Sangguniang Kabataan - Barangay Onse

Before October ends, we’d like to extend a warm greeting to all the October celebrants in Sangguniang Kabataan ng Barangay 11! 🎉 We’re incredibly proud of each one of you for your hard work, dedication, and passion in everything you do. Keep inspiring our community!

Love, Sangguniang Kabataan ng Barangay 11 💚🧡

Happy Birthday! 🫶🏻

💚🧡

𝐊𝐢𝐭𝐚-𝐤𝐢𝐭𝐬 𝐛𝐮𝐤𝐚𝐬 𝐦𝐠𝐚 𝐤𝐚𝐛𝐚𝐭𝐚𝐚𝐧 𝐧𝐠 𝐁𝐚𝐫𝐚𝐧𝐠𝐚𝐲 𝐎𝐧𝐬𝐞! 🎊

Sabay-sabay nating ipagdiwang ang Linggo ng Kabataan sa ating barangay! Magkakaroon ng munting premyo para sa mga mananalo sa iba’t ibang palaro, at siyempre, hindi natin makakalimutang magbigay ng meryenda para sa ating kabataan.

Huwag palampasin ang pagkakataong makisaya at mag-enjoy kasama ang lahat!

🧡💚

SCHOOL KITS DISTRIBUTED!! 📚

Thank you to everyone who received our school kits! Wishing you all the best of luck for the upcoming school year!

Special thanks to our SK Council and Barangay Officials who helped with the distribution.

🧡💚

Good morning po!

Para po sa lahat ng makakatanggap ng school kits mamaya, magdala po tayo ng school ID para sa katunayan na kayo po ay nag aaral.

Hindi na rin po sa court magaganap ang distribution kundi sa garahe na po nila Kap.

Maraming salamat po!

🧡💚

BRGY. 11 DISTRIBUTION OF SCHOOL KITS 📣📚

Sa pangunguna ng ating SK Chairman Eeya Reyes, kasama ang SK council ng barangay, inaanyayahan namin ang mga mag-aaral mula elementarya hanggang senior high school na dumalo sa gaganapin na distribusyon ng school kits sa darating na Sabado, July 27. Ito ay isasagawa sa Barangay 11 court, ganap na 4:30 ng hapon. Ito ay ekslusibo para sa mga mamamayan ng Barangay 11.

Magkakaroon ng registration at ang distribusyon ay magaganap sa first-come, first serve basis.

Maraming salamat at inaasahan namin ang inyong partisipasyon!

🧡💚

𝐀𝐒𝐒𝐈𝐒𝐓𝐀𝐍𝐂𝐄 𝐅𝐑𝐎𝐌 𝐌𝐀𝐘𝐎𝐑 𝐀𝐋𝐎𝐍𝐆 𝐌𝐀𝐋𝐀𝐏𝐈𝐓𝐀𝐍 𝐅𝐎𝐑 𝐅𝐑𝐄𝐒𝐇 𝐆𝐑𝐀𝐃𝐔𝐀𝐓𝐄𝐒 (𝐒𝐄𝐍𝐈𝐎𝐑 𝐇𝐈𝐆𝐇) 🎓

🧡💚

𝐐𝐔𝐀𝐋𝐈𝐅𝐈𝐂𝐀𝐓𝐈𝐎𝐍𝐒

• Must be a bonafide Caloocan City resident who graduated Senior High School from School Year 2023-2024 from any Caloocan-based private or public high school.
• Must have at least a GWA of 85 (Grade 12)
• 𝙁𝙤𝙧 𝙩𝙝𝙤𝙨𝙚 𝙬𝙝𝙤 𝙬𝙚𝙧𝙚𝙣’𝙩 𝙖𝙗𝙡𝙚 𝙩𝙤 𝙖𝙫𝙖𝙞𝙡 𝙩𝙝𝙚 𝙛𝙧𝙚𝙚 𝙚𝙙𝙪𝙘𝙖𝙩𝙞𝙤𝙣 𝙤𝙛 𝙐𝘾𝘾

𝐑𝐄𝐐𝐔𝐈𝐑𝐄𝐌𝐄𝐍𝐓𝐒

1. Original and Photocopy of Diploma or any certified School Document that proves that beneficiary is a High School graduate of SY 2023-2024 from any Caloocan private or public high school.
2. Certificate of Residency from Barangay
3. Certificate of Indigency
4. Original and Photocopy of Grade 12 Report Card

𝐀𝐏𝐏𝐋𝐈𝐂𝐀𝐓𝐈𝐎𝐍 𝐏𝐑𝐎𝐂𝐄𝐒𝐒

1. Qualified applicants may submit their complete requirements at the Caloocan City Youth Development Office-Mayor’s Office, 8th Floor, New Caloocan City Hall.
requirements will be processed.
2. Qualified applicants will be notified on the date and time of their payout. Only the registered beneficiary may claim their financial assistance. Beneficiary must present one (1) valid ID in claiming the financial assistance.

If you have any questions, you can PM Eeya Reyes.

Happy Birthday Jillanne Hilario Carlos! 🫶🏻

Mahal na Patrong San Roque, ipanalangin mo kami!

💚🧡

Mula sa General Luna 2nd st. Barangay 11 ay si 𝙆𝙖𝙧𝙡 𝘼𝙡𝙡𝙮𝙨𝙩𝙚𝙧 𝘿𝙤𝙧𝙤𝙞𝙣 na kamakailan lamang ay nagtapos ng Senior High School sa La Consolacion College - Caloocan ng Mayroong karangalan at kasalukuyang kumukuha ng Bachelor of Science in Business Administration Major in Marketing sa Our Lady of Fatima University.

Siya ay tumatakbo bilang SK Kagawad ng Barangay 11 Zone 1 District 2 at buong loob na nagnanais magsilbi sa mga residenteng nasasakupan ng kanyang barangay na magiging isang makabuluhang hakbang upang magsilbi sa sangkatauhan.

Sa kasalukuyang panahon, ang karapatan ay isang bagay na nalimitahan lamang sa mga taong may kakayahang magkamit nito at nagiging pribilehiyo lamang ito para sa iba. Kung kaya't nais ni Karl Doroin maging kaagapay ng mga taong ito upang pakinggan at dinggin ang kanilang mga opinyon, hinaing at, pangangailangan. Bilang kasapi ng Sangguniang Kabataan, kasama nang kanyang mga kapwa SK aspirants, nais niyang magmungkahi ng isang platapormang nagngangalang 𝙊𝙉𝙎𝙀𝙧𝙚𝙖𝙘𝙝 kung saan sila ay magpapatupad ng iba't-ibang outreach programs na tumutugon sa pangangailangan ng mga kabataan.

Marapat nating linangin ang kakayahan at kagalingan ng kabataan. Sapagkat darating ang panahon na sila ang magsisilbi sa lipunan.

Kabataan, ipaglaban natin ang karapatan ng bawat isa.
Paunlarin natin ang ating mga kakayahang kakaiba.
Tayo ay magkaisa para sa ikabubuti ng iba.

💚🧡

Si 𝘾𝙡𝙮𝙙𝙚 ay isang kabataan mula sa Lakas ng Mahirap Street, Barangay 11 na kasalukuyang nag-aaral at kinukuha ang kursong Bachelor of Science in Mechanical Engineering.

Siya ay tumatakbo bilang SK Kagawad ng Barangay 11 Zone 1 Caloocan City, siya ay handang magbigay ng aksyon at tapat na serbisyo na may pagmamahal sa kanyang nasasakupan.

Bilang isang Aspiring SK Kagawad nais niyang ibigay ang kakayahan na maipursige ang proyektong "𝙊𝙣𝙨𝙚 𝙎𝙥𝙤𝙧𝙩𝙨 𝙂𝙖𝙡𝙤𝙧𝙚", ito ay isang malaking oportunidad para sa mga taga Brgy Onse upang mas mapahusay ang kanilang skills kung anumang sports ang kanilang kinabibilangan.

Kanyang ipinapangako na gagampanan ng maayos ang kanyang pwesto at umaasang lahat ay makikipagtulungan at makikiisa sa mga ilulunsad na proyekto ng "Tropang Onse".

💚🧡

Sino nga ba ang isa sa mga SK Kagawad Aspirant mula sa Tropang Onse?

Ating kilalanin si 𝙒𝙚𝙨𝙡𝙞𝙚 𝙅𝙖𝙣𝙚 𝙎. 𝙈𝙚𝙣𝙙𝙞𝙤𝙡𝙖 o mas kilala bilang si "𝙅𝙚𝙡𝙡𝙞𝙚" na naninirahan sa Lakas ng Mahihirap Street Barangay 11 at kasalukuyang kumukuha ng kursong Bachelor of Science in Civil Engineering sa University of the East - Caloocan.

Simula elementarya hanggang ngayon sa kolehiyo, siya ay nakatatanggap ng posisyon sa student council at matataas na karangalan sa loob o labas man ng eskwelahan. Kaya naman bilang isang SK Kagawad ng Barangay 11, bukal sa loob ang magbigay serbisyo sa kabataan upang makatulong sa kahit anong paraan man at magbigay ng inspirasyon sa marami pang kabataan tungkol sa edukasyon.

Bilang isang aspirant SK Kagawad ay nagpapakita siya ng pangako sa serbisyo publiko, pamumuno, at pagpapaunlad ng komunidad. Sa pagnanais na maging bahagi ng Sanggunian Kabataan, gustong magkaproyekto na "𝙊𝙣𝙨𝙚 𝙍𝙞𝙨𝙚 & 𝙎𝙩𝙧𝙞𝙫𝙚" na nagpapakita ng kahandaang makipag-ugnayan sa lokal na pamahalaan, ipahayag ang mga alalahanin ng kanilang mga kapwa kabataan, at aktibong lumahok sa mga proseso ng paggawa ng desisyon. Sila ang mga boses na humuhubog sa mga patakaran, magpapasimula ng mga positibong pagbabago, at magtatrabaho tungo sa isang mas maliwanag na kinabukasan para sa ating mga kabataan.

Ang kanyang pangako sa pag suporta sa malaking bahagi ng mga aktibidad sa barangay sa mga kabataan ay nagpapakita ng kanyang dedikasyon. Ito ang kanyang hangarin bilang isang SK Kagawad, sa pamamagitan ng dagdag suporta at aksyon sa ating SK Chairwoman sa mga kabataan ng Barangay Onse.

At naniniwala siya na ang edukasyon ay ang maghuhulma sa mga kabataan para makamtan ang isang bago at mas maunlad na kinabukasan upang tayo ay..

SAMA SAMANG AANGAT!

🧡💚

Siya ay si 𝙅𝙖𝙣 𝙋𝙖𝙩𝙧𝙞𝙘𝙠 𝘽𝙖𝙚𝙡𝙡𝙤 o mas kilala sa palayaw na "𝙅𝙖𝙥" na naninirahan sa Lakas ng Mahihirap Street Barangay 11 na kumukuha ng kursong Bachelor of Science in Tourism Management

Magmula high school at hanggang ngayong kolehiyo, siya ay nahalal na sa iba't-ibang posisyon at naging kinatawan ng student government, classroom at club officer. Kaya naman, ito na ang tamang panahon upang siya ay subukan sa mas malawakang serbisyo para sa ating mga kabataan.

Kilala bilang isang masayahin, maingay, at bungisngis na indibidwal, ngunit sa usaping serbisyo ay tutulong ng bukal at gagawa ng marangal. Kaakibat ang mga karanasang natamo, siya ay hinog na sa paghandog ng serbisyong sabog at kabog na paniguradong ang bahagharing bandila ay mangangabog.

Bilang isang SK aspirant, siya ay may layunin na paigtingin ang suporta sa ating mga kapatid sa LGBTQIA+ Community kung saan ang diskriminasyon sa maraming aspeto ng kanilang buhay ay maiiwasan at sila ay kabilang sa ating mga gagawing proyekto. Unity, inclusivity, at equality ang pangunahing panghahawakan niya upang maisakatuparan ang kanyang adbokasiya.

💚🧡

Si 𝙎𝙩𝙚𝙥𝙝𝙚𝙣 𝘼𝙣𝙙𝙧𝙚𝙞 𝙋𝙧𝙤𝙩𝙤𝙢𝙖𝙧𝙩𝙞𝙧 ay mula sa Lakas ng Mahihirap st. ng Barangay 11, nakapagtapos ng Senior Highschool nang mayroong Karangalan at kasalukuyang kumukuha ng kursong Bachelor of Science in Nursing.

Siya ay tumatakbo bilang isang SK kagawad ng Barangay 11 Zone 1 Caloocan City at siya ay handang magsilbi at umagapay nang buong puso at may paninindigan sa mga nangangailangan ng tulong sa kanyang nasasakupan.

Bilang kasapi ng Sangguniang Kabataan, nais niyang maging tenga at takbuhan ng mga kabataang may mga pansariling problema na nangangailangan ng gabay ng isang kapwa kabataan na makakapagbigay ng inspirasyon at lakas ng loob na tumayo at lumaban sa mga kinakaharap na problema. Nais niyang magmungkahi ng isang proyektong nagngangalang “𝙊𝙣𝙨𝙚 𝙎𝙖𝙛𝙚𝙃𝙖𝙫𝙚𝙣” na magsisilbing gabay at tulong sa mga kabataang nais na ipahayag ang kanilang damdamin at kanilang sarili sa kanilang mga kapwa kabataan at sa mga taong nakakasalamuha nito.

Kabataan ang nagsisilbing pag asa ng bayan wika ng isang kinikilalang bayani na si Dr. Jose Rizal. Ang kabataan ay may mga kakayahan ding makatulong at baguhin ang lipunan at mapabuti ito. Kasabay ng gabay ng mga nakatatanda, sila ay pwedeng maging susi ng mas magandang kinabukasan para sa lahat ng mamamayan.

Ninanais rin niyang gawing matiwasay ang proyektong binabalak at magkaroon ng malugod na pagtanggap sa bawat kabataan sa kanyang lipunan o nasasakupan. Nais niyang gamitin at ibahagi ang kaniyang mga kaalaman patungkol sa iba’t ibang bagay tulad ng kanyang nalalaman sa kanyang kurso at sa kanyang sariling mga karanasan.

Sa paraan ng pagmamahalan at pakikiisa sa lipunan, maaari nating gawing isang mabuti at kalugod-lugod ang ating barangay na kanyang nasasakupan.

Siya ay umaasa at naniniwalang may magaganap na pagbabago sa lipunan at lalo na sa kabataan ang mga proyekto ilulunsad at ito ay makabubuti sa lahat basta’t tayo ay nagkakaisa at nagmamahalan.

🧡💚

Si 𝙅𝙞𝙡𝙡𝙖𝙣𝙣𝙚 𝘾𝙖𝙧𝙡𝙤𝙨 ay mula sa Lakas ng Mahihirap st. ng Barangay 11, nakapagtapos ng Senior Highschool nang mayroong Mataas na Karangalan at kasalukuyang kumukuha ng kursong Bachelor of Science in Medical Technology.

Matindi ang pagnanais niya na maging boses ng kabataan patungo sa pagkamtan at pagkakaroon ng matiwasay at pantay na lipunan— mabigyang pantay na oportunidad at pribelihyo ang bawat kasapi at parte ng pamayanan, hindi lamang sa aspeto ng edukasyon at ng iba pang mahahalagang salik patungo sa maunlad na pamayanan, kung 'di pati na rin sa aspetong naglalayon magbigay ng atensyong medikal. Nais niyang gamitin ang kanyang mga natutuhan at matututuhan pa upang makatulong sa mga nangangailangan ng atensiyong medikal na limitado ang kakayahan na makapunta sa ospital o sa pagamutan.

Bilang kasapi ng Sangguniang Kabataan at isang mag-aaral na siyang nagnanais maglingkod sa larangan ng kalusugang pampubliko sa hinaharap, mangyari lamang na magsisimula ang hangaring ito sa kaniyang sariling komunidad. Ang paglulunsad ng programang ''𝙊𝙣𝙨𝙚 𝙏𝙝𝙧𝙞𝙫𝙚 & 𝙍𝙚𝙫𝙞𝙫𝙚'' ay nagsusulong ng pagkakaroon ng isang komunidad na may malakas at malusog na mga kabataan upang maipamalas ang kanilang angking potensyal.

Kinikilala ng estado ang malaking gampanin ng mga kabataan sa ating bayan, kaya naman nararapat lang na tayo'y makihalubilo't makialam.

Layunin niyang masimulan makamtan ang mas progresibong lipunan. ✊

Naniniwala siya na bilang kabataan, mayroon tayong kakayahang makamtan ang lahat ng ating ninanais at pinapangarap na para sa ikabubuti ng ating pamayanan basta't tayo ay magkakaisa upang kumilos, tuparin, at isagawa ang mga nararapat na aksyon.

💚🧡

Siya si 𝙎𝙖𝙧𝙖𝙝 𝘽𝙞𝙖𝙣𝙘𝙖 𝙂. 𝙍𝙚𝙮𝙚𝙨 o mas kilala bilang “𝙀𝙚𝙮𝙖” na nagmula sa 3rd Street General Luna ng Barangay 11. Siya ay isang lider-kabataan na naging parte ng student council bilang Liaison Officer noong siya’y Senior High School na nagtapos ng may karangalan at kasalukuyang kumukuha ng kursong Diplomacy and International Affairs sa De La Salle-College of Saint Benilde.

Bilang isang aspiring SK Chairwoman na may layunin sa Barangay Onse, isinulong niya ang “𝙊𝙣𝙨𝙚 𝙐𝙣𝙞𝙩𝙚 & 𝙄𝙜𝙣𝙞𝙩𝙚”. Isang katibayan ng kanyang dedikasyon na nagbibigay-inspirasyon sa kanilang mga kabataan na magkaroon ng pagkakaisa. Sa pamamagitan ng programang ito, kanyang hinihikayat ang mga kabataan na maging kabahagi sa tungkulin sa pamamagitan ng kanilang partisipasyon para sa ikabubuti ng kanilang komunidad.

Ang kanyang pangako na gawing malaking bahagi ng mga aktibidad sa barangay ang kabataan ay nagpapakita ng kanyang pamumuno at dedikasyon. Ito ay kanyang hangarin na baguhin ang komunidad sa pamamagitan ng paggamit ng potensyal ng mga kabataan ng Barangay Onse.

🧡💚