NBA Morocco

الموسم العشرين
LeLongevity 👑

THE NEW SEASON IS HERE!!
و أخيرا و ليس أخيرا عودة المتعة و موسم جديد من الدوري الأمريكي للمحترفين لكرة السلة
الافتتاح غادي يكون بين السيلتيك و فيلاديفيا سسكسيرز و موراهم غادي نكونوا مع الحدث الواريورز و الليكرز (ستيف كوري x ليبرون جيمس) المباراة غادي تشهد اعطاء خواتم البطولة للأبطال الواريورز
مشاهدة ممتعة ✌

فريق الوارييورز كايوقف اللاعب درايمون جرين من التدريبات حينتاش ضرب زميله في الفريق جوردان بول
و من المتوقع عدم المشاركة معه في المباريات التحضيرية

بعد 40 دقيقة من الان غادي نكونوا مع حدث تاريخي و هو أول مباراة NBA غادي تلعب في بلد عربي ابو ظبي بالضبط غادي تجمع بين ميلواكي باكس بقيادة يانيس ضد اتلانتا هاوكس بقيادة تراي يونغ
ماضيعوش على راسكم هاد الماطش غادي يكون ممتع و بجهدد
القناة الناقلة: Bein sport 6

نتائج المباريات الأخيرة
كيف العادة واخا ماطش تحضيري فراه الليكرز باقي كايخسروا من ذاك العام

ماطشات الليلة و التوقيت مشاهدة ممتعة ✌

نتائج المباريات

مباريات الليلة ( مباريات البري سيزون)

السلام عليكم
رجعنا لكم ببوسط جديد في فقرة
فريق اليوم غادي يكون فريق نيويورك نيكس
تأسس الفريق عام 1946 في مدينة نيويورك كاينتمي للقسم الشرقي بالضبط مجموعة الأطلسي
صاحب الألوان الزرقاء و البرتقالي كايستقبل الخصوم ديالو في صالة ميدان ماديسون كاردن
الفريق سبق و أن فاز بلقبي الدوري سنة 1970 و 1973
أهم الإنجازات ديالو انه قدر يفوز بلقب القسم 8 مرات و لقب المجموعة 4 مرات
كايتعتابر انتوني كارميلو و الملقب بميلو أفضل لاعب في تاريخ الفريق بحيث أنه سجل كثر من 14 الف نقطة و حصل على أكثر من 1900 أسيست
و في السنوات الاخيرة الفريق كايعاني بزاف بسبب الادارة الغب/ية ديالهم لي كاتفرط في المواهب في مرحلة الدرافت
كنتو معنا في فقرة 30 يوم 30 فريق كيف العادة الصور اتلقاوها لتحت ⬇️⬇️

عيد ميلاد سعيد لواحد من أفضل لاعبي السلة في التاريخ و أكثرهم موهبة
كيفن دورانت كايكمل اليوم 34 سنة
1 مرة أفضل لاعب في الدوري
2 مرات أفضل لاعب في نهائي الدوري
2 مرات فاز بالدوري

عدنا لكم من جديد مع فريق جديد من فقرة و الفريق ديال اليوم هو .
الفريق الأصغر في NBA
+ نيو أورلينز بيليكانز تأسس سنة 2002 مقره هو مدينة نيو أورلينز
+ يتنافس في ضمن مجموعة الجنوب الغربي.
+الوان الفريق:🧡❤️💙
+ملعبهم هو smoothe king
+ الفريق لعب 21 مرة فnba
+قدر يوصل للplayoffs فسبع مناسبات
+الانجاز الوحيد لقدر يحقق الفريق هو تصدر مجموعة ديالو فمناسبة واحدة
+بالنسبة لنجوم الفريق فراه كاين David west و Anthony David هداف الفريق و صاحب أعلى بلوك و ريبوند
و Chris Paul صاحب أعلى معدل تاع اسيست ففريق
هدا كان بوسط تاع ليوم من فقرة نتشاوفو غدا عاوتاني مع فريق جديد ✨

عدنا لكم من جديد مع فريق جديد من فقرة و الفريق ديال اليوم هو .
+مافريكس تأسس سنة 1980 مقره هو دالاس
+ يتنافس في ضمن مجموعة الجنوب الغربي.
+الوان الفريق: 🤍💙🖤🟦
+فالخزينة تاع نادي لقب وحيد و هو لي نتازعو أمام مايامي هيث سنة 2011 بقيادة أسطورة الفريق الألماني (dirk_nowitzki #) .
+ملعبهم هو مركز الخطوط الجوية الأمريكي(American Airlines Center )
+أبرز إنجازاته:
+ لقب القسم : 2006-2011
+لقب المجموعه: 2010-2007-1987
+ مانساوش النجم الحالي للمافريكس لي نضم لصفوف ديالهم سنة 2018 قادم من نادي ريال مدريد وهو الغني عن التعريف . السلوفيني.
كنتو معانا في فقرة 30 يوم 30 فريق كيف العدة اتلقاو الصور التحت ⬇️

السلام عليكم عدنا لكم في فقرة
و الفريق ديال اليوم هو فريق تورينتو رابتورز لي تشهر فهاد سنوات الاخيره من بعد ما حقق لقب سنة 2019 امام واريورز.
( ) الفريق تأسس سنة 1995 تيبان باقي فريق صغير ولكنه أحرج فرق كبار..
وهو الفريق الوحيد لي تايلعب في الدوري ولكن ماشي من أمريكا و إنما من كندا و بضبط من مدينة تورنتو شرق البلاد.
ضمن مجموعة المحيط الاطلسي
الوان الفريق: 💜❤️💛🤍🖤 و أنا شخصيا تيعجبني قميص ديناصور ديالهوم دبا نخلي ليكوم صورتو لتحت.
ملعب ديالهوم هو سكاوت باينك ارينا، شارك فيه الفريق ب28 موسم و تأهل 14 مرة للاقصائيات ( )
إنجازات الفريق كبيرة مقارنة باش من عام تأسس بحيث أنه تصدر مجموعته 6 مرات، وصل لنهائي القسم الشرقي في مناسبتين، بطل للقسم الشرقي مرة واحدة و أخيرا بطل الدوري مرة واحدة بقيادة اللاعب كاواي ليونارد
من ابرز نجوم الفريق في التاريخ ديالو:
- ديمارو ديروزن (demar derozan) لعب 675 مباراة مع الفريق سجل فيها 13296 نقطة ليصبح هداف الفريق التاريخي .
- كريس بوش (Chris Bosh) صاحب اكثر بلوك و ريبوند في الفريق (4776 ريبوند و 600 بلوك )
- كايل لوري (Kyle Lowry )صاحب أكثر معدل تمريرات حاسمة (assist) و سرقة للكرة (steals)
و اخيرا و ليس اخرا اللاعب ليونارد الفائز بأفضل لاعب في نهائي 2019
هذا كان ملخص صغير لفريق كبير
تسناونا غدا عوتاني مع فريق جديد
كيف العادة اتلقاو الصور التحت ✌

عدنا لكم في بوسط جديد من فقرة 30 يوم 30 فريق
الفريق ديال اليوم غادي يكون فريق كليفلاند كافاليرز CLEVELAND CAVALIERS
تأسس فريق الكافز سنة 1970 في مدينة كليفلاند ولاية اوهايو ينتمي للقسم الشرقي بالضبط مجموعة الوسط
صاحب الألوان الأحمر الداكن الذهبي الأبيض و الأزرق الداكن كايستقبل الخصوم ديالو في صالة كويكنز لونز أرينا
فريق الكافز ماشي داك الفريق العريق و انما هو بان في فترة ليبرون جيمس ففي سنة 2003 فريق كليفلاند كايقوم بصفقة العمر و كايضم ليبرون جيمس و هو عندو 18 عام و من ثم بدأت حكاية ليس كمثلها حكاية
في سنة 2007 كايلعب الفريق أول نهائي في التاريخ ديالو بقيادة جيمس لكنهم كايخسروه ضد فريق السبيرز ب 4-0 و في سنة 2009 كايتقساو في نهائي المنطقة ضد فريق اورلاندو ماجيك و في سنة 2010 كايتقصاو من نصف نهائي المنطقة ضد فريق بوسطن هادشي كايخلي ليبرون يخرج بأكثر قرار مفاجئ و كايعلن الانتقال لفريق الهيث هاجشي خلاه يتعرض لموجات عضب من كل شخص في مدينة كليفلاند
الفريق مورا الانتقال ديال جيمس و بعد موسم سيء كايقرر يدير إعادة البناء و كايضم اللاعب الشاب و الموهوب كايري ايرفينغ في سنة 2011
في سنة 2014 جيمس و بعد فوزه ببطولتين و خسارته لمثلهما كايعلن الرجوع لفريق الكافز و تعود معه السعادة لسكان المدينة عامة و الفريق خاصة مورا الرجوع ديالو مباشرة كايقود الفريق نحو النهائي الثاني لكنهم كايخسروه لصالح فريق الوارييوز بسبب إصابة 2 من أهم عناصر فريقه و بداية المنافسة بينات هاد جوج فرق
في سنة 2016 كايعاود فريق الكافز يتلاقا مع فريق الوارييورز و لكن هاد المرة مكتمل الصفوف و رغم ذلك كايخسر الفريق 3 من أصل 4 ماطشات و على بعد خسارة واحدة من خسارة النهائي لكن معجرة وقعات و الفريق كايقدر يفوز ب 3 مباريات و معها كايفوز بالبطولة لي كاتعتابر هي البطولة الوحيدة في تاريخ النادي و في تاريخ المدينة
في عامي 2017 2018 الفريق كايخسر نهائيين لصالح الغريم الوارييورز و نهاية القصة بين ليبرون جيمس و فريق كليفلاند كافاليرز
حاليا الفريق عندو تشكيلة واعرة و متوقع يقدم أداء جيد في الموسم الجاي
كنتو معانا في فقرة 30 يوم 30 فريق كيف العادة اتلقاو الصور التحت

فريق بوسطن سيلتيك كايقرر إقالة مدربه ايدوكا لمدة عام (مدة توقيفه من طرف الرابطة) بعد الأخبار حول تحرشه بوحدة من السطاف ديال الفريق

رجعنا ليكم ببوسط جديد في فقرت
البوسط دياب اليوم غادي يكون على فريق ( )
الفريق تأسس عام 1988 في مدينة ميامي في ولاية فلوريدا ، كاينتمي للقسم الشرقي ضمن مجموعة الجنوب الشرقي .
كايستقبل في ملعبوا امريكا ايرلاينز أرينا
الفريق عندو ثلاتة ألوان رئيسية و هي الأسود و الأحمر و الأسود .
بالنسبة للألقاب فميامي هيت قد يحقق ثلاثة بطولات (2006 , 2012 , 2013 )
ووصل للاقسائيات الباي افر ف 22 مناسبة
وتصدر المجوعة ديالو 13 مرة
وكان بطل القسم الشرقي ف 7 مرات
بنسبة لابرز نجوم الفريق فراه تيتقدمهم Dwayne wade لي قاد الفريق لأول لقب ديالو عام 2006 وكذلك صاحب الاكثر سجل تاع نقطة و الاسيست في تاريخ النادي
والعملاق شاكيل
و الكينغ ليبرون جيمس لكان أحد المساهمين الابرز فنيل لقب 2012 و لقب 2013 مع تشكيلة كانت قوية
ومنساوش ملك لبلوك في الفريق alonzo mourning و قناص الريبوند udonis haslem

في امريكا ايرلاينز أرينا تم تعليق 6 الارقام ومن بينهم مايك جوردن واخا معمرو لعب مع الفريق
هدي هي الرقام المعلقة و سميات صحابها :

1 chris bosh
3 Dwayne wade
10 Tim hardaway
23 Micheal Jordan
32 shaquille o neal
33 alonzo mourning

الموسم الماضي ميامي هيت وصل نهاىئي المنطقة بقيادة butler ولكن خسر ضد بوسطن سلتيكس في سلسلة كان مثيرة وصلات تال مبارات السابعة .

وصلنا لختام تاع بوسط يوم نتشاوفو غدا عاوتاني مع فريق جديد في فقرة

السلام عليكم و مرحبا بكم مرة أخرى في فقرة 30 يوم 30 فريق، فريق الليلة غادي يكون فريق سان انطونيو سبيرز SPURS
تأسس فريق السبيرز عام 1967 في مدينة سان انطونيو ولاية تكساس كاينتمي للقسم الغربي بالضبط مجموعة الجنوب الغربي. كايستقبل الخصوم ديالو في صالة اي تي تي سنتر AT&T CENTRE. بقميصه الأسود و الأبيض و الفضي كايتعتبر فريق السبيرز واحد من أنجح فرق الدوري بحيث أنه فاز ب 5 بطولات أولها سنة 1999 و آخرها سنة 2014 و حرمان فريق الهيث من ثلاثية متتالية و هادشي كامل بقيادة اللاعب الأسطورة تيم دانكان (أفضل PF في تاريخ اللعبة) و كذلك اللاعب توني باركر
السبيرز كايتعتابر واحد من 4 الفرق لي ماتبدلاتش بعد اندماج الرابطة الامريكية لكرة السلة و NBA و هو الوحيد لي كان في الرابطة الامريكية و فاز بلقب بطولة الدوري.
حاليا الفريق كايعاني و هو في مرحلة بناء للمستقبل كانتمنى انهم يرجعوا و ينافسوا على لقب البطولة
و هادشي لي كان مع فريق السبيرز كيف العادة اتلقاو الصور لتحت
نلقاوكم غدا في بوسط جديد في فقرة 30 يوم 30 فريق ✌

رجعنا لكم ببوسط جديد في فقرة 30 يوم 30 فريق
قبل البدء كانبغي نعتاذر بحكم البارح ما بوسطيتش لأسباب خارج الارادة ديالنا لذلك اليوم ان شاء الله غادي يكونوا 2 بوسطات
البوسط الأول غادي يكون على فريق شيكاغو بولز (Chicago Bulls) تأسس عام 1966 في مدينة شيكاغو ولاية إلينوي، كاينتمي للقسم الشرقي و بالضبط مجموعة الوسط.
كايستقلب فريق شيكاغو الخصوم ديالو في صالة المركز المتحد . ألوان الفريق هي الأحمر، والأسود، والأبيض.
يعد مايكل جوردان هو أشهر لاعب في تاريخ الفريق و هو لي صنع المجد ديالو بحيث ان فريق شيكاغو بولز فاز بالبطولة ستة مرات، و الفضل الكبير لهذه الألقاب يعود لمايكل جوردان.
كايتعتابر مايكل جوردان أسطورة السلة و كان لي كايشوفوا هو أفضل لاعب في تاريخ الدوري عامة (THE GOAT) فمعه صار للبولز مكان مهم في البطولات، بعد تحقيقه لثلاث بطولات متتالية سنة 91 92 93 مايكل جوردن كايقرر الإعتزال المفتجئ بعد وفاة والده و كذلك احترافه للبايسبول خلا البولز ما يدير والو في عامين 94 و 95 و لكن من بعد كايقرر العودة في سنة 96 لكي يكتسح الدوري مرة أخرى برفقة كل من دينيس رودمان و سكوتي بيبن بقيادة المدرب الأسطورة فيل جاكسون.
في بداية موسم 90-91 و مع وجود فيل جاكسون منفردا على مقعد مدرب بولز وتواجد سكوتي بيبين تأهل الفريق إلى المباراة النهائي قبل أن يكتسح ليكرز 4-1. و هذا كان أول لقب لهم.
فريق البولز بان و غبر مع مايكل جوردون لكن في سنة 2011 ظهر اللاعب ديريك روز (D Rose) لي كايتعتابر أصغر لاعب كايفوز بجائزة أفضل لاعب في الدوري المنتظم و كان قريب من التأهل للنهائي سنة 2011 لكن من سوء الحظ تلاقا بفريق الهيث بقيادة ليبرون جيمس في نهائي القسم و ماقدرش يتأهل.
كانتمنى نكون قربتكم من فريق الثيران و نلقاكم العشية مع واحد من أفضل الفرق في الدوري
و كيف العادة التحت غادي تلقاو بعض الصور ✌

ليبرون جيمس و النيو لوك 😂😂

مرحبا مرة أخرى في بوسط جديد في فقرة 30 يوم 30 فريق
بوسط اليوم غادي يكون على حامل اللقب في الموسم الماضي فريق چولدن ستيت ووريورز GSW (أنا شخصيا عزيز عليا هاد الفريق و ممتع)
فريق الووريورز تأسس سنة 1946 في مدينة سان فرانسيسكو ولاية كاليفورنيا ينتمي للقسم الغربي بالضبط مجموعة الباسيفيكي
صاحب السبع (7) ألقاب ثالث أكثر الفرق تحقيقا للبطولة
فاز بأول لقب سنة 1947 و لكن التوهج ديالو بان تال مؤخرا بعد ضمهم اللاعب ستيف كوري في سنة 2009 لي فاز معهم بأربع بطولات بداية من 2015 و اخرها سنة 2022 اللاعب لي قدر يقودهم للسجل الذهبي 9-73 في سنة 2016 لكن للأسف خسروا النهائي ضد فريق كليفلاند كافالييرز بقيادة ليبرون جيمس بعد العودة من 3-1 و كايتعتابر أفضل نهائي في تاريخ المسابقة هادشي لي خلاهم يطلبوا مجيئ اللاعب كيفن دورانت قادما من أوكلاهوما سيثي و قدروا يحققوا لقبين متتاليين سنة 2017 و 2018 و الانتقام من فريق كليفلاند لكن الحكاية ماكملاتش بعد خروج دورانت متجها نحو فريق النيتس و خسارتهم لنهائي 2019 ضد فريق تورنتو رابتورز
الفريق في سنة 2022 عرف عودة اللاعب كلاي تومبسون من الاصابة لي بعداتو على الملاعب لمدة طويلة بالاضافة للاعب درايموند جرين و بقيادة ستيف كوري قدروا يحققوا البطولة و قدر كوري يحقق افضل لاعب في النهائيات لأول مرة
فريق الواريورز بقميصه الأزرق و الذهبي كايستقبل الخصوم ديالو في صالة شيز سنتر و كايتعتابر جمهور الجولدن ستيت من أكثر الجماهير تعصبا لفريقها
كيف العادة أتلقاو التحت الصور ديال اللعابة لي ذكرت
نشوفوكم غدا مع بوسط جديد في فقرة 30 يوم 30 فريق ✌

فريق الشوتايم كايتجمع لأول مرة منذ 1991
Via Los Angeles Lakers

عدنا إليكم مرة أخرى ببوسط جديد في فقرة 30 يوم 30 فريق
الفريق ديال اليوم غايكون طبعا فريق الليكرز أشهر فريق في العالم صاحب اللونين الأصفر و البنفسجي
الفريق لي لعبوا عمالقة السلة بدءا بكريم عبد الجبار مرورا ب ويلت شامبرلين ماجيك جونسون كوبي براينت و العديد من أساطير السلة آخرهم ليبرون جيمس تحت شعار Everyone born to play for Lakers
تأسس فريق الليكرز سنة 1946 في ولاية كاليفورنيا في مدينة لوس أنجلوس ينتمي للقسم الغربي بالضبط مجموعة الباسيفيكي و كان من المؤسسين ديال الرابطة
فريق الليكرز يستقبل الخصوم ديالو في صالة ستيبلز سينتر Staples Center لي تحولات سميتها مؤخرا و ولات كريبتو دوت كوم ارينا Crypto .com arena
فريق الليكرز تايتعتبر هو أكثر فريق حاصل على البطولة مناصفة مع فريق السيلتيك بمجموع 17 بطولة كانت أول وحدة سنة 1949 و آخر وحدة سنة 2020 بقيادة الملك ليبرون كما أنهم كايتعتابروا أكثر فريق فاز ببطولة القسم ب 32 مرة
من أهم فترات فريق الليكرز فترة شوتايم و فترة شاك و كوبي و فترة كوبي بعد رحيل شاك
فترة الشوتايم كانت ما بين 79 و 91 من القرن الماضي بقيادة ماجيك جونسون لي قدر يقوز بأفضل لاعب في النهائيات و هو عندو 19 سنة و كان معه في الفريق كل من مايكل كوبر و كريم عبد الجبار و قدروا يفوزوا ب 5 بطولات
فترة شاك و كوبي بدات فاش الليكرز في عام 1996 قرروا يضموا اللاعب الشاب كوبي براينت البالغ من العمر 17 سنة من فريق شارلوت هورنتس و أنا متأكد لحد الساعة فريق شارلوت هورنتس نادمين على داك القرار لي داروا و بالاضافة لكوبي جابوا شاك اونيل لي قدروا يجيبوا لليكرز 3 البطولات متتاليين 2000 2001 2002 لكن الايغو ديال شاك خلاه يرحل على الفريق في سنة 2004 لفريق ميامي هيت
فترة كوبي من بعد الرحيل ديال شاك ولا كوبي هو القائد الأول ديال الفريق و قدر بمساعدة اللاعب الإسباني غاسول أنه يفوز بجوج بطولات متتاليين في سنة 2009 و 2010.
في سنة 2018 قدر الليكرز يتعاقد مع اللاعب الحر آنذاك ليبرون جيمس بصفقة لم تكن متوقعة و قدر يحقق ليهم البطولة في سنة 2020 بمساعدة انتوني ديفيس و كانت هدية وداع للاعب الراحل كوبي لي كان مات في نفس العام في تحطم طائرته الخاصة.
المهم كانتمنى نكون ما طولتش عليكم و راه حاولت نلخص ما أمكن لأن تاريخ الليكرز كبير
نلقاوكم غدا عوتاني مع فريق جديد في فقرة 30 يوم 30 فريق
كيف ديما التحت أتلقاوا صور اللعابة لي ذكرت ✌

اليوم إن شاء الله انبداو فقرة جديدة
30 يوم 30 فريق
انحاولوا كل نهار نهضروا على فرقة مختلفة و الله ولي التوفيق
اليوم انبداو بالسيلتيك
بوسطن سيلتيك تأسس سنة 1946 في مدينة بوسطن ينتمي للقسم الشرقي و بالضبط مجموعة الاطلسي و كايتعتابر واحد من الفرق الثمانية الأصلية للدوري
كايتعتابر فريق بوسطن سيلتيك هو أكثر فريق محقق البطولة ب 17 مرة (الليكرز تعادل معه في سنة 2020)
فريق السيلتيك كايلعب المباريات ديالو في ملعب التي دي غوردن
الألوان ديال الفريق هما الأخضر الأبيض الأسود و الذهبي
بدأت السيطرة ديال الفريق على البطولة في الخمسينات بعد ضمهم للأسطورة الراحل مؤخرا بيل راسل لي قدر يحقق معهم 11 لقب 8 منهم متتاليين لكن بعد اعتزال راسل الفريق ماقدرش يفوز الا ببطولتين و لكن بعدما جابوا لاري بيرد و كيفن ماكهيل و روبرت باريش قدروا يفوزوا ب 3 آخرين خلال الثمانينات و لكنهم ماقدروش يفوزوا بتا لقب في التسعينات (فترة البولز) لكي يعودوا في سنة 2008 بقيادة الثلاثي الجديد راي آلان كيفن غارنيت بول بيرس و يفوزوا بآخر لقب لهم
حاليا كايتعتبر بوسطن سلتيك هو المرشح الابرز للقب بقيادة جايسون تاتوم ماركوس سمارت و براون و للأسف الموسم الماضي خسروا البطولة لصالح جولدن ستيت بقيادة ستيفن كوري
و أخيرا كايتعتابر جمهور السيلتيك هو أكثر جمهور متعصب في الدوري
التحت اتلقاو الصور ديال اللعابة لي ذكرت
نشوفوكم غدا مع فريق جديد في فقرة 30 يوم 30 فريق 🙌

البوسط ديال اليوم أيكون على المراكز ديال اللعابة
كاين عموما 5 المراكز
PG: Point Guard
SG: Shooting Guard
SF: Small forward
PF: Power forward
C: Centre
التحت انعطيكم امثلة مع المراكز ديالهم و ممكن أنك تلقا لاعب كايلعب 2 مراكز أو أكثر

في أول بوسط (الليان في أول كومنط) هضرنا على الفرق و التوزيعة ديالهم دب نشرحوا نظام الدوري كيفاش تايكون
دوري NBA عندو نظام مختالف على باقي الرياضات الأخرى بحيث تايكون منقسم لجوج مرحلات الموسم المنتظم Regular Season و البلاي أوفز Play offs و لكن مؤخرا زادوا مرحلة كاتسمى بالبلاي إن Playn in و هادشي كايتختم بالنهائي لي هو أهم حاجة
نبداو بالموسم المنتظم Regular season
في هاد المرحلة من اللعب تايلعبوا الفرق 82 ماطش في المجموع 41 في بلادو و مثلها خارج بلادو بمعدل ديال ماطش كل يومين أول 3 أيام لذلك كاتلقاها شابكة ديال بصح و لكن أهمية الماطشات كاتكون عادية بحيث كايكون عندك فرصة فين تعوض
دب ندوزوا لكيفاش كايلعبوا هاد 82 ماطش
كل فريق من كل مجموعة كايلعب 4 الماطشات ضد الفرق لي معه فس المجموعة و 3 الماطشات ضد الفرق لي معه في نفس القسم و 2 ماطشات ضد الفرق لي في القسم الاخر ( لي مافهمش يكتب التحت في كومنطير نحاول نشرح له)
و الترتيب ديال الفرق في هاد المرحلة كايتم عن طريق شحال من ماطش ربحتي و شحال من ماطش خسرتي W-L (إضافة: الرقم القياسي كاين حاليا عند فريق چولدن ستيت ووريرز GSW بمعدل 9-73 في سنة 2016 و كايتعتابر هو أفضل فريق في التاريخ)
طوب 6 في الدوري حسب النسبة ديال W-L كايتأهلوا مباشرة للبلاي أوفز
طوب 7 تال 10 كايلعبو البلاي إن المركز السابع ضد الثامن و المركز التاسع ضد العاشر
في البلاي إن كايتلعب ماطش واحد
مرحلة البلاي أوفز
البلاي أوفز كاتقسم لجوج القسم الشرقي و القسم الغربي و فيها 3 المرحلات
الدور الأول و النصف النهائي و النهائي (Conference FINAL)
و أخيرا النهائي لي كايتلعب بين بطل القسم الشرقي و بطل القسم الغربي

المهم أنبداوا بشرح دوري NBA لي كايتعتابر مختالف على باقي الدوريات في العالم
الدوري كاينقاسم لجوج أقسام، القسم الغربي و القسم الشرقي كل واحد كايضم 15 فريق و هاد 15 فريق مقسمين ل 3 مجموعات كل مجموعة فيها 5 فرق:
القسم الشرقي كايضم:
مجموعة الأطلسي
- بوسطن سيلتيك Celtics
- النيتس Nets
- نيويورك نيكس Knicks
- فيلاديفيا يبفنتي سيكسيرز 76ers
- تورنتو رابتورز (الفريق الوحيد لي من خارج أمريكا كندا تحديدا)
مجموعة الوسط
- شيكاغو بولز Bulls
- كليفلاند كافارييرز Cavs
- ديترويت بيستونز Pistons
- انديانا بيسرز Indiana pacers
- ميلواكي باكس Bucks
مجموعة الجنوب الشرقي
- اتلانتا هاوكس HAWKS
- تشارلوت بوبكاتس Charelot
- ميامي هيت Heat
- اورلاندو ماجيك Magic
- واشنطن ويزاردز WIZARDS
القسم الغربي كايضم :
مجموعة الشمال الغربي
- دينفر ناغيتس Nuggets
- مينيسوتا تيملروولفز Wolfs
- اوكلاهوما سيتي ثاندرز OKC
- بورتلاند portland
- يوتا جاز Utah Jazz
مجموعة الباسيفيكي
- جولدن ستيت ووريورز GSW
- الكليبرز Clippers
- اللیکرز Lakers
- الكينغر Kings
- فينيكس صانز Suns
مجموعة الجنوب الغربي
- دالاس مافريكس Mavs
- هيوستن روكيتس Rockets
- بليكانز Pellicans
- السبيرز Spurs
- ميمفيس غريزيلس Grizzerls
التحت غادي تلقاو اللوغو ديال كل وحدة مع سميتها ✌
تسناونا في البوسط الجاي مع شرح نظام الدوري