Phoo Electronic

Android Smart TV မဟုတ်သော ရိုးရိုး Smart TV များ အကြောင်း။

Smart TV ရဲ့ Operation System တွေမှာ လူသိများတာတွေက Android OS, LinuxOS, WebOS, TizenOS စတာတွေကို လူသိများပါတယ်။

အခုရှင်းပြမှာက WebOS နဲ့ TizenOS တို့ရဲ့ သဘောသဘာဝပါ။ WebOSကို LG ကထုတ်တဲ့ Smart TV တွေမှာ အသုံးပြုထားပြီး TizenOS ကိုတော့ Samsung က ထုတ်တဲ့ Smart TV တွေမှာ အသုံးပြုထားပါတယ်။

အဲဒီ TV Brand တွေဟာ Android OS ကို အသုံးမပြုထားလို့ Android Operation System အတွက်ရေးထားတဲ့ .apk နဲ့ ဆုံးတဲ့ Android Package Kit file တွေကို ထည့်သွင်းအသုံးပြုလို့မရပဲ သူ့သက်ဆိုင်ရာ Operation System အတွက်ရေးထားတဲ့ Application တွေသာ ထည့်သွင်းအသုံးပြုလို့ရမှာဖြစ်ပါတယ်။ သူတို့မှာ Build in ပါတဲ့ YouTube, Netflix, Prime Video, Discovery စတဲ့ application တွေဟာ သက်ဆိုင်ရာကနေ License ဝယ်ပြီး သူတို့ရဲ့ OS‌ နဲ့ ပြန်ရေးထားပြီး ထည့်ပေးထားတာတွေပါ။

ဒါကြောင့် Android application store တွေဖြစ်တဲ့ Google Play Store, APKpure, Apitoide စတာတွေဟာ TV မှာ Build in ပါလာမှာမဟုတ်သလို ထည့်လို့လုံးဝရမှာလည်း မဟုတ်ပါ။ .apk နဲ့ ဆုံးတဲ့ မည်သည့် Application မှ install လုပ်၍ရမည်မဟုတ်ပါ။

ဥပမာ ပေးရရင် iOS ကိုသုံးထားတဲ့ Apple phone ခေါ် iPhone တွေမှာ Play Store မပါသလိုမျိုး၊ Android apps တွေ ထည့်မရသလိုမျိုးပါ။ Operation System မတူကြလို့ မရတာပါ။

အဲဒီ ရိုးရိုး Smart TV တွေအတွက် Build in မဟုတ်တဲ့ Application တွေကိုတော့ Samsung Smart TV အတွက်ဆိုရင် Apps store ( Smart Hub) ကနေ ထပ်ထည့်လို့ရပြီး LG Smart TV အတွက်ကတော့ LG app store ကနေထပ်ထည့်ရမှာဖြစ်ပါတယ်။ အဲဒီလို Apps store တွေကို ဝင်ရောက်အသုံးပြုဖို့ သက်ဆိုင်ရာ အလိုက် Samsung Account တို့ LG Account တို့ကို လိုအပ်သလို ဖွင့်ထားပေးရမှာဖြစ်ပါတယ်။

အဲဒီ သက်ဆိုင်ရာ App store တွေကသာ အဓိက ထပ်ထည့်လို့ရတာဖြစ်လို့ လူသုံးများတဲ့ Streaming App အများစုကို သုံးမရတဲ့အခက်အခဲတွေကြုံတွေ့ကြရပါတယ်။ အများစုက Android OS အတွက်ပဲ ရှိလို့ဖြစ်ပါတယ်။

ဒါပေမယ့် Happy Live Plus တို့၊ BLUE OCEAN SPORT TV တို့လို IPTV apps တွေကတော့ IPTV Smarter player မျိုးနဲ့ သုံးလို့ရပါတယ်။ အဲဒီ Application ကို LG Apps storeတို့၊ Samsung Apps store တို့ကနေ ရှာထည့်လို့ရပါတယ်။ အဲဒီ IPTV SMARTER မှာ သက်ဆိုင်ရာ developer တွေပေးတဲ့ Username/Password နဲ့ URL ထည့်ရိုက်ပြီး သုံးရတာပါ။

အထက်ပါ ရိုးရိုး Smart TV တွေဖြစ်တဲ့ LG Smart TV နဲ့ Samsung Smart TV တွေဟာ Application တွေ အကန့်အသတ်နဲ့သာ သုံးရပေမယ့် သူ့ရဲ့ အားသာချက်က သူတို့ရဲ့ Operation System တွေကို သုံးရတာ အလွန်လျှင်မြန်သွက်လက်မှုရှိတာပါ။ အသုံးပြုနေရင်းနဲ့ ရပ်သွားတာ၊ Restart ပြန်လုပ်တာ၊ LOGO မှာရပ်နေလို့ Factory Reset ပြန်လုပ်ရတာတွေ မရှိသလောက်နဲပါတယ်။

ပြင်ပ Third Party Application တွေလည်းထည့်မရလို့ Security ပိုင်းဆိုင်ရာ ( Background ကနေ App တွေ run ပြီး မိမိ Privacy ကို ခိုးနေတာ၊ အချက်အလက်ခိုးယူနေတာ မရှိနိုင်လို့ ) စိတ်ချရမှု ပိုရှိပါတယ်။ အဲဒီအပြင် Operation System ကို ဒုက္ခပေးမယ့် virus တွေ ဝင်ရောက်မှု၊ OS လည်ပတ်ရာမှာ အနှောက်အယှက်ဖြစ်စေတဲ့ မပြည့်စုံတဲ့ file package တွေ ဝင်ရောက်နိုင်မှု မရှိလို့ တည်ငြိမ်တဲ့ Operation System ကို အသုံးပြုနိုင်ပါတယ်။

LG တို့ Samsung တို့ဟာ အရည်အသွေးမြင့် ရုပ်သံကို ပေးနိုင်ပြီး Function တွေလည်းစုံတာဖြစ်လို့ Flagship ထဲမှာ ရှိနေကြတာဖြစ်ပါတယ်။ တန်းမြင့်စက်အမျိုးအစားတွေဖြစ်ပါတယ်။ ဒီနေရာမှာ တန်းမြင့်တယ်ဆိုတာ ရုပ်သံနဲ့ Function ပိုင်းတွေမြင့်တာကိုပဲ ဆိုလိုတာဖြစ်ပြီး အကြမ်းခံတာ၊ ကြာရှည်သုံးနိုင်တာလို့ မဆိုလိုပါ။ (TV တလုံးရဲ့ သက်တမ်းဟာ သုံးစွဲသူရဲ့ အသုံးပြုပုံအနေအထားပေါ်လည်း အများကြီးမူတည်ပါတယ်)

ကိုယ်ကငွေကြေးတတ်နိုင်တယ်ဆိုရင် LG Smart TV နဲ့ Samsung Smart တွေဟာ ရွေးချယ်သင့်တဲ့အထဲမှာ ပါပါတယ်။ ပုံမှန် YouTube နဲ့ NETFLIX ကြည့်တာလောက်၊ Browser တွေ အသုံးပြုတာလောက်ပဲ ဆိုရင် အဆင်ပြေပါတယ်။ LG Smart TV ကတော့ Gaming အတွက်ရုပ်ထွက်အကောင်းဆုံးလို့ ဆိုပါတယ်။ Game console တွေနဲ့ တွဲဖက်ကစားလို့ကောင်းတာပါ။

အဲဒါကိုမှ လူသုံးများတဲ့ Android Application တွေလည်း သုံးလို့ရချင်သေးတယ်၊ အသုံးပြုချင်တယ်ဆိုရင်တော့ Smart Android Box ကောင်းကောင်းတလုံးနဲ့သာ ထပ်တွဲလိုက်ပါ။ အခုနောက်ပိုင်းမှာ Google TV ကို အသုံးပြုထားတဲ့ Smart Google TV Box တွေပါ ဝယ်လို့ရနေပြီဖြစ်ပါတယ်။ အဲဒါ‌တွေနဲ့ တွဲသုံးမယ် ဆိုရင် လုံးဝ ပြီးပြည့်စုံသွားပါလိမ့်မယ်။

TV အသစ်ထပ်ဝယ်မယ့်သူတွေ စဉ်းစားနိုင်ဖို့နဲ့ လက်ရှိ ရိုးရိုး Smart TV တွေကို အသုံးပြုနေသူတွေအတွက် သိရှိနိုင်ဖို့ ဖြစ်ပါတယ်။

အဆင်ပြေကြပါစေ။ crd

Efficient inverter system for savings of energy.

𝐖𝐞𝐥𝐜𝐨𝐦𝐞 𝐭𝐨 𝐂𝐮𝐬𝐭𝐨𝐦𝐞𝐫
【 𝐏𝐇𝐎𝐎 𝐄𝐥𝐞𝐜𝐭𝐫𝐨𝐧𝐢𝐜 】