Madiskarteng nanay si Mila

Mga KaNanay

Isang ngiti naman dyan😊

Ang pag-ibig ay nagsisimula sa tahanan.

Nagsisimula ito sa pag aalaga ng magulang sa kanilang mga anak

At para sa mga anak na nagbibigay ng pagmamahal pabalik sa kanilang mga magulang.

Ang pag ibig na ito ay nagiging buhay sa pamamagitan ng pagbabahagi ng mga kwento,dalamhati at tagumpay. Sa pagpapalam at pagpapadama sa kanila kung gaano sila kahalaga dahil binibigyan natin sila ng ating mahalagang oras❤️

Kailanman ay hindi humihinto o tumitigil ang "pagiging isang ina"
Nagbabago lang.

Kapag ang kanyang mga anak ay bata pa,tinitingnan nya ang lahat ng bagay sa kanilang buhay mula sa pagkain hanggang sa kanilang pag-ibig.

At kapag tumanda na sila,
hindi na sya lahat
pero hinding hindi sya
titigil sa pagiging Ina👩‍🦰

Mas magulo ang isip ng Nanay👩‍🦰
Kapag maraming kalat ang Bahay🏠

Ang mga NANAY at MAGULANG
ng kasalukuyang

HENERASYON

Ang nag aadjust para
Magkaroon ng maganda
At mabuting relasyon
ang pagsasamahan ng
mga anak sa kanilang
mga AMA AT INA sa
Loob ng tahanan...

Hindi na uso ang PAMAMALO,dahil kapag ginawa mo ito ikaw ay mababantay bata,dahil silay makatwiran na sa batas

Hindi na din uso yung "MAKUHA KA SA TINGIN" dahil kapag tiningnan mo sila mas matalim na titig ang ibabalik nila sayo..

At wag mo din silang sasabihang "LUMAYAS KA SA PAMAMAHAY KO" sapagkat sa bandang huli baka itoy pagsisihan mo dahil ito ngay kanilang gagawin..

Sa HALIP,

Bilang mga nanay at magulang,ang dapat nating gawin ay i adjust natin ang ating mga sarili para maging maayos ang lahat..

NGUNIT..

siguraduhin lang natin na sa pagitan ng ating pag aadjust ay hindi mawala ang Respeto,paggalang,pagsunod at pagmamahal sa atin ng ating mga anak..

Ang pagiging Ina ay ang pinakamasaya at pinakamasarap na pakiramdam sa buhay ng isang babae👩‍🦰

Kwentuhang KaNanay👩‍🦰

Ang mga Ina ang lahat lahat sa kaniyang pamilya.

Sya ang nagsisilbing pandikit na nagbubuklod sa lahat..

Sya ang manggagamot sa kanilang mga sugat
At sa wasak na puso

Sya ang sikat ng araw para sa kanyang mga anak,at sa lahat ng mga bagyo sa buhay na kanilang pinagdadaanan

Ang lakas,kapag silay mahina
Ang kaligtasan,kapag nakakatakot na ang kanilang mundo.
At ang kanilang pinakamatalik na kaibigan na kanilang karamay hanggang sa pagtanda.

Inuuna nya muna ang iba.
Sya ang huling naliligo
Ang huling umaalis ng bahay
At laging may nakakalimutan para sa sarili.

Nalilimutan na halos minsan ang magsuklay
Ang magpalit ng damit
Ang bumili ng sariling pangangailangan

At ginagawa nya ang lahat para sa kanyang mga anak..

Matyaga nyang itinuturo ang lahat ng mga bagay bagay sa kanyang mga anak..

Isa isa
Unti unti

Nagtitiis sya sa paghihintay sa gabi hanggat makita nyang nakauwi ng ligtas ang kaniyang mga anak..
May mga pagkakataon pa nga na minsan ay nagkakaroon ng mga alitan,tampuhan at away ngunit mtyaga syang umuunawa at namamagitan..

Sa kabila ng lahat
Bawat sakit,pagkakamali at laban
Mahal nya sila lahat.

Maraming pwedeng pumalit sa kanya sa paligid,
Ngunit walang maaaring pumalit sa kanyang pagiging dakila at mapagmahal..

At anu paman ang ating sabihing mga papuri hindi ito sapat,
Maging ang salitang salamat ay hindi sapat..

Ngunit ganun pa man.

Salamat aming Ina..

IKAW ANG AMING LAHAT..❤️❤️😘

To my dearest KaNanay na mga content creator na katulad ko,👩‍🦰

Alam ko na ang iba sa inyo ay pinanghihinaan na ng kalooban dahil pakiramdam ninyo wala namang progress na nagaganap sa inyong pag ko content,pakiramdam nyo wala namang nanonood ng inyong mga video,pakiramdam nyo nauubusan na kayo ng mai co content.
Ang solusyon dyan,magpatuloy lang tayo kasi ang success naman ay hindi biglaan,hindi one night lang yung tipong pag nagsimula ka ngayon umaasa ka kagad na bukas makalawa ay malaki na agad ang growth mo..

Isipin mo na lang na kung nakakatulong ang content mo sa mga tao hindi ka mawawalan ng viewers na matutulungan sa araw araw,masarap sa pakiramdam yung nakakatulong tayo kahit sa maliit na paraan lang diba? At mapapansin mo na lang yan isang araw na sa kakagawa mo ng quality,engaging at informative content ay narating mo na pala yung gio goal mong marating..
So keep on going lang po
Keep on posting as long as alam natin na nag eenjoy tayo at tayo mismo ay natutulungan natin ang ating sarili na lumago,emotionally and physically ay isa ng malaking reward..

Have a nice day mga KaNanay..❤️

Ang maging Ina ay isang dakilang propesyon.
Wala itong kontrata.

Kaya dapat ay handa kang tanggapin sa sarili mo ang katotohanang
Kapag naging nanay ka
Wala itong day off
Walang sahod
Walang log in,log out at
Wala itong katapusan

Simula ng isilang mo ang iyong unang sanggol ay simula nadin ng walang katapusan mong mga tungkulin bilang isang Ina.

Mahal naming Ama sa Langit,
Papuri at Pasasalamat ang tanging handog namin sayo sa umagang ito dahil kami ay muli binigyan mo pa ng isa pang pagkakataon na magising at makabangon.

Salamat po Ama🙏

Kapag Nanay ka na
Hindi lang ang buong Bahay ang aayusin mo

Kundi pati ang buhay
Ng mga anak mo

Kwentuhang KaNanay👩‍🦰

Ito ang mga salitang narinig ko Noon sa aking Nanay nung nagsisimula pa lang kami magpamilya at meron na kaming mga anak..

Sabi nya,

Kapag Nanay ka na kahit ang pag idlip ay hindi mo na makukuhang gawin dahil mas uunahin mo pang gawin ang mga naka ambang mga gawain sayo..

Akala ko nung una ay magagawan ko ito ng paraan,sabi ko pa sa nanay ko Time Management lang ang kailangan.

PERO HINDI PALA TALAGA GANUN KADALI.

Kasi ipipikit ko na lang sana ang aking mga mata,eto na ang panganay kong anak na babae nagyayaya na maglaro kami ng barbie at lutu- lutuan sabi nya hindi kona daw sya napapansin simula nung inilabas ko ang kapatid nya kaya pinagbigyan ko ang kanyang hiling at naglaro nga kami,nag request pa na lutuan ko ya ng miryenda.

Matutulog na sana ako at ipipikit ang aking mata pero nakita ko ang napakaraming hugasan sa lababo,ang mga kalat sa lamesa at ang mga maliliit na patak ng pagkain sa lapag kaya inuna ko munang tapusin ang lahat,hanggang maya maya ay marinig ko na ang palahaw na iyak ng aking bagong silang na baby,oras na para sya ay pakainin.

Kita mo,ipipikit ko na sana ang aking mga mata,pero naamoy ko ang sarili ko na amoy lungad ni baby at amoy pawis at akoy nanlalagkit kya madalian akong naligo pagkatapos madalian din akong sumubo ng pagkain,at kinuha ko ang aking phone upang mag scroll man lang sa akong facebook ng ilang minuto ngunit maya maya pay umiiyak na si baby.

Matulog habang natutulog ang ating mga sanggol,ngunit paano?

habang tulog sila ito ang tanging oras upang magawa namin ang numang bagay na nais naming gawin.

Kaming mga Ina ay Tao rin.

Taong may pangangailangan,
Mga hilig
At maaari pang masundan ang aming mga anak.

kailangan din namin ng pahinga.

Kaya nga sabi ko sa Nanay ko,

Ma,tama ka nga imposibleng sabayan ko ang tulog ng aking mga anak.

Tunay nga na kapag isa ka ng Ina,kaya mong isakripisyo kahit ang natitirang oras mo para sayong sarili upang ialay at maibigay sa kanila ang best na magagawa mo para sa kanila..

Kwentuhang KaNanay👩‍🦰

Walang taong magmamahal sayo katulad ng iyong Ina.

Ang kapalaran ng isang Ina ay maghintay sa kanilang anak

Hihintayin mo sila kapag buntis ka,
Hihintayin mo sila hanggang sa paglabas nila ng eskwelahan
Maghihintay ka sa kanila hanggang sa makauwi sila sa bahay galing sa isang night out kasama ang mga kaibigan.

Maghihintay ka sa kanila kahit na nagsimula nadin sila ng mga sarili nilang buhay.

Hihintayin mo sila pag uwi nila galing sa trabaho para makasalo sa isang masarap na hapunan.

Handa kang maghintay sa kanila ng may buong pagmamahal,may pagkabalisa at pag aaalala at kadalasan kahit anong galit mo sa kanila ay dagli itong napapawi kapag nakita mo na sila at mayakap sayong mga bisig.

Kaya sa mga minamahal naming anak,sana ay huwag niyo ng paghintayin ang inyong mga Ina.

Bisitahin nyo siya
Mahalin nyo siya
Yakapin mo ng buong higpit ang taong nagmahal sayo ng walang pasubali..

Huwag mo na syang paghintayin,marahil ay inaasam asam nya ang iyong pagdating
Dahil tumatanda ang lamad,ang memorya ngunit ang puso ng isang Ina kailanman ay hindi tumatanda.

Kaya pakamahalin mo sya abot ng iyong makakaya.

Walang sinumang tao ang magmamahal sayo kagaya ng pagmamahal ng iyong Ina❤️❤️

Kwentuhang KaNanay👩‍🦰👩‍🦰❤️

Hindi madali ang maging isang Ina.

Simula pa lang sa pagbubuntis,paglilihi pagbabago bago ng pakiramdam sa umaga at sa buong araw ay lubhang napakahirap na at hindi lang ito ang kailangang harapin at pagtagumpayan ng isang Ina,

Kundi ang isa sa pinakamalaking responsibilidad na ginagampanan ng lahat ng Ina sa mundo,yun ay ang pagpapalaki ng isang mabuti at responsableng anak.

Kaya sana ay bigyan natin palagi ng pagpapahalaga ang mga Nanay na buong tapang at buong giting na ginagampanan ang kanilang mga tungkulin sa loob ng kanilang mga tahanan..

Kwentuhang KaNanay👩‍🦰👩‍🦰

Napakahiwaga talaga ng paglalakbay habang lumalaki ang tao sa mundo.

Inihahanda tayo nito para sa isang mahirap ngunit napakagandang paglalakbay bilang isang Ina.

Tayo ay lumalaki at nagbabago..

Minsan ay hindi tayo komportable sa lahat ng paraan na ginagawa o nanggayari sa atin ng pagiging isang Ina

Nagsisimula tayong magsakripisyo habang ang ating mga katawan ay nagbabago at nagiging tirahan ng isang nilalang sa loob ng ilang panahon kung saan may pakiramdam na hindi mapagkatulog at may mga umaga na merong mga pagkahilo at pagsusuka o yung tinatawag na morning sickness,masakit na mga kasu kasuan at buto at lahat tinitiis para sa kanila..

Nag-aalala kami the moment na malaman namin na nandyan sila sa loob nang aming katawan,nagdarasal kami na marinig ang tibok ng kanyang puso para makampante kami at malaman na okay ang lahat sa kanya.

May mga gabing kami ay nananatiling gising at nakatitig lang sa dingding at tinatanong ang aming mga sarili kung paano ba ako magiging isang mabuting magulang kung paano magiging sapat ang aking kakayahan upang dalhin at palakihin sya..

Napagtanto namin kung gaano kami kalakas pagkatapos naming manganak.

Pagod
Basang basa sa pawis
At nagpapasalamat sa Diyos na malusog ang aming sanggol

Ang taong ako Noon ay hindi na ang taong nakikita ko ngayon matapos na ako ay manganak ,ibang iba na ang aking mukha,may mga stretch marks at mas mahina ako ngayon.

Dahil napakaraming sandali ng lakas,inspirasyon at labis na pagmamahal at iyon ang mga nagbabago sa atin bilang mga Nanay

At habang hawak namin ang aming mga sanggol sa aming mga bisig,pakiramdam ko may dumating na anghel na nagbigay ng isang laksang liwanag sa aking buhay.

Sa wakas ay alam namin na totoo ang isang himala o magic at patunay nito ang nakikita namin sa aming harapan..

Ang isang sanggol..

Kwentuhang KaNanay muna tayo👩‍🦰🥰

Lahat tayo ay nakararanas ng kalungkutan,at iba-iba ang level at uri nito.

Maaring isa kang magulang na naghihintay ng tawag mula sa iyong mga anak na nasa malayong lugar ngunit nalulungkot ka dahil sa twing tutunog ang iyong telepono ay hindi naman ito galing sa anak mo

Oh di naman kaya ikaw ay aalis at mangingibang bansa at ang isipin na iiwanan mo ng matagal n panahon ang iyong mga mahal sa buhay ay tunay n nagdudulot sayo ng kalungkutan.

Alam nating lahat ang karanasan ng kalungkutan.
Lahat tayo ay dumadaan sa kalungkutan. Ang kalungkutan ay hindi isang patay na dulo ng daan na dapat iwasan.

Ang kalungkutan ay isang DAAN na dapat tahakin ng lahat,dahil sa dulo ng kalsadang tinatawag na kalungkutan,ay merong bagong buhay na makakamtan at matatagpuan

At tanging mga taong handng harapin ang mga problema at sakit ng kalungkutan ang makakatuklas ng kagandahan at kapangyarihan ng buhay na ito.

Maging si Kristo man ay dumanas din ng kalungkutan nung syay naging tao katulad natin

At ang puso ni Kristo ay nag iisa rin.

Ngunit ang pusong iyon ay hindi nakatakas o tumakas Sa kalungkutan Ang pusong iyon Ay humarap sa kalungkutan ng may Malaking tapang, At ng dahil doon,IKAW AT AKO ngayon ay may buhay.

Kaya maging matapang din tayong harapin at labanan ang ating mga kalungkutan..

Buhay may asawa..👩‍❤️‍💋‍👨

Palagi nating tatandaan na
na sa relasyon ng mag asawa
Sa pasimula ay puno pa yan ng masasayang momento,masasayang mga kaganapan,punong puno ng kilig at kaligayahan.

Ngunit dapat alam din natin na hindi ito maglalaon sa ganitong sitwasyon sapagkat hindi magtatagal darating ang panahon na haharap kayo sa mga pagsubok,darating ang ibat-ibang uri ng mga suliranin.

Kaya nga nung bago tayo ikasal sa ating mga asawa ay dumaan tayo sa tinatawag na marriage councelling kung saan lahat ng mga bagay na dadanasin ng mag asawa sa kanilang buhay ay tatalakayin upang maging aware,maging handa at maging bukas ang kaisipan ng bawat isa sa pagtanggap sa mga bagay na kanilang daranasin at haharapin sa mga darating na araw

Kaya nga lagi tayong maging handa sa katotohanan na ang bawat isang personalidad ng mag asawa ay magkaiba at sana ay lagi tayong maging handa at bukas ang ating mga puso sa pagtanggap sa kapintasan at kahinaan ng bawat isa..

Kailanman ay walang mag asawang nagkaroon ng perpektong pagsasama,lahat tayo ay daranas ng mga pagsubok kaya napakahalaga na hindi lang dapat

MAHAL MO ANG ASAWA MO..

Kundi dapat

MAHAL MO AT TANGGAP MO ANG ASAWA MO
kasama ang kanyang buong pagkatao,kasama ang kanyag kapintasan,kasama ang kanyang kahinaan. At nakahanda kang samahan sya sa paglutas at pagharap sa buhay ng magiging pamilya ninyo.
At ang pinakamahalaga sa lahat na dapat ay alam at taglay ng mag asawa na gawing SENTRO ng kanilang pagsasama ang Pangioon, sapagkat ang pag aasawa ay isang sagradong bagay na pinahintulutan ng Panginoon at pinapatnubayan sila patungo sa isang masaya at mapayapang pagsasama..

ISA KANG MABUTING INA👩‍🦰😇

Sa lipunang ating ginagalawan,Anuman ang gawin ng isang Ina lumalabas na lagi padin silang may mali at nahuhusgahan at ito ay nagdadala ng samut saring pagkabagabag sa kanilang puso.

Kapag tayo ay laging naka antabay sa lahat ng ginagawa ng anak yung tipong sinisigurado mo lang kung okay ba ang anak mo sasabihan ka nilang isa kang over acting o helicopter na ina.

Yung gusto mo lang namang hayaan sila na tumakbo takbo sa paligid habang ikay nakaupo at nakikipag kwentuhan sa isang kaibigan,tawag kagad sayo isang pabayang Ina.

Yung gusto mo lang namang mag bottle feeding o magpasuso ng milk formula dahil kulang ang gatas mo sa iyong suso sasabihin naman nilang isa kang maarteng Ina o di kaya naman ay huhusgahan ka nilang bigo kang ibigay ang pinaka best na gatas na kailangan ng iyong anak..

Kapag naman nasa bahay ka at nagdecide kang maging isang fulltime mom dapat ay nagta trabaho kapa din para makapagbigay sa pangangailangan ng pamilya

Kung hindi ka pa pumayat pagkatapos ng ilang buwan mong panganganak ay sasabihan ka naman nilang pinababayaan mo na ang iyong sarili. O di kaya naman yung nagdecide kang magbawas ng timbang ay huhusgahan kapa din nila na "WOW MAY TIME PA SYANG MAG GYM HA" at pabayaan ang anak para magpaganda ng katawan..

Sa isang lipunan na alam ang "Lahat" at laging naglalaan ng napakataas na expectations sa isang Ina, Kung palagi nating pakikinggan at iisipin ang sinasabi ng iba,lagi talaga tayong makakaramdam ng pagkukulang.

KAYA NGA, SA MGA KAPWA KO INA.

WAG natin silang pansinin at ITIGIL na natin ang pakikinig sa sinasabi nila. Itigil na natin ang pakiramdam na lagi tayong may kulang may kalayaan tayong pumili at magdesisyon.

Iwaksi na natin sa ating mga isipan ang pangkalahatang iisipin at inaasahan sa atin ng mga tao,
Sa halip gawin natin kung ano ang pinakamaganda at pinaka mainam para sa ating pamilya..

Kaya nga tinawag na IYONG PAMILYA para sa isang dahilan

At higit sa lahat kung mahal mo ang iyong mga anak,at susubukan mo gawin ang lahat para sa ikabubuti nila..

ISA KANG MABUTING INA..👩‍🦰

Ang paborito kong bahagi ng aking buhay ay ang makasama ko ang aking mga anak.

Sa kanilang pagtawa,
At tumatawa kasama sila

Kapag Nakikipag-usap sa kanila,
At kinakausap nila ako,

Natututo ng higit pa tungkol sa kung sino sila.

At pag alam sa kanilang mga hilig at interes

Interesado ako palagi sa mga sasabihin nila

Dahil ito ay mahalaga sa kanila
At mahalaga sila sa akin

Marami akong oras na makinig,nakahanda ako palagi sa pakikinig
Dahil dito nagiging matatag ang ating mga koneksiyon at tiwala s pagitan nating mag ina

At meron palaging kasunod na mga kasiyahan

May sayawan

Yakap at halik
Kiliti

Away

Pagpapalitan ng "I love you"

At habang lumalaki sila lumalaki at lumalago din ang bonding at samahan..

Ang paborito kong bagay ay ang makasama ang aking mga anak,at ito ay palaging magiging habang akoy nabubuhay..🥰🥰

Hindi ko alam kung ano ang Pag-ibig hanggang sa dumating ka sa buhay ko.

Ito ay isang uri ng pag ibig kung saan ako ay nabubuhay para tulungan ka,upang maging mas mahusay at mas malakas.

Nabubuhay ako para mahalin ka, para siguraduhing okay ka at bigyan ka ng seguridad.

Ito ay isang uri n Pag ibig kung saan ako nabubuhay para pasayahin ka,upang mapangiti ka at hayaang ilabas ang iyong mga halakhak na nagpapatunaw sa aking puso.

ITO AY ISANG PAG-IBIG NA HINDI NATITINAG.

It changed me into a different person,one who im proud of dahil pinalaki kita.
At hindi ko kailangang pahalagahan ang bawat sandali ng pagiging isang ina dahil mahal kita..

Ikaw ang ilaw sa madilim na lugar ng pagiging ina

Ang mga araw na puno ng pag iyak,pagapalit ng lampin at pagkahapo ay sulit na sulit para sa iyong maliliit na ngiti at kung paano mo ako niyayakap ng malapitan sayong dibdib.

Ang mga araw na isang libo ang katumbas na haba at makasama ka sa buong araw na alam kon malapit na itong matapos ay sulit dahil kasama kita
Kahit kailangan kitang kaladkarin palabas ng mall o isang grocery store na sumisipa at umiiyak at sumisigaw na minsan ay lumilikha ng malaking eksena sulit ito dahil hindi kita hinahayanan kaya mas napaganda at mas napabuti ka pa.

At hindi ko ito gagawin sa sinuman maliban sa iyo anak.

At hindi ko alam na kaya kong magmahal ng sobra at walang dahilan at ikaw yun anak..
Ang aking baby..

I've just reached 1.5K followers! Thank you for continuing support. I could never have made it without each one of you. salamat po sa inyong lahat🙏🤗🎉

Para sa ating mga minamahal na Anak,

Alam namin na darating ang araw kapag kayoy nasa tamang edad na ay tsaka nyo pa lang mapagtatanto na ang layunin nming mga magulang ay hindi upang kontrolin o pakialaman ang inyong mga buhay.
Ito ay upang protektahan kayo,kami ay hindi kailanman laban sa inyo. kami ay palaging kasama ninyo buong tatag na haharapin at hinaharap namin ang bawat unos dahil alam namin na umaasa kayo sa amin.

Kahit hindi pa ninyo
namamalayan,lagi lang kaming nasa inyong likuran at nakahanda kaming mahalin kung ano ka at kung ano meron sa inyo,kayo ang aming mundo at lagi nyong tatandaan na kami ang inyong tunay na mga kaibigan..

Anak, Alam ko at nararamdaman ko na sa mga darating na panahon ay hindi na kita makakayang kargahin at buhatin sa aking mga bisig.
malamang sasakit ang likod at braso ko kapag binuhat kita habang nakalawit ang mga binti mo sa tuhod ko.
at sa susunod na mga araw ikaw ay mas magiging mabigat,mas magiging malaki at mas matangkad pa sa akin.
At nararamdaman ko din na darating na ang araw kung saan maglalakad ka ng malayo sa akin kasi nahihiya k na sa mga kaibigan mo na kasa kasama mo pa ako.

Ngunit nais kong malaman mo ang katotohanang ito,
Dadalhin kita ng mas mahaba pa sa Siyam na buwan nung ikay aking pinagbuntis.
dahil lumipas man ang mga araw na hawak hawak at karga karga kita,dadalhin kita ng habang buhay sa aking puso.

Dahil lagi aking nakahanda na yakapin ka,nakahanda akong aliwin ka at samahan sa oras na nalulungkot ka at punasan ang luha sa iyong mga mata.

Laging nakaabang ang walang maliw kong pagmamahal sayo sa mga oras na pakiramdm mong nag-iisa ka sa mundo.
At nakahanda akong makinig s mg kwento mo at magbigay ng pananaw ayon sa aking mga karanasan.

lagi kong ikasasaya ang mga sandali na kailangan mo ako..

At magbabago ang iyong mga pangangailangan,ngunit patuloy kitang dadalhin at kakalungin sa ibang paraan,yung hindi gaanong pisikal.

Dahil bilang iyong Ina,palagi kitang sasamahan at bubuhatin hanggang sa wakas ng aking buhay..