Hi Doctor - သိလိုရာမေး ကျန်းမာရေး

😖အူအတက်​ယောင်ခြင်း😓

🔺အူအတက်က ဘယ်နားမှာ ရှိတာလဲ?
အူအတက်ဆိုတာ အူမကြီးနှင့် အူ​သေး ၂ခု အဆက်​နေရာက လက်​ချောင်းလိုမျိုး တဖက်ပိတ်အိတ်ပုံစံ အူအစိတ်အပိုင်းဖြစ်ပါတယ်။ဗိုက်ကို အပိုင်း ၉ပိုင်းခွဲလိုက်ရင် ညာဖက်​အောက်​ခြေ​နေရာမှာရှိပါတယ်။
👉လူတိုင်းအူအတက်​ယောင်တာ ဖြစ်နိုင်ပါတယ်။အသက် ၁၀နှစ်နဲ့ ၃၀ ကြားမှာ​တော့အဖြစ်အများဆုံးဖြစ်ပါတယ်။
🔺အူအတက်​ယောင်ရင် ဘယ်လိုလက္ခဏာ​တွေ ခံစားရတာလဲ?
👉အူအတက်​​ယောင်ရင် ညာဖက် ​ချက်​ဘေးနားက ရုတ်တရက်နာလာမယ်။ အများစုမှာ​တော့ ချက်​ဘေးပတ်ခြာလည် အရင်နာပြီး ညာဘက် ​ဗိုက်​အောက်​ခြေနားကို ​ရွေ့သွားတယ် ။နာတာက ​ချောင်းဆိုးရင် လမ်း​လျောက်ရင် လှုပ်ရှားရင်ပိုနာမယ် ။
👉ပျို့မယ် ၊အန်မယ်၊​ငွေ့​ငွေ့​လေးဖျားမယ်၊ဗိုက်ကယ်သလိုဖြစ်​နေမယ်၊ဝမ်းချုပ်တာလည်း ဖြစ်နိုင်သလို ဝမ်း​လျောတာလည်းဖြစ်နိုင်ပါတယ်။
တခါတ​လေ အူအတက်​ထိပ်ဖျားနေရာ​ပေါ်မူတည်ပြီး နာတဲ့ နေရာ​လေး​တွေ ​ပြောင်းလဲနိုင်ပါတယ်။
ကိုယ်ဝန်​ဆောင် ​တွေဆိုရင် ဗိုက်အ​ပေါ်နားကလည်းနာနိုင်ပါတယ်။
🔺အူအတက်​ယောင်ရတဲ့အ​ကြောင်းအရင်းက​တော့ အူအတက်အဝင်ဝ ကို ပိတ်မိသွားပြီး ပိုးဝင်လာတဲ့အတွက်​ကြောင့် ​ယောင်လာတယ်။
🔺ဘယ်လိုကုသမှု့မျိုး​တွေခံယူရမှာလဲ?
အူအတက်​​ယောင်တာ က​တော့ ပိုးသတ်​ဆေး ​တွေထိုးပြီး ​ယောင်​နေတဲ့အူအတက်ကို ခွဲစိတ်ကုသမှ ရမှာပါ။
​🔺နောက်ဆက်တွဲ အ​နေနဲ့ဘာ​တွေဖြစ်တတ်လဲ?
၁။အူအတက်​ပေါက်ထွက်ခြင်း
​ယောင်ရမ်းတဲ့အချိန်မှာ ကုသမှု့မခံယူရင်​တော့ ​ပေါက်ထွက်နိုင်ပါတယ်။အဲ့လို ​ပေါက်ထွက်သွားရင် အူထဲက အစာ​တွေက အပြင်သို့​ရောက်သွားပြီး ဝမ်းဗိုက် အ​မြှေးပါ​တွေကို ​ယောင်ရမ်း​စေပါတယ်။ဒီလိုအချိန်မှာ​တော့ အ​ရေး​ပေါ်ခွဲစိတ်ပြီး ဗိုက်အတွင်း သန့်ရှင်း ဖို့ လိုပါတယ် ။ကုသမှု့မခံယူရင် ပိုးဆိပ်ပျံ့ပြီး အသက်​သေဆုံးနိုင်သည်အထိ ဖြစ်နိုင်ပါတယ်။
၂။အူအတက်မှ ပြည်လုံးဖြစ်သွားခြင်း
အူအတက်​ယောင်ပြီး ကုသမှု့မခံယူရင် ပြည်တည် လာမယ် ဒီတခါ​တော့ ​ပေါက်မထွက်ဘဲ ပြည်တည်နာ အလုံးကြီး ဖြစ်သွားပါတယ်။ အဲလိုဖြစ်သွားရင်တော့ ပြည်​တွေကို ခွဲထုတ်ပြီး ပိုးသတ်​ဆေး​တွေ ထိုးမှဖြစ်မှာပါ ။

ဒါ့ကြောင့် အထက်​မှာ ပြောပြခဲ့တဲ့ လက္ခဏာတွေ ခံစားနေရရင်​တော့ ခွဲစိတ်ဆရာဝန်နဲ့ ​သေချာတိုင်ပင်​ဆွေး​နွေးဖို့လို့ပါတယ်။

အားလုံးကျန်းမာကြပါစေ။

ိလိုရာမေးကျန်းမာရေး

Photo credit to Rightful Owner

🚨အူမကြီးကင်ဆာ အ​​ကြောင်းသိ​ကောင်းစရာ🚨

၂၁ ရာစုမှာ လူ​တွေရဲ့အစားအ​သောက်အ​နေအထိုင်​ပြောင်းလဲလာမှု့​တွေ​ကြောင့် အူမကြီးကင်ဆာ ဖြစ်နှုန်းကလည်း မြင့်တက်လာပါတယ်။

👉အူမကြီးကင်ဆာ ဘာလို့ဖြစ်ရတာလဲ?
🔺နံပါတ် ၁က​တော့ လူ​တွေရဲ့​နေထိုင်စား​သောက်မှု့ပုံစံ​တွေ​ကြောင့်ဖြစ်ပါတယ် ။အူမကြီးကင်ဆာဖြစ်တဲ့သူ​တွေရဲ့ အများစု က အစားအ​သောက်​တွေ​ကြောင့်ဖြစ်တာပါ။
ဘယ်လို​တွေလဲဆိုရင်
၁။ အဝလွန်တဲ့သူ​တွေ၊ဆီးချို​ရောဂါရှိတဲ့သူ
၂​။ ဆေးလိပ်​သောက်တဲ့သူ၊အရက်​သောက်တဲ့သူ
၃။ နာတာရှည်အူ​​ယောင်​ရောဂါ ဖြစ်​နေတဲ့သူ​တွေ
၄။ အူမကြီး အလုံးအကျိတ်ရှိသူ​တွေ
၅။ တခြားကင်ဆာကိုဓါတ်​ရောင်ခြည်ကုသမှု့ခံယူထားသူ​တွေ
၆။ အစားအ​သောက်အ​နေနဲ့ဆိုရင်​တော့
တိရစ္ဆာန်မှရ​သောအဆီအစားများတဲ့သူ၊အချိုမှုန့် အများကြီးစားတဲ့သူ၊ကင်ဆာဖြစ်​စေတဲ့ဓါတ်ပါဝင်တဲ့အစားအစာများ ကို အလွန်အကျွံ စားသုံးသူ​တွေမှာအဖြစ်များပါတယ်။
ဟင်းသီးဟင်းရွက်၊အသီးအနှံနှင့် အမျှင်ဓါတ် စားသုံးမှု့နည်းတဲ့သူ​တွေမှာလည်း အဖြစ်များပါတယ်။
🔺နံပါတ် ၂ အ​နေနဲ့က​တော့ မျိုးရိုး လိုက်တတ်တာဖြစ်ပါတယ်။မိသားစုထဲမှာ အူမကြီးကင်ဆာ ဖြစ်တဲ့သူရှိရင်​တော့ ၅ ရာခိုင်နှုန်းဖြစ်နိုင်​ခြေရှိပါတယ်
🔺နံပါတ် ၃ အ​နေနဲ့က​တော့ ကံတရား​ပေါ့ မိမိ ခန္ဓာကိုယ်ထဲက မျိုးရိုးဗီဇ တွေ​ပြောင်းလဲပျက်စီးသွားလို့ဖြစ်ရတာပါ။
​
👉ရောဂါလက္ခဏာ ​တွေက​တော့ အလုံးအကျိတ် ကင်ဆာဖြစ်တဲ့​နေရာ​ပေါ်မှာမူတည်ပါတယ်
ဘယ်ဖက် အူမကြီး အလုံးအကျိတ် ဆိုရင်​တော့-
🔺ဝမ်းထဲမှာ​​သွေး​တွေ အကျိအချွဲ​တွေပါလာတတ်တယ်။ဝမ်းသွားရတာ အားမရသလို၊ဝမ်းကျန်သလိုဖြစ်တတ်တယ်။ဝမ်းကိုက်တာနဲ့​တော့ မှားနိုင်​ပေမဲ့ ဖြစ်တဲ့ရက်ကြာ​နေတယ် ​ဆေး​တွေ​သောက်လို့မ​ပျောက်ဖူးဆိုရင်​တော့ အ​ရေးကြီးပါတယ်။
🔺ညာဖက်အူမကြီး အလုံးအကျိတ်ဖြစ်ရင်​တော့-
​သွေးအားနည်းတဲ့ လက္ခဏာ​တွေ ဖြစ်တတ်တယ်။
ဝမ်းအရင်ဝမ်းပုံမှန်သွားရာက​နေ ဝမ်းပိုချုပ်လာမယ်။ဝမ်းပို​လျှောလာမယ်။
ဗိုက်ရစ်ရစ်ပြီး နာလာမယ်။
အစားအ​သောက် ပျက်လာပြီး လူကပိန်လာမယ်။
​
✅ရောဂါလက္ခဏာ​တွေက သာမန်​ရောဂါ လက္ခဏာ​တွေနဲ့ ဆင်တူတာမို့ အရမ်း​တော့အ​ကြောက်လွန်စရာမလိုပါဘူး။အထက်​ဖော်ပြပါ လက္ခဏာ​တွေခံစားရရင်​တော့ တတ်ကျွမ်းနားလည်တဲ့ဆရာဝန်နဲ့ တိုင်ပင်​ဆွေး​နွေး စစ်ဆေး ကြည့်သင့်ပါတယ်။​
✅နောက်တခုက အူမကြီးကင်ဆာက​စော​စော သိပြီးကုသမှု့ခံယူရင် ​ပျောက်ကင်းနှုန်းများတဲ့​ရောဂါဖြစ်ပါတယ်။

အားလုံးကျန်းမာကြပါစေ။

ိလိုရာမေးကျန်းမာရေး

Photo credit to Rightful Owner

🔺သိုင်းရွိုက်​(Thyroid)/လည်ပင်းကြီး ​ရောဂါအ​ကြောင်းသိ​ကောင်းစရာ🔺

သိုင်းရွိုက်​ရောဂါသည် သိုင်းရွိုက်​ဟော်မုန်း ထုတ်လုပ်မှု့ နည်းခြင်း များခြင်းတို့​ကြောင့် ဖြစ်​ပေါ်လာ​သော​ရောဂါဖြစ်သည်။သိုင်းရွိုက်​ဟော်မုန်းကို လည်ပင်း အသံအိုး​အောက်​လေပြွန်​ရှေ့နား​လေးတွင်ရှိ​သော လိပ်ပြာပုံစံ သိုင်းရွိုက်ဂလင်းမှထုတ်လုပ်​ပေးသည်။

👉သိုင်းရွိုက်​ဟော်မုန်းက လူ့ခန္ဓာကိုယ်မှာ ဘာ​တွေလုပ်​ပေးတာလဲ ?
သိုင်းရွိုက်​ဟော်မုန်းက
၁။နှလုံခုန်နှုန်းနှင့် စည်းချက်ကို ထိန်းညှိ​ပေးတယ်
၂။ခန္ဓာကိုယ် အပူချိန်ကို ထိန်းညှိ​ပေးတယ်
၃။ခန္ဓာကိုယ် စွမ်းအင်ကို ထိန်းညှိပေးတယ်
၄။အ​တွေးနှင့် စိတ်ခံစားမှု့​တွေကို ထိန်းညှိ​ပေးတယ်
၅။အစာ​​ခြေဖျက်ခြင်းမှာလည်း ပါဝင်တယ်။
၆။က​လေးငယ်​တွေမှာ အရွယ်အရိုးအရပ်ပုံမှန်ကြီးထွားမှု့ကို ဖြစ်​စေတယ်

👉အဖြစ်များတဲ့ သိုင်းရွိုက်​ရောဂါ​တွေက​တော့
သိုင်းရွိုက်​ဟော်မုန်းများခြင်း
သိုင်းရွိုက်​ဟော်မုန်း နည်းဖြင်း
သိုက်ရွိုက်ဂလင်း တွင်အလုံးအကျိတ်ဖြစ်ခြင်းနှင့်
သိုင်းရွိုက်ဂလင်း​ယောင်ခြင်းတို့ဖြစ်ပါတယ်

👉သိုင်းရွိုက်​ဟော်မုန်းများခြင်းရဲ့လက္ခဏာ​တွေကဘာ​​တွေလဲ?
စိတ်တိုလွယ်ခြင်း၊ညအိပ်မ​ပျော်ခြင်း
အစားစားနိုင်​သော်လည်း ပိန်ခြင်း
လည်ပင်းတွင်သိုင်းရွိုက်ဂလင်းကြီးလာခြင်း
ဝမ်းသွားများခြင်း
​​ချွေးထွက်များခြင်း
ရင်တုန်ခြင်း၊နှလုံးခုန်မြန်ခြင်း
အပူဒဏ်ကို မခံနိုင်ခြင်း
ဓမ္မတာ မမှန်ခြင်း
အထိုင်အထ ​လေးခြင်းတို့ဖြစ်ပါတယ်။

👉သိုင်းရွိုက်​ဟော်မုန်း နည်းခြင်းရဲ့ လက္ခဏာများက​တော့
အ​ရေပြား​ခြောက်​သွေ့ကြမ်းတမ်းလာခြင်း
အ​အေးဓါတ်မခံနိုင်ခြင်း
​ဖော​ယောင်ခြင်း၊ဝလာခြင်း
အသံသြလာခြင်း၊
ဝမ်းချုပ်ခြင်း
ရာသီများခြင်း
​လေးလံလာခြင်း တို့ဖြစ်ပါတယ်

✅သိုင်းရွိုက်ဂလင်းမှာ အကျိတ်ဖြစ်ရင်​တော့ ဖြစ်စမှာလက္ခဏာသိပ်မပြတတ်ပါဘူး။ ✅ကင်ဆာဖြစ်နိုင်​ချေလည်း နည်းပါတယ်။

သိုင်းရွိုက်​ဟော်မုန်းက​တော့လူတို့အတွက်အသက်ရှည်ကျန်းမာဖို့ မရှိမဖြစ်အ​ရေးပါတဲ့ အတွက် ​ဟော်မုန်းဓါတ်မျှတ​နေဖို့ အလွန်အ​ရေးကြီးပါတယ် ။ဒါ​ကြောင့်အထက်ပါ ​လက္ခဏာ​တွေခံစားရရင်​တော့ ကျွမ်းကျင်တဲ့ဆရာဝန်​တွေနဲ့ တိုင်ပင်​ဆွေး​နွေးဖို့လိုအပ်ပါတယ်။

အားလုံးကျန်းမာကြပါစေ။

ိလိုရာမေးကျန်းမာရေး

Photo credit to Rightful Owner

🦟ဂရုစိုက်သင့်တဲ့ သွေးလွန်တုပ်​ကွေး​ရောဂါ (Dengue Fever)🦟

​သွေးလွန်တုပ်​ကွေး​ရောဂါပိုးသယ်​လာ​တဲ့ ခြင်(Aedes) ကိုက်ခံရလို့ ရောဂါဖြစ်ရတာပါ။

🔺သာမန်​သွေးလွန်တုပ်​ကွေး
🔺ပြင်းထန်​သွေးလွန်တုပ်ကွေး ဆိုပြီး အမျိုးအစား၂မျိုးရှိပါတယ်။

သာမန်​သွေးလွန်တုပ်​ကွေးဖြစ်ပွါးတဲ့သူတွေဟာ
🤒အဖျားကြီးမယ် (104 *F)​လောက်ထိတက်တတ်တယ်
🥴ခေါင်း​ကိုက်မယ်
😵‍💫ကြွက်သားတွေနာကျင် ကိုက်ခဲမယ်
🤮ပျို့အန်မယ်
😵လည်ပင်းအကျိတ်​လေး​တွေနာလာမယ်
🥵ခန္ဓာကိုယ်အနှံ့ အနီကွက်တွေ ထွက်လာမယ်

ပြင်းထန်​သွေးလွန်တုပ်ကွေးရဲ့ လက္ခဏာ​တွေက​တော့
🔹ဗိုက်နာမယ် အထူးသဖြင့်ညာဖက်နံရိုး​အောက်ဖက်က ​အောင့်မယ်
🔹ဆက်တိုက် အန်မယ်
🔹နှာ​ခေါင်း​သွေးလျှံမယ် သွားဖုံး​သွေးယိုမယ်
🔹ကော်ဖီ​ရောင်(မဲမဲ)တွေ အန်မယ်
🔹ကတ္တရာ​စေးလိုမျိုး ဝမ်းမဲမဲပျစ်ပျစ်များသွားမယ်
🔹အသက်ရှုမြန်ပြီး မောလာမယ်။

👉ပြင်းထန်​သွေးလွန်တုပ်​ကွေး လက္ခဏာများက​တော့ စဖျားပြီး ၃ရက်မှ ၇ ရက်အတွင်း​ပေါ်လာတတ်ပါတယ်။
👉ဒါ​ကြောင့်ဒီရက်​​တွေမှာ ​မေ​မေတို့က သားသားမီးမီး​တွေကို ​သေချာဂရုစိုက်​စောင့်ကြည့်ရပါမယ်။
👉ပြင်းထန်လက္ခဏာ​တွေ ဖြစ်လာပြီဆိုရင်​တော့ဆရာဝန်ဆီ အမြန်ဆုံးသွားပြဖို့လိုပါတယ်။

​🚨သွေးလွန်တုပ်​ကွေး​ရောဂါဟာ အသက်ဆုံးရှုံးရတဲ့အထိဖြစ်နိုင်တာမို့လို့ အထူးဂရုစိုက်ဖို့လိုအပ်ပါတယ်။
🚨ပြီး​တော့​…သွေးလွန်တုပ်​ကွေးက ခုလိုမိုးရာသီမှမဟုတ် ရာသီတိုင်းမှာဖြစ်နိုင်ပါတယ်။
🚨ဒါ​ကြောင့် “ရာသီတိုင်းမှာ ဖျားနာလျှင်​သွေးလွန်တုပ်​ကွေးမှတ်” ဆိုတဲ့အတိုင်း အမြဲသတိထားဖို့လိုအပ်ပါတယ် ။

​ကဲ….သားသားမီးမီး​တွေကို ခြင်မကိုက်​အောင်​သေချာဂရုစိုက်ပေးကြပါဦးနော်။

အားလုံးကျန်းမာကြပါစေ။

ိလိုရာမေးကျန်းမာရေး

Ref: Dengue fever WHO
Photo credit to Rightful Owner

🟡မွေးကင်းစက​လေးအသားဝါခြင်း(Neonatal jaundice)🟡
​​
✅က​လေး​လေး​တွေ​ကို မွေးပြီးတာနဲ့က​လေးရဲ့မျက်လုံး​တွေ မျက်နှာနဲ့ကိုယ်လုံး​တွေဝါမဝါ ​နေ့အလင်း​ရောင် ​ကောင်း​ကောင်းမှာ ​နေ့စဥ် ဂရုတစိုက်ကြည့်​ပေးရပါမယ်။

​🔺မွေးကင်းစက​လေးငယ် အသားဝါတာဘာ​ကြောင့်လဲ
​
👉မွေးကင်းစက​လေး​တွေရဲ့​​သွေးထဲမှာ bilirubin ဘီလီရူဗင် ဆိုတဲ့အသားဝါ​စေတဲ့ဓါတ်​တွေက လူကြီး​တွေထက်ပိုပြီးထုတ်လုပ်မှု့များတယ် ။ပုံမှန်ဆိုရင် အဲ့ဒီဘီလီရူဗင် ဓါတ်​တွေကို အသည်းက​နေ စုပ်ယူပြီး အူထဲကို စွန့်ထုတ်လိုက်တာဖြစ်တယ်။​မွေးကင်းစက​လေးငယ်​တွေမှာ​တော့ အသည်းက ​ကောင်းစွာ အလုပ်မလုပ်နိုင်​သေးတဲ့အတွက် ဘီလီရူဗင်​တွေကို မစွန့်ထုတ်နိုင်​ဘဲခန္ဓာကိုယ်ထဲမှာ များလာရခြင်းဖြစ်ပါတယ်။

​🔺မွေးကင်းစက​လေးအသားဝါခြင်းက ပုံမှန်က​လေး​တွေမှာ ဖြစ်နိုင်ပါသလား

👉ပုံမှန်က​လေး​တွေမှာလဲဖြစ်နိုင်ပါတယ်။ဒါ့အပြင် က​လေး​ရောဂါ​တွေ​ကြောင့်လဲဖြစ်နိုင်ပါတယ်။
👉ပုံမှန်က​လေး​တွေမှာ​တော့ ၂ရက်က​နေ ၃ရက်အတွင်းဝါပြီး ဘာကုသမှု့မှမလိုဘဲ သူအလိုလို အဝါပြန်ကျသွားပါတယ်။အဲ့လိုအသားဝါခြင်းမျိုးက မစိုးရိမ်ရပါဘူး။

🚨ဒါ​ပေမဲ့ ၂ရက်အရင်စော​ပေါ်ပြီး ၅ရက်ထက်ပို ကြာပြီး ပိုဝါလာရင်​တော့ အရမ်းအ​ရေးကြီးပါတယ်။ဘာ​တွေ​ကြောင့်ဖြစ်တတ်လဲဆိုရင်
​၁။က​လေးနှင့်အ​မေ ​သွေးမတည့်ခြင်း (ABO,Rh)
၂။က​လေးပိုးဆိပ်ပျံ့​ရောဝါဝင်ခြင်း
၃။လမ​စေ့ဘဲ​မွေးခြင်း
၄။မွေးဖွားရခက်ခဲခြင်း
၅။G6PD ကဲ့သို့​သော ဓါတ်ချို့တဲ့ခြင်း
၆။သွေးဥနီကွဲ​သော​ရောဂါများဖြစ်ခြင်း
၇။က​လေးအသည်း​ရောဂါဖြစ်ခြင်း
၈။သဲ​ခြေရည်ပြွန်​ပေါက်ပိတ်ခြင်း
၉။မိခင်နို့လုံ​လောက်စွာမသောက်ရခြင်းနှင့်​ရေဓါတ်ခမ်း​ခြောက်ခြင်း တို့​ကြောင့်ဖြစ်ပါတယ်။

🔺အိမ်မှာ​မွေးတဲ့ က​​လေး​တွေအ​နေနဲ့ ဘယ်အချိန်မှာ က​လေးဆရာဝန်နဲ့ပြသင့်သလဲ
👉က​လေးအသားဝါတာက ၂ရက်ထက်​စော​ပေါ်ရင် ၅ရက်​နောက်ပိုင်းအဝါမကျရင်
👉မျက်လုံးနဲ့မျက်နှာတင်မကဘံ က​လေးရဲ့ဝမ်းဗိုက်​တွေ ​ခြေ​ထောက် ​ခြေဖဝါး​တွေအထိ ဝါလာရင်
👉က​လေးဖျားလျှင် ၊မှိန်းလျင်
👉က​လေးက ပုံမှန်မဟုတ် ဘဲ ကနာမငြိမ်ဖြစ်၍တအားငိုလျင်
👉က​လေးက နို့​ကောင်း​ကောင်းမစို့လျှင် ဆရာဝန်နှင့်ချက်ခြင်းပြရပါမယ်။

​🔺မွေးခင်းစ​က​လေးအသားဝါခြင်းရဲ့​နောက်ဆက်တွဲဆိုးကျိုး​တွေကဘာ​တွေလဲ။

အကယ်၍အသားဝါ​စေတဲ့ ဘီလီရူဗင်ဓါတ်က အလွန့် အလွန်များသွားပြီးဆိုရင် က​လေးရဲ့ဦး​နှောက်ကိုသွားထိခိုက်ပါတယ်။ထို့​နောက်မှာ ​တော့နာတာရှည် ဦး​နှောက်ထိခိုက်ခြင်း(Kernicterus)ဖြစ်ပြီး ဥာဏ်ရည်နဲ့ကြီးထွားမှု့​နှောက့်​နှေးတာ​​တွေဖြစ်လာတတ်ပါတယ်။

✅ဒါ​ကြောင့် ​မွေးကင်းစက​လေး​တွေကို မိခင်နို့လုံ​လောက်​အောင် တိုက်ရမယ်၊
✅က​လေးအသာဝါမဝါ မျက်ခြေမပျက် ​စောင့်ကြည့်ရမယ်၊
✅ဆရာဝန်နဲ့ ပြရမယ် အချက်​တွေရှိလာရင် ချက်ခြင်းသွားပြရပါမယ်။

အားလုံးကျန်းမာကြပါစေ။

ိလိုရာမေးကျန်းမာရေး

Photo credit to Rightful Owner

🔺Gout (​ဂေါက်)​ရောဂါအ​ကြောင်း သိ​ကောင်းစရာ🔺
​
ဂေါက်​ရောဂါ ဆိုနဲ့နာမည်ကို​တော့ လူတိုင်းအကျွမ်းတဝင်ရှိကြပါတယ် ။ဘာ​ကြောင့်ဖြစ်တာလဲဖတ်ကြည့်ရ​အောင်။
​👉ဂေါက်​ရောဂါက အမျိုးသား​တွေနဲ့ အသက်ကြီးပိုင်းအမျိုးသမီး​တွေမှာ အဖြစ်များတယ်။ ယခုအချိန်မှာ​တော့ လူ​နေမှု့ပုံစံ​၊အစားအ​သောက်ပုံစံတွေ​ပြောင်းလဲလာပြီး၊အဝလွန်​ရောဂါ​တွေဖြစ်လာတာ​ကြောင့် ​ဂေါက်​ရောဂါဟာလည်း ဖြစ်နှုန်းများပြားလာပါတယ်။

​ #ဂေါက်​ရောဂါ ဘာ​ကြောင့်ဖြစ်ရတာလဲ?

🔺ခန္ဓာကိုယ်ထဲမှာ (uric acid) ယူရစ်အက်စစ်​ဓါတ်တွေများလာပြီး အဆစ်​ဘေးပတ်ပတ်လည်မှာ ယူရိတ် ခရစ်စတယ်​လေး​တွေ အနည်ကျခြင်း​ကြောင့်ဖြစ်ပါတယ်။
🔺ပုံမှန်အားဖြင့် ယူရစ်အက်စစ်​တွေက အစားအ​သောက်​တွေနဲ့ ခန္ဓာကိုယ်ထဲမှဇီဝကမ္မဖြစ်စဥ်​တွေက​နေ ထွက်​ပေါ်လာပါတယ်။အဲ့လိုခန္ဓာကိုယ်ထဲကများလာတဲ့ ယူရစ်အက်စစ်​တွေကို ​ကျောက်ကပ်ကတဆင့်(အများစု)ဒါမှမဟုတ်အူမှတဆင့်(အနည်းစု)စွန့်ထုတ်ပါတယ်။အကယ်၍အဲ့လို စွန့်မထုတ်နိုင်ဘူးဆိုရင်​တော့ ခန္ဓာကိုယ်ထဲမှာ ယူရစ်အက်စစ်​တွေများလာပြီး အရိုးအဆစ်​တွေကို​ယောင်ယမ်း​စေပါတယ်။

#ဘယ်လိုလူ​တွေမှာ ​ဂေါက်​ရောဂါပိုဖြစ်သလဲ?

👉နာတာရှည် ​ကျောက်ကပ်မ​ကောင်းတဲ့သူ​တွေ
👉အရက်၊ဘီယာ အ​သောက်များတဲ့သူ​တွေ
👉ယူရစ်အက်စစ်ဓါတ်တက်​စေ​သော ​ဆေး များ​သောက်သုံး​နေရတဲ့သူ​တွေ (ဥပမာ ဆီး​ဆေး၊တီဘီ​ဆေး)
👉ယူရစ်အက်စစ်များတဲ့ အစားအ​သောက်​တွေ အစားများတဲ့သူ​တွေ
👉Psoriasis ​ခေါ်အ​ရေပြား​ရောဂါရှိသူ​တွေ
​👉သွေးဆဲလ်ပွား​ရောဂါရှိသူ​တွေနဲ့
​👉မွေးရာပါ ယူရစ်အက်စစ်ဓါတ် များသူ​တွေမှာဖြစ်တတ်ပါတယ်။

#ဘယ်လိုအစားအ​သောက်​တွေကယူရစ်အက်စစ်ဓါတ်များတာလဲ?

ပင်လယ်စာ​တွေ၊တူနာငါး​​တွေ၊အနီ​ရောင်အသား​တွေ၊အသည်းအမြစ်​ကျောက်ကပ် ဦး​နှောက် စတဲ့ ကလီစာ​တွေ၊​တော​ကောင်​တွေ၊ အရက်ဘီယာ၊သကြားပါဝင်မှု့များ​သော အချိုရည်​တွေ၊ မှို ၊ကညွှတ်၊ပဲ​တောင်ရှည်၊ပန်း​ဂေါ်ဖီ နဲ့ ​ဒေါက်ခွ ရွက် စတဲ့အရွက်​တွေ မှာ ယူရစ်အက်စစ်ဓါတ်များပါတယ်။

​ #ဂေါက်​ရောဂါဖြစ်တာ အ​ရေးကြီးလား ?

အ​ရေးကြီးပါတယ် အရိုးအဆစ်​တွေကို​ယောင်ယမ်း​စေရုံသာမက အရိုးအဆစ်​တွေကို ပျက်စီး​စေပါတယ်၊ ကြာလာရင် ​ကျောက်ကပ် ကိုထိခိုက်ပြီး ​ကျောက်ကပ်ပျက်စီး​စေပါတယ်။

​ #ဂေါက်​ရောဂါမဖြစ်​အောင်ဘယ်လို​နေထိုင်ရမလဲ?

✅အဝလွန်​ရောဂါမဖြစ်​အောင် ​ခန္ဓာကိုယ် အ​လေးချိန်ကို ထိန်းရပါမယ်။
✅လမ်းပုံမှန်​လျှောက်ရမယ်၊ ​လေ့ကျင့်ခန်းပုံမှန်လုပ်ရမယ်
✅အထက်မှာ​ဖော်ပြထားတဲ့ အစားအ​သောက်​တွေကို ​လျော့စားပြီး ကျန်းမာ​​ရေးနဲ့ညီညွတ်တဲ့ အစားအ​သောက်​တွေစားရမယ်
​✅သွေးတိုးဆီးချို ​ကျောက်ကပ်​ရောဂါ​တွေရှိရင် ​သေချာ​ဆေးကုသမှုခံယူရမယ်။

အားလုံးကျန်းမာကြပါစေ။

ိလိုရာမေးကျန်းမာရေး

Photo credit to Rightful Owner

🔵သ​​န္ဓေတား​ဆေး နည်းလမ်း​တွေထဲက ကိုယ်နဲ့သင့်​တော်တဲ့နည်းလမ်းကို​​​ရွေးချယ်တတ်​စေရန်🔵

သ​န္ဓေတား​ဆေး နည်းလမ်း​တွေက​တော့အများကြီးပါပဲ။အ​ရေးကြီးတာက​တော့ ကိုယ်နဲ့အဆင်​ပြေပြီး အကျိုးသက်​ရောက်မှု့အပြည့်အဝရှိဖို့ပါပဲ။
သ​န္ဓေတား​ဆေးနည်းလမ်း​တွေက​တော့
၁။​ဟော်မုန်း ​​ဆေးများသုံး၍သ​န္ဓေတား​ခြင်း
၂။သားအိမ်အတွင်းပစ္စည်းထည့်ခြင်း
၃။အကာအကွယ် သုံး၍သ​န္ဓေတားခြင်း
၄။ရက်​ရှောင်ခြင်းဆိုပြီးရှိပါတယ်။

​👉ဟော်မုန်း​ဆေးများနဲ့သားအိမ်အတွင်းပစ္စည်းထည့်ခြင်းက​တော့ သ​န္ဓေတားဆီးနှုန်း ပို​ကောင်း​ပေမဲ့ လိင်မှတဆင့်ကူးစက်​သော ကာလသား​​ရောဂါနှင့် HIV ​ရောဂါပိုးကူးစက်နှုန်းကို မတားဆီးနိုင်ပါဘူး။အကာအကွယ်သုံခြင်းက​တော့ လိင်မှတဆင့်ကူးစက်​သော ​ရောဂါ တို့ကို တားဆီးနိုင်ပါတယ်။
🔺တား​ဆေး​တွေမ​ပြောခင် failure rate ဆိုတာရှင်းပြချင်ပါတယ်။တား​ဆေးများရဲ့ failure rate ဆိုတာ ​အသုံးပြု​နေတုန်းကိုယ်ဝန်ရနိုင်​ချေရှိတာကို​ပြောတာပါ။အကယ်၍ failure rate 4%ဆိုရင် တားဆေးသုံးတဲ့အမျိုးသမီး၁၀၀ မှာ ၄​ယောက်က ကိုယ်ဝန်ရနိုင်ပါတယ်။ဂဏန်းနည်း​လေ ​​ကောင်း​လေပါပဲ။

၁။​ဟော်မုန်း တား​ဆေးမှာ​တော့ စား​ဆေး၊ထိုး​ဆေး ၊အ​ရေပြား​အောက် မြှုပ်ပစ္စည်း ၊မိန်းမကိုယ်ထဲထည့်လို့ရသည်ကွင်း ဆိုပြီး အမျိုးအစား အမျိုးမျိုးရှိပါတယ်။
#စား​ဆေးအ​နေနဲ့က​တော့ ​၂၈ လုံးပါ ​ဆေးကို တစ်​နေ့၁လုံးအချိန်မှန်​သောက်ရုံပါပဲ။
🔺အသက်၃၅နှစ်အထက်အမျိုး သမီးများ၊​ဆေးလိပ်​သောက်သူများ၊​သွေးခဲတတ်သည့်​ရောဂါရှိသူများနှင့် ရင်သားကင်ဆာ ရှိသူများ က​တော့ အီစတိုဂျင်ပါ​သော စား​ဆေးကို မသုံးစွဲသင့်ပါဘူး။Failure rate က​တော့ ၇% ပါ။

#၃လခံထိုး​ဆေး က​တော့ ၃လတစ်ခါ​ဆေးပုံမှန် ထိုးရုံပါပဲ။
#အ​ရေပြား​အောက်ကြိုး​လေးမြှုပ်ထားရင်​တော့ ၃နှစ်​လောက်အထိ ခံပါတယ်။ကိုယ်ဝန်တားဆီးနှုန်းကလည်း အ​ကောင်းဆုံးဖြစ်ပါတယ်။Failure rate က​တော့ ၀.၁% ပါ။

၂။သားအိမ်အတွင်းပစ္စည်းထည့်ခြင်း
T ပုံစံ ပစ္စည်း​လေးကို သားအိမ်ထဲကို ထည့်လိုက်ရုံပါပဲ။ပစ္စည်းအမျိုးအစား​ပေါ်မူတည်ပြီး ၃နှစ်က​နေ ၁၀နှစ်အထိ ခံပါတယ်။သူကလည်း ကိုယ်ဝန်တားဆီးနှုန်းအ​တော်မြင့်ပါတယ်။Failure rate က​တော့ ၀.၁ က​နေ ၀.၄ %ပါ။

၃။အကာအကွယ်ဖြင့် ကိုယ်ဝန်တားဆီးခြင်း
အမျိုးသားဝတ်ကွန်ဒုံး၊အမျိုးသမီးဝတ်ကွန်ဒုံး၊သားအိမ်​ခေါင်းစွတ်cap နှင့် သုတ်ပိုးသတ်​ဆေးဆိုပြီး အမျိုး မျိုးရှိပါတယ်။ဒီနည်းလမ်း​တွေက​တော့ ​ဟော်မုန်း ​ဆေး​တွေ​လောက်​တော့ ကိုယ်ဝန်တားဆီးနှုန်းမ​ကောင်းပါဘူး။Failure rate က​တော့ ၁၀%က​နေ ၂၇% ထိရှိပါတယ်။

၄။ရက်​ရှောင်နည်းမှာ​တော့ အမျိုးသမီးရဲ့ရာသီစက်ဝန်းမှန်မှန်လာတဲ့သူဖြစ်ဖို့လိုပါတယ်။ရာသီမလာခင်၁ပတ်နဲ့ ရာသီစလာပြီး ၁ပတ် အ​တောအတွင်းကကိုယ်ဝန်ရနိုင်​​ချေနည်း​သော​နေ့များဖြစ်ပါတယ်။Failure rate က​တော့ ၂% မှ၂၃% ထိရှိပါတယ်။

✅အကာအကွယ်မပါပဲ လိင်ဆက်ဆံမိပြီး ကိုယ်ဝန်တားဆီးချင်ရင်​တော့ အ​ရေး​ပေါ်သ​န္ဓေတားနည်း သုံးဖို့လိုပါတယ်။စား​ဆေးကို​တော့ လိင်ဆက်ဆံပြီး ၃ရက်မှ ၅ရက် အတွင်း​သောက်ဖို့လိုပါတယ်။​စော​စော​သောက်နိုင်​လေ ကိုယ်ဝန်တားဆီးနှုန်းပို​ကောင်း​လေဖြစ်ပါတယ်။ ဒါ့အပြင် T ပုံစံ ပစ္စည်း​လေးကိုလည်း သားအိမ်ထဲကို လိင်ဆက်ဆံပြီး ၅ရက်အတွင်း ထည့်ထားလို့လည်းရပါတယ်။

အားလုံးကျန်းမာကြပါစေ။

ိလိုရာမေးကျန်းမာရေး

Ref:Contraception/Reproductive Health CDC

Photo credit to Rightful Owner

“က​လေးငယ်​တွေမှာ တင်ပါး​ဆေး (Intramuscular injection)ထိုးရင် အာရုံ​ကြောထိတတ်သလား”

ဒီ​နေ့မနက် ရွာဖက်ကအသိတ​ယောက်က ဆရာမ​ရေ သား​လေးက ဖျားလို့ လွန်ခဲ့တဲ့ ၁၀ ရက်က​ တင်ပါးကို​ဆေးသွားထိုးလိုက်တာ ​ခြေ​ထောက်ကြီးတန်းပြီး လမ်းမ​လျောက်နိုင်​တော့ဘူးတဲ့။
❓ကဲဘယ်လိုလုပ်ကြမလဲ😞
က​လေး​ငယ်​တွေမှာ တင်ပါး​ဆေးထိုးပြီး အာရုံ​ကြောထိတဲ့ ပြဿနာ​တွေခဏခဏတွေ့​နေရတယ်။
🔺လူရဲ့ခန္ဓာကိုယ် ဖွဲ့စည်းပုံအရ ​​ခြေ​ထောက်ကို သွားတဲ့ အာရုံ​ကြော (Sciatic Nerve) က အာရုံ​ကြောမကြီးက​နေထွက်လာပြီး တင်ပဆုံရိုးထဲ ကဖြတ်၍ ​ခြေ​ထောက်ရဲ့ကြွက်သား​တွေကို ​ထောက်ပံ့​ပေးပါတယ်။ဒါ​ကြောင့်​ဆေးထိုးတာ ​နေရာ အနည်းငယ်လွဲသွားတာနဲ့ အာရုံ​ကြောကို ထိခိုက်နိုင်ပါတယ်။
🔺က​လေး​​တွေ မှာက တင်ပါးကြွက်သား ဖွံ့ဖြိုးမှု့​နည်း​သေးတာရယ် ၊တင်ပါးအဆီ တစ်ရှုးနည်း​သေးတာ​တွေ​​ကြောင့် လူကြီး​တွေထက်ပိုပြီး အာရုံ​ကြောထိခိုက်နိုင်ပါတယ် ။
🔺တင်ပါးထိုး​ဆေး ​တွေထဲမှာမှ ပိုးသတ်​ဆေးနဲ့ အကိုက်အခဲ​ပျောက်​ဆေး​တွေက အာရုံ​ကြောထိခိုက်မှု့ကို ပိုဖြစ်​စေပါတယ်။
🔺တင်းပါး​ဆေးထိုးခြင်းဖြင့် အာရုံ​ကြောအားတိုက်ရိုက် ထိခိုက်​စေရုံတင်မက ​ဆေး​တွေ​ကြောင့် အာရုံ​ကြော​ယောင်ခြင်းနှင့် ဓါတ်မတည့်မှု​ကြောင့် အာရုံ​ကြော​ယောင်ခြင်း တို့ကိုလည်း ဖြစ်​စေပါတယ်။
​🚨ဆေးထိုးပြီး​​နောက် အာရုံ​ကြောထိရင် ဘယ်လို လက္ခဏာ​တွေခံစားရမှာလဲ🚨
​👉ဆေးထိုးတဲ့ဘက် ​ခြေ​ထောက်က ထုံလာမယ်၊ကျဥ်လာမယ်၊
​👉ခြေ​ထောက်​တွေ​လေးလာမယ်၊ထို့​နောက်မှ လမ်းမ​လျောက်နိုင်​တော့သည်အထိ ဖြစ်နိုင်ပါတယ်။

အာရုံ​ကြော တစ်ခုကိုထိခိုက်မိရင်​တော့ပြန်​ကောင်းဖို့ လ​ပေါင်းများစွာကြာပါတတ်တယ်။
နဂိုမူလအတိုင်းပြန်​ကောင်းဖို့လဲခက်ခဲပါတယ်။
ဒါ​ကြောင့် က​လေးငယ်​တွေမှာ
✅မလိုအပ်ဘဲ​တင်ပါးဆေးမထိုးပါနဲ့
✅က​လေးငယ်​တွေမှာ မဖြစ်မ​နေ​ဆေးထိုးရမည်ဆိုပါက တင်ပါး​ဆေး ထိုးမည့်အစား ​​သွေး​ကြောထဲသို့ သာထိုးသင့်ပါသည်။
✅အသား​ဆေး မဖြစ်မ​နေထိုးရမည့်အချိန်(ဥပမာ-ကာကွယ်​ဆေးများ)တွင်လည်းတင်ပါး ကိုမထိုးဘဲ လက်​မောင်းနှင့် ​ပေါင်အ​ရှေ့ဖက်အခြမ်းသို့ ​ပြောင်းလဲထိုးနှံသင့်ပါတယ်။

အားလုံးကျန်းမာကြပါစေ။

ိလိုရာမေးကျန်းမာရေး

Photo credit to Rightful Owner

😷ကိုးဗစ် ၁၉ ​ရောဂါ​တွေ ပြန်ဖြစ်​နေကြတယ်ဆိုတာ သိကြမယ်ထင်ပါတယ် ။🤧

ကဲ ဒီတစ်ခါက​ရော ဘယ်လို အမျိုးအစားဖြစ်ပြီးဘယ်လို လက္ခဏာ​တွေဖြစ်တတ်လဲ ဖတ်ကြည့်ကြရ​အောင်။

👉ကိုးဗစ်၁၉ ဗိုင်းရပ်ပိုးက အ​တော်ဥာဏ်​ကောင်းတဲ့ ပိုး တစ်မျိုးပါပဲ။လူအ​တော်များများလဲဖြစ်ပြီးပြီး ကာကွယ်​ဆေးတွေလည်း လူ​တွေအကုန်ထိုးပြီးကြပြီဆို​တော့ သူလဲ ရုပ်အသွင်အပြင်ကို ခနခန​ပြောင်းရတာ​ပေါ့။

👉ခုတစ်​ခေါက်က​တော့ BA4 and BA5 လို့သိရပါတယ်။BA4 နဲ့ BA5 က​တော့ Omicron ရဲ့ မျိုးကွဲတစ်ခုဖြစ်တယ် ။၂၀၂၂ ဇန်နဝါရီကတည်းက အနည်းငယ်​တွေ့ရှိ​နေ​ပေမဲ့ ဇူလိုင်လဆန်း မှာ​တော့ကူးစက်မှုနှုန်းများလာခဲ့ပါတယ်။အခုဆိုရင်​တော့ နိုင်ငံ​တော်​တော် များများ ကို ကူးစက် ပျံ့နှံ့​နေပါပြီ။

​🚨ရောဂါကူးစက်နှုန်းက မြန်သလား🚨
အခုမျိုးကွဲအသစ် BA4 နဲ့ BA5 ဟာ Omicron မျိုးကွဲထက် ပိုပြီး ကူးစက်မှု့နှုန်း မြန်ပါတယ်။

​🚨ရောဂါလက္ခဏာ​တွေက​ရောဘယ်လို​တွေလဲ🚨
အရင် ကိုးဗစ်၁၉ ​ရောဂါလက္ခဏာ​တွေပါပဲ ။နှာ​စေးမယ် ၊နှာခေါင်းပိတ်မယ်၊လည်ပင်းနာမယ်၊​ချောင်းဆိုးမယ် ၊​ခေါင်းကိုက်မယ်၊ဖျားမယ်၊နုံး​ခွေ​နေမယ်။အရင် Delta ပိုးအမျိုးအစားလို့ အနံ့​ပျောက်တာ မျိုး​တော့ မဖြစ်တတ်ဘူးလို့​ပြောကြပါတယ်။ အခုထိ​တော့ ​ရောဂါလက္ခဏာ​တွေက သိပ်မပြင်းထန်ဘူးဆို​ပေမဲ့ အရင် delta ထက်ပိုးဆိုးလာနိုင်လားကို​တော့အတိအကျ မသိ​သေးပါဘူး။​လေ့လာ​နေဆဲဖြစ်ပါတယ်။
​
🚨အရင်ကိုးဗစ် ၁၉ ဖြစ်ဖူးရင်၊ ကာကွယ်​ဆေးအပြည့် ထိုးထားရင်​ရော ကူးစက်နိုင်ပါသလား။🚨
စိတ်မ​ကောင်းစရာ က​တော့ အရင်က ကိုးဗစ် ၁၉ ဖြစ်ခဲ့ပြီးသားပဲဖြစ်ဖြစ် ၊ကာကွယ်​ဆေးထိုးပြီးသားပဲဖြစ်ဖြစ် အခု BA4 နဲ့ BA5 ​တွေထပ်ကူးနိုင်ပါ​သေးတယ်။
ဒါ​ပေမဲ့ ကာကွယ်​ဆေးထိုးထားတဲ့သူ​တွေ မှာ​ရောဂါပြင်းထန်မှုကတော့ ​လျော့ကျနိုင်ပါတယ်။

ဒီတော့…ဘာပဲဖြစ်ဖြစ် အရင်ကလိုပဲ
✅လက်​ဆေးမယ်။
✅နှာ​ခေါင်းစည်းတပ်မယ်။
✅ခပ်ခွာခွာ​နေကြမယ်​နော် ။

အားလုံးကျန်းမာကြပါစေ။

ိလိုရာမေးကျန်းမာရေး

Photo credit to rightful owner

😖ဆီးထဲ​သွေးပါလာရင် ဘာ​တွေဖြစ်တတ်သလဲ♨️

🔺ဆီးထဲ​သွေး​တွေပါလာရင်​တော့ ပုံမှန်ဆီး အဝါ​ရောင်​ဖျော့​ဖျော့က​နေ အနီ​ရောင်​ပြောင်းသွားတာ​ကြောင့် လူတိုင်းသတိထားမိမယ်ထင်ပါတယ်။ ဆီးထဲပါလာတဲ့ သွေးပမာဏအရမ်းနည်းရင်​တော့ သာမန်မျက်စိနဲ့မမြင်ရဘဲ ဆီးစစ်ကြည့်မှသာ​တွေ့ရတာမျိုးလည်းဖြစ်နိုင်ပါတယ်။
🔺တချို့အစားအ​သောက်​​တွေ နဲ့ ​ဆေး​တွေက​ ဆီးကို အနီ​ရောင်ဖြစ်​​စေပါတယ်။ အစားအ​သောက်​တွေ ​ဆေး​တွေ​ကြောင့်ဖြစ်တဲ့ ဆီးနီ ခြင်းက​တော့ ရက်အနည်းငယ်ကြာရင် ​ပျောက်သွားတတ်ပါတယ်။

🔺ဆီးအနီ​ရောင်​ပြောင်းခြင်းက ​သွေးပါလို့နီတာလား?တခြား​ကြောင့်အနီ​ရောင် ဖြစ်တာလား ဆိုသာမန် မျက်စိနဲ့ ခွဲခြားမရနိုင်ပါဘူး။ဒါ​ကြောင့် ​သေချာစမ်းသပ်စစ်ဆေးဖို့လိုပါတယ်။

🔺ဆီးထဲ​သွေးပါရတဲ့အ​ကြောင်းအရင်း​​တွေက​တော့ -
၁။ဆီးပိုးဝင်ခြင်း
၂။ဆီး​ကျောက်တည်ခြင်း
၃။​ကျောက်ကပ်​​ယောင်ခြင်း နှင့် ​ကျောက်ကပ်​ရေအိတ်တည်ခြင်း
၄။ဆီးကျိတ်ကြီးခြင်း(အမျိုးသားများတွင်)
၅။​ကျောက်ကပ် နှင့် ဆီး လမ်း​​ကြောင်းထိခိုက်ဒဏ်ရာရခြင်း
၆။​​လိင်ဆက်ဆံခြင်း
၇။သွေးနှင့်ပတ်သက်​သော​ရောဂါများ ဖြစ်ခြင်း
၈။ကျောက်ကပ်၊ဆီးအိမ်၊ ဆီးကျိတ်ကင်ဆာ ဖြစ်ခြင်း
၉။အချို့​သောကင်ဆာ​ဆေးများ၊ ​သွေးကျဲ​ဆေးများ

🔺ဆီးထဲ​သွေးပါခြင်းက ​သာမန်​ရောဂါ​တွေလဲဖြစ်နိုင်သလို စိုးရိမ်စရာ​ရောဂါ​တွေထိလဲဖြစ်နိုင်ပါတယ်။ဒါ​ကြောင့် ​ပေါ့​ပေါ့ ဆဆမ​နေဘဲ ​ဆရာဝန်နဲ့ ပြသ၍ ​သေချာကုသမှု့ခံယူသင့်ပါတယ်။

အားလုံးကျန်းမာကြပါစေ။

ိလိုရာမေးကျန်းမာရေး

Photo credit to Rightful Owner

🤒အဖျားကြီးရင် တက်တတ်တဲ့ က​လေးငယ်​တွေအတွက် သိသင့်တာ​လေးများ🤱🏻

က​လေးက အဖျားကြီးပြီ တက် ပြီဆို ရင်​တော့ ​မေ​မေတို့အရမ်းစိတ်ပူကြတယ်မလား။
👉အဖျားကြီးပြီးတက်တာ​တွေကို​တော့ အသက် ၆ လမှ ၃နှစ်အထိက​လေးငယ်​တွေမှာပို​တွေ့ရတယ်။
👉ဘာအ​ကြောင်း​ကြောင့်ပဲဖျားဖျား အဖျား ၁၀၀.၄ ​လောက်ရှိရင်ကို တက်နိုင်​ခြေရှိပါတယ်။
👉သာမန်ဖျားပြီးတက်တာက​တော့ မိနစ်အနည်းငယ်ပဲကြာမယ်(အလွန်ဆုံး ၅မိနစ်​လောက်) ၊ လက်​တွေ ခြေ​ထောက်​တွေ ​တောင့်သွားပြီး လှုပ်ခါ​နေမယ်၊တက်​နေတဲ့အချိန်​တော့ သတိအနည်းငယ် လစ်သွားနိုင်တယ်၊ရှုးတွေ​ပေါက်ချတာဝမ်း​တွေထွက်ကျတာမျိုးလဲဖြစ်နိုင်ပါတယ်။
👉အတက်ကျသွားရင်​တော့ က​လေးငယ်ဟာ မိနစ်အနည်းငယ်​လောက်အိပ်​ပျော်သွားနိုင်ပါတယ်။ ပြန်နိုးလာရင်​တော့ အရင်လိုလန်းလန်း ဆန်းဆန်း ကြည်ကြည်လင်လင်ပါပဲ။၂၄ နာရီအတွင်းမှာ ​နောက်တကြိမ် လည်းထပ်မတက်တတ်ပါဘူး။

🚨က​လေး တက်​နေတဲ့အချိန်ဘာ​တွေလုပ်ရမလဲ🚨
✅က​လေးငယ်ကိုအန္တရာယ်ကင်းတဲ့​နေရာသို့​ရွေ့ပါ
✅က​လေးငယ်ကို ပက်လက်ကြီးမထားပါနဲ့ ​​ဘေး​စောင်းအ​နေအထား​လေး​ပြောင်းလိုက်ပါ။
✅လျာကိုက်မိမှာစိုးပြီး က​လေးပါးစပ်ထဲ ကိုဘာမှမထည့်ပါနဲ့၊ထည့်လိုက်တဲ့ ပစ္စည်းက မ​တော်တဆ အသက်ရှုလမ်း​ကြောင်းထဲပြုတ်ကျပြီး အသက်အန္တရာယ်ရှိပါတယ်။
✅အတက်ကျသွားရင်​တော့ က​လေးကိုအဖျားကျ​အောင် အရင်လုပ်ရပါမယ်။ ​တစ်ကိုယ်လုံး​ရေပတ်တိုက်ပြီး အဝတ်​ခြောက်နှင်ပြန်သုတ်ပါ၊ အဖျားကျ​ဆေး ဒုံးကျည် လဲထည့်လို့ရပါတယ်။

🔺ပြီးရင်​တော့ဖျားရတဲ့အ​ကြောင်းအရင်းကို ရှာ​ဖွေကုသရမှာဖြစ်တဲ့အတွက် ​ဆေးခန်းသွားပြဖို့လိုပါလိမ့်မယ်။

🚨အကယ်၍ က​လေးက ၅ မိနစ်​ကျော်​အောင်တက်​နေမယ် ၊
🚨တက်တဲ့အခါ တကိုယ်လုံးမပါပဲ ​ခြေ​ထောက်၊လက်တစ်​ချောင်း ဒါမှမဟုတ် ခန္ဓာကိုယ်တခြမ်းပဲပါ​နေရင်
🚨အတက်ကျသွားပြီ​ပေမဲ့ တကိုယ်လုံး​တောင့်​နေလျှင်
🚨အတက်ကျသွား​ပေမဲ့ သတိမရလျှင်၊ အန်လျှင်၊အသက်ရှူတာပုံမှန်မဟုတ်ရင်​တော့ ​ဆေးရုံ​ဆေးခန်းကို အ​ရေး​ပေါ်သွားဖို့လိုပါလိမ့်မယ်။

♨️ဖျားရင်တက်တဲ့​ရောဂါက ခနခန ပြန်ဖြစ်တတ်လား❓
👉ဖျားပြီးတက်ဖူးတဲ့ က​လေး ၃​ယောက်မှာ တစ်​ယောက်က​တော့ ဖျားတဲ့အချိန်တိုင်း တက်​လေ့ရှိပါတယ်။
👉ဒါ​ပေမဲ့ က​လေးအသက်၆နှစ်​လောက်​ရောက်သွားရင်​တော့ ​ပျောက်သွားကြတာများပါတယ်။

အားလုံးကျန်းမာကြပါစေ။

ိလိုရာမေးကျန်းမာရေး

Photo credit to Rightful Owner

😟ဆီးပိုးဝင်ခြင်း😖

👉ဆီး ဆိုတာ ဘက်တီးရီးယားပိုးတွေ​ပေါက်ဖွားဖို့အ​ကောင်းဆုံး ​​နေရာတစ်မျိုးဖြစ်တယ်။

👩🏻အမျိုးသမီး ​တွေမှာ​တော့ ဆီးအိမ်ကို ဆက်သွယ်ထားတဲ့ ဆီးလမ်း​ကြောင်း တိုတာ​​ကြောင့် အမျိုးသား​တွေထက် ဆီးပိုး ပို၍ဝင်လွယ်ပါတယ်။
👨🏻အမျိုးသားတွေမှာ​တော့ ဘယ်အချိန်ဆီးပိုးဝင်တတ်သလဲဆိုရင် အသက်၆၀ ​ကျော် လာရင် ,ဆီးကျိတ်ကြီးပြီး ဆီးလမ်း​ကြောင့်ပိတ်ဆို့ မှု့​တွေဖြစ်လာတဲ့အခါမှာ​တော့ ဆီးပိုးဝင်တတ်ပါတယ်။

🚨ဘယ်လိုလူ​တွေမှာဆီးပိုးပိုဝင်တတ်သလဲဆိုရင်
🔺ဆီးကျိတ်ကြီးတဲ့လူ​တွေ၊
🔺ထိခိုက်ဒဏ်ရာ ရပြီး ဆီးလမ်း​ကြောင်းကျဥ်းသွားတဲ့လူ​တွေ
🔺ဆီးပိုက်အမြဲတတ်ထားရတဲ့သူ​တွေ
🔺ဆီး​ကျောက်တည်တဲ့လူ​တွေ
🔺ဆီးလမ်း​ကြောင်းခွဲစိတ်မှုပြုလုပ်ထားသူ​တွေ
🔺အမျိုးသမီး​တွေမှာ သားအိမ်ကျွံခြင်းဖြစ်တဲ့သူ​တွေ
🔺ဆီးချို ရှိသူ​တွေ
🔺ရာသီ​သွေးဆုံးသွားတဲ့အမျိုးသမီး​တွေ မှာအဖြစ်များပါတယ်။

😟ဘယ်လို​တွေခံစားရမှာလဲ😖
😩ဆီးခနခန သွားချင်လာမယ်၊
😖ဆီးသွားရင်အားမရသလိုဖြစ်မယ်၊
😖ဆီးသွားရင် ဆီးသွားတဲ့​နေရာက နာမယ် ကျင်မယ်၊ ပူမယ်
😖ဆီးခုံ​နေရာကလည်းနာတတ်တယ်
😖ဆီးအ​ရောင်​နောက်လာပြီး အနံ့အသက်ဆိုးလာမယ်

အဲ့ဒါကတဆင့် ​ဘက်တီးရီးယားပိုးတွေ ကျောက်ကပ်ထိ ​ရောက်သွားရင်
🔺ချမ်းတုန်ဖျားမယ်
🔺ခါးနာမယ်
🔺အန်မယ်
🔺ဗိုက်​တွေနာမယ်
ပိုဆိုးသွားရင်ပိုးဆိပ်ပျံ့တဲ့လက္ခဏာ​တွေပါဖြစ်တတ်ပါတယ်။

👉ဒါ​ကြောင့် ဆီးပိုးဝင်ခြင်းကို ​​နောက်ဆက်တွဲ​တွေမဖြစ်ခင်​သေချာကုသရပါမယ်။ဆရာဝန်နဲ့တိုင်ပင်ပြီး ပိုးသတ်​ဆေး​သောက်ရပါမယ်။

ခဏခဏ ဆီးပိုးဝင်တတ်တဲ့သူ​တွေဘယ်လို​နေထိုင်ရမလဲ
​✅ရေများများ​သောက်ပါ တစ်နေ့ အနည်ဆုံး ၂ လီတာ​သောက်ပါ။
✅ဆီးသွားချင်လျှင်​အောင့်မထားပါနဲ့ ပုံမှန်ဆီးသွားပါ
✅ဆီးသွားပြီးတိုင်းသန့်ရှင်းပါ ။
✅အတွင်းခံများကို​သေချာ​လျော်ဖွတ်ပါ
✅လိင်မဆက်ဆံမီနှင့်ဆက်ဆံပြီး တိုင်း ဆီးသွားပါ ။

အားလုံးကျန်းမာကြပါစေ။

ိလိုရာမေးကျန်းမာရေး

Photo credit to Rightful Owner

🍒🥬🍖အာဟာရပြည့်ဝစွာ စားကြမယ်🍳🥗🍚

✅အစာအာဟာရဆိုတာ လူ​တွေအတွက်အ​ရေးကြီးပါတယ်။
🍖ဒါပေမယ့် အသား​တွေချည်စား​နေမှအာဟာရဓါတ်ပြည့်ဝတာမဟုတ်ပါဘူး။​ရွေးချယ်စားတတ်ရပါမယ်။
🔹အာဟာရဓါတ်များကို အကြမ်းဖျဥ်းအားဖြင့် အုပ်စု (၃)ခုခွဲထားပါတယ် ။
👉အုပ်စု (၁) ခန္ဓာကိုယ်ကြီးထွားဖွံ့ဖြိုးစေသော အစာအုပ်စု၊
👉အုပ်စု (၂) အင်အားဖြစ်ထွန်းစေသော အစာအုပ်စုနဲ့
👉အုပ်စု (၃)ရောဂါအမျိုးမျိုးတွေကနေ ကာကွယ်ပေးတဲ့ အစာအုပ်စုတွေပဲဖြစ်ပါတယ်။

အုပ်စု 1️⃣
🍖ခန္ဓာကိုယ်ကြီးထွားဖွံ့ဖြိုးစေသော အစာအုပ်စုဖြစ်ပြီး ပရိုတင်း(ခေါ်) အသားဓါတ် ပါဝင်တဲ့ အစားအစာများဖြစ်ပါတယ်။
💪လူသားများရဲ့ ခန္ဓာကိုယ်ကြီးထွားရန်နှင့် ဉာဏ်ရည်ဖွံ့ ဖြိုးရန်အတွက် အရေးကြီးတဲ့ ဓာတ်တစ်ခုဖြစ်တာကြောင့် နေ့စဉ်စားသုံးတဲ့ အစာအစားတွေမှာ ဒီအစားအစာတွေ တစ်မျိုးမဟုတ်တစ်မျိုး ပါဝင်နေဖို့ လိုအပ်ပါတယ်။
🥜အသားဓာတ်ကို တိရစ္ဆာန်မှရတဲ့ အသားတွေက ရနိုင်သလို၊ ပဲအမျိုးမျိုးမှလည်း ရနိုင်ပါတယ်။ ပဲအမျိုးမျိုးလို့ ပြောတဲ့အခါမှာတော့ ပဲအားလုံး (ပဲကြီး၊ ပဲနောက်၊ ကုလားပဲ၊ ပဲစဉ်းငုံ၊ ပဲတီစိမ်း၊ ပဲလွန်း၊ ပဲထောပတ်၊ မြေပဲ . . . . . . အစရှိတဲ့ ) ပါဝင်ပါတယ်။
🍢ဒါတင်မက ပဲတွေနဲ့ပြုလုပ်ထားတဲ့ မုန့်ပဲသွားရေစာတွေနဲ့ ပဲပြား၊ တို့ဟူး စတာတွေ အားလုံးပါဝင်ပါတယ်။
🥛နို့နှင့် နို့ထွက် အစားအစာတွေကနေ အရိုးတွေကို ကျန်းမာ၊ ကြံ့ခိုင်စေတဲ့ ထုံးဓာတ် (ခေါ်) ကယ်လ်စီယမ်ဓာတ်တွေလည်း ပေါများစွာ ရရှိစေနိုင်ပါတယ်။

အုပ်စု 2️⃣
🤩အင်အားဖြစ်ထွန်းစေသော အစာအုပ်စုဖြစ်ပြီး ကာဗွန်ဟိုက်ဒြိတ်ဓါတ် (သို့မဟုတ်) ကစီဓါတ်ပါဝင်တဲ့ အစားအစာတွေဖြစ်ပါတယ်။
👉အဲဒီဓာတ်ဟာ လူသားတွေရဲ့ လှုပ်ရှားသွားလာရာမှာလိုအပ်တဲ့ စွမ်းအင်ကို ပေးနေတာဖြစ်ပါတယ်။
🍚အဲဒီဓာတ်ကို နေ့စဉ်စားသုံးနေတဲ့ ထမင်းအပြင် ဆန်မှုန့်၊ ပြောင်းမှုန့်၊ ကောက်ညှင်းမှုန့်၊ ဂျုံမှုန့်တို့နှင့် ပြုလုပ်ထားတဲ့ အစားအစားတွေ၊ မုန့်တွေအပြင် ပေါင်မုန့်၊ ဘီစကွတ်၊ နံပြား စတာတွေကနေလည်း ရနိုင်ပါတယ်။
🌽ဒါအပြင် ဆီ၊ ထောပတ်၊ ခေါက်ဆွဲ၊ အာလူး၊ ကန်စွန်းဥ၊ ပိန်းဥ၊ ပြောင်းဖူး၊ ထန်းလျက်ခဲ၊ ကြံသကာ၊ သကြား စတဲ့ အစားအစာတွေကနေလည်း ရနိုင်ပါတယ်။

အုပ်စု 3️⃣
🙅🏻‍♂️🙅🏻‍♀️ရောဂါအမျိုးမျိုးတွေကနေ ကာကွယ်ပေးတဲ့ အစာအုပ်စု ဖြစ်ပါတယ်။ လူတွေကို ရောဂါဘယတွေ မကျရောက်စေဖို့နဲ့ ကိုယ်ခံစွမ်းအားကောင်းနေစေဖို့အတွက် လိုအပ်တဲ့ဓါတ်ကတော့ ဗီတာမင်နှင့် သတ္တုဓါတ်ပဲ ဖြစ်ပါတယ်။
🍒အဲဒီဓါတ်ပါဝင်တဲ့ အစားအစာတွေကတော့ ဟင်းသီးဟင်း ရွက်မျိုးစုံနဲ့ အသီးအနှံမျိုးစုံပဲ ဖြစ်ပါတယ်။ ဟင်းသီးဟင်းရွက်၊ သစ်သီးဝလံတွေဟာ ရောဂါကာကွယ်နိုင်စွမ်းရှိသလို ကူးစက်တတ်တဲ့ ရောဂါတွေရဲ့ အန္တရာယ်ကနေလည်း ကာကွယ်နိုင်စွမ်း ရှိတာဖြစ်ပါတယ်။
🥬အရိုးတွေကို ကျန်းမာ၊ ကြံ့ခိုင်စေတဲ့ ထုံးဓာတ် (ခေါ်) ကယ်လ်စီယမ်ဓာတ်တွေဟာ ဟင်းသီးဟင်းရွက်တွေမှာလည်း များများစားစား ကြွယ်ဝစွာ ပါဝင်နေပါတယ်။

🔹အာဟာရမျှတစေဖို့ နေ့တိုင်းစားနေကျ အစာထဲမှာ အပေါ်မှာပြောထားတဲ့ အစာအုပ်စု (၃) ခုလုံး ပါဝင်အောင် စားနိုင်ရင် အကောင်းဆုံးပါပဲ။
👶🏻👧🏻နိုင်ငံရဲ့ အနာဂတ်လေးများဖြစ်ကြတဲ့ ကလေးငယ်တွေကိုလည်း အဟာရပြည့်ဝ ကျန်းမာသော ကလေးငယ်များဖြစ်စေဖို့ အစာအုပ်စု (၃)စုလုံး မျှမျှတတပါဝင်အောင် ကျွေးပေးကြပါစို့။

အားလုံးကျန်းမာကြပါစေ။

ိလိုရာမေးကျန်းမာရေး

Photo credit to Rightful Owner

😬အလှပျက်စေတဲ့ အမာရွတ်ကြီး😨

👉ထိခိုက်ဒဏ်ရာရလို့ အနာဖြစ်သွားတဲ့​နေရာမှာ ရုပ်ဆိုးဆိုး အမာရွတ်အကြီးကြီး​တွေ ကျန်​နေတာကို ​တွေ့ဖူးကြပါလိမ့်မယ်။
🔺အဲ့ဒီအမာရွတ်အကြီးကြီး​တွေကို ကီးလွိုက် (Keloid Scar) လို့​ခေါ်ပါတယ်။
🔺Keloid က ဒဏ်ရာ အကြီးကြီးရတဲ့ ​နေရာမှာချည်မဟုတ်ပါဘူး တခါတစ်​လေ ​အ​ကောင်ကိုက်တာ​လေး၊ဝက်ခြံထွက်ခဲ့တဲ့​နေရာ​လေး​တွေ၊နား​ဖောက်တဲ့​နေရာ​တွေ၊လက်နဲ့ ကုတ်မိ ခြစ်မိတဲ့​နေရာ​တွေမှာပါဖြစ်လာတတ်ပါတယ်။

အဲဒီKeloid ​တွေက
🚨အသက်၃၀ ​အောက်​တွေ
🚨လူမည်း​(အာဖရိကအနွယ်) တွေ မှာပိုဖြစ်တယ်၊
🚨မျိုးရိုးထဲမှာ Keloid ဖြစ်ဖူးရင် ကိုယ်မှာဖြစ်ဖို့ရာခိုင်နှုန်းများပါတယ်။

✅အဲ့ဒီ Keloid က တစ်​ယောက်နဲ့တစ်​ယောက်မကူးစက်နိုင်သလို့ ကင်ဆာအဖြစ်လဲမ​ပြောင်းလဲနိုင်ပါဘူး။အမာရွတ်ကြီး​တော့ ရုပ်ဆိုးဆိုးကြီး​တော့ဖြစ်နေတာ​ပေါ့။
👉ကိုယ်မှာ အဲ့လို အမာရွတ်ကြီး​တွေဖြစ်တတ်တယ်ဆိုရင်
🔹တတ်နိုင်သ​လောက်ဒဏ်ရာမရ​အောင်​နေပါ၊
🔹နား​ဖောက်တာ​တွေ၊တက်တူးထိုးတာ​တွေ လဲ​ရှောင်သင့်ပါတယ်။
🔹အနာတရ ဖြစ်ရင်​တော့ အမာရွတ်မဖြစ်ခင် Silicone gelပါတာမျိုး​တွေလိမ်းလို့ရပါတယ်။

💉Keloid ​တွေက ခွဲစိတ်ပြီးလည်းပြန်ဖြစ်တတ်တဲ့အတွက် ကျွမ်းကျင်တဲ့ ခွဲစိတ်ဆရာဝန်နဲ့ ပြသသင့်ပါတယ်။

အားလုံးကျန်းမာကြပါစေ။

ိလိုရာမေးကျန်းမာရေး

Keloid Scar:Mayo Clinic

Photo credit to Rightful Owner

😵‍💫“ရာသီမမှန်ခြင်း”🌷

ဒီပြသနာက​တော့ chat box မှာ ခဏခဏ မေးခံရတဲ့ ​​မေးခွန်းပဲဖြစ်ပါတယ်။
👩🏻ပုံမှန်အမျိုးသမီးတစ်​ယောက်ဟာ ၂၈ ရက်တစ်ခါ ဓမ္မတာ လာပါတယ်။
👉၂၈ ရက်တခါမလာလို့ ရာသီမမှန်ဘူးလို့​လည်းပြောလို့မရပါဘူး။
👉တခါတ​လေ ၄,၅ ရက်​လောက်ထိ ​စောလာတာ ​နောက်ကျလာတာဖြစ်နိုင်ပါတယ်။

✅အီစတိုဂျင်,ပရိုဂျက်စထရုန်း နဲ့ FSH ဆိုတဲ့ ​ဟော်မုန်း​တွေက​တော့ ရာသီစက်ဝန်းကို ထိန်းညှိပေး​နေတဲ့​ဟော်မုန်း​တွေဖြစ်တယ်။ဒီ​ဟော်မုန်း​တွေ အနည်းအများဖြစ်သွားရင် ရာသီလာတာမမှန်​တော့ပါဘူး။

🗒ဘယ်အချိန်​တွေမှာ ရာသီမမှန်တတ်လဲ
🔺အမျိုးသမီးများ အပျို​ဖော်ဝင်စအချိန်
🔺ရာသီ​သွေးဆုံးခါနီးအချိန်
🔺ကိုယ်ဝန်ရှိ​နေချိန်
🔺နို့တိုက်​နေချိန်
🔺သ​န္ဓေတား​ဆေး အသုံးပြု​နေချိန်
🔺စိတ်ဖိစီးမှု့ အရမ်းများ​နေ​သောအချိန်
🔺လေ့​ကျင့်ခန်းပြင်းပြင်းထန်ထန်လုပ်သူများ
🔺ကိုယ်အ​လေးချိန်ချ ​နေသူများ
ဒီအ​ခြေအ​နေ​တွေက​တော့ ခဏတာရာသီမမှန်တာ​တွေပဲဖြစ်​စေပါတယ်။

👉ရက်ရှည် ရာသီမမှန်တာဖြစ်တတ်တဲ့သူတွေကတော့
🔺သာဥအိမ်​ရေအိတ်တည်တဲ့​ရောဂါရှိသူ​​တွေ(PCOS)
🔺လည်ပင်းကြီး​ရောဂါရှိသူ​တွေ
🔺ဆီးချို​ရောဂါ အမျိုးအစား၁ ရှိသူ​တွေ နဲ့
🔺နာတာရှည်​ရောဂါ ရှိသူ​တွေ ဖြစ်ပါတယ်။

🚨ရာသီစက်ဝန်းမမှန်တာ​ကြောင့် မမျိုးဥ​​ကြွေချိန်မမှန်တဲ့အတွက် က​လေးရဖို့လဲ ခက်ခဲတာမျိုးလည်းဖြစ်နိုင်ပါတယ်။

✅ဒါ​ကြောင့် ရာသီမမှန်တာ လချီကြာ​နေရင်/တခြား​သော ပုံမှန်မဟုတ်တဲ့ လက္ခဏာများ ခံစား​နေရရင်​တော့ ဆရာဝန်နဲ့ တိုင်ပင်​ဆွေး​နွေးပြီးစမ်းသပ်မှု့​တွေ လုပ် သင့်ပါတယ်။

အားလုံးကျန်းမာကြပါစေ။

ိလိုရာမေးကျန်းမာရေး

REF: What to know about irregular periods,Medical News Today

Photo credit to Rightful Owner

🔺အသည်​ရောင်အသားဝါ ဘီ(B)ပိုးအ​ကြောင်း🔺

👉အသည်း​ရောင်းအသားဝါဘီပိုး ရောဂါဘယ်လိုမျိုးကူးစက်တာလဲ

🚨အသည်း​ရောင်အသား ဝါBပိုးရှိ​သောမိခင်မှ သ​န္ဓေသားကိုကူးစက်ခြင်း
🚨ရောဂါပိုးပါ​သော​သွေးမှတဆင့်ကူးစက်ခြင်း
🚨မသန့်ရှင်း​သော​ဆေးထိုးအပ်များမှတဆင့်ကူးစက်ခြင်း
🚨ရောဂါပိုးရှိသူနှင့် လိင်ဆက်ဆံရာမှကူးစက်ခြင်း
ဆိုပြီး အမျိုးမျိုးရှိပါတယ်။

😵‍💫B ပိုးကူးစက်ခံရသူ ၁၀ ယောက်မှာ ၈ယောက်ဟာ ၆ လအတွင်းမှာ ​ရောဂါ ​ပျောက်ကင်းနိုင်ပါတယ် ။ ကျန်တဲ့၂ ယောက်က​တော့ နာတာရှည် အသည်း​ရောဂါ​တွေဖြစ်နိုင်ပါတယ် ။

👉အသည်း​ရောင်အသားဝါB ပိုးရဲ့​နောက်ဆက်တွဲ ​တွေက​တော့
🔹နာတာရှည်အသဲ​ရောင်ခြင်း
🔹အသည်း​ခြောက်ခြင်းနှင့်
🔹အသည်းကင်ဆာ ဖြစ်ခြင်းတို့ဖြစ်ပါတယ်။

💉အသည်း​ရောင်အသားဝါ B ပိုးက ကာကွယ်​ဆေးထိုးထားခြင်းဖြင့် ကြိုတင်ကာကွယ်နိုင်ပါတယ်။

💉အသည်း​ရောင်အသားဝါကာကွယ်​ဆေးကို ​မွေးခင်စက​လေးမှစ၍ အသက်အရွယ်မ​ရွေးထိုးလို့ရပါတယ်။

💉ပုံမှန်အားဖြင့်အသည်း​ရောင်အသားဝါ B ကာကွယ်​ဆေး၃ကြိမ် ထိုးရပါတယ်

🗒ကာကွယ်​ဆေးထိုးပြီး ပဋိဓါတ် (antibody)​ပေါ်မ​ပေါ် (ကာကွယ်ဆေး အောင်/မအောင်)သိချင်ရင်​တော့ ကာကွယ်​ဆေးအားလုံးထိုးပြီး ၁လအကြာတွင် စစ်ကြည့်လို့ရပါတယ်။

​✅ရောဂါပိုးကူးစက်ခံထားရသူများအ​နေနဲ့လည်း ကအစွမ်းထက်​သော​ဆေးဝါးတွေ ပေါ်နေပြီဖြစ်လို့ ဆရာဝန်နှင့် စောစီးစွာ တိုင်ပင်ကုသသင့်ပါတယ်။

အားလုံးကျန်းမာကြပါစေ။

ိလိုရာမေးကျန်းမာရေး

Photo credit to Rightful Owner

🐒 အခုတလော လူပြောများနေတဲ့ “မျောက်​ကျောက်ရောဂါ(Monkeypox)”🐵

​🙉မျောက်​ကျောက်​ရောဂါ က​တော့ ​မျောက်​ကျောက်​ရောဂါဗိုင်းရပ်စ်ပိုး​ကြောင့်ဖြစ်ပြီး တိရစ္ဆာန် က​နေတဆင့်ကူးစက်တဲ့ ​ရောဂါတစ်မျိုးဖြစ်တယ်။ ​
🙉ရောဂါအရင်းခံက​တော့ အာဖရိကအလယ်ပိုင်းနဲ့ အ​နောက်ပိုင်း က​နေ စပြီး ​မျောက်၊ကြွက်၊ရှဥ့်စတဲ့ တိရစ္ဆာန်​တွေကတဆင့် ကူးစက်ပြန့်ပွားလာခဲ့ပါတယ်။
🙉၂၀၂၂ ​မေလမှာ​တော့ နိုင်ငံအ​တော်များများမှာ​တွေ့ရှိလာပါတယ်။

🔺ကူးစက်ပုံ🔺
👉ရောဂါပိုးကူးစက်ခံထားရတဲ့ တိရစ္ဆာန် သို့မဟုတ် လူရဲ့ ​သွေး ၊ကိုယ်တွင်းမှထွက်​သောအရည်၊ အနာသို့မဟုတ် အ​​ရေပြား အပွန်းအပဲ့​တွေနဲ့ ထိ​တွေ့ခြင်းမှလည်း ကူးစက်နိုင်တယ်။
👉ရောဂါပိုးရှိတဲ့ တိရစ္ဆာန်အသား​တွေကို ​သေချာမချက်ဘဲ စားမိရင်လည်းကူးစက်နိုင်ပါတယ်
👉တခြားကူးစက်တဲ့နည်းလမ်း​တွေက​တော့ အသက်ရှုလမ်း​ကြောင်းမှတဆင့်
👉ကိုယ်ဝန်ဆောင်မိခင်မှက​လေးကို အချင်းမှတဆင့် ကူးစက်နိုင်ပါတယ်

​ရောဂါလက္ခဏာ​တွေက​တော့ ​
🚨အဖျားတက်လာမယ်
​🚨ခေါင်းကိုက်မယ်
🚨ကြွက်သား​တွေနာမယ်
🚨နုံး​ခွေမယ်
🚨အကျိတ်​တွေ ကြီးလာမယ်
🚨ဖျားပြီး ၃ရက်​လောက်မှာ မျက်နှာ၊​ခြေဖဝါး လက်ဖဝါး​တွေမှာ အနီကွက်​တွေထွက်လာမယ်။
🚨ပါးစပ်​တွေ မျက်လုံး​တွေ မျိုးပွားအဂါ​တွေမှာ အနာ​တွေဖြစ်လာမယ်။ အနီကွက်​တွေမှ အ​ရေကြည်ဖု​၊ ပြည်တည်နာ​တွေအဖြစ် ​ပြောင်းသွားမယ်။

​✅မျောက်​ကျောက်​ရောဂါဟာ ပုံမှန်အားဖြင့် ၂ပတ်မှ တစ်လအတွင်း ​ရောဂါအလိုလို ​ပျောက်ကင်းပါတယ်။
🚨ကိုယ်ခံအားနည်း​တဲ့သူ​တွေမှာ​တော့ ​ရောဂါပိုမိုးဆိုးရွားပြီး အသက်​သေဆုံးနိုင်တဲ့အထိဖြစ်နိုင်ပါတယ်။
​
​🔹ရောဂါကုသမှု့အ​နေနဲ့က​တော့
👉ဗိုင်းရပ်စ် သတ်​ဆေး ​တစ်မျိုးတော့​တွေ့ရှိထားပါတယ်။
👉အရည်များများ​သောက်ရမယ်။
👉အားရှိတဲ့အစားအစာ​တွေစားရမယ်
👉အနာကိုသန့်ရှင်း​အောင် ပိုးမဝင်​အောင်ထားရမယ်
👉ဖျားလျှင်အဖျား​ပျောက်​ဆေး​သောက်လို့ရပါတယ်။

👉ကာကွယ်​ဆေးအ​နေနဲ့က​တော့
​ကျောက်ကြီး(small pox)ကာကွယ်​ဆေးထိုးထားတဲ့သူ​တွေမှာ ​​မျောက်​ကျောက်​ရောဂါကို ၈၅ ရာနှုန်းထိ ကာကွယ်တယ်။
ကာကွယ်​ဆေးအသစ်​တွေလဲ ​ပေါ်​နေပြီဖြစ်ပါတယ်။

အားလုံးကျန်းမာကြပါစေ။

ိလိုရာမေးကျန်းမာရေး

Photo credit to Rightful Owner