Друштво на физичарите на Република Македонија

Програма за 46 Школа „Млади физичари“
ПМФ, Институт за физика - Скопје

Четврток, 14 ноември 2024 - средни училишта
Петок, 15 ноември 2024 - основни училишта

Ве очекуваме!
ДФРМ

Почитувани,

Ве известуваме дека рокот за пријавување за
XLVI Школа „Млади физичари“ е продолжен до 4.11.(понеделник), 23:59 часот.

ДФРМ

ИЗВЕСТУВАЊЕ ( 01.11.2024.)

ДФРМ ги објавува датумите за општинските, регионалните и државните натпревари по физика за учебната 2024/2025 година.

За повеќе информации посетете ја веб-страната на ДФРМ.

Отворен е конкурс за наставник по физика во ГУЦ „Здравко Цветковски“ Скопје.
За повеќе информации обратете се во училиштето.

Почитувани ученици и наставници,

ДФРМ ја најавува XLVI Школа „Млади физичари“ која ќе се одржи на 14 и 15 ноември 2024 година на Природно-математичкиот факултет во Скопје.

Пријавете се најдоцна до 31.10.2024 година на еден од следните линкови:

- Ученици и наставници од средни училишта
https://docs.google.com/forms/d/e/1FAIpQLScQwleqNrf3Pmfrane8zRh52A9RE2kbqC_zo3ssMg9rU3Z_6g/viewform?vc=0&c=0&w=1&flr=0

- Ученици и наставници од основните училишта
https://docs.google.com/forms/d/e/1FAIpQLSdeCYBaBUzCYzsdvD6M6VYNvvq0Oa8yrXHE8vZE78s_W11tQw/viewform?vc=0&c=0&w=1&flr=0

Оние ученици што ќе се пријават со експеримент треба да испратат пополнет образец „Опис на експериментот“ најдоцна до
6 ноември 2024 на [email protected].

Посетете ја веб-страната на ДФРМ за подетални информации.

Ве очекуваме со иновативни експерименти, желба за нови знаења од физиката, дружење и забава!

ДФРМ

Се информираат сите заинтересирани ученици дека на 13.10.2024 година започнува Physics Cup – онлајн натпревар по физика за средношколци и студенти од целиот свет.

Натпреварот се состои од кратки, но предизвикувачки проблеми од физиката, а најбрзите решавачи добиваат најмногу поени.

Physics Cup се препорачува за сите средношколци кои се подготвуваат за претстојните олимпијади, како BPO, EuPhO, IPhO.

Линк за регистрација:
https://forms.gle/yvHCLioAXgHLadbw5

Повеќе информации за натпреварот може да најдете на следниот линк:
https://physicscup.ee/

Physics Cup – Online Physics Competition Physics Cup 2025 registrationThe competition starts October 13th, 2025 Previous Physics Cup: Physics Cup – TalTech 2024 started on October 15th, 2023 13:00 UTC+0.The competition has ended. See the final results below. The first problem of Physics Cup 2024 is a tough one. Notably, this marks a sign...

Зошто Јан реши високото образование да го продолжи дома кога можеше да добие стипендија и да студира на најреномираните светски универзитети, тој вели дека не е убеден дека во странство ќе добие поголемо знаење од тоа што ќе го стекне тука. Читајте Умно.мк. Целиот текст во линкот во коментар 👇.

Institute of Physics Skopje
Природно-математички Факултет
Друштво на физичарите на Република Македонија
Универзитет „Св. Кирил и Методиј“ во Скопје
Институт за Математика, ПМФ-Скопје
Министерство за образование и наука/Ministria e Arsimit dhe e Shkencës
Влада на Република Северна Македонијаukim.sk

Гостување на Јан Стојановски и проф. д-р Ирина Петреска во Утринска на Телма.

Ученикот што го освои првиот златен медал за Македонија на Европската Олимпијада по физика, на наше огромно задоволство, го продолжува своето школување на Институтот за физика при Природно-математичкиот факултет во Скопје 📚

Со успех, Јан!

ДА СИ КАЖЕМЕ - Јан Стојановски освои златна медала на Европската олимпијада по физика

Заврши 15. Конференција на Друштвото на физичарите на Република Македонија... Четири дена врвни предавања, размена на искуства, дружење, забава..

Отворање на 15. Конференција на Друштвото на физичарите на Република Македонија

Програма за 15. Конференција на Друштвото на физичарите на Република Македонија
Охрид, 19-22 септември 2024

ИЗВЕСТУВАЊЕ ! (04.09.2024)

По завршувањето на Вториот селекционен натпревар (одржан денес, 04.09.2024, на ПМФ во Скопје), за учество на Меѓународната Јуниорска Олимпијада по природни науки (IJSO 2024), којашто ќе се одржи во декември 2024 во Букурешт, Романија, одреден е тимот ученици кои ќе ја преставуваат Македонија на оваа олимпијада:

1. Мила Порјазоска - ООУ „Ѓорѓија Пулевски“, Аеродром

2. Андреј Тасиќ - ООУ „Ѓорѓија Пулевски“, Аеродром

3. Никола Стојковски - ООУ „Ѓорѓија Пулевски“, Аеродром

4. Михаела Блажевска - ООУ „Кирил Пејчиновиќ“, Кисела Вода

5. Јаков Геговски - ООУ „Јохан Х. Песталоци“, Центар

6. Валентино Атанасоски - ООУ „Кочо Рацин“, Центар

На сите ученици им посакуваме голем успех!

ДФРМ, СХТМ, МБД

Посветеноста и трудот се двете најбитни доблести за да се успее Јан Стојановски I Освојувач на златниот медал на Европската олимпијада по физика

ТРИ МЕДАЛИ И ПОФАЛНИЦА ЗА СРЕДНОШКОЛЦИТЕ ОД МАКЕДОНИЈА НА
54. МЕЃУНАРОДНА ОЛИМПИЈАДА ПО ФИЗИКА!

Денес, 28.07.2024 година се одржа завршната церемонија за доделување на медалите и наградите на најуспешните учесници на 54. Меѓународна олимпијада по физика, која од 21 до 29 јули се одржува во Исфахан, Иран.

Овогодинешните наши преставници го забележаа најголемиот успех од почетокот на учеството на учениците од Македонија на оваа олимпијада во 1996 година, освојувајќи сребрен медал, два бронзени медали и една награда за успешно учество (пофалница).

🥈Јан Стојановски, ученик во четврта година во ПСУ „Јахја Кемал“- Скопје, за прв пат на Мекедонија и донесе сребрен медал од оваа олимпијада, само 7 дена по освојувањето на Златниот медал на 8. Европска Олимпијада по физика.
Бронзени медали освоија:
🥉Емилија Николовска, ученичка во четврта година во Математичко - информатичка гимназија - Скопје,
🥉Андреј Стојановски, ученик во трета година во ПСУ „Јахја Кемал“- Скопје.
Награда за успешно учество освои
📜Матеа Митревска, ученичка во трета година во ПСУ „Јахја Кемал“ - Скопје.
Своето знаење на оваа олимпијада го покажа и Дамјан Стојанов, ученик во трета година во ПСУ „Јахја Кемал“- Скопје.

Водачи на тимот беа:
Проф. д-р Ламбе Барандовски, вонреден професор на ПМФ во Скопје и Претседател на Друштвото на физичарите на Република Македонија и Војо Митревски, апсолвент на Институтот за физика при ПМФ во Скопје и поранешен олимпиец.

На 54. Меѓународна олимпијада по физика учествуваа 197 ученици од 46 држави од светот.

ДФРМ за македонските олимпијци организираше 4 неделни подготовки кои се одржаа во периодот јуни - јули 2024 година на Институтот за физика при Природно - математичкиот факултет во Скопје.
ДФРМ се заблагодарува на водачите на тимот за одвоеното време, како во текот на подготовките така и за време на одржувањето на Олимпијадата, како и на проф. д-р Ирина Петреска, асс. м-р Христијан Кочанковски, дипл. инж. Гоце Геговски, проф. д-р Трифче Сандев и проф. д-р Боце Митревски од Институтот за физика при ПМФ во Скопје, кои исто така поклонија огромен дел од своето слободно време за успешна подготовка на тимот.
ДФРМ се заблагодарува на Институтот за физика и на Природно-математичкиот факултет за помошта при подготовката на тимот и отстапувањето на простор и опрема за време на подготовките на тимот.
ДФРМ се заблагодарува на родителите на учениците, кои го презедоа најголемиот дел од финанскиот товар за учество на тимот на оваа олимпијада. Останатите средства за ова патување беа делумно обезбедени од страна на ДФРМ, а делумно од нашите поддржувачи и пријатели - донатори на кои најтопло им се заблагодаруваме.
ДФРМ се заблагодарува и на порталот umno.mk за одвоеното време и простор за поддршка на нашите олимпијци и промоција на нивнот талент и единственост.

ДФРМ упатува најискрени честитки за целата македонска екипа на 54. Меѓународна олимпијада по физика. Цврсто веруваме дека успесите од оваа олимпијада, како и успесите кои оваа година нашите таленти ги имаа на 8. Европската олимпијада по физика и 6. Балканска олимпијада по физика, се успеси со кои Македонија треба да се гордее.

На сите наши олимпијци им посакуваме уште многу академски достигнувања и успеси насекаде по светот!

Радувај се Македонијо!

ДФРМ

Писмо до Владата: Може(в)те да бидете херои Златните медали на младите таленти Дамјан Давков на Светската олимпијада по математика и на Јан Стојановски на Европската олимпијада по физика уште еднаш потврди ...

Тимот од Македонија на отворањето на
54. Меѓународна олимпијада по физика во Исфахан, Иран.

Денес своето патување го започнува тимот од средношколци кои ќе ја преставуваат Македонија на 54. Меѓународна олимпијада по физика во Исфахан, Иран во периодот од 21 до 29 јули 2024 година.

Во тимот се:
Јан Стојановски, ученик во четврта година во ПСУ Јахја Кемал - Скопје.
Андреј Стојановски, ученик во трета година во ПСУ Јахја Кемал - Скопје.
Емилија Николовска, ученичка во четврта година во Математичко - информатичка гимназија - Скопје.
Матеа Митревска, ученичка во трета година во ПСУ Јахја Кемал - Скопје и
Дамјан Стојанов, ученик во трета година во ПСУ Јахја Кемал - Скопје.

Водачи на тимот се: проф. д-р Ламбе Барандовски, вонреден професор на ПМФ во Скопје и Претседател на ДФРМ и Војо Митревски апсолвент на Институтот за физика при ПМФ во Скопје и поранешен олимпиец.

Тимот најтопло се заблагодарува на родителите на учениците и на Друштвото на физичарите на Република Македонија за покривање на најголемиот дел од трошоците за котизација и пат на оваа олимпијада, како и на следниве организации и физички лица кои несебично финансиски го поддржаа тимот:

г-ѓа Ивона Кафеџиска, Берлин
Mr. Etienne Thibaud, France
г-ѓа Мимоза Јанкуловска
г-ѓа Лилјана Кочоска Мараш, и пријателите од Шведска
г. Милан Елисковски
г. Зоран Хаџи-Велков
Фондација „Јахја Кемал Алумни“, Скопје
РЦ Боби 99, ДООЕЛ, Прилеп
МЕГА ДОО Увоз Извоз, Куманово
Биотек ДОО, Скопје
ТД Голден АРТ ДОО, Скопје
Аквариус Трак ДООЕЛ, Радовиш
ЗСФ-КОМ КОМ ДООЕЛ Увоз-Извоз, Скопје
ОАЗА Екстра-Скопско ДООЕЛ, Штип
Делфино Рент-а-кар ДООЕЛ, Скопје
БЕНД Ревизија и консалтинг ДОО, Тетово
Манија Фан Увоз-Извоз ДООЕЛ, Припеп
Нецетера ДООЕЛ, Скопје

Со успех и со лесно олимпијци!
ДФРМ