Seafarer Christian mission

Isa ang patay kag pila ang nasamaran matapos nasunog ang isa ka cargo ship nga may karga nga mga salakyan samtang nagalayag padulong sa naaminhan nga bahin sang Netherlands.

Nagabiyahe ang Panama-registered Fremantle Highway karga ang 2,857 ka mga salakyan gikan sa Germany padulong sa Egypt.

Suno sa spokesperson sang Dutch Coast Guard, ginasuspetsuhan nga ang electric cars nga karga sang barko ang gintunaan sang kalayo.

Ang 199-meter nga barko nga nagbiya gikan sa German port sang Bremerhaven, ang madinalag-on nga na-tow pagwa sa shipping lanes kahapon.

Ang barko ang nagalayag sa 27 km (17 miles) sa naaminhan nga bahin sang Ameland, isa ka isla sa Netherlands, sakay ang 23 ka mga crew sang nagtuhaw ang kalayo sang Martes sang gab-i.

Gintinguhaan naman sang mga crew nga mapalong ang kalayo apang napaslawan ang mga ini kag naglumpat nalang nagikan sa barko.

grab the opportunity
https://www.facebook.com/MagsaysayCareers?mibextid=ZbWKwL