට දේශීය වෛද්ය රාජ්ය අමාත්ය ගරු නීතීඥ සිසිර ජයකොඩි මැතිතුමාගේ ආරාධනයෙන් සෞඛ්ය අමාත්ය ගරු ආචාර්ය කෙහෙළිය රඹුක්වැල්ල මැතිතුමාගේ උපදේශකත්වයෙන් හා ශ්රී ලංකා ප්රජාතාන්ත්රික සමාජවාදී ජනරජයේ අග්රාමාත්ය ගරු දිනේෂ් ගුණවර්ධන මැතිතුමාගේ සහභාගීත්වයෙන් ශ්රී ලංකා ප්රජාතාන්ත්රික සමාජවාදී ජනරජයේ අතිගරු ජනාධිපති රනිල් වික්රමසිංහ මැතිතුමාගේ ප්රධානත්වයෙන්, බණ්ඩාරනායක අනුස්මරණ ජාත්යන්තර සම්මන්ත්රණ ශාලා පරිශ්රයේ සිරිමාවෝ බණ්ඩාරනායක අනුස්මරණ ප්රදර්ශන මධ්යස්ථානයේ දී පැවැත්වීමට කටයුතු සූදානම් කර ඇත.
මෙම ජාත්යන්තර සමුළුවෙහි ඉලක්ක.
ඒකාබද්ධ ප්රවේශයකට සහ පුද්ගලානුරෝපිත වෛද්ය ක්රමවලට මඟ පෙන්වන සාක්ෂි මත පදනම් වූ පර්යේෂණවල අවශ්යතාවය ප්රවර්ධනය කිරීම සහ බහුවිධ පර්යේෂණ සහයෝගිතා සහ රජයේ අරමුදල් භාවිතයකින් තොරව සිදු කරන ව්යාපෘතියක් ලෙස ක්රියාත්මක කිරීම සඳහා වේදිකාවක් නිර්මාණය කිරීම.
අන්තර්ජාතික වශයෙන් ශාස්ත්රීය හා තාක්ෂණික වටිනාකම් සහිත ගුණාත්මක පර්යේෂණ ව්යාපෘති හඳුන්වා දීම සහ ලෝකයේ ප්රමුඛතම විද්යාත්මක හා තාක්ෂණික මට්ටම් කරා ළඟා වීමට ශ්රී ලංකාවට උපකාර කිරීම සඳහා ජාත්යන්තර විද්යාඥයන් සහ තාක්ෂණවේදීන්ගේ ආකර්ෂණය දිනාගැනීම.
ජාත්යන්තර විශ්වවිද්යාලවල උසස් අධ්යාපන / ශිෂ්යත්ව අවස්ථා නිර්මාණය කිරීම සහ පශ්චාත් උපාධි අධ්යයන සහ තාක්ෂණ හුවමාරුව සඳහා ප්රමුඛ ජාත්යන්තර සහයෝගිතා ඇති කිරීම.
දේශීය වෛද්ය ක්රම පිළිබඳ නව නිපැයුම් සඳහා ජාත්යන්තර වෙළෙඳ පොළ අවකාශ විවර කරදීම.
ජාත්යන්තර සම්මන්ත්රණය සඳහා ලොව කීර්තිමත් කථිකයන් 10 දෙනෙකුට අධික සංඛ්යාවක් සහභාගී වන අතර ජාත්යන්තර ප්රවීණයන් විසින් දේශන සැසි 15 කට වඩා පවත්වනු ඇත. 'එක් සෞඛ්ය ප්රවේශයක් සඳහා දේශීය වෛද්ය ක්රම විවර කරවීම' යන ප්රධාන තේමාව සහ අදාළ විශේෂිත තේමා ගණනාවක් යටතේ දේශීය හා අනුපූරක වෛද්ය ක්රම පිළිබඳ පුළුල් විෂය පථයක් සම්මන්ත්රණය මඟින් ආවරණය කෙරේ.
මීට සමගාමීව, කොළඹ විශ්වවිද්යාලයේ දේශීය වෛද්ය පීඨය විසින් සංවිධානය කරන ලද පූර්ව සම්මන්ත්රණ වැඩමුළුව 2023 අගෝස්තු මස 2 වන සතියෙහි පවත්වන ලදී.
AyurEx Colombo 2023 සම්මන්ත්රණයට සමගාමීව අධ්යාපනික ප්රදර්ශනයක් සහ වෙෙළඳ ප්රදර්ශනයක් පැවැත්වෙන අතර, ඒ සඳහා ප්රදර්ශකයින් 120 කට අධික සංඛ්යාවක් සහභාගී වීමට නියමිතය.
මෙම අධ්යාපනික සහ වෙළෙඳ ප්රදර්ශනයට සහභාගි වීමෙන්, ප්රදර්ශකයන් සහ මහජනතාවට උදාවන අවස්ථා ලෙස,
නවෝත්පාදන ප්රදර්ශනය මගින්, දේශීය වෛද්ය ක්ෂේත්රයේ නව සොයාගැනීම්, නිෂ්පාදන සහ සේවාවන් ප්රදර්ශනය කිරීමට දේශීය සමාගම්වලට හා සංවිධානවලට අනර්ඝ අවස්ථාවක් ලබා දෙනු ඇත. එය අතිවිශාල සහ විවිධත්වයෙන් යුතු ප්රේක්ෂක පිරිසක් වෙත ළඟා වෙමින් දේශීය විශේෂඥතාව සහ නවෝත්පාදනය ප්රදර්ශනය කිරීමට ඉතා යෝග්ය වේදිකාවක් සපයනු ඇත.
ගෝලීය සන්නාම නිරාවරණය කිරීම සඳහා අනුග්රාහකයෙකු සහ ප්රදර්ශකයෙකු ලෙස සහභාගී වීමෙන්, දේශීය සන්නාමයන් ඉහළ ඉලක්කගත ජාත්යන්තර ප්රේක්ෂක ප්රජාව වෙත පුළුල් නිරාවරණයක් ලබා දීමේ හැකියාව ඇත. AyurEx Colombo 2023 මාධ්ය ප්රචාරණය මඟින්, කර්මාන්තකරුවන්ගේ සහ සාමාන්ය ජනතාවගේ අවධානය යොමු කර, දේශීය සන්නාම පිළිබඳ ප්රචාරණය නව තලයකට ගෙන යාමට බලාපොරොත්තු වේ.
දකුණු ආසියාවේ නැඟී එන වෙළෙඳපොළ අවස්ථා වෙත ප්රවේශ වීම සඳහා මෙම අවස්ථාවට සහභාගී වීමෙන්, දේශීය සමාගම්වලට සහ සංවිධානයන්ට නව දොරටුවක් විවර වනු ඇත. ඉහළ සංස්කෘතික උරුමයකට හිමිකම් කියනු ලබන අප රටෙහි දේශීය වෛද්ය ක්රම කෙරෙහි වැඩි උනන්දුවක් දක්වන ව්යවසායකයන්ට තරඟකාරී වෙෙළඳපල වෙත පිවිසිය හැකි, අනාගත සංවර්ධනය සහ ප්රවර්ධනය සඳහා ශක්තිමත් අඩිතාලමක් සපයනු ඇත.
AyurEx Colombo 2023 සමුළුවේ දී දේශීය වෛද්ය ක්රමවලට අදාළ අවස්ථා සහ නිෂ්පාදන සොයන පුද්ගලයන් සහ නියෝජිතයින් ඔබව ආකර්ෂණය කර ගනු ඇත. ඔබේ නිෂ්පාදන ප්රදර්ශනය කිරීමෙන්, ඔබේ සමාගමට / සංවිධානයට මෙම අවස්ථා ප්රයෝජනයට ගත හැකි අතර, එහි ප්රතිඵලයක් ලෙස විකුණුම් සහ ශක්තිමත් හවුල්කාරිත්වයන් වැඩි කර ගත හැකිය.
එසේම වෙළඳ ප්රදර්ශනය භූමිය තුළ දී,
01. ශාකසාර ආශ්රිත කර්මාන්තයේ නියැලෙන ව්යාපාරික ප්රජාව අතර (B2B) උපාය මාර්ග පිළිබඳ අදහස් හුවමාරු කර ගැනීම සඳහා
02. ශාකසාර ආශ්රිත කර්මාන්තයේ නියැලෙන ව්යාපාරික ප්රජාව සහ විද්වතුන් අතර (B2A) නවෝත්පාදන පිළිබඳ අදහස් හුවමාරු කර ගැනීම සහ නව ව්යාපාර සංවර්ධනය කිරීමේ හැකියාව සොයා බැලීම සඳහා වන රැස්වීම් පැවැත්වීම සඳහා
03. එමෙන් ම ඔසු ආශ්රිත කර්මාන්තයේ නව නිෂ්පාදන සංවර්ධනය පිළිබඳ අදහස් ඇති නවෝත්පාදකයින්ට ගෝලීය වශයෙන් ව්යාපාරික ලෝකය හමුවීමට සහ ඔවුන්ගේ අදහස් අලෙවි කිරීම සඳහා අවස්ථාවන් සපයා ඇත.
මෙම පසුබිම තුළ, විද්යාව හා තාක්ෂණය සම්බන්ධ ක්ෂේත්රවල සිටින සියලුම විද්වතුන්ට සහභාගී වී පර්යේෂණ පත්රිකා ඉදිරිපත් කරන ලෙස විවෘත ආරාධනයක් කර ඇත. තවද, මෙම වෙළඳ ප්රදර්ශනය ශ්රී ලංකාවේ සියලුම දේශීය වෛද්ය වෘත්තිකයන්ට සහ ව්යවසායකයින්ට ඔවුන්ගේ නිෂ්පාදන අලෙවි කිරීම සඳහා විවෘත ව පවතී.
AyurEx Colombo 2023 සඳහා ඔබේ සමාගමේ / සංවිධානයේ සහභාගීත්වය මෙම අවස්ථාව සාර්ථක කිරීමට පමණක් නොව, අන්තර්ජාතික ලෙස පාරම්පරික වෛද්ය ක්රමයේ ප්රගතියට සැලකිය යුතු දායකත්වයක් සපයනු ඇතැයි අපි විශ්වාස කරමු. එමෙන්ම මෙම මහඟු අවස්ථාව සඳහා සහභාගී වී දේශීය වෛද්ය ක්රම වල විශිෂ්ඨත්වය අත්විදීමට සමස්ථ මහජනතාව වෙත ගෞරවයෙන් ආරාධනා කර සිටිමු.
කරුණාකර වැඩි විස්තර සඳහා පිවිසෙන්න: http://www.ayurex.lk
ආචාර්ය එම්.ඩී.ජේ. අබේගුණවර්ධන,
AyurEx ව්යාපෘති අධ්යක්ෂ,
ආයුර්වේද කොමසාරිස්,
ආයුර්වේද දෙපාර්තමේන්තුව.
උපුල් සම්පත් කුමාර,
ගරු සභාපති,
ප්රධාන කාර්යාලීය සුබසාධක සංගමය,
ආයුර්වේද දෙපාර්තමේන්තුව.
2023.09.03
🌿 ශ්රී ලාංකීය දේශීය වෛද්ය ක්රමයන්ගේ අපූර්වත්වයේ ජාත්යන්තර එළි දැක්ම! 🌿
AyurEx Colombo 2023: දේශීය වෛද්ය ක්රම පිලිබඳ ජාත්යන්තර සම්මන්ත්රණය, අධ්යාපනික සහ වෙළඳ ප්රදර්ශනය
පුරාණ පිළියම්, පරිපූර්ණ සුවතාවය සහ ස්වාභාවික ප්රතිකාර සොයා ගන්න. 2023 සැප්තැම්බර් 08 සිට 10 දක්වා කොළඹ BMICH හිදී මෙම පරිවර්තනීය අත්දැකීම අතපසු නොකරන්න.
ප්රදර්ශන කුටි සදහා අමතන්න +94770038000
වැඩි විස්තර සඳහා www.ayurex.lk වෙත පිවිසෙන්න.
පළමු ලෝක සෞඛ්ය සංවිධානයේ සාම්ප්රදායික වෛද්ය ගෝලීය සමුළුව 2023
முதல் WHO பாரம்பரிய மருத்துவம் உலகளாவிய உச்சிமாநாடு 2023
The First WHO Traditional Medicine Global Summit 2023
The First WHO Traditional Medicine Global Summit The First WHO Traditional Medicine Global Summit will take place on 17 and 18 August 2023 in Gandhinagar, Gujarat, India. It will be held alongside the G20 health ministerial meeting, to mobilize political commitment and evidence-based action on traditional medicine, which is a first port of call ...
ආයුර්වේද දෙපාර්තමේන්තුවට අයත් රෝහල් සහ ඔසු උයන්වල සේවා සඳහා බහුකාර්යය සංවර්ධන සහායකයින් 43න් දෙනෙකු ආයුර්වේද සේවා සහායක තනතුර සඳහා පසුගිය 2023.08.03 වන දින බඳවා ගැනීමට අදාල පත්වීම් ප්රදානය දෙවන අදියර යටතේ සිදුකරන ලදි.
මෙම පත්වීම් ප්රදානය නාවින්න දේශිය වෛදක්රම පිළිබඳ ජාතික පුහුණු ආයතන පරිශ්රයේදී දේශීය වෛද්ය රාජ්ය ඇමති සිසිර ජයකොඩි මැතිතුමන්ගේ ප්රධානත්වයෙන් පැවැත්වන ලදි.
ආයුර්වේද පනත පිළිබඳ මාධ්ය දැනුවත් කිරීම
ආයුර්වේද පනත පිළිබඳ සාවද්ය පුවත් වලට ප්රතිචාර!
කයිතඩි සිද්ධ ශීක්ෂණ රෝහලේ ස්වර්ණ ජයන්ති සැමරුම
1973 - 2023
කයිතඩි සිද්ධ ශීක්ෂණ රෝහල නමින් 50 වසරක් පුරාවට නොයෙකුත් බාධක මධ්යයේ තම වගකීම මැනවින් තේරුම් ගෙන, සුවහසක් ජනතාව වෙත අඛණ්ඩව සිදු කරන ලද සේවය 2023.06.29 වන දින ගෞරවයෙන් සමරන ලදී.
වෙදැදුරු අභිමන්
සුවහසක් ජීවිත වලට ජීවය ලබාදෙන නූතන ජීවක පරපුරේ පාරම්පරික හා ආයුර්වේද වෙදැදුරන් වෙත පිදෙන "වෙදැදුරු අභිමන්" ජනාධිපති වෛද්ය සූරී සම්මාන ප්රණාම උළෙල ගරු අග්රාමාත්ය දිනේෂ් ගුණවර්ධන මැතිතුමන් ප්රමුඛ මැති ඇමතිතුමන්ලාගේ ප්රධානත්වයෙන් කොළඹ බණ්ඩාරනායක අනුස්මරණ ජාත්යන්තර සම්මන්ත්රණ ශාලාවේදී ඊයේ (20) දින පැවැත්විණ.
ජාතික පුවත්පත්වල තෛභාෂා දැන්වීමකින් අයදුම්පත් කැඳවීමෙන් අනතුරුව, විද්වත් මණ්ඩලයක් මගින්, සම්මුඛ පරීක්ෂණයක් පවත්වා ඉන් අනතුරුව ස්ථානීය නිරීක්ෂණයන් මගින් සුදුසුකම්ලත් පාරම්පරික, වෛද්යවරුන් 62 දෙනෙකුට සහ ආයුර්වේද, සිද්ධ, යුනානි වෛද්යවරුන් 62 දෙනෙකුට ජනාධිපති සම්මාන ප්රදානය කිරීම සිදු විය. මෙහි විශේෂත්වය නම් ශ්රී ලංකාවේ ප්රථම වතාවට දේශීය වෛද්යවරුන් සඳහා ජනාධිපති සම්මාන පිරිනැමීමයි.
තවද මෙහි දී පාරම්පරික සහ ආයුර්වේද වෛද්යවරුන් දොළොස් දෙනෙකු බැගින් වෛද්යවරුන් 24 දෙනෙකු සඳහාද විශේෂ ගෞරව සම්මාන, සහතික පත්ර හා තිළිණ ප්රදානය කිරීමක්ද සිදු කෙරිණ.
මෙම අවස්ථාවට වරාය, නාවික හා ගුවන් සේවා අමාත්ය ගරු නිමල් සිරිපාල ද සිල්වා, කථානායක ගරු මහින්ද යාපා අබේවර්ධන, සෞඛ්ය අමාත්ය ගරු කෙහෙළිය රඹුක්වැල්ල, යෞවන කටයුතු හා ක්රීඩා රාජ්ය අමාත්ය ගරු රෝහණ දිසානායක යන මැති ඇමතිතුමන්ලා ප්රමුඛ රාජ්ය නිලධාරීන්, පාරම්පරික, ආයුර්වේද, සිද්ධ, යුනානි, හෝමියෝපති යන ක්ෂේත්ර නියෝජනය කරමින් වෛද්යවරුන් විශාල පිරිසක් සහභාගී වී සිටියහ.
වෛද්ය ම. හේ. නිමල් කරුණාසිරි මැතිතුමන්
දිවි සැරියෙන් සමු ගනී.
වෙදැදුරු අභිමන් 2021
වෙදැදුරු අභිමන් 2021
සුවහසක් ජීවිත වලට ජීවය ලබාදෙන නූතන ජීවක පරපුරේ පාරම්පරික හා ආයුර්වේද වෙදැදුරන් වෙත පිදෙන, උත්තම ප්රණාම ජනාධිපති සම්මාන 2021.
2023 ජුනි මස 20 වැනිදා බන්ණ්ඩාරනායක අනුස්මරණ ජාත්යන්තර සම්මන්ත්රණ ශාලාවේ දී පැවැත්වේ.
සමාදර අනුග්රහය
ෆැඩ්නා සහ ලීවර් ආයුෂ්
සංවිධානය,
ආයුර්වේද දෙපාර්තමේන්තුව.
නවක ආයුර්වේද වෛද්ය නිලධාරීන් බඳවාගැනීම.
ආයූර්වේද දෙපාර්තමේන්තුවට අයත් රෝහල් සහ ආයතන සඳහා ආයූර්වේද වෛද්ය හා ශල්ය වෛද්යවේ දී උපාධිධාරීන්, සහ සිද්ධ වෛද්ය හා ශල්ය වෛද්යවේදී උපාධිධාරීන් 60 දෙනෙකුට නාවින්න දේශීය වෛද්ය ක්රම පිළිබඳ ජාතික ආයතනයේ දී , නිල පත්වීම් ප්රදානය 2023.06.01 දින පෙරවරුවේ දී සිදු කරන ලදි..
ඒ සමගම ආයූර්වේද දෙපාර්තමේන්තුවෙහි දීර්ඝ කාලයක් තුල සේවයේ යෙදුණ සහායක කාර්ය මණ්ඩලයේ සාමාජිකයන් 15 දෙනෙකුට ද සිය උසස්වීම් සදහා අදාළ පත්වීම් ප්රදානය ද එහි දී සිදු කරන ලදී.
ඒ සඳහා සෞඛ්ය අමාත්යාංශයේ දේශීය වෛද්ය අංශයේ අතිරේක ලේකම්, ආයූර්වේද කොමසාරිස්, ඇතුළු නිළධාරින් පිරිසක් සහභාගි විය.
ශ්රී ලංකාවාසී, ලෝකවාසී සියලු ජනතාවට සාමය සතුට සෞභාග්ය සපිරි සුබ නව වසරක් වේවා !
වංචනිකයන්ට හසු නොවන්න !
මහජනතාව වෙත කෙරෙන කාරුණික නිවේදනයයි.
මහරගම පිළිකා රෝහලට ආධාර පිනිස යැයි පවසමින් නාවින්න බණ්ඩාරනායක අනුස්මරණ ආයුර්වේද පර්යේෂණායතනයේ හා එහි ජිවඅනුක එකකයේ නාමය අවභාවිතා කරම්න් බස්රථවල පෑනක් රැපියල් අසුවකට අලෙවි කිරීම සිදුකරන බවට වාර්තා වී ඇත.
මෙය අප ආයතනයේ අනු දැනුමකින් තොරව සිදුකරන වංචනික ක්රියාවක් බව කාරුණිකව දන්වමි.
අධ්යක්ෂ,
බණ්ඩාරනායක අනුස්මරණ ආයුර්වේද පර්යේෂණායතනය,
නාවින්න,
මහරගම.
2023.04.13
Click here to claim your Sponsored Listing.
Videos (show all)
Category
Contact the practice
Telephone
Website
Address
Maharagama
10280
127, Tempal Road
Maharagama, 10280
අපගේ නිෂ්පාදන 100% ස්වභාවික දේශීය ශාක කොටස් වලින් අප නිෂ්පාදනය කරනුලබයි
416 Nawinna
Maharagama, 10280
Dr peshala kariyawasam MS (Ay) Ayurveda Surgery(India ) ,PhD -Ayurveda Surgery (India ) Lecturer -Institute of Indigenous Medicine ,University of Colombo Ayurveda Surgery clinic Na...
Maharagama, 10280
natural healthy food supplement Apexaura had its beginning in the year 2014 in Sri Lanka
No 39 , Nagahawaththa Road
Maharagama, 10280
ImmunifyMe is a tech-first healthcare platform with products like Immunity Passport, ImmunifyMe Pare
RWVJ+W52, Avissawella Road
Maharagama, 10280
The Health & Investment Planner is always ready for secure your health and investment money for your future.