BrightCamp Academy

🌟🌟🌟 BrightCamp Academy ရဲ့ December လ အတွက် General English Courses တန်းခွဲများ🌟🌟🌟

General English Course (4 skills) online သင်တန်းတွေမှာ
🎄 Beginner
🎄 Elementary
🎄 Pre-Intermediate နဲ့
🎄 Intermediate ဆိုပြီး တန်းခွဲ လေးခု ရှိပါတယ်။
မိမိနဲ့ သင့်တော်ရာ level အလိုက် ကိုက်ညီတဲ့တန်းခွဲကို ရွေးချယ်တက်ရောက်နိုင်ပါတယ်။
ကိုယ့်ရဲ့ level ကို သိနိုင်ဖို့အတွက်လည်း placement test/level test ကို အခမဲ့စစ်ပေးပါတယ်။

⏰ သင်တန်းကာလ အနေနဲ့ Beginner level အတွက် (၂) လ၊ ကျန်အတန်းတွေအတွက်(၃) လကြာမြင့်မှာဖြစ်ပါတယ်။သင်တန်းကြေးကတော့ တစ်လ ၅၀၀၀၀ ကျပ်ဖြစ်ပါတယ်။

📚 သင်ရိုးစာအုပ်တွေ အနေနဲ့ Oxford University Press က ထုတ်ဝေတဲ့ “Headway” series ကို အဓိက ထားပြီး‌တော့ တခြားသော Cambridge နဲ့ Oxford က ထုတ်ဝေတဲ့ စာအုပ်တွေ၊ နာမည်ကြီး website တွေက resources တွေနဲ့ ထိရောက်အောင် အသုံးချ သင်ကြားပေးသွားပါမယ်။
(အတန်းအားလုံးအတွက် လူဦးရေ အကန့်အသတ် ရှိပါတယ်နော်)

👩‍🏫 သင်ကြားပေးသွားမဲ့ instructor ကတော့
Tr. Dryas
All Distinctions in Matriculation Exam
B.A English (Candidate-Yangon University)
Certificate in TKT (Cambridge),
Dip in ELT ( on going)

သင်ကြားရေးအတွေအကြုံလည်း အာမခံနိုင်တာမို့ Trial Class ( 2 days )တက်ပြီး အဆင်ပြေမှဆက်တက်မယ်ဆိုလည်းရပါတယ်။

Hello hello 👋👋💐💐
အားလုံးအတွက် ပညာဒါအတန်းလေး ထပ်စီစဉ်ပေးမယ့်အကြောင်း အသိလာပေးတာပါ။📣📣

⭐General English (Beginner) class လေးရယ်
⭐IPA class လေးရယ်ကို ဒုတိယအကြိမ် free of charge အနေနဲ့ ဖွင့်ပေးပါမယ်နော်။

❤️အရှေ့အသုတ်တုန်းက သင်တန်းသူ/သား တွေရဲ့ feedback တွေပေါ်မှာ အခြေခံပြီး ပိုကောင်းမွန် ထိရောက်တဲ့ အတန်းတစ်ခုဖြစ်လာအောင် upgrade လုပ်ထားပါတယ်။

❤️Beginner တန်းအတွက် လိုအပ်ချက်ကတော့ စိတ်အားထက်သန်မှုရှိဖို့ရယ်နဲ့ အတန်းဆုံးသည်ထိ တက်ရောက်နိုင်ဖို့ရယ်ပဲ လိုပါတယ်။

❤️IPA အတန်းအတွက် လိုအပ်ချက်အနေနဲ့
(၁) strong pre-inter (သို့) intermediate level အနိမ့်ဆုံးရှိရပါမယ်။
(၂) အတန်းပြီးဆုံးတဲ့အထိ commitment ပေးနိုင်ရပါမယ်။

📌 ဒီတစ်ခါမှာတော့ အတန်းဆုံးတဲ့အထိမတက်တဲ့သူတွေကြောင့် တကယ်တက်ချင်တဲ့သူတွေအတွက် နစ်နာတာမျိုး မရှိရအောင် 10000 ကျပ် (တစ်သောင်းကျပ်) ကြိုတင်သွင်းဖို့ လိုအပ်မယ့်အကြောင်းလည်း အသိပေးပါရစေ။

📌 သင်တန်းပြီးဆုံးတဲ့ အခါမှာတော့ digital certificate နဲ့အတူ ကြိုသွင်းငွေ ၁၀၀% ကို ပြန်ပေးသွားပါမယ်။

📌 ထိထိရောက်ရောက်ဖြစ်စေချင်တာကြောင့် ၁၅ယောက်ဝန်းကျင်သာ အများဆုံး လက်ခံသွားမှာဖြစ်ပါတယ်။

⏰အတန်းလေးစမယ့် ရက်နဲ့ အချိန်ကတော့.....
📍 General English (Beginner) အတွက်ဆို
October 9 (Monday) ရက်နေ့
မနက် 7-8:30 ဖြစ်ပြီး
တစ်ပတ်၂ရက် (တနင်္လာ နဲ့ အင်္ဂါ)နှုန်းနဲ့ ၈ ပတ်တာ ကြာမြင့်မှာဖြစ်ပါတယ်။

📍 IPA အတန်း အတွက်ကတော့
October 7 (Saturday) ရက်နေ့
ညနေ 6-7:30 ဖြစ်ပြီး
တစ်ပတ်၂ရက် (စနေ နဲ့ တနင်္ဂနွေ)နှုန်းနဲ့ ၄ ပတ်တာ ကြာမြင့်မှာဖြစ်ပါတယ်။

💐အားလုံးပဲ October လမှာ English စာ လေ့လာရင်း တိုးတက်နိုင်ကြပါစေနော်။ 💐

ပို့စ်မတင်ဖြစ်တာတော်တော်ကြာနေပြီမို့ အားနာရပါတယ်။ နည်းနည်းခြင်းဖြစ်စေ အမြဲလိုလိုတင်ဖြစ်အောင်ကြိုးစားပေးပါမယ်နော်။ ဒီဘက်မှာ အတန်းအချိန်ဇယားနဲ့ ပညာဒါန အချိန်လေးတွေကြောင့် မအားမလပ်ဖြစ်နေတာကြောင့် နားလည်ပေးစေချင်ပါတယ်ရှင် ။ ကဲ အောက်က Idiomatic phrases တွေကို drilling method လေးတွေနဲ့လေ့လာကြည့်ရအောင်။ ဘယ် Dictionary မှာမှမကြည့်ဘဲ ပေးထားတဲ့ ဝါကျတိုလေးတွေကနေ အဓိပ္ပာယ်လေးကို ခန့်မှန်း ကြည့်ပါဦးနော်။
တီချယ်ဒါရာ

[Edited စိတ်ဝင်တစား join ပေးကြလို့ ကျေးဇူးတင်ပါတယ်။ လူလေးပြည့်သွားပါပြီနော်။]

ဟလို ဟလို 📣📣📣
သတင်းကောင်းလေး တစ်ခုပြောစရာရှိလို့ပါ။
ဒါကတော့ Learners အတွက် အကျိုးရှိမဲ့ Free class တစ်ခုကို စီစဉ်ထားပါတယ်။🥰

🍀အင်္ဂလိပ်စာ အသံထွက်နဲ့ ပတ်သက်ပြီးတော့ တိုးတက်ချင်တဲ့သူတွေအတွက် Pronunciation Class တစ်ခုကို free တက်ခွင့်ရနိုင်မယ့် အခွင့်အရေး တစ်ခုဖြစ်တာကြောင့် အကျိုးရှိမယ်လို့ ယုံကြည်ပါတယ်။

Course Outline
----------------
1 Introduction to phonetics and IPA
2 Consonants
3 Vowels (Monophthongs)
4 Vowels (Diphthongs)
5 Word Stress
6 Sentence Stress
7 Intonation
8 Features of Connected speech

Course Duration အနေနဲ့ တစ်ပတ် နှစ်ချိန်၊ တစ်ချိန် ၁နာရီခွဲ နဲ့ တစ်လ (ရက်သတ္တပတ် လေးပတ်) ကြာမြင့်မှာဖြစ်ပါတယ်။

ဒီ free class ကို တက်ရောက်ချင်တဲ့ သူတွေအနေနဲ့
(၁) သင်တန်းပြီးဆုံးသည်ထိ attendance 75% ပြည့်မီအောင် တက်ဖို့လိုအပ်ပါတယ်။
(၂) အင်္ဂလိပ်စာ level အနေနဲ့ strong A2 (သို့) B1 အနိမ့်ဆုံးရှိဖို့ လိုအပ်ပါတယ်။

တက်ရောက်ချင်တဲ့ သူတွေအနေနဲ့ Page messenger chat box မှာ စာရင်းလာသွင်းပေး ရမှာဖြစ်ပါတယ်။
သင်ကြားရေးမှာ ထိထိရောက်ရောက် ဖြစ်စေချင်တာကြောင့် လူဦး‌ရေအကန့်အသတ်တော့ ရှိပါတယ်နော်။🥰🥰

[သင်တန်းရက်/အချိန်တွေကို ပုံလေးမှာ တစ်ပါတည်းဖော်ပြထားပေးပါတယ်။❤️]

Ocean Gate ကထုတ်တဲ့ Titan Submersible ကိုစီးပြီး The Titanic wreck ( တိုင်တန်းနစ် သင်္ဘောပျက်) ဆီသွားရောက်လေ့လာတဲ့ အမျိုးသားငါးယောက်ဟာ ဒီနေ့မှာတော့စိတ်မကောင်းစွာပဲ အသက်ရှင်သန်ဖို့အလားအလာမရှိဘဲ ပျောက်ဆုံးသွားပြီဖြစ်ကြောင်း ပညာရှင်များက ကောက်ချက်ချလိုက်ပြီဖြစ်ပါတယ်။ဘာလို့ဆိုတော့ ROV လို့ခေါ်တဲ့ Remote-controlled underwater search vehicle ဒရုန်းကနေ Titan ရေငုပ်သင်္ဘောရဲ့ အပျက်အစီး ( Debris Field) ကိုတွေ့လိုက်ရတယ်လို့ပြောကြပါတယ်။ Catastrophic Implosion ဆိုတာကတော့ ရေဖိအားကြောင့် မထင်မှတ်ပဲရုတ်တရက်စက် ချို့ယွင်းရာကနေဖြစ်ပေါ်လာသော အခြေအနေတစ်ခုဖြစ်ပါတယ်။ သတင်းဖတ်ရင်းကနေ တချို့သော Keywords များကို ပြောပြပေးလိုက်ပါတယ်နော်။
Source - https://www.bbc.com/news/world-us-canada-65993

မြန်မာ သက္ကရာဇ် ၁၃၈၅ ခုနှစ်
နှစ်သစ် အခါသမယ ဆုမွန်လွှာ

" ဒီကနေ့ကျရောက်သော မြန်မာနှစ်ဆန်းတစ်ရက်နေ့မှသည် ကိုယ် ၊စိတ် ၊ နှလုံး သုံးပါးစလုံး အေးချမ်းမှုရရှိကြပါစေ။ မင်္ဂလာရှိသော နှစ်သစ်ကို ပိုင်ဆိုင်ကြပါစေလို့ ဆုမွန်ကောင်း တောင်းပေးလိုက်ပါသည်ရှင်။ "
BrightCamp Academy

🌟🌟🌟 BrightCamp Academy ရဲ့ မေလအတွက် တန်းခွဲများ🌟🌟🌟
General English Courses
General English Course (4 skills) online သင်တန်းတွေမှာ Beginner, Elementary, Pre-Intermediate နဲ့ Intermediate ဆိုပြီး တန်းခွဲ လေးခု ရှိတာကြောင့် မိမိနဲ့ သင့်တော်ရာ level အလိုက်ရွေးချယ်တက်ရောက်နိုင်ပါတယ်။ မိမိနဲ့သင့်တော်ကိုက်ညီတဲ့ အတန်းမှာ တက်ရောက်နိုင်ဖို့အတွက် placement test/level test ကိုလည်း စစ်ပေးပါတယ်။
သင်တန်းကာလ အနေနဲ့ Beginner level အတွက် (၂) လ၊ ကျန်အတန်းတွေအတွက်(၃) လကြာမြင့်မှာဖြစ်ပါတယ်။
သင်တန်းကြေးကတော့ တစ်လ ၅၀၀၀၀ ကျပ်ဖြစ်ပါတယ်။

Basic Grammar Course
အင်္ဂလိပ်စာ အခြေခံ သဒ္ဒါ (grammar) ကို နိုင်နိုင်နင်းနင်း ကျွမ်းကျင်ချင်တဲ့သူတွေအတွက်လည်း Basic Grammar Course အတန်းရှိပါတယ်။
သင်တန်းကာလအနေနဲ့ တစ်လခွဲ ကြာမြင့်မှာဖြစ်ပါတယ်။
သင်တန်းကြေးကတော့ ၅၀၀၀၀ ကျပ်ဖြစ်ပါတယ်။
သင်ရိုးစာအုပ်တွေ အနေနဲ့ Oxford University Press က ထုတ်ဝေတဲ့ “Headway” series ကို အဓိက ထားပြီး‌တော့ တခြားသော Cambridge နဲ့ Oxford က ထုတ်ဝေတဲ့ စာအုပ်တွေ၊ နာမည်ကြီး website တွေက resources တွေနဲ့ ထိရောက်အောင် အသုံးချ သင်ကြားပေးသွားပါမယ်။
(အတန်းအားလုံးအတွက် လူဦးရေ အကန့်အသတ် ရှိပါတယ်နော်)

“ခင်မို့မို့အေး” နဲ့ “ပန်းနုသွေး”။ တစ်ခုက ရုပ်ရှင်မင်းသမီးနာမည်၊ နောက်တစ်ခုက ရုပ်ရှင် ဇာတ်ကားတစ်ခုထဲက ဇာတ်ဆောင်နာမည်။ ဒါပေမယ့် ဒီအမည်နာမ နှစ်ခုဟာ တစ်ဦးဆိုင်နာမ် နာမည်သက်သက်ဆိုတာထက် ပိုပါတယ်။ စိတ်နေစိတ်ထား၊ ခံစားချက်နဲ့ အကျင့်စရိုက်တွေကိုပါ ကိုယ်စားပြုကြတဲ့ တင်စားမှုသဘောပါတဲ့ အသုံးအနှုန်း စကားလုံးတွေဖြစ်ကြပါတယ်။ “နင် ‘ပန်းနုသွေး’ မနေနဲ့ ။ ငါတို့ပဲ ‘ခင်မို့မို့အေး’ဖြစ်ပြန်ပြီ။” လို့ဆိုလိုက်တဲ့နေရာမှာ ‘ပန်းနုသွေး’ ဟာ ‘အနိုင်ကျင့်ခံရသည့် နစ်နာသူအဖြစ် ဟန်ဆောင်သည်’လို့အကြမ်းဖျင်း သဘောသက်ရောက်နိုင်ပြီးတော့ ‘ခင်မို့မို့အေး’ ကတော့ ‘နိုင့်ထက်စီးနင်းပြုကျင့်သည့် ဆိုးသွမ်းသူ’ လို့ အဓိပ္ပာယ်ကောက်မယ်ဆိုရင် ရနိုင်ပါတယ်။ အကျင့်စရိုက်၊ ခံစားချက်၊ စိတ်နေစိတ်ထား စသဖြင့် ဖော်ပြလိုတဲ့ စကားစုနေရာမှာ တစ်ဦးဦးရဲ့ အမည်နာမကို အစားထိုးလိုက်ခြင်းပါပဲ။

ဒါနဲ့ဆင်ဆင်တူတဲ့ အင်္ဂလိပ်စာပေ စကားအဆင်တန်ဆာတစ်ခု ရှိပါတယ်။ “Antonomasia” ပါ။ သို့ပေမယ့် “Antonomasia” ကတော့ ဖော်ပြလိုတဲ့ စကားစုနေရာမှာ နာမည်ကို အစားထိုးလိုက်ခြင်းမဟုတ်ဘဲ နာမည်နေရာမှာ ဖော်ပြလိုတဲ့စကားစုကို အစားထိုးလိုက်ခြင်းဖြစ်ပါတယ်။

ဥပမာ တစ်ခုပြောပြပါမယ်။ ကျွန်တော်တို့ အထက်တန်းကျောင်းမှာတုန်းက ဆရာမတစ်ယောက်ရှိပါတယ်။ သူစကားပြောရင် အဆုံးမှာ “နော်၊ ဟုတ်လား။” ဆိုပြီး အမြဲပြောလေ့ရှိပါတယ်။ ဆရာမ နာမည်က “ဒေါ်လှလှ” ပဲဆိုပါစို့။ သူ့ကိုကျွန်တော်တို့က “ဒေါ်နော်ဟုတ်လား” လို့ကွယ်ရာမှာ ခေါ်ကြပါတယ်။ နာမည်ရင်းနေရာမှာ သူ့အကျင့်စရိုက်ကိုဖော်ပြတဲ့ စကားစုတစ်ခု အစားထိုးလိုက်ခြင်းပါပဲ။ ဒါဟာ Antonomasia ပဲဖြစ်ပါတယ်။

အမည်တွေနဲ့ ပတ်သက်လို့ ပြောပြချင်တဲ့ တခြားစကားအဆင်တန်ဆာတစ်ခုလည်း ရှိပါတယ်။ “Metonymy” ပါ။ တစ်စုံတစ်ခုရဲ့ အမည်ကို သူ့နဲ့ နီးစပ်တဲ့ ပတ်သက်ဆက်နွယ်မှုရှိတဲ့ တခြားအရာတစ်ခုနဲ့ အစားထိုးလိုက်ခြင်းဖြစ်ပါတယ်။ ဥပမာအားဖြင့် “မြန်မာနိုင်ငံ‌ရဲ့ နိုင်ငံရေးပဋိပက္ခဟာ ‘အနီ’ ‘အစိမ်း’ ကြားထဲက ပြဿနာသက်သက်မဟုတ်ဘူး။ ” ဆိုတဲ့စကားမှာ အနီ ဟာ NLD ကိုရည်းညွှန်းပြီးတော့ အစိမ်းဟာ စစ်တပ်နဲ့ USDP ကို ရည်ညွှန်းပါတယ်။ ‘NLD နဲ့ အနီ’ ၊ ‘စစ်တပ် နဲ့ အစိမ်း’ ကြားထဲမှာလည်း ဆက်နွယ်မှုနီးနီးကပ်ကပ်ရှိပါတယ်။ NLD အလံဟာ အနီရောင်ဖြစ်ပြီး စစ်တပ် ယူနီဖောင်းဟာ အစိမ်းဖြစ်ပါတယ်။

Metonymy နဲ့ Metaphor ဟာ တင်စားတဲ့သဘောချင်းတူသော်လည်း တင်စားပုံချင်းမတူကြပြန်ပါဘူး။ Metaphor တင်စားချက်မှာတော့ အနှိုင်းခံ နဲ့ အနှိုင်း ကြားမှာ တိုက်ရိုက်နီးကပ်တဲ့ ဆက်နွယ်မှုရှိစရာ မလိုပါဘူး။ ဥပမာ “အမုန်းမီး”။ အမုန်း နဲ့ မီး ကြားမှာ ဘာမှ တိုက်ရိုက်ဆက်နွယ်မှု မရှိပါဘူး။

အစကို ပြန်ကောက်ရရင် အမည်တစ်ခုကို အစွဲပြုပြီး ခေါ်ဝေါ်သုံးနှုန်းတာမျိုးကို eponym လို့ခေါ်ပါတယ်။ သပိတ်မှောက်ခြင်း “boycott” ဟာလည်း လူနာမည် “Captain Charles Boycott” ကိုအစွဲပြုထားလို့ eponym ဖြစ်ပါတယ်။ ဒါဆိုရင် “ခင်မို့မို့အေး” နဲ့ “ပန်းနုသွေး” ဟာလည်း eponym လို့သတ်မှတ်လို့ရလောက်တဲ့အထိ အသုံးတွင်နေပြီလား၊ အသုံးတည်နေပြီလား စဉ်းစားမိလို့ ဒီပို့စ်ကိုရေးလိုက်ပါတယ်။

ဒီရက်ထဲ ရေပန်းစားနေတဲ့ ကမ္ဘာ့သတင်းတွေထဲမှာ အော်စကာဆုပေးပွဲဟာလည်း ထိပ်ဆုံးကပါနေပါတယ်။ အာရှနွယ်ဖွား မင်းသမီးကြီး “မီရှဲယို” တစ်ယောက် အော်စကာဆုကို အဓိကဇာတ်ဆောင်နေရာက နောက်ဆုံးတော့ ထိုက်ထိုက်တန်တန် ရသွားခဲ့ပြီပဲ ဖြစ်ပါတယ်။

CNN က တင်ထားတဲ့ သတင်းခေါင်းစဉ်တစ်ခုမှာ “Michelle Yeoh on breaking the glass ceiling with historic Oscars win” လို့ဖော်ပြထားပါတယ်။

ဒီသတင်းထဲက “break the glass ceiling” ဆိုတဲ့ အသုံးလေးကို ကြည့်ကြည့်ရအောင်။
တိုက်ရိုက်အဓိပ္ပာယ်အ‌နေနဲ့ ပြောရရင် ceiling က မျက်နှာကြက် glass က ဖန်ပေါ့။ ဒါပေမဲ့ ဒီအသုံးဟာ တင်စားထားတဲ့သ‌‌ဘောပါတဲ့ အသုံးအနှုန်းလေးဖြစ်ပါတယ်။

glass ceiling ရဲ့ ဆိုလိုရင်းကတော့ အနေအထားတစ်ခု၊ ရာထူးတစ်ခုရှိနေပေမယ့်လည်း အမျိုးသမီးတွေဖြစ်လို့ မရနိုင်ဘူးဆိုတဲ့ မမြင်နိုင်တဲ့ အတားအဆီး ကိုဆိုလိုတာပါ။

“break the glass ceiling” ဆိုတဲ့ အသုံးအနှုန်းရဲ့ ဆိုလိုရင်းကတော့ အကြောင်းပြချက်တစ်ခုခုကြောင့် နေရာတစ်ခုကို မရနိုင်ဘူးဆိုတဲ့ ကန့်သတ်ချက်တွေကို ကျော်လွန်ပြီး လုပ်ဆောင်နိုင်ခဲ့တာ၊ ရှေ့ဆက်လို့မရအောင် ဖြစ်နေတဲ့ အတားအဆီးတွေကို ကျော်လွှားပြီး ဖြစ်အောင်လုပ်နိုင်ခဲ့တာမျိုးကို ဆိုလိုတာပါ။

သတင်းခေါင်းစဉ်ကို ‌ပြန်ပြောရရင် မင်းသမီးကြီး မီရှဲယိုဟာ သမိုင်းမှာ ပထမဆုံး အာရှနွယ်ဖွားတစ်ယောက်အနေနဲ့ အော်စကာဆုကို အဓိက ဇာတ်ဆောင်နေရာက ရအောင်လုပ်နိုင်ခဲ့ပြီးတော့ ထိပ်ဆုံးနေရာကို ယူနိုင်ခဲ့တယ်လို့ ပြောချင်တာပဲဖြစ်ပါတယ်။ မမြင်ရတဲ့ အတားအဆီး “glass ceiling” ကို ချိုးဖျက်နိုင်ခဲ့တယ်ပေါ့။

မီရှဲယို ပြောသွားတဲ့ ဒီစကားတွေကိုလည်း comment မှာ ဘာသာပြန်ကြည့်ပေးပါ‌ဦးနော်။
“This is for the Asian community, but (also) for anybody who's been identified as a minority. We deserve to be heard. We deserve to be seen. We deserve to have the equal opportunity so we can have a seat at the table.”

Happy Women's Day to all beautiful souls. Let's keep shining and make a good impact to our society.

ဒီရက်ပိုင်း မြန်မာနိုင်ငံမှာ မီးတွေမှန်နေတာ သတိထားမိကြရဲ့‌လားနော်။ “ပညာရေးဖြင့် ခေတ်မီဖွံဖြိုးတိုးတက်သော နိုင်ငံတော်ကြီး တည်ဆောက်အံ့” ဆိုတဲ့ ဆောင်ပုဒ်နဲ့ အညီ ပညာရေးကိုအလေးထားလို့ စာမေးပွဲရက်မှာ မီးမပြတ်ဘဲ မီးမှန်ပေးနေတာပေါ့။

‌ကဲပါ...လိုရင်းပဲသွားကြစို့။ အပိုစကားတွေလည်း များသွားပြီ။ ဒီပို့စ်မှာ စာမေးပွဲဖြေတာနဲ့ ပတ်သက်ပြီး သုံးလို့ရတဲ့ အင်္ဂလိပ်စာ အသုံးအနှုန်း အလွယ်လေးတွေကို ပြောပြပေးမလို့ပါ။

စာမေးပွဲကို exam, test ဆိုပြီး သုံးလို့ရတယ်။ နောက်ဆုံးစာမေးပွဲဆို final exam ပေါ့။

စာမေးပွဲဖြေတာကိုတော့ “sit” “take” ဆိုတဲ့ verb ကို သုံးလို့ရတယ်။
take an exam (သို့) sit an exam ပေါ့။

ဂုဏ်ထူးနဲ့အောင်တာကိုပြောချင်ရင် အောင်တာကို “pass” , ဂုဏ်ထူးနဲ့က “with distinctions” ဆိုပြီး ပြောလို့ရတယ်။
Pass with flying colours ဆိုပြီးတော့လည်း “flying colours” ဆိုတဲ့ တစ်ခုခုကို ထူးထူးချွန်ချွန်လုပ်ဆောင်နိုင်တဲ့ခါမျိုးမှာ သုံးတဲ့ idiom လေးနဲ့လည်း ပြောလို့ရတယ်။

စာမေးပွဲ ကျတာကိုတော့ fail ပေါ့။

ဒီနေ့ပို့စ်မှာတော့ ဒီလို အလွယ်စကားလုံးလေးတွေကိုပဲ ပြောပြပေးလိုက်ပါတယ်နော်။

မီးမမှန်စဖူး မှန်နေလို့ ထူးထူးခြားခြား မအားတဲ့ကြားက ဒီပို့စ်လေးရေးလိုက်ပါတယ်။ 😄

pic crd

တပေါင်းလပြည့် အခါသမယမှာ ကိုယ်စိတ်နှလုံး ကျန်းမာရွှင်လန်းပါစေကြောင်း BrightCamp Academy က ဆုတောင်းပေးလိုက်ပါတယ်နော်။

ပို့စ်အသစ်မတင်ဖြစ်တာ တော်တော်လေးကိုမှ ကြာသွားခဲ့ပါပြီ။ 😅
ဒီနေ့ပို့စ်မှာ British English နဲ့ American English ကွာခြားချက် part 2 ကို ပြောပြပေးမယ်နော်။ 🥰

Verb နဲ့ပတ်သက်ပြီး အသုံးကွာခြားချင်လေးတွေကို ဆက်ကြည့်ရအောင်နော်။

👉Question tags
British English မှာ question tags တွေကို ခဏခဏ ထည့်သုံးလေ့ရှိကြပါတယ်။ ဒါပေမယ့် American English မှာတော့ ဒီလောက်ကြီး မသုံးကြပါဘူး။ တစ်ခုခုကို သဘောတူဖို့ မျှော်လင့်တဲ့ အခြေအနေမျိုးမှာသာ သုံးလေ့ရှိကြတာပါ။ British English မှာတော့ သဘောမတူတာ၊ မိမိပြောတာကို လက်ခံစေချင်တဲ့အခါမျိုး‌တွေမှာလည်း question tags ကို လှိုင်လှိုင်ကြီး သုံးကြပါတယ်။

ပြီးတော့ American English မှာ question tags အနေနဲ့ right နဲ့ okay တို့ကို သုံးလေ့ရှိကြပါတယ်။

👉Gone နဲ့ Been
တစ်နေရာကို သွားပြီးပြန်လာတာ (ရောက်ဖူးတာ) ကို British English မှာ been ကို အသုံးများပြီး American English မှာတော့ gone ကို အသုံးများပါတယ်။
BE/ AE : Have you ever been to Scotland?
AE : Have you ever gone to Florida?

👉Will နဲ့ Shall
British English မှာ will (သို့) shall သုံးပေမယ့် American English ကတော့ shall ကို သုံး‌လေ့မရှိပါဘူး။
BE : We will/shall contact you.
AE : We will contact you.

👉Need နဲ့ dare
Need နဲ့ dare ဟာ ordinary verbs တွေ ဖြစ်ပါတယ်။ သို့သော် British English မှာတော့ modal verbs အဖြစ်လည်း သုံးကြပါတယ်။
BE / AE : You don't need to go to school.
Do you dare to ask?
BE : You needn't go to school.
Dare you ask?

👉Can't နဲ့ mustn't
British English မှာ ဟုတ်မှန်ကြောင်း မဖြစ်မနေပြရ‌မယ့် အခြေအနေ (ဖြစ်ရမယ်) မှာ must ကို သုံးပါတယ်။ သူ့ရဲ့ အငြင်းကိုတော့ can't ပဲ သုံးပါတယ်။
ဒါပေမယ့် American English မှာတော့ mustn't ကိုလည်း သုံးပါတယ်။

BE / AE : There's no reply. They can't be home.
(အကြောင်းမပြန်ဘူး။ သူတို့အိမ်မှာ မရှိလို့ပဲ ဖြစ်ရမယ်။)
AE : There's no reply. They mustn't be home.
(အကြောင်းမပြန်ဘူး။ သူတို့အိမ်မှာ မရှိလို့ပဲ ဖြစ်ရမယ်။)

👉Learned နဲ့ learnt
တချို့ verbs တွေဟာ regular form ရော irregular form ရော ရှိကြပါတယ်။ ဥပမာ dreamed/ dremt, learned/ learnt. American English မှာ irregular form ကို သုံးလေ့မရှိပါဘူး။
ဒါပေမယ့် dive နဲ့ fit ကျတော့ American English မှာ dive / dove / dived , fit / fit / fit ဆို‌ပြီး သုံးပါတယ်။ British English မှာတော့ dive/ dived/ dived, fit/ fitted/ fitted ဆိုပြီး သုံးပါတယ်။

British English နဲ့ American English ကွာခြားချက် နောက်အပိုင်းတွေမှာတော့ noun နဲ့ ပတ်သက်တဲ့ အသုံးကွာ‌ပုံလေးတွေ ဆက်လက်တင်ပြပေးပါမယ်နော်။🥰
အားလုံးပဲ သာယာတဲ့ နေ့လေးဖြစ်ပါစေ။✨

Ref: OxfordGrammar

ဒီနေ့ စိတ်ဝင်စားဖို့ကောင်းတဲ့ အကြောင်းအရာလေးတစ်ခုကို ပြောပြမယ်နော်။ 🥰
ဒါနဲ့ စာဖတ်သူတို့ရော အိမ်မွေးတိရစ္ဆာန်လေးတွေက သခင်တွေရဲ့ စိတ်ခံစားမှုကို အလိုလို သိကြတယ်လို့ ထင်လား။ 🤔🤔🤔

ဘယ်လိုပဲပြောပြော စိတ်မကောင်းစရာကတော့ သူတို့‌လေးတွေဟာ ဘယ်လိုခံစားနေရလဲဆိုတာ ထုတ်ပြောနိုင်စွမ်းမရှိကြပါဘူး။ ဒါပေမယ့် Pets လေးတွေဟာ သခင်ရဲ့ စိတ်အခြေအနေကိုကြည့်ပြီးတော့ တုံ့ပြန်နိုင်စွမ်း‌တော့ရှိကြပါတယ်တဲ့။

ဒါဆို အိမ်မွေးတိရစ္ဆာန်လေးတွေက ဒီလိုတုံ့ပြန်နိုင်တယ်ဆိုတာကို ဘယ်လိုအခြေအနေမျိုးမှာ သိနိုင်မလဲ။ 🤔

👉 ဥပမာ သူတို့လေးတွေရဲ့ သခင် အနာတရ ဖြစ်တဲ့ အခါမျိုးမှာ သူတို့ရဲ့ တုံ့ပြန်မှုကိုကြည့်ခြင်းအားဖြင့် သိနိုင်ပါတယ်။
🐕ခွေးလေးတွေဆိုလို့ရှိရင် အမြီးလေးတွေ ဝှေ့ရမ်းလာတတ်ပြီး၊ 🐈‍⬛ကြောင်လေးတွေဆိုရင်တော့ မျက်လုံးအိမ် ကျယ်လာပြီး ကြည့်လေ့ရှိပါတယ်။ ဘာ‌ကြောင့်လဲဆိုတော့ ခွေးတွေက ဝံပုလွေ မျိုးစိတ်ကနေ ဆင်းသက်လာတာဖြစ်တာကြောင့်ပါ။ ဒါ့အပြင် ကြောင်လေးတွေက သခင်ကို စိုက်ကြည့် နေပြီဆိုရင်တော့ သေချာပါတယ်။ ဒါဟာ သခင်က စိတ်ဆိုးနေလို့သော်လည်းကောင်း၊ သို့မဟုတ် တစ်ခုခု မူမမှန်တဲ့ အခြေအနေမှာ သော်လည်းကောင်း ရှိ‌နေတာကြောင့် ကြောင်လေးတွေက စိုက်ကြည့်နေတာပါ။ တကယ်တော့ ကြောင်လေးတွေဟာ အနေအေးတဲ့ Antisocial type မျိုးတွေပါ။

ကဲ ကြောင်လေး၊ ခွေးလေးတွေနဲ့ သူတို့ရဲ့ ခံစားမှုကို တုံ့ပြန်နိုင်စွမ်းရှိပုံတွေကို ပြောပြီးပြီဆိုတော့ ဒီ Topic နဲ့ဆိုင်တဲ့ Vocabulary လေးတွေ လေ့လာကြည့်ရအောင်နော်။ 🤩

👉Domesticated animals- လူတွေက ယဉ်ပါးအောင်မွေးမြူထားတဲ့၊ လူတွေရဲ့ထိန်းချုပ်မှုအောက်မှာနေရတဲ့ တိရစ္ဆာန်များ။
e.g Pets are normally domesticated.
ဥပမာအားဖြင့်- cats (ကြောင်), dogs (ခွေး) , cows (နွား) and sheep (သိုး) တို့လို တိရစ္ဆာန်မျိုးတွေပေါ့။

👉Anthropomorphize - လူအသွင် စရိုက်များဖြစ်အောင် ပုံသွင်းဆက်ဆံသည်။
(anthrop(o) - ဆိုတာက မနုဿ၊ လူသားကို ဆိုလိုတာပါ။)
e.g Older people tend to anthropomorphize animals more than younger ones.

👉To be in agony - ဝေဒနာ ခံစားရသည်။
e.g I was squealing with pain on the bed in agony.

👉Feign an injury- အနာတရဖြစ်ဟန်ဆောင်သည်။
e.g Holding my bleeding finger, I was trying to feign an injury.

👉Reactions - တုံ့ပြန်မှုများ။

👉Descend- ဆင်းသက်လာသည်။
e.g Dogs are descended from ancient breeds of wolves .

👉Sniff - အနံ့ခံသည်။
e.g Dogs love sniffing each other.

👉Distress - စိတ်ထိခိုက် ခံစားမှု။
e.g Pets seem to be aware of people’s distress.

စိတ်ဝင်စားဖို့ကောင်းတဲ့ အကြောင်းအရာလေးကိုရော၊ အင်္ဂလိပ်စာဝေါဟာရဗဟုသုတရော ရသွားမယ်လို့ မျှော်လင့်ပါတယ်။ နောက်ပို့စ်တွေမှာ ပြန်ဆုံပါမယ်။ 🤩🥰

Ref - BBC

British English နဲ့ American English ဘာကွာသလဲ

Part 1

British English နဲ့ American English တို့ကြားမှာ Verbs အသုံးပုံစံ၊ noun phrase အသုံးပုံစံ၊ စာလုံးပေါင်း၊ preposition အသုံးပုံစံ စသဖြင့် ကွာခြားချက်တွေ ရှိကြပါတယ်။

ဒီလိုကွာခြားချက်တွေထဲကမှ Verb အသုံး ကွာခြားပုံကို ပထမဆုံး ပြောပြပေးချင်ပါတယ်။

👉Linking verb + noun phrase အသုံးကွာပါတယ်
British English မှာတော့ be, look, feel, seem စတဲ့ linking verb တွေနောက်မှာ noun phrase တိုက်ရိုက်သုံးကြပါတယ်။
ဥပမာ - It looks a lovely evening.

American English မှာတော့ linking verbနောက်မှာ noun phrase တန်းမလိုက်ပါဘူး။ “be” နဲ့ “become” ကတော့ ခြွင်းချက်ပေါ့နော်။
ဥပမာ - “It looks like a lovely evening.” (သို့)
“It looks to be a lovely evening.” လို့သုံးကြပါတယ်။

👉 British English မှာ “Do” ကို “action” အနေနဲ့ တစ်ခါတစ်ရံသုံးပါတယ်။

ဥပမာ - You should reply if you haven't done already.
(haven't done ဆိုတာ haven't replied ကိုဆိုလိုတာပါ။ ‘do’ ကို ‘reply’ ဆိုတဲ့ action အနေနဲ့ သုံးထားတာပါ။)

American English မှာတော့ “You should reply if you haven't already.” လို့ပဲ သုံးလေ့ရှိပါတယ်။

👉 British English မှာ “Do” ကို (တစ်စုံတစ်ခုကို လေးနက်သွားစေလိုတဲ့အခါ) “emphasis” အနေနဲ့ သုံးပါတယ်။

ဥပမာ တစ်ခုခုကို ကမ်းလှမ်းတာ (offer) (သို့) ဖိတ်ခေါ်တာ (invitation) မျိုးကို (လေးနက်စေချင်ရင်) ‘emphasis’ လုပ်ချင်ရင် imperative ပုံစံမှာ do ကိုသုံးပါတယ်။
ဥပမာ - Do have a glass of wine.

American English မှာတော့ ဒါမျိုး‌ ပြောတာကို သိပ်တွေ့ရလေ့ရှိမှာမဟုတ်ပါဘူး။ အဲ့ဒီအစား
“Have a glass of wine.” လို့ပြောတာကိုပဲ အကြားရများမှာဖြစ်ပါတယ်။

နောက်တစ်ခုအနေနဲ့ “Let's not invite them.” ဆိုတာမျိုးကို British English မှာရော American English မှာရော သုံးကြတာကို တွေ့နိုင်မှာဖြစ်ပေမယ့်
“Don't let's invite them.” ဆိုပြီး “do” ကို emphasis အနေနဲ့ ထည့်သုံးတာကိုတော့ British English မှာသာ တွေ့ရမှာ ဖြစ်ပါတယ်။

နောက်‌ပို့စ်တွေမှာ ဆက်ပါဦးမယ်နော်။🥰

Ref: Oxford Grammar
pic crd//

✨✨✨BrightCamp Academy ရဲ့ ဖေဖော်ဝါရီလအတွက် တန်းခွဲများ✨✨✨

👉General English Course

General English Course (4skills) online သင်တန်းတွေမှာ Beginner, Elementary, Pre-Intermediate နဲ့ Intermediate ဆိုပြီး တန်းခွဲ လေးခု ရှိတာကြောင့် မိမိနဲ့ သင့်တော်ရာ level အလိုက်ရွေးချယ်တက်ရောက်နိုင်ပါတယ်။ မိမိနဲ့သင့်တော်ကိုက်ညီတဲ့ အတန်းမှာ တက်ရောက်နိုင်ဖို့အတွက် placement test/level test ကိုလည်း စစ်ပေးပါတယ်။
⏳သင်တန်းကာလ အနေနဲ့ Beginner level အတွက် (၂) လ၊ ကျန်အတန်းတွေအတွက်(၃) လကြာမြင့်မှာဖြစ်ပါတယ်။
💰 သင်တန်းကြေးကတော့ တစ်လ ၅၀၀၀၀ ကျပ်ဖြစ်ပါတယ်။

👉 ‘English Competitive World’

ဒါ့အပြင် အင်္ဂလိပ်စာကို မအားလပ်လို့ မလေ့လာဖြစ်သူတွေ၊ ပေါ့ပေါ့ပါးပါး လေ့လာချင်သူတွေအတွက်လည်း တစ်နှစ်ပတ်လုံး လေ့လာလို့ရတဲ့ ‘English Competitive World’ အတန်းလေးရှိပါတယ်နော်။
💰သင်တန်းကြေးကတော့ တစ်လ 40000 ကျပ်ဖြစ်ပါတယ်။

👉Basic Grammar Course

အင်္ဂလိပ်စာ အခြေခံ သဒ္ဒါ (grammar) ကို နိုင်နိုင်နင်းနင်း ကျွမ်းကျင်ချင်တဲ့သူတွေအတွက်လည်း Basic Grammar Course အတန်းရှိပါတယ်။
⏳သင်တန်းကာလအနေနဲ့ တစ်လခွဲ ကြာမြင့်မှာဖြစ်ပါတယ်။
💰သင်တန်းကြေးကတော့ ၅၀၀၀၀ ကျပ်ဖြစ်ပါတယ်။

📚 သင်ရိုးစာအုပ်တွေ အနေနဲ့ Oxford University Press က ထုတ်ဝေတဲ့ “Headway” series ကို အဓိက ထားပြီး‌တော့ တခြားသော Cambridge နဲ့ Oxford က ထုတ်ဝေတဲ့ စာအုပ်တွေ၊ နာမည်ကြီး website တွေက resources တွေနဲ့ ထိရောက်အောင် အသုံးချ သင်ကြားပေးသွားပါမယ်။

(အတန်းအားလုံးအတွက် လူဦးရေ အကန့်အသတ် ရှိပါတယ်နော်)🥰

Fun For Friends
ဒီတစ်ပတ်မှာတော့ Zoological Garden ကို Virtual Tour သွားပြီး Animals လေးတွေကို အစာကျွေးကြမယ် ။ အောက်မှာ ပုံလေးတွေ ပေးထားမယ်နော် ။ ကိုယ်ကျွေးချင်တာကို Comment မှာ ရေးပေးရုံပဲနော်။

သာယာဝပြောတဲ့ နှစ်သစ်ဖြစ်ပါစေကြောင်း BrightCamp Family က ဆုတောင်းလိုက်ပါတယ်နော်။

May the lunar new year bring you prosperity and happiness!

Gong xi fā cái 🥰

Did you know all these following words are also verbs?🤔🤔

bottom, top, down, hand, elbow, shoulder, head, eye, water, milk, ham, egg, butter, sugar,...

Could you write one sentence using one of these words as a verb in the comment?

For example,
“Could you top and tail the beans for me?”
That means to remove the ends from the beans.

See you in our next post! 👋👋

ဒီပို့စ်မှာတော့ သတင်းထဲက အင်္ဂလိပ်စာလေးကို လေ့လာကြည့်ရအောင်နော်။

ဒီသတင်းက နဲနဲတော့ ဟောင်းနေပြီပေါ့နော်။ ဒါပေမယ့်လည်း သတင်းခေါင်းစဉ်မှာပါတဲ့ အင်္ဂလိပ်စာ အသုံးလေးတွေကို ပြောပြပေးသွားမှာမို့ အဆုံးထိဖတ်ပေးပါနော်။

ကမ္ဘာ့ နံပါတ်တစ် သူဌေးကြီး Elon Musk ဟာ ကမ္ဘာ့အချမ်းသာဆုံးဂုဏ်ပုဒ်ကနေ နေရာဖယ်ပေးလိုက်ရတဲ့ သတင်းဟာလည်း လူပြောများခဲ့တဲ့ သတင်းတစ်ခု ဖြစ်ခဲ့ပါတယ်။ သူဟာ 2022 ခုနှစ်မှာ ငွေကြေးပမာဏ အကြီးမားဆုံး ဆုံးရှုံးခဲ့ရသူအဖြစ် စံချိန်တင်သွားပါတယ်။ ဒါပေမယ့် ဒီလောက် အံ့ဩစရာ၊ သမိုင်းတင် ငွေပမာဏ ဆုံးရှုံးခဲ့ရသူက Elon Musk တစ်ယောက်တည်း ရှိခဲ့တာ မဟုတ်ပါဘူးလို့ သတင်းက ဆိုပါတယ်။

ဒီထဲက အင်္ဂလိပ်အသုံးနှုန်းတွေထဲမှာ Fortune fell ဆိုတာ - ကံခေတာ၊ ကံဆိုးတာ၊ ကံကြမ္မာအကျဘက်ရောက်တာကို ပြောတာပါ။ Fortune က ကံ၊ အခွင့်အလမ်း။ fall(fell/fallen) က ကျသည်ပေါ့။

staggering (adj) က မယုံနိုင်လောက်အောင်၊ အံ့ဩစရာကောင်းလောက်အောင် ဆိုတဲ့ အဓိပ္ပာယ်ပါ။

history က (သမိုင်း)
set က (စံတင်) တာ။
ဒီတော့ history-setting (adj) ဆိုတာက သမိုင်းတွင်၊ ရာဇဝင်တွင်သော၊ သမိုင်းတင်သော စတဲ့ အဓိပ္ပာယ်မျိုး‌ပေါ့။

(မှတ်ချက် - set ဆိုတဲ့ စာလုံးက အဓိပ္ပာယ်ပေါင်း အလွန် အများအပြားရှိတဲ့စကားလုံးဖြစ်ပါတယ်။)

record က (စံချိန်)
break က (ချိုးတာ)
ဒါကြောင့် record-breaking က စံချိန်တင်၊ စံချိန်ချိုးတာကို ပြောတာပါပဲ။

sum ဆိုတာကတော့ ငွေကြေးပမာဏ ကိုပြောတာပါ။

Go up in smoke ဆိုတာကတော့ အလဟဿဖြစ်သွားတာ၊ ဘာမှအရာမထင်လိုက်တာ ကိုပြောလိုတဲ့ခါ သုံးနိုင်တဲ့ idiom လေး တစ်ခုဖြစ်ပါတယ်။
Example: When the business went bankrupt, twenty years of hard work went up in smoke.
စီးပွားရေးဒေဝါလီခံသွားတဲ့ခါ နှစ်နှစ်ဆယ်လုံးကြိုးစားထားသမျှ အလဟဿအရာမထင် ဖြစ်သွားတယ်။

နောက်ပို့စ်တွေမှာ ပြန်ဆုံပါမယ်နော်။

ဒီနေ့မှာ‌တော့ ရာသီဥတု စကားလုံးလေးတွေ ပါတဲ့ idiom လေး (၅) ခုကို ပြောပြပေးချင်ပါတယ်။🥰

(1) Head in the clouds
အလွန်အမင်း အကောင်းမြင်စိတ်တွေရှိနေပြီးတော့ မဖြစ်နိုင်တဲ့၊ လက်တွေ့မကျတဲ့ စိတ်ကူးယဉ်မှုမျိုးကို ဖော်ပြလိုတဲ့အခါ ဒီ idiom လေးကို သုံးပါတယ်။

Example: “Mike thinks he is going to pass his exams without studying. He has his head in the clouds!”
(မိုက်ကတော့ စာမကျက်ဘဲ စာမေးပွဲအောင်မယ်လို့ ထင်နေတယ်။ သူကတော့ အကောင်းဘက်ကနေ စိတ်ကူးတွေ ယဉ်နေတာပဲ။)

(2) Storm in a teacup
ဒီ idiom ကိုတော့ သေးငယ်တဲ့ပြဿနာကို ပုံကြီးချဲ့တဲ့ခါ သုံးကြပါတယ်။ လက်ဖက်ရည်ပန်းကန်လုံးလေးထဲမှာ မုန်တိုင်းတွေထန်နေတယ်ပေါ့။ သေးသေးမွှားမွှားကိစ္စကို အကြီးအကျယ်ချဲ့ကားနေတာမျိုးပေါ့။

Example: "I don't think this flu scare is serious. It is a storm in a teacup."
(ကျွန်တော်တော့ ဒီတုပ်ကွေးကို အလန့်တကြားဖြစ်နေတဲ့ ကိစ္စဟာ အလေးအနက်ထားစရာလိုမယ် မထင်ပါဘူး။ ဒါ တစ်ဆိတ်ကို တစ်အိတ် ရေးကြီးခွင်ကျယ်လုပ်နေတာပဲ။

(3) Under the weather
နေထိုင်မကောင်းဖြစ်တာ၊ ကိုယ်လက်မအီမသာဖြစ်တာမျိုးကို ဖော်ပြတဲ့ခါ ဒီ idiom ကိုသုံးလေ့ရှိပါတယ်။

Example: “Hazel did not come into work today. She was feeling under the weather.”
(ဟေဇယ် ဒီနေ့အလုပ်မဆင်းဘူး။ သူ နေမကောင်းဖြစ်နေလို့လေ။)

(4) Come rain or shine
ဒီ idiom လေးရဲ့ အဓိပ္ပာယ်ကတော့ ဘာကိစ္စပဲဖြစ်နေပါစေ ကိစ္စတစ်ခုကို ရအောင်လုပ်မယ်ဆိုတဲ့ သဘောပါ။ မိုးပဲရွာရွာ၊ နေပဲပူပူ၊ မုန်တိုင်းပဲတိုက်တိုက်၊ ဘာကြီးပဲဖြစ်နေပါစေ လုပ်မယ်လို့ဆုံးဖြတ်ထားတဲ့ အရာတစ်ခုကို ဖြစ်အောင်လုပ်မယ်လို့ ပြောလိုတဲ့အခါ ဒီidiom ကိုသုံးနိုင်ပါတယ်။

Example: "I will play football tonight come rain or shine."
(ဘာပဲဖြစ်ဖြစ် ကျွန်တော် ဒီည ဘောလုံးကန်ဖြစ်အောင် လာကန်မယ်)။

15. To steal someone's thunder
တစ်ယောက်ရဲ့ ကြိုးစားထားပြီးရလာတဲ့ ချီးကျူးမှုတွေ၊ အာရုံစိုက်မှုတွေကို နောက်တစ်ယောက်က အသာဝင်ယူလိုက်တာကို ဆိုလိုတာပါ။ နာမည်ကောင်း ဝင်ယူလိုက်သည်ပေါ့။

Example: "My classmate stole my thunder when he told the teacher that he did all the work on the presentation."
(ကျွန်တော့်အတန်းဖော်က presentation ကို သူတစ်ယောက်တည်း လုပ်ခဲ့တာပါလို့ ဆရာကိုပြောပြီးတော့ ကျွန်တော့်အစား နာမည်ကောင်းဝင်ယူသွားတယ်။)

နောက်ပို့စ်တွေမှာ ပြန်ဆုံပါမယ်နော်။ 🥰

Ref: kaplaininternational

T = teacher, S = student

S = မင်္ဂလာပါချယ်။ သမီးစာမေးချင်တာလေး နည်းနည်းရှိလို့ပါ။
T = မေးလေ သမီး။
S = ကလေးမွေးတာကို give birth လို့ အင်္ဂလိပ်လိုပြောတာတော့ သမီးသိပါတယ်ချယ်။ ဒါပေမယ့် ကိုယ်ဝန်ရှိတာကိုကျ ဘယ်လိုပြောလဲချယ်။
T = pregnant (ကိုယ်ဝန်ရှိသော) ဆိုတဲ့ adjective လေးသုံးလို့ရတယ်။ noun form ကတော့ pregnancy ပေါ့။ ဥပမာ ပေးရရင် - “My wife is pregnant.” (ကျနော့်ဇနီး ကိုယ်ရှိနေတယ်) ပေါ့။
S = ဟုတ်ကဲ့ချယ်။ delivery က အိမ်အရောက်ပို့ပေးတဲ့ ပစ္စည်း၊ အစားအသောက်တွေအပြင် မီးဖွားခြင်းကိုလဲ delivery လို့ပြောလို့ရတယ်လို့ သိထားတယ်။ အဲ့ဒါဟုတ်လား ချယ်။
T = ဟုတ်တယ် သမီး။ delivery ကို မီးဖွားခြင်းဆိုတဲ့ အဓိပ္ပာယ်နဲ့လည်း သုံးကြတယ်။ easy delivery ဆို မွေးရဖွားရလွယ်တာကို ပြောတာပေါ့။
S = နောက်ဆုံး မေးခွန်းလေး မေးပါရစေ။ ခွဲမွေးတာကိုကျ ဘယ်လိုပြောရမလဲချယ်။
T = ဗိုက်ခွဲမေးတာကို C-section (Caesarean section) လို့ခေါ်တယ်။ ဥပမာ - The baby was delivered by Caesarean section. ကလေးကို ဗိုက်ခွဲမွေးခဲ့တယ်။
S = ရှင်းပြပေးတာ ကျေးဇူးတင်ပါတယ်ချယ်။



pic crd

နှစ်ဟောင်းကုန်လို့ နှစ်သစ်ရောက်ပါတော့မယ်။ ဒီတော့ နှစ်သစ်ကူးနဲ့ ဆိုင်တဲ့ ဝေါဟာရလေးတွေ၊ အသုံးအနှုန်းလေးတွေကို လေ့လာကြည့်ကြရအောင်နော်။ 🥰

⭐ဒီဇင်ဘာ ၃၁ ရက်နေ့ကို New Year's Eve (နှစ်သစ်ကူးအကြိုနေ့) လို့သတ်မှတ်ပါတယ်။

⭐ဇန်နဝါရီလ ၁ ရက်နေ့ကိုတော့ New Year's Day (နှစ်ဆန်း၁ရက်နေ့) လို့သတ်မှတ်ပါတယ်။

⭐နှစ်သစ်ကူးညနဲ့ ခွဲမရတာကတော့ မီးပန်းတွေပါပဲ။ မီးပန်းကို Fireworks လို့ ခေါ်ပါတယ်။

⭐နှစ်သစ်ကူးမှာ နောက်ထပ်ပြုလုပ်လေ့ရှိကြတာကတော့ ပြိုင်တူ ယမကာခွက်၊ဖလား မြှောက်ပြီးတော့ ဆုတောင်းမင်္ဂလာ ပြုကြလေ့ရှိပါတယ်။ ဒါကို a toast/ to toast ဆိုတဲ့ဝေါဟာရလေးကို အသုံးပြုနိုင်ပါတယ်။ toast ကို noun အနေနဲ့ make/ give ဆိုတဲ့ စကားလုံး နဲ့ တွဲသုံးလို့ရသလို verb အနေနဲ့လည်း သုံးလို့ရတယ်။
ဥပမာ - I would like to make a toast to the new year.
They toasted the new year with champagne.

⭐နှစ်သစ်ကူးညမှာ မီးပန်းတွေ ‌ဖောက်ကြတဲ့အပြင် ရောက်စုံစက္ကူလို အစသေးသေးလေးတွေ ကြဲပြီးတော့လဲ အောင်ပွဲခံကြပါသေးတယ်။ ပြိုင်ပွဲ‌တစ်ခုခုမှာ အနိုင်ရတဲ့အခါ အစကလေးတွေ ကြဲချတာ မြင်ဖူးကြမယ် ထင်ပါတယ်နော်။ အဲ့လို အစလေးတွေကို confetti လို့ ခေါ်ပါတယ်။

⭐ကောင်းကင်မှာ ပစ်ဖောက်တဲ့ မီးပန်းမဟုတ်ဘဲနဲ့ လက်‌ထဲမှာ ကိုင်ပြီး ဝှေ့ယမ်းဆော့ရတဲ့ တုတ်ချောင်းလေးမှာ မီးပွားလေးတွေ ထွက်တဲ့ မီးပန်းကလေးတွေနဲ့ ဆော့ဖူးကြတယ်ဟုတ်။ ဒါကိုတော့ sparkler လို့ ခေါ်ပါတယ်။

⭐နှစ်သစ်မှာ အားလုံးနီးပါး လုပ်ကြ‌လေ့ရှိတာကတော့ နှစ်သစ်စိတ်ကူးရည်မှန်းချက်တွေကို ချမှတ်ကြတာပဲဖြစ်ပါတယ်။ ဒါကို New Year's Resolution လို့ခေါ်ပါတယ်။ set ဆိုတဲ့ verb လေးနဲ့ တွဲသုံးလို့ရတယ်။
စာဖတ်သူတို့ရော ဘယ်လို New Year's Resolution တွေ ရှိကြလဲ။ comment မှာ ပြောပြပေးပါဦးနော်။

နောက်ထပ် နယူးရီးယားနဲ့ သက်ဆိုင်တဲ့ စကားစုလေးတွေ ထပ်ပြီးကြည့်ကြရအောင်နော်။🥰

⭐“To ring in the new year”
နှစ်သစ်ကိုအောင်ပွဲခံတယ်။ celebrate လုပ်တယ်ဆိုတဲ့ အဓိပ္ပာယ်ပါ။
ဥပမာ - I am having dinner with my family to ring in the new year.
နှစ်သစ်ကို ဆင်နွှဲဖို့ ကျနော် မိသားစုနဲ့ ညစာအတူစားမယ်။

⭐ပါတီပေးတာကိုတော့ “To throw a party” လို့သုံးကြပါတယ်။

⭐To turn over a new leaf
အီဒီယမ်လေး တစ်ခုဖြစ်ပါတယ်။ ပိုကောင်းတာဖြစ်ဖို့ ကိုယ့်ရဲ့ အကျင့်တွေ၊ လုပ်နေတဲ့အရာတွေကို ပြောင်းလဲပစ်မယ် ‌ဆိုတဲ့ အဓိပ္ပာယ်လေးပါ။
ဥပမာ - I decided to turn over a new leaf and work harder in the new year.
နှစ်သစ်မှာ ကျနော် မကောင်းတဲ့အကျင့်တွေပြင်ပြီး အလုပ်ပိုကြိုးစားဖို့ ဆုံးဖြတ်လိုက်ပြီ။

⭐နှစ်ဆန်း၁ရက်နေ့မှာ အရက်နာကျတာကတော့ အမြဲတွဲနေလေ့ရှိတာပါပဲ။ ယမကာတွေ သောက်တာများပြီး ထမနိုင်တာ၊ ခေါင်းကိုက်တာ စတဲ့ အရက်နာကျတာကို “hangover” လို့ခေါ်ပါတယ်။ 🥃

စကားလုံးလေးတွေပြန်စုပေးပါမယ်။
New Year's Eve, New Year's Day, Fireworks, a toast/ to toast, sparkler, confetti, New Year's Resolution, To ring in the new year, to throw a party, To turn over a new leaf, hangover

နောက်ပို့စ်တွေမှာ ပြန်ဆုံပါမယ်နော်။ 🥰🥰👋👋

အားလုံးပဲ Merry Christmas ပါနော်🎄။ ဒီနေ့ပို့စ်ကတော့ Facebook မှာ အမှတ်မထင်တွေ့လိုက်တဲ့ ဓာတ်ပုံလေးနဲ့ ပတ်သက်တဲ့ အကြောင်းအရာလေး ဖြစ်ပါတယ်။🥰

🦈 ပုံကိုကြည့်လိုက်ရင် ငါးအုပ်ကြီးအလယ်မှာ ငါးမန်းတစ်ကောင်ရောက်နေတာကို တွေ့ရမှာပါ။ ဒါဟာ ရေးထားတဲ့ ခေါင်းစဉ်ကို ဘာမှ ဖတ်စရာမလိုဘဲနဲ့ တန်းသိနိုင်ပါတယ်။ ဒါပေမယ့် ခေါင်းစဉ်ကို ဖတ်လိုက်တဲ့အခါမှာ “school of fish” ဆိုတဲ့ အသုံးလေးကြောင့် ဇဝေဇဝါ ဖြစ်သွားနိုင်ပါတယ်။ အကယ်၍ ကိုယ်က “school” ကို “ကျောင်း” လို့ပဲသိထားမယ်ဆိုရင်ပေါ့။ school ဆိုတာ “ကျောင်း” ဆိုတဲ့ အဓိပ္ပာယ်တစ်ခုတည်း ရှိတာ မဟုတ်ပါဘူး။ အမြောက်အများ အုပ်စုဖွဲ့နေတဲ့ ငါးအုပ်စု၊ ရေနေနို့တိုက်သတ္တဝါအုပ်စုကိုလည်း school လို့‌သုံးပါတယ်။ ဥပမာ school of dolphins ဆို လင်းပိုင်အုပ်ကြီးပေါ့။ “shoal” ဆိုတဲ့ စကားလုံးကိုလည်း သုံးလို့ရတယ်။ a shoal of fish >>> ငါးအုပ်ကြီး။ a shoal of tourists >>> ခရီးသွားလူအုပ်ကြီးပေါ့။

🏫 School မှာ ကျောင်းဆိုတဲ့ အဓိပ္ပာယ်အပြင် တက္ကသိုလ်တွေ၊ ကောလိပ်တွေရဲ့ ဘာသာရပ်ခွဲ သင်ကြားရာဌာန ဆိုတဲ့ အဓိပ္ပာယ်လည်း ရှိပါတယ်။ ဥပမာ တက္ကသိုလ်တစ်ခုခုရဲ့ School of Music ဆို ဂီတဌာနပေါ့။ School of Economics ဆို စီးပွားရေးဘာသာဌာနပေါ့။

ဒါ့အပြင် တခြားသော အဓိပ္ပာယ်တွေလည်း များစွာရှိပါသေးတယ်။ ဥပမာ I'll see you after school ဆိုရင် အတန်းပြီးရင်/ကျောင်းလွှတ်ရင် တွေ့မယ်ဆိုတဲ့ အဓိပ္ပာယ်ပေါ့။

ဒါကြောင့် စကားတစ်လုံးမှာ ကိုယ်မသိ‌သေးတဲ့ အဓိပ္ပာယ်တွေရှိနိုင်သေးတာကြောင့် အဘိဓာန်ကြည့်ဖို့ မပျင်းစေချင်ပါဘူးနော်🥰။ မသိသေးတဲ့ အဓိပ္ပာယ်တွေရှိသေးပါလားဆိုပြီးလည်း စိတ်ဓာတ်ကျစရာမလိုပါဘူး။ များသောအားဖြင့် စာပါအကြောင်းအရာနဲ့ ကိုယ့်မှာရှိတဲ့ ပင်ကိုယ်သိစိတ်တို့ရဲ့ အကူအညီနဲ့ စကားလုံးတွေရဲ့ အဓိပ္ပာယ်ကိုမှန်းဆနိုင်ပါတယ်။ ဒီပို့စ်က ပုံကို ကြည့်ပြီး school of fish ဆိုတာ ငါးအုပ်ကြီးမှန်း မပြောလည်း အလိုလို သိ‌နေသလိုပေါ့။

ဒါနဲ့ “A reef shark avoided by a massive school of fish in the Maldives.” ဆိုတာလေးကို comment မှာ ဘာသာပြန်သွားပေးပါဦးနော်။
reef = ကျောက်တန်း
reef shark = ငါးမန်းတောင်မည်း

ပျော်ရွှင်စရာ ခရစ်စမတ်နေ့လေးဖြစ်ပါစေ။
နေ့ရက်တိုင်းကို ပျော်ရွှင်ချမ်းမြေ့စွာ ဖြတ်သန်းနိုင်ပြီး ကောင်းချီးများခံရပါစေကြောင်း BrightCamp Academy မှ ဆုမွန်ကောင်း‌တောင်းပေးလိုက်ပါတယ် ရှင် ။

Grammar quiz!

အဖြေကို ‌comment မှာ နောက်နေ့တင်ပေးပါမယ်။ 🥰

January အတန်းတွေကို သိလိုပါက ဒီ link မှာ ကြည့်နိုင်ပါတယ်။ ❤️🎄
https://m.facebook.com/story.php?story_fbid=146105574854176&id=100083642010885&mibextid=Nif5oz

အားလုံးပဲ မင်္ဂလာပါနော်။ 🥰🥰
ပို့စ်မတင်ဖြစ်တာတောင် နည်းနည်းလေးကြာသွားပြီ။ ဒါကြောင့် ဒီနေ့မှာ Vocabulary တွေကို လေ့လာကြတဲ့အခါ အထောက်အကူဖြစ်စေမယ့် နည်းလမ်းတချို့ကို မျှဝေပေးလိုက်ပါတယ်။ 🌟

✅တွေ့ရာ vocabulary ကို ကြုံသလို မမှတ်ပါနဲ့။ အကြောင်းအရာလိုက် စကားလုံးတွေကို လေ့လာတာက ပိုမှတ်မိစေပါတယ်။ ဥပမာ soccer (ဘောလုံး) , referee (ဒိုင်လူကြီး) စတဲ့စကားလုံးတွေကို “အားကစား” အကြောင်းအရာအောက်မှာ သတ်သတ်မှတ်မှတ်လေ့လာတာက ပိုအကျိုးရှိ စနစ်ကျစေပါတယ်။ နမူနာ စာကြောင်းလေးတွေနဲ့ တွဲမှတ်တာကလည်း မှတ်မိလွယ်စေပါတယ်။ ကိုယ်စိတ်ဝင်စားတဲ့ အကြောင်းအရာနဲ့ စပ်လျဉ်းတဲ့ စကားလုံးတွေကို ဦးစားပေးလေ့လာ‌တာကလည်း ပိုမှတ်မိစေပါတယ်။ ကိုယ်က သဘာဝပတ်ဝန်းကျင်အကြောင်း စိတ်ပါဝင်စားသူဖြစ်မယ်ဆိုရင် သဘာဝပတ်ဝန်းကျင်ပျက်စီးမှုနဲ့ဆိုင်တဲ့ စကားလုံးတွေ ဥပမာ - wild fire (တောမီး), drought (မိုးခေါင်ခြင်း), deforestation (တောပြုန်းခြင်း) စတာတွေကို ဦးစားပေးလေ့လာပါ။

✅ကိုယ့်အတွက် မှတ်မိလွယ်‌စေတဲ့နည်းလမ်းတွေသုံးပါ။ Mnemonic (မှတ်ဉာဏ်အတွက် အထောက်အကူပြုစေမယ့် ဆောင်ပုဒ်လေးတွေ၊ လင်္ကာလေးတွေ) နဲ့မှတ်ပါ။ ဥပမာ - For, And, Nor, But, Or, Yet, So ဆိုတဲ့ conjunctionတွေကို FANBOYS ဆိုပြီး မှတ်တာမျိုးပါ။
ဟာသကလေးတွေနဲ့ တွဲမှတ်တာမျိုးလုပ်ပါ။

✅စကားလုံးတွေကို ‌ပုံဖော်ကြည့်ပါ။ စာရွက်ပေါ်မှာ ပုံလေးချဆွဲတာမျိုး။ စိတ်ကူးထဲမှာ ‌ပုံဖော်ကြည့်တာမျိုး လုပ်နိုင်ပါတယ်။ ဓာတ်ပုံတွေ၊ အရုပ်လေးတွေ၊ ဆေးရောင်တွေနဲ့ မှတ်တာကလည်း အထောက်အကူပြုနိုင်ပါတယ်။ ဥပမာ - hold one's tongue (တိတ်တိတ်နေ။ ပါးစပ်ပိတ်ထား) ဆိုတဲ့ idiom လေးကို စိတ်ကူးထဲမှာ လျှာကိုကိုင်ထားတဲ့ ပုံကြီးမြင်ယောင်ကြည့်ပါတယ်။ လျှာကို ကိုင်ထားလိုက်တော့ စကားပြောလို့မရတော့ပါဘူး။ စသဖြင့် စိတ်ကူးထဲပုံဖော်ပြီး မှတ်ပါတယ်။ ကြောင်တောင်တောင်နိုင်တယ်လို့ ထင်ရပေမယ့် admin အတွက်တော့ အသုံးဝင်တဲ့ နည်းလေးတစ်ခုမို့ မျှဝေလိုက်တယ်နော်။

✅စကားလုံးတွေကို ထပ်ခါထပ်ခါ အသုံးပြုပေးဖို့ကလည်း လိုအပ်ပါတယ်။ ဒိုင်ယာရီထဲ ထည့်ရေးတာ၊ နေ့စဉ်မှတ်တမ်းရေးတာ၊ ဈေးဝယ်စာရင်းထဲ ထည့်ရေးတာ၊ နေ့စဉ်သုံးစကားထဲ ထည့်သုံးကြည့်တာ စသဖြင့် စကားလုံးအသစ်ကို အကြိမ်ကြိမ် အသုံးပြု‌ပေးတာကလည်း မှတ်မိစေဖို့ အထောက်အကူပြုပါတယ်။ ဒီနေရာမှာ သတိပြုဖို့က တစ်ထိုင်တည်း အကြိမ်အများကြီး ဆက်တိုက်အလွတ်မှတ်ဖို့မလိုအပ်ပါဘူးနော်။ စကားလုံးအသစ်ကို ရက်ခြား ရက်ခြား အသုံးပြုပေးတာ။ စကားလုံး အဟောင်းကို မမေ့အောင် တစ်ပတ်တစ်ခါ ပြန်အသုံးပြုပေးတာ စသဖြင့် ကိုယ့်အတွက်အဆင်ပြေတဲ့ နည်းလမ်းကို အသုံးပြုနိုင်ပါတယ်။

✅စကားလုံး စပ်ဆက်မှုကိုလေ့လာပါ။ ရင်းမြစ်နဲ့ တွဲမှတ်ပါ။ ဥပမာ outsmart >>> out + smart. out ဆိုတဲ့ prefix က more/better ဆိုတဲ့သဘောဖြစ်တာကြောင့် out smart ဆိုတာ တစ်ဖက်သူထပ် ပိုပြီး smart ဖြစ်သွားတာ။ စသဖြင့် စကားလုံး စပ်ဆက်မှုနဲ့လေ့လာတာ ပိုအကျိုးရှိစေပါတယ်။ Foetus (သန္ဓေသား) ဟာ မူလရင်းမြစ် စကားလုံး felix (မွေးဖွားမှု) ကလာတာဖြစ်ကြောင်း သိထားတဲ့အခါ ဒီစကားလုံးကိုပိုပြီး မှတ်မိနေစေပါတယ်။

✅စကားလုံးတစ်လုံးထဲ လေ့လာတာမျိုးမဟုတ်ဘဲ အတွဲလိုက်၊ အစုလိုက် အသုံးလေးတွေမှတ်ပါ။ ဥပမာ - Hello တစ်လုံးထဲ မမှတ်ဘဲ Hello! How are you? လို့ မှတ်တာမျိုးပါ။

✅တွေ့သမျှ စကားလုံးအသစ်တိုင်းကို မှတ်မိဖို့ မကြိုးစားပါနဲ့။ သတ်မှတ်ချက်တစ်ခုထားပါ။ ကိုယ်သတ်မှတ်ထားတဲ့ စကားလုံးအရေအတွက်ကိုသာ ထိထိရောက်ရောက် နားလည်မှတ်မိဖို့ ဦးစား‌ပေးပါ။ မသိသေးတဲ့ စကားလုံးမှန်သမျှကို မှတ်မိဖို့ကြိုးစားမယ်ဆိုရင် ဝန်ပိစေနိုင်တဲ့အတွက် လေ့လာရတာ ပျော်စရာမကောင်းတော့ဘဲ စိတ်ညစ်စရာမျိုးဖြစ်သွားနိုင်ပါတယ်။ ဒါကြောင့် နှုန်းလေးတစ်ခု‌သတ်မှတ်ပြီး ဖြည်းဖြည်းမှန်မှန်သာ လေ့လာဖို့ကိုလည်း အကြံပေးပါရစေနော်။

ဒီနည်းလမ်းတွေအပြင် စကားလုံးဆက်တဲ့ game တွေဆော့တာ၊ ဇယားတွေ၊ ပုံတွေနဲ့ လေ့လာတာ၊ word-web နဲ့ မှတ်တာ အစရှိသဖြင့် တခြားသော နည်းလမ်းတွေ အများကြီးလည်း ရှိပါသေးတယ်။ ဒါတွေကို အင်တာနက်ပေါ်မှာ အလွယ်တကူလည်း ရှာလို့ရပါတယ်။

ဝေါဟာရလေ့လာ‌တဲ့အခါမှာ တစ်ယောက်နဲ့တစ်ယောက် လေ့လာပုံ မတူကြတာဖြစ်လို့ ဘယ်ဟာကပဲ နည်းလမ်းအမှန်၊ ဘယ်ဟာက နည်းလမ်းအမှား ဆိုပြီးပြောဖို့ခက်ပါတယ်။ ဒါကြောင့် မိမိနဲ့ သင့်တော်မယ့် နည်းလမ်းလေးတွေကို ရှာဖွေအသုံးပြုကြဖို့ တိုက်တွန်းလိုပါတယ်နော်။

Learning လုပ်တဲ့နေရာမှာ အဓိကအရေးကြီးဆုံးက ပျော်စရာကောင်းဖို့ပဲဖြစ်ပါတယ်။ ဒါကြောင့် ကိုယ့်အတွက် ပေါ့ပေါ့ပါးပါးနဲ့ နည်းစနစ်တကျဖြစ်မဲ့ နည်းလမ်းမျိုးကိုသာ ရွေးချယ်ပါလို့ အကြံပြုလိုက်ပါတယ်။🥰

BrightCamp က သင်တန်းတွေအကြောင်းကို ဒီlink မှာဖတ်ပါ။ 👉
https://m.facebook.com/story.php?story_fbid=146105574854176&id=100083642010885&mibextid=Nif5oz