U Win Min Zaw Lawyer - ဦးဝင်းမင်းဇော်-ဥပဒေ

လွဲမှားနေသော အသုံး(စကားလုံး)-နောက်တိုးသက်သေ ??????
မောင်လိပ်။ ။ အကို…ပြစ်မှုမှာ "နောက်တိုးသက်သေ" ဆိုတာ ဘာပြောတာလဲဗျ.. ဗဟုသုတအနေနဲ့ သိချင်လို့ပါ..ရှင်းပြပေးပါအုန်းဗျ
လိပ်ကြီး။ ။ နေပါအုန်း..မေးပါအုန်းမယ်.. နောက်တိုးသက်သေ လျှောက်ထားတာက ဘယ်ပုဒ်မအရ လျှောက်ထားနေကြတာလဲညီလေး…
မောင်လိပ်။ ။ ညီလေး ကြားခဲ့တာတော့ တရားခံဘက်ကလျှောက်တာဘဲ.."စွဲချက်တင်တုန်းက သက်သေစာရင်းထဲမပါဘဲ အမှုအကြောင်းသိတဲ့သူ..အဲ့အချိန်က ခရီးလွန် နေလို့ သက်သေစာရင်းထဲမထည့်ခဲ့တာ ခုစစ်ဆေးနေတုန်းပြန်ရောက်လာတာနဲ့ သက်သေစာရင်းထည့်ချင်တာဆိုဘဲ..နောက်တိုးသက်သေတဲ့ " ပုဒ်မ မပါဘဲ လျှောက်တာ အကို… အဲ့လို လျှောက်လာရင် ရုံးတော်အနေနဲ့က ဘယ်လိုအမိန့် ချရမလဲ အကို….
လိပ်ကြီး ။ ။ ညီလေးသိချင်မှတော့ ပြောပြပေးရတာပေါ့..
ညီလေးကို အကိုပြန်မေးချင်တာက ဉပမာကွာ…ဝရမ်းမှုစစ်ဆေးနည်းဆိုပါဆို့..
ရာဇဝတ်ကျင့်ထုံးဥပဒေ ဘယ်ပုဒ်မတွေအရ စစ်ဆေးရတာလဲ.
မောင်လိပ်။ ။ ရာဇဝတ်ကျင့်ထုံးဥပဒေ အခန်း ၂၁ မှာပါတဲ့ ပုဒ်မ ၂၅၁ မှ ၂၅၉ အထိ ပြဌာန်းချက်တွေအရ စစ်ဆေးရပါတယ် အကို..
လိပ်ကြီး ။ ။ အေး.. အဲဒါဆိုကွာ ကျင့်ထုံး ပုဒ်မ ၂၅၂ ကို ညီလေးနားလည်သလို ရှင်းပြပါအုန်း…
မောင်လိပ်။ ။ ပုဒ်မ ၂၅၂ မှာက "တရားခံ(စွပ်စွဲခံရသူ) ရုံးရှေ့ရောက်လာရင် တိုင်တန်းသူ (တရားလို) ရှိရင် ၎င်းအား စစ်ဆေးပြီး တရားလိုပြသက်သေများကိုစစ်မေးရန်နှင့် တရားခံအနေနဲ့ ပြန်လှန်စစ်မေးခွင့်ပြုရန်…လို့ မှတ်သားထားမိတယ်အကို.. ရာဇဝတ်ပုံစံ ၇၃ ကို အသုံးပြုရမယ်ဆိုပြီး တရားရုံးများလက်စွဲ၊ အပိုဒ် ၄၄၅ မှာ ပြောထားပါတယ်အကို..
လိပ်ကြိီး။ ။ အင်း… ညီပြောပြတဲ့အတိုင်းဆိုရင် တရားလိုပြသက်သေကို ရုံးတော်အနေနဲ့ မဖြစ်မနေစစ်ပေးရမယ်လို့ အကိုကပြောရင် ညီလက်ခံနိုင်မလား..
မောင်လိပ်။ ။ ပုဒ်မ ၂၅၂ အရဆိုရင်တော့ မှန်ပါတယ်အကို….
လိပ်ကြီး။ ။ ဟုတ်ပြီ…ဆက်ပြီးတော့ ပုဒ်မ ၂၅၆ ကို ညီလေးနားလည်သလိုပြောပြပါအုန်း..
မောင်လိပ်။ ။ ပုဒ်မ ၂၅၆(၁)မှာက စွဲချက်တင်ပြီးနောက် စွဲချက်မတင်ခင်စစ်ဆေးပြီးသော သက်သေများအနက် မည်သည့်သက်သေကို ပြန်ခေါ်စစ်ဆေးလိုခြင်းရှိ/မရှိ ရုံးတော်ကမေးမြန်းရမယ်။ စစ်ဆေးလိုရင် ရုံးတော်က ပြန်ခေါ်ပေးပြီး ပုဒ်မ ၃၄၂(၁)နှင့်အညီ ပြန်လှန်မေးခြင်း၊ ထပ်မံစစ်မေးခြင်းများ ပြုလုပ်ခွင့်ပေးရမယ်။ ပုဒ်မခွဲ(၂)အရ တရားခံက သက်သေအဖြစ်အစစ်ခံလို/မလိုမေးပြီး သက်သေအနေနဲ့ အစစ်ခံခဲ့ရင် တရားခံရဲ့သက်သေခံချက်ကိုယူရမယ်။ ပြီးရင် တရားခံဘက်က တင်ပြတဲ့ သက်သေများ၏ သက်သေခံချက်ရယူရပါမယ်အကို…
လိပ်ကြီး။ ။ ညီလေးပြောပြသွားတဲ့ ထဲမှာ "နောက်တိုးသက်သေ" ဆိုတာပါသလား…
မောင်လိပ်။ ။ မပါ ပါဘူး အကို……
လိပ်ကြီး။ ။ အေးလေ ရှင်းနေတာဘဲ ဥပဒေပြဌာန်းချက်တွေမှာ အတိအလင်းပြောထားတာ ဘဲ.. တရားလိုဘက်က တင်ပြတဲ့သက်သေနဲ့ တရားခံဘက်ကတင်ပြတဲ့သက်သေ ဆိုပြီးရှိတာလေ.. ဘာဖြစ်လို့ " နောက်တိုးသက်သေ" လို့ သုံးနှုန်းနေမလဲ….
မောင်လိပ်။ ။ ဟုတ်တယ်နော် အကို ပြဌာန်းချက်တွေမှာက ရှင်းနေတာဘဲဗျ..
လိပ်ကြီး။ ။ ညီလေးသိချင်တဲ့အပိုင်းကိုရှင်းပြပေးမယ်… ပုဒ်မ ၂၅၆(၂) ပြဌာန်းချက်မှာ "××× the evidence of witnesses for the defence (if any) shall be taken ×××" လို့ပြဌာန်းထားတယ်.. "shall" ဆိုတဲ့စကားလုံးလေးက "မဖြစ်မနေရယူရမည်" လို့ပြောချင်တာဘဲ။ တရားခံဘက်က သူတို့ရဲ့ခုခံရေးလမ်းကြောင်းမှာ အမှုကို အတိအလင်းသိတဲ့သူ(အရေးပါတဲ့သက်သေမျိုး) မည်သူ့ကိုမဆို သက်သေအနေနဲ့ တင်ပြနိုင်တယ်။ နောက်တိုးသက်သေလို့ သုံးနှုန်းမည့်အစား ပုဒ်မ ၂၅၆(၂) အရ "နောက်ထပ်တင်ပြလိုသောသက်သေ" လို့ ပြောပြီး လျှောက်ထားခဲ့ရင် တစ်ဘက်အမှုသည်အနေနဲ့ကလည်း ကန့်ကွက်နေစရာမလိုသလို ရုံးတော်အနေနဲ့လည်း ပုဒ်မ ၂၅၆(၂) အရ လက်ခံကြောင်း အမိန့်ချလိုက်ရင်ရပါပြီ။
မောင်လိပ်။ ။ အကိုရှင်းပြသလိုဆိုရင် တရားလိုဘက်က ပုဒ်မ ၂၅၂(၁)(၂) အရ သက်သေတွေ စစ်ပေးခဲ့သလို တရားခံဘက်အတွက်လည်း ပုဒ်မ ၂၅၆(၂)အရနဲ့ သူတို့နှစ်ဘက်တင်ပြသမျှသက်သေတွေကို စစ်ပေးမယ်ဆိုတော့ ပိုပြီး တရားမျှတမှု ဖြစ်စေ တာပေါ့နော် အကို…
လိပ်ကြီး။ ။ အမှန်ပေါ့ကွာ… ညီလေးမှတ်ထားရမှာက ဥပဒေမှာ "နောက်တိုးသက်သေ" ဆိုတာ မရှိဘူး… တစ်ခုတော့သိထားအုန်း နောက်ထပ်သက်သေထည့်ချင်တဲ့ သူက အမှုဆုံးဖြတ်ရာမှာ တကယ်အရေးပါလားဆိုတာကြည့်ရအုန်းမယ်… အချိန် ဆွဲချင်လို့လျှောက်ထားတာဆိုရင်တော့ မလုပ်သင့်မလုပ်အပ်တာပေါ့…
မောင်လိပ်။ ။ အကို ပြစ်မှုတစ်ရပ်စွဲချက်(ရာဇဝတ်ပုံစံ ၇၉)မှာ စွဲချက်တင်ပြီးအပြစ်မရှိကြောင်း ငြင်းဆိုပြီးရင် စွဲချက်ဒုတိယပိုင်းမှာ တင်ပြလိုတဲ့သက်သေတွေကို ဘာဖြစ်လို့ စာရင်းတောင်းတာလဲ အကို….
လိပ်ကြီး။ ။ အဲ့ဒါ အကို့ အမြင်ကတော့ တရားခံအနေနဲ့ " အခုရေတွင်းတူး အခုရေကြည်သောက်လို့ မရသလို" သူတင်ပြလိုတဲ့သက်သေတွေကို ကြိုတင်ပြီး စီစဉ်ရလွယ်ကူအောင် ရေးမှတ်ထားတဲ့သဘောလို့ မြင်မိတယ် ညီလေး…
မောင်လိပ်။ ။ ကျေးဇူးတင်ပါတယ်.. အကိုရှင်းပြလို့ နားလည်လာသလိုတော့ရှိလာပါပြီ..
တရားမမှုအကြောင်း နောက်တစ်ပတ်မှလာဆွေးနွေးပါအုန်းမယ်ဗျာ…
လိပ်ကြီး။ ။ အကိုလည်း လေ့လာနေဆဲပါဘဲညီလေး… အကိုပြောလို့ဆိုပြီး မှန်တယ်လို့ မယူဆနဲ့နော် ညီလေးအနေနဲ့လည်း လေ့လာပြီး ပြန်လည်သုံးသပ်ကြည့်အုန်း….
( ကျွန်တော်၏ အမြင်သက်သက်ကိုသာ တင်ပြခြင်းဖြစ်ပါသည်။ )
ဝေဖန်အကြံပြုနိုင်ပါသည်….လေးစားစွာဖြင့်---
U Win Min Zaw(law)
Lape Gyi(law)

JO-4 ဖြေဆိုကြမည့် ညီ/ညီမငယ်များအတွက် ကျွန်တော်၏ PP ထဲမှ ကောက်နုတ်ဖော်ပြချက်များ.................
***ပန်းတိုင် ဥပဒေစာစဥ်***
ဦးဝင်းမင်းဇော် ( ဥပဒေ)
LapeGyi (Law)

၂၀၁၈-၂၀၁၉ ခုနှစ်လောက်က လေ့လာပြီးရေးဖြစ်ခဲ့တာလေး ပြန်တွေ့လို့ တင်ပေးလိုက်သည်။
**** လင်မယားကွာရှင်းရေး****

မြန်မာဓလေ့ထုံးတမ်း ဥပဒေအရ လင်ခန်းမယားခန်း ပြတ်စဲရန် အဓိက အကြောင်းရင်း−၃ မျိုးရှိသည်။

၁။ နှစ်ဦးသဘောတူ ကွာရှင်းခြင်း
၂။ လင်ဖြစ်သူ ရဟန်းပြုခြင်း
၃။ အိမ်ထောင်ရေး ပြစ်မှုကြောင့် ကွာရှင်းခြင်း

အိမ်ထောင်ရေးပြစ်မှုကို သုံးသပ်ရာတွင် "သာမန်အိမ်ထောင်ရေးပြစ်မှု"နှင့် "ကြီလေးသော အိမ်ထောင်ရေးပြစ်မှု"ဟူ၍တွေ့ရပေမည်။

သာမန် အိမ်ထောင်ရေးပြစ်မှု (၅) မျိုး−
(က)ရက်စက်မှု
(ခ) လင်၏ ဖောက်ပြန်မှု
(ဂ) ဒုတိယ မယားယူမှု
(ဃ) စွန့်ပစ်မှု
(င) လည်ဆယ်မှု တို့ဖြစ်သည်။

ကြီးလေးသော အိမ်ထောင်ရေး ပြစ်မှု (၂) မျိုး−
(က) မယား၏ ဖောက်ပြန်မှု
(ခ) ကြီးလေးသော ရက်စက်မှု တို့ဖြစ်သည်။

နှစ်ဦးသဘောတူကွာရှင်းခြင်း---
လင်နှင့် မယားတို့ နှစ်ဦးသဘောတူညီလျှင် အချိန်မရွေး ကွာရှင်းနိုင်သည်။နှစ်ဦးသဘောတူ ကွာရှင်းသည့် စာချုပ်ကို ရေးရမည်
ဟူ၍ ဓလေ့ထုံးတမ်း ဉပဒေတွင်၄င်း၊ ယခုခေတ် ဉပဒေတွင်၄င်း ပြဌာန်းထားခြင်းမရှိပေ။နှစ်ဦးသဘောတူညီချက်အရ ကွာရှင်းလျှင် လင်ခန်းမယားခန်း
လုံးဝ ပြတ်စဲသည်။(ဒေါ်အမနှင့် ဒေါ်ခင်တင့် ၊၁၉၆၄ မတစ ၃၄၁ နှင့် ဦးစံနှင့် မလှချစ်၊ ၁၉၆၆ မတစ ၅၁၃)

လင်မယား ကွာရှင်းလျှင် ပစ္စည်းခွဲဝေလေ့ ရှိကြသောကြောင့် ကွာရှင်းမှုများကို လူကြီးများအား အသိသက်သေထား၍ ပြုလုပ်လေ့ ရှိသည်။နှစ်ဦးသဘော
တူ ကျေကျေနပ်နပ် ကွာရှင်းလိုလျှင် စာချုပ် မလို၊ အသိသက်သေ မလိုပေ။(မအမိကြီးနှင့် မောင်မှတ်၊ ၂ ယူဘီအာ (၁၈၉၇−၀၁) ၃၇)

သာမန်အိမ်ထောင်ရေးပြစ်မှုများ
(က) ရက်စက်မှု
ရက်စက်မှုဆိုသည် ကိုယ်ခန္ဓာသော်၎င်း၊ကျန်းမာရေးကို ၄င်း၊အသက်ကို၄င်း၊အန္တရာယ်ဖြစ်စေလိမ့်မည်ဟု စိုးရိမ်မကင်းဖြစ်စေမည့် ပြုမူချက်ကို
ဆိုလိုကြောင်း ၁၉၆၇ ခုနစ်တွင် တရားရုံးချုပ်မှ ဆုံးဖြတ်သည့် စီရင်ထုံးများတွင်တွေ့ရသည်။

တခါတရံ စိတ်သဘောချင်း မတိုက်ဆိုင်၍ လင်က မယားကို ရိုက်နှက်ဆုံးမခြင်းမျိုးကို ဉပဒေအရ ရက်စက်မှုဟု မဆိုသော်လည်း မကြာခဏ လင်
က ကိုယ်ထိလက်ရောက် ရိုက်ခြင်း၊ ဆံပင်ဆွဲခြင်း စသည့်တို့ ပြုလုပ်ခဲ့ပါက ရက်စက်မှုကို ကျူးလွန်သည်ဟု မှတ်ယူရမည်။ (မစ္စပါး(လ်)ကျော်နှင့်
ဦးကျော်၊၁၉၆၇ မတစ ၂၄၉)

လင်သည် ထင်ရှားအောင် သက်သေ မပြနိုင်ပဲ မယားအား လင်ငယ်နေသည်ဟု စွပ်စွဲသည်။ထို့ပြင် မယားအား ၄င်း၏မိဘများအိမ်သို့ မသွားအောင်
တားမြစ်သည်။ တားမရလျှင် ရိုက်နှက်သည်။ လင်သည် ရက်စက်မှု ကျူးလွန်သူ ဖြစ်သည်။(မောင်အုန်းကျော်နှင့် မလှမူ၊ ၁၉၃၄၊ ရန်ကုန် ၂၇၂)

(ခ)လင်၏ဖောက်ပြန်မှု
လင်သည် မယားအားတကြိမ်မျှ ပါးရိုက်ပြီနောက် အခြားမိန်းမ တဦးနှင့် ပေါင်းသင်း၍ ကလေးရရှိလျှင် မယား၌ ကွာရှင်းခွင့် ရနိုင်ပေသည်။(မောင်
ငွေစန်းနှင့် မကြီး အေအိုင်အာ ၁၉၂၉ ရန်ကုန် ၆၄)

(ဂ)ဒုတိယမယားယူမှု
ပထမ မယားကြီး ရှိလျှက် ဒုတိယမယားယူခြင်းသည် ရက်စက်ခြင်းဖြစ်ရာ ပထမ မယား၌ကွာရှင်းခွင့်ရှိသည်။(မောင်ဆက်​မောင်နှင့် မကြင်သွေး ၁၉၆၃ မတစ ၂၉၅)

(ဃ) စွန့်ပစ်မှု
စီရင်ထုံးများအရ လင်ဖြစ်သူသည် ဇနီးအပေါ်၌ မချစ်မနှစ်သက်၍ အထောက်အပံ့ မပေးပဲ ၃ နှစ်တိုင် စွန့်ပစ်ထားလျှင် ၄င်း(မညွန့်နှင့် မောင်စံသိန်း ၅ ရန်ကုန်
၅၃၇)၊ ထိုနည်းတူ မယားက လင်အား တစ်နှစ် စွန့်ပစ်ထားလျှင်၄င်း လင်ခန်းမယားခန်း အလိုလို ပြတ်စဲကြသည်။ထိုနှစ်ကာလခြားအတွင်း တစ်ဦးနှင့်
တစ်ဦး ဆက်သွယ် ထောက်ပံ့မှု မရှိမှ ပြတ်စဲသည် မည်သည်။

အချုပ်ဆိုရလျှင်−'ကြီးလေးသောရက်စက်မှု' ကို ကျူးလွန်လျှင်၄င်း၊ မယားဖြစ်သူဖောက်ပြန်လျှင်သော်၄င်း၊ခင်ပွန်းများ၌ကွာရှင်းခွင့် ရရုံသာမက ပစ္စည်းခန်း
အခွင့်အရေးများကိုလည်း ကျူးလွန်သူက ဆုံးရှုံးခံရပေမည်။

ဝေဖန်အကြံပြုနိုင်ပါသည်။
U Win Min Zaw (Law)
Lape Gyi (Law)

၂၀၂၃ ခုနှစ်တွင် ပြဌာန်းထားသော လက်နက်ဥပဒေ ၏ သိကောင်းစရာများ
၁။ ယခင် ၁၈၇၈ ခုနှစ် လက်နက်အက်ဥပဒေ တွင် လူသိများခဲ့သော ပြစ်ဒဏ် ပုဒ်မ ၁၉(င)သည် ယခု ၂၀၂၃ ခုနှစ် လက်နက်ဥပဒေတွင် ပုဒ်မ ၂၃(က)(ခ) တို့တွင် ပြဌာန်းထားပေသည်။ ယခင်လက်နက်အက်ဥပဒေပုဒ်မ ၁၃ ပြဌာန်းချက်သည် "မည်သူမျှ လက်နက်တစ်ခုခုကို စွဲကိုင်သွားလာခြင်းမပြုရ" ဟု ပြဌာန်းထားခဲ့ရာ ယခု လက်နက်ဥပဒေပုဒ်မ ၁၅(က)တွင် " မည်သူမျှ လက်နက်တစ်ခုခုကို အများပြည်သူနှင့် ဆိုင်သောနေရာတွင် သယ်ယူခြင်း၊ ကိုင်ဆောင်သွားလာခြင်း၊ လက်ဝယ်ထားရှိခြင်း၊ ပြသခြင်းမပြုရ" ဟု ပြဌာန်းချက်ကိုသတိပြုသင့်ပေသည်။ ပြစ်ဒဏ်ကိုတော့ ယခင် ပုဒ်မ ၁၉(င)နှင့် ယခု ပုဒ်မ၂၃(က) တို့တွင် ပြောင်းလဲထားခြင်းမရှိပေ။
(ဆိုလိုသည်မှာ ယခုပုဒ်မ ၂၃(က)သည် လက်နက်ကို လက်မှစွဲကိုင်စရာမလိုပေ။ မိမိနှင့်အတူ စီးနှင်းခဲ့သော ကား၊ ဆိုင်ကယ်၊ စက်ဘီး၊ ထော်လာဂျီး၊ လွယ်အိတ်၊ စသည့် ပစ္စည်းတင်ဆောင် /သယ်ဆောင်ရသည့် ကိရိယာ တစ်ခုခုအတွင်း မှ လက်နက်ပါလာလျှင်ကိုက ပုဒ်မ ၂၃ မြောက်ပေသည်။)
၂။ ပုဒ်မ ၁၅(ဂ)ကိုလည်း သေချာလေ့လာသင့်ပေသည်။( ဆိုလိုသည်မှာ လမ်းဘေး၊ စတိုးဆိုင်၊ ဘုရားပွဲဈေး များတွင် အလှပြရောင်းချသော မောင်းချဓါးများ၊ ဓါးအိမ်ပါသောဓါးများကို ရောင်းချရာတွင် ရောင်းချခွင့်လိုင်စင် လိုပေလိမ့်မည်။ လိုင်စင်မရှိပါက ပုဒ်မ ၂၃(ခ)အရ တရားစွဲဆိုခံရနိုင်ပေသည်။
၃။ ၂၀၂၃ ခုနှစ် လက်နက်ဥပဒေ၏ အခန်း (၈) တွင် ဤလက်နက်ဥပဒေအရ အရေးယူရာတွင် သက်ဆိုင်ခြင်းမရှိသော ကိစ္စရပ်များကို ပြဌာန်းထားပေသည်။
၄။ လက်နက်ဥပဒေပုဒ်မ ၃၄ တွင် ပုဒ်မ ၂၃ အရ တရားစွဲဆိုခံရပါက သက်သေပြရန်တာဝန်သည် စွပ်စွဲခံရသူ အပေါ်တွင်သာ ကျရောက်သည်။
၅။ တရားရုံးများအနေဖြင့် အထူးသတိထားရမည်မှာ ပုဒ်မ ၄၀ ဖြစ်ပေသည်။(ထူးခြားချက်မှာ(ခ)တွင် ပြစ်မှုနှင့်သက်ဆိုင်သည့် သက်သေခံပစ္စည်းများကို နိုင်ငံ့ဘဏ္ဍာအဖြစ် သိမ်းဆည်းရမည်ဟုပြဌာန်းချက်ဖြစ် သည်။ စဉ်းစားစရာ ရှိသည်မှာ- ဥပမာ အရိုးအသွား ၆လက္မ ရှိသော ဓါးကိုင်ဆောင်သောကြောင့် ပုဒ်မ ၂၃(က) ဖြင့် တရားစွဲဆိုခံရပါက သက်သေခံဓါးအားမည်သို့ဆောင်ရွက်သင့်သနည်း။)
၂၀၂၃ ခုနှစ် လက်နက်ဥပဒေမှာ သက်သေပြရန်တာဝန်သည် စွပ်စွဲခံရသူအပေါ်တွင်သာ ကျရောက် ကြောင်းကို ပုဒ်မ ၃၄ တွင် အတည်အလင်းပြဌာန်းထားပေသည်။ အများပြည်သူနှင့်ဆိုင်သောနေရာတွင် လက်နက်ကိုင်ဆောင်သွားလာသည်ကို တွေ့ရှိလျှင် ပုဒ်မ ၁၂(က)အရ မည်သူမဆို ဖမ်းဆီးဆောင်ရွက်နိုင်သည် ဟု ပြဌာန်းထားသည်။ ဤဥပဒေတွင် အမြင့်ဆုံးပြစ်ဒဏ်ကို ပုဒ်မ ၂၇ တွင် သေဒဏ်ဖြစ်စေ ချမှတ်ရမည် ဟုပါရှိပေသည်။
ကျွန်တော်၏ အမြင်သက်သက်ကိုသာတင်ပြခြင်းဖြစ်ပါသည်။
U Win Min Zaw (law)
Lape Gyi (law)

Jo-4 & Lo-4 ဖြေဆိုကြမည့် ညီ/ညီမငယ်များအတွက်.....
၄ နှစ်ကျော်ကြိုးစားလေ့လာပြီး ရေးသားထားတဲ့ မှတ်စုလေး မကြာမီလာမည်.....
တမုဟုတ်ခြင်း ရှင်းလင်းသွားစေရန် နှင့် တမုဟုတ်ခြင်း ဖတ်ရ မှတ်ရ လွယ်ကူစေရန် ရည်ရွယ်ပြီး မှတ်စုပြုထားပါသည်။
U Win Min Zaw (law)
LapeGyi(law)
LAPEGYI-JO(4)သီးသန့်စာစဥ်မှ ကောက်နုတ်တင်ပြသည်။

Jo-4/Lo-4 ဖြေဆိုမည့် ညီ/ ညီမများအတွက်......
၁။ ခိုးမှု၏အင်္ဂါရပ်များကို ရှင်းလင်းချက်များနှင့်တကွ ဖြေဆို၍ ခိုးမှု၏ပြစ်ဒဏ်ကို ဖော်ပြပါ။
ရာဇသတ်ကြီးပုဒ်မ ၃၇၈
တစ်ဦးတစ်ယောက်သောသူ၏ လက်ရှိမှ ထိုသူသဘောမတူဘဲ မည်သူမဆို မရိုးမဖြောင့်သောသဘောဖြင့် ရွှေ့ ပြောင်းနိုင်သောပစ္စည်းတစ်ခုခုကို ယူရန်ကြံရွယ်၍ ထိုသို့ယူရန် ကိစ္စအလို့ငှာ ထိုပစ္စည်းကို ရွှေ့စေလျှင် ထိုသူသည် ခိုးမှု ကျူးလွန်သည်မည်၏။
ခိုးမှုမြောက်ရန်လိုအပ်သည့်အင်္ဂါရပ်များမှာ-
- တစ်ဦးတစ်ယောက်သောသူ၏ လက်ရှိပစ္စည်းဖြစ်ရမည်။
- ပစ္စည်းသည် ရွှေ့ပြောင်းနိုင်သော ပစ္စည်းဖြစ်ရမည်။
- လက်ရှိဖြစ်သူ သဘောမတူဘဲဖြစ်ရမည်။
- မရိုးအဖြောင့်သောသဘောဖြင့် ပစ္စည်းကိုယူရန်ကြံရွယ်ခြင်းရှိရမည်။
- ပစ္စည်းကိုနေရာမှ ရွှေ့စေခြင်းရှိရမည်။
ရာဇသတ်ကြီးပုဒ်မ ၃၇၉
မည်သူမဆိုခိုးမှုကို ကျူးလွန်လျှင် ထိုသူကို သုံးနှစ်ထိထောင်ဒဏ်တစ်မျိုးမျိုးဖြစ်စေ၊ ငွေဒဏ်ဖြစ်စေ၊ ဒဏ်နှစ်ရပ် လုံးဖြစ်စေ ချမှတ်ရမည်။
ရာဇသတ်ကြီးပုဒ်မ ၃၈၀
လူနေထိုင်ရန်သော်လည်းကောင်း၊ ပစ္စည်းသိုလှောင်ရန်သော်လည်းကောင်း အသုံးပြုသော အဆောက်အအုံ သို့ မဟုတ် တဲ သို့မဟုတ် ရေယာဉ်တစ်ခုခုအတွင်းတွင် မည်သူမဆို ခိုးမှုကို ကျူးလွန်လျှင် ထိုသူကို ခုနှစ်နှစ်ထိထောင်ဒဏ် တစ်မျိုးမျိုးချမှတ်ရမည့်အပြင် ငွေဒဏ်လည်းချမှတ်နိုင်သည်။
U Win Min Zaw (law)
LapeGyi( Law)
LapeGYI -Jo (4) သီးသန့်စာစဉ်မှကောက်နုတ်တင်ပြသည်။

Jo-4 ဖြေဆိုမည့် ညီ/ညီမ များအတွက်-----[ GK ]မှတ်ချက်-လေ့လာရန်မျှသာဖြစ်ပါသည်။
"အထွေထွေဗဟုသုတဘာသာရပ်မှာ အခုနောက်ပိုင်း အမြဲလိုလိုထည့်မေးတတ်သော မြန်မာ-အင်္ဂလိပ်/ အင်္ဂလိပ်-မြန်မာ မေးခွန်းအား အမှတ်ပြည့်ရမှ အဆင်ပြေနိုင်ပါမည်" ဟု ကျွန်တော်ထင်မြင်ယူဆပါသည်။
- ပြည်ထောင်စုတရားလွှတ်တော်ချုပ်
Supreme Court of the Union
- နိုင်ငံတော်ဖွဲ့စည်းပုံအခြေခံဥပဒေခုံရုံး
Constitutional Tribunal of the Union
- ပြည်ထောင်စုတရားသူကြီးချုပ်
Chief Justice of the Union
- ပြည်ထောင်စုရှေ့နေချုပ်
Attoney General of the Union
- အဂတိလိုက်စားမှုတိုက်ဖျက်ရေးကော်မရှင်
Anti-Corruption Commission
- အာဆီယံတရားသူကြီးချုပ်ကောင်စီ၏ပဋိညာဉ်စာတမ်း
The charter of the ASEAN
- ဂျီနီဗာသဘောတူစာချုပ်
Geneva Convention
- ကုလသမဂ္ဂ၏ထောင်စုနှစ်ဖွံ့ဖြိုးရေးရည်မှန်းချက်များ
United Nations Millennium Development Goals
- အသေးစားအလတ်စားစီးပွားရေးလုပ်ငန်းများ
Small and Medium
- တရားလွှတ်တော်ချုပ်တရားသူကြီး
Chief Justice of the Supreme Court
- ဘက်မလိုက်လှုပ်ရှားမှုအဖွဲ့
Non-Aligned Movement
- အာဆီယံပါလီမန်များညီလာခံ
ASEAN-Paeliament Conference
- တစ်နိုင်ငံလုံးပစ်ခတ်တိုက်ခတ်မှု ရပ်စဲရေးသဘောတူစာချုပ်
Nationwide Ceasefire Agreement
- ဗဟိုဝန်ထမ်းတက္ကသိုလ်
Central Institute of Civil Service
- လူကုန်ကူးမှုတားဆီးရေးဗဟိုအဖွဲ့
Central Committee for Prevention of Trafficking in Persons
- ပြည်ထောင်စုရာထူးဝန်အဖွဲ့
Union Civil Services Board
LapeGYI-JO[4]သီးသန့်စာစဉ်မှ အနည်းငယ်ကောက်နုတ်တင်ပြပါသည်။
ပြည်သူ့အတွက်ဥပဒေဗဟုသုတ🙏🙏🙏
U Win Min Zaw(ဥပဒေ)
LapeGYI(Law)

JO-4 ဖြေဆိုမည့် ညီ/ညီမ များအတွက်-----အပိုင်း ၂
ဥပဒေဘာသာရပ်
ဖွဲ့စည်းပုံအခြေခံဥပဒေ(၂၀၀၈)
(မှတ်ချက်။ သင်တန်းသား/သင်တန်းသူများအတွက် ၁၅ နှစ်တာမေးခွန်းဟောင်းများသာလေ့လာရန်ဖြစ်ပါသည်။)
၁၅။နိုင်ငံတော်တွင် ကိုယ်ပိုင်အုပ်ချုပ်ခွင့်ရတိုင်းနှင့် ကိုယ်ပိုင်အုပ်ချုပ်ခွင့်ရဒေသများကို မည်သို့သတ်မှတ်ထားသနည်း။
၂၀၀၈ခုနှစ် ဖွဲ့စည်းပုံအခြေခံဥပဒေ ပုဒ်မ ၅၆ အရ
ကိုယ်ပိုင်အုပ်ချုပ်ခွင့်ရတိုင်းနှင့် ကိုယ်ပိုင်အုပ်ချုပ်ခွင့်ရဒေသများကို အောက်ပါအတိုင်းသတ်မှတ်သည်-
(က) စစ်ကိုင်းတိုင်းရှိ လေရှီးမြို့နယ်၊လဟယ်မြို့နယ်နှင့်နန်းယွန်းမြို့နယ်တို့ကိုစုစည်းပြီးနာဂကိုယ်ပိုင်အုပ်ချုပ်ခွင့်ရဒေသ၊
(ခ) ရှမ်းပြည်နယ်ရှိ ရွာငံမြို့နယ်နှင့် ပင်းတယမြို့နယ်တို့ကို စုစည်းပြီး ဓနုကိုယ်ပိုင်အုပ်ချုပ်ခွင့်ရဒေသ၊
(ဂ)ရှမ်းပြည်နယ်ရှိဟိုပုန်းမြို့နယ်၊ဆီဆိုင်မြို့နယ်နှင့်ပင်လောင်းမြို့နယ်တို့ကိုစုစည်းပြီးပအိုဝ်းကိုယ်ပိုင်အုပ်ချုပ်ခွင့်ရဒေသ၊
(ဃ)ရှမ်းပြည်နယ်ရှိ နမ့်ဆန်မြို့နယ်နှင့် မန်တုံမြို့နယ်တို့ကိုစုစည်းပြီး ပလောင်ကိုယ်ပိုင်အုပ်ချုပ်ခွင့်ရဒေသ၊
(င) ရှမ်းပြည်နယ်ရှိ ကုန်းကြမ်းမြို့နယ်နှင့် လောက်ကိုင်မြို့နယ်တို့ကိုစုစည်းပြီး ကိုးကန့်ကိုယ်ပိုင်အုပ်ချုပ်ခွင့်ရဒေသ၊
(စ)ရှမ်းပြည်နယ်ရှိ ဟိုပန်မြို့နယ်၊ မိုင်းမောမြို့နယ်၊ ပန်ဝိုင်မြို့နယ်၊ နားဖန်းမြို့နယ်၊ မက်မန်းမြို့နယ်နှင့် ပန်ဆန်း(ပန်ခမ်း) မြို့နယ် ခြောက်မြို့နယ်တို့ကို ခရိုင် နှစ်ခုဖွဲ့ပြီး "ဝ" ကိုယ်ပိုင်အုပ်ချုပ်ခွင့်ရတိုင်း။
၁၆။နိုင်ငံတော်တွင် ပြည်ထောင်စုအစိုးရကို မည်သူတို့ဖြင့်ဖွဲ့စည်းထားသနည်း။
၂၀၀၈ခုနှစ် ဖွဲ့စည်းပုံအခြေခံဥပဒေ ပုဒ်မ ၂၀၀ အရ
နိုင်ငံတော်တွင် ပြည်ထောင်စုအစိုးရအဖွဲ့ကို အောက်ပါပုဂ္ဂိုလ်များဖြင့် ဖွဲ့စည်းသည်-
(က) နိုင်ငံတော်သမ္မတ၊
(ခ) ဒုတိယသမ္မတများ၊
(ဂ) ပြည်ထောင်စုဝန်ကြီးများ၊
(ဃ) ပြည်ထောင်စုရှေ့နေချုပ်
၁၇။ နိုင်ငံတော်၏ တရားစီရင်ရေးဆိုင်ရာရုံးများကို မည်သို့ဖွဲ့စည်းထားသနည်း။
၂၀၀၈ခုနှစ် ဖွဲ့စည်းပုံအခြေခံဥပဒေ ပုဒ်မ ၂၉၃ အရ
နိုင်ငံတော်၏ တရားစီရင်ရေးဆိုင်ရာရုံးများကို အောက်ပါအတိုင်းဖွဲ့စည်းသည်-
(က) ပြည်ထောင်စုတရားလွှတ်တော်ချုပ်၊ တိုင်းဒေသကြီးတရားလွှတ်တော်များ၊ ပြည်နယ်တရားလွှတ်တော်များ၊ ကိုယ် ပိုင်အုပ်ချုပ်ခွင့်ရတိုင်းတရားရုံးများ၊ ကိုယ်ပိုင်အုပ်ချုပ်ခွင့်ရဒေသတရားရုံးများ၊ ခရိုင်တရားရုံးများ၊ မြို့နယ်တရားရုံးများ နှင့် ဥပဒေအရတည်ထောင်ထားသော အခြားတရားရုံးများ၊
(ခ) စစ်ဘက်ဆိုင်ရာတရားရုံးများ၊
(ဂ) နိုင်ငံတော်ဖွဲ့စည်းပုံအခြေခံဥပဒေဆိုင်ရာခုံရုံး။
၁၈။ နိုင်ငံတော်၏ အမြင့်ဆုံးတရားရုံးကို ဖော်ပြပါ။
၂၀၀၈ခုနှစ် ဖွဲ့စည်းပုံအခြေခံဥပဒေ ပုဒ်မ ၂၉၄ အရ
စစ်ဘက်ဆိုင်ရာတရားရုံးများနှင့် နိုင်ငံတော်ဖွဲ့စည်းပုံအခြေခံဥပဒေဆိုင်ရာခုံရုံး၏ စီရင်ပိုင်ခွင့်အာဏာများကို မထိခိုက်စေ ဘဲ ပြည်ထောင်စုတရားလွှတ်တော်ချုပ်သည် နိုင်ငံတော်၏ အမြင့်ဆုံးတရားရုံးဖြစ်သည်။
၁၉။ပြည်ထောင်စုတရားလွှတ်တော်ချုပ်မှ ထုတ်ပိုင်ခွင့်ရှိသည့် စာချွန်တော်အမိန့်များကို ဖော်ပြပါ။
၂၀၀၈ခုနှစ် ဖွဲ့စည်းပုံအခြေခံဥပဒေ ပုဒ်မ ၂၉၆(က)အရ
ပြည်ထောင်စုတရားလွှတ်တော်ချုပ်သည် အောက်ပါစာချွန်တော်အမိန့်များထုတ်ပိုင်ခွင့်အာဏာရှိသည်-
(၁)ရှေ့တော်သွင်းစာချွန်တော်အမိန့်၊
(၂)အာဏာပေးစာချွန်တော်အမိန့်၊
(၃) တားမြစ်စေစာချွန်တော်အမိန့်၊
(၄) အာဏာပိုင်မေးစာချွန်တော်အမိန့်၊
(၅) အမှုခေါ်စာချွန်တော်အမိန့်
၂၀။ တိုင်းဒေသကြီးတရားလွှတ်တော်များ သို့မဟုတ် ပြည်နယ်တရားလွှတ်တော်များ၏ စီရင်ပိုင်ခွင့်အာဏာများကို ဖော်ပြပါ။
၂၀၀၈ခုနှစ် ဖွဲ့စည်းပုံအခြေခံဥပဒေ ပုဒ်မ ၃၀၆ အရ
တိုင်းဒေသကြီး သို့မဟုတ် ပြည်နယ်တရားလွှတ်တော်များတွင် ဥပဒေနှင့်အညီ အောက်ပါတရားစီရင်ပိုင်ခွင့်အာဏာများ ရှိသည်-
(က) မူလမှုကိုစီရင်ခြင်း၊
(ခ) အယူခံမှုကိုစီရင်ခြင်း၊
(ဂ) ပြင်ဆင်မှုကိုစီရင်ခြင်း၊
(ဃ) ဥပဒေတစ်ရပ်ရပ်အရ သတ်မှတ်ထားသောကိစ္စရပ်များကို စီရင်ခြင်း။
၂၁။ ခရိုင်တရားရုံးများ၏ စီရင်ပိုင်ခွင့်အာဏာများကို ဖော်ပြပါ။
၂၀၀၈ခုနှစ် ဖွဲ့စည်းပုံအခြေခံဥပဒေ ပုဒ်မ ၃၁၅ အရ
ခရိုင်တရားရုံးများ၊ ကိုယ်ပိုင်အုပ်ချုပ်ခွင့်ရတိုင်းတရားရုံးများ၊ ကိုယ်ပိုင်အုပ်ချုပ်ခွင့်ရဒေသတရားရုံးများသည် ဥပဒေနှင့်အ ညီ ပြစ်မှုဆိုင်ရာမူလမှုများ၊ တရားမမူလမှုများကိုလည်းကောင်း၊ အယူခံမှုများနှင့် ပြင်ဆင်မှုများကိုလည်းကောင်း၊ ဥပဒေ တစ်ရပ်ရပ်အရ သတ်မှတ်ထားသော ကိစ္စရပ်များကိုလည်းကောင်း စီရင်ပိုင်ခွင့်အာဏာရှိသည်။
၂၂။ မြို့နယ်တရားရုံးများ၏ စီရင်ပိုင်ခွင့်အာဏာများကို ဖော်ပြပါ။
၂၀၀၈ခုနှစ် ဖွဲ့စည်းပုံအခြေခံဥပဒေ ပုဒ်မ ၃၁၆ အရ
မြို့နယ်တရားရုံးများသည် ဉပဒေနှင့်အညီ ပြစ်မှုဆိုင်ရာမူလမှုများ၊ တရားမမူလမှုများကိုလည်းကောင်း၊ ဉပဒေတစ်ရပ် ရပ်အရ သတ်မှတ်ထားသောကိစ္စရပ်များကိုလည်းကောင်း စီရင်ပိုင်ခွင့် အာဏာရှိသည်။
၂၃။ နိုင်ငံတော်ဖွဲ့စည်းပုံအခြေခံဥပဒေဆိုင်ရာခုံရုံးတွင် အဖွဲ့ဝင်မည်မျှပါဝင်သနည်း။
၂၀၀၈ခုနှစ် ဖွဲ့စည်းပုံအခြေခံဥပဒေ ပုဒ်မ ၃၂၀ အရ
နိုင်ငံတော်ဖွဲ့စည်းပုံအခြေခံဥပဒေဆိုင်ရာခုံရုံးကို ဥက္ကဌအပါအဝင် အဖွဲ့ဝင် ကိုးဦးဖြင့်ဖွဲ့စည်းရမည်။
၂၄။ နိုင်ငံတော်ဖွဲ့စည်းပုံအခြေခံဥပဒေဆိုင်ရာခုံရုံး ဆုံးဖြတ်ချက်၏ အကျိုးသက်ရောက်မှုကို ဖော်ပြပါ။
၂၀၀၈ခုနှစ် ဖွဲ့စည်းပုံအခြေခံဥပဒေ ပုဒ်မ ၃၂၄ အရ
နိုင်ငံတော်ဖွဲ့စည်းပုံအခြေခံဥပဒေဆိုင်ရာခုံရုံး၏ ဆုံးဖြတ်ချက်သည် အပြီးအပြတ်အတည်ဖြစ်သည်။
၂၅။ ပြည်ထောင်စုတရားလွှတ်တော်ချုပ်၏ အယူခံစီရင်ပိုင်ခွင့်အာဏာကိုဖော်ပြပါ။
၂၀၀၈ခုနှစ် ဖွဲ့စည်းပုံအခြေခံဥပဒေ ပုဒ်မ ၂၉၅(ဃ) အရ
ပြည်ထောင်စုတရားလွှတ်တော်ချုပ်သည် ဖွဲ့စည်းပုံအခြေခံဥပဒေပါ ပြဌာန်းချက်တစ်ရပ်ရပ်ကိုဖြစ်စေ၊ အခြားဥပဒေပါပြ ဌာန်းချက်တစ်ရပ်ရပ်ကိုဖြစ်စေ မဆန့်ကျင်စေဘဲ တိုင်းဒေသကြီး သို့မဟုတ် ပြည်နယ်တရားလွှတ်တော်၏ စီရင်ချက်များ ကိုဆုံးဖြတ်နိုင်သောအယူခံစီရင်ပိုင်ခွင့်အာဏာရှိသည်။ ထို့ပြင် အခြားတရားရုံးများကချမှတ်သောစီရင်ချက်များကိုလည်း ဥပဒေနှင့်အညီ စစ်ဆေးဆုံးဖြတ်နိုင်သော အယူခံစီရင်ပိုင်ခွင့်အာဏာရှိသည်။
LapeGYI-JO[4]သီးသန့်စာစဉ်မှ ကောက်နုတ်တင်ပြပါသည်။(အပိုင်း-၂)
ပြည်သူ့အတွက်ဥပဒေဗဟုသုတ🙏🙏🙏
U Win Min Zaw(ဥပဒေ)
LapeGYI(law)

JO- 4 ဖြေဆိုမည့် ညီ/ညီမ များအတွက်-----
ဥပဒေဘာသာရပ်
ဖွဲ့စည်းပုံအခြေခံဥပဒေ
(၂၀၀၈ ခုနှစ်)
(မှတ်ချက်။ သင်တန်းသား/သင်တန်းသူများအတွက် ၁၅နှစ် တာ မေးခွန်းဟောင်းများသာ လေ့လာရန်ဖြစ်ပါသည်။)
ရာထူးဝင်ခွင့်စာမေးပွဲတွင် ဥပဒေဘာသာရပ်မေးခွန်းလွှာမှာ နံပါတ် ၁ မေးခွန်းအနေနဲ့ မဖြစ်မနေ ဖြေဆိုရပြီးအ မှား ပါလို့ (လုံးဝ) မရတဲ့ဘာသာရပ်တစ်ရပ်ဖြစ်ပါသည်။ပေးမှတ်အများဆုံးပေးထားသောဘာသာရပ်လည်းဖြစ်ပေသည်။
ပြည်ထောင်စုသမ္မတမြန်မာနိုင်ငံတော် ဖွဲ့စည်းပုံအခြေခံဥပဒေ (၂၀၀၈ ခုနှစ်) တွင် အခန်း(၁၅)ခန်းပါရှိပြီး ပုဒ်မ ပေါင်း(၄၅၇)ခု ပါဝင်ပြဌာန်းထားပါသည်။
နှစ်ပေါင်း ၁၅ နှစ်နီးပါး အမေးများခဲ့သောမေးခွန်းဟောင်းများကို ပထမဦးစွာ ကဗျာလေးနှင့် မိတ်ဆက်ပေးလိုက်ပါသည်။
၂၀၀၈ခုနှစ် ဖွဲ့စည်းပုံအခြေခံဥပဒေ ကဗျာ (Jo-ဖြေဆိုသူများအတွက်သာ)
• ခက်မ ၃ ဖြာ ၁၁ ပါ
• အစိုးရအဖွဲ့ ဖွဲ့ခဲ့တာ ၂၀၀ အရပါကွာ
• တရားစီရင်ရေးမူဝါဒ အဲ့တာ ၁၉ ဗျ
• တရားစီရင်ရေးဆိုင်ရာရုံး အဲ့ဒါ ၂၉၃
• ခရိုင် မြို့နယ်စီရင်တယ် ၃၁၅ ပါကွယ်
• တိုင်းပြည်နယ်စီရင်ခွင့်အာဏာဆက် ၃၀၆ လို့မှတ်
• ခုံရုံးဆုံးဖြတ်အကျိုးသက် ၃၂၄ လို့မှတ်
• နိုင် ၄၇ မူလိုက်နာ ၄၈
• အခြေခံမူများဖြစ်တည်တယ် ၆ အရပါကွယ်
• ကိုယ်ပိုင်အုပ်ချုပ်ခွင့်ရ တိုင်းဒေသ ၅၆ ပါဟ
မေးခွန်းဟောင်းများနှင့် အဖြေများအား သေချာစွာ လေ့လာကျက်မှတ်သင့်ပေသည်။(၂၀ မှတ်တန် မေးလေ့ရှိပါသည်)
၁။ နိုင်ငံတော်၏ အချုပ်အခြာအာဏာသည် မည်သူတို့ထံမှ ဆင်းသက်လာသနည်း။
၂၀၀၈ခုနှစ်ဖွဲ့စည်းပုံအခြေခံဥပဒေ ပုဒ်မ ၄ အရ
နိုင်ငံတော်၏ အချုပ်အခြာအာဏာသည် နိုင်ငံသားများထံမှ ဆင်းသက်ပြီး နိုင်ငံတော်တစ်ဝန်းလုံး၌ တည်သည်။
၂။ နိုင်ငံတော်၏ အခြေခံမူများကိုဖော်ပြပါ။
၂၀၀၈ခုနှစ်ဖွဲ့စည်းပုံအခြေခံဥပဒေ ပုဒ်မ ၆ အရ
နိုင်ငံတော်သည်-
(က) ပြည်ထောင်စုမပြိုကွဲရေး၊
(ခ)တိုင်းရင်သားစည်းလုံးညီညွတ်မှုမပြိုကွဲရေး၊
(ဂ) အချုပ်အခြာအာဏာတည်တံ့ခိုင်မြဲရေး၊
(ဃ) စစ်မှန်၍ စည်းကမ်းပြည့်ဝသော ပါတီစုံဒီမိုကရေစီစနစ် ထွန်းကားရေး၊
(င) နိုင်ငံတော်၌ တရားမျှတခြင်း၊လွတ်လပ်ခြင်းနှင့်ညီမျှခြင်းတည်းဟူသော လောကပါလတရားများပိုမိုထွန်းကားရေးနှင့် (စ) နိုင်ငံတော်၏ အမျိုးသားနိုင်ငံရေးဦးဆောင်မှု အခန်းကဏ္ဍတွင် တပ်မတော်ကပါဝင်ထမ်းဆောင်နိုင်ရေးတို့ကို အစဉ် တစိုက်ဦးတည်သည်။
၃။ နိုင်ငံတော်သည် မည်သည့်စနစ်ကို ကျင့်သုံးသနည်း။
၂၀၀၈ခုနှစ်ဖွဲ့စည်းပုံအခြေခံဥပဒေ ပုဒ်မ ၇ အရ
နိုင်ငံတော်သည် စစ်မှန်၍ စည်းကမ်းပြည့်ဝသော ပါတီစုံဒီမိုကရေစီစနစ်ကို ကျင့်သုံးသည်။
၄။ နိုင်ငံတော်ကို မည်သည့်စနစ်ဖြင့် တည်ဆောက်ထားသနည်း။
၂၀၀၈ခုနှစ်ဖွဲ့စည်းပုံအခြေခံဥပဒေ ပုဒ်မ ၈ အရ
နိုင်ငံတော်ကို ပြည်ထောင်စုစနစ်ဖြင့် ဖွဲ့စည်းတည်ဆောက်သည်။
၅။နိုင်ငံတော်၏ ခက်မ ၃ ဖြာကိုဖော်ပြ၍ အာဏာများကို မည်သို့ ခွဲဝေသုံးစွဲသနည်း။
၂၀၀၈ခုနှစ်ဖွဲ့စည်းပုံအခြေခံဥပဒေ ပုဒ်မ ၁၁ အရ
(က) နိုင်ငံတော်အချုပ်အခြာအာဏာ၏ ခက်မသုံးဖြာဖြစ်သည့် ဥပဒေပြုရေးအာဏာ၊ အုပ်ချုပ်ရေးအာဏာနှင့် တရားစီ ရင်ရေးအာဏာတို့ကို တတ်နိုင်သမျှပိုင်းခြားသုံးစွဲခြင်းနှင့် အချင်းချင်းအပြန်အလှန် ထိန်းကျောင်းခြင်းတို့ပြုသည်။
(ခ) နိုင်ငံတော်အာဏာ သုံးရပ်ကို ပြည်ထောင်စု၊ တိုင်းဒေသကြီးများ၊ ပြည်နယ်များနှင့် ကိုယ်ပိုင်အုပ်ချုပ်ခွင့်ရ စီရင်စုများ အားခွဲဝေအပ်နှင်းသည်။
၆။ တရားစီရင်ရေးအာဏာခွဲဝေအပ်နှင်းပုံနှင့် နိုင်ငံတော်၏ အမြင့်ဆုံးတရားရုံးကိုဖော်ပြပါ။
၂၀၀၈ခုနှစ်ဖွဲ့စည်းပုံအခြေခံဥပဒေ ပုဒ်မ ၁၈ အရ
(က) နိုင်ငံတော်၏တရားစီရင်ရေးအာဏာကို ပြည်ထောင်စုတရားလွှတ်တော်ချုပ်၊ တိုင်းဒေသကြီးတရားလွှတ်တော်များ၊ ပြည်နယ်တရားလွှတ်တော်များနှင့် ကိုယ်ပိုင်အုပ်ချုပ်ခွင့်ရစီရင်စု တရားရုံးများ အပါအဝင် အဆင့်ဆင့်သောတရားရုံးများ အားခွဲဝေအပ်နှင်းသည်။
(ခ) ပြည်ထောင်စုတွင် ပြည်ထောင်စုတရားလွှတ်တော်ချုပ်တစ်ရပ်ထားရှိသည်။ ပြည်ထောင်စုတရားလွှတ်တော်ချုပ် သည် နိုင်ငံတော်၏ အမြင့်ဆုံးတရားရုံးဖြစ်သည်။
၇။နိုင်ငံတော်၏ တရားစီရင်ရေးမူဝါဒများကိုဖော်ပြပါ။
၂၀၀၈ခုနှစ် ဖွဲ့စည်းပုံအခြေခံဥပဒေ ပုဒ်မ ၁၉ အရ
(က) ဉပဒေနှင့်အညီ လွတ်လပ်စွာ တရားစီရင်ရေး၊
(ခ) ဉပဒေအရ ကန့်သတ်ချက်များမှအပ ပြည်သူ့ရှေ့မှောက်တွင် တရားစီရင်ရေး၊
(ဂ) အမှုများတွင် ဉပဒေအရ ခုခံချေပခွင့်နှင့် အယူခံပိုင်ခွင့် ရရှိရေး တို့ဖြစ်ပါသည်။
၈။ တရားရုံး၏ ခွင့်ပြုချက်မရရှိဘဲ နိုင်ငံသားတစ်ဦးကို မည်မျှထက်ပို၍ ချုပ်နှောင်ခွင့်မရှိသနည်း။
၂၀၀၈ခုနှစ် ဖွဲ့စည်ပုံအခြေခံဥပဒေ ပုဒ်မ ၂၁ အရ
(ခ)တရားရုံး၏ခွင့်ပြုချက်မရရှိက နိုင်ငံသားတစ်ဉီးကို ၂၄ နာရီထက် ကျော်လွန်၍ ချုပ်နှောင်ထားခွင့်မရှိစေရ။
၉။ နိုင်ငံတော်သည် မည်သည့်စီးပွားရေးစနစ်ဖြစ်သနည်း။
၂၀၀၈ခုနှစ် ဖွဲ့စည်းပုံအခြေခံဥပဒေ ပုဒ်မ ၃၅ အရ
နိုင်ငံတော်၏ စီးပွားရေးစနစ်သည် ဈေးကွက်စီးပွားရေးစနစ် ဖြစ်သည်။
၁၀။ နိုင်ငံတော်သည် မည်သည့်နိုင်ငံခြားရေးမူဝါဒများကို ကျင့်သုံးသနည်း။
၂၀၀၈ခုနှစ် ဖွဲ့စည်းပုံအခြေခံဥပဒေ ပုဒ်မ ၄၁ အရ
နိုင်ငံတော်သည် လွတ်လပ်၍ တက်ကြွပြီးဘက်မလိုက်သော နိုင်ငံခြားရေးဝါဒကိုကျင့်သုံးသည်။ ကမ္ဘာ့ငြိမ်းချမ်းရေးနှင့် နိုင်ငံအချင်းချင်း မိတ်ဝတ်မပျက်ပေါင်းဖက်ဆက်ဆံရေးကို ရှေးရှုသည်။ နိုင်ငံအချင်းချင်း ငြိမ်းချမ်းစွာအတူယှဉ်တွဲနေထိုင် ရေးမူများကို စောင့်ထိန်းသည်။
၁၁။ ပြစ်မှုဆိုင်ရာဥပဒေတစ်ရပ်ရပ်အား နောက်ကြောင်းပြန်အာဏာသက်ရောက်စေရန် ပြဌာန်းခွင့်ရှိပါသလား။
၂၀၀၈ခုနှစ် ဖွဲ့စည်းပုံအခြေခံဥပဒေ ပုဒ်မ ၄၃ အရ
မည်သည့်ပြစ်မှုဆိုင်ရာဥပဒေမျှ နောက်ကြောင်းပြန်အာဏာသက်ရောက်စေရန် ပြဌာန်းခွင့် မရှိစေရ။
၁၂။နိုင်ငံတော်တွင် မည်သည့်ပြစ်ဒဏ်မျိုးပြဌာန်းခွင့် မရှိသနည်း။
၂၀၀၈ခုနှစ် ဖွဲ့စည်းပုံအခြေခံဥပဒေ ပုဒ်မ ၄၄ အရ
လူ့သိက္ခာညိှုးနွမ်းသေးသိမ်စေသည့် ပြစ်ဒဏ်ပြဌာန်းခွင့် မရှိစေရ။
၁၃။နိုင်ငံတော် ဆိုသည်မှာ အဘယ်နည်း။
၂၀၀၈ခုနှစ် ဖွဲ့စည်းပုံအခြေခံဥပဒေ ပုဒ်မ ၄၇ အရ
နိုင်ငံတော် ဆိုသည်မှာ ရှေ့နောက်စကားရပ်တို့၏ အဓိပ္ပာယ်ကိုထောက်၍ ဤဖွဲ့စည်းပုံအခြေခံဥပဒေအရ ဥပဒေပြုမှုအ ခွင့်အာဏာကို သော်လည်းကောင်း၊ အုပ်ချုပ်မှုအခွင့်အာဏာကိုသော်လည်းကောင်း ကျင့်သုံးသောအဖွဲ့အစည်း သို့မဟုတ် ပုဂ္ဂိုလ်ကိုဆိုသည်။
၁၄။နိုင်ငံတော်၏ အခြေခံမူများသည် မည်သည့်ကိစ္စများတွင် လိုက်နာရမည့် လမ်းညွှန့်များ ဖြစ်သနည်း။
၂၀၀၈ခုနှစ် ဖွဲ့စည်းပုံအခြေခံဥပဒေ ပုဒ်မ ၄၈ အရ
နိုင်ငံတော်အခြေခံမူများသည် ဥပဒေပြုလွှတ်တော်များက ဥပဒေပြဌာန်းရာတွင်လည်းကောင်း၊ ဤဖွဲ့စည်းပုံအခြေခံ ဥပဒေနှင့် အခြားဥပဒေများပါ ပြဌာန်းချက်များကိုသက်ဆိုင်ရာက အနက်အဓိပ္ပာယ်ဖွင့်ဆိုရာတွင်လည်းကောင်း လိုက်နာ ရမည့်လမ်းညွန်များဖြစ်သည်။
LapeGYI-Jo[4] သီးသန့်စာစဉ်မှ ကောက်နုတ်တင်ပြပါသည်။(အပိုင်း - ၁)
ပြည်သူ့အတွက်ဥပဒေဗဟုသုတ🙏🙏🙏
U Win Min Zaw( ဥပဒေ)
LapeGYI( law)

Jo ဖြေဆိုမည့် ညီ/ညီမငယ်တို့ စာမေးပွဲအတွက် "ခိုးမှု" အကြောင်းသိကောင်းစရာ
ရာဇသတ်ကြီး ပုဒ်မ ၃၇၈
တစ်ဦးတစ်ယောက်သောသူ၏ လက်ရှိမှ ထိုသူသဘောမတူဘဲ မည်သူမဆို မရိုးမဖြောင့်သောသဘောဖြင့် ရွေ့ ပြောင်းနိုင်သော ပစ္စည်းတစ်ခုခုကို ယူရန်ကြံရွယ်၍ ထိုသို့ယူရန်ကိစ္စအလို့ငှာ ထိုပစ္စည်းရွေ့စေလျှင် ထိုသူသည် ခိုးမှုကျူး လွန်သည် မည်၏။
(ဥပမာ- သစ်ပင်သည် မရွေ့မပြောင်းနိုင်သော်လည်း ခုတ်လှဲပြီးနေရာ ရွေ့စေလျှင် ခိုးမှုမြောက်ပေသည်)
ပြစ်မှုမြောက်ရန် လိုအပ်သောအင်္ဂါရပ် (၅) ရပ်ရှိပါသည်-
-တစ်ဦးတစ်ယောက်၏ လက်ရှိဖြစ်ခြင်း
-ထိုသူသဘောတူညီချက် မရှိခြင်း
-မရိုးမဖြောင့်သော သဘောရှိခြင်း
-ရွေ့ပြောင်းနိုင်သော ပစ္စည်းဖြစ်ခြင်း
-ထိုပစ္စည်းကို ယူရန်ကြံရွယ်၍ နေရာရွေ့စေခြင်း တို့ဖြစ်သည်။
ခိုးမှု၏ ပြစ်ဒဏ်ပုဒ်မ
ရာဇသတ်ကြီး ပုဒ်မ ၃၇၉
မည်သူမဆို ခိုးမှုကိုကျူးလွန်လျှင် ထိုသူကို ၃နှစ်ထိ ထောင်ဒဏ်တစ်မျိုးမျိုးဖြစ်စေ၊ ငွေဒဏ်ဖြစ်စေ၊ ဒဏ်နှစ်ရပ် လုံးဖြစ်စေ ချမှတ်ရမည်။
ရာဇသတ်ကြီး ပုဒ်မ ၃၈၀
လူနေထိုင်ရန်သော်လည်းကောင်း၊ ပစ္စည်းသိုလှောင်ရန်သော်လည်းကောင်း အသုံးပြုသော အဆောက်အအုံ သို့ မဟုတ် တဲ သို့မဟုတ် ရေယာဉ်တစ်ခုခုအတွင်းတွင် မည်သူမဆို ခိုးမှုကို ကျူးလွန်လျှင် ထိုသူကို ၇နှဈထိထောငျဒဏျ တစ်မျိုးမျိုးချမှတ်ရမည့်ပြင် ငွေဒဏ်လည်း ချမှတ်နိုင်သည်။
(ကားပေါ် ခါးပိုက်နှိုက် မိ ခြင်းလည်းပါဝင်သည်။"ပြင်" ဆိုသည့်စကားလုံးလေးသည် မဖြစ်မနေထောင်ချရမည် ဟု အဓိပ္ပာယ်ရသည်။)
U Win Min Zaw (LapeGYI Jo[4] သီးသန့်စာစဉ်) မှ ကောက်နုတ်တင်ပြသည်။
ပြည်သူ့အတွက် ဉပဒေဗဟုသုတ🙏🙏🙏
LapeGYI-(law)

႐ုံးကအျပန္ ထမင္းစားၿပီး အားတဲ့အခ်ိန္ေလး စာဖတ္ေနခ်ိန္...လိပ္ႀကီးတေယာက္ မေယာင္မလည္နဲ႔ ေရာက္လာတယ္….
လိပ္ႀကီး။ ။ဆရာ… ေနေကာင္းပါစဗ်…
က်ေတာ္။ ။ ေကာင္းပါ့ကြာ..ကဲ…ဆိုစမ္းပါဦး..လာရတဲ့အေၾကာင္းေလး…..
လိပ္ႀကီး။ ။ဒီလိုပါ..ဆရာရယ္..မနက္ကေဈးထဲေရာက္တယ္..ေဈးထဲမွာ ေဈးဝယ္သူနဲ႔ေရာင္းသူ ရန္ျဖစ္
ေနၾကတယ္ဗ်..သိခ်င္တာနဲ႔ ေဘးက အန္တီႀကီးကိုေမးၾကည့္ေတာ့ အေလးမျပည့္လို့တဲ့ ျပ
ႆနာတတ္ေနၾကတာတဲ့ ဆရာ..အဲ့ကိစၥကို ဥပေဒမွာ ျပဌာန္းထားတာမရွိဘူးလား..ဆရာ…
က်ေတာ္။ ။အင္း..မင္းကသိခ်င္မွေတာ့..ေျပာျပ/ရွင္းျပေပးရတာေပါ့ကြာ……
ရာဇသတ္ႀကီးဥပေဒစာအုပ္ရဲ့ အခန္း ၁၃ မွာ မင္းသိခ်င္တဲ့အေၾကာင္းအရာအျပည့္အစုံကို ျပဌာန္းထားတယ္ကြ…..အတိုခ်ဳပ္ေလးေျပာျပေပးမယ္..အက်ယ္ေတာ့..ရွာဖတ္ၾကည့္ကြာ…
တို့ နိုင္ငံအေနနဲ႔ စံအေလးခ်ိန္ရယ္လို့ သီးျခားခြဲၿပီးျပဌာန္းမထားေပမယ့္ ေရာင္းသူနဲ႔ဝယ္သူ ႏွစ္ဦးသေဘာတူအသုံးျပဳရန္ရည္ရြယ္သည့္ အေလးခ်ိန္ထက္ေလ်ာ့နည္းသည့္ အေလးခ်ိန္ကို အသုံးျပဳလၽွင္ မမွန္ေသာ အေလး၊ အခ်ိန္အတြယ္ကို သုံးသည္ဟု ဆိုရမည္ ျဖစ္သည္။
ပုဒ္မ ၂၆၄ ။ ။ မည္သူမဆို မမွန္ေၾကာင္းသိေသာ အခ်ိန္အတြယ္ ကိရိယာတစ္ခုခုကို လိမ္လည္လွည့္ျဖား လိုေသာ သေဘာျဖင့္ အသုံးျပဳလၽွင္၊ ထိုသူကို တစ္ႏွစ္ထိ ေထာင္ဒဏ္တမ်ိဳးမ်ိဳးျဖစ္ေစ၊ ေငြဒဏ္ျဖစ္ေစ၊ ဒဏ္ႏွစ္ရပ္လုံးျဖစ္ေစ ခ်မွတ္ရမည္။
ျပစ္မွုေျမာက္ရန္ အေထာက္အထားကေတြကေတာ့……..
(၁) တရားခံသည္ ကိရိယာ တခုခုကို အသုံးျပဳျခင္း။
(၂) ထိုကိရိယာမွာ အခ်ိန္အတြယ္အတြက္ျဖစ္ျခင္း။
(၃) ထိုကိရိယာသည္ မမွန္မကန္ျခင္း။
(၄) ထိုသို့ မမွန္မကန္ေၾကာင္းကို တရားခံသိျခင္း။
(၅) တရားခံသည္ လိမ္လည္လွည့္ျဖားလိုေသာ သေဘာျဖင့္ အသုံးျပဳျခင္း။
ရဲအေရးေတာ့မပိုင္ဘူးကြ…အာမခံေတာ့ ေပးနိုင္တယ္..ေက်ေအးခြင့္ေတာ့မရွိဘူး…
အခန္း ၁၃ မွာ ပါတဲ့ ပုဒ္မ ၂၆၄ ကေန ၂၆၇ ထိကို ေမာင္လိပ္ႀကီးအေနနဲ႔ ေသခ်ာေလး ရွာဖတ္ၾကည့္ေစခ်င္တယ္…မသိမသာေလး ကြဲလြဲခ်က္ေလးေတြရွိတယ္ကြ… ….
လိပ္ႀကီး ။ ။ေဈးထဲမွာ ျဖစ္တဲ့ျပႆနာကမေျပာ ပ,ေလာက္ေပမယ့္ ေရႊဆိုင္မွာသာျဖစ္ရင္ေရာ. ဆရာ..
က်ေတာ္ ။ ။ေမးခြန္းေကာင္းဘဲကြ…ပုဒ္မေျပာင္းၿပီေပါ့ကြာ……ေမာင္လိပ္ရ….
ေမာင္လိပ္တေယာက္အေတြးေပါင္းစုံျဖင့္ ႏွုတ္ဆက္ၿပီးျပန္သြားေလသည္။ ေနာက္ေန႔လာေမးမွာ ေသခ်ာသည္………..
ဆရာႀကီးဦးသက္ေဖ၏ျပစ္မွုဆိုင္ရာ သိေကာင္းစရာမ်ားထဲမွ မွတ္မိသေလာက္ျပန္လည္တင္ျပရျခင္း…
ျပည္သူ႔အတြက္ဥပေဒဗဟုသုတ 🙏🙏🙏
Lapegyi(apprentice-law)

ယခုတခါ မိဘျပည္သူညီအစ္ကိုေမာင္ႏွမ်ားအတြက္...စီးပြားေရးအဆင္မေျပလို႔ ဆိုၿပီး လြဲမွားတဲ့လုပ္ရက္ မျဖစ္ေစဖို႔အတြက္ ရည္ရြယ္ၿပီး...ဥပေဒ ဗဟုသုတ အေနနဲ႔ တင္ျပေပးပါရေစ 🙏

*ခိုးမႈ- ျပစ္ဒဏ္ #ပုဒ္မ ၃၇၉ #
မည္သူမဆို ခိုးမႈကိုက်ဴးလြန္လွ်င္ ေထာင္ဒဏ္ ၃ ႏွစ္ ထိျဖစ္ေစ၊ ေငြဒဏ္ျဖစ္ေစ၊ ဒဏ္ ၂ ရပ္လံုး ျဖစ္ေစ ခ်မွတ္ႏိုင္သည္။
ခိုးမႈေျမာက္ရန္ လိုအပ္ေသာ အဂၤါရပ္မ်ားမွာ--
-တဦးတေယာက္ေသာသူ၏ လက္ရိွပစၥည္း ျဖစ္ျခင္း
-ပစၥည္းသည္ ေရႊ႕ေျပာင္းႏိုင္ေသာပစၥည္းျဖစ္ျခင္း
-လက္ရိွျဖစ္သူ သေဘာမတူျခင္း
-မ႐ိုးမေျဖာင့္ေသာ သေဘာပါရိွျခင္း
-မ႐ိုးမေျဖာင့္ေသာ သေဘာျဖင့္ ယူရန္ ႀကံရြယ္၍ ေနရာမွ ေရႊ႕ေစျခင္း မ်ား ရိွရမည္။
ရဲအေရးပိုင္သည္။အာမခံမရပါဘူးခဗ်..

*ေျခာက္လွန္႔ေတာင္းယူမႈ -ျပစ္ဒဏ္ #ပုဒ္မ ၃၈၄ #
မည္သူမဆို ေျခာက္လွန္႔ေတာင္းယူမႈကို က်ဴးလြန္လွ်င္ ေထာင္ဒဏ္ ၃ ႏွစ္ထိျဖစ္ေစ၊ ေငြဒဏ္ ျဖစ္ေစ၊ ဒဏ္၂ ရပ္လံုးျဖစ္ေစ ခ်မွတ္ရမည္။
လိုအပ္ေသာ အဂၤါရပ္မ်ားမွာ----
-နစ္နာေစမည္ဟု ေၾကာက္ေအာင္ တမင္ျပဳျခင္းရိွရမည္။
-ပစၥည္းမေပးမီ ေၾကာက္ေအာင္တမင္ျပဳျခင္း
-ေျခာက္လွန္႔ျခင္းခံရသူကိုျဖစ္ေစ၊ အျခားသူကို ျဖစ္ေစ နစ္နာေစမည္ဟု ေၾကာက္ေအာင္ေျခာက္လွန္႔ျခင္း
-ေၾကာက္ေအာင္တမင္ျပဳျခင္းခံရသူအား ပစၥည္းတစံုတရာ ေပးအပ္ေစရန္ မ႐ိုးမေျဖာင့္ေသာ သေဘာျဖင့္ ေသြးေဆာင္ျခင္း တို႔ ျဖစ္ရမည္။

ဥပမာ--ေငြမေပးလွ်င္ ေမာင္္လိပ္၏ အသေရပ်က္ေစမည့္ စာကို ေၾကျငာမည္ဟု ေမာင္ႀကီးက ေမာင္လိပ္ကို ၿခိမ္းေျခာက္၏။ဤနည္းျဖင့္ မိမိအားေငြေပးေစရန္ ေမာင္ႀကီးသည္ ေမာင္လိပ္ကို ေသြးေဆာင္၏။ ေမာင္ႀကီးသည္ "ေျခာက္လွန္႔ေတာင္းယူမႈ" ကိုက်ဴးလြန္သည္။

*လုယက္မႈ- ျပစ္ဒဏ္ #ပုဒ္မ ၃၉၂ #
မည္သူမဆို လုယက္မႈကိုက်ဴးလြန္လွ်င္ အလုပ္ၾကမ္းႏွင့္ ေထာင္ဒဏ္ ၁၀ ႏွစ္ထိခ်မွတ္ရမည့္အျပင္ ေငြဒဏ္လည္း ခ်မွတ္ႏိုင္သည္။ လုယက္မႈကို ေန၀င္ႏွင့္ ေနထြက္ၾကား အမ်ား ျပည္သူသြားလာရာလမ္းတြင္ က်ဴးလြန္လွ်င္ ေထာင္ဒဏ္ ၁၄ ႏွစ္ထိ ခ်မွတ္ႏိုင္သည္။

ျပည္သူ႕အတြက္ ဥပေဒဗဟုသုတ🙏🙏🙏
Lapegyi( apprentice-law)

မိဘျပည္သူညီအစ္ကိုေမာင္ႏွမမ်ား အတြက္-အေမးမ်ားေသာေငြေရးေၾကးေရး ျပသနာ မ်ား /ဟန္ေဆာင္စာခ်ဳပ္ စာတမ္းမ်ား----
---ရာဇသတ္ႀကီး ပုဒ္မ ၄၂၀
အေပါင္ခံျခင္းႏွင့္ ေငြေခ်းငွားတို့ဟာ ျပည္သူေတြၾကားမွာ အခါအားေလၽွာ္စြာရွိေနၾကတဲ့အခါမွာ တဖက္ႏွင့္တဖက္ ေငြေၾကးႏွင့္စပ္လ်ဥ္းၿပီးေတာ့မွ အျငင္းအခုံျဖစ္ၾကတဲ့ အခါ ျပစ္မွုေၾကာင္းအရျဖစ္ေစ၊ တရားမေၾကာင္းအရဘဲျဖစ္ေစ၊တရားစြဲဆိုျခင္း၊ အမွုတိုင္တန္းျခင္း၊မ်ားလာတာျဖစ္ပါတယ္။ တရားလိုဖက္က လိမ္လည္ရယူျခင္း၊ ယုံၾကည္မွု အပ္ႏွံေဖာက္ဖ်က္ျခင္း၊ တို့ႏွင့္အက်ိဳးဝင္ေအာင္ ေဖာ္ျပစြပ္စြဲသလို၊ တရားခံဘက္ကလည္း အတိုးႏွင့္ ေငြေခ်းယူေၾကာင္း ေဖာ္ျပစြပ္စြဲတာေတြရွိပါတယ္၊
ေခ်းေငြ သို့ ေႂကြးၿမီအတြက္ တရားမေၾကာင္း၊ရာဇဝတ္ေၾကာင္းတို့ျဖင့္ စြဲဆိုေလ့ရွိပါသည္။ရာဇဝတ္ေၾကာင္းစြဲဆိုမွုမ်ားတြင္ သိထားသင့္ေသာ စီရင္ထုံးမ်ားထဲမွက်ေတာ့္အေနျဖင့္ မိဘျပည္သူတို့အား ဗဟုသုတ အေနျဖင့္ ေလ့လာထားသမၽွထဲက ေကာက္ႏုတ္တင္ျပေပးလိုပါသည္…
တရားခံသည္ တရားလိုထံမွ ေငြကို အလီလီေခ်းယူခဲ့ရာ၌ အတိုးမ်ားေပးခဲ့ေၾကာင္း သက္ေသခံခ်က္မ်ား ရွိသည့္အျပင္ ေခ်းယူ ေငြအတြက္ ၄င္း၏ အိမ္ကိုေဈးျဖတ္ယူရန္ ညႇိုႏွိုင္းခဲ့ေၾကာင္းေပၚေပါက္ေပရာ တရားခံမ်ား၏ျပဳလုပ္မွုသည္ ရာဇသတ္ႀကီး ပုဒ္မ ၄၂၀ အရ လိမ္လည္မွုတြင္ အက်ိဳးဝင္သည္ဟု မဆိုသာေခ်။(ေဒၚသန္းသန္းႏြဲ႕ ႏွင့္ ျပည္ေထာင္စု သမၼတ ျမန္မာနိုင္ငံေတာ္ပါ ၂) ၂၀၁၂ ခုႏွစ္ ျမန္မာနိုင္ငံ တရားစီရင္ စာ ၅၉)
လိမ္လည္မွုႏွင့္ ယုံၾကည္အပ္ႏွံေရး ေဖာက္ဖ်က္မွုတို့တြင္ တရားခံက မရိုးမေျဖာင့္ေသာသေဘာျဖင့္ က်ဴးလြန္ျခင္း ရွိ/ မရွိ မွာ အဓိက ျဖစ္သည္။ ထိုသို့ေသာ သေဘာ မရွိပါက ျပစ္မွုမေျမာက္ေပ/(ျပည္ေထာင္စု ျမန္မာနိုင္ငံႏွင့္ ခင္ေမာင္လတ္ ပါ ၂ အမွု ၁၉၅၂ ခုႏွစ္၊ ျမန္မာနိုင္ငံ တရားစီရင္ထုံး(လြတ္ေတာ္)စာ ၁၁၄)
ေငြကိုလုံးဝျပန္မဆက္သျဖင့္ ရာဇသတ္ႀကီး ပုဒ္မ ၄၂၀ အရ စြဲဆိုရာ ေခ်းယူသည့္ေငြကို ျပန္ဆပ္ရန္မရြယ္ဘဲ ျပန္ဆပ္မည္ျဖစ္ေၾကာင္း ယုံၾကည္ေအာင္ျပဳမူလ်က္ တမင္လွည့္ျဖားၿပီး ေငြထုတ္ေခ်းေစရန္ မရိုးမေျဖာင့္ေသာသေဘာျဖင့္ ေသြးေဆာင္၍ ေငြကိုရယူလၽွင္ လိမ္လည္မွု ေျမာက္ေပသည္။(ဦးခ်စ္ေမာင္ႏွင့္ ျပည္ေထာင္စုဆိုရွယ္လစ္ သမၼတ ျမန္မာနိုင္ငံေတာ္ ပါ ၂၊ ၁၉၈၁ခုႏွစ္၊ ျမန္မာနိုင္ငံတရားစီရင္ထုံး စာ ၂၁)
ဟန္ေဆာင္စာခ်ဳပ္စာတမ္းမ်ား-----
ဟန္ေဆာင္အေရာင္းအဝယ္စာခ်ဳပ္ျဖင့္ ေငြေခ်းငွားမွုမ်ားတြင္ ေငြေခ်းငွားသူသည္ အမွုပုံစံမွန္ကန္စြာျဖင့္ တရားစြဲဆိုျခင္း မျပဳပါကအမွုရွုံးမည္ျဖစ္၍ နစ္နာနိုင္ပါသည္။ ေငြေခ်းသူသည္ ကာလစည္းကမ္းသတ္အတြင္း မွန္ကန္သည့္ အမွုပုံစံျဖင့္ ျပန္လည္တရားစြဲဆိုၿပီး ဥပေဒႏွင့္အညီ သက္ေသထင္ရွား ျပနိုင္ပါက ၄င္း၏နစ္နာမွုကို ျပန္လည္ကုစားေပးနိုင္သည္။
ေခ်းေငြရလိုမွုအျဖစ္ ျပန္လည္စြဲဆိုရာ ဟန္ေဆာင္အိမ္ေျမ အေရာင္းအဝယ္ စာခ်ဳပ္ကိုအေထာက္အထားအျဖစ္ ဉပေဒ၊ လုပ္ထုံးလုပ္နည္းမ်ားႏွင့္အညီသက္ေသခံအျဖစ္ တင္ျပခြင့္ရွိပါသည္။
ဟန္ေဆာင္အိမ္ေျမအေရာင္းအဝယ္ စာခ်ဳပ္မ်ားႏွင့္ ပက္သက္၍ တရား႐ုံးမ်ားက တေျပးညီ လိုက္နာရန္ ဆုံးျဖတ္ထားေသာ စီရင္ထုံးမ်ားထဲမွ ေကာက္ႏုတ္ေဖာ္ျပေပးပါရေစ…….
(၁) နိုင္ငံေတာ္ကူးသန္းေရာင္းဝယ္ေရးဘဏ္ႏွင့္ သခင္ေပၚညႊန႔္ အမွု၊၁၉၆၇၊ျမန္မာနိုင္ငံတရားစီရင္ထုံး စာ ၇၀၁
(၂) ဦးျပဴး ပါ၂ ႏွင့္ ဦးေငြထြန္း ပါ ၂ အမွု၊ ၁၉၇၅ ျမန္မာနိုင္ငံတရားစီရင္ထုံး၊ စာ ၄၉
(၃) ဦးထြန္းခ်စ္ႏွင့္ ဦးစိုးနိုင္ အမွု၊၂၀၀၂ခုနစ္၊ ျမန္မာနိုင္ငံတရားစီရင္ထုံး၊ စာ ၃၄၇

ျပည္သူ႔အတြက္ ဥပေဒဗဟုသုတ🙏🙏🙏
(apprentice-law)