Butuan City Manpower Training Center

40 KA BENEPISYARYO SA REGULAR TRAINING SA DRIVING NC II, NAKALAMPUS NA.

Gisugdan ang regular training sa Driving NC II niadtong Enero 22, 2024, 40 ka benepisyaryo ang naka benepisyo niini ug kini nahuman niadtong Pebrero 15, 2024.

Gipahigayon ang gradwasyon sa DOP Bldg. Government Center, Tiniwisan, Butuan City niadtong Pebrero 27, 2024 adlaw nga Miyerkules sa 11:00 sa buntag. Ang mga ni gradwar nakadawat sa ilang Certificate of Completion kabahin sa ilang kalampusan sulod 15 ka adlaw nga training.

Mapasalamaton ang mga benepisyaryo sa ilang kalampusan kay bisan paman sa kadaghan nila nga gitudluan, silang tanan nakakat-on sa mga skills nga dapat nila mahibaloan sa pag drayb ug pag mentinar sa sakyanan.

Alang sa mga gusto mag enroll sa training, bisitahi ang buhatan sa BCMTC nga anaa nahimutang sa DOP Building, Brgy. Tiniwisan, Butuan City tapad sa new NBI nga opisina o di kaha tawagi sa numero 09306383901 alang sa dugang impormasyon bahin sa gusto mo avail ug training. Abli kanunay ang buhatan gikan Lunes hangtud Biyernes sa may 8am sa buntag hantud sa 5pm sa hapon.

25 KA BENEPISYARYO SA BATCH-2 STEP SMAW NC I NGA TRAINING, NI GRADWAR NA.

Gipahigayon karon adlawa Pebrero 23, 2024 sa may DOP Bldg. Government Center, Tiniwisan, Butuan City ang graduation sa 25 ka benepisyaryo nga nakalampus sa Shielded Metal Arc Welding (SMAW) NC I nga training.

Ang mga ni gradwar nakadawat sa ilang Certificate of Completion kabahin sa ilang kalampusan sulod 37 ka adlaw nga training. Ang training gisugdan niadtong Disyembre 29, 2023 niaging tuig, kini namugna pinaagi sa Special Training for Employment Program o STEP nga gitagana sa Technical Education and Skills Development Authority o TESDA ngadto sa BCMTC. Natapos ang training kagahapong adlawa Pebrero 22, 2024.

Mapasalamaton ang mga benepisyaryo sa ilang kalampusan kay daku kaayo nga tabang ang ilang skills nga nakat-unan ug magamit nila puhon sa ilang pag pangaplay og trabaho.

Alang sa mga gusto mag enroll sa training, bisitahi ang buhatan sa BCMTC nga anaa nahimutang sa DOP Building, Brgy. Tiniwisan, Butuan City tapad sa new NBI nga opisina o di kaha tawagi sa numero 09306383901 alang sa dugang impormasyon bahin sa gusto mo avail ug training. Abli kanunay ang buhatan gikan Lunes hangtud Biyernes sa may 8am sa buntag hantud sa 5pm sa hapon.

Gipangunahan sa Technical Education and Skills Development Authority kon TESDA-Agusan Del Norte ang pagpahigayon ug Training Induction Program (TIP) sa 25 ka benepisyaryo sa Batch-2 Shielded Metal Arc Welding NC I ilalum gihapon sa programa nga Special Training for Employment Program kon STEP.

Ang mga benepisyaro gikan sa Barangay Doongan, Ambago, Taligaman, Antongalon, Baan Km.3, Taguibo, Sumilihon, Los Angeles, Pangabugan, Bit-os, Babag, Baan Riverside, Tiniwisan ug Don Francisco.

Ang training gisugdan niadtong December 29, 2023 og mahuman kini sulod sa 37 ka adlaw hantud February 22, 2024.

20 KA BENEPISYARYO SA STEP SMAW NC I NGA TRAINING, GIPASIDUNGGAN SA ILANG KALAMPUSAN

Gipasidunggan ang kalampusan sa 20 ka benepisyaryo sa Shielded Metal Arc Welding (SMAW) NC I nga training niadtong Disyembre 14, 2023 sa may 1:00pm ang takna sa hapon ngadto sa Butuan City Manpower Training Center, DOP Bldg. Government Center, Tiniwisan, Butuan City.

Ang mga benepisyaryo nakadawat sa ilang Certificate of Completion, isip pamatood sa ilang kalampusan sa training sulod sa 37 ka adlaw. Ang training gisugdan niadtong Oktubre 9, 2023, pinaagi sa Special Training for Employment Program (STEP) na gitagana sa TESDA ngadto sa BCMTC nga maoy nag implementar niini ug kini natapos niadtong Disyembre 13, 2023.

Mapasalamaton ang mga benepisyaryo sa ilang kalampusan, kay daku kaayo nga tabang ang ilang nakat-unan nga skills, nga maoy mamahimo nilang inspirasyon arun makapangitag trabaho ug makatabang sa ilang pamilya.

Alang sa mga boot magpaenrol sa training, Bisitahi ang buhatan sa BCMTC nga anaa nahimutang sa DOP Building, Brgy. Tiniwisan o di kaha tawagi ang numero 09306383901 alang sa dugang impormasyon bahin sa gusto mo avail sa libre na mga training. Abli kanunay ang buhatan gikan Lunes hangtud Biyernes sa may 8:00am hangtud 5:00pm sa hapon.

Usa ka Graduation Activity alang sa mga benepisyaryo sa Body Massage, Table Skirting ug Food processing training ang gipahigayon sa Barangay Anticala, Butuan City niadtong Nobyembre 10, 2023.

Dako ang pasalamat ug kalipay sa mga benepisyaryo tungod sa ilang skills nga nadawat og dakung tabang na kini sa ilang tagsa kaugalingon ug pamilya nga maoy makabenepisyo niini.

Usa ka Graduation activity ang gipahigayon alang sa mga benepisyaryo sa Soap Making training sa Barangay Los Angeles, Butuan City nga gitambungan sa mga Brgy. Officials ug mga Revitalized Pulis sa Barangay niadtong Oktubre 27, 2023.

Dako ang pasalamat ug kalipay sa mga benepisyaryo tungod kay dakung tabang sa ilang tagsa kaugalingon nga nakabaton sila ug skills nga magamit nila sa panginabuhian.

Usa ka Graduation Activity alang sa mga benepisyaryo sa Table Skirting, Manicure, Pedicure ug Food processing training ang gipahigayon sa Barangay Sto. Niño niadtong Oktubre 13, 2023.

Dako ang pasalamat ug kalipay sa mga benepisyaryo sa ilang nakat-unan nga skills tungod kay makatabang kini sa ilang tagsa kaugalingon ug pamilya nga mamahimong produktibo.

Gipangunahan sa Technical Education and Skills Development Authority kon TESDA ang pagpahigayon ug Training Induction Program sa mga benepisyaryo sa Shielded Metal Arc Welding NC I ilalom sa programang Special Training for Employment Program kon STEP.

Ang mga benepisyaro gikan sa Barangay Tiniwisan, Barangay Cabcabon, Barangay Bobon, ug Barangay Banza.

Pinaagi niini, nahatagan og dugang kapasidad ang mga benepisyaryo nga makakat-on og bagong nga skills nga makatabang sa kalambuan sa matag-usa.

“22 KA BENEPISYARYO SA NAKALABAY NGA PAGBANSAY SA STEP SMAW NC I SA MIAGING TUIG, NAKADAWAT NA SA ILANG MGA TOOLKIT GIKAN SA TESDA”

Nakadawat na sa ilang mga toolkit ang 22 ka benepisyaryo sa nakalabay nga pagbansay sa Shielded Metal Arc Welding NC I nga gipahigayon sa Butuan City Manpower Training Center niadtong miaging tuig 2022.

Ang pag pang apud-apud sa mga toolkit gipahigayon sa Regional Training Center sa TESDA didto sa Brgy. Pigdaulan ning siyudad ug gipangunahan kini mismo sa Technical Education and Skills Development Authority kon TESDA nga maoy naghatag ani nga oportunidad ilalom sa Special Training for Employment Program kon STEP niadtong Oktubre 2, 2023 adlaw nga lunes.

Mapasalamaton ang tanan mga nakadawat kay tungod daku kaau ni nga tabang sa ilahang tagsa ka kaugalingon ug sa ilang pamilya kay makabaton na sila ug trabaho sa pag welding gamit niining mga toolkit nga ilang nadawat.

Pinaagi sa suporta sa lokal nga pang gamhanan sa Butuan sa BCMTC ug sa TESDA, ang maong aktibidad nag malampuson. Alang sa mga detalye nga nay kalabutan sa pagbansay, mamahimong mag message sa BCMTC FB page aron matubag largo ang inyong mga pangutana o mamahimong mubisita sa BCMTC nga opisina nga nahimutang sa DOP Building, Brgy. Tiniwisan, Butuan City tapad sa NBI Regional Office ug City Agriculture Office.

HAPPENING NOW!!!

Kasamtangan nagpahigayon karong adlawa ang Butuan City Manpower Training Center (BCMTC) og Libreng massage para sa mga lumulupyo sa Brgy. Sumilihon, Baobaoan, Sto. Niño ug Los Angeles atol sa gipahigayon nga Butuan on Wheels Serbisyo Caravan nga aktibidad sa LGU Butuan, kini nga programa namugna ubos sa liderato ni Mayor RCL dinhi sa Brgy. Los Angeles, Butuan City, Sabado, August 5, 2023.

Hi mga ka 𝘽𝙪𝙩𝙪𝙖𝙣-𝙊𝙣!

Asa nga opisina sa Lokal nga Panggamhanan sa Butuan pwede mag apply og skills training?

a. Butuan City Public Information Office
b. City Sports Office
c. Butuan City Manpower Office
d. Butuan City Manpower Training Center

Ang saktong makatubag, adunay tsansa nga makadawat og pa-premyo gikan sa Butuan City PIO.

Follow us:
https://www.facebook.com/butuancitypioofficial
https://www.youtube.com/c/ButuanCityPIOOfficial
https://www.instagram.com/butuancitypio
https://twitter.com/ButuanPIO
https://www.tiktok.com/

25 ka benepisyaryo sa Driving NC II training nga gitagana sa TESDA sa BCMTC karun tuiga, gisugdan na.

Gisugdan na ang training alang sa 25 ka benepisyaryo sa Training for Work Scholarship Program (TWSP) sa Driving NC II nga gitagana sa Technical Education and Skills Development Authority (TESDA) pinaagi sa Butuan City Manpower Training Center (BCMTC) kagahapong adlawa Mayo 8, 2023.

Ang mga benepisyaryo sa maong training gipili base sa ilang mga gisumite nga aplikasyon sa opisina sa BCMTC ug makadawat sa mga musunod nga benepisyo: libre nga training, 160 pesos nga allowance kada adlaw ug libre nga assessment para National Certificate Level II (NC 2).

Ang mga nahisgutang benepisyo makuha lamang paghuman sa training sumala sa giaprobahan nga mandato gikan sa TESDA para niini nga programa.

Tumong niini nga training nga matabangan ug mapalambo ang kapasidad sa katawhan sa Butuan ug mga kasikbit na lugar arun mamahimong produktibo sa ilang tagsa ka kaugalingon pinaagi niini nga programa.

Ang training molungtad ug 15 ka adlaw og kini hugot nga gisuportahan sa Butuan LGU, kauban ang BCMTC ug ang TESDA og gilaomang mahuman kini nga programa hantud Mayo 29, 2023 ning tuiga.

Labor Day is just around the corner, and the Department of Labor and Employment - Regional Office Caraga is excited to announce the upcoming job fair on May 1, 2023 at Almont Inland Resort. This event offers a unique opportunity for job seekers to connect with a variety of employers and explore potential job opportunities.

Registration is now open for the job fair, and interested individuals are encouraged to sign up as soon as possible. The registration form is available at https://philjobnet.gov.ph and can be completed in just a few minutes.

The job fair will feature a diverse range of companies from different industries, offering positions for various skill and experience levels. Whether you're a recent graduate or an experienced professional, there will be something for everyone at this event.

Labor Day is a time to celebrate the hardworking men and women who help drive our economy forward. This job fair is a great way to honor that spirit by providing opportunities for job seekers to connect with potential employers and take the next step in their career.

Don't miss out on this exciting opportunity to jumpstart your career! Register for the job fair today at https://philjobnet.gov.ph We look forward to seeing you on May 1st at Almont Inland Resort from 8:00 AM to 5:00 PM

Good day everyone!🙂

You can view our services here on the City Government of Butuan website. Please check out this link: https://butuan.gov.ph/butuan-city-manpower-training-center/

You can also download our enrollment and application forms. Please click the tab Forms on the website to view the forms and download them.

City Government of Butuan

Dish Washing Making training, gitagana alang sa kabatan-onan na babae nga apil sa programang SPPAMC sa City Popcom Office.

Nagpahigayon ug isa ka adlaw nga Livelihood Skills Training sa Dish Washing Liquid Making ang Butuan City Manpower Training Center (BCMTC) didto sa Brgy. Doongan Covered Court, Butuan City, niadtong Enero 20, 2023.

Ang mga benepisyaryo sa maong training gilangkuban sa mga kabatan-onan na babae nga apil sa programang Social Protection Program for Adolescent Mothers and Their Children (SPPAMC) nga gipangusgan sa City Population Commission Office.

Ang katuyuan sa maong training nga makahibalo ang matag usa sa pagbuhat ug Dish Washing Liquid nga pwede nila magamit o mabaligya aron sila maka kwarta ug makatabang sa ilang pamilya.

Congratulations to our Driving NC II trainees and industry workers for passing the National Competency Assessment of Driving NC II held at Butuan City Manpower Training Center last December 8, 2022.🥳

Congratulations to our Driving NC II trainees for passing the National Competency Assessment of Driving NC II held at Butuan City Manpower Training Center last December 7, 2022.🥳

We would like to thank the City Government of Butuan headed by our very own Engr. Ronnie Vicente C. Lagnada and to the Technical Education and Skills Development Authority (TESDA) for continuing support in providing training and assessment programs to the people of Butuan and other cities/Municipalities.

Congratulations to our Driving NC II trainees for passing the National Competency Assessment of Driving NC II held at Butuan City Manpower Training Center last December 6, 2022.🥳

22 ka benepisaryo sa SMAW NC I training nga gitagana sa TESDA pinaagi sa BCMTC, gisugdan na.

Gisugdan na ang pagbansay sa 22 ka benepisaryo sa Special Training for Employment Program (STEP) sa Shielded Metal Arc Welding (SMAW) NC I nga gitagana sa Technical Education and Skills Development Authority (TESDA) pinaagi sa Butuan City Manpower Training Center (BCMTC) niadtong Nobyembre 10, 2022.

Ang mga benepisaryo sa maong scholarship makadawat sa mga musunod nga benepisyo: Training Support Fund alang sa ilang pag eskwela, Starter Toolkit aron adunay kaugalingon pangibuhian human sa pag eskwela, ug New Normal allowance na magamit alang sa pag palit sa mga kinahanglanon sa eskwela apil na niini ang alokasyon sa internet data nga magamit sa ilang pag research bahin sa maong training nga giapilan samtang nagapadayun kini.

Tumong niini nga pagbansay nga mulambo ang kapasidad sa matag usa og matabangan ang katawhan nga mamahimong produktibo sa ilang kaugalingon nga pagpaningkamot. Ang pagbansay kasamtangang nagpadayun og hugot nga gisuportahan sa Butuan LGU kauban ang BCMTC ug ang TESDA og gilaomang mahuman hantud Disyembre 26 ning tuiga.

Congratulations to our Shielded Metal Arc Welding NC I trainees for passing the National Competency Assessment of SMAW NC I held at GUG Caraga Skills Training Center last October 27-28, 2022.

At the moment

Kasamtangan nagpahigayon og Community-Based Skills training sa Bangus Deboning ang Butuan City Manpower Training Center (BCMTC) dinhi sa DOP Building, Tiniwisan, Butuan City. Ang maong skills training mulungtad ug lima ka adlaw ug mahuman kini hantud byernes, June 25, 2022.

Good day!

We are still in need of (3) three scholars for Shielded Metal Arc Weldin NC I training for 34 days. It is a first come, first serve basis.
Requirements: Photocopy of Birth Certificate, Photocopy of Diploma, Brgy. Certification (Proof of Residency), Photocopy Vaccination Card, 2 pcs. 1x1 ID pictures.
Interested applicants please call this number immediately 09482205584.

GRADUATE SA NAIL CARE UG MASSAGE TRAINING SA BCMTC, NAGTRABAHO SA KUWAIT

“Una sa tanan dako akong pasalamat sa LGU Butuan sa ilang programa nga gihatag pinaagi sa Butuan City Manpower Training Center (BCMTC). Dako kaayo og tabang sa amo ilabina sa mga tao nga walay igong kwarta nga ikagasto sa pag-eskwela hilabi na sa kolehiyo.” Kini ang gibutyag ni Estrellieta T. Las Piñas, lumulupyo sa Brgy. Camayahan, Butuan City.

Si Estrellieta usa sa mga nakabenipisyo sa maong training niadtong tuig 2017 nga gitanyag sa BCMTC. Karon, nagtrabaho na kini sa usa ka salon sa Kuwait isip nail tech ug massage therapist.

“Mapasalamaton kaayo ko sa among trainer kay wala ko naglisud pag-abot diria kay ang procedure nga iyang gitudlo sa amoa sa training, parehas ra gyud nga procedure pod diri sa among salon nga gitrabahoan,” dugang pa ni Estrellieta.

Gidayeg usab niini ang uban staff sa BCMTC. Dili man niya madumduman ang mga pangalan apan dili matud pa niini makalimtan ang ilang tinud-anay nga pagtudlo kanila. "Akong madumduman that time, willing kaayo ang mga staff mahimong model namo bisan pa kung mga samad sila kay lagi ga-praktis pa man lagi, but anyway thank you kaayo sa full support sa mga staff sa BCMTC, maka-ingon ko na blessed kaayo ko nga nahimo kong product sa BCMTC," dugang saysay ni Estrellieta.

Tungod matud pa sa iyang nakat-onan sa training, nahimo siyang pursigido sa kinabuhi nga kab-uton ang pangandoy para sa iyang pamilya.

Pinaagi sa hugot na suporta sa LGU ubos sa liderato ni Mayor RCL, ang mga programa sa BCMTC magpadayon sa panghatag og oportunidad sa mga boot mo-training ug makakat-on ug kahanas aron magamit sa ilang pagpanarbaho.

MASSAGE TRAINING, DAKONG TABANG SA PANGINABUHIAN UG PAG-APLAY OG TRABAHO

“Daku siya og privilege sa amoa tanan kay tungod ana nga training nakabalo mi unsaon ang proper nga pag massage sa isa ka tao”. Kini Ang gibutyag ni Pattie Rose Aganap, 28 years old, lumulupyo sa P-8 Brgy. Doongan, Butuan City.

Si Pattie Rose usa sa mga niapil sa Massage Training nga gisugdan niadtong Marso 29, 2022 hantud April 1, 2022 didto sa Brgy. Tandang Sora, Olorocisimo Apartment sa Lopez Jaena Extension ning siyudad.

“Daku usab siya og tabang sa amoa ilabi na sa mga nangihanglan og work karun sa Wellness Spa,” dugang pa ni Pattie Rose.

Mapasalamaton si Pattie Rose sa Butuan City Manpower Training Center (BCMTC) ug sa LGU Butuan sa oportunidad nga gihatag kanila aron makakat-on sa insaktong paagi sa pagmasahe. Dako matud pa ang tabang niini sa ilang pagpangaplay og trabaho.

Pinaagi sa hugot na suporta sa LGU ubos sa liderato ni Mayor RCL, ang mga programa sa BCMTC magpadayun og panghatag sa oportunidad sa mga boot mopailawum sa training ug makakat-on og skills nga dakung tabang sa katawhan sa ilang pagpanarbaho.

GRADUATE SA MASSAGE TRAINING SA BCMTC, NAGTRABAHO NA SA SPA SA KUWAIT

Nagamit ni Dindo Mata, residente sa Purok Molave, Pangabugan ning siyudad, ang iyang nakat-onan sa Butuan City Manpower Training Center (BCMTC).

Lakip si Dindo sa misalmot sa Massage Training niadtong 2017 nga gitanyag sa BCMTC. Karon, nagtrabaho na kini sa Herba Spa sa Kuwait.

Dako matud pa ang natabang sa training ngadto sa iyang aktwal nga trabaho.

Gidayeg usab niini ang iyang mga trainer. “Super cooperative, matinahuron ug epektibo mutudlo nga naay pagmahal sa estudyante, resourceful ang eskwelahan, ug supportive sa mga trainer,” sigun ni Dindo.

“Ang achievement nako, sa mga sequences ug mga strokes nga gitudlo sa among trainer walay kalahian kay kung unsa amo nakat-unan, mao ra gihapon among gi-aplay diri sa Spa nga amo gitrabahoan,” dugang pa ni Dindo.

Mapasalamaton usab si Dindo sa BCMTC ug LGU Butuan nga maoy nagasuporta niini nga programa, ilabina sa ilang mga trainer sa iyang nakab-ot karun nga kalampusan.

Pinaagi sa hugot na suporta sa LGU ubos sa liderato ni Mayor RCL, ang mga programa sa BCMTC magpadayon sa panghatag og oportunidad sa mga boot mo-training ug makakat-on ug kahanas aron magamit sa ilang pagpanarbaho.

Libreng Training, gikalipay sa mga nakahuman sa pagbansay

“Magpasalamat ko sa BCMTC sa ilang oportunidad nga makakat-on mi sa pag drive hangtud sa nakalampos mi niini nga training,” sigun ni Josh Andre Domingo, 20, residente sa P-2 Obrero, Butuan City.

Usa si Josh Andre sa miapil sa gipahigayong training sa driving niadtong February 16 – March 17, 2022 nga gitanyag sa Butuan City Manpower Training Center (BCMTC).

“Dako ni og tabang para sa amoa ug nagapasalamat mi sa LGU Butuan ilabina kang Mayor RCL sa paghatag ani nga oportunidad pinaagi sa BCMTC nga gatanyag sila ani nga programa,” dugang pa sa bag-ong nakahuman sa training.

Kampante si Josh Andre nga daghan siya og nakat-onan sa maong training. Gidayeg usab niini ang ilang trainer tungod kaayo maayo matud pa ang pagtudlo kanila.

Ang libreng training sa BCMTC dili lamang bukas sa mga Butuanon, apan lakip na sa mga sikbit nga mga lungsod niini, diin daghan na ang nakahuman sa nagkadaiyang mga training, dili lamang sa driving, apan lakip na sa ubang mga livelihood skills training. .

Hugot usab nga gisuportahan ni Mayor RCL ang mga programa sa BCMTC tungod kay naghatag kini og oportunidad sa mga Butuanon ug mga silingangang mga lugar, aron makakat-on og kahibalo ug kahanas, sa ingon makatabang sila sa ilang mga pamilya.

HAPPENING NOW

Kasamtangan nagpahigayon ang Butuan City Manpower Training Center (BCMTC) og Enrollment Facilitation Activity for TESDA and Community-Based Skills training programs atol sa gipahigayon nga Serbisyo Caravan sa Butuan LGU ubos sa liderato ni Mayor RCL dinhi sa Brgy. Antongalon Gym, Butuan City, March 24, 2022.

SKILLS TRAINING SA FOOD PROCESSING ON LONGGANISA, CHORIZO, BANANA UG KAMOTE CHIPS, GIPAHIGAYON

“Dako kaayo ang ikatabang sa pag-apil namo niini nga training. Tungod niini nga training, daghan kami na-maohan sama sa paghimo’g longganisa, chorizo, banana chips ug kamote chips.” Kini ang saysay ni Rubelyn G. Sunot, residente sa E. Morgado, Santiago, Agusan del Norte.

Usa si Rubelyn sa misalmot sa gipahigayong skills training sa Food Processing niadtong March 7-11, 2022 didto sa may Agata Mining Ventures, Inc., Tubay, Agusan del Norte nga gihatag sa Butuan City Manpower Training Center (BCMTC).

Mapasalamaton si Rubelyn sa pag-adto sa mga trainer sa BCMTC sa lungsod sa Tubay tungod kay alang kaniya, layo na sila. “Dako among pasalamat nga nianhi sila sa among lugar bisan sa kalayo,” dugang butyag ni Rubelyn.

Tungod sa hugot nga suporta sa Butuan LGU ubos sa liderato ni Mayor RCL, nagpadayon sa paghatag og skills training ang BCMTC. Dili lamang sa mga Butuanon apan lakip na sa mga kasikbit nga mga lugar nga buot makaangkon og kahibalo ug kahanas pinaagi sa skills training.

Tungod niini, ubay-ubay na ang natabangan sa BCMTC, dili lamang kutob sa training, apan nakahatag kini og dugang kinitaan sa mga nakahuman sa training sama ni Rubelyn, human nila gigamit ang ilang nakat-onan.

Ang libreng skills training nga nahitabo sa Tubay alang sa food processing, gihimo isip kabahin sa kasaulugan sa Women’s Month celebration. Kini agig pagtabang sa mga kababaen-an nga makahatag og dugang income sa ilang pamilya ug makapalit sa panginahanglan sa ilang mga anak.