PAUL FILM

Glen and Charity Pre Wedding Teaser

V/ PAUL FILM
P/ JPN Photography
L/ Sefriya
HMUA / Jhamnificent Makeup Artistry
Full Coordination / Ms. Ran: The Singing Host and Coordinator

Tatlong Dekada
Tatlumpong taong mabilis na dumaan,
Tatlumpong taong tila nagmamadaling malampasan,
Di mawari kung saang hakbang ang dapat tuntungan,
Sa kaliwa ba na bulong ng puso
O sa kanan na sigaw ng isipan?

Mga desisyon sa buhay na minsan ay tama,
Ngunit marami rin doon ay maling akala,
Sa tatlumpong taon na aking paglalakbay
Napatunayan ko na di lahat ay tagumpay, mararanasan mo rin sumablay.

Sa pagbabalik tanaw sa aking nakaraan,
Tila ba ga gusto ko na lamang na huminto,
Huminto sa aking kamusmusan,
Huminto sa aking kabataan,
Huminto sa aking kawalang muwang.
Kung saan ang tanging kailangan ko lamang gampanan
Ay ang mag-aral at maglaro pagkapos kumain sa hapag kainan.

Tunay na napakabilis ng pag ikot ng mundo,
Parang magmamadaling ang bawat tao ay dumating agad sa ganitong estado
Problema sa pamilya, sa piniling karera at pati sa paghanap ng kapareha.
Unti unting umuukilkil sa aking gunita
Ang mga maling hakbang na aking tinangka
Mga solusyon sa mga problema na akala ko ay tama
ngunit patibong pala iyon ng tadhana.

Sa mga panahong nakakaramdam ng pagod, saglit yuyuko at idadalangin sa taas ang lahat ng mga hinaing ng puso kong binabagabag.
Pagtugtog sa aking gitara, habang kumanakanta ang nagdidikta sa isip ko na Ran, kaya mo pa.
Aaliwin ang sarili, ikakanta, igagala, iaakyat, ikakain, imomotor ang mga isipin upang pansamantala, makalimutan ang problema
Kinabukasan, tuloy na ulit ang pakikibaka, pakikisama, at pagkayod para sa pamilya.
Nakakapagod ang tatlong dekada, pero punong puno rin ng magagandang ala ala.
Marami ring mga pangarap ang nabigyang katuparan, para sa sarili at siyempre para sa mahal kong pamilya. Hindi perpektong anak, pero pinipilit na maging karapat dapat.

Akala ko ito ang punto ng buhay na lahat ng bagay na gusto mo ay makukuha mo na,
Pero ito pa lang pala ang simula. Anot ano pa man, laban lang ng laban para sa sarili, sa pmilya at sa kinabukasan.
Salamat sa tatlumpong taon nap uno ng saya, lungkot, paglaban at pagtupad ng mga pangarap. Ngayon ay simula na ng panibangong dekada kung saan mas maraming dapat harapin ngunit sigurado akong patuloy na kakayanin na may ngiti palagi sa aking mga labi.
Kaya Ran, tayo na muli, laban na muli