Prototyping Studio

Со зголеменото инсталирање на фотоволтаици, електроенергетскиот систем го доведуваме во опасност да не може да ја прифати и потроши електричната енергија која во идеални сончеви денови би можела да биде произведена.
Затоа системите како Чебрен се насушно потребни.
Но еве утре да почнеме со изградба на Чебрен, истиот нема да биде спремен за употреба во наредните 8-10 години!

Што е најбрзото и најприфатливото решение?!?

Едно од можните решенија е системот - Водородни Електролизери + Водородни горивни ќелии!
Во периоди кога имаме вишок на електрична енергија, електролизерите ја трошат струјата и произведуваат ВОДОРОД и техно-медицински КИСЛОРОД. Системот работи во периоди кога има големо производство на струја од ветерни и фотоволтаични електрани, но и во моменти кога регионот во целост и има вишоци, па можната цена за мегават е низок двоцифрен, а можеби и едноцифрен број. Значи системот може да работи и ноќе кога има ефтина базна струја.

Во моменти кога струјата е скапа, процесот е обратен и горивните ќелии почнуваат да го трошат произведениот водород и генерираат електрична енергија.
Горивните ќелии можат, но и не мора да бидат сместени на иста локација со електролизерите, а во тој случај до нив водородот треба да биде транспортиран, што значи дека на овој начин се решава и преоптоварувањето на мрежата.
Системите се со големина од еден или пет мегавати, и можат да се градат концентрирани или дисперзирани, во зависност од потребите на граѓаните и стопанството. Поради пониската цена од цените потребни за брани и хидроцентрали, освен државата и поголем број на инвеститори можат да се вклучат во нивна изградба како на пример енергетски кооперативи, пензиски фондови, компании, инвестициски фондови, општини итн...

#социјалистички #план