Service mobile

رسميا 🔴🔴:غياب ماني عن كأس العالم

مباريات ودية هذا الأسبوع ❤‍🔥

خبر عاجل 🔴

السلام عليكم، بغيتي تعلم اللغة الإنجليزية؟ تبعني و غادي نشرح لك كلشي لي غادي تحتاج فهاد المنشور.. قراه حتا اللخر باش تستافد من واحد النصيحة جد مهمة لجميع الناس، و بارطاجي المنشور مع اصدقائك و اقاربك باش كلشي يستافد.
---

باش تتعلم اللغة الإنجليزية، خاصك تركز على 4 حويج لي أساسيين لي هوما :
1️⃣ القراءة Reading : يعني تكون قادر أنك تقرا أي حاجة مكتوبة و تفهمها بدون إشكال
2️⃣ الاستماع Listening : يعني خاص تكون قادر أنك تفهم دكشي لي كتسمع بالإنجليزية، إيلا هضر معاك شخص أمريكي خاص تكون قادر تفهمو
3⃣ التكلم Speaking : يعني تكون قادر أنه تهضر بالإنجليزية بطريقة لي الشخص الآخر يفهمك أش كتقول و متوحلش فالهضرة بحال كيفما كتهضر بالدارجة
4⃣ الكتابة Writing : يعني تكون قادر أنك تكتب بالإنجليزية بدون أي إشكال
مللي كتدوز امتحان ديال TOEFL أو IELTS، راه كيديرو ليك اختبار على هاد 4 حويج 👆 راه ميمكنش تمشي تقرا برا و إيلا دوا معاك الأستاذ متفهموش أش كيقول ولا مثلا تبغي تمشي غير للحانوت تشري شي حاجة و متعرفش تقول حتا كلمة بالإنجليزية، كيديرو لك اختبار باش تعرف راسك واش تقدر تتواصل مع الناس فالخارج بشكل سليم و بدون إشكال بحال كيفما كتهضر مع الناس بالدارجة.
و دابا كل عنصر أنقول ليك كيفاش تعلم ليه
✅ باش تعلم للقراءة Reading, خاص ضروري تعمر الرصيد ديالك فالكلمات Vocabulary, إيلا كنتي يالاه مبتدئ فالانجليزية بدا غير بالقصص ديال الأطفال الصغار لي تقدر تلقاهم فهاد الموقع :
https://www.englishclub.com/kids/stories/
و بلا ماتدير فيها بطل و تقول راني منحتاجش لهدشي، مكينش لي تزاد كيعرف الإنجليزية، خاصك ضروري تعلم تديرجيا، ميمكنش تبني الإيطاج الثاني و نتا الساس ديال دارك باقي ممقادش. يعني قرا غير قصص ديال الأطفال و قيد فشي دفتر دوك الكلمات الجداد لي تعلمتيها و فدك السيت كينين أسئلة متعلقك بدك النص لي خاص تجاوب عليهم.
كين أيضا تطبيقات زوينين للمبتدئين فاللغة بحال تطبيق Drops، أنحط الموقع ديالو فبلاي سطور :
https://play.google.com/store/apps/details?id=com.languagedrops.drops.learn.learning.speak.language.english.american.us.usa.words
مللي تلقا راسك بديتي تعلم بزاف ديال الكلمات، زيد تطبيق Memrise حتا هو تعلم منو:

https://play.google.com/store/apps/details?id=com.memrise.android.memrisecompanion

و بقا غادي بشوية بشوية ماشي تزرب و تحاول تحفظ 20 كلمة فالنهار مغادي تعقل على حتا شي حاجة فاللخر، بدا غير ب 5 كلمات كل يوم و ديرهم فجمل و نطقهم بصوت مرتفع باش يبقاو فدماغك و معمرك تنسا عليهم، بقا طالع بشوية بشوية حتا توصل..
مللي أتلقا راسك عندك رصيد معرفي كبير فالكلمات، تقدر تقرا كتب بالإنجليزية، بدا غير بشي روايات أو كتب فيهم 100 صفحة ماكسيموم، و أي كلمة مافهمتيهاش سطر عليها و قلب عليها شنو كتعني و عاود قرا دك المقطع باش تبقا فدماغك.
من بعد وللي تخدم بتطبيقات جداد بحال هادو 👇
تطبيق Duolingo :
https://play.google.com/store/apps/details?id=com.duolingo
تطبيق Busuu :
https://play.google.com/store/apps/details?id=com.busuu.android.enc
تطبيق Hello English :
https://play.google.com/store/apps/details?id=com.CultureAlley.japanese.english
تطبيق Bright :
https://play.google.com/store/apps/details?id=com.engbright
تطبيق BBC Learning english :
https://play.google.com/store/apps/details?id=uk.co.bbc.learningenglish
و من بعد ولي تقرا روايات للكبار و تعلم فقنوات يوتوب بحال هاد القنوات لي أنعطيك :
-Learn english with misterduncan :
https://www.youtube.com/user/duncaninchina/featured
-FluentU English :
https://www.youtube.com/user/FluentUEnglish
-EnglishClass101 :
https://www.youtube.com/user/ENGLISHCLASS101
-Real English :
https://www.youtube.com/user/realenglish1/featured
- BBC learning English :
https://www.youtube.com/user/bbclearningenglish/featured
- British Council :
https://www.youtube.com/user/BritishCouncilLEKids
- Business English Pod :
https://www.youtube.com/user/bizpod/featured
- VOA Learning english :
https://www.youtube.com/user/VOALearningEnglish /a
-Jennifer ESL :
https://www.youtube.com/user/JenniferESL
- Britlish :
https://www.youtube.com/user/Linguaspectrum
- EF podEnglish :
https://www.youtube.com/user/podEnglish
- Learn American English :
https://www.youtube.com/user/learnenglish232?feature=watch
كين واحد التطبيق ديال vocabulary و لكن للمستوى المتوسط و العالي، كيكون فيهم فقط الكلمات لي مكنستعملوهمش يوميا، هاد التطبيق سميتو WordUp Vocabulary :
https://play.google.com/store/apps/details?id=co.wordupapp.app

✅ باش تتعلم للإستماع Listening, خاص يكون عندك أساس تطبيق Castbox:

https://play.google.com/store/apps/details?id=fm.castbox.audiobook.radio.podcast

هاد تطبيق بحال يوتوب و لكن فقط للاستماع مافيهش فيديوهات، كتطلق شي بودكاست فأي مجال بغيتي و كتبقا تسمع ليه، عزل أي مجال بغيتي و قلب على اي قناة بغيتي
ايلا كنتي مبتدئ فاللغة قلب غير على قصص الأطفال فشي بودكاست فيه غير شي 5 دقايق بقا تعاودو و تعاودو حتا تولي تفهم كاع دكشي لي فيه و دوز لشي بودكاست آخر، و بقا غادي خطوة خطوة بلا ماتحرق المراحل، اللهم تسمع لدقي وحدة يوميا و تقدر تفهم دكشي ولا تمشي تسمع ل 20 دقيقة و فاللخر مافاهم والو و ضيعتي وقتك كامل و مافهمتي حتا شي حاجة
هاد السيت فيه لائحة ديال قنوات سمعية ديال الأطفال:

https://blog.castbox.fm/best-kids-podcasts-e57dd277dfa2
عزل لي بغيتي و سمع..
و مللي تتطور فالاستماع ولي تفرج فالفيديوهات فيوتوب بالإنجليزية فأي مجال، تفرج فالأخبار بالإنجليزية، حاول كاع دكشي لي كتسمع ليه تولي تسمعو بالإنجليزية، حيت خاص الأذن ديالك تولف على اللغة الإنجليزية

✅ باش تتعلم للتكلم Speaking راه باينة و واضحة، خاصك تحرك دك اللسان لي عندك يوميا و بدون انقطاع، تولي عندك الإنجليزية فاللسان ديالك وخا تكون حتا غير كتغني بوحدك باللونجلي راه اتنفعك، كين واحد التطبيق لي كتلاقا بيه بناس من الخارج سميتو Hellotalk:
https://play.google.com/store/apps/details?id=com.hellotalk
دير فيه شي كونط بشي تصويرة أنيقة و بدا تتواصل مع الناس و استعمل أوديو بزاف، هاد التطبيق فيه خاصية التصحيح يعني إيلا كتبتي أو قلتي شي حاجة خاطئة الطرف الآخر كيصححها لك، و فنفس الوقت كتشرح للناس الآخرين شي لغة عارفها نتا.
إيلا كنتي كتحضر للمحاضرات بالإنجليزية ولي تشارك فيهم و تهضر و تقول الآراء ديالك، متقولش ليا كنحشم، اندفع إلى الأمام و هضر حيت معمرك تعلم ايلا مابديتيش
نتا كاع ديرها ساهلة، دخل لشي كروب ديال المغاربة فين كيناقشو الكتب، و ديرو محادثة فيديو بسكايب ولا ميسنجر و ناقشو على شي كتاب أو شي موضوع باللغة الإنجليزية.

✅ باش تتعلم للكتابة Writing خاصك تعلم بعدا ل grammar و tenses (الصرف و التحويل):

https://english.lingolia.com/fr/

هاد الموقع وااااعر بزاف فيه كل قواعد Grammar و الصرف و التحويل بأمثلة و حتا بتمارين باش تطبق دكشي لي تعلمتيه و زيد عليه حتا دوك القنوات يوتوب لي ذكرتهم الفوق كاع.. و كاين أيضا بعض الكتب لي يقدرو يعاونوك فهدشي مزيان:
- The advanced grammar book :
http://libgen.rs/book/index.php?md5=AFE97A2784FC8B36C547C81ED01A5908
- Advanced Learner's Grammar :
http://libgen.rs/book/index.php?md5=C834D28E0A2E6363F928C2A6221AC027
- Understanding and Using English Grammar :
http://libgen.rs/book/index.php?md5=A6A4A9331E7FBFA198AD4D3A2FE69E30
بدا تكتب غير جمل عادية بدكشي لس تعلمتيه، و من بعد وللي تكتب فقرات صغار، و من بعد نصوص و بقا غادي تطور فالكتابة ديالك و شوف ليك شي صديق لي يصحح لك دكشي لي كتبتي، ماشي عيب حيت راك كاتتعلم.

✅ نصيحة أخيرة جد مهمة لكاع الناس : بدا تعلم، ماتبقاش تسنا الآخرين لي يعطيوك راس الخيط، نتا لي قلب على المعلومة، متبقاش غير تسنا حيت معمرك أتوصل ايلا بقيتي تسنا، استعمل كاع دكشي لي كين الفوق 👆 و زيد نتا قلب على راسك، قلب فيوتوب، قلب فغوغل، دير شي حاجة، وحلتي فشي درس قلب عليه فالانترنيت و الكتب و تعلم ليه و دير تمارين يومية، وللي تعيش بالإنجليزية، تفرج فالافلام بالإنجليزية، تقيد فدورات مجانية ف Udemy باش تزيد تعلم الانجليزية، متبقاش ا جالس مكتدير والو والله حتا هادي كتتعتابر جريمة ضد عقلك حيت كتخليه يتخمر و مكتدير حتا شي حاجة، قلب و بحث و تعلم، و زيد قلب على تطبيقات أخرى، و زيد قلب على قنوات يوتوب أخرى، و بقا غادي بشوية بشوية بشوية بخطوة بخطوة ماشي تزرب حيت فاللخر اتلقا راسك مافاهم والو، نوض الحرب ضد العلم و المعرفة، و قرا مزيان.

منقول للإفادة.