Tun Tun Latt

ခါတခြမ်းစောင်းကွေးကောက်ခြင်း Scoliosisကိုတည့်မတ်ပေးပုံအဆင့်ဆင့်..........................................................
👉Scoliosis သည်အများအားဖြင့် idiopathic (ဖြစ်ရသည့်အကြောင်းရင်းအတိအကျမသိ)ကြောင့်ဖြစ်ရပြီးမွေးရာပါ၊ ကြွက်သားနှင့်အကြောရောဂါများကြောင့်လည်းဖြစ်ရသည်။
👉ကမ္ဘာတဝမ်းလူဦးရေ၏ 2.52% (လူတရာလျင် ၃ဦးခန့်) ဖြစ်ပွားပြီး US တွင်ဖြစ်ပွါးသူ၉သန်းခန့်ရှိသည်။ မြန်မာနိုင်ငံတွင် Data collection စာရင်းအတိအကျကောက်ခံခြင်းမရှိသော်လည်းအလွန်များသည်ဟုသိရပါသည်။
👉စောစောသိရှိလျင်(၉-၁၇နှစ်အတွင်း)ထိရောက်စွာကွေး​ကောက်ခြင်းကိုလျော့ချကုသနိုင်ပြီး၊နောက်ကျမှသိရှိပါက(၁၇နှစ်အထက်) ကွေးကောက်ခြင်းကိုပို၍မဆိုးသွားအောင်သာထိန်းထားနိုင်ပါသည်။
👉ကွေးကောက်ခြင်း (Cobb Angle) 25 degree အောက်ကို ကုသရန်မလိုဘဲပုံမှန်ပြန်ဖြစ်နိုင်ပါသည်။
👉 ကွေးကောက်ခြင်း (Cobb Angle) 25-45 degree အကြားကို အထိန်းကရိယာ Braceနှင့် လေ့ကျင့်ခန်း Physiotherapist exercise နှစ်ခုတွဲ၍ကုသပါကအလွန်ထိရောက်ပါသည်။
👉ကွေးကောက်ခြင်း Copp Angle 50degree နှင့်အထက်အတွက် Surgery ခွဲစိတ်ကုသခြင်းသာအသင့်လျော်ဆုံးဖြစ်သည်။ (ကျောရိုးခွဲစိတ်ခြင်းသည် ငွေကုန်ကြေးကျအလွန်များပြီး (Thai , Singaporeတို့တွင်ခွဲစိတ်ပါကကျပ် သိန်း၅၀၀ မှ သိန်း၁၀၀၀ကုန်ကျနိုင်) အန္တရယ်ကြီးလွန်းသောကိစ္စဖြစ်သည်)
👉မကုသဘဲထားရှိပါက ခါးသိသာစွာစောင်းလာပြီးခါးနာလာမည်၊ နောက်ပိုင်းတွင်ပိုဆိူးလာနိုင်ပီးinternal organs အဆုတ်နှင့်နှလုံးစသည်တို့ကိုထိခိုက်ပျက်စီးစေသဖြင့်အသက်ကိုဒုက္ခပေးနိုင်သည်။
👉 multidisciplinary ခေါ်သည့် Doctor , PT , PO အားလုံးအတူတကွteam work ဖြင့်ပူးပေါင်းလုပ်ဆောင်ရသည့်အတွက်အလွန်ရလဒ်ကောင်းထွက်ရှိပါသည်။
👉အောက်မှvideo လေးမှာ Copp Angle 35degree နှင့်အသက် ၁၃နှစ်ခန့်ရှိသောသမီးလေးအားကုသပေးပုံအဆင့်ဆင့်ကို ဗဟုသုတအလို့ဌာဝေငလိုက်ပါသည်။ပညာပေးဗဟုသုတဖြစ်သဖြင့် Scoliosis ဖြစ်နေသောသားသမီးများ၏မိဘများအတွက်အသုံးဝင်မည်ဟုမျော်လင့်မိပါသည်။

Scoliosis Angle35degree Sign grade3 # Bostom brace&Physio treatment team work

လက်ဆုံးရှုံးသွားတဲ့လူငယ်လေးတယောက်အတွက်ကျောင်းတက်ဖို့ဘောပင်ကိုင်ရမယ်၊ ဆိုင်ကယ်စီးလဲအဆင်ပြေရမယ်၊လှပဖို့လဲလိုတဲ့ စက်ရုပ်လက်လေးတခုပြုလုပ်ပေးခဲ့ပါတယ်💪


လင်းလက်တောက်ပ-နည်းပညာမြင့် ခြေတုလက်တု Lab & showroom

ပြီးခဲ့တဲ့အပတ်Yangzhou မြို့တွင်ကျင်းပခဲ့တဲ့အာရှAsian gamesတွင်
ကယားတိုင်းရင်းသူလေးလော်ရာဝင်းမှတတိယကြေးဆုရယူနိုင်ခဲ့💪

ကယားတိုင်းရင်းသူလေးလော်ရာဝင်းအတွက်နိုင်ငံတကာမှာဝင်ရောက်ယှဉ်နိုင်ဖို့လွန်ခဲ့တဲ့၅နှစ်တည်းကအပြေးခြေတုလုပ်ပေးခဲ့တာခုတော့နိုင်ငံအတွက်ငွေ၄ဆုရယူခဲ့ပြီး ရွှေဆုရဖို့ကြိုးစားရုန်းကန်နေသူလေး…
Fighting လော်ရာ💪

လူငယ်လေးတယောက်အတွက်စီလီကွန်အလှလက်လေးလုပ်ပေးခဲ့ပါတယ်
အများသူငှါနည်းတူအမြန်ဆုံးပြန်ပြီးကျင်လည်လုပ်ကိုင်နိုင်ပါစေလိုဆုတောင်းပေးရင်း😊


လင်းလက်တောက်ပ-နည်းပညာမြင့် ခြေတုလက်တု Lab & showroom

ရွှေခြေတောက်တခုထုဆစ်ခြင်း

👉လွန်ခဲ့တဲ့၅နှစ်ကမောင်လင်းဆိုတဲ့လူငယ်တဦးမျော်လင့်ချက်အပြည့်နဲ့ကိုယ့်ဆီရောက်လာပြီး
“ဆရာကျွန်တော့ကိုပြေးဖို့ခြေထောက်ကောင်းကောင်းတခုလုပ်ပေးပါ၊ နိုင်ငံ့ကိုယ်စား ပြုပြီး နိုင်ငံတကာပွဲတွေမှာ ဝင်ရောက်ယှဉ်ပြိုင်ချင်လို့ပါဆရာ” လို့ဆိုပါတယ်
လူရဲ့အပေါ်ယံရုပ်ရည်ကိုကြည့်ပီးအရည်အချင်းဆုံးဖြတ်လေ့မရှိတဲ့ ကိုယ်ကတောင် “မင်းပုံနဲ့ဖြစ်ပါ့မလားကွာ” လို့ပြောလိုက်မိတဲ့အထိ မောင်လင်းကိုယ်ခန္ဓာ အဖွဲ့အစည်းတည်ဆောက်ပုံက ပိန်ပါးနေပုံကနိုင်ငံတကာပွဲတွေမှာ ဝင်ရောက်ယှဉ်ပြိုင်ဖို့မဖြစ်နိုင်ပါ
ကိုယ့်မျက်စိထဲမှာတော့ ကမ္ဘာ့မိီတာ ၁၀၀၊ ၂၀၀ ချန်ပီယံတေဖြစ်တဲ့ Carl Lewis ကားလ်လူးဝစ်တို့ ၊ ဟူစိန်ဘော့တို့ရဲ့ ကြွက်သားတည်ဆောက်ပုံတွေက ပြေးတဲ့အခါ ညစ်အားအလွန်ကောင်း စေမယ်လို့ ယုံကြည်မိတော့ မောင်လင်းရဲ့ အိမ်မက်ကိုပိုပီးမှေးမိန်စေတယ်😢
တဖက်ကလည်းပြန်စဉ်းစားမိတာ က အီသီယိုးပီးယား က ကမ္ဘာ့တာဝေးအပြေးချန်ပီယံတွေရဲ့ ပိန်ပါးကျစ်လစ်တဲ့body structure ကမောင်လင်းနဲ့သိပ်မကွာလေတော့ တဖန်မောင်လင်းအတွက် အားတက်မိပြန်တယ်😊
အဲ့ဒိီတော့ကိုယ်က “မောင်လင်းတကယ်ကြိုးစားမှာလား ၊ဇွဲရှိမှမင်းအောင်မြင်မှာနော်”ဆိုတော့
မောင်လင်းက “ကျွန်တော်ဖြစ်အောင်ကြိုးစားမယ်ဆရာ” …….

Project စတင်ခြင်း 💪
Blade Runner လို့ခေါ်တဲ့ကမ္ဘာ့နည်းပညာမြင့် အပြေးခြေတုမျိုးက Carbon Fiber ခေါ်တဲ့အလွန်မာကျောပေါ့ပါးသောအသားဖြင့်ပြုလုပ်ထားပြီး ကုန်ကျစရိတ်အလွန်များပြားပါတယ်
ခြေတုအလိုင်းမန့်နှင့် ပြေးသည့်အခါ ခြေတောက်တွန်းကန်အားများ ချိန်ညှိတပ်ဆင်မှု တိကျသေချာရန်အလွန်လိုအပ်ပါသည်
ခြေတုတပ်ဆင်ပြီး လေ့ကျင့်မှုအနည်းဆုံးတနှစ်ခန့်ပြင်းပြင်းထန်ထန်လေ့ကျင့်ပီးမှသာ ခြေတုနှင့် အကျွမ်းတဝင်ရှိလှပြီး ပြိုင်ပွဲများ ဝင်ရောက်ယှဉ်ပြိုင်နိုင်မည်ဖြစ်သည်။

👉ကုန်ကျစရိတ်(ဗဟုသုတအတွက်သာရည်ရွယ်သည်)
လွန်ခဲ့တဲ့၆နှစ်ဘန်ကောက်မှာဤခြေတုမျိုး အခြားအပြေးသမားတဦးကိုသွားရောက်လုပ်ပေးခဲ့တော့ထိုင်းဘတ်ငွေ၄သိန်းကျော်(ကျပ်သိန်း၄ရာကျော်) ကုန်ကျပါတယ်။ ခရီးစရိတ် စားစရိတ်နေထိုင်စရိတ်မပါဝင်ပါ။
(ခြေတုပစ္စည်းကုန်ကျငွေသိန်း၁၀၀ကျော်+ ပညာရှင်နှင့်တခြားကုန်ကျငွေသိန်း ၃၀၀ကျော်)
ဒါပေမဲ့မောင်လင်းရဲ့ခြေတုအတွက်ပညာရှင်ကြေးနှင့်တခြားကုန်ကျစရိတ်တပြားတချပ်မှမယူပဲအားလုံးအခမဲ့ရအောင်မိမိတို့မှလုပ်ဆောင်ပေးခဲ့ပြီး HORCဘားအံခြေတုဌာနနှင့် ICRC မှခြေတုပစ္စည်းများထောက်ပံ့ပေးခဲ့ပါတယ်။

မောင်လင်းရွှေယူပီ 💪
မလျော့သောဇွဲ့လုံ့လနှင့် ကြိုးစားအားထုတ်မှုကြောင့် ပြီးခဲ့သည့်လCambodia နိုင်ငံPhnom Penhမြို့တွင်ကျင်းပခဲ့သော 2023 ASEAN Para Games ပြီးခဲ့သောအရှေ့တောင်အာရှအားကစားပြိုင်ပွဲတွင်
အပြေး မီတာ၈၀၀ ၊၁၅၀၀တွင် ဤခြေတုဖြင့်ရွှေ၂ခု ယူခဲ့ပြီး မီတာ ၈၀၀၊၈၀၀ rely မှာ ငွေနှင့် ကျေး စုစုပေါင်း၄စုရယူနိုင်ခဲ့ပါသည်။
အဖိုးတန်ရွှေဆုများရယူပေးခဲ့တဲ့ဤ ခြေတုလေးပြုလုပ်ခဲ့ပုံ အဆင့်ဆင့်နှင့် မောင်လင်းကြိုးစားရုန်းကန်ခဲ့တဲ့ ပုံများကို ဗဟုသုတအဖြစ် အောက်မှ video လေးကိုကြည့်ရှူအားပေးနိုင်ရန်ဝေငပေးခြင်းဖြစ်ပါကြောင်း….

လင်းလက်တောက်ပ-နည်းပညာမြင့် ခြေတုလက်တု Lab & showroom


*** ဤခြေတု project ကိုအတူတကွကူညီလုပ်ဆောင်ပေးခဲ့ကြသော HORCမှ လုပ်ဖော်ကိုင်ဖက်များအားလုံးကို ဤဆောင်းပါးလေးဖြင့်သတိတယဂုဏ်ပြုရင်း***

နည်းပညာမြင့်ခြေတုဆိုတာ

သာမန်လူတယောက်လမ်းပြန်လျောက်သလိုပါပဲ
👉လမ်းလျောက်တဲ့အခါ မနာမကျဉ် သက်တောင့်သက်သာရှိရမယ်
👉ဝတ်ဆင်ရချွတ်ရလွယ်ကူပီးပေါ့ပါးခိုင်ခံ့ရမယ်
👉ဒါမှခြေတုကိုအသုံးပြုသူက ယုံကြည်မှုအပြည့်အဝနဲ့လမ်းပြန်လျောက်ပီး ပုံမှန်လူကောင်းတယောက်ကဲ့သို့ပတ်ဝန်းကျင်မှာနေထိုင်လှုပ်ရှားနိုင်ရမယ်

ဒီစီလီကွန်ခြေတုရဲ့ပြုလုပ်ကုန်ကျစရိတ်က
န်ိုင်ငံခြားတိုင်းပြည်တွေမှာမှာဆိုသိန်း၂၀၀အထက်ကုန်ကျစရီတ်ရှိပါတယ် ကိုယ့်တိုင်းပြည်မှာတော့ထက်ဝက်သာသာသောကုန်ကျစရိတ်သက်သာစေရန်လုပ်ဆောင်ပေးလျက်ရှိသည်ကိုဝေငခြင်းဖြစ်ပါကြောင်း😊


လင်းလက်တောက်ပ-နည်းပညာမြင့် ခြေတုလက်တု Lab & showroom

ကင်ဆာ၊ဆီးချို၊သွေးကြောပိတ်များအတွက်အထူးခြေတု
…………………………………………………………………………….

ကင်ဆာကြောင့်ခြေတဖက်ဆုံးရှုံးသွားတဲ့ညီမတစ်ဦးကို အဆင့်မြင့်ခြေတုတခု လုပ်ပေးခဲ့ပါတယ် စိတ်ဓါတ်ခိုင်မာသောသူတဦးဖြစ်လို့အချိန်တိုလေးအတွင်းသာမန်လူတဦးကဲ့သို့လမ်းပြန်လျောက်နေနိုင်ပါပီ😊

လမ်းလျောက်လေ့ကျင့်ချိန်၄ရက်ထဲနဲ့ဒီလိုလက်လွတ်ပီးလမ်းပြန်လျောက်နိုင်ဖို့ဆိုတာ အလွန်ရှားပါးပါတယ်။ ဒီလိုရဖို့ဆိုတာလည်းခြေတု၏နည်းပညာနှင့်အရည်အသွေးကောင်းမွန်ရုံတခုထဲမရပါ၊လမ်းပြန်လျောက်မဲ့သူ၏ဇွဲနဲ့ ငါလမ်းပြန်လျောက်ကိုလျောက်နိုင်ရမယ်ဆိုတဲ့စိတ်ဓာတ်မျိုးလဲလိုအပ်ပါတယ်။ video👇

ဒီခြေတု၏အားသာချက်များကတော့👇
-ခြေတုကိုဝတ်ဆင်ရ၊ဖြုတ်ရတပ်ရအလွန်လွယ်ကူမြန်ဆန်သောနည်းပညာသုံးထားပါတယ်
-ခြေတုကအလေးချိန်ပေါ့ပါးပြီး၊ အတွင်းသားပျော့အိသော Gel Linerဖြင့် ပြုလုပ်ထားသဖြင့် လမ်းလျောက်သည့်အခါ မနာကျဉ်ဘဲ သက်တောင့်သက်သာသဖြင့်ဆီးချို၊သွေးကြောပိတ်၊ ကင်ဆာ များအတွက် အလွန်သင့်လျော်သောခြေတုဖြစ်ပါတယ်
-ခြေတုကကောင်းသောခြေထောက်တဖက်နှင့်အနီးစပ်ဆုံးတူအောင်ပျော့ပြီးခိုင်ခံ့သောခြေသလုံးအသားဖြင့်ပြုလုပ်ထားသဖြင့်လှပပြီးရေရှည်ခံပါတယ်။
-အာမခံ၅နှစ်ပေးထားပြီး ၅နှစ်အတွင်း တခုခုဖြစ်ပါက ပစ္စည်းအခမဲ့အစားထိုးပြင်ဆင်ပေးပြီး ၊ ၅နှစ်နောက်ပိုင်းတွင်လည်း ခြေတုချို့ယွင်းပါကအခမဲ့ပြင်ဆင်ပေးပါတယ်။

အားနည်းချက်ကတော့
-ကုန်ကျငွေများပါတယ်။
နိုင်ငံခြားတိုင်းပြည်များတွင်ပြုလုပ်ပါက ဤခြေတုမျိုးကို အနည်းဆုံး ကျပ် သိန်း၁၀၀ ကျော်ကုန်ကျပါတယ်။
-ကိုယ်ဆီမှာတော့ မဖြစ်မနေသိန်း၅၀ခန့် ကုန်ကျပါတယ်🥲

ကုန်ကျသွားသောငွေကြေးနဲ့ ပြန်လည်ရရှ်ိမဲ့ခြေတုရဲ့အကျိုးအမြတ်များက်ိုနှိုင်းယှဉ်ကာ ကိုယ်တတ်နိုင်သောငွေကြေးအနေအထား၊ ကိုယ့်ရဲ့ခြေထောက် အခြေနေများကို ချိန်ဆပြီး ပညာရှင်များနှင့် ညှိနိုင်းတိုင်ပင်ပီးလုပ်ဆောင်ကြပါလို့ပဲ အကြံပေးရင်း ….


လင်းလက်တောက်ပ-နည်းပညာမြင့် ခြေတုလက်တု Lab & showroom

Spider Man တယောက်ကိုခြေတုတပ်ပေးလိုက်တော့😁

#လင်းလက်တောက်ပနည်းပညာမြင့်ခြေတုလက်တု09780377877

ကင်ဆာကိုကြံ့ကြံ့မည့်သူ…

ကျနော်တို့အလွန်ခက်ခဲတဲ့ ခြေတုအတော်များများလုပ်ခဲ့ဖူးပြီး အခုဒီအကိုအတွက် လုပ်ပေးခဲ့တဲ့ခြေတုကလဲ အခက်ခဲဆုံးတခုဖြစ်ပါတယ်။ကင်ဆာကြောင့်ခြေထောက်ကို ပေါင်မှဖြတ်ရပြီး လုံးပတ်အလွန်ကြီးပါတယ်။ အခက်ခဲဆုံးကတော့ Flexion contracture ခေါ်တဲ့ခြေပြတ်ပိုင်းကအရှေ့ဘက်ကွေးကောက်ပြီး ပေါင်ကိုပုံမှန်ပြန်ဆန့်လို့ မရတဲ့ အနေအထားမျိုးဖြစ်လို့ ဒါမျိုးကပုံမှန်လမ်းပြန်လျှောက်ဖို့ အလွန်ခက်ခဲပါတယ် အလွန်ဆုံးခြေတုနှင့် ချိုင်းထောက်တွဲ၍ သာသွားလာနိုင်မည်ဟု မျှော်လင့်ထားခဲ့မိပါတယ်။
သို့သော်…
ဒီအကိုရဲ့မလျော့သောဇွဲနဲ့ကြိုးစားအားထုတ်မှုတို့ကြောင့် အချိန်တိုအတွင်း ချိုင်းထောက်မကူ လက်လွတ်ပြီး အိမ်ပြန်လမ်းလျှောက်သွားတာကိုတွေ့ရတော့စိတ်ထဲမှာ…

အားလုံးဟာကြိုးစာရင်ဖြစ်နိုင်ပါတယ်💪

သူလက်လွတ်လမ်းလျောက်ပီးအိမ်ပြန်သွားတဲ့video လေးအားပေးပါ👇
#လင်းလက်တောက်ပနည်းပညာမြင့်ခြေတုလက်တု09780377877

Cerebral Palsy ဆိုတာမွေးရာပါ သူငယ်နာအကြောတင်းလို့ခေါ်ပါတယ် ခြေဖဝါးအပြားလိုက်မကျလို့လမ်းလျောက်တဲ့အခါခက်ခဲလှပါတယ်
Ankle Foot Orthosis (AFO)ကတော့ခြေဖဝါးတခုလုံးအပြားလိုက်ကျအောင်ထိန်းပေးလို့ လမ်းလျောက်နိုင်ဖို့ထိရောက်စွာကူညီပေးပါတယ်

အဲဒီ jumping လေးကိုတွေ့ချင်တာ😊

မိတ်ဆွေတဦးကမျက်စိလည်လမ်းမှားပြီးကိုယ့်ဆီရောက်လာတော့ ခြေတုသုံးနေတာအနှစ်၂၀ရှိပြီးဖြစ်တဲ့အကြောင်း၊ ခြေတုကောင်းလေးတခုရဖို့လိုက်ရှာဖွေနေတာကြာပီးဖြစ်တဲ့အကြောင်း၊ လက်ရှိသုံးနေတဲ့ခြေတုကနှင်းချလိုက်တိုင်းခြေတောက်ကိုဆွဲဖြဲသလိုဖြစ်လို့လမ်းလျောက်ဖို့တောင်ကြောက်နေရတဲ့အကြောင်းပြောပြပါတယ်
ဒါကြောင့်သူ့ကိုလမ်းလျောက်ဖို့မပြောနဲ့jumping ပါလုပ်လို့ရတဲ့ခြေတုလုပ်ပေးပါမယ်လို့ကတိပေးပြီးတဲ့အခါ👇
အောက်မှVideo လေးကိုအားပေးပါ

(Prosthetist&Orthotist)
#လင်းလက်တောက်ပနည်းပညာမြင့်ခြေတုလက်တု09780377877

ခြေနှစ်ဖက်ခြေတုဆိုတာ☝️

ဒီညီမလေးခြေတောက်၂ဖက်လုံးအတွက်လုပ်ပေးတဲ့ခြေတုလေးကလမ်းလျောက်တော့ထိရောက်မှုဘယ်လောက်ရှိလဲဆိုတာအောက်မှvideo လေးမှာတွေ့နိုင်ပါတယ်၊
အိမ်အပြန်လှသွားတဲ့သူကလေး😊

👉ခြေတု၂ခုနဲ့တောင်ဒီလိုလမ်းလျောက်နိုင်သေးရင်ခြေတဖက်ဆုံးရှုံးသူများအားငယ်စရာမလို ခွန်အားယူနိုင်ဖို့💪
👉တကယ်တော့သူ့ခြေတောက်တွေကထင်သလောက်မလွယ်ကူပါ ညာဖက်ကအလွန်တိုလွန်းပြီးဘယ်ဖက်ကအလွန်ရှည်ပါတယ် ဒူးကောင်းရှိကြွက်သားအရွတ် (knee ligaments) များကအားနည်းပြီးလျော့နေသဖြင့်ခြေတုထိန်းပြီးလမ်းလျောက်ရန်ပုံမှန်ခြေတုဖြင့်အဆင်မပြေနိုင်၊
👉လမ်းလျောက်တဲ့အခါလုံးဝမနာကျဉ်စေရဘဲ ပုံမှန်လူကောင်းတယောက်ကဲ့သို့လမ်းပြန်လျောက်နိုင်ဖို့ဆိုတာခြေတုလုပ်ပေးတဲ့ပညာရှင်များရဲ့ကဓိကပန်းတိုင်ဖြစ်ပါတယ်

(Prosthetist&Orthotist)
#လင်းလက်တောက်ပနည်းပညာမြင့်ခြေတုလက်တု

ဒူးအထက်ပိုင်းခြေတုဆိုတာ☝️

၁၀တန်းကျောင်းသားလေးကျော်ကျော်ကဆိုင်ကယ်မတော်တဆကြောင့်ခြေတောက်ကိုပေါင်အထိဆုံးရှုံးခဲ့ရပါတယ်။😢
မိဘများကသူတို့သားလေးအကောင်းဆုံးလမ်းပြန်လျှောက်ရအောင် ဘယ်လောက်ကုန်ကျပါစေ ရှိသမျှရောင်းချပေါင်နှံပြီး အကောင်းဆုံးခြေတုလေးတခုလုပ်ပေးပါဆိုပြီး အကူအညီတောင်းလာတော့ ကျွန်တော်တို့သူ့အတွက် ခြေတုကောင်းလေးတခုပြုလုပ်ပေးကြပါတယ်။
👇👇
အောက်မှသူလမ်းလျှောက်တဲ့ video လေးက်ိုကြည့်ခြင်းအားဖြင့် ဒီခြေတုလေးကသူ့ရဲ့ဘဝကိုထိရောက်စွာ ဤသို့စွမ်းဆောင်မှုများပေးတာတွေတွေ့မြင်နိုင်ပါတယ်။ video အစပိုင်းတွင်ခြေတုအကြမ်းပုံစံမျိုး ဖြင့်လေ့ကျင့်ပေးပြီး အဆုံးသတ်၌ခြေသလုံးအလှအချောသတ်ထားတာတွေ့ရမည်ဖြစ်သည်၊ လမ်းလျောက်လေ့ကျင့်ချိန်တရက်အတွင်းဤသို့လမ်းလျောက်နိုင်ပြီဖြစ်သည်။
👉သူ့ခြေတုကိုOttobock Brand 3R 15 knee (ဒူးဆစ်)သုံးထားပေးပါတယ်။ လမ်းလျှောက်တိုင်း ဒူးထိန်းအားကောင်းပြီးတချက်မှမခွေမညွတ်မလဲကျပါ ။
( ပေါင်ပြတ်ပိုင်း လမ်းလျှောက်သူများသည်မိမိတို့ဒူးခေါင်းကိုဆုံရှုံးသွားရသဖြင့် ဒူးခွေညွတ်လဲကျမှာအလွန်ကြောက်ကြသည်။ဒူးခွေညွတ်ကျခြင်းကလည်း သူတို့အမြဲလိုလိုကြုံတွေ့ရသည့်အဓိကပြသနာဖြစ်သည်။)
👉လမ်းလျှောက်တိုင်းလွယ်ကူပေါ့ပါးစွာ (Swing Phare)လွှဲလျှောက်နိုင်သဖြင့် energy consumption အားအင်သုံးစွဲမှု အနဲဆုံးလျှောက်နိုင်သဖြင့် ခရီးဝေး ရေရှည်သွားလာနိုင်သည်။
👉ခါးပတ်မလို စီလီကွန်သုံးခြေတုမျိုးဖြစ်သဖြင့် အလွန်သက်တောင့်သက်သာရှိပြီး ဝတ်ဆင်ရလွယ်ကူသည်။ ဖြုတ်ရတပ်ရ အလွန်မြန်ဆန်လွယ်ကူသည်။ပေါ့ပါးသဖြင့်အသုံးပြုသည့်အခါ ယုံကြည်မှုတိုးစေသည်။
👉ပိုပြီးထူးခြားချက်မှာ ခြေတုဖြင့် တင်မလင်ခွေထိုင်ခြင်း၊ ဒူးထောက်ခြင်း များပြုလုပ်နိုင်ပါသဖြင့် မြန်မာလူမျိုးများအတွက် ဘုရားဝတ်ပြုခြင်း ၊ ဖိနပ်ကိုထိုင်၍ချွတ်ခြင်း တပ်ခြင်းများပြုလုပ်နိုင်သည်။
အောက်မှvideo ကြည့်ရှုလေ့လာနိုင်ပါတယ်၊👇
………

ဒူးအထက်ပိုင်းခြေတုတခု၏ကုန်ကျစရိတ် ( cost ) (ဗဟုသုတဖြစ်စေရန်သာရည်ရွယ်သည် )
-ကမ္ဘာပေါ်တွင် ခြေတုပညာရှင်များ ခေါင်းအစားဆုံးခြေတုမျိုးမှာ ပေါင်ပြတ်ပိုင်းအတွက် ဒူးဆစ်ရွေးချယ်ပေးရသည့်ကိစ္စဖြစ်သည်။ ပေါင်ပြတ်သူများကသူတို့၏ knee joint ( ဒူးဆစ် )မရှိတော့သဖြင့် ဒူးဆစ်ကိုပြန်အစားထိုးရာတွင် မိမိအသုံးပြုနိုင်သောငွေကြေးပမာနများလေလေ ပို၍ အဆင့်မြင့်ပြီးလူကောင်းတယောက်၏ ဒူးဆစ်နီးပါး လမ်းပြန်လျှောက်နိုင်အောင်စွမ်းဆောင်နိုင်လေဖြစ်သည်။
ဉပမာ ဂျာမနီနိုင်ငံထုတ် Ottobock brandရဲ့ Genium X3 knee ဒူးဆစ်က လက်ရှိကမ္ဘာပေါ်စျေးအများဆုံးခြေတုမျိုးဖြစ်ပြီး $100000 အထက် မြန်မာကျပ်သိန်း ၃၀၀၀ ခန့်ကုန်ကျပါသည်။ Genius X3ပုံကိုcomment တွင်ကြည့်ပါ( ဘယ်လောက်ဘဲ ကုန်ကျပါစေ အမေမွေးထားပေးတဲ့ ခြေထောက်ကိုတော့ ဘယ်လိုမှ မယှဉ်သာနိုင်တော့တာကတော့သခ်ါရတရားပါ )
-ဉရောပနဲ့ US ၊ ဂျပန်လိုနိုင်ငံမျိုးတွင် သာမန်စျေးအပေါဆုံး ဒူးအထက်ခြေတုကို $ ၃၀၀၀ဝ မြန်မာငွေ သိန်း ၆၀၀ခန့် ကုန်ကျပြီး ၊ စင်ကာပူ ၊ ထိုင်း စသည့်နိုင်ငံများတွင် Ottobock. brand စျေးအချိုဆုံး Knee ဒူးဆစ်ဖြင့်ပြုလုပ်သည့်ခြေတုမျိုးဖြစ်ပါက အနည်းဆုံး ဒေါ်လာ ၁၀၀၀၀ အထက် သိန်း၃၀၀ ခန့်ရှိပါသည်။ ကိုယ်ကပစ္စည်းကောင်းကောင်း လုပ်ဆောင်မှုကောင်းကောင်း လိုချင်ပါက ငွေကုန်ခံရပါတော့မည်။
-ကျော်ကျော်အတွက်လုပ်ပေးခဲ့သည့်ခြေတုမှာ Ottobock Knee 3R 15ဒူးဆစ် ၃၆၀°လှည့်၍ရသည်။ ဆီလီကွန်သုံးခြေတုဖြစ်သဖြင့်ကမ္ဘာ့အဆင့်အတန်းမှီသော ခြေတုတခုဖြစ်ပြီး ကုန်ကျငွေကျပ်သိန်း ၈၇ ဖြစ်သည်။သူ့အတွက် ပညာရှင်စရိတ်၊လမ်းလျှောက်လေ့ကျင့်ပေးခြင်း စရိတ်များကိုပညာဒါနအခမဲ့ဖြင့်ပြုလုပ်ပေးထားခြင်းဖြစ်သည်ကိုတော့ပြောရန်မလိုအပ်ပါ။( နိုင်ငံခြားမှာ ထိုခြေတုမျိုးလုပ်ခဲ့လျှင် ၈၇သိန်းကို ၃ ဖြင့်မြှောက်ပါလေ )
ကိုယ့်တိုင်းပြည်တွင် ကိုယ်မသန်စွမ်းလူမျိုးများအတွက် အဆင့်မြင့်မြင့်ခြေတုများကိုစျေးအသက်သာဆုံးရစေရန်အတတ်နိုင်ဆုံးကူညီလုပ်ဆောင်ပေးခြင်းဖြစ်ပြီး ဗဟုသုတများလည်းဝေငခြင်းဖြစ်သည်၊ နောက်ဆို ဆရာထွန်းထွန်းလတ်လုပ်တဲ့ ခြေတုလက်တုက စျေးများတယ်ဆိုရင် အပေါ်ကစာကို ၂ခါပြန်ဖတ်ပေးပါလို့မေတ္တာရပ်ခံရင်း😊

Tun Latt ( prosthetist and Orthotist )
#လင်းလက်တောက်ပနည်းပညာမြင့်ခြေတုလက်တု

ဂမ်မော်လေးလမ်းပြန်လျောက်ပြီ😍

ကချင်လေးဂမ်မော်က ၇ လနဲ့မွေးဖွားခဲ့ပြီး Cerebral Palsy(moderate CP)ခေါ်သူငယ်နာ အကြောတင်းရောဂါကြောင့် ပုံမှန် လမ်းလျောက်ဖို့အလွန် ရုံးကန်ရပါတယ် လမ်းလျောက်ခြင်းကသာခက်ခဲသော်လည်း သူ၏ ဦးဏှောက်စွမ်းရည် ( intelligent)မှာ သာမန်ကလေးအများနည်းတူ ပုံမှန်ပင်ဖြစ်ပြီး အလွန်ဖော်ရွေပြီး ချစ်ဘို့ကောင်းသော ကလေးတစ်ယောက်ဖြစ်သည်။
👉သူ၏ ဘယ်ခြေထောက်ဘက်တွင် ဒူးဆစ်အနောက်ဖက်ပြန်ကော့နေ (Knee Hyper extension) နှင့် ခြေဖဝါးအတွင်းဘက်ဝင်နေခြင်း (Internal rotation of the foot) များကို လမ်းလျောက်သည့်အခါတွင်တွေ့ရသည်။
👉ညာခြေထောက်ဘက်တွင် ခြေဖဝါးတွဲလောင်းကျ (Foot drop) ခြင်းကြောင့် လမ်းလျောက်လိုက်တိုင်း ခြေဖျားနှင့်သာထောက်ပြီး ၊ခြေဖမိုးထိပ်ဖျားဖြင့် မြေကြီးကို ဒရွတ်တိုက်ဆွဲ(Toe drag)နေသဖြင့် ခြေဖမိုးထိပ်ပိုင်း ဒဏ်ရာရပြီး နာကျဉ်ခြင်းဒဏ်ခံစားရသည်။ (ဤခြေထောက်ပုံစံမျိုးသည် stroke (လေဖြတ်သူ) များတွင် အတွေ့များသည်။ )
အထက်ပါအကြောင်းများကြောင့် လမ်းလျောက်ရ ခက်ခဲပြီး သွားလာဘို့ကြောက်ရွံ့နေရရှာသည်။

👉AFO Posterior Leg Splint ၏အစွမ်း
- ဤထောက်ကူကိရိယာလေးက သူ၏ ကောက် ကွေး၍တိမ်းစောင်းနေသော ခြေထောက်အစိတ်အပိုင်းများကို(Neutral Alignment)ခေါ်တည့်မတ်သောအနေအထားတွင်ထိန်းထားပေးပြီး ခြေမျက်စိအဆစ် (Ankle Joint) ကို Spring Action လုပ်ပေးသဖြင့် လမ်းလျောက်လိုက်တိုင်း လွယ်ကူပေါ့ပါးသွားပြီး သာမန်လူများနီးပါး မနာမကျဉ် လမ်းပြန်လျောက်နိုင်ပါပြီ။
👉မိမိပတ်ဝန်းကျင်တွင်ဒါမျိုးလေးတွေတွေ့ရှိပါကဒီလိုလုပ်ရနိုင်ကြောင်းဝေငရင်းကုသိုလ်ယူနိုင်ဖို့😊


#လင်းလက်တောက်ပနည်းပညာမြင့်ခြေတုလက်တု

အခမဲ့ခြေတုအကြောင်း

အခမဲ့ခြေတုဆိုတာ ဘယ်လိုမျိုးလဲ၊ ဘယ်လိုလူတွေကလုပ်တာလဲ၊ ဘယ်နေရာမှာရနိုင်လဲ စသဖြင့်ကိုယ်သိသလောက်ဝေငပေးလိုက်ပါတယ်

About free of Charge prosthetics
What is a free prosthesis like? Who manufactures it? I shared as much as I know where to get it

အခမဲ့နဲ့အဆင်မပြေလို့Ottobock ခြေတုမျိုးတွေလုပ်ချင်ရင်လင်းလက်တောက်ပနည်းပညာမြင့်ခြေတုလက်တုတွင်လာရောက်လေ့လာဆွေးနွေးနိုင်ပါတယ်
လိပ်စာက👇
တိုင်းမ်စီတီ ၊ တိုင်းမောလ် ၅လွှာ ၊ ကျွန်းတောလမ်း၊ ကမာရွတ် ၊ 09 780377877, 09779772270

Christmas အမှီ🎄🎄…

👉ဒီဉီးလေးကဆီးချိုကြောင့်ခြေတုနဲ့လမ်းပြန်မလျောက် နိုင်ဘဲ wheelchair ပေါ်မှာဘဲနေလာရတာ၃နှစ်ရှိပါပြီ၊
Christmas အမှီလမ်းပြန်လျောက်ချင်ပါတယ်ဆိုလို့နည်းပညာမြင့်ခြေတုလေးနဲ့လမ်းပြန်လျောက်နိုင်အောင်လုပ်ပေးခဲ့ပါတယ်
👉လမ်းလျောက်လေ့ကျင့်ချိန်တစ်ရက်ထဲနဲ့ဒီလိုလမ်းပြန်လျောက်နိုင်တာကနည်းပညာမြင့်ခြင်းနဲ့သုံးဆွဲသောခြေတုပစ္စည်းများကောင်းခြင်းတို့ကြောင့်ဖြစ်ပါတယ်
👉ဘယ်လိုအခြေအနေဘဲဖြစ်နေပါစေလုပ်ချင်တဲ့ဆန္ဒရှိပါကသင်လမ်းပြန်လျောက်ကိုလျောက်နိုင်ရမယ်💪💪
Tun Latt
#လင်းလက်တောက်ပနည်းပညာမြင့်ခြေတုလက်တု

မေတ္တာရပ်ခံချက်။ ။ခြေတုလက်တုနှင့်ပတ်သက်ပြီးကုန်ကျငွေများကိုမိမိကိုယ်တိုင်ရဲ့ခံယူချက် Ethic အရ public တွင်မဖော်ပြပါ ထိုအကြောင်းများကိုသိလိုပါက message chat box ထဲသာမေးပေးပါ၊ အသေးစိတ်ပြန်လည်ရှင်းပြပေးပါမည်ဖြစ်ပါသည် Thank you.

Myoelectric hand (စက်ရုပ်လက်တု)ဆိုတာက ဦးနှောက်စေခိုင်းတဲ့အတိုင်း ဆင်ဆာကနေတဆင့်လက်ကိုစေခိုင်းလုပ်ဆောင်စေပါတယ်

Myoelectric Prosthesis

👉ပေါင်ပြတ်ပိုင်းအတွက်ဆို ဒူးဆစ်(knee joint) ကောင်းကောင်းသုံးနိုင်လေလမ်းလျောက်ရတာပိုအဆင်ပြေလေပါဘဲ
👉အောက်ကညီမလေးရဲ့ခြေတုက Ottobock ရဲ့hydraulic knee 3R60 ဒူးဆစ်ကိုသုံးထားပါတယ် ဒါကြောင့်လမ်းလျောက်ရတာဒူးညွတ်ကျဖို့စိတ်မပူရတဲ့အတွက်သက်တောင့်သက်သာနဲ့ယုံကြည်မှုပိုတိုးစေပါတယ်👇

ဘယ်အခြေအနေမျိုးမှာဘယ်လိုခြေတုမျိုးသုံးသင့်လဲ စသည်တို့ကိုအနည်းငယ်ဝေငခြင်း