City Budget Department

𝐇𝐄𝐀𝐋𝐓𝐇 𝐄𝐌𝐄𝐑𝐆𝐄𝐍𝐂𝐘 𝐀𝐋𝐋𝐎𝐖𝐀𝐍𝐂𝐄 (𝐇𝐄𝐀) 𝐔𝐏𝐃𝐀𝐓𝐄

Ukol sa Health Emergency Allowance (HEA) na patuloy na idinudulog ng maraming sektor, tiniyak ni DOH Secretary Ted Herbosa na ang budget para dito ay natanggap na ng kanilang ahensya mula sa Department of Budget and Management o DBM at siya ay nangakong ang lahat ng pondo ay mailalabas ngayong Oktubre 2024. Dagdag pa ni DOH Undersecretary Achilles Bravo, ang Notice of Cash Allocation (NCA) ay natanggap ng kanilang ahensya na nagkakahalagang P10.1 billion noong Hulyo 15, 2024, P9.8 billion noong Agosto at P 4.06 billion nitong Setyembre. Samantala, mayroon pang hinihintay na P2.9 billion para sa kabuuan ngayong Oktubre. Samakatuwid mabubuo pa lamang ang pondong kakailanganin para sa lahat sa susunod na buwan. https://uniglobalunion.org/news/bhws-return-to-senate-philippines/

Paglilinaw, ang inaasahang pondo (HEA) na nakalaan para sa Malabon ay hindi pa naipapadala ng DOH sa atin. Kasalukuyan pa itong pinoproseso. Ang mga huling requirements (konting pagbabago sa Attestation Letter) ay naisumite na noong September 13, 2024. Umaasa tayo na sa lalong madaling panahon ay mai-release na sa Malabon ang angkop na pondo upang ito ay agaran namang maipamahagi sa mga kawaning nagsipag-ganap noong panahon ng pandemya.

Hangad naming ang inyong patuloy na pang unawa. Makaka asa kayo na ang pamunuan ng Lungsod ay nakatutok sa bawat kaganapan ukol sa nasabing benepisyo.

Manatiling naka antabay sa ating page para sa iba pang updates.

ANUNSYO | Alinsunod sa Memorandum Circular No. 64 ng Malacañang, hanggang 3pm lamang ang pasok sa mga tanggapan ng lokal na pamahalaan sa Lunes, Setyembre 23, 2024 upang bigyan ng pagkakataon ang mga kawani ng lungsod na magkaroon ng sapat na oras para makapiling at makasalo sa hapag-kainan ang kanilang mga pamilya.

Mananatili namang operational ang mga opisinang kabilang sa emergency and disaster response at health services.

Sa pangunguna ng ating Malabon Public Employment Service Office (PESO), matagumpay na umarangkada ngayong araw ang In-House Job Interview. Ito ay isa sa ating mga inisyatiba upang mabigyan ng oportunidad ang ating mga kababayan na makahanap ng trabaho nang hindi na kailangan pang lumayo.

Salamat sa mga kumpanya at organisasyon na nakilahok at sumuporta sa ating adbokasiya para sa mas maunlad at progresibong komunidad. Sama-sama nating itaguyod ang pagkakaroon ng mas maraming oportunidad para sa lahat. 💙

High Tide Alert | Aabot sa 1.8 metro ang high tide ngayong Miyerkules, Setyembre 18, 2024, sa ika-10:55 ng umaga. Pinapaalalahanan ang lahat na maging handa at alerto sa pagtaas ng tubig sa inyong lugar.