البــــــــــــــــــاك

🔶بالنسبة للطلبة الجدد أخر أجل للتسجيل في المنحة هو 29 شتنبر 2023 على الساعة الثانية عشر ليلا (تاريخ وساعة غلق البوابة) آخر أجل لإيداع طلبات الاستفادة من المنحة.

🔷بالنسبة المنحة إمتا كيحيدوها ليك فالحالات التالية:
- ملي كتبدل شعبة كيحيدو ليك النصف
- إلى مدخلتيش 7 موديلات فالعام كذلك كيمشي ليك النصف.
- إلى عاودتي العام كذلك كيمشي النصف.
- إلى نقاطعتي على الدراسة واحد المدة (عام..).
- إلى كملتي الأجل المحدد لك لي هو 3 سنوات بالنسبة لي كيشد النصف (950درهم)
و 4 سنوات لداك لي كيشد (1900درهم) داك العام الرابع هو في حالة إلى رجعو ليك موديلات وزدتي عام أما إلى شديتي الإجازة ف 3 سنوات صافي راه العام الرابع مكيعطيوهاش ليك.

🔺وبالنسبة لدوك لي كسولو واش إلى بدلو الكلية واش غتمشي ليهم المنحة؟
🔻في حالة بدلتي الكلية وكملتي فنفس الشعبة راه كتبقا ليك.

🔶أما إلى بدلتي الكلية وبدلتي الشعبة أو أنك عاودتي الشعبة ديالك من الأول راه كيحيدو ليك النصف.
(إلى حيدو ليك المنحة خاص تفاليدي 7 موديلات باش العام الجاي ترجع ليك).
وبالنسبة لدوك لي كيبدلو من لافاك ليستيا أو العكس راه كاتمشي ليهم حيت كتسمى تغيير الشعبة.

🔶 وأخيرا كنعاود نقول ونكرر صحاب باك قديم راه معندهمش الحق إدفعو المنحة أو لي فايت دفع ليها ومتقبلش أو لي نسا مدفعش ليها. صافي كيخصك باك جديد باش دفع ليها وراه مكاين حتى شي حل من غير هذا وبلا متبقاو تسولو أو تقلبو.

🔷معلومة إضافية:
لي فايت شد الباك ودفع به المنحة وعطاوها ليه راه ملي إدير باك آخر (جديد) راه ميمكنش إدفع به المنحة وإلى دفع راه غيلقا مشاكل.
وميمكنش تحيد المنحة للباك القديم وتجيبها للجديد هادشي لا يمكن أبدا.
بالتوفيق للجميع 🤲🤍

🚨🚨 #نصيحة 🛑🛑
خديتي الباك، اوى خود مني هاد النصائح، وخدم معايا عقلك، خديتي داك المفتاح لي غيفتح ليك آفاق جديدة فحياتك، اوى هنا خاصك تفكر مزيان الله يرحم والديك، وشوف أشمن تخصص، وأشمن شعبة غترتاح فيها وغتمشي فيها مزيان، راه مستقبلك هداك ماشي لعب، قلب على المعاهد والمدارس العليا وشوف كل واحد فيهم شنو تيطلب فالشروط لي تتمكن ليك تلتحق بدوك المعاهد العليا على سبيل المثال النقطة شوف واش نقطة ديالك تتسمح ليك دفع ليهم ولا لا، ولا شوف راسك واش عندك ميول لشي ضومين فالتكوين قلب عليه مزيان و قلب على الافاق ديال كل تخصص، عنداك وعنداك تمشي دير شي شعبة وانت مباغيهاش ودرتيها، غير حيث دارها صاحبك ولا دارتها صاحبتك، راه ممكن يديرها هو حيث كيرتاح فيها وتبعو انت ومغدير والو، هنا راه مبقيناش تنشوفو لا راه صاحبي ولا صاحبتي منقدرش نتخلا عليها، كُن على قد المسؤولية وشوف شنو غينفعك، راه مستقبلك هذاك، وعنداك تأثر بداك الكلام ديال وديك الشعبة مزويناش راه صعيبة، داكشي مكاينش شوف نت أشمن شعبة كتشوف فيها راسك وغتمشي فيها مزيان وديرها، واخا قالو ليك لا راه ممزيناش إلى كتشوف فيها راسك نت ديرها ومتسوقش ليهم، كملاحظة إلى عندك شي نقطة زوينة لي تسمح ليك دخل لشي مدرسة عليا وشي معهد سير دفع بدون تردد ولا عندك ميول لشي ضومين فالتكوين دفع ليه بدون تردد وإلى عندك حلم فشي شعبة غديرها فلافاك وقادر على المسؤولية وتجمع راسك ضرب تمارة على الحلم ديالك، ديرها وبلا ما تسمع ديك الهضرة ديال لافاك مفيها والو، أيه متافق معاك لي باقي مبرهش وتابع البنات والتسركيل واللعب ولا كتلقى شي بنات الله يسمح لِهم صيفطوهم والديهم يقراو وتايقين فِهم وكتلقاهم هما غاديين فواحد طريق خارجة على طريق الله مع كيلقاو الحرية صافي كيمشيو ولكن فالآخير كيجييوها فراسهم وكيضيعو والديهم وأكيد راه مغيديرو والو، راه بحالهم لي كيدوزو 4 ولا 5 سنوات فلافاك ممدخل تا موديل هما لي تيقولو هاد الهضرة، أما هذاك لي عندو مسؤولية ومتبع طريق الله راه غيوصل حيث عارف بلي والديه صيفطوه يقرا وخاصوا يفرحهم فالاخير، راه كيخدم ويقلب ويبحث كتلقاه مڤاليدي كلشي وبمنسيو، وهنا أخويا وختي راه مكتبقاش سميتك تلميذ(ة)، راه كتولي سميتك طالب باحث ولا طالبة باحثة، خاصك تعرف مامعنى طالب باحث، خاصك تكون على قد المسؤولية وديما كتقلب وكتبحث باش تكون متميز عن الطلبة الآخرين، خويا ختي فكر مزيان ودير التخصص لي غترتاح فيها، كنقولها ونعاودها راه مستقبلك هذاك نت لي عندك الحق تقرر شنو غدير ماشي خالك ولا خالتك ولا عمتك ولا شي واحد آخر، خاص تكون عندك شخصية وتقرر لراسك، متخليش شي حد يقرر فبلاصتك، سمحولي طولت عليكم ولكن راه مبغيتكومش طيحو فشي موقف مهواش.
ومني لكم خالص الدعاء 🤲
الله يفرحكم فحياتكم كاملين، والله يسهل على كل واحد فيكم، مسيرة موفقة بإذن الله تعالى 🤲🤲🌼
أحبكم في الله⁦❤️⁩
⁦✏️⁩جواد أكناو

🚨🚨نصيحة من محب 🚨🚨
🔻سواء نجحتي ولا عندك الإستدراكية ولا منجتيش گاع سمع ليا الله يرحم والديك وخود مني هاد النصيحة 😊
🔘خويا ختي إلى كنتي من الناجحين فالبكالوريا هاد السنة فتنقوليك ألف مبروك عليك النجاح وبراڤو عليك ، هنيئا لك راك ضمنتي واحد المفتاح من مفاتيح الحياة ، ودير فبالك بلي الطريق مزال طويلة قدامك ، الله يعاونك عليها ، الله يوفقك حتى توصل لكل أهدافك، مسيرة موفقة بإذن الله .😊🤲

🔷أما أخويا وختي إلى كنتي من لي متوفقوش ، ولكن باقي عندك فرصة فالاستدراكية ، غنقوليك زير راسك وستغل ديك الفرصة لي تعطات ليك ، ودير جهدك كامل ، وشوف شنو هما المواد لي طحتي فيهم يعني عاود خدم عليهم مزيان ، والله يوفقك يارب تجيبها 🤲🌼

🔶أما في حالة كنتي من لي مساعفهمش الحظ ومنجحتيش ، فتنقوليك ماشي مشكل ، إلى كنتي مؤمن ، تتعرف طريق الله ، راه غتعرف بلي كاينة شي حاجة سميتها قضاء الله وقدره، يعني الحياة فيها النجاح والخسارة ، داك الباك مكتابش ليك هاد العام ، راه ربي مكتبوش ليك شنو غدير ، خويا ختي سير خدم على راسك ، وشوف علاش منجحتيش أصلا انت دبا عندك تجربة يعني راجع راسك ، وشوف علاش منجحتيش، والعام الجاي وريهم بلي راك قادر تنجح ، وغتنجح بإذن الله 🤲🌼

🔻ومني لكم خالص الدعاء 🤲😊
الله يفرحكم فحياتكم ، والله يسهل عليكم كاملين يارب 🤲⁦❤️⁩
أحبكم في الله خوتي 😍🌼
⁦✏️⁩جواد أكناو

🚨🚨🚨
غدا فصباح إن شاء الله حاول تفيق شويا بكري صلي صلاتك وفطر ضروري من الفطور ، فطر مزيان باش داك الدماغ يلقى باش يتحرك ، ملي تدخل القاعة توكل على الله، وحيد منك داك الخوف وداك الارتباك راك ناجح بإذن الله، گلس ونت مرتاح، وثق بالله وفراسك، عطي الأمل لراسك بلي كلشي غيدوز بخير، ملي توصلك الورقة ديال العربية قراها وغير بشويا عليك شوف شنو المطلوب منك، متزربش باش متخرجش على الموضوع، قرا الورقة وعاود قراها مزياااااان، تا تأكد أشمن تيار لي حطو ليك، وهنا نصيحتي لك أخويا العزيز وختي العزيزة، هي بدا بالمؤلفات، يعني الورقة ديال النصوص حاول متقراهاش تا تسالي المؤلفات، عرفتك غتحمس تقراها باش تشوف أين تيار تحط ليك، ولكن من الأفضل تخليها تا تسالي المؤلفات باش تعطيها الوقت مزيان، بدا بالمؤلفات ديك 10 دقائق الأولى قرا وعاود قرا فيها الموضوع ديال المؤلفات، يعني خاص ديك 6 نقط ديال المؤلفات تجيبها كاملة ، راه داكشي بسيط هادشي حاول متفوتش ليه ديك 40 دقيقة الأولى تلقاك مسالي المؤلفات، غتبقى ليك 2h و 20min تفرغ ليا لداك النص ولا القصيدة لي تحطات ليك، قراه وعاود قراه سطر على الكلمات المركزية ، وحاول متخرجش على الموضوع، ملي تعرف أشمن تيار دير ليه المقدمة ديالو وحط ليه عاوتاني الأسئلة لي حطو ليك فالامتحان على شكل إشكالات فالمقدمة ، ماديرش شي سؤال وانت مغاديش تجاوب عليه فالتحليل ، تسالي التقديم ودوز ليا للتحليل ديال النص ولا القصيدة عبر ليا تم بواحد الأسلوب زوين، وبخط رائع وحلل القصيدة ولا النص بناء على داكشي لي مطلوب منك فقط، هو لي تخرج نسى عليك المنهجية، ملي مسالي تحليلك للقصيدة ولا النص، دير ليه واحد التركيب زوين يعني خلاصة زوينة وبعد كل البعد على المنهجيات الجاهزة 🙄😏 غديرها غتجيب ديك 9 ولا 8 وانت العربية راها ساهلة خاصك ضرب فيها على الأقل واحد 15 ولا 16 على الأقل ، أما لي ضابط امورو مزيان غيجيب تا 18 ولا 19 ، حاول تسالي قبل الوقت بشي 10 دقائق باش تعاود تقرا ورقتك مزيان، وتشوف ياك ما نسيتي شي حاجة، حاول وانت تتكتب فورقة الامتحان تركز راه بعض المرات تتكون الفكرة كاملة صحيحة فبالك وانت بكثرة الخلعة لي فيك تتكتب نص وتنقز نص تيصحاب ليك بلي راك كتبتيها كاملة يعني كتب كلمة بكلمة وبشويا عليك، ومن بعد صحح شي أخطاء إملائية حيث ملي تتكتب بالزربة تتدير أخطاء بلى ماتحس، ملي تسالي من إعادة القراءة للورقة ديالك، وشوف واش كتبتي رقم الإمتحان فجوج بلايص فورقة الامتحان، يعني هاديك البلاصة لي تيقطعو للورقة، وديك الخانة لي تتبقى فورقة الإمتحان، وسميتك كتبها بخط واحد هي ورقم الإمتحان وعنداك تنساهم، وملي تراجع ورقتك تلقى كلشي دايرو وضابط أمورك كما ينبغي ديك الساعة نوض وسلم الورقة ووقع فدوك اللوائح باش تسمى راك سلمتي ورقتك، ملي تخرج الله يرحم والديك نسى عليا شي حاجة سميتها العربية ولا تلاقي مع صحابك ونتي مع صحباتك شنو درتي فهادي وشنو خاص يكون فهادي داكشي حيدو من بالك ونساه راه واخا يكون عندك شي خطأ راه مستحيل تصححو صاف الورقة مشات غير غتمرض راسك واللهم خرج وسير شوف ليك المادة لي عندك من بعد، إن شاء الله راكم ناجحين كاملين بإذن الله
ومني لكم خالص الدعاء 🤲
موفقون بإذن الله⁦❤️⁩

🚨🚨نصيحة: قبل ما تحط الباك ديالك الأصلي فشي مدرسة ولا فشي كلية دير ليه شي نسخ يبقاو عندك .🌼

أصحاب الاستدراكية امضرا شنو درتو 🙂

أصحاب الاستدراكية وفقكم الله جميعاً غذا🤲🌼

عيدكم مبارك 🌼⁦❤️⁩
كل عام وانتم بخير 🤲

🚨🚨🚨
طريقة التسجيل في منحة التعليم العالي
بالتوفيق للجميع بإذن الله 🤲⁦❤️⁩
مراحل التسجيل 👇👇

شروط الحصول على منحة التعليم العالي🚨🚨🚨
بغيتي تشد المنحة خاص هاد الشروط لي فالصور يتوفرو فيك 🌼👇👇
مسيرة موفقة للجميع بإذن الله 🤲

🚨🚨🚨نصيحة 🚨🚨🚨
🔘 خديتي الباك ولا عندك الإستدراكية ماشي مهم 🙄 المهم هو سير خود معاك هاد الوثائق لي كاينين فهاد الصورة لي لتحت 👇👇 وسير السيبير ولا غا من تلفون ولا البيسي ديالك تسجل فالمنحة واخا بغيتي دير شي مدرسة ولا الجامعة ولا التكوين غير تسجل فالمنحة هو الأول راه بحال بحال مكاينش فرق 😊
وراه غير تسجل فالسيت كيما قلت ليك صاف مكتدفع لا وراق لا والو فقط تكتفي بالتسجيل فالسيت فقط🙂
🔺وهنا انا تنصحك تمشي تسجل فالسيبير باش مديرش شي خطأ فالمعلومات وإلى بغيتي تسجل من تلفون ولا البيسي ديالك عادي رد البال غا لا دير شي غلط ويصدق الملف ديالك ملغي ومتشدهاش فالاخير 🤔
🔻ولي ديجا تسجلو من تلفون معليش غير الى مداروش شي خطأ فالمعلومات صافي 🙂
⁦▪️⁩بالنسبة لديك الورقة لي تتخرج ليك ملي صاف تتسجل فالسيت متديها فين خليها عندك متودرهاش راه غتحتاجها نهار تبغي تشد البطاقة ديال المنحة ديالك 🙄
🔷ومنبعد رجع إلى عندك الإستدراكية سير وجد ليها وراجع مزيان راك قادر تنجح وغتنجح بإذن الله 🤲
وفقكم الله جميعا⁦❤️
🔶أما إلى خديتي الباك ديالك فتنقوليك سير بحث وقلب على المعاهد والمدارس والتكوينات لي ممكن تدفع ليهم داكشي على حسب النقطة ديالك ودفع ليهم ، وإلى كنتي باغي دير شي تخصص فشي جامعة فراه باقي الحال غا سير دوز العطلة ديالك ، والى لقيتي كيفاش تعاون مع خوتك لي عندهم الإستدراكية متنساهمش باش ينجحو حتى هما وتكمل الفرحة إن شاء الله يارب 🤲
مسيرة موفقة للجميع بإذن الله 🤲🌼
أحبكم في الله⁦❤️
⁦✏️⁩جواد أكناو

🚨🚨نصيحة من محب 🚨🚨
🔻سواء نجحتي ولا عندك الإستدراكية ولا منجتيش گاع سمع ليا الله يرحم والديك وخود مني هاد النصيحة 😊
🔘خويا ختي إلى كنتي من الناجحين فالبكالوريا هاد السنة فتنقوليك ألف مبروك عليك النجاح وبراڤو عليك ، هنيئا لك راك ضمنتي واحد المفتاح من مفاتيح الحياة ، ودير فبالك بلي الطريق مزال طويلة قدامك ، الله يعاونك عليها ، الله يوفقك حتى توصل لكل أهذافك، مسيرة موفقة بإذن الله .😊🤲

🔷أما أخويا وختي إلى كنتي من لي متوفقوش ، ولكن باقي عندك فرصة فالاستدراكية ، غنقوليك زير راسك وستغل ديك الفرصة لي تعطات ليك ، ودير جهدك كامل ، وشوف شنو هما المواد لي طحتي فيهم يعني عاود خدم عليهم مزيان ، والله يوفقك يارب تجيبها 🤲🌼

🔶أما في حالة كنتي من لي مساعفهمش الحظ ومنجحتيش ، فتنقوليك ماشي مشكل ، إلى كنتي مؤمن ، تتعرف طريق الله ، راه غتعرف بلي كاينة شي حاجة سميتها قضاء الله وقدره، يعني الحياة فيها النجاح والخسارة ، داك الباك مكتابش ليك هاد العام ، راه ربي مكتبوش ليك شنو غدير ، خويا ختي سير خدم على راسك ، وشوف علاش منجحتيش أصلا انت دبا عندك تجربة يعني راجع راسك ، وشوف علاش منجحتيش، والعام الجاي وريهم بلي راك قادر تنجح ، وغتنجح بإذن الله 🤲🌼

🔻ومني لكم خالص الدعاء 🤲😊
الله يفرحكم فحياتكم ، والله يسهل عليكم كاملين يارب 🤲⁦❤️⁩
أحبكم في الله خوتي 😍🌼
⁦✏️⁩جواد أكناو

🚨🚨 #نصيحة 🚨🚨
سلام الله عليكم سمعوني مزيان خوتي 😊
إلى مجابش الله مخديتيش الباك ،ماشي مشكل العام الجاي بإذن الله ،راه كلشي بالمكتوب ،الله يوفقك 🌼🤲
أما إلى عندك الإستدراكية تنقوليك سير استغل الفرصة لي تعطات ليك ربي يوفقك 🤲🌼
أجي أجي انت لي خديتي الباك نهضر معاك ، وخود مني هاد النصائح ، خويا ختي ضربتي تمارة وسهرتي وفالأخير فرحتي براڤو عليك 👏 ، ولكن دبا خدم معايا عقلك ، خديتي داك المفتاح ياك لي غيفتح ليك افاق جديدة فحياتك ، اوى هنا خاصك تفكر مزيان الله يرحم والديك ، وشوف أشمن تخصص ،وأشمن شعبة غترتاح فيها وغتمشي فيها ، راه مستقبلك هداك ماشي لعب ،قلب على المعاهد والمدارس العليا وشوف كل واحد فيهم شنو تيطلب فالشروط لي تتمكن ليك تلتحق بدوك المعاهد العليا على سبيل المثال النقطة شوف واش نقطة ديالك تتسمح ليك دفع ليهم ولا لا ،ولا شوف راسك واش عندو ميول لشي ضومين فالتكوين قلب عليه مزيان و قلب على الافاق ديال كل تخصص ،عنداك وعنداك تمشي دير شي شعبة وانت مباغيهاش ودرتيها ، غير حيث دارها صاحبك ولا دارتها صاحبتك ، راه ممكن يديرها هو حيث تيرتاح فيها وتبعو انت ومغدير والو ، هنا راه مبقيناش تنشوفو لا راه صاحبي ولا صاحبتي منقدرش نتخلا عليها ، كُن على قد المسؤولية وشوف شنو غينفعك ، راه مستقبلك هذاك ، وعنداك تأثر بداك الكلام ديال وديك الشعبة مزويناش راه صعيبة ، داكشي مكاينش شوف نت اشمن شعبة تتشوف فيها راسك وغتمشي فيها مزيان وديرها ، واخا قالو ليك لا راه ممزيناش إلى تتشوف فيها راسك نت ديرها ومتسوقش ليهم ، كملاحظة إلى عندك شي نقطة زوينة لي تسمح ليك دخل لشي مدرسة عليا شي معهد سير دفع بدون تردد ولا عندك ميول لشي ضومين فالتكوين دفع ليه بدون تردد وإلى عندك حلم فشي شعبة غديرها فلافاك وقادر على المسؤولية وتجمع راسك ضرب تمارة على الحلم ديالك ديرها وبلا ما تسمع ديك الهضرة ديال لافاك مفيها والو ، أيه متافق معاك لي باقي مبرهش وتابع البنات والتسركيل واللعب ولا تتلقا شي بنات الله يسمح لِهم صيفطوهم ولديهم يقراو وتايقين فِهم وكتلقاهم هما غاديين فواحد طريق خارجة على طريق الله مع تيلقاو الحرية صاف تيمشيو ولكن فالاخير تيجييوها فراسهم وتيضيعو والديهم وأكيد راه مغيدير والو ، راه بحالهم لي تيدوزو 4 ولا 5 سنوات فلافاك ممدخل تا موديل هما لي تيقولو هاد الهضرة ،أما هذاك لي عندو مسؤولية ومتبع طريق الله راه غيوصل حيث عارف بلي والديه صيفطوه يقرا وخاصوا يفرحهم فالاخير ، راه تيخدم ويقلب ويبحث تتلقاه مڤاليدي كلشي وبمنسيو ، وهنا أخويا وختي راه مكتبقاش سميتك تلميذ (ة) ، راه تتولي سميتك طالب باحث ولا طالبة باحثة ، خاصك تعرف مامعنى طالب باحث ، خاصك تكون على قد المسؤولية وديما كتقلب وكتبحث باش تكون متميز عن الاخرين ، خويا ختي فكر مزيان ودير التخصص لي غترتاح فيها ، تنقولها ونعاودها راه مستقبلك هذاك نت لي عندك الحق تقرر شنو غدير ماشي خالك ولا خالتك ولا عمتك ولا شي واحد اخر ، خاص تكون عندك شخصية وتقرر لراسك ،متخليش شي حد يقرر فبلاصتك ، سمحولي طولت عليكم ولكن راه مبغيتكومش طيحو فشي موقف مهواش .
ومني لكم خالص الدعاء 🤲
الله يفرحكم فحياتكم كاملين ، والله يسهل على كل واحد فيكم ، مسيرة موفقة بإذن الله تعالى 🤲🤲🌼
أحبكم في الله⁦❤️⁩
⁦✏️⁩جواد أكناو

فرحني معاك 🙂

خوتي أمضرا 🙄

الله يفرحكم يارب 🤲🤲
متنساوش تفرحوني معكم 😉🌼

🚨نصيحة : أوصيكم أوصيكم أوصيكم بحسن الاختيار لما بعد البكالوريا 🙂

التلاميذ حاليا من كثرة الملل: ⁦كن غا باقي شي امتحان ندوزوه ههه ⁦🙆🏻‍♂️⁩

🚨🚨🚨توضيح 🚨🚨🚨
شفت بزاااف ديال المنشورات وبزاااف ديال التعليقات تيسولو فيهم التلاميذ على حالة غش وتيقولو الى خرجت على الموضوع غنجيب صفر(0) ، وكلشي خايف لايجيب صفر (0) فشي مادة ويسقط واخا جاب فالمواد الاخرى ،مهم جوابي لكم كونوا مطمئنين ستسمعون خبر مفرح إن شاء الله 🤲🌼
ليكن في علمكم بأن نقطة صفر (0) نادرا ما تجدها في الامتحان لأن المصحح إذا وضعها عليه بكتابة تقرير لتبرير تصرفه المتمثل في وضع نقطة صفر ...لذلك تجد أغلب المصححين لا يضعون نقطة صفر (0)
وبهذا كونوا مطمئنين أنتم ناجحون بإذن الله 🤲🌼
الله يسمعكم خبار الخير يارب 🤲⁦❤️⁩
⁦✏️⁩جواد أكناو⁦

الكروبات ديال الباك هاد الأيام برعاية واش غيديرو ليا حالة غش ⁦⬆️⁩⁦⬆️⁩⁦⬆️⁩😁

قم بتحميل تطبيق Outlook باش تشوف النتيجة ديالك بلى متحمق راسك مع مسار ، تيكون عليه الضغط أصلا، مهم ملي تيليشارجي تطبيق Outlook تبع هاد الخطوات لي غتشوف فالصور لتحت 👇👇👇
باش نهار الجمعة إن شاء الله ملي يحطو النقط غيوصلك مساج فهاد التطبيق نيت فيه النقطة ديال كل مادة لي دوزتي فالوطني وفيه النقطة باش خديتي الباك⁦🕵🏻‍♂️⁩
الله يفرحكم جميعا يارب 🤲⁦❤️⁩ والله يسمعكم خبار الخير يارب 🤲🌼

نازك الملائكة 😁

🔴 نتائج الباك 2022 عبر SMS !
نتمنى نتائج ممتازة للجميع إن شاء الله
( صورة تعبيرية فقط وغير حقيقة)

شي بلان وقع ليك فهاد اليومين دالامتحان مقدرتيش تنساه 🙂🌼

على سلامتكم سيرو ترتاحو ⁦🤷🏻‍♂️⁩
الله يسمعكم خبار الخير إن شاء الله 🤲🌼

عدد التلاميذ لي خدمو على القولة كثر من سكان قطر ⁦🙆🏻‍♂️⁩😁

الاجتماعيات ساااهلة بزاااف 🌼
نتمنى تكونو دوزتو مزيان

(الاجتماعيات+ الفلسفة 😉)
وفقكم الله جميعا 🤲⁦❤️⁩

تراه مسدسا عاديا ولكنه يخفي أسرار كثيرة 😁