مكتب مندوبي الأجراء Lear Trim & Foam

أي أجير عنده مشكل يمشي أولا يقدم الشكاية ديالو قسم الموارد البشرية اذا ما حلوش له المشكل يمشي عند الدليكي اللي منتمي مكتب مندوبي الأجراء يكتب الشكاية ديالو هو يتكلف له بالباقي والله المعين

السلام عليكم إخواننا الأجراء لير تريم من أجل متابعة الإعلانات والمستجدات مع مكتب مندوبي الأجراء نضع بين أيديكم مجموعة التواصل الثاني الواتساب لأن الأول قد امتلأ ما عليك سوى مسح باركود او الدخول عبر هذا الرابط أسفله
https://chat.whatsapp.com/CbEATIE7lzj1ZiK9qj4sU5

*الغياب بسبب المرض*
الإخوان الله يخليكوم، شي حاجة مهمة ما نبقوش نتهاونو فيها:
الشهادة الطبية:
✓ صيفطوها الشركة قبل ما دوز 48 ساعة، صيفطها مع صاحبك، مع مفوض قضائي، نزلها بيديك.. المهم ما تفوتش المدة القانونية.
✓ ما تفوتش 6 أشهر (180 يوم) وانت مغيب، أجي پوانتي قبل 6 أشهر، وسير كمل الراحة المرضية إذا كنت مازال مريض..
*الله يخليكم هادشي ما فيه حزارة، ما فيه راه نسيت، ما فيه ما كنتش عارف.. القانون هو القانون، إذا خالفتيه من حق الشركة توقفك.. ولي عارف يخبر خوتو لي عارفين*

مزال غادي نفكرو الأجراء بهادشي، ونعاودو نفكروهوم، ونزيدو نفكروهوم.. وبالأخص فاش تتخدموا ف شيفت د الليل..
اولا: تعاطي المخدرات راه خطأ جسيم ، العقوبة ديالو توصل الفصل من العمل.
ثانيا: تعاطي المخدرات، بمعنى تتكمي لحشيش أو السبسبي أو شي حاجة.. ماشي عندك فجيبك (الحيازة).
® إذا جا عندك شي مسؤول مهما كانت الدرجة ديالو، وبغا *يفتشك* راه ممحقوش، متخليهش يفتشك، وإذا فتشك صحا ريكلامي لديليݣي، لي عندو الحق يفتشك هي الضابطة القضائية، وهو فهاد الحالة راه انتحل صفة الضبطية وتعتبر جريمة.
® إذا قال ليك جبد هذاكشي لي فجيبك، منحقك تمتنع قوليه أجي أنت جبدو بيديك
® إذا بغا يفتش ليك الپلاكار ديالك، خصك يكون سكريتي والدليݣي عاد يفتشو..
® إذا دارو ليك محضر الاستماع، قول هادشي ف المحضر *راه فتشوني*/ *راه قلبو بلاكار من غير حضور دليݣي* / *راه بززو عليا نخوي جيابي*..
✓إذا وقعات ليك هاذ التجاوزات، وتعرضتي لهادشي، دوز عن دليݣي دير شكاية مكتوبة..
✓أي واحد تعرض لشي تجاوزات وممارسة الشطط في استعمال السلطة ف فترة د الليل يدير شكاية مكتوبة عند دليݣي..

الاستبيان أو استطلاع الرأي: من ميزة شركة لير العالمية، أنها كتسول الأجراء لي كينتمو ليها، على الرأي ديالهوم ف الوضع لي كشتغلو فيه. قليل من الشركات لي كتحترم راسها لي كدير فحال هاذ المبادرات وباش تنجح هاذ العملية، كنتمنو من الأجراء يشاركو بكثافة وبضمير وبحرية.
*السرية التامة*: لي خصكوم تعرفو بأنكم فاش تمشو باش تعبرو على الرأي ديالكم حتى شي واحد مكعرف الشخص لي قام بالعملية، داك اللي كتعمل كمشي مباشرة المركز د الشركة العالمي، لي معانا ف الشركة مكعرفو عليك والو.
*الحرية في الاستبيان*: حتى شي واحد ممسموح ليه يأثر عليكم باش تصوت سوا بالمزيان ولا بالخايب. إذا حسيتو أن شي واحد مهما كان المركز ديالو ف الشركة بغا يأثر عليكم باش تصوتو سوا مزيان ولا خايب خصكوم تريكلامو بيه. حتى صاحبك لي حداك ف شانا متخليهش يأثر عليك.
*الضمير ديالك*: فاش كتكون بينك وبين الكمبيوتر لي غادي تعمل فيه الاستبيان راك كتكون بينك وبين الله، متكذبش ف التصويت.. لي كاين قولو.

*الأجراء من أجل الصحة والسلامة ديالكم، لي لقا شي حاجة ف الماكلة تقدر الضر الصحة، سواء ف الجودة، أو تاريخ الصلاحية، أو نظافة الأواني وتوفرها.. يخبر قسم الموارد البشرية، ويحط الشكاية ديالو عند مندوبي الأجراء*

الأجراء لي تعطلات ليهوم شركة التأمين الوفاء، ف تعويضات على أيام الراحة المرضية.. أكثر من 60 يوم.. المرجو يعمرو هاذ اللائحة :

https://docs.google.com/forms/d/e/1FAIpQLScsFmK1eEapJL3LfdVgDf4FcJWtuaEoAzOpoXLXZzA2SOmBRA/viewform

السلام عليكم، بزاف ديال الناس كايطيحو فواحد المشكل ألا وهو فقدان الشغل بصفة غير ارادية بحيث انه كايكون خدام و واحد النهار كايولي بلا خدمة، أشنو خصو يدير؟ خصنا نعرفو بأنه كاين واحد القانون خاص بالتعويض عن فقدان الشغل، أي ان الدولة كاتعوضك اذا فقدتي الشغل ديالك. حتى لهنا مزيان، دبا خصنا نعرفو أن هاد التعويض عندو شروط، من هاد الشروط أن يكون هاد التوقف ناتج عن ضروف خارجة عن الارادة (ماش استقالة) مثلا فحال الطرد التعسفي او الاغلاق الكلي او الجزئي للمؤسسة او حالة التصفية... ايضا ان تكون أجير وليس موضف (يعني فالقطاع الخاص) ايضا تكون خاضع لنضام التغطية الصحية cnss لمدة لاتقل عن 760 يوم اي 36 شهر سابقة ليوم فقدان الشغل منها 260 يوم خلال اخر 12 شهر من تاربخ فقدان الشغل، شرط اخر وهو ان يكون مسجل في ANAPIC (وخا معرفناش اشمن علاقة عندها) كذلك ان يكون هاد الشخص قادر على العمل اي غير مصاب بعجز. مزيان، دبا هاد التعويض شحال القيمة ديالو؟ وشحال المدة ديالو؟ وكفاش نستافد منو؟
بالنسبة للمدة ديال هاد التعويض 6 اشهر ابتداء من يوم فقدان الشغل، وبالنسبة للمبلغ ديال التعويض كناخدو المتوسط ديال الاجر اللي كنتي كتاخد لمدة 36 شهر وكانقسموها على 36 ديال المدة زالمبلغ اللي كايخرج كاتاخد نسبة 70% منو، هادشي فحالة كان الصالير اقل من 5000 درهم، وفحالة كان اكثر من 5000 درهم التعويض كايكون الحد الادنى للاجور الا وهو 2828.71 درهم.
طريقة الاستفادة: باش تستافد من هاد التعويض خصك تدفع طلب فقدان الشغل فمدة لاتتجاوز 60 يوم من تاريخ فقدان العمل، بالنسبة للوثائق: ملئ استمارة طلب التعويض عن فقدان الشغل من الوكالة ديال cnss او الموقع ديال cnss.ma + نسخة من البطاقة الوطنية + محضر مفتش الشغل كايوضح فيه الاسباب ديال فقدان الشغل + نسخة من عقد العمل (ان توفر) + نسخة من الحكم النهائي للمحكمة + شهادة بنكية فحالة ماكنتيش دفعتيها من قبل.
اخيرا فحالة اذا لقيتي خدمة خصك تعلم وكالة cnss في مدة لا تقل عن 8 ايام.

مندوب الأجراء وزميلنا في العمل الغني عن التعريف سعيد البقالي يعاني من مرض في صمت يحتاج لإجراء عمليات مكلفة في الرباط نحتاج منكم الدعاء له والتضامن معه ندعوا له بالشفاء العاجل .

بقلم ذ محمد المعاشي
باحث مختص في قانون الشغل

مقال قانوني – التمييز بين الأجراء وآثاره على تحقيق العدالة الاجتماعية بالمقاولة

إذا كانت العدالة الاجتماعية ترتكز على عدة أسس، أهمها المساواة في الحقوق والواجبات وعدم التمييز بين الأفراد أمام القانون، وتكافئ الفرص، وتولي مناصب المسؤولية، والحصول على المكاسب، والامتيازات والفوائد، فإن ما هو سائد في العديد من المقاولات والمؤسسات هو نهج المشغل في إدارة أعماله لسياسة التمييز بين الأجراء، من نفس اللون ونفس الجنس ونفس العقيدة، وبمعنى أوضح من نفس الفئة المهنية التي تزاول نفس العمل والمهمة والمسؤولية، والمصنفة في نفس الإطار، وفي نفس المستوى والأقدمية، حيث العمل من نفس القيمة، وبالتالي فإن هذه السياسة الممنهجة تقف عائقا في وجه تحقيق العدالة الاجتماعية داخل المقاولةإن غياب المساواة في الحقوق بين الأجراء داخل المقاولة، والتغاضي والتجاوز في تطبيق القانون، يؤدي لا محالة إلى انتشار المحسوبية والزبونية والمحاباة والرشوة في الحياة العامة، وإلى الشعور بالتذمر، وإلى انعدام تكافؤ الفرص، وإلى انتشار الظلم والطغيان، والانتقام من الاجراء الذين لا يتفقون المشغل مع سياسته التدبيرية للمقاولة، والتحرش والابتزاز، وانتشار الفساد بجميع أنواعه، حيث التمييز بين الأجراء بالمقاولة غالبا ما يتجلى في منح امتيازات مالية وعينية لفئة دون أخرى، كالترقية في مناصب المسؤولية، والزيادة في الأجر بصفة مستمرة، والرفع من التعويضات والمنح التي يستفيد منها الأصدقاء والمقربين وذوي النفوذ، وتلبية طلبات الانتقال لفئة من الأجراء دون الأخرى، والتعسف على فئة من الأجراء عن طريق نقلهم لمصالح أخرى وما يترتب عنها من حالات اجتماعية واضطرابات نفسية أو إحالتهم على المجالس التأديبية أو فصلهم تعسفيا، واستفادة البعض من امتيازات اجتماعية، والتكوين لشريحة من الأجراء على حساب الشريحة الأخرى، وإقصاء البعض من الانخراط في الضمان الاجتماعي الخ

فضلا عن أن خرق المشغل لمبدأ المساواة في تدبيره للرأسمال البشري، ونهجه للسياسة التفضيلية، وما ينعكس ذلك على نفسية الأجراء نظراً لغياب العدالة الاجتماعية داخل المقاولة، غالبا ما يترتب عنه بروز فئة من الأجراء يعارضون سياسة المشغل في إدارة أعمال المقاولة، مما يضطر المشغل إلى خلق جماعة ضغط من الأجراء لتأييد سياسته والتستر على فساده المالي، بعد إغرائهم وغدقهم بامتيازات مادية ومعنوية خارج القانون، وبالتالي فإن السياسة التمييزية بين الأجراء داخل المقاولة نتيجة غياب تحقيق العدالة الاجتماعية، هي من الأسباب الرئيسية التي تؤدي إلى خرق مبدأ تكافئ الفرص، وما ينعكس ذلك بصفة أوتوماتيكية على مردودية العمل وعلى تنمية المقاولة، وفي الأخير تفتقر المقاولة للتوازن الاجتماعي الذي ينبني على تحقيق العدالة الاجتماعية
لكن ما يلاحظ أن المشغل في إقصاء مستمر ودائم للفرقاء الاجتماعيين، ممثلين للأجراء والمنتخبين ديمقراطيا، نظرا لحمولتهم الفكرية في المجال القانوني والاجتماعي والاقتصادي وحتى السياسي، مما يعتبرون في نظر المشغل على أنهم شريحة مزعجة لسياسته التدبيرية بالمقاولة، خاصة بعد أن عمل مشرع مدونة الشغل المغربية() على توسيع اختصاصات مهام ممثلي الأجراء،

الموظف العصفورة
كما جرت العادة أن الموظف العصفورة هو شخص لديه جميع الحواس ولكن "اكسترا"، بالإضافة إلى موهبة التأليف التى تتيح له مزج أحداث من نسيج الخيال ودمجها بكلمات عابرة قالها أحد أصدقائه لتكوين قصة.
صفات الموظف العصفورة
١- يدعى أحيانا عدم تضامنه مع المدير فى قراراته، وأنه لا تربطه أى علاقة به، وربما يبالغ فى ذلك بالحديث عنه ربما بطريقة سيئة ليتقرب من الآخرين.
٢- التنصت على زملائه فى العمل، من خلال حاسة السمع القوية لديه، التي تظهره بالإنصات، والتركيز لما يدور بين زملاء العمل عن موضوع ما، أو حول أحد المدراء.
٣- عادة يكون شغله الشاغل هو مراقبة الآخرين طوال الوقت، فيتميز بالنظر الثاقب فى أشياء لا تخصه سوءا كان قريبا أو بعيدا.
٤- يكون عادة خفيف الظل كثير الضحك؛ ليقترب من زملائه فى بيئة العمل ليقوم بفتح مجال للحوار والتساؤلات فى كافة الأمور؛ للحصول على معلومات وخطط لما يفكر به الآخرين.
ماذا تفعل إذا عملت في بيئة مليئة بالعصافير؟

السلام عليكم
بالنسبة الأجراء اللي كسولو علاش الشركة كتغير السبت الرابع لي كان مقرر يوم 19/08/2023 وتم تغييره بيوم 05/08/2023 اللي جا مع العطلة الصيفية
نحن كمندوبي الأجراء لم نوافق على هذا التغيير قمنا بإرسال مراسلة يوم 12/07/2023 إلى من ينوب عن المشغل ولم يجب عليها
وبه وجب الإخبار

إعلان العطلة السنوية

السلام عليكم الاجراء اللي مزوجين خدامين مع بعض بغاو يخرجوا في العطلة الصيفية يعمروا هاد الاستمارة باش نصيفطوها الإدارة قبل 16 يوليوز

طلب العطلة الصيفية للزوجين معا

عيد أضحى مبارك أدخله الله عليكم بدوام الخير والصحة والسعادة والبركات وكل عام وانتم بخير...

بلاغ

بلاغ بنك المغرب

نزولا عند رغبة متابعي صفحتنا سنقوم بعرض بعض المعلومات التوعوية من حين إلى أخر .
كيفما كيقولوا المغاربة أجيني من الاخر .
حتى انا غادي نبدأ من الاخير نهار كتزبلها بشي مشكيل وفي الشركة كيكونوا كيتسناولك الحصلة باش يتهناو منك خاصة إذا كنت قديم في الشركة ، إذا عملتي شي زبلة كيفما كانت فالقانون المغربي عمل مجموعة من المساطر لي خاصها الشركة تسلكها باش تصيفطك فحالك .

في الاول كتولي فحال شي مجرم حرب باش يحسسوك انك عامل شي جريمة لا تغتفر وهذا الشي كامل باش يخلعوك ومتمشيشي تفتش على راسك حيت الأخطاء كل وحدة والعقوبة ديالها.

في هذا المرحلة خاصك تكون متبت حيت كيبغيو يغمقو عليك ويعطيوك شي ورقة تمضيها بعدما لصقولك شي تهم تقدر تكون مكيناش .
في المرحلة الأولى خاصهم يستدعيوك لجلسة الاستماع برسالة مضمونة وإذا جراو عليك بلى جلسة الاستماع القانون المغربي كيعطيك تعويض واخا تكون عامل أي حاجة في دك الشركة .
وملي تتوصل برسالة لجلسة الاستماع خاص يخبروك بنوع الخطأ لي عملتي والفصل لي كيأطر العقوبة ديال الخطأ وملي تجلس في الجلسة مخاصهمشي يكونو بزاف بهم يكفي ممثل الشركة ومندوب الأجراء لي تختاروا نتا ماشي لي يفرضوه عليك وفهاد الجلسة كيذكروك بالخطأ لي عملتي وخاصهم يعطيوك فرصة تدافع على راسك وبعدها كيطلبوا منك توقع على المحظر وهنا كيلصقولك تهم وكيزرفوك توقع وانا كنصحك إما تمتنع على التوقيع ولا كتب (مع جميع التحفضات) ووقع تحت منها وهيا كتعني انك مقابلشي دك التهم لي عطاوك .
وبعدما وقعتي خاصك تاخد نسخة من المحظر وبعدها في أجل 48 ساعة بعد عقد جلسة الاستماع خاصهم يعطيوك القرار إما بالفصل أو العقوبة .
وملي تاخد دك القرار كنصحك بأقرب محامي واستشر معاه وغادي يلقالك تغرة منين تاخد رزقك .
وما خاب من استشار .

كما وعدناكم بنشر وصلات التوعية من حين إلى آخر ،اليوم موضوعنا مفتشية الشغل بصفة عامة ومفتش الشغل خاصة .

غادي ندخلوا نيشان في دور مفتش الشغل في النزاع بين العامل والمقاولة.
ملي كيوقع نزاع بين شي عامل والمشغل ديالوا فهو قبل ميسلك المساطر القانونية كيسلك مسطرة الصلح لي كيكون فيها مفتش الشغل طرف رئيسي في المسألة حيت كيقوم مفتش الشغل باستدعاء الممثل القانوني للشركة وفي الغالب مكيحظرشي وحتى القانون المغربي معطاشي مفتش الشغل شي صلاحيات كبيرة لإجبار رب العمل على الحضور حيت فرض على الشركة غرامات بسيطة جدا كتفظل الشركة تدفعها ومتمشيش تحظر مع الاجير .
لنفرض أن هذه المقاولة تحترم نفسها وحظرات عند مفتش الشغل فهو كيقلب على شي وسيلة للصلح وإذا متمشي الصلح فهو كيشوف شي طريقة مناسبة للتعويض عن الضرر ودائما كيكون العامل هو المتضرر لأنه كيبقى يقنعوا أنه غالط وأنه مغاديش يربح الدعوة إذا مشا للمحكمة والعكس صحيح في هذا النقطة نشيد بالقضاء المغربي المتمرس ولي كيعرف أن بعض المقاولات ملي كيقدام عندهم العامل كيبغيو يصيفطوه يدو على قلبوا والقضاء كيعطيه تعويض الناتج عن الضرر والفصل ومدة الاخطار وغيرها من التعويضات .....

فلهاذا ملي مفتش الشغل يبقى يدخلك الشك فراسك ويقولك أنه مغادي تدي والو إذا مشيتي للمحكمة قولوا أسيدي نحن نتق في عدالة القضاء وأن الشركة مبغاتشي الصلح وانا مقابلشي هاذ التعويض إذا المحكمة هي الفصل ....
الدور ديال مفتش الشغل كيقتصر على الصلح وممنحقوشي يقولك عملتي خطأ جسيم ولا لا لأنه القاضي هو السلطة الوحيدة لي ممكن تقول هذا خطأ جسيم .
تحياتي لكم عن مندبي الاجراء

تقرير الاجتماع الشهري

عيد مبارك سعيد تقبل الله منا ومنكم صالح الأعمال وكل عام وانتم بألف خير

إلى عموم الأجراء

علاش غادي نعملو كمندوبي الأجراء "بصفتنا التمثيلية" باندا حمرا إبتداءً من نهار الاثنين (من تاريخ 10/04/2023 إلى 20/04/2023):
لحقاش جميع الشركات العالمية ف المغرب، تيعطو امتيازات مهمة للأجراء، وتيعرفو بقيمتهوم. لأن العامل هو المازوط ديال الشركة، عندنا حنا مسؤولين الشركة ديالنا تيتهربو من تحقيق أبسط حاجة للأجراء:
1- الانتاج غادي وتيطلع، ولبريما غادية تتنقص بالاقتطاعات، طلبنا زيادة ف منحة الانتاج.. (والو)
2- الوعد لي عطانا السيد المدير ديال مكتسبات، لحد الآن (والو)
3- الملف المطلبي، رغم هذاكشي لي فيه ما شي حاجة كبيرة.. (والو)
4- زيادة منحتي الأعياد عوض 300 درهم تولي 500 درهم، ونحيدو هذاك الشرط البئيس ديال عدم الغياب يوماين قبل ويوماين بعد (والو)
5- التضييق على مندوبي الأجراء، وعرقلة المهام ديالهوم..

لهادشي كامل قرر مكتب مندوبي الأجراء بالصفة لي عندو التمثيلية باش يحتج بطريقتو بوضع باندا حمر.

والله المستعان.

#إخبار
نقط الاجتماع الشهري (مارس) لي غادي يدار

نتسناو من الادارة تحدد لينا الاجتماع الشهري هاذ الأسبوع، ولي رسلناه ليهوم ف 27/03/2023، على اساس نكملو مناقشة النقط المهمين لي محضرش فيهوم لي عندو القدرة على اتخاد القرار..
ونتمناو تكون عند الادارة هاذ المرة تفاعل مع مطالب الأجراء بشكل ايجابي.. لأن الانتظار طول بزاف ..
نقط الاجتماع:

1- تنفيذ الوعد لي عطانا السيد المدير، على جوج مكتسبات لي وعدنا بيهوم.. واحد العام الفايت .. وواحد هاذ العام.

2- زيادة ف منحة الانتاج ومنحة الجودة.. ب 15٪

3- منحتي الاعياد والصيف، الزيادة ف القيمة ديالها، بلا شروط الحضور يوماين قبل ويوماين بعد.

4- التقاعد التكميلي CMR: بدينا واحد النقاش معاهوم فيه.. نكملوه على أمل التعميم ديالو (وخا كاين شي أجراء ما بغاوهش🤷)

5- بما أن العيد الفطر غادي يجي تقريبا ف 21 ف الشهر، كيفما خبرناكم ندفعو باش الحساب يتسد ف 15 ف الشهر.. والڤيرمون يدوز ف 19 أو 20.

6- لأن المساجد الأرضية ديالها ف حالة سيئة.. كاين مطلب ديل تفرش مزيان..
.والله المستعان..