lahcen_idelhaj

‎كون متأكد بلي الضربة الى مقتلتكش ، غادي تهز يقينك..
‎حيت المفاجأة هي أن گاع هادوك " أحقر الناس " أغلبهم كانوا فالأصل ضريفين ، و قلبهم زوين ، كانوا كيشبهو لينا تماما ، كيبغيوا و كيكونوا مخلصين بزاف ، و حتى هما كانوا كيهضروا على الناس الخايبين باستغراب، حتى لنهار تصدموا ، تخانوا ، تغدروا من ناس متوقعوهاش منهم ..
‎الغدر و خيبة الأمل فأشخاص معينة ، كيطلع أسوء مافينا ، كيحطم ديك المثالية ديالنا ، كيورينا الوجه الخايب د دنيا ، و الأسوء انه كيورينا الوجه الخايب ديالنا حنا شخصيا .. الخذلان كيشوه جمالنا ..
‎فالمجد كل المجد ،
‎ل لي قواتهم الضربة و مهزاتش ليقين ديالهم.. 💙

‎كلما حلمتي و حققتي ، كلما كسرتي داك الكبرياء ديالهم .. كلما نجحتي و ضويتي فسماك ، غادي تطير عليهم نعاسهم ،
‎علاش ؟ حيت كانوا متوقعين بلي بلابيهم غادي تموت ، حيت متخيلين بلي شادينك من نقط ضعفك ..داكشي علاش عمرك تعطيهم الفرصة و يلقاو منين يشدوك ، و الى وقعات بالغلط متدلش راسك كتر لمجرد خوف ، ولف ، قلة تقة بالنفس، حب زائف .. لا ورك على راسك را معاك مالك لملك و سير فالحياة بلا ما تشوف لور ، و تفكر " مكيهمش شنو عندك دبا و منين غادي تبدا .. كيهم فين غادي توصل و امتى " 😍

‎المجد لكُل من تجاوز أيامًا، أشخاصًا موقفًا أو تجاوز سيئات نفسه لكُل من لملم إنقسامات روحه ، ونهض بقوة وكأنه لم يعرف السقوط قط ..

‎المجد لنا ⁦♥️⁩🌻