PCADG Central Visayas

Top 2 Most Wanted Person, Kalaboso sa kasong pagpatay

Kulungan ang bagsak ng Top 2 Most Wanted Person (Provincial Level) matapos isilbi ng mga kapulisan ang kanyang warrant of arrest sa Sitio Sisiw, Brgy. Arebasore, Mabinay, Negros Oriental nito lamang Biyernes, Pebrero 24, 2023.

Kinilala ni Police Major Caesar V Acompañado, Officer-in-Charge, CMFC ng Cebu City Police Office ang suspek na si ROEL BULHANO ANDAYA, aka “Bugi”, 30 taong gulang, residente ng Brgy. Cabcaban, Bindoy Negros Oriental.

Ayon kay PMaj Acompañado, naaresto ang suspek bandang 4:00 ng hapon matapos isilbi ng mga tauhan ng Cebu City Mobile Force Company, Criminal Investigation and Detection Group, Negros Oriental PFU, Pamplona Municipal Police Station at Mabinay Municipal Police Station ng Negros Oriental Police Provincial Office ang warrant of arrest para sa kasong MURDER Criminal Case #2023-34(P) na inisyu ni Hon. Christine M. Tabausares-Aba, Presiding Judge, RTC Branch 43, Tanjay City at walang rekomendadong piyansa.

Si Andaya ay kasalukuyang nasa kustodiya ng Pamplona Municipal Police Station para sa kaukulang disposisyon.

Ang matagumpay na pagkakaaresto sa suspek ay patunay lamang na ang PNP Central Visayas ay walang humpay sa kampanya na tugisin at ilagay sa likod ng rehas ang mga taong nagkasala sa batas upang mabigyan ng hustisya ang mga naging biktima nito.

Top 8 Most Wanted Person ng Cebu timbog sa kasong kaugnay sa iligal na droga

Hulog sa kamay ng mga awtoridad ang tinaguriang Top 8 Most Wanted Person (Provincial Level) sa paghahain ng mga operatiba ng Cebu City Police Office (CCPO) at Cebu Police Provincial Office (CPPO) ng warrant of arrest para sa kasong may kaugnay sa iligal na droga sa Brgy. Pulpogan, Consolacion, Cebu noong Biyernes, Peb. 24, 2023.

Ayon kay Police Lieutenant Conrado V Manatad, Officer-In-Charge CCPO, dakong alas-3:10 ng hapon ng madakip ang akusadong kinilalang si alyas “Gleen”, 32, ng mga miyembro ng Cebu City Mobile Force Company CCPO, Criminal Investigation and Detection Group Cebu Provincial Field Unit, Provincial Inteligence Unit, at Argao Municipal Police Station, CPPO.

Inaresto ang akusado sa bisa ng warrant of arrest na inisyu ni Hon. Noel Darren Cenit Damian, Presiding Judge, RTC Branch 26, Argao, Cebu noong Hulyo 2, 2022 sa kasong paglabag sa Sec. 5 Para 1, Art. II ng RA 9165 docketed under Criminal Case No.: AR-8779.

Kasalukuyang nakadetine ang naaresto sa CIDG Custodial Facility habang inihahanda ang mga kaukulang dokumento para sa tamang disposisyon.

Patuloy naman ang pagpapaigting at pagpapahusay ng kapulisan ng Cebu sa pagganap ng kanilang tungkulin upang hulihin ang bawat personalidad na may pagkakasala sa batas at matiyak ang kaayusan at kapayapaan ng komunidad.

Higit P100-K halaga ng shabu nasabat sa PNP buy-bust sa Cebu City; ‘tulak’, arestado

Kalaboso ang isang lalake na umano’y tulak ng iligal na droga sa ikinasa na buy-bust operation ng mga operatiba ng Police Station (PS) 5, Cebu City Police Office (CCPO) sa Manalili St. Brgy. Ermita, Cebu City noong Huwebes, Peb. 23, 2023.

Kinilala ni Police Major Kenneth Paul C Albotra, Station Commander, ang nadakip na si alyas “Jimboy”, 23, residente ng Brgy. Punta Engaño, Lapu-Lapu City.

Ayon kay Police Major Albotra, naaresto si Jimboy dakong alas-7:45 ng gabi matapos makumpirma at makabili mula rito ang nagpanggap na poseur buyer ng isang plastic sachet na naglalaman ng hinihinalang shabu.

Nasamsam mula sa suspek ang nasa 10 plastic sachet ng hinihinalang shabu na may timbang na umabot sa 16 na gramo at halaga na P108,000.00 at ang dalawang (2) piraso ng P500.00 na ginamit bilang buy-bust money.

Kasalukuyang nakakulong ang naaresto sa Custodial Facility ng PS 5, CCPO, at nahaharap sa paglabag sa Sec. 5 at 11, Art. II ng RA 9165 (Comprehensive Dangerous Drugs Act of 2002).

Ang matagumpay na operasyon at pagkakadakip sa suspek ay patunay sa pinaigting at pinahusay na kampanya kontra iligal na droga ng PNP Central Visayas para sa pagkamit ng isang maayos, mapayapa, ligtas, at maunlad na komunidad.

Makakalikasang kasanayan ng PNP, isinagawa ng Talibon PNP sa Bohol

Ubay Bohol – Matagumpay na naisakatuparan ng mga tauhan ng Talibon Police Station ang makakalikasang kasanayan sa pamamagitan ng Tree Planting at Coastal Clean-up Activity sa Barangay Tapon, Ubay Bohol nito lamang ika-24 ng Pebrero 2023.

Pinangunahan ito ni Police Chief Master Sergeant Ernesto S Regidor sa ilalim ng pamumuno ni Police Major Joseph Fuertes Lopena, Officer-In-Charge na siyang aktibong nilahukan ng mga tauhan ng iba't ibang istasyon ng Bohol maging ng mga miyembro ng Advocacy Support Groups.

Sa pagtutulungan ng mga naturang grupo ay matagumpay at mabilis na naisakatuparan ang aktibidad kung saan samut-saring basura ang nalikom ng grupo at tinatayang nasa mahigit 500 piraso ng samu't saring puno ang kanilang naitanim.

Ito ay alinsunod sa PRO7 Project: “HAW-AS” (Hipuson Alsahon, Wagtangon, Ang Sagbot) sa Esteros ug Kanal ug Kadagatan) at PNP Core Values na “Makakalikasan” na malaking tulong sa pagpapanatili ng kaligtasan ng mamamayan laban sa mga sakuna.

Patuloy naman na hinihikayat ng Talibon PNP ang mga residente na kanilang nasasakupan na maging bahagi ng makabuluhang aktibidad upang kaisa sa pagsulong ng mga programa ng pamahalaan para sa maayos, maunlad na kalikasan at para sa kaligtasan ng bawat mamamayan.

Ang Philippine National Police ay nakikiisa sa mapayapang pagdiriwang ng ika-37 Anibersaryo ng EDSA People Power Revolution

All PNP personnel have been reminded to observe maximum tolerance. While we do our part in keeping the communities safe, we also call on every Filipino to help us protect the peace and security of the general public.

Community Outreach Program, isinagawa ng Maribojoc PNP

Maribojoc, Bohol – Nagsagawa ng Community Outreach Program ang mga tauhan ng Maribojoc Police Station sa Barangay Tinibgan, Maribojoc, Bohol nito lamang Pebrero 24, 2023.

Ang aktibidad ay pinangunahan ni Police Captain Allain Randy C Liba, Chief of Police kung saan tinatayang nasa 50 na mga mag-aaral ang lumahok sa aktibidad na nabigyan ng mga pagkain at tsinelas.

Ito ay may hangaring maiparamdam sa mga mag-aaral ang malasakit ng kapulisan tungo sa kaunlaran, sa pamamagitan ng pagtulong sa kapwa kahit sa simpleng paraan.

Dagdag pa rito ang pagpapanatili ng maganda at matibay na ugnayan at samahan ng kapulisan at pamayanan upang makamit ang mga hangarin ng Programa ng Pambansang Pulisya ng Pilipinas na Malasakit, Kaayusan, Kapayapaan, tungo sa Kaunlaran (M+K+K=K).