Digital Zay

ကိုယ့်ရဲ့ဖောက်သည် မဟုတ်တဲ့ လူတွေကြောင့် စိတ်ညစ်မခံနဲ့.....

တခါတလေ လုပ်ငန်းမအောင်မြင်ရတဲ့ အကြောင်းအရင်းက ကိုယ့်ရဲ့ဖောက်သည် မဟုတ်တဲ့ လူတွေအပေါ် အာရုံစိုက်နေလို့ ဖြစ်နိုင်တယ်။

လုပ်ငန်းလုပ်တဲ့အခါ နည်းနည်းဝယ်ပြီး များများလိုချင်တဲ့သူတွေ ရှိမယ်။

မတန်တဆ ဈေးနှိမ်ပြီး ဝယ်ချင်တဲ့ လူတွေလည်း တွေ့ရမယ်။

တစ်ကျပ်ဖိုးဝယ်ပြီး တစ်ထောင်ဖိုး ရစ်တဲ့လူနဲ့လည်း ကြုံရနိုင်တယ်။

တခါတလေ ဒီလိုလူတွေကို ဝန်ဆောင်မှုပေးရင်း စိတ်ညစ်ပြီး အလုပ်လုပ်ရတာ စိတ်မပါတာမျိုး ဖြစ်တတ်တယ်။

တကယ်ဝောာ့ လူတိုင်းက ကိုယ့်ဖောက်သည် မဖြစ်နိုင်ဘူး။ ကိုယ့်လုပ်ငန်းက ဘယ်လိုလူတွေကို ဝန်ဆောင်မှု မပေးဘူးလဲဆိုတာ ဆုံးဖြတ်ထားဖို့ လိုတယ်။

လုပ်ငန်းအများစု မအောင်မြင်ကြတာ ဒီအချက်ကြောင့်လို့ ပြောရင် မမှားဘူး။

Digital Zay
အိပ်နေရင်တောင် ငွေဝင်တဲ့လုပ်ငန်း တည်ဆောက်ပါ။

လုပ်ငန်းအောင်မြင်ဖို့ အတွေးအခေါ် အရေးကြီးတယ်....

အတွေးအခေါ်မှားရင် အင်မတန်ကြောက်ဖို့ ကောင်းပါတယ်။

ကိုယ့်ရဲ့အတွေးအခေါ် အပေါ် မူတည်ပြီး ကိုယ့်လုပ်ငန်း တိုးတက်မလား၊ မတိုးတက်ဘူးလားဆိုတာ ခန့်မှန်းလို့ရတယ်။

အောင်မြင်တဲ့လုပ်ငန်းရှင်နဲ့ ကျရှုံးတဲ့ စီးပွားရေးလုပ်ငန်းရှင် စဉ်းစားတဲ့ပုံစံ မတူဘူး။ အောင်မြင်တဲ့လုပ်ငန်းရှင်က အလုပ်မဖြစ်တာကို ထားခဲ့တယ်။ အလုပ်ဖြစ်တဲ့ နည်းလမ်းတွေကိုပဲ ဆက်လုပ်တယ်။

ကျရှုံးတဲ့လုပ်ငန်းရှင်ကျတော့ အလုပ်မဖြစ်တာတွေကိုပဲ စဉ်းစားရင်း စိတ်ညစ်နေတတ်ကြတယ်။

တချို့က "ကျွန်တော်တို့က ပစ္စည်းအရည်အသွေးပိုကောင်းတယ်၊ အထူးတလည် ကြော်ငြာနေမှ အောင်မြင်မှာမဟုတ်ဘူး" လို့တွေးတယ်။ ဒါကလဲ အရမ်းမမှန်တဲ့ အတွေးအခေါ်တစ်ခု ဖြစ်တယ်။

ကိုယ့်ပစ္စည်းကောင်းရင် လူတွေပိုသိအောင်လုပ်ရမှာ မဟုတ်လား။ လူတွေမသိရင် ကိုယ့်လောက်မကောင်းတဲ့ ပစ္စည်းတွေကိုပဲ သုံးမိနေတာမျိုးဖြစ်နေနိုင်တယ်။

ဖောက်သည် ပြဿနာတွေကို အကောင်းဆုံးဖြေရှင်းပေးနိုင်သူက စျေးကွက်မှာ အောင်မြင်မှုရတာပဲ။ ကိုယ်က အကောင်းဆုံး ဖြေရှင်းနိုင်တယ်၊
အောင်မြင်မှု မရသေးဘူးဆိုရင် ကိုယ့်ကိုလူသိနည်းနေတာ ဖြစ်နိုင်တယ်။

Digital Zay
အိပ်နေရင်တောင် ငွေဝင်တဲ့လုပ်ငန်း တည်ဆောက်ပါ။

ဈေးကွက်အကြောင်း နားလည်ဖို့လိုတယ်။

ဈေးကွက်အကြောင်း နားလည်ရင် ပြိုင်ဘက်တွေထက် ခြေတစ်လှမ်းသာပါတယ်။

ဈေးကွက်အကြောင်း နားလည်တယ်ဆိုတာ ကိုယ့်ရဲ့ဖောက်သည်တွေ ဘာလုပ်နေလဲ၊ ဘယ်လိုဝယ်နေလဲ၊ နောက်ပိုင်း ဘယ်လိုဝယ်လာနိုင်လဲ ဆိုတာ သိတာပါ။

မိတ်ဆွေအနေနဲ့ အခုနောက်ပိုင်း လူတွေက သမားရိုးကျ နည်းလမ်းတွေထက် online ကနေ လွယ်လွယ်ကူကူ ဝယ်ရတာကို သဘောကျလာတာကို သတိထားမိမှာပါ။

ဒီနေရာမှာ လူအများစုက Facebook ကနေ၊ Messenger ကနေ ဝယ်ယူတာပေါ့။

ဒီမှာ သူတို့အများစု ကြုံတွေ့ရတဲ့ ပြဿနာက Reply ကြာတာ၊ ဈေးနှုန်းမသိတာ၊ ကုန်ပစ္စည်းအကြောင်း သေချာနားမလည်တာ၊ ကုန်ပစ္စည်းတွေများတော့ Page မှာ ရှာရ မလွယ်တာ၊ Instock ဘယ်လောက်ကျန်သေးမှန်း မသိတာမျိုး ပါ။

‌ဒီပြဿနာတွေ အားလုံးရဲ့ အဖြေက E-commerce website ပဲ။

E-commerce website က လူတွေအတွက် ဈေးနှုန်း၊ Instock၊ ကုန်ပစ္စည်းအကြောင်း စတာတွေကို တစ်နေရာထဲမှာ ဖော်ပြပေးလို့ ဝယ်ရတာ အဆင်ပြေတယ်။

ပြီးတော့ ကုန်ပစ္စည်း ဘယ်လောက်များများ category ခွဲပြီး စီစီရီရီ ဖော်ပြနိုင်လို့ ဝယ်ရတာ မျက်စိရှုပ်မနေဘူး။

ဒါ့အပြင် ဘယ်သူနဲ့မှ စကားပြောစရာ မလို၊ Reply စောင့်စရာမလိုဘဲ Click တစ်ချက်နှိပ်ရုံနဲ့ ဝယ်ယူလို့ရလို့ အချိန်ကုန်သက်သာတယ်။

နောက်ပိုင်းဆိုရင် ဒီလို နည်းပညာအခြေပြု E-commerce website တွေက ခေတ်စားလာလိမ့်မယ်။

ဒါ့ကြောင့် ဈေးကွက်ထဲမှာ သူများတွေထက် ခြေတစ်လှမ်းသာနေအောင် E-commerce website လုပ်ထားကြပါ မိတ်ဆွေတို့။

Digital Zay
အိပ်နေရင်တောင် ငွေဝင်တဲ့လုပ်ငန်း တည်ဆောက်ပါ။

လူတွေ ဝယ်ယူဖို့ တွန်းအားဖြစ်စေနိုင်တဲ့ အကြောင်းအရင်း 3 ခု

တခါတလေ အများစု သတိမထားမိပေမဲ့ လူတွေမှာ သူတို့ကို ဝယ်ယူဖို့ လွှမ်းမိုးနေတဲ့၊ တွန်းအားပေးနေတဲ့ အချက်တွေ ရှိတယ်။ ဒါကို အသုံးချနိုင်ရင် ကုန်ပစ္စည်းတွေ၊ ဝန်ဆောင်မှုတွေ ရောင်းရဖို့ ပိုလွယ်တယ်။

‌ဒါ့ကြောင့် မိတ်ဆွေတို့ လုပ်ငန်းမှာ ရောင်းအားတွေ တိုးနိုင်ဖို့ ဒီအချက် (3) ချက်ကို ပြောပြပေးမယ်။

(1) pleasure and pain

လူတွေကို ဝယ်ယူဖို့ တွန်းအားဖြစ်စေတာ သာယာမှုနဲ့ နာကျင်မှုပဲ။ လူတွေက သာယာမှုကို လိုချင်လို့ ဝယ်ကြသလို နာကျင်မှုကို ရှောင်ရှားချင်လို့လည်း ဝယ်ယူတတ်ကြတယ်။ ဥပမာအနေနဲ့ပြောရင် လူတွေ ထိုင်ခုံဝယ်တယ်ဆိုတာ သက်တောင့်သက်သာဖြစ်ချင်လို့၊ ခါးနာတာမျိုးကို ရှောင်ချင်လို့ ဖြစ်တယ်။

(2) Hope and Fear

နောက်တစ်ချက်ကတော့ မျှော်လင့်ချက် နဲ့ အကြောက်တရားပဲ။ တချို့ English စာ သင်တန်းတက်တယ်ဆိုတာ သူ့ဘ၀ရဲ့ မျှော်လင့်ချက်တွေ၊ ရည်မှန်းချက်တွေ ပြည့်မြောက်ချင်လို့ ဖြစ်နိုင်သလို အခြားသူတွေ ကိုယ့်ထက်သာသွားမှာ ကြောက်တာကြောင့်လည်း ဖြစ်နိုင်တယ်။

(3) Social Acceptance and rejection

လူတွေက အခြားသူတွေ အသိအမှတ်ပြုတာကို ခံချင်လို့ ဝယ်ယူကြသလို မဝယ်ယူရင် ငြင်းပယ်ခံရမှာကို ကြောက်တာကြောင့်လည်း ပါတယ်။ တချို့ ဈေးကြီးပစ္စည်းတွေ၊ Brand တွေ ဝယ်သုံးတာက လူတွေ အသိအမှတ်ပြုခံရအောင် အထင်ကြီးအောင် ဝယ်ယူကြတာဖြစ်သလို မဝယ်ယူရင် လူတွေက အထင်သေးသွားပြီး မပေါင်းသင်းတော့မှာ၊ ဝေဖန်ခံရတာမျိုးကို ရှောင်ရှားချင်လို့ ဖြစ်တယ်။

ကိုယ့်ရဲ့ဖောက်သည်တွေမှာ ရှိတဲ့ ဒီတွန်းအားတွေကို သိပြီး ကောင်းကောင်းအသုံးချနိုင်ရင် ရောင်းအားတိုးပြီး ပြိုင်ဘက်တွေထက် ခြေတစ်လှမ်း သာစေလိမ့်မယ်။

Digital Zay
အိပ်နေရင်တောင် ငွေဝင်တဲ့လုပ်ငန်း တည်ဆောက်ပါ။

ဖောက်သည်တွေအကြောင်း ပိုနားလည်ချင်ရင်…

လုပ်ငန်းလုပ်တဲ့အခါ ဖောက်သည်တွေအကြောင်း နားလည်ဖို့က အဓိကပဲ။

သူတို့အကြောင်း နားလည်လေလေ ကိုယ့်လုပ်ငန်း ရောင်းရဖို့ အခွင့်အလမ်းများလေ၊ တိုးတက်လေလေပဲ။

ဖောက်သည်တွေ ဘယ်အချိန်မှာ ဝယ်တတ်လဲ။ ဘာတွေကို ဝယ်တတ်လဲ၊ ဘယ်အရာကို အများဆုံး ဝယ်လေ့ရှိလဲ။ ဒါတွေကို သိထားဖို့ လိုတယ်။

ဒါမှ လုပ်ငန်းလုပ်တဲ့အခါ ကိုယ့်လုပ်ငန်းက အခြားသူတွေထက် နှာတစ်ဖျား သာနေမှာ။

ပြိုင်ဘက်တွေထက် နှာတစ်ဖျားသာဖို့ အကောင်းဆုံးကတော့ E-commerce website တည်ဆောက်ထားတာပဲ။ သူက ဖောက်သည်တွေက ဘယ်အချိန်မှာ ဘာပစ္စည်းကို ဝယ်လေ့ရှိတယ်၊ ဘယ်လိုပစ္စည်းတွေကို ပိုဝယ်တယ် ဆိုတာကို ပြောပြနိုင်တယ်။

ဒါ့အပြင် ဖောက်သည်တွေက ဝယ်မယ်လို့ စဥ်းစားပြီးမှ မဝယ်ဖြစ်ခဲ့တဲ့ ပစ္စည်းတွေကိုလည်း သိနိုင်တယ်။ ဒါတွေက ကိုယ့်လုပ်ငန်း ရောင်းအားတက်စေဖို့ Data တွေပဲ။

ဒီအချက်တွေကို ကောင်းကောင်းအသုံးချတတ်ဖို့ လိုတယ် မိတ်ဆွေတို့။

Digital Zay
အိပ်နေရင်တောင် ငွေဝင်တဲ့လုပ်ငန်း တည်ဆောက်ပါ။

အမြဲတမ်း အကောင်းဆုံး ဖြစ်နေမဲ့ Marketing Strategy

Marketing ဆိုတာ လူတွေကို ဆွဲဆောင်တဲ့ အနုပညာ လို့ ပြောကြတယ်။

လူတွေကို ဆွဲဆောင်ဖို့ဆိုရင် အကောင်းဆုံးနည်းလမ်းက သူတို့ကို ဂရုစိုက်တာပဲ။

အများစုက ကိုယ့်ရဲ့ဖောက်သည်ကို ဂရုစိုက်တယ်လို့ ထင်ပေမဲ့ ဂရုမစိုက်ဖြစ်တာ များတယ်။

ကိုယ့်လုပ်ငန်းအကြောင်း၊ ကိုယ့်ရဲ့ကုန်ပစ္စည်း၊ ဝန်ဆောင်မှုတွေ အကြောင်းပဲ တွေးရင်း တိုင်ပတ်နေတတ်တယ်။

ဂရုစိုက်တယ်ဆိုတာ ဘာပဲလုပ်လုပ် ကိုယ့်ရဲ့ဖောက်သည်ကို အရင်ဆုံး စဉ်းစားတာ ဖြစ်တယ်။

သူတို့ရဲ့ လိုအပ်တဲ့အရာ၊ သူတို့ သဘောကျတဲ့အရာ ၊ သူတို့ကိုနာကျင်စေတဲ့ အရာတွေကို နားလည်ခြင်းက Marketing လုပ်တဲ့အခါ အများကြီး အထောက်အကူ ပြုလိမ့်မယ်။

ပြီးတော့ Marketing ဆိုတာက တစ်ကြိမ်ရောင်းရဖို့အတွက် လုပ်ရတာ မဟုတ်ဘူး။ ဖောက်သည်တွေနဲ့ ရေရှည်ဆက်ဆံရေးတစ်ခုဖြစ်ဖို့ တည်ဆောက်ရတာ ဖြစ်တဲ့အတွက် ဂရုစိုက်မှုက အရေးကြီးတယ်။

ဖောက်သည်တွေက သူတို့ကို ဂရုစိုက်တယ်လို့ ခံစားရလေလေ ကိုယ့်လုပ်ငန်းနဲ့ သူတို့ရဲ့ကြားမှာ ခိုင်မာပြီး ယုံကြည်ရတဲ့ ဆက်ဆံရေးကို တည်ဆောက်နိုင်လေလေပဲ။

တချို့ဆိုရင် ကိုယ့်လုပ်ငန်းကို ကြော်ငြာပေးတဲ့သူတွေတောင် ဖြစ်လာနိုင်တယ်။

ဒါ့ကြောင့် Gary Vee ပြောသလို Marketing လုပ်တဲ့အခါ အကောင်းဆုံး မဟာဗျူဟာက ဂရုစိုက်တာပါ။

Digital Zay
အိပ်နေရင်တောင် ငွေဝင်တဲ့လုပ်ငန်း တည်ဆောက်ပါ။

ဘာပဲရောင်းရောင်း အရှုံးမရှိဘူးလို့ ခံစားရအောင် ရောင်းတတ်ဖို့ လိုတယ်..

တခါတလေ လူတွေကို ဝယ်ဖို့တွန့်သွားစေတဲ့ အကြောင်းအရင်း တစ်ခု ရှိတယ်။ ဈေးကြီးတဲ့ပစ္စည်းတွေ၊ ဝန်ဆောင်မှုတွေ ဝယ်ရင် ပိုပြီးဖြစ်တတ်တယ်။

အဲ့ဒါကတော့ ဆုံးရှုံးမှုများမယ်လို့ ခံစားရတဲ့ စိုးရိမ်စိတ်၊ ငါဝယ်လိုက်ရင် မှားသွားမလား ဆိုတဲ့ ကြောက်ရွံစိတ်ပဲ။

ရောင်းရချင်ရင် ဒီစိတ်တွေကို နည်းနိုင်သမျှ နည်းအောင် ဖျောက်ပေးဖို့ လိုတယ်။ အဲ့ဒါကတော့ အရှုံးမရှိဘူးလို့ ခံစားရအောင် လုပ်ပေးတာပဲ။

တချို့လုပ်ငန်းတွေက ခြောက်လ၊ တစ်နှစ်၊ သုံးနှစ် စသည်ဖြင့် အာမခံပေးပြီး အရှုံးမရှိဘူးလို့ ခံစားရအောင် လုပ်ပေးတယ်။

တချို့သင်တန်းတွေက တက်ပြီးလို့မှ မကြိုက်ရင် 100% ငွေပြန်အမ်းပေးမယ် ဆိုတာမျိုး လုပ်ကြတယ်။

တချို့ကျတော့ ကိုယ့်ရဲ့ ကုန်ပစ္စည်း၊ ဝန်ဆောင်မှုကို အစမ်းသုံးခိုင်းတာမျိုး၊ အိမ်ရောက်ငွေချေ ဆိုတာမျိုးနဲ့ စိုးရိမ်စိတ်ကို ဖျောက်ပေးကြတယ်။

မိတ်တွေတို့ရော ကိုယ့်လုပ်ငန်းမှာ ဝယ်သူတွေရဲ့ စိုးရိမ်စိတ်ကို ဘယ်လိုဖျောက်ပေးနေလဲ?
Comment မန့်ခဲ့ပါဦး။

Digital Zay
အိပ်နေရင်တောင် ငွေဝင်တဲ့လုပ်ငန်း တည်ဆောက်ပါ။

လုပ်ငန်းအောင်မြင်ဖို့ 3M အရေးကြီးတယ်..

ကိုယ့်လုပ်ငန်းကို လူတွေ သိစေချင်တယ်၊ အောင်မြင်ချင်တယ် ဆိုရင် 3M ကို သိဖို့လိုတယ်။။ 3M မသိရင် ကိုယ့်လုပ်ငန်း အောင်မြင်ဖို့ မလွယ်ဘူး။

3M ဆိုတာ Market, Message, Media ကို ဆိုလိုတာ ဖြစ်တယ်။

(1) Market

Market ဆိုတာ ကိုယ့်လုပ်ငန်းက ဘယ်စျေးကွက်ထဲကို ဝင်မှာလဲ၊ ဘယ်သူ့ကို ရောင်းမှာလဲ သိဖို့ဖြစ်တယ်။ အများစုက ကိုယ့်ပစ္စည်းကို လူတိုင်းကို ရောင်းလို့ရမယ် ထင်တယ်။ တကယ်တော့ လူတိုင်းကို ရောင်းလို့မရဘူး။

ဥပမာ - အင်္ကျီ လူတိုင်းဝတ်တာပဲ ရောင်းလို့ရတယ်ဆိုပြီး ပြောလို့မရဘူး။ သောင်းကျော်တန် အင်္ကျီဝတ်တဲ့သူ ရှိသလို၊ သိန်းကျော်တန် ဝတ်တဲ့သူ ရှိမယ်။ အင်္ကျီပုံစံ၊ အရောင်၊ အရွယ်အစား စသည်ဖြင့် တစ်ယောက်နဲ့ တစ်ယောက် တူမှာမဟုတ်ဘူး။

ဒါ့ကြောင့် ကိုယ်ရောင်းမဲ့သူ၊ ကိုယ်ဆီက ဝယ်မဲ့သူကို သေချာစဉ်းစားပြီး သတ်မှတ်ဖို့ လိုတယ်။

(2) Message

ကိုယ့်ဆီ ဝယ်မဲ့သူကို သတ်မှတ်ပြီးပြီဆိုရင် သူတို့ကို Message ပေးဖို့လိုတယ်။ ကိုယ့်ရဲ့ထုတ်ကုန်၊ ဝန်ဆောင်မှုက သူတို့ကို ဘယ်လိုကူညီပေးမလဲ ဆိုတာမျိုး‌ပေါ့။ ဒါပေမဲ့ သူတို့လိုချင်တဲ့အရာ၊ လိုအပ်နေတဲ့အရာ ဖြစ်ဖို့တော့ လိုတယ်။

ဥပမာ - စိတ်ချယုံကြည် ဧရာဝတီ ၊ ဗိုက်ဆာနေလား မားမားကိုစား စသည်ဖြင့် ကြားဖူးလိမ့်မယ်။ ဒါတွေက လူတွေကို Message ပေးတာပဲ။

(3) Media

ကိုယ့်ဆီ ဝယ်မဲ့သူကို ကိုယ်ပေးချင်တဲ့ Message ရောက်ဖို့ဆိုရင် Media အရေးကြီးတယ်။

Media တွေကို ရွေးချယ်တဲ့အခါ ကိုယ်သတ်မှတ်ထားတဲ့ ဖောက်သည်က ဘယ်နေရာတွေကို သွားလေ့ရှိလဲ၊ ဘာတွေကို လုပ်လေ့ရှိလဲ၊ အသုံးပြုလေ့ရှိလဲ သိထားဖို့လိုတယ်။ အလုပ်သွားတတ်တဲ့ လူဆိုရင် ကားမှတ်တိုင်၊ Billboard စတာတွေမှာ ကြော်ငြာလို့ ရသလို၊ Facebook သုံးတဲ့လူဆို Facebook မှာ ကြော်ငြာ၊ Viber သုံးရင် Viber၊ TitTok သုံးရင် TitTok စသည်ဖြင့် ကြော်ငြာနိုင်တယ်။

ဒါကတော့ လုပ်ငန်းအောင်မြင်ဖို့ အရေးကြီးတဲ့ 3M အကြောင်းပါ။ မိတ်ဆွေတို့အတွက် အကျိုးတစ်ခုခု ရှိလိမ့်မယ်လို့ မျှော်လင့်ပါတယ်။

Digital Zay
အိပ်နေရင်တောင် ငွေဝင်တဲ့လုပ်ငန်း တည်ဆောက်ပါ။

Marketing ဆိုတာ ရေရှည်လုပ်ရမဲ့ လုပ်ငန်းစဉ်ပါ။

အများစုက Marketing လို့ ပြောလိုက်ရင် အဖြစ်အပျက်လို့ ထင်ကြတယ်။ တစ်ကြိမ် လုပ်လိုက်ရုံနဲ့ ပြီးသွားမယ်လို့ တွေးကြတယ်။

ပွဲတစ်ခု၊ Campaign တစ်ခု၊ ကြော်ငြာတစ်ခု လုပ်လိုက်တာနဲ့ အဆင်ပြေပြီ၊ ကိုယ့်လုပ်ငန်းကို အမြဲတမ်း မှတ်မိမှာပဲလို့ ထင်တတ်ကြတယ်။

တကယ်တော့ Marketing ဆိုတာ ဈေးကွက်အပြောင်းအလဲ၊ ဖောက်သည်တွေရဲ့အကြိုက် အပြောင်းအလဲ‌တွေကြားမှာ အမြဲတမ်းလုပ်နေရမဲ့ လုပ်ငန်းစဉ်တစ်ခုပါ။

ဖောက်သည်တွေကို ကြော်ငြာတဲ့အခါ ဘယ်လိုနည်းလမ်းတွေက ထိရောက်လဲ၊ ဘယ်လိုနည်းလမ်းတွေ သုံးရင် လူတွေက ပိုဝယ်လဲ၊ သူတို့နဲ့ ချိတ်ဆက်နိုင်ဖို့ ဘယ်လိုနည်းလမ်းတွေ သုံးမလဲ စတာတွေကို အမြဲစမ်းသပ် လေ့လာနေရမှာပါ။

ဒါမှ Loyal Customer လို့‌ခေါ်တဲ့ ကိုယ့်လုပ်ငန်းက အမြဲတမ်း ဝယ်ယူတဲ့ ဖောက်သည်တွေ၊ ကိုယ့်လုပ်ငန်းကို ကြော်ငြာပေးမဲ့ Fan တွေ ဖြစ်လာမှာပါ။

ဒါ့ကြောင့် Marketing ဆိုတာ ရေရှည်လုပ်ရမဲ့ လုပ်ငန်းစဉ် တစ်ခုပါ။

Digital Zay
အိပ်နေရင်တောင် ငွေဝင်တဲ့လုပ်ငန်း တည်ဆောက်ပါ။

ကိုယ့်လုပ်ငန်းကို လူတစ်ယောက်လို စဉ်းစားပါ

အောင်မြင်ချင်တယ်၊ လူတွေမှတ်မိတဲ့ လုပ်ငန်းတစ်ခု ဖြစ်ချင်တယ်ဆိုရင် ကိုယ့်လုပ်ငန်းကို လူတစ်ယောက်လို စဉ်းစားဖို့ လိုတယ်။

လူတစ်ယောက်ချင်းစီမှာ ယုံကြည်မှု၊ တန်ဖိုးထားမှု၊ အတွေးအခေါ်တွေ ရှိတယ်။ ဒါတွေကပဲ လူတွေကို တစ်ယောက်နဲ့တစ်ယောက် ရင်းနှီးစေပြီး သူငယ်ချင်းတွေ၊ အချင်းချင်း ယုံကြည်ရတဲ့သူတွေ ဖြစ်လာစေတာ။

လုပ်ငန်းလုပ်တဲ့အခါလည်း ဒီလိုပဲ။ လူတွေ ကိုယ့်လုပ်ငန်းကို ရင်းနှီးပြီး မှတ်မိစေချင်တယ်ဆိုရင် ပြတ်သားတဲ့ ယုံကြည်မှု၊ တန်ဖိုးထားမှု၊ ‌အတွေးအခေါ်တွေ ရှိဖို့လိုတယ်။

ပြီးဝောာ့ ဒါတွေကို လူတွေသိအောင် ကောင်းကောင်းဖော်ပြဖို့လည်း လိုတယ်။ ဒါမှ လူတွေနဲ့ ချိတ်ဆက်နိုင်မှာ။

ဥပမာအနေနဲ့ ပြောရရင် ကိုယ့်လုပ်ငန်းက

ရိုးသားတဲ့လူ၊ အရည်အသွေးကို တန်ဖိုးထားတဲ့သူ၊ ဘာပဲလုပ်လုပ် စေ‌တနာမပါရင် မအောင်မြင်ဘူးလို့ တွေးတဲ့သူ စသည်ဖြင့် ဖော်ပြလို့ရတယ်။

ဒါတွေက လူတွေကို ကိုယ့်လုပ်ငန်းနဲ့ ချိတ်ဆက်စေနိုင်ပြီး အောင်မြင်ဖို့ ကူညီပေးနိုင်လိမ့်မယ်။

မိတ်ဆွေဆိုရင်ရော ကိုယ့်လုပ်ငန်းသာ လူတစ်ယောက်ဆိုရင်

ဘာ‌တွေကို ယုံကြည်မလဲ?
ဘာတွေကို တန်ဖိုးထားမလဲ?
ဘယ်လို အတွေးအခေါ်တွေ ရှိမလဲ?

Digital Zay
အိပ်နေရင်တောင် ငွေဝင်တဲ့လုပ်ငန်း တည်ဆောက်ပါ။

24 နာရီလုံး လည်ပတ်နိုင်တဲ့ လုပ်ငန်းတည်ဆောက်ပါ...

ပုံမှန်လုပ်ငန်းလုပ်တဲ့အခါ အကန့်အသတ်တွေ ရှိတယ်။

ဖောက်သည်တွေ လိုချင်တဲ့ အချိန်တိုင်းမှာ ရောင်းနိုင်ဖို့ မလွယ်ဘူး။

ခရီးသွားတဲ့အချိန်၊ ကိုယ်မအားတဲ့ အချိန်တွေမှာ ဖောက်သည်တွေက လွတ်လွတ်သွားတတ်တယ်။

ဝန်ထမ်းခန့်ထားပြန်တော့လည်း သိပ်မထူးခြားဘူး။ ကိုယ်က လိုက်ကြည့်ရတာပဲ။ အချိန်ကုန်၊ လူပင်ပန်းနဲ့ တိုင်ပတ်နေတတ်တယ်။

ဒီလို မဖြစ်ဖို့ဆိုရင် 24 နာရီလုံး ရောင်းနိုင်တဲ့၊ လည်ပတ်နိုင်တဲ့ လုပ်ငန်းဖြစ်ဖို့ လိုတယ်။

အဲ့ဒါကတော့ E-commerce Website ပဲ။ ဖောက်သည်တွေ ဘယ်အချိန်လာဝယ်ဝယ် 24 နာရီလုံး ရောင်းနိုင်တယ်။

ဘာဖြစ်လို့လဲဆိုတော့ ဘာမှပြောစရာမလိုဘဲ ဖောက်သည်တွေအနေနဲ့ ကိုယ့်ပါကိုယ် Click နှိပ်ပြီး ဝယ်ယူသွားလို့ ရလို့ပဲ။

ဒါ့အပြင် ဈေးနှုန်းတွေ၊ ပါဝင်ပစ္စည်းတွေကို တခါတည်း ဖော်ပြထားနိုင်လို့ စကားတွေ အများကြီးပြောစရာမလိုဘဲ ရောင်းလို့ရတယ်။

ဒါကတော့ E-commerce website ရှိခြင်းရဲ့ အားသာချက်ပဲ။ နည်းပညာကို ကောင်းကောင်းအသုံးချဖို့ လိုတယ် မိတ်ဆွေတို့။

Digital Zay
အိပ်နေရင်တောင် ငွေဝင်တဲ့လုပ်ငန်း တည်ဆောက်ပါ။

ဖောက်သည်ရွေးတဲ့အခါ ပြတ်သားဖို့ အရေးကြီးတယ်...

လုပ်ငန်းလုပ်တဲ့အခါ အများစုရဲ့ ပြဿနာက ဟိုလူကိုလည်း ရောင်းချင်၊ ဒီလူကိုလည်း ရောင်းချင်တာပါ။

တကယ်တော့ ကိုယ့်ရဲ့ဖောက်သည်ကို ပြတ်ပြတ်သားသား ရွေးထားဖို့ လိုတယ်။

ဘယ်လိုလူမျိုးတွေကို ရောင်းမှာလဲ၊ ဘယ်လိုလူမျိုး‌တွေကို မရောင်းဘူးလဲဆိုတာ ပြတ်ပြတ်သားသား ဆုံးဖြတ်ဖို့ လိုတယ်။

ပြတ်ပြတ်သားသား မဆုံးဖြတ်ထားရင် ဟိုလူအကြိုက်လည်းလုပ်၊ ဒီလူအကြိုက်လည်းလုပ်ရင်း လုပ်ငန်းက တိုင်ပတ်နေတတ်တယ်။

ဥပမာ - ကိုယ့်လုပ်ငန်းက Luxury brand၊ အရည်အသွေးကို ဦးစားပေးတဲ့ လူတွေက ကိုယ့်ရဲ့ဖောက်သည်ဆိုရင်

ဈေးနှုန်းတွေနဲ့ ပတ်သက်ပြီး စိတ်ညစ်နေစရာ မလိုဘူး။ ဈေးလျှော့ပေးပါလို့ ပြောတဲ့လူကလည်း ကိုယ့်ရဲ့ဖောက်သည် မဟုတ်ဘူး။

အဲ့လိုမဟုတ်ဘဲ ဈေးတွေလျှော့မယ်၊ လက်ဆောင်တွေပေးမယ်ဆိုရင် အမြတ်မရတဲ့အပြင် ကိုယ့်လုပ်ငန်း အရင်းပါ ပါသွားနိုင်တယ်။

ဒါ့ကြောင့် ကိုယ့်ရဲ့ ဖောက်သည်ကို ပြတ်ပြတ်သားသား ရွေးချယ်ထားပါ။

Digital Zay
အိပ်နေရင်တောင် ငွေဝင်တဲ့လုပ်ငန်း တည်ဆောက်ပါ။

ရောင်းရချင်ရင် Expert Power ကို အသုံးချပါ...

လုပ်ငန်းလုပ်တဲ့အခါ ရောင်းရချင်ရင် အဓိကက လူတွေ ကိုယ့်လုပ်ငန်းကို ယုံကြည်ဖို့ပဲ။

မယုံကြည်ရင် ရောင်းရဖို့ မလွယ်ဘူး။ ဘာဖြစ်လို့လဲဆိုတော့ လူတွေ ဝယ်ရတဲ့ စွန့်စားမှုက များတယ်။

လူတွေ ယုံကြည်အောင် ဘာလုပ်ရမလဲဆိုရင် Expert Power ကို အသုံးချဖို့ပဲ။ လူတွေက ပညာရှင်တွေပြောရင် လက်ခံသလို သူတို့ပြောတာကိုလည်း ယုံကြည်တတ်ကြတယ်။

Expert Power ဆိုတာ ကိုယ့်မှာရှိတဲ့ ဗဟုသုတတွေ၊ ကျွမ်းကျင်မှုတွေကို အသုံးချပြီး လူတွေယုံကြည်အောင် စွမ်းပကား တည်ဆောက်တာပဲ။

ဥပမာ - ကိုယ်က ကိတ်မုန့်လုပ်ငန်း လုပ်တယ်ဆိုရင် ကိတ်မုန့်နဲ့ ပတ်သက်ပြီး Expert ဖြစ်ကြောင်း ပြသဖို့လိုတယ်။

ကိတ်မုန့်ဆိုတာ အရသာကောင်းဖို့ ဘယ်လိုဖုတ်ရတယ်၊ ဘာပစ္စည်းတွေ လိုတယ်၊ ဘယ်
Step တွေက အရေးကြီးတယ် စသည်ဖြင့် ကိုယ်က ကိတ်မုန့်နဲ့ ပတ်သက်လာရင် Expert တစ်ယောက်ဖြစ်ကြောင်း ဖော်ပြလို့ရတယ်။

ဒါက လူတွေရဲ့ ယုံကြည်မှုကို ရစေပြီး ရောင်းရဖို့ ကူညီပေးနိုင်လိမ့်မယ်။

Digital Zay
အိပ်နေရင်တောင် ငွေဝင်တဲ့လုပ်ငန်း တည်ဆောက်ပါ။

လုပ်ငန်းအောင်မြင်ဖို့ မယူခင် အရင်ပေးပါ...

လူတွေမှာ တစ်ခုခုကို အလကားရတဲ့အခါ တစ်ခုခုကို ပြန်လည်ပေးချင်တဲ့စိတ် ရှိတတ်တယ်။ ဒါကို Law of reciprocity လို့ခေါ်တယ်။

လွယ်လွယ်ကူကူပြောရင် ကိုယ့်အပေါ်ကောင်းတဲ့သူဆို ကိုယ်ကပြန်ကောင်းချင်တဲ့ သဘောမျိုးပေါ့။

ဒါကို လုပ်ငန်းလုပ်တဲ့အခါ အောင်မြင်ဖို့ အသုံးချလို့ရတယ်။ အဲ့ဒါ့က‌တော့ မယူခင် အရင်ပေးတာပဲ။

လုပ်ငန်းအများစုက ယူဖို့ပဲ တွေးကြတာ များတယ်။ အမြတ်ရဖို့၊ ကိုယ့်ပစ္စည်းရောင်းရဖို့ပဲ စဉ်းစားကြတယ်။

တကယ်တော့ မယူခင် ကိုယ့်လုပ်ငန်းရဲ့ ဖောက်သည်တွေ၊ အလားအလာရှိတဲ့ ဖောက်သည်တွေအတွက် တန်ဖိုးရှိတဲ့ အရာတွေကို ပေးနိုင်ဖို့ စဉ်းစားရမှာ။

တန်ဖိုးရှိတယ် ဆိုတာ ဈေးကြီးကြီး ပစ္စည်းတွေ ပေးတာမျိုး မဟုတ်ဘူး။ သူတို့အတွက် အကျိုးရှိမဲ့ အကြောင်းအရာတွေ ပြောပြတာ၊ ကိုယ့်ရဲ့ထုတ်ကုန်ကို စမ်းသုံးကြည့်ခိုင်းတာ၊ သူတို့ရဲ့ နေ့စဉ်ဘ၀ အဆင်ပြေဖို့ အခမဲ့ အကြံဉာဏ်ပေးတာမျိုးပါ။

ဒီလို လုပ်တာ‌တွေက လူတွေကို ဝယ်ယူချင်စိတ်ဖြစ်စေပြီး ကိုယ့်လုပ်ငန်းအောင်မြင်ဖို့ ရာခိုင်နှုန်း ပိုများတယ်။

Digital Zay
အိပ်နေရင်တောင် ငွေဝင်တဲ့လုပ်ငန်း တည်ဆောက်ပါ။

ရောင်းရချင်ရင် လူတွေရဲ့ စိုးရိမ်စိတ်ကို လျှော့ချပေးနိုင်ဖို့ လိုတယ်....

တခါတလေ လူတွေမှာ ဝယ်ချင်ပေမဲ့ မဝယ်ဖြစ်လိုက်တဲ့အချိန်တွေ ရှိတယ်။

အဓိက အကြောင်းအရင်းကတော့ စိုးရိမ်လို့ပဲ။ ဒီပစ္စည်းက သုံးလို့ရော အဆင်ပြေပါ့မလား၊ ကြာရှည်ရော ခံပါ့မလား၊ ဂျင်းများ ဖြစ်နေမလား ဆိုတဲ့ စိုးရိမ်စိတ်‌တွေကြောင့်ပဲ။

ကိုယ့်လုပ်ငန်းကို မသိဖူးဆိုရင် လူတွေရဲ့ စိုးရိမ်စိတ်က ပိုပြီးကြီးနိုင်တယ်။ ဒီလိုစိုးရိမ်စိတ် ကြီးလေလေ လူတွေမဝယ်ဖို့ ရာခိုင်နှုန်း ပိုများလေလေပဲ။

ဒီလိုအချိန်မှာ လုပ်သင့်တာကတော့ သူတို့ရဲ့စိတ်ထဲမှာ ငါမရှုံးဘူးဆိုတဲ့ ခံစားချက်ရသွားအောင် လုပ်ပေးဖို့ပဲ။

ဥပမာအနေနဲ့ ပြောရရင် တစ်နှစ်၊ နှစ်နှစ် အာမခံပေးတာမျိုး၊ ဝယ်ယူပြီးမှ တစ်ပတ်အတွင်း မကြိုက်ရင် 100 % ငွေပြန်အမ်းပေးမယ် ဆိုတာမျိုး၊ Free စမ်းသုံးကြည့်ခိုင်းတာမျိုး လုပ်လို့ရတယ်။

တချို့လုပ်ငန်းရှင်တွေက ဒီလိုလျော်ပေးလိုက်ရလို့၊ အာမခံပေးလိုက်ရလို့ ရှုံးသွားမှာကို ကြောက်တတ်ကြတယ်။ တကယ်တော့ အဲ့လိုမပေးလိုက်လို့ ဆုံးရှုံးသွားတဲ့ ဝယ်ယူမှုတွေ၊ အမြတ်ငွေတွေက ပိုများနိုင်တယ်။

ဒီအချက်ကိုသာ အသုံးချတတ်ရင် ကိုယ့်လုပ်ငန်းမှာ ပိုပြီးရောင်းအားတိုးလာနိုင်တယ်။

Digital Zay
အိပ်နေရင်တောင် ငွေဝင်တဲ့လုပ်ငန်း တည်ဆောက်ပါ။

ဖောက်သည်တွေ မကြာခဏ ဝယ်စေဖို့ နည်းလမ်း (3) ခု

လုပ်ငန်းလုပ်တဲ့အခါ ရောင်းရရုံ၊ ဖောက်သည်ရရုံပဲဆို ရေရှည်မှာ အဆင်မပြေနိုင်ဘူး။ မကြာခဏ ဝယ်အောင် လုပ်နိုင်ဖို့ အရေးကြီးတယ်။

ဒါ့ကြောင့် ဖောက်သည်တွေ မကြာခဏ ဝယ်စေနိုင်မဲ့ နည်းလမ်း (3) မျိုးကို မိတ်ဆွေတို့အတွက် ဖော်ပြပေးလိုက်ပါတယ်။

(1) အနာဂတ် Coupon တွေ၊ Gift Card တွေ ပေးပါ။

Discount တွေ၊ ဈေးတွေလျှော့ပေးတာထက်စာရင် အနာဂတ်မှာ သုံးလို့ရတဲ့ ကူပွန်တွေက ‌နောက်တစ်ခေါက် ပြန်လာဝယ်ဖို့ လူတွေကို ဆွဲဆောင်နိုင်ပါတယ်။ ဥပမာအနေနဲ့ပြောရရင် ဒီလအတွင်း နောက်တစ်ခေါက်လာဝယ်ရင် အသုံးပြုလို့ရမဲ့ 10000, 20000 ကဒ် စတာတွေကို လက်ဆောင်ပေးတာမျိုးပါ။ ဒါက ဖောက်သည်တွေကို ဒီကဒ်တွေကို အသုံးပြုချင်စိတ် ဖြစ်စေပြီး နောက်တစ်ခေါက် ပြန်လာဝယ်စေပါလိမ့်မယ်။

(2) သတိပေးခြင်း

လုပ်ငန်းလုပ်တဲ့အခါ အများစုက ဖောက်သည်တွေ လာဝယ်မဲ့အချိန်ကို မျှော်တတ်ကြတယ်။ ဒါပေမဲ့ တချို့ဖောက်သည်တွေကျ ဝယ်ဖို့မေ့နေတာမျိုး ရှိတယ်။ ဒီလိုအချိန်မှာ Messenger ကနေပဲဖြစ်ဖြစ်၊ ဖုန်းဆက်ပြီးပဲဖြစ်ဖြစ် "အကို၊ အစ်မ ဒါလေးလိုသေးလား" ဆိုပြီး သတိပေးဖို့ လိုတယ်။

(3) E-commerce Website တည်ဆောက်ခြင်း

ပုံမှန်လုပ်ငန်းတွေ အနေနဲ့ လူတွေ ဝယ်ယူမယ်လို့ စဉ်းစားပြီးမှ မဝယ်ဖြစ်တော့တဲ့ ပစ္စည်းတွေကို သိနိုင်ဖို့ မလွယ်ပါဘူး။ ဒါပေမဲ့ E-commerce website တည်ဆောက်ထားရင်တော့ သူ့ရဲ့စနစ်ကနေ လူတွေ မဝယ်ဘဲ ပစ်ချခဲ့တဲ့ ပစ္စည်းတွေကို သိနိုင်ပါတယ်။ ဒီပစ္စည်းတွေကို ဝယ်ချင်လာအောင် Promotion ပေးပြီး နောက်တစ်ကြိမ် ပြန်လာဝယ်အောင် ဆွဲဆောင်လို့ ရပါတယ်။

ဒီနေ့ပြောပြတဲ့ အကြောင်းအရာလေးက မိတ်ဆွေတို့အတွက် အကျိုးရှိမယ်လို့ မျှော်လင့်ပါတယ်။

Digital Zay
အိပ်နေရင်တောင် ငွေဝင်တဲ့လုပ်ငန်း တည်ဆောက်ပါ။

ကုန်ပစ္စည်းတွေ၊ ဝန်ဆောင်မှုတွေ ပိုကောင်းရုံနဲ့ လုပ်ငန်းအောင်မြင်ဖို့ မလွယ်ဘူး.....

လုပ်ငန်းရှင်အများစု တွေးဖူးလိမ့်မယ်။ ငါသူများတွေထက် ကုန်ပစ္စည်းတွေ၊ ဝန်ဆောင်မှုတွေမှာ ပိုကောင်းအောင် ပိုသာအောင် လုပ်နိုင်ရင် အောင်မြင်မှာပဲ ဆိုတာမျိုးပေါ့။

တကယ်တော့ ထင်သလောက် မလွယ်ဘူး။ ဈေးကွက်ထဲမှာ အပြိုင်အဆိုင်များတော့ ကိုယ်လုပ်နိုင်ရင် သူများလည်း လုပ်နိုင်တာ များတယ်။

ဒီလိုပိုသာအောင် မလုပ်နိုင်ရင် အရေးကြီးတာ Brand တည်ဆောက်ဖို့ပဲ။ Brand တည်ဆောက်တဲ့အခါ Brand Philosophy လို့ခေါ်တဲ့ အတွေးအခေါ် အရေးကြီးတယ်။

ဥပမာ - Apple Company အကြောင်း စဉ်းစားကြည့်။ သူ့ထက် ကုန်ပစ္စည်းတွေ ဝန်ဆောင်မှုတွေမှာ ပိုကောင်းအောင် လုပ်နေတဲ့ တခြားကုမ္ပဏီတွေ အများကြီးရှိတယ်။

ဒါပေမဲ့ Apple က အတွေးအခေါ်ရှိတယ်။ သူ့ထုတ်ကုန်တွေကို သုံးတဲ့သူတွေက တခြားသူတွေနဲ့ မတူဘူး၊ ပိုပြီးတီထွင်ဖန်တီးနိုင်စွမ်း မြင့်မားတယ်ဆိုတဲ့ အတွေးအခေါ်နဲ့ သွားတယ်။

ဒါကို သူ့ရဲ့ ကြော်ငြာတွေ၊ Campaign တွေမှာ အများကြီး အသုံးပြုတာ တွေ့ရလိမ့်မယ်။ Apple ခုချိန်ထိ အောင်မြင်နေတာ ဒီအတွေးအခေါ်ကြောင့်လို့ ပြောရင် မမှားဘူး။

ဒါ့ကြောင့် အောင်မြင်ချင်ရင် ကုန်ပစ္စည်းတွေ၊ ဝန်ဆောင်မှုတွေ ပိုကောင်းရုံနဲ့ မရဘူး။ အတွေးအခေါ်ကောင်းကောင်းနဲ့ brand တည်ဆောက်ထားဖို့ လိုတယ်။

Digital Zay
အိပ်နေရင်တောင် ငွေဝင်တဲ့လုပ်ငန်း တည်ဆောက်ပါ။

ရောင်းရချင်ရင် ကုန်ပစ္စည်းတွေကို လွယ်လွယ်မြင်နိုင်ဖို့ လိုတယ်...

တခါ‌တလေ မရောင်းရဘူးဆိုတာ လူတွေ ကိုယ့်လုပ်ငန်းမှာ ဘာတွေရောင်းမှန်း မသိလို့လည်း ဖြစ်နိုင်တယ်။

ရောင်းရချင်ရင် ကိုယ့်လုပ်ငန်းရဲ့ ကုန်ပစ္စည်းတွေကို လွယ်လွယ်မြင်ဖို့၊ တစ်နည်းအားဖြင့် ရှင်းရှင်းလင်းလင်း ဖော်ပြနိုင်ဖို့က အဓိကပဲ။

ဒါပေမဲ့ အများစုရဲ့ ပြဿနာက ခင်းကျင်းပြသဖို့ နေရာမလောက်တာ၊ ဝယ်သူတွေအနေနဲ့ လွယ်လွယ်မမြင်တာမျိုး ဖြစ်တတ်တယ်။

Facebook မှာ post တင် ရောင်းတော့လည်း ကိုယ့်ရဲ့ပစ္စည်းတွေက များတော့ ဖောက်သည်တွေအနေနဲ့ အားလုံးကိုသိဖို့ မလွယ်ဘူး။

ဒီအတွက် အကောင်းဆုံးအဖြေကတော့ E-commerce Website ပဲ။

သူက ကိုယ့်မှာရှိတဲ့ ကုန်ပစ္စည်းတွေကို Category တွေခွဲပြီး ရှင်းရှင်းလင်းလင်း ဖော်ပြလို့ရတဲ့အတွက် ကောင်းကောင်းမြင်နိုင်တယ်။

ဒါ့အပြင် ဈေးနှုန်း၊ ပါဝင်ပစ္စည်း၊ လက်ကျန်ပစ္စည်း စတာတွေကိုလည်း တစ်နေရာထဲမှာ ရှင်းရှင်းလင်းလင်း ဖော်ပြနိုင်လို့ အချိန်ကုန်၊ လူ သက်သာတယ်။

ဒါ့ကြောင့် ကိုယ့်လုပ်ငန်းရဲ့ ပစ္စည်းတွေ လွယ်လွယ်မြင်နိုင်ဖို့ E-commerce website တစ်ခုတော့ ရှိထားသင့်တယ် မိတ်ဆွေတို့။

Digital Zay
အိပ်နေရင်တောင် ငွေဝင်တဲ့လုပ်ငန်း တည်ဆောက်ပါ။

ဖောက်သည်တွေ မကြာခဏ လာဝယ်ဖို့ ဒီအချက်ကိုလုပ်ပါ။

ဖောက်သည်တွေ မကြာခဏ ဝယ်ချင်ရင် အရေးကြီးဆုံးအချက်က အကောင်းဆုံးဝန်ဆောင်မှု ပေးဖို့လိုတယ်။

ဝန်ဆောင်မှု ဆိုတာ ကိုယ့်ဆီက လာဝယ်ချိန်ပဲ ပေးရတာ မဟုတ်ဘူး။ ရောင်းပြီးတဲ့ နောက်မှလည်း ပေးဖို့လိုတယ်။

အဲ့ဒါကို After Sale Service လို့ခေါ်တယ်။ လုပ်ငန်း အများစုက ဒီအချက်ကို မလုပ်ကြဘူး။

အများစုက ရောင်းပြီးတာနဲ့ ကိုယ့်ရဲ့ဖောက်သည်ကို ပစ်ထားလိုက်ကြတာ များတယ်။ တကယ်တော့ ရောင်းပြီးတဲ့နောက်မှာလည်း ဂရုစိုက်ဖို့လိုတယ်။

ဂရုစိုက်တယ်ဆိုတာ ဖောက်သည်တွေကို မေးခွန်းမေးတာပဲ။ ကိုယ့်ဆီက ဝယ်သွားတဲ့ဟာလေး သဘောကျရဲ့လား၊ အဆင်ပြေရဲ့လား ဆိုပြီး မေးတတ်ဖို့ လိုတယ်။

ဒါမှ သူတို့က ငါ့ကိုဂရုစိုက်ပါလား ဆိုပြီး နောက်တစ်ခေါက် ဝယ်ဖို့စဉ်းစားတိုင်း ကိုယ့်လုပ်ငန်းကို သတိရနေလိမ့်မယ်။

ဒါ့ကြောင့် ဖောက်သည်တွေ မကြာခဏ လာဝယ်စေချင်ရင် ရောင်းပြီးတဲ့နောက်မှာလည်း ဝန်ဆောင်မှု ပေးပါလို့ အကြံပြုလိုက်ပါတယ်။

Digital Zay
အိပ်နေရင်တောင် ငွေဝင်တဲ့လုပ်ငန်း တည်ဆောက်ပါ။

လူတွေကို promotion ပေးတိုင်း ရောင်းရလား?

လုပ်ငန်းလုပ်တဲ့အခါ အများစု မှားတတ်ကြတဲ့ အချက်ရှိတယ်။ အဲ့ဒါကတော့ Promotion ပေးတိုင်း ရောင်းရမယ်လို့ ထင်တာပဲ။

တကယ်တော့ Promotion ပေးတိုင်း ရောင်းရမှာ မဟုတ်ဘူး။ ရောင်းရရင်တောင် ခဏပဲ ဖြစ်လိမ့်မယ်။

တချို့လုပ်ငန်းတွေ ရှိတယ်။ Promotion ပေးတဲ့အချိန်ဆို လူတွေ အများကြီးပဲ၊ ဈေးရောင်းတဲ့အချိန်ဆို လူမရှိတော့ဘူး။

တချို့page တွေဆိုလည်း အမြဲ Promotion ပေးနေတော့ Page Follower တွေသာ များနေတာ၊
တကယ်ဝယ်မဲ့ Customer က မရှိတော့ မရောင်းရတာမျိုး မြင်ဖူးတယ်။

တကယ်တော့ လုပ်ငန်းတစ်ခု ဆိုတာ ရေရှည်ရောင်းနေရဖို့ အရေးကြီးတယ်။ Promotion ပေးမှ ရောင်းရမယ်ဆိုရင် လုပ်ငန်းရပ်တည်ဖို့ မလွယ်ဘူး။

ရေရှည်ရောင်းရဖို့ အတွက် အခြေခံအုတ်မြစ်က လူတွေနဲ့ ယုံကြည်မှု တည်ဆောက်ဖို့ပဲ။

ကိုယ့်လုပ်ငန်းနဲ့ လူတွေကြား စိတ်ခံစားချက်တွေနဲ့ ချိတ်ဆက်နိုင်ဖို့လည်း လိုတယ်။

Digital Zay
အိပ်နေရင်တောင် ငွေဝင်တဲ့လုပ်ငန်း တည်ဆောက်ပါ။

ဖောက်သည်တွေ မကြာခဏ ပြန်လာဝယ်ဖို့ အရေးကြီးတယ်...

လုပ်ငန်းလုပ်တဲ့အခါ အများစုက တစ်ခေါက်ပဲ ရောင်းရဖို့ စဉ်းစားကြတာ များတယ်။

ရောင်းရဖို့အတွက် ကိုယ့်ရဲ့လုပ်ငန်းမှာ ဈေးတွေလျှော့တယ်၊ လက်ဆောင်တွေပေးတယ်။ ရောင်းရပြီ ဆိုရင် စိတ်ကျေနပ်သွားတယ်။

နောက်တစ်ခေါက် ပြန်လာဝယ်အောင် ဘယ်လိုလုပ်ရမလဲ မတွေးကြဘူး။

ပြီးတော့ အများစုရဲ့ အမှားက လူများများရောင်းရမှ အမြတ်များများရမယ် ထင်တာပဲ။

တကယ်တော့ လူတစ်ယောက်တည်းက မကြာခဏ လာဝယ်ရင်လည်း ကိုယ့်လုပ်ငန်းရဲ့ အမြတ်ငွေကို တိုးစေနိုင်တယ်။

ဒါ့ကြောင့် တစ်ခေါက် ဝယ်သွားဖို့ပဲ အာရုံစိုက်လို့ မရဘူး။ မကြာခဏ ပြန်လာဝယ်အောင် လုပ်တတ်ဖို့ လိုတယ် မိတ်ဆွေတို့။

ဖောက်သည်တွေ မကြာခဏ ပြန်လာဝယ်ဖို့ နည်းလမ်းတွေကိုတော့ နောက်ပိုင်းမှာ ဆက်ပြောပါဦးမယ်။ စိတ်ဝင်စားတယ်ဆိုရင် Yes လို့ မန့်ခဲ့ပါဦး။

Digital Zay
အိပ်နေရင်တောင် ငွေဝင်တဲ့လုပ်ငန်း တည်ဆောက်ပါ။

ကိုယ်ပိုင်လုပ်ငန်းလုပ်ပြီး မလွတ်လပ်ရင် ဝန်ထမ်းနဲ့ အတူတူပဲ...

ကိုယ်ပိုင်လုပ်ငန်း တစ်ခုကို ဦးစီးလုပ်ကိုင်တဲ့အခါ မလွတ်လပ်ဘူး၊ ကိုယ်သွားချင်တဲ့နေရာ သွားလို့မရဘူးဆိုရင် ဝန်ထမ်းဘဝနဲ့ သိပ်မကွာဘူး။

တခါတလေ ဝန်ထမ်း‌တွေထက်တောင် ပိုပြီးပင်ပန်းနိုင်တယ်၊ ဝန်ထမ်းတွေကမှ ရုံးဆင်းပြီဆိုရင် လွတ်လပ်သွားပြီ။

ကိုယ်ပိုင်အလုပ်ဆိုတော့ မလွတ်လပ်၊ ညဘက်တွေပါ အလုပ်တွေ ပိုလုပ်ရင်းနဲ့ အချိန်ကုန် လူပင်ပန်းတာမျိုး ဖြစ်တတ်တယ်။

အလုပ်ထဲမှာ ကိုယ်မပါလို့ မရတဲ့အတွက် အလုပ်ထဲမှာပဲ အချိန်ကုန်ပြီး တခါတလေ ဥစ္စာစောင့်လို ဖြစ်နေတတ်တယ်။

တကယ်တော့ ကိုယ်ပိုင်အလုပ်ဆိုရင် ခရီးသွားရင်း၊ ကော်ဖီသောက်ရင်း လုပ်လည်း အဆင်ပြေ‌နေရမှာ

အခုက ခရီးသွားဖို့ နေနေသာသာ ကိုယ့်အိမ်က မိသားစုကိုတောင် အချိန်မပေးနိုင်တာမျိုး ကြုံရတတ်တယ်။

ဒီလိုဖြစ်နေတာ သုံးလေးနှစ်ရှိပြီ ဆိုရင် တစ်ခုတော့ စဉ်းစားဖို့လိုပြီ မိတ်ဆွေတို့။

Digital Zay
အိပ်နေရင်‌တောင် ငွေဝင်တဲ့လုပ်ငန်း တည်ဆောက်ပါ။

ရောင်းရပိုလွယ်တဲ့ ဖောက်သည်ဟောင်းတွေကို ဂရုစိုက်ပါ....

လုပ်ငန်းရှင်အများစုက လူတစ်ယောက် ကိုယ့်ဆီကဝယ်ပြီးသွားရင် နောက်လည်း ဆက်ဝယ်နေမှာပဲလို့ ထင်တတ်ကြတယ်။

အဲ့တော့ ဖောက်သည်ဟောင်းတွေကို ဂရုမစိုက်တတ်ဘူး။ ဖောက်သည်အသစ်တွေ ရဖို့ပဲ ကြိုးစားကြတယ်။

တကယ်တော့ ဖောက်သည်တွေ ဆိုတာ ကိုယ့်ကို ဂရုမစိုက်ဘူးလို့ ခံစားရရင် ဂရုစိုက်တဲ့သူဆီ သွားမှာပဲ။

ကိုယ့်ရဲ့ ပြိုင်ဘက်တွေကလည်း ဖောက်သည်တွေရအောင် ကြိုးစားနေတယ် ဆိုတာ မမေ့ဖို့လိုတယ်။

ပြီးတော့ ဖောက်သည်ဟောင်းတွေဆိုတာ ရောင်းရပိုလွယ်တဲ့ သူ‌တွေ၊ ကိုယ့်လုပ်ငန်း အကြောင်း သိပြီးသား၊ ယုံကြည်ပြီးသား ဖြစ်တဲ့အတွက် အများကြီး ပြောစရာ မလိုဘူး။

နည်းနည်းလေး ပြောလိုက်တာနဲ့ ကိုယ့်လုပ်ငန်းဆီက ဝယ်ယူနိုင်တယ်။ အကြိမ်များများ ဝယ်ယူတဲ့သူတွေကလည်း ဖောက်သည်ဟောင်းတွေပဲ။

ဒါ့ကြောင့် ရောင်းရလွယ်တဲ့ ဖောက်သည်ဟောင်းတွေကို ဂရုစိုက်ပါ မိတ်ဆွေတို့။

Digital Zay
အိပ်နေရင်တောင် ငွေဝင်တဲ့လုပ်ငန်း တည်ဆောက်ပါ။

ကိုယ်ပိုင်လုပ်ငန်း လုပ်ဖြစ်တဲ့ ရည်ရွယ်ချက်ကို မမေ့ဖို့လိုတယ်...

ကိုယ်ပိုင်လုပ်ငန်း စလုပ်ကြတာ သူများဝန်ထမ်း မလုပ်ချင်လို့၊ လွတ်လပ်ချင်လို့ ဖြစ်တယ်။

လုပ်ငန်းလုပ်တာ ကြာလာရင် အများစုက ကိုယ်ပိုင်လုပ်ငန်း ထဲမှာပဲ ပိတ်မိပြီး အဲ့ဒီအချက်ကို မေ့သွားတတ်တယ်။

ကိုယ်ပိုင်အလုပ်လုပ်မှ ပိတ်ရက်မရှိ၊ ညဘက်တွေထိ အလုပ်လုပ်ရတယ်။ ညဘက်‌တွေလည်း အိပ်မပျော်။

မိသားစုနဲ့ ခရီးအတူ ထွက်ချင်တယ်။ ဒါပေမဲ့ လုပ်ငန်းတွေက ကိုယ်မပါရင် စိတ်မချရ၊ ကြာလာတော့ ဥစ္စာစောင့်ကြီးလို ဖြစ်နေတတ်တယ်။

ဒါတွေက လုပ်ငန်းစလုပ်တဲ့ အချိန်မှ ကြုံရတာက ပုံမှန်ပဲ။ ဒါပေမဲ့ သုံးလေးနှစ်လောက် ကြာလာပြီဆိုရင်တော့ ပြန်စဉ်းစားဖို့လိုတယ်။

အလုပ်တွေ၊ ဝန်ထမ်းတွေကို ဘယ်လိုစီမံခန့်ခွဲရင် လွတ်လပ်မှုရနိုင်မလဲ၊ နည်းပညာကို ဘယ်လိုအသုံးချရ မလဲ၊

နောက်ဆုံး ကိုယ်အိပ်နေရင်တောင် လုပ်ငန်းက လည်ပတ်ပြီး ငွေဝင်‌နေအောင် ဘယ်လိုလုပ်မလဲ။

ဒါတွေကို စဉ်းစားဖို့ အရေးကြီးတယ် မိတ်ဆွေတို့။

Digital Zay
အိပ်နေရင်တောင် ငွေဝင်တဲ့လုပ်ငန်း တည်ဆောက်ပါ။

ဒီနေ့ခေတ်မှာ Customer Data အရေးကြီးတယ်...

Customer Data ဆိုတာ ငွေတွင်းပဲ။ ကိုယ့်ရဲ့ ဖောက်သည်တွေအကြောင်း နားလည်လေလေ ပိုရောင်းရလေ၊ ကိုယ့်လုပ်ငန်း ပိုပြီး တိုးတက်လေ‌လေပဲ။

သူတို့ရဲ့နာမည်၊ မွေးနေ့၊ ဖုန်းနံပါတ်စတဲ့ Personal Data တွေ ၊ ပစ္စည်းတစ်ခုကို ဘယ်အချိန်မှာ ဝယ်လဲ၊ ဘယ်နှစ်လ တခါ ပြန်လာဝယ်လေ့ရှိလဲ စတဲ့ Behaviour Data တွေကို သိထားဖို့ လိုတယ်။

တစ်နည်းအားဖြင့် ဖောက်သည်တွေအကြောင်း သူတို့သိတာထက် ကိုယ်က ပိုသိနေဖို့ အရေးကြီးတယ်။

ဒါမှ သူတို့ကို ကြော်ငြာပြတဲ့အခါ၊ ရောင်းချတဲ့အခါမျိုးမှာ ပိုပြီးထိရောက်နေမှာ။

ဥပမာ - ဖောက်သည်တွေက အထုပ် 30 ပါတဲ့ ကော်ဖီထုပ်ကြီးကို တစ်လတစ်ကြိမ် လာဝယ်တာ သိတယ် ဆိုပါစို့။

မိတ်ဆွေအနေနဲ့ သူဝယ်တာ တစ်လပြည့်သွားတိုင်း ကြော်ငြာပြနေလို့ ရတယ်။ ဒီအခါ သူတို့အနေနဲ့ "ဪ ဒါကုန်နေပြီ၊ ငါ‌မေ့နေတာ ဝယ်ရဦးမယ်" ဆိုပြီး စိတ်ထဲရောက်သွားမှာပဲ။

ဒါ့ကြောင့် Customer Data အရေးကြီးတယ်။ Customer Data အကြောင်း အသေးစိတ်ကိုတော့ နောက်ပိုင်း ပြောပါဦးမယ်။ စိတ်ဝင်စားရင် Yes လို့ မန့်ခဲ့ပါဦး။

Digital Zay
အိပ်နေရင်တောင် ငွေဝင်တဲ့လုပ်ငန်း တည်ဆောက်ပါ။

လုပ်ငန်းတိုးတက်ချင်ရင် မြန်ဆန်နေဖို့ အရေးကြီးတယ်။

ဒီနေ့ခေတ်က ဒုံးပျံလိုပဲ….

အရာအားလုံးက မြန်ဆန်နေတယ်။ ကိုယ်က မြန်မြန်မလုပ်နိုင်ရင် နောက်ကျကျန်ခဲ့ဖို့ များတယ်။

ဖောက်သည်တွေ ဆိုတာကလည်း မြန်မြန်ရလေ ပိုသဘောကျလေပဲ။ အစားအသောက်မှာရင် မြန်မြန် ရချင်တယ်။ ဘယ်နေရာသွားသွား မြန်မြန်ရောက်ချင်တယ်။ အင်တာနက်ဆိုလည်း အဝိုင်းလည်နေရင် ဒေါသထွက်နေပြီ။

ဘယ်လောက်မြန်အောင် လုပ်နိုင်လဲအပေါ် မူတည်ပြီး ကိုယ့်လုပ်ငန်းရဲ့ တိုးတက်မှုက ကွာသွားနိုင်တယ်။ မြန်တယ်ဆိုတဲ့ နေရာမှာ အရည်အသွေးကို မထိခိုက်ဖို့တော့ လိုတယ်။

လက်ရှိလုပ်နေတဲ့ အလုပ်တွေကို ပိုမြန်အောင် ဘယ်လိုလုပ်လို့ ရမလဲ။

သူများတွေ တစ်နာရီလောက် လုပ်ရတဲ့အလုပ်ကို နည်းပညာ အသုံးချပြီး ကိုယ်က ၁၅ မိနစ်နဲ့ ပြီးအောင် ဘယ်လိုလုပ်မလဲ။

သူများတွေ ပစ္စည်းတစ်ခု ပို့ဖို့ သုံးရက်လောက် ကြာတဲ့အချိန် ကိုယ်က ဒီနေ့မှာ ဒီနေ့ရောက် လုပ်နိုင်အောင် ဘယ်လိုလုပ်မလဲ။

ကိုယ့်လုပ်ငန်းတိုးတက်ချင်ရင် ဒီအချက်တွေကို စဥ်းစားထားဖို့ လိုတယ်။

Digital Zay
အိပ်နေရင်တောင် ငွေဝင်တဲ့လုပ်ငန်း တည်ဆောက်ပါ။

လူတွေယုံကြည်ဖို့ များများမြင်ဖို့ လိုတယ်...

"မြင်ပါများတော့ ချစ်ကျွမ်းဝင်" ဆိုတဲ့ စကားကို ကြားဖူးကြမယ် ထင်ပါတယ်။

လူတွေမှာ တစ်ခုခုကို မြင်ပါများလေ ပိုပြီးသဘောကျလေ၊ ပိုပြီးယုံကြည်လေ ဖြစ်တတ်တယ်။ ဒါကို Mere Exposure Effect လို့ခေါ်တယ်။

ဒီအချက်ကို မိတ်ဆွေတို့အနေနဲ့ ကိုယ့်ရဲ့လုပ်ငန်းကို သဘောကျစေဖို့၊ ယုံကြည်စေဖို့ အသုံးပြုလို့ရတယ်။

ဥပမာ - Alpine သောက်ရေသန့်ဆိုရင် လူအများစုက တခြားရေသန့်တွေထက် ပိုပြီးသန့်တယ်၊ ပိုပြီးကောင်းတယ်လို့ ယုံကြည်တတ်ကြတယ်။ ဒီလိုဖြစ်တာက သူ့ကို TV ကြော်ငြာတွေမှာ ခြောက်နှစ်လောက်နီးပါး မြင်ခဲ့ရလို့ပဲ။

လူတွေက များများမြင်တော့ ဒါကပိုကောင်းတယ်လို့ ထင်သွားတယ်။

ဒီနေ့ခေတ်မှာ Social Media တွေ ပေါ်လာတော့ လူများများမြင်ဖို့က ပိုလွယ်သွားတယ်။ Facebook, Instagram, TikTok စတဲ့ platform တိုင်းမှာ ကိုယ့်ရဲ့လုပ်ငန်းကို များများမြင်အောင် ပြလို့ရလာတယ်။

ဒီလိုလုပ်တာက လူတွေကို " ဒီလုပ်ငန်းကို ငါသိပါလား" ဆိုတဲ့ စိတ်ခံစားချက်ကို ရစေပြီး ပြိုင်ဘက်တွေထက် ကိုယ့်လုပ်ငန်းကို ပိုပြီးယုံကြည်စေနိုင်တယ်။

‌ဒါ့ကြောင့် လူတွေ ကိုယ့်လုပ်ငန်းကို ယုံကြည်စေချင်ရင် များများမြင်‌အောင် ပြနိုင်ဖို့ အရေးကြီးတယ် မိတ်ဆွေတို့။

Digital Zay
အိပ်နေရင်တောင် ငွေဝင်တဲ့လုပ်ငန်း တည်ဆောက်ပါ။

ရောင်းမဲ့အစား လူတွေကို သင်ပေးပါ...

ဒီနေ့ခေတ်မှာ လူတွေက ပစ္စည်းတစ်ခုကို တန်းမဝယ်တော့ဘူး။ အရာအားလုံးကို လေ့လာပြီးမှ ဝယ်ချင်လာတယ်။

ဒီဝောာ့ လူတွေကို ဈေးနှုန်းပဲ ဖော်ပြပြီး ရောင်းလို့ရတဲ့‌ ခေတ်က ကုန်သွားပြီ။ ကိုယ်ရောင်းမဲ့ပစ္စည်းအကြောင်း လူတွေကို သေချာသင်ပေးဖို့ လိုလာတယ်။

ဥပမာအနေနဲ့ပြောရရင် Air Fryer ရောင်းမယ် ဆိုပါစို့။ လူတွေက Air Fryer ဆိုတာ ဘာမှန်းမသိရင် ဘယ်လောက်ပဲဈေးချချ ရောင်းလို့ရမှာ မဟုတ်ဘူး။

ဒီပစ္စည်းကို သူတို့ရဲ့ဘဝမှာ ဘာကြောင့် လိုအပ်တယ်၊ ဘယ်လို အကျိုး‌ကျေးဇူးတွေ ရနိုင်တယ်၊ ဘယ်လို အသုံးပြုရတယ်၊ နေ့စဉ်ဘဝမှာ ဘယ်လိုအပြောင်းအလဲ ဖြစ်နိုင်တယ် စတာတွေကို သင်ပေးဖို့ လိုတယ်။

ဒီလိုသင်ပေးမှ ကိုယ့်ရဲ့ထုတ်ကုန်ကို စိတ်ဝင်စားသလို ယုံကြည်မှုရပြီး ဝယ်ယူကြမှာ။

ဒါ့ကြောင့် လူတွေကို ရောင်းမဲ့အစား သူတို့ကို အရင် သင်ပေးပါ မိတ်ဆွေတို့။

Digital Zay
အိပ်နေရင်တောင် ငွေဝင်တဲ့လုပ်ငန်း တည်ဆောက်ပါ။

လူတွေဟာ စွန့်စားရတာ နည်းလေလေ ပိုပြီးဝယ်ချင်လေလေ...

တခါတလေ လူ‌တွေမှာ ကုန်ပစ္စည်းပဲဖြစ်ဖြစ် ဝန်ဆောင်မှုပဲဖြစ်ဖြစ် ဝယ်ချင်ပေမဲ့ မဝယ်ဖြစ်လိုက်တဲ့ အခိုက်အတန့်ရှိတယ်။

ဘာဖြစ်လို့လဲဆိုတော့ လူတွေက စွန့်စားရမှာကို ကြောက်ကြလို့ပဲ။ ငါဝယ်လိုက်ပြီးမှ မကောင်းရင် ဘယ်လိုလုပ်မလဲ ဆိုတဲ့ စိုးရိမ်စိတ်တွေ ရှိတတ်တယ်။

"ဒီပစ္စည်းလေး သုံးချင်လိုက်တာ၊ ကြာရှည်ရော ခံပါ့မလား မသိဘူး၊ ဒီသင်တန်းလေး တက်ချင်တာ၊ online class ဆိုတော့ အဆင်ပြေပါ့မလား မသိဘူး" စသည်ဖြင့်ပေါ့။

ဒီအချိန်မှာ သူတို့ရဲ့ စိုးရိမ်စိတ်တွေကို ‌ဖျောက်ပေးနိုင်ဖို့ အရေးကြီးတယ်။ ဒီလိုဖျောက်ဖို့ လူတွေရဲ့စိတ်ထဲမှာ ဝယ်ရတာ စွန့်စားမှုနည်းတယ်လို့ ထင်သွားအောင် လုပ်ပေးဖို့လိုတယ်။

ဥပမာအနေနဲ့ ပြောရရင် ခြောက်လ၊ တစ်နှစ် စသည်ဖြင့် အာမခံ ပေးတာမျိုး၊ မကြိုက်ရင် 7 ရက်အတွင်း ပိုက်ဆံပြန်အမ်းမယ် ဆိုတာမျိုး၊ ကိုယ့်ရဲ့ Product ကို စမ်းသုံးကြည့်ခိုင်းတာမျိုး လုပ်လို့ရတယ်။

ဒီလိုလုပ်‌ပေးတာက လူတွေရဲ့ စိတ်ထဲမှာ ငါဝယ်လည်း ဆုံးရှုံးစရာ မရှိဘူးလို့ ခံစားရတဲ့အတွက် ပိုပြီးဝယ်ချင်ကြတယ်။

ဒီအချက်ကို ကောင်းကောင်း အသုံးချတတ်ဖို့ အရေးကြီးတယ်။

Digital Zay
အိပ်နေရင်တောင် ငွေဝင်တဲ့လုပ်ငန်း တည်ဆောက်ပါ။