U Aung Moe Zaw English Language Academy

4 October 2023 ဖွင့်မည့် online အတန်းများအတွက် လိုအပ်သည့် file များ၊ zoom invitation များကို သင်တန်းအပ်ထားသူများ၏ သက်ဆိုင်ရာ email များသို့ ပို့ပြီးပါပြီ။ email များသည် တစ်ခါတလေ spam ထဲသို့ရောက်သွားတတ်ပါသဖြင့် inbox မှာ မတွေ့ပါက spam ထဲမှာ ကြည့်ပေးပါ ခင်ဗျာ။ မရပါက messenger မှာ လာပြောပေးပါ။ သင်တန်းများအပ်လို့လည်း ရပါသေးတယ် ခင်ဗျာ။ ကျေးဇူးတင်ပါတယ်။

4 October 2023 (Wednesday) စမည့် သင်တန်းများအတွက် လိုအပ်သည့် file များကို သင်တန်းအပ်ထားသူများ၏ သက်ဆိုင်ရာ email များသို့ပို့ပြီးပါပြီ။ မရပါက messenger မှာ လာပြောပေးပါ။ zoom invitation ကို တနင်္လာနေ့ မနက် email ပို့ပါမယ်။ သင်တန်းများ အပ်လို့လည်း ရပါသေးတယ် ခင်ဗျာ။

ဆရာ့အတန်းမှာ ဆရာ့ရဲ့စေတနာတွေကို အတိုင်းသားမြင်ရပါတယ်လို့ သင်တန်းသား တွေက ပြောလာပါတယ်။ ဒီလိုမျိုးကြားရရင် ကိုယ့်စေတနာကို သင်တန်းတက်နေတဲ့သူတွေ သိရှိခံစားရကြောင်း သိရလို့ သိပ်စိတ်ကြည်နူးပီတိ ဖြစ်ရပါတယ်။

BBC Learning English

Stative verbs တွေကို continuous tense နဲ့သုံးခြင်း

အင်္ဂလိပ်စာမှာ အခြေအနေတွေ (states) အကြောင်းပြောတဲ့၊ လုပ်ဆောင်ချက် (actions) တွေ အကြောင်းကိုမပြောတဲ့ ကြိယာ တချို့ရှိပါတယ်။ ဒီကြိယာတွေကို state verbs လို့ခေါ်ပါတယ်။ အင်္ဂလိပ်ဘာသာ စကားရဲ့ စည်းကမ်းအရ state verbs တွေကို continuous tense မှာ သုံးလို့မရပါဘူး။ state verb နမူနာတွေကတော့ be, love, want, understand တို့လိုစာလုံးတွေပါပဲ။ state verbs တွေက များသောအားဖြင့် ခံစားချက်တွေ (feelings) သို့မဟုတ် ပိုင်ဆိုင်မှု (possession) သို့မဟုတ် အာရုံငါးပါး (sensory information) နဲ့ သက်ဆိုင်လေ့ရှိပါတယ်။

ဒါပေမယ့် state verbs တွေကို continuous tense နဲ့ သုံးလို့ရတဲ့ အခြေအနေတွေ ရှိပါတယ်။
state verbs တွေ တော်တော်များများက မတူတဲ့ ပုံစံ နှစ်မျိုး ရှိပါတယ်။ state ပုံစံ နဲ့ dynamic ပုံစံပါ။ state ပုံစံ နဲ့သုံးရင် အဓိပ္ပာယ် တစ်မျိုး dynamic ပုံစံနဲ့ သုံးရင် အဓိပ္ပာယ် တစ်မျိုးပါ။
ဒီ ဝါကျနှစ်ကြောင်းကို စဉ်းစားကြည့်ပါ။ have ကို state ပုံစံ၊ dynamic ပုံစံနဲ့ နှစ်မျိုးသုံးပြထားပါတယ်။
I have a car.
I’m having a shower.
ဒါမျိုးဟာ ကြိယာ be မှာ သိပ်ထင်ရှားပါတယ်။ be က continuous ပုံစံနဲ့ဆိုရင် ယာယီပြုမူတယ် (temporarily acting) လို့ အဓိပ္ပာယ်ထွက်ပါတယ်။
ဥပမာ
Mike’s usually so energetic: why’s he being so lazy? (ပုံမှန်ဆို Mike က အားအင်အပြည့်၊ စိတ်အားထက်သန်မှု အပြည့်နဲ့။ အခုမှ သူက ပျင်းရိနေတာ။ သူပျင်းနေတာ အခုတလောမှ ဖြစ်နေတာ။ ယာယီ။)

ထပ်ခါခါပြုလုပ်၊ ဖြစ်ပျက်နေတဲ့ အလေ့အကျင့်ကြောင့် စိတ်အနှောက်အယှက်ဖြစ်ရတာကိုပြောချင်ရင်လဲ state verbs တွေကို always ၊ forever ၊ constantly တို့လို adverb နဲ့တွဲပြီး continuous tense နဲ့ သုံးနိုင်ပါသေးတယ်။
I’m forever understanding things too late to do anything. (သဘောပေါက်နားလည်တာ အမြဲတမ်း နောက်ကျတော့ ဘာမှလုပ်မရတော့တဲ့ စိတ်အနှောက်အယှက်ဖြစ်ဖွယ် အလေ့အကျင့် အကြောင်းပြောတာပါ။)
I know I quit, but I’m constantly wanting a cigarette.
(ဆေးလိပ်ဖြတ်ထားပေမဲ့ တချိန်လုံး ဆေးလိပ်သောက်ချင်နေတဲ့ စိတ်အနှောက်အယှက်ဖြစ်စရာ အကျင့်အကြောင်းပြောတာ)

ယဉ်ကျေးအောင် နဲနဲတွန့်ဆုတ်ပြီး confidence မရှိတဲ့ လေသံပေါ်အောင်လည်း state verbs တွေကို continuous tense နဲ့ သုံးလို့ရပါတယ်။ ဒီလိုနည်းနဲ့ သူတစ်ပါးကိုတောင်းဆိုဖို့သိပ်အဆင်မပြေတဲ့အရာတွေကို less direct ဖြစ်အောင်၊ မရည်ရွယ်ဘဲ သူတစ်ပါး စိတ်ဆိုးမသွားအောင် ပြောဆိုနိုင်ပါတယ်။ ဒါမျိုးကို the past continuous ၊ the future continuous tense တွေနဲ့ အသုံးများပါတယ်။ အောက်ပါ ဥပမာ ဝါကျတွေမှာ state verb တွေဖြစ်တဲ့ want နဲ့ need ကို continuous နဲ့ သုံးထားတဲ့ ဝါကျကပိုယဉ်ကျေးပါတယ်။ တောင်းဆိုတာ less direct ဖြစ်လို့ပါ။

“Sorry to interrupt. I want to borrow the car.” Or, “Sorry to interrupt. I was wanting to borrow the car.” Or, “I’m going into town - I need some money.” Or, I’m going into town - I’ll be needing some money, so err…”

တစ်ခါတလေ စကားပြောနေတဲ့ အချိန်မှာ ပြင်းပြတဲ့ စိတ်ခံစားချက်ကို အလေးအနက်ပြချင်ရင်လည်း state verbs တွေကို တမင်တကာ continuous form နဲ့ သုံးလေ့ရှိပါတယ်။
ဥပမာ
“I went to a party last night and I was loving it!” Or, “I don’t care how long the chef took to cook it. I’m not accepting that.”

နောက်ဆုံးအနေနဲ့ ကျွန်တော်တို့ ဘယ်တော့မှ မမေ့ရမှာက state verbs တွေကို the continuous form နဲ့သုံးတဲ့ ပုံသေစကားစုတွေ (set phrases) နဲ့ idioms တွေရှိတယ် ဆိုတာကိုပါပဲ။
ဥပမာ-
I just don’t know what to do about this situation; it’s really weighing on my mind.
“weighing on somebody’s mind” ဆိုတာ ပုံသေတွဲသုံး​လေ့ရှိတဲ့ စကားစုပါ။ တစ်​ယောက်​ယောက်ကို စိတ်ပူစေသည်၊ စိတ်မပျော်မရွှင် ဖြစ်စေသည်လို့ အဓိပ္ပာယ်ရပါတယ်။
Or, I’ve been seeing my partner for over six months, self-five!

လေ့လာသမျှ ပညာရပ်များ တစ်ဖက်ကမ်းခပ် တတ်မြောက်ကြပါစေ။
AMZ

BBC Learning English သင်ခန်းစာ

ဒီနှစ် September ထဲမှာ မိုးတွေမကြာခဏ သဲသဲမဲရွာ ရွာပါတယ်။ It's raining heavily. မိုးတွေ သဲသဲမဲမဲ ရွာနေတယ်ဆိုတာကို ပြောနိုင်တဲ့ တခြားနည်းလမ်းတွေ ရှိပါသေးတယ်။

- It's tipping it down.
- It's pouring down.
- It's chucking it down.
- The heavens have opened.

BBC Learning English သင်ခန်းစာပါ

Using the correct verb form for ‘I wish’

ကြိယာ Wish ကို သုံးတဲ့ အခါမှာ tense ကို မှားသုံးတတ်ပါတယ်။ wish ကိုကြိယာအနေနဲ့ သုံးရင် လိုက်နာရမယ့် သဒ္ဒါဥပဒေသတွေကို သိချင်လိုက်တာ။ I wish I know the grammar rules. ဒီလိုပြောလို့ရပါသလား။ No ။ မရပါဘူး။ I wish I knew the grammar rules. လို့ပြောမှမှန်မှာပါ။

မှတ်မိဖို့ အရေးအကြီးဆုံးအရာက wishes (တခုခု ဖြစ်ချင်၊ ပြုလုပ်ချင်၊ ပိုင်ဆိုင်ချင်တဲ့ စိတ်ဆန္ဒ) တွေအ​ကြောင်း ပြောရင် အတိတ်ကာလပုံစံနဲ့ ကျွန်တော်တို့ပြောလေ့ရှိတယ် ဆိုတဲ့အရာကိုပါပဲ။ We like to go into the past when we talk about wishes.

ခင်ဗျား ထင်ပေါ်ကျော်ကြားချင်တဲ့ စိတ်အလိုဆန္ဒရှိတယ်ဆိုတာကို ခင်ဗျားဘယ်လိုပြောမလဲ။ I wish I am famous. လား။ No not: “I wish I am famous!”
I wish I were famous. လို့ပြောမှ မှန်မှာပါ။ We say: “I wish I were famous!” ခဏနေပါဦး။ I were ဆိုတာ မှားတယ် မဟုတ်လား။ I was မှ မှန်မှာမဟုတ်ဘူးလား။ များသောအားဖြင့်ကတော့ဟုတ်ပါတယ်။ ဒါ​ပေမယ့် ကျွန်တော်တို့က wishes တွေအကြောင်းပြောနေတာပါ။ wishes တွေဆိုတာ အခုလက်ရှိမှာ မှန်မနေပါဘူး။ မှန်လာမယ်လို့လဲ ကျွန်တော်တို့ မထင်ပါဘူး။ ဒါအတွက် ကျွန်တော်တို့က the subjunctive လို့ခေါ်တဲ့ ကြိယာပုံစံကို သုံးပါတယ်။ ဒါက verb to be ကလွဲလို့ the past simple နဲ့တူတူပါပဲ။ ဒီလိုမှတ်လို့ရပါတယ်။ I wish နောက်မှာသုံးတဲ့ verb က verb to be မဟုတ်ဘူးဆိုရင် the past simple ကိုသုံးပါ။ verb to be ဆိုရင်တော့ were ကိုသုံးပါ။
I wish I had more money.
I wish I didn’t have to go to work next week.
I wish I made better use of my time.
I wish I were ten years younger.
I wish I were more popular.

နောက်တစ်ခုက အတိတ်တုန်းက ဖြစ်ခဲ့တဲ့ အခြေအနေ​နဲ့ပါတ်သက်တဲ့ wish အကြောင်းပြောရင် ဘယ်လိုပြောမလဲ။
ဥပမာ I drank a lot last night. မနေ့ညက ကျွန်​တော် သောက်တာ တော်တော်များ သွားတယ်။ ဒီလိုအများကြီး မသောက်ခဲ့မိရင် ကောင်းမှာပဲဆိုတာကို ဘယ်လိုပြောမလဲ။ I wish I didn’t drink so much last night. လို့ပြောရင်ရမလား။ မရပါဘူး။ No, not: “I wish I didn’t drink so much last night.”
I wish I hadn’t drunk so much last night. ဆိုမှ မှန်မှာပါ။
အတိတ်ကာလနဲ့ ပတ်သက်တဲ့ wish တွေအတွက် past perfect ကို သုံးပါတယ်။
I wish I’d accepted that job.
အဲ့ဒီအလုပ်ကို ကျွန်တော် လက်ခံလိုက်မိရင် ကောင်းမှာ။
I wish I hadn’t read the reviews before I went to see the film.
ရုပ်ရှင်သွားမကြည့်ခင် review တွေကို မဖတ်ခဲ့မိရင်ကောင်းမှာ။

ဥပမာဝါကျတွေ ဖတ်ကြည့်ရအောင်

- I wish you didn’t have to go. Can’t you stay longer?
- I failed all my exams at university. I wish I had studied harder before I took them.
- I wish I were taller. The bulb’s blown and I can’t reach the light fitting.
-I’m stuffed. I feel sick. I wish I hadn’t eaten so much.
-I wish I remembered his name, but I just can’t, it’s gone.

Online English Classes

Skills for Effective Writing 4 ကို အသုံးပြု သင်ကြားမယ့် Writing (Upper Intermediate Level) အတန်းတစ်တန်း နဲ့ Headway (Intermediate) Fifth Edition ကို အသုံးပြု၍ Reading, Writing, Listening, Speaking စွမ်းရည် 4 မျိုးစလုံးကို လေ့ကျင့်သင်ကြားမယ့် Four Skills (Intermediate Level) အတန်းတစ်တန်းကို 4 October 2023 (ဗုဒ္ဓဟူးနေ့) မှာစတင်ဖွင့်လှစ်ပါမယ်။ အတန်းနှစ်တန်းပါ။ အတန်းချိန်မတူပါ။ နှစ်သက်ရာ တစ်တန်းကို ရွေးချယ်တက်ရောက်နိုင်သလို နှစ်တန်းစလုံးတက်လိုပါကလည်း တက်ရောက်နိုင်ပါတယ်။ Monday, Tuesday, Wednesday, Thursday တစ်ပတ်ကို လေးရက်ပါ။ သင်တန်းကာလမှာ 4 October 2023 မှ 28 November 2023 ထိ ဖြစ်ပါတယ်။ Writing အတန်းက 7:00 p.m. မှ 8:00 p.m. ဖြစ်ပြီး Four Skills အတန်းက 8:30 p.m. မှ 9:30 p.m. ဖြစ်ပါတယ်။ နှစ်တန်းစလုံးညနေပိုင်းပါ။

Writing Class (Upper Intermediate Level)

Writing အတွက် လိုအပ်သော စွမ်းရည်များ တိုးတက်လိုသူများ တက်သင့်ပါတယ်။ စာရေးကောင်းဖို့ အရေးကြီးသည့် စွမ်းရည်များကို လေ့ကျင့်ဖို့ အခွင့်အရေး အများကြီး ရမှာ ဖြစ်ပါတယ်။

သင်ကြားမည့်စာအုပ်

Cambridge University Press မှ ထုတ်ဝေသည့် Skills for Effective Writing 4 ကို အသုံးပြုသင်ကြားမှာ ဖြစ်ပါတယ်။ Academic ဆန်အောင်ရေးသားပုံများ၊ Cause and Effect Writing, Compare and Contrast Writing တို့တွင် Connectors အသုံးပြုပုံများ နှင့်အတူ Wordiness နဲ့ Redundancy ကိုရှောင်ပြီး concise ဖြစ်အောင်ရေးသားပုံများကို လေ့လာရမှာဖြစ်ပါတယ်။Choppy Sentences ၊ Stringy Sentences များမရေးသားမိစေရန် နှင့် Charged Language ကို ရှောင်ရှားနိုင်အောင်လည်း လေ့လာရမှာဖြစ်ပါတယ်။ Argument ကို ခိုင်မာအောင်ရေးသားပုံများကိုလည်းလေ့လာရပါမယ်။ အင်္ဂလိပ်ဘာသာစကားဆိုင်ရာ နိုင်ငံတကာ စာမေးပွဲများ ဖြေဆိုရန်အတွက်လည်း အထောက်အကူ ရစေမယ့် သင်တန်းဖြစ်ပါတယ်။ အလယ်တန်းကျောင်းသားအရွယ်မှ စ၍ ဘွဲ့ကြို၊ ဘွဲ့ရများ အထိ တက်ရောက်နိုင်ပါတယ်။ သင်တန်းကာလအတွင်း စာအုပ်ပြီးသွားပါက ခိုင်မာတဲ့ Writing စာအုပ် နောက်တစ်အုပ်ကို ပြီးနိုင်သလောက် ဆက်လက်သင်ကြားမှာ ဖြစ်ပါတယ်။

အချိန်
4 October 2023 မှ 28 November 2023 ထိ (eight weeks)
Monday, Tuesday, Wednesday, Thursday (တစ်ပတ်လေးရက်)
7:00 p.m. မှ 8:00 p.m.

Four Skills Class (Intermediate Level)

Intermediate Level Four Skills အတန်းပါ။ Current English ကို စနစ်တကျ လေ့လာလိုသူများ တက်ရောက်သင့်ပါတယ်။ Headway seriesဟာ အလွန်ကောင်းပါတယ်။ စိတ်ဝင်စားဖွယ်၊ ဗဟုသုတ ဖြစ်ဖွယ် အကြောင်းအရာများ များစွာပါဝင်ပါတယ်။

သင်ကြားမည့်စာအုပ်

Oxford University Press မှထုတ်တဲ့ Headway (Fifth Edition) Series မှ Headway (Intermediate) စာအုပ်ကို သင်ကြားမှာဖြစ်ပါတယ်။ What's your story? ၊ Just a job! ၊Future Friendly? စသည့် Unit များကိုလေ့လာ၍ အခုခေတ် အင်္ဂလိပ် ဘာသာစကားကို အသုံးပြုပုံများကို ဖတ်ရှု၊ နားထောင်၊ ရေးသားလေ့ကျင့်ရမှာဖြစ်ပါတယ်။ Video File ၊Audio File များစွာကို နားထောင်လေ့ကျင့်ရမှာ ဖြစ်လို့ Listening နှင့် Speaking စွမ်းရည်ကို များစွာတိုးတက်စေမှာဖြစ်ပါတယ်။ အလယ်တန်းကျောင်းသားအရွယ်မှ ဘွဲ့ကြို၊ ဘွဲ့ရများအထိ တက်ရောက်နိုင်ပါတယ်။

အချိန်
4 October 2023 မှ 28 November 2023 ထိ (eight weeks)
Monday, Tuesday, Wednesday, Thursday (တစ်ပတ်လေးရက်)
8:30 p.m. မှ 9:30 p.m.

သင်ကြားမည့်နည်းလမ်း (နှစ်တန်းစလုံးအတွက်)
Zoom Application နှင့် Live သင်ကြားပါမည်။ Email နှင့် လိုအပ်သည့် File များပို့ပေးပါမည်။ Hard Copy လိုချင်လျှင် မိမိဘာသာ စီစဥ်ရပါမည်။

သင်တန်းကြေး

Writing တန်းအတွက် 50,000 ကျပ်၊ Four Skills အတန်းအတွက် 50,000 ကျပ်ပါ။ နှစ်တန်းစလုံးတက်ပါက 100,000 ကျပ်ဖြစ်ပါမယ်။ သင်တန်း အစ-အဆုံး အတွက်ပါ။

သင်တန်းကြေးကို အောက်ပါ Bank Account များနှင့် Pay များသို့ ပေးသွင်းနိုင်ပါသည်။

KBZ Bank
U Aung Moe Zaw
329 301 313 002 051 01

CB Bank
U Aung Moe Zaw
0061 6005 0005 8254

AYA Bank
Aung Moe Zaw
2002 8149 857

UAB Bank
U Aung Moe Zaw
0413 3010 0011 963

YOMA Bank
Aung Moe Zaw
0015 4418 0001 654

MAB Bank
Aung Moe Zaw
061 01 31 019000257 01 6

AGD Bank
Aung Moe Zaw
3530 1010 0296 6015

Kpay
Aung Moe Zaw
09961406766

Wave Account
09961406766
(Wave ဖြင့်လွှဲပါက Account ထဲကိုတိုက်ရိုက်ထည့်ပေးပါခင်ဗျာ။ Password နဲ့ မလွှဲပါနဲ့ ခင်ဗျာ။)

သင်တန်းအပ်လိုလျင် သင်တန်းကြေးပေးသွင်းပြီးပါက Transaction ID ပါသော Screenshot ကို Messenger မှပို့ပေးပါ။ သင်တန်းတက်မည့်သူ၏ နာမည်အရင်းကို ပေး၍ Email Address ပါ တစ်ခါတည်း ပို့ပေးပါ။ Viber နှင့် Telegram ဖုန်းနံပါတ်ရှိပါက တစ်ခါတည်းပို့ပေးပါ။ Zoom ID နှင့် Password ကို Email ကပို့ပေးပါမည်။ သင်တန်းကြေးလွှဲသောအခါ တက်မည့်သင်တန်း (Writing Class သို့မဟုတ် Four Skills Class သို့မဟုတ် နှစ်တန်းစလုံး) ကိုမှတ်ချက်ရေးပေးပါက အဆင်ပြေပါမည်။
ကျွန်တော်ဖွင့်မယ့် အင်္ဂလိပ်စာသင်တန်းတွေဟာ အကျိုးရှိမယ်ဆိုတာ အာမခံပါတယ်။ အင်္ဂလိပ်စာ ကို တစ်သက်လုံး ဝါသနာပါလို့ လေ့လာခဲ့တာပါ။ Wuthering Heights ပြဌာန်းတဲ့ခေတ်က အခြေခံပညာအထက်တန်းစာမေးပွဲကို အင်္ဂလိပ်စာ 82 မှတ်နဲ့ ဂုဏ်ထူးထွက်ခဲ့ပါတယ်။ ပြီးတော့လည်း တောက်လျောက်လေ့လာနေခဲ့တာပါ။ တက္ကသိုလ်မှာလည်း အင်္ဂလိပ်စာ အဓိက ယူခဲ့တာပါ။ ကျွန်တော်တို့ခေတ်က အင်္ဂလိပ်စာ ဂုဏ်ထူးမရရင် အင်္ဂလိပ်စာ အဓိကယူလို့မရပါဘူး။ နိုင်ငံကျော် အင်္ဂလိပ်စာ ဆရာကြီးများ ဖြစ်ကြတဲ့ ဘဘဦးခင်မောင်လတ် နဲ့ ဆရာဦးသာနိုးတို့ထံမှာလဲ နှစ်အတော်ကြာ ပညာရည်နို့ သောက်စို့ခဲ့ပါတယ်။ ဆရာနိုးရဲ့အတန်းမှာ Junior, Inter, Senior သုံးတန်းစလုံး လေ့ကျင့်ခန်းထပ်လိုက်တိုင်း G၊ VG ရခဲ့ပါတယ်။ Junior ၊ နဲ့ Inter မှာ အမြဲတန်း VG ရပါတယ်။ တစ်ခါမှ မလွတ်ပါ။ ဒီနှစ်တန်းမှာ G ထိတောင် တစ်ခါမှမဆင်းခဲ့ဖူးပါ။ Senior မှာတော့ G,VG ရောနေပါတယ်။ ဒါတွေဟာ အနှစ် 20 ကျော်ကြာခဲ့ပါပြီ။ စာသင်တိုင်းလည်း ကျောင်းသားများအပေါ် စေတနာအပြည့်နဲ့သင်ပါတယ်။ ဒါတွေဟာ ကြွားလို၍ ပြောနေခြင်း မဟုတ်ပါ။ သင်တန်းတက်လိုသူ ကျောင်းသား၊ ကျောင်းသူများ စိတ်ချ၊ လက်ချ ယုံယုံကြည်ကြည် တက်နိုင်ပါတယ်လို့ပြောတာပါ။ ကျောင်းသားများ စိတ်ချလက်ချ စိတ်ချမ်းချမ်းသာသာ တက်နိုင်အောင်လို့ပါ။
U Aung Moe Zaw
BA (Hons) English
MA English
MBA

BBC learning English သင်ခန်းစာပါ။

5 ways of saying ‘if’ without saying ‘if’

If ကိုမသုံးဘဲ If အဓိပ္ပာယ်ထွက်အောင် ပြောနည်း 5 ခု ကိုကြည့်ကြရအောင်။

မိတ်ဆွေ တစ်​ယောက်နဲ့ ကျွန်တော် ဒီလို စကားပြောခဲ့တာ ကျွန်တော် သတိရနေတယ်။
သူက ကျွန်တော့်ကို ပြောတယ်။

If we go on holiday, shall we go to Europe?
ကျွန်တော်တို့ အားလပ်ရက် အပန်းဖြေခရီးထွက်ဖြစ်ရင် ဥရောပကို သွားကြမလား။

ကျွန်တော်က ဒီလို ဖြေတယ်

As long as we go somewhere hot, I don’t mind.
သွားမယ့်နေရာရဲ့ ရာသီဥတုက ပူတယ် ဆိုရင်ပြီးတာပါပဲ။ ဘယ်နေရာဆိုတာ ကျွန်တော့် အတွက် ကိစ္စမရှိပါဘူး။
As long as က if အဓိပ္ပာယ်နဲ့ သုံးနိုင်တဲ့ ပထမဆုံးနည်းပါ။ as long as ဆိုတာ if and only if လို့အဓိပ္ပာယ် ရပါတယ်။

အဲ့ဒီတော့ သူက ဒီလို ပြောတယ်။
Aah, somewhere hot? Suppose we go to America, would you like that?
suppose က if အဓိပ္ပာယ်နဲ့ သုံးနိုင်တဲ့ ဒုတိယနည်းပါ။ အခု ကျွန်တော်တို့ ပြောမယ့် တခြားနည်းတွေနဲ့ suppose နဲ့ မတူတဲ့အချက်က suppose ဟာ ပုံမှန်အားဖြင့် sentence နှစ်ကြောင်းနဲ့ သုံးလေ့ရှိပါတယ်။ “Suppose we go to America,” ပြီးတော့ မေးခွန်း တစ်ခွန်း လိုက်လာပါတယ် “would you like that?”
အမေရိကားကိုသွားကြမယ်ဆိုရင် ခင်ဗျား သဘောကျမှာလား။

အဲ့ဒီတော့ ကျွန်တော် သူ့ကို ပြောတယ်။
Listen, unless I get a tan, I’ll be really unhappy.
နေလောင်တဲ့ အသားအရေ မရဘူးဆိုရင် ကျွန်တော် သိပ်စိတ်မပျော်မရွှင်ဖြစ်မှာပဲ။
Unless က if လို့ပြောတဲ့ တတိယနည်းပါ။ Unless ရဲ့ အဓိပ္ပာယ်က “if not” သို့မဟုတ် “except if” ပါ။ unless I get a tan, ဆိုတာ if I don’t get a tan, ပါပဲ။

သူက ကျွန်တော့်ကို ဒီလို ဆက်ပြောတယ်။
Well, providing you sunbathe a lot, you’ll definitely get a tan.
နေပူစာ အများကြီးလှုံရင် နေလောင်တဲ့အသားအရေကို ခင်ဗျားရမှာ သေချာပါတယ်။
Providing က if လို့ပြောနိုင်တဲ့ စတုတ္ထနည်းပါ။ providing ရဲ့ အဓိပ္ပာယ်က if ပါ။ ပိုပြီး formal ဖြစ်ချင်ရင် providing အစား provided ကို သုံးလို့ရပါတယ်။

အဲ့ဒိီ​တော့ ကျွန်တော်က သူ့ကို ဒီလို ပြောလိုက်တယ်။
OK. On the condition that I get time off from work, we’ll go to America.
အလုပ်ကခွင့်ရရင် ကျွန်တော်တို့ အမေရိကားကို သွားကြမယ်
On the condition that က if လို့ပြောနိုင်တဲ့ ပဥ္စမ​မြောက် နည်းပါပဲ။ On the condition that က အလွန် formal ဖြစ်ပါတယ်။ စာရေးသားရာမှာ များသောအားဖြင့် သုံးပါတယ်။ business letters တွေမှာ သုံးဖိို့ လုံးဝ သင့်တော်ပါတယ်။

လေ့လာသမျှ အရာအားလုံးကို တစ်ဖက်ကမ်းခပ် တတ်မြောက်ကြပါစေ။
AMZ

BBC Learning English မှ သင်ခန်းစာပါ။

Adjective or Adverb

How are you? လို့မေးရင် I’m good. လို့ဖြေလေ့ရှိကြပါတယ်။ ဒါမှားပါသလား။

good ကို လူတွေက ဒီလို မကြာခဏ သုံးလေ့ရှိပါတယ်။ verb နဲ့။ ပုံမှန်အားဖြင့် ကျွန်တော်တို့က ‘good’ ကို adjective လို့တွေးပြီး well ကို adverb လို့တွေးကြပါတယ်။ ဒါကြောင့်မို့လို့ ဒီလိုကြားရဖို့ ကျွန်တော်တို့ မျှော်လင့်ကောင်းမျှော်လင့်ပါလိမ့်မယ်။

Hi, Tim, How are you?
I’m well, thanks.

ဒါဆိုရင် ဒီလိုမျိုးလည်း ဘာကြောင့် ကျွန်တော်တို့ ခဏ ခဏ ကြားရတာပါလိမ့်။

How are you?
I’m good. Thanks, Tim.

ဒါဘာကြောင့်လဲဆိုရင် link verbs လို့ခေါ်တဲ့ တချို့ verb တွေနဲ့ good ကို ဒီလို ပုံစံနဲ့ သုံးလို့ရလို့ပါပဲ။ be, seem, appear, look, taste, smell, sound နဲ့ feel တို့ဟာ link verbs တွေပါ။

He smells good.
He looks good.

ဒါပေမယ် တစ်ချို့နေရာတွေမှာ - ဥပမာ ရုပ်ရှင်ထဲမှာ - good ကို ဒီလိုသုံးတာကို ကြားရတတ်ပါတယ်။

He cooks real good.

ဒါကတော့ ဘာသာစကား ပြောင်းလဲလာတဲ့ ဥပမာပါပဲ။ This is an example of language changing.
တချို့ အင်္ဂလိပ် ဘာသာစကား အမျိုးအစားတွေ - ဥပမာ US English - မှာ British English က adverb သုံးတဲ့နေရာမှာ သူတို့က adjective ကို ရံဖန်ရံခါ သုံးတတ်ပါတယ်။

He sings pretty bad. (US English)
He sings pretty badly. (British English)

That’s real good. (US English)
That’s really good. (British English)

လေ့လာသမျှ အတတ်ပညာများ တစ်ဖက်ကမ်းခပ် တတ်မြောက်ကြပါစေ။
AMZ

BBC Learning English မှ သင်ခန်းစာပါ။

Different ways of talking about the future

အနာဂတ်အကြောင်းပြောတဲ့အခါ ‘will’ ကို အမြဲသုံးရင် အဆင်ပြေပါ့မလား။ တခြားနည်းလမ်းများရှိသေးလား။

‘will’ က သိပ်အသုံးများပါတယ်။ will ဟာ သဒ္ဒါနည်းအရ သုံးရတာ သိပ်ရိုးရှင်းပါတယ်။ ဒါပေမယ့် will ကိုသုံးရင် သဘာဝ မကျမယ့် အခြေအနေတွေ ရှိပါတယ်။ ဘာသာစကားတစ်ခုကို ပြောဆို၊ ရေးသားတဲ့အခါ တတ်နိုင်သမျှ သဘာဝကျအောင် ရေးသား၊ ပြောဆိုတာ အကောင်းဆုံးပါ။

ဒီဝါကျတွေမှာ ‘will’ ကိုသုံးထားတာကို စဉ်းစားကြည့်ပါ။
I have not seen my girlfriend for ages, but I will see her tonight.
I’d better go. My plane will leave at six.
Oh, look at the sky! It will rain.

ဒါတွေကို ပိုသဘာဝကျအောင် ဘယ်လိုပြောင်းလဲနိုင်ပါသလဲ။

I have not seen my girlfriend for ages, but I will see her tonight.
ဒီမှာ တစ်ယောက်ယောက်နဲ့ တစ်ခုခုပြုလုပ်ဖို့စီစဉ်ထားတဲ့အကြောင်းပြောတာပါ။ ကျွန်တော်နဲ့ ကျွန်တော့် girlfriend တွေ့ဖို့စီစဉ်ထားတယ်။ ဒါကြောင့်မို့ ကျွန်တော်တို့ the present continuous ကိုသုံးပါမယ်။
I’m meeting her tonight.
ဒါ့အပြင် အထူးသဖြင့် အစီအစဉ်တွေအတွက် to be going to ကိုလည်း ကျွန်တော်တို့ သုံးနိုင်ပါသေးတယ်။ (especially for plans)
I’m going to meet her tonight.

I’d better hurry. My plane will leave at six.
ဒါက a timetabled event ပါ။ လေယာဉ်ထွက်ခွါတဲ့ အဖြစ်အပျက်ဆိုတာဟာ အချိန်တစ်ချိန်မှာ တစ်ခုခုဖြစ်ပျက်ဖို့ စီစဉ်ထားတဲ့ အဖြစ်အပျက်ပါ။ အတိအကျအချိန်တစ်ခုခုမှာ ဒီအဖြစ်အပျက်က ဖြစ်မှာပါ။ ဒါကြောင့်မို့ the present simple ကို ကျွန်တော်တို့ သုံးပါမယ်။
I’d better hurry. My plane leaves at six.

Oh, no. Look at the sky. It will rain.
ဒါက လက်ရှိအထောက်အထားပေါ်မှာ အခြေခံပြီး ခန့်မှန်းချက်တစ်ခုကို ပေးနေတာပါ။ ကောင်းကင်​ပေါ်မှာ တိမ်တွေမဲနေတဲ့ အထောက်အထားပေါ်မှာ အခြေခံပြီး မိုးရွာမယ်လို့ ခန့်မှန်းနေတာပါ။ ဒါကြောင့်မို့ to be going to ကို သုံးပါမယ်။
It’s going to rain.

အပေါ်က ဥပမာတွေမှာ သုံးကြိမ်စလုံး will အစား တခြားပုံစံတစ်ခုကို သုံးခဲ့ပါတယ်။
‘Will’ ကိုသုံးနိုင်တဲ့ ဥပမာ တစ်ခုကို အခု ပြောပါမယ်။
What do you mean you don’t believe I’ve got a girlfriend? Well, if that’s the case, I’ll show you a photo.

I’ll try to use all those other ways. ဒီနောက်ဆုံး ဝါကျမှာ will သုံးတာ OK ရဲ့လား။ ဒီမှာ ကျွန်တော်က ကျွန်တော့် စိတ်ဆန္ဒနဲ့ ကျွန်တော် ပြုလုပ်လို တာကို ပြောခြင်းဖြစ်ပါတယ်။ ဘယ်သူ့တွန်းအားကြောင့်မှမဟုတ်ပါဘူး။ ဒါက arrangement မဟုတ်ပါဘူး။ It’s an intention. ရည်ရွယ်ချက်ပါ။

And with that, I’ll say goodbye. ဒီဝါကျမှာတော့ will က စကားပြောနေတဲ့အချိန်မှာ ဆုံးဖြတ်လိုက်တဲ့ ဆုံးဖြတ်ချက်ကို ပြောတာပါ။

လေ့လာသမျှ အတတ်ပညာများ တစ်ဖက်ကမ်းခပ် တတ်မြောက်ကြပါစေ။
AMZ

BBC Learning English သင်ခန်းစာပါ

a common grammar ‘mistake’ with English conditionals

ကျွန်တော်တို့ conditional sentences တွေကို ကြိုးစားပမ်းစား လေ့လာပြီး နားလည်တယ်လို့ထင်တယ်၊ conditional sentences တွေကို ဘယ်လိုပုံစံနဲ့ ရေးရ၊ ပြောရမယ်ဆိုတာ သိတယ်လို့လဲထင်တယ်။
ဒါပေမယ့် native English speakers တွေ အများကြီးက ဒီလိုပြောကြတာကို ကျွန်တော်တို့ ကြားရတယ်။
If I’d have known, I wouldn’t have done that.
ဒါဘယ်လို conditional အမျိုးအစားပါလိမ့်။ ဒါမှားသလား။

အင်္ဂလိပ် ဘာသာစကားကို လေ့လာနေတဲ့ လူတွေ အများကြီးက native English speakers တွေနဲ့ ပိုတူအောင် အင်္ဂလိပ် စကားကို ပြောတတ်ချင်ကြပါတယ်။ ဒါဘာကြောင့်လဲဆိုတော့ native speakers တွေက ‘အမြဲတမ်းမှန်’ လို့ပါပဲ။ ဟုတ်တယ်မလား။
ဒါပေမယ့် ဒီကိစ္စဟာ ဒိလောက်ကြီး မရိုးရှင်းပါဘူး။ It’s not that straightforward.

ဒီလိုပြဿနာ​တွေမှာ ဘာသာစကားစည်းကမ်းတွေကို တိတိကျကျလိုက်နာစေချင်တဲ့၊ အင်္ဂလိပ်စာလုံးသုံးပြောရရင် tough ဖြစ်တဲ့ native speaker နဲ့ ဘာသာစကားကိစ္စတွေမှာ သဘောထားမတင်းမာတဲ့ tolerant ဖြစ်တဲ့ native speaker နဲ့ သဘောထားကွဲလွဲပါလိမ့်မယ်။

tough ဖြစ်တဲ့ native speaker ရဲ့ သဘောထားကို အရင်ကြည့်ကြရ​အောင်။ သူက ဒီလို ပြောပါလိမ့်မယ်။

If I’d have known, I wouldn’t have done that. ဒါကမှားပါတယ်။ ဒါ native speaker တွေ မှားလေ့ရှိတဲ့ အမှား တစ်ခုရဲ့ ဥပမာပါ။ ဘယ်တော့မှ ဒီလို မပြောပါနဲ့။ ဝါကျအမှန်က If I’d known, I wouldn’t have done that. ပါ။
If I’d have known လို့ ခင်ဗျားပြောလို့မရပါဘူး။ ဒါက a third conditional sentence ပါ။ ဒါကြောင့်မို့ structure အမှန်က if + the past perfect, then would,could,should or might + the present perfect ပါ။ Ok ? You got that? Understand?

ဒီတစ်ခါ tolerant ဖြစ်တဲ့ native speaker ရဲ့ အမြင်ကို ကြည့်ကြရအောင်။ သူက ဒီလို ပြောပါလိမ့်မယ်။

တစ်ခါတလေမှာ rule book ထဲမှာ မပါတာတွေကို native speaker တွေပြောတာ ကြားရပါတယ်။ OK? သူတို့က dialect တစ်ခုကို ပြောနေတာ ဖြစ်နိုင်ပါတယ်။ ခင်ဗျား မှားတယ်လို့ ပြောတာတွေက သူတို့အတွက် perfectly fine ပါ။ ဘာသာစကားက သက်ရှိလိုပါပဲ။ အမြဲပြောင်းနေတာပါ။ ဒါကြောင့်မို့ ဘယ်ဟာမှားတယ်၊ ဘယ်ဟာ မှန်တယ်လို့ ဘယ်သူပြောနိုင်မှာလဲ။ ကျွန်တော်တော့ မပြောနိုင်ဘူး။

ဒီနှစ်ယောက်ရဲ့ အမြင်ကို မျှတအောင်၊ အလယ်ကျအောင်တွေးကြည့်ရအောင်။ တချို့native speaker တွေက dialect ကို ပြောတယ် ဆိုတာမှန်ပါတယ်။ သူတို့က စာအုပ်ထဲမှာ မတွေ့ရတဲ့ grammar နဲ့ vocabulary ကိုသုံးနိုင်ပါတယ်။ ဘာသာစကားက အမြဲတမ်းပြောင်းလဲနေတယ် ဆိုတာလဲ မှန်ပါတယ်။
ဒါပေမယ့် ခင်ဗျားဟာ အင်္ဂလိပ်စာ စာမေးပွဲတွေကို အောင်ချင်နေတာ ဖြစ်နိုင်ပါတယ်။ ဒါကြောင့်မို့ စာမေးပွဲတွေ၊ အလုပ် interview တွေ၊ အလုပ်လျှောက်လွှာတွေလို formal situations တွေမှာ the standard form of English အတိုင်း လိုက်နာ ပြောဆို ရေးသားတာ အကောင်းဆုံးပါ။
ဒါကြောင့်မို့ If I’d have known, I wouldn’t have done that. ဆိုတဲ့ စာကြောင်းဟာ မှားပါတယ်။ ဒါပေမယ့် native speakers တွေ အများကြီးဒီလိုပြောတာကို ကြားရပါလိမ့်မယ်။

ကျွန်တော်တို့ဟာ စာမေးပွဲတွေအောင်ဖို့လိုတာကြောင့် standard English ကိုပဲပြောဆို ရေးသား သင့်ပါတယ်။ ဒါပေမယ့် native speaker တွေက တစ်ခါတလေ rule book နဲ့မတူဘဲ ပြောတတ်တယ်ဆိုတာ သိရတာလဲ ကောင်းပါတယ်။

လေ့လာသမျှ ဘာသာရပ်၊ ပညာရပ် အားလုံး တစ်ဖက်ကမ်းခပ် တတ်မြောက်ကြပါစေ။
AMZ

BBC Learning English မှ သင်ခန်းစာပါ။

Answering negative questions

အင်္ဂလိပ်လူမျိုးတွေ ဟာ negative questions တွေကို ဘာလို့ negative answer နဲ့ဖြေကြပါလိမ့်။
ဥပမာ
Aren’t you going out tonight?
No, I’m not.

ဒါမျိုးမေးခွန်းတွေကို ဖြေတဲ့အခါ No လို့ ဖြေသင့်တာကို Yes လို့ မှားဖြေနိုင်ပါတယ်။

ဆိုလိုတာက yes သို့မဟုတ် no နဲ့ ဖြေရမယ့် မေးခွန်းကို negative နဲ့ မေးရင် ဘယ်လို ဖြေရမလဲဆိုတာ သိဖို့ ခက်နိုင်ပါတယ်။
Aren’t you going out tonight?
ဒီမေးခွန်းကို yes လို့ဖြေရင် မသွားဘူးလို့​ပြောတာလား။ no လို့ဖြေရင် သွားမယ် လို့ပြောတာလား။ အတော်ဦးနှောက်ခြောက်နိုင်ပါတယ်။

Won’t you come with me?
Don’t you think I can help?
ဒီလို negative question တွေကို ဘယ်လိုဖြေမလဲ။

ခေါင်းရှုပ်စရာ လို့ ထင်ရပေမယ့် ထင်တာထက် အများကြီး ပိုရိုးရှင်းလွယ်ကူပါတယ်။
ဒိလိုမျိုးမေးခွန်းတွေမှာ positive, negative တွေစဉ်းစားပြီး ဦးနှောက်ခြောက်ဖို့ မလိုပါ။
Aren’t you going out tonight? ဆိုတာ Are you going out tonight? နဲ့ အတူတူပါ။ အဲ့ဒီတော့ positive question ကို ဖြေသလို ဖြေလိုက်ရုံပါပဲ။ Yes ဆိုရင် a positive answer ၊ No ဆိုရင် a negative answer ပါ။

Aren’t you going out tonight?
Yes, I am. I’m going to the cinema. In about ten miniutes actually, so I’d best be off.
ခင်ဗျား ဒိနေ့ည အပြင်မသွားဘူးလား။
သွားမှာ။ ရုပ်ရှင်သွားကြည့်မယ်။ ဆယ်မိနစ်လောက်ဆိုသွားတော့မှာ။ ဒါကြောင့် အခုသွားမှဖြစ်တော့မယ်။

ဥပမာလေး​တွေကြည့်ရ​အောင်
ကျွန်တော် ရေသိပ်ဆာနေတယ်။ ကျွန်တော့်ရဲ့ မိတ်ဆွေက ဒီလိုမေးတယ်။
Won’t you have another drink? ကျွန်တော်ဘယ်လိုဖြေမလဲ။
Yes, I’d love one. လို့ဖြေမှာပါ။

ခင်ဗျားက ဒိနေ့ည ပြမယ့် ရုပ်ရှင်ဇာတ်ကား အသစ်အတွက် လက်မှတ်ဝယ်ထားပြီးပြီ။ ခင်​ဗျားရဲ့ အခန်းဖော်က ဒီလိုမေးမယ်။ Aren’t you staying in tonight? ဒါဆို ခင်ဗျားက No, I’m going to the cinema. လို့ဖြေမှာပါ။
stay in = အပြင်မထွက်ဘဲ အိမ်ထဲမှာနေသည်

ကျွန်တော် အိမ်ကနေ အပြင်သွားတော့မယ်။ အပြင်သွားရင် ကျွန်တော် သော့ယူသွားနေကျ။ ဒါပေမယ့် သော့က မီးဖိုချောင်ထဲက သော့တွေချိတ်တဲ့ ချိတ်မှာပဲ ချိတ်လျက်ရှိနေသေးတာ ကျွန်တော့် girlfriend က သတိပြုမိတော့ ကျွန်တော့်ကိုမေးတယ်။ “Haven’t you forgotten something? ကျွန်တော်က သော့ယူပြီးပြီ ထင်နေတယ်။ No, I don’t think so. လို့ကျွန်တော်ဖြေမယ်။

ခင်ဗျားရဲ့မိတ်ဆွေက စကိတ်စီးနည်း အသစ်ကို စမ်းစီးကြည့်တော့မယ်။ သူတစ်ခုခုနဲ့ တိုက်မိတော့မယ်လို့ ခင်ဗျားထင်နေတယ်။ သူက ခင်ဗျားကို မေးတယ်။
Don’t you think I can do it?
No, I think you’re going to have an accident. လို့ ခင်​ဗျား​ဖြေမယ်။

ခ​င်​ဗျား အလုပ် တစ်ခုထဲကို လုပ်နေတာ နှစ်တွေကြာလှပြီ။ ဒိအလုပ်ကို ခင်ဗျား သိပ်မြတ်နိုးတယ်။ ခင်ဗျားရဲ့ လုပ်ဖော်ကိုင်ဖက် တစ်​ယောက်က မေးတယ်။
Wouldn’t you prefer to do something different after all these years?
No, I really enjoy it here. လို့ ခင်​ဗျား ဖြေမယ်။

လေ့လာသမျှ အတတ်ပညာများ တစ်ဖက်ကမ်းခတ် တတ်မြောက်ကြပါစေ။
AMZ

BBC Learning English သင်ခန်းစာပါ

Alternatives to ‘and’

ဇာတ်လမ်းတွေ၊ အဖြစ်အပျက်တွေကို ကျွန်တော်တို့ ပြောတဲ့အခါ ‘and’ ကို သုံးလေ့ရှိပါတယ်။ ‘and’ကို သုံးတာများလွန်းသွားရင် ကျွန်တော်တို့ရဲ့ အင်္ဂလိပ်စာက နဲနဲ ပျင်းရိငြီးငွေ့ဖွယ် (sounds a little bit boring) ဖြစ်သွားနိုင်ပါတယ်။ ဒါကြောင့် ‘and’ ကို မသုံးချင်ရင် တခြားဘယ်လိုပြောနိုင်ပါသေးသလဲ။

ကျွန်တော့်အကြောင်းကို ‘and’ တွေ အများကြီး သုံးပြီးပြောထားတာဖတ်ကြည့်ပြီး ‘and’ မသုံးပဲ တခြားဘယ်လိုပြောနိုင်သလဲဆိုတာ ကြည့်ကြရ​အောင်။ အဓိက က ဝါကျ တစ်​ကြောင်းချင်းစီမှာ ‘and’ ဘာလုပ်နေသလဲ စဉ်း
စားဖို့ပါပဲ။

I love singing and dancing.
ကျွန်တော် သီချင်းဆို ရတာ နဲ့ ကရတာ သိပ်သဘောကျတယ်။
ဒီမှာ and ကို list ထဲမှာ ထည့်သုံးထားတာပါ။ ဒါ and ကို အခြေခံ အကျဆုံး သုံးနှုန်းပုံ (the most basic usage) ပါပဲ။ ဒါကြောင့် ဒိမှာ ‘and’ ကို ‘as well as’ နဲ့ အစားထိုးနိုင်ပါတယ်။
I love singing as well as dancing.
နဲနဲပြောင်းပြီး ‘also’ နဲ့လဲ အစားထိုးနိုင်ပါတယ်။
I love singing. I also love dancing.

နောက်တစ်ခု ကြည့်ကြရ​အောင်
The first time I sang on stage the crowd screamed really loudly, and when I finished they seemed very happy.
ပထမဆုံး ကျွန်တော် စင်ပေါ်မှာ သီချင်းဆိုတုန်းက လူအုပ်ကြီးက စူးစူးဝါးဝါး အကျယ်ကြီး အော်ဟစ်ကြတယ်။ ကျွန်တော်လဲဆိုပြီးသွားရော သူတို့ပျော်သွားကြပုံပဲ။
ဒါက and ကို လုပ်ဆောင်ချက်တွေ တစ်ခုပြီး တစ်ခုရေးထားတဲ့ list ထဲမှာ ထည့်သုံးထားတာပါ ( ‘and’ in a list of actions) ။ ဒါကြောင့် ‘then’ ကိုသုံးပြီးပြောနိုင်ပါတယ်။
The first time I sang on stage the crowd screamed really loudly, then when I finished they seemed very happy.
ဒါမှမဟုတ် ‘after’ ကို သုံးနိုင်ပါတယ်။
The first time I sang on stage the crowd screamed really loudly. After I finished, they seemed very happy.

နောက်တစ်ခု
And singing makes me feel really good about myself.
သီချင်းဆိုတာဟာ ကျွန်တော့်ကို ပျော်ရွှင်စေတယ်၊ ကိုယ့်ကိုယ်ကိုယ် ယုံကြည်စေတယ်၊ စိတ်ကျေနပ်မှုရစေတယ်။
ဒီမှာ ‘and’ က သတင်းအချက်အလက် ထပ်ပေးတာပါ (giving more information)
ဒါကြောင့်မို့ furthermore, moreover, in addition တစ်ခုခုကို သုံးနိုင်ပါတယ်။ ဒီစာလုံးတွေဟာ နဲနဲတော့ formal ဖြစ်ပါတယ်။
Furthermore / Moreover / In addition, singing makes me feel good about myself.

နောက်ဆုံးတစ်ခု
And I just think singing is great in every way.
ဒါက အတိုချုပ်ပြောနေတာပါ (summarizing)၊ ကိုယ့်ရဲ့ နောက်ဆုံးအကဲဖြတ်ချက်၊ ယုံကြည်ချက် ကိုပြောတာပါ (I’m giving my conclusion.)
ဒါကြောင့်မို့ To conclude, To sum up, As I’ve just said တစ်ခုခု သုံးလို့ရပါတယ်။
To conclude/ To sum up/ As I’ve just said, I think it’s great to use your talents.

လေ့လာသမျှ ဘာသာရပ်၊ ပညာရပ်များ တစ်ဖက်ကမ်းခပ် တတ်မြောက်ကြပါစေ။
AMZ

BBC Learning English က သင်ခန်းစာပါ။

Are phrasal verbs always informal?

Phrasal verbs တွေကို သုံးတာဟာ တစ်ခါတလေမှာ ကိုယ်ရဲ့ အင်္ဂလိပ်စကားကို ပို သဘာဝကျစေပါတယ်။ ဒါပေမယ် phrasal verb တွေကို သုံးရင် ကိုယ်ပြောနေတဲ့ အင်္ဂလိပ်စကားက informal များ ဖြစ်လွန်းသွားမလားဆိုပြီး စိုးရိမ်ကြတဲ့ လူတွေလည်းရှိပါတယ်။ အဲ့ဒီတော့ phrasal verbs တွေက အမြဲတမ်း informal ဆန်သလား ကျွန်တော်တို့ကြည့်ရအောင်။

Of course there are some examples of informal phrasal verbs. ( informal အခြေအနေမှာသုံးတဲ့ phrasal verbs တွေရှိပါတယ် )

What are you doing? Stop mucking about. If you didn’t mess around so much, you’d get a decent job. ခ​င်ဗျား ဘာတွေလုပ်နေတာလဲ။ ဆင်ခြင်ဉာဏ်မရှိသလို လုပ်နေတာတွေ ရပ်လိုက်ပါတော့။ ခင်ဗျားသာ စဉ်းစားဆင်ခြင်ဉာဏ်မဲ့ပြီး စိတ်အနှောက်အယှက်ဖြစ်စရာတွေသာ လုပ်မနေဘူးဆိုရင် အလုပ်ကောင်းကောင်းရမှာ။

muck about တို့၊ mess around တို့က informal phrasal verbs တွေပါ။

muck about = စဉ်းစားဆင်ခြင်ဉာဏ်မဲ့စွာ ပြုမူသည်။ ( အထူးသဖြင့် အလုပ် သို့မဟုတ် တစ်ခုခုလုပ်နေရမယ့်အချိန်မှာ )
mess around = အသုံးဝင်တာတစ်ခုခု လုပ်နေရမယ့်အစား ဆင်ခြင်ဉာဏ်မဲ့စွာ စိတ်အနှောက်အယှက်ဖြစ်ဖွယ် ပြုမူသည်။

formal style နဲ့သုံးတဲ့ phrasal verbs တွေလည်း အများအပြား ရှိပါတယ်။

radio သတင်းခေါင်းစဉ် ကြေညာချက်ကို ကြည့်ကြရ​အောင်။

At the top of the hour, it's time for the news headlines. Scientists have carried out experiments which could lead to a cure for all known human diseases. It's thought the discovery could bring about a huge change in the future of humankind.
သတင်းခေါင်းစဉ်ကြေညာရမယ့် အချိန်ရောက်ပါပြီ။ (At the top of the hour ဆိုတာ 1 နာရိထိုး၊ 2 နာရီထိုး၊ 6 နာရီထိုး၊ 10 နာရီထိုး စသဖြင်း နာရီအတိအကျရောက်တာကို ဆိုလိုပါတယ်။) ရှိသမျှ သိသမျှရောဂါအားလုံးကို ကုသနိုင်မဲ့ ဆေးကုသချက်ကို ဖော်ထုတ်ကောင်းဖော်ထုတ်နိုင်မယ့် လက်တွေ့စမ်းသပ်မှုတွေကို သိပ္ပံပညာရှင်တွေ လုပ်ဆောင်ခဲ့ပြီးပြီ။ ဒီရှာဖွေတွေ့ရှိမှုဟာ လူသားတွေရဲ့ အနာဂတ်ကို အကြီးအကျယ် ပြောင်းလဲစေနိုင်လိမ့်မယ်လို့ထင်ကြပါတယ်။

ဒိမှာ phrasal verbs တွေဖြစ်တဲ့ carried out နဲ့ bring about ကို formal style နဲ့သုံးထားတာပါ။
carry out = ပြုလုပ်သည်၊ ဆောင်ရွက်သည်။
bring about = တခုခု ဖြစ်အောင် ပြုလုပ်သည်။
bring about a huge change ဆိုတော့ ပြောင်းလဲမှုကြီး ဖြစ်အောင်ပြုလုပ်သည်။

neutral ဖြစ်တဲ့ (formal လဲမဟုတ်၊ informal လဲ မဟုတ်) phrasal verbs တွေလဲ အများကြီး ရှိပါတယ်။ They’re just what we use.
formal လဲ မဟုတ် informal လဲ မဟုတ်တဲ့ ကျွန်တော်တို့ သုံးလေ့ရှိတဲ့ phrasal verbs တွေပါ။

I get up at about 7 a.m., set off for work at 8, and I'm ready to log on by 9.
ကျွန်တော် မနက် 7 နာရီထတယ်။ 8 နာရီဆိုရင် အလုပ်ကို စတင်ထွက်ခွါတယ်။ 9 နာရီ ဆိုရင် ကွန်ပြူတာ စသုံးဖို့ အဆင်သင့်ဖြစ်နေပြီ။

get up , set off နဲ့ log on တို့ဟာ formal လဲမဟုတ်၊ informal လဲ မဟုတ်ပါ။ There’s nothing formal or informal about those.

set off = ခရီးစတင်ထွက်ခွါသည်
log on = ကွန်ပြူတာ စသုံးဖို့ လိုအပ်တဲ့ လုပ်ဆောင်ချက်တွေကို ပြုလုပ်သည်

မနက်မှာ ပြုလုပ်နေကျ လုပ်ရိုးလုပ်စဉ် အစီအစဉ်တွေကို သရုပ်ဖော်ဖို့ phrasal verbs တွေကို မသုံးဘူး ဆိုရင် အလွန် အမင်း formal ဖြစ်သွားပါလိမ့်မယ်။ ရယ်စရာလဲ ကောင်းသွားပါလိမ့်မယ်။

I arise at 7 o'clock, commence my journey to work at 8, and I'm ready to begin the procedure of starting my computer at 9.
ဒိလို phrasal verbs မသုံးဘဲ ပြောလိုက်ရင် ပြောနေကျ သဘာဝ ကျတဲ့ပုံစံ မဟုတ်တော့ပါဘူး။ ထူးဆန်းသွားပါပြီ။ unusual ဖြစ်သွားပါပြီ။ That was just weird.

ဒါကြောင့် All phrasal verbs are informal. ဆိုတဲ့ စကားဟာ မမှန်ပါ။ It is not accurate to say all phrasal verbs are informal.

An alternative to 'used to' (BBC Learning English က သင်ခန်းစာပါ)

အရင်က ပြုလုပ်ခဲ့ပြီး အခုလက်ရှိမှာ မပြုလုပ်တော့တဲ့အရာတွေအတွက် 'used to' ကို သုံးတာ အများသိကြပါတယ်။
ဥပမာ
I used to play tennis.
ကျွန်တော် အရင်တုန်းက တင်းနစ် ကစားခဲ့တယ်။ (အခုမကစားတော့ပါ)

ဒါပေမယ့် အရင်တုန်းကပြုလုပ်ခဲ့တဲ့အရာတွေအတွက် 'used to' ကို ခဏ ခဏ မသုံးချင်ရင် တခြားဘယ်လိုပြောနိုင်တဲ့နည်းလမ်းတွေရှိပါသေးလဲ။

လွန်ခဲ့တဲ့ 10 နှစ် 2013 တုန်းက ကျွန်တော်က ဒီလိုပြောခဲ့တယ် ဆိုကြပါစို့။ 2013 ကပြောခဲ့တဲ့ စကားတွေကိုပြန်ရေးပြမှာပါ။ အခုပြောတဲ့ စကားတွေ မဟုတ်ပါ။

I play football every day. I get up at 7 a.m. I run to the park with my ball and I practise free kicks until nighttime.
ကျွန်တော်နေ့တိုင်းဘောလုံးကန်တယ်။ ကျွန်တော် မနက် 7 နာရီ အိပ်ယာက ထတယ်။ ကျွန်တော့် ဘောလုံးကိုယူပြီး ပန်းခြံကို ပြေးသွားတယ်။ ပြီးတော့ free kicks တွေကို မှောင်တဲ့အထိလေ့ကျင့်တယ်။ (ဒါတွေကလွန်ခဲ့ ဆယ်နှစ်က ကျွန်တော်ပြောခဲ့တဲ့ စကားတွေပါ။ အခုကျွန်တော်ဒါတွေကို မလုပ်တော့ပါဘူး)

အခုအချိန်မှာ ကျွန်တော် ဒီလိုပြောလို့ရပါတယ်။

I would play football every day. I'd get up at 7 a.m. I'd run to the park with my ball and I'd practise free kicks until nighttime. Not any more.

အတိတ်က အချိန်တွေမှာ လုပ်ခဲ့တဲ့ လုပ်ဆောင်ချက်တွေ ( past actions that we did on a number of occasions )အကြောင်းပြောချင်ရင် 'Would' ကိုသုံးနိုင်ပါတယ်။

လွန်ခဲ့တဲ့ ဆယ်နှစ်က ကျွန်တော်နောက်ထပ်ပြောခဲ့တဲ့ စကားတွေကို ထပ်ကြည့်ကြရအောင်။
I love football and sport and being fit and healthy. I hate smoking and I hate drinking alcohol.
ကျွန်တော် ဘောလုံးကန်ရတာ၊ အားကစားလုပ်ရတာ၊ ကျန်းမာကြံ့ခိုင် ရတာကို သိပ်သဘောကျတယ်။ ဆေးလိပ်၊ အရက်ဆိုရင် သိပ်မုန်းတယ်။ (ဒါ လွန်ခဲ့တဲ့ ဆယ်နှစ်က ၊ အခု ကျွန်တော် ကျန်းမာရေးကို ဂရုမစိုက်တော့ဘူး။ ဆေးလိပ်၊ အရက်တွေလဲ သောက်နေပြီ။)

အခုပြောမယ်ဆို ကျွန်တော် ဒီလိုပြောမှာပါ။
I used to be very fit and healthy.

ကျွန်တော်တို့ ဒီမှာ သတိထားဖို့လိုပါတယ်။ အတိတ်ကာလက ထပ်ခါထပ်ခါပြုလုပ်ခဲ့တဲ့ လုပ်ဆောင်ချက်တွေ (past repeated actions) အကြောင်းပြောဖို့ အတွက် 'used to' အစား 'would' ကို သုံးလို့ရပေမယ့် အတိတ်ကဖြစ်ခဲ့တဲ့ အခြေအနေတွေ (past states) အတွက် 'would'ကို သုံးလို့မရပါဘူး။ ကျွန်တော်ကျန်းမာ ကြံ့ခိုင် ခဲ့တယ် ဆိုတာ အခြေအနေ (state) ပါ။ လုပ်ဆောင်ချက် (action) မဟုတ်ပါ။ ဒါကြောင့် 'I would be very fit and healthy.' လို့ ပြောလို့ မရပါ။ I used to be very fit and healthy. လို့ပဲ ပြောရပါမယ်။

လွန်ခဲ့တဲ့ဆယ် နှစ်က ကျွန်တော် ဒီလိုလဲ ပြောခဲ့ပါသေးတယ်။
I hate smoking and I hate drinking alcohol and I hate junk food.
ကျွန်တော် ဆေးလိပ်၊ အရက် နဲ့ အလွယ်အမြန်ပြုလုပ်လို့ရတဲ့ ကျန်းမာရေးနဲ့ မညီညွတ်တဲ့ အစားအစာတွေကို သိပ်မုန်းတယ်။ (အခုတော့ ဆေးလိပ်၊ အရက်တွေသောက်၊ junk food တွေစား လုပ်နေပါပြီ။)

အခု ကျွန်တော် ဒီလိုပြောပါမယ်။
I really was a health fanatic. I ate fruit and I never had junk food.
ကျွန်တော်က ကျန်းမာရေးနဲ့ပတ်သက်ရင် အလွန်စိတ်အားထက်သန်တဲ့ လူတစ်ယောက်ဖြစ်ခဲ့ပါတယ်။ ကျွန်တော် သစ်သီးဝလံတွေ စားခဲ့ပြီး အလွယ်အမြန်ရတဲ့ အသင့်စား အစားအစာတွေ ဆိုရင် ဘယ်တော့မှ မစားခဲ့ပါဘူး။ (ဒါပေမယ့် အခု အချိန်မှာ ကျန်းမာရေး ဂရုမစိုက် တော့ပါဘူး။)

ဒီမှာ past simple ကို သုံးပြီးပြောတာ သတိပြုမိကြမှာပါ။ အတိတ်က ထပ်ခါထပ်ခါပြုလုပ်ခဲ့တဲ့ လုပ်ရပ်တွေ (past repeated actions) အကြောင်းပြောဖို့ အတွက် 'would' နဲ့ 'used to' ကို အမြဲသုံး စရာ အလိုပါဘူး။ Past simple ကို သုံးလဲ ရပါတယ်။

used to ကို အမြဲမသုံးချင်ရင် past repeated actions တွေ အတွက် 'would' ကို သုံးလို့ရပါတယ်။ ဒါပေမယ့် past states တွေ အတွက် 'would' ကို သုံးလို့မရပါ။ Past simple ကိုတော့ အမြဲသုံးလို့ရပါတယ်။